رواية نبض قلبي الفصل الثالث عشر 13 - بقلم هيام ختعن

 

رواية نبض قلبي الفصل الثالث عشر 13 -  بقلم هيام ختعن

عمر. يلا بقي عشان العشا عندي

سليم. معلش ي عمو انا لسه عندي مفجاه تانيه خاصه بيا وبيها

مي. بفضول اي هي

سليم بس انتي وبص لعمر مش هنتاخر

عمر. شايف فرحه في عين مي عمره ماشافها قبل كده فوافق انها تفضل مع سلسم

واخد سليم مي وراح اليخت اللي كان حاجزه عشان عيد ميلاده وكان اليحت متزين بالبلالين واغمض سليم لمي عينيها وكان عامل لها جاتوهايه عليها صورتها ومكتوب عليها كل سنه وانتي معايا ديما واول ما شال سليم ايديه من ع عين مي كانت متفجاه جدا ومره واجده كانت اصوات الالعاب الناريه تملئ المكان

مي كانت بتضحك ومبسوطه جدا مي. سليم قولي ان اللي انا في دا حقيقه مش حلم

سليم قرب منها وحضنها من ضهرها

سليم. حقيقه

مي كانت متونره جدا من قرب سليم بس كانت مبسوطه

سليم غمضي عنيكي وقوليلي سامعه اي

غمضت مي عنيها سامعه صوت امواج البحر

قرب من ودنها وبصوت خافق وكده

مي كانت سرحانه كده سامعه صوت نفسك

سليم بصوت خافق كل نفس طالع مني بيقولك بحبك وبوعدك اني هخلي حياتك كلها فرح ومفجات وسعاده و..

مي قاطعته في الكلام هو الجو برد صح انا بردانه

سليم بعد عنها وضحك والله انتي مشكله ع طول كده فصلاني

وقلع سليم البليزر بتاعه وحطه ع كتف مي

سليم وهو بيحط البليزر ع كتف مي حلو كده

مي. بابتسامه ايوه بس انت كده هتبرد

سليم فداكي ي قلبي اي حاجه

وراح سليم جاب جيتار وكانت مي مرقباه من بعيد بتفكر معقول بيعرف يعزف واول ما اقترب سليم سالته

مي. هو انت بتعرف تعزف

سليم. ومو بيقعد وماسك الجيتار ايوه وبغني كمان

مي بصت له بكل حب كل مره بكتشف فيك حاجه

سليم لسه هيبدا يعزف ولسه في حاجات تانيه هتعرفيها مع الوقت

وبدا سليم يغني اغنيه حماقي ايدي في ايدك وعشان خاطر عنيك هعمل المستحيل بوعدك وكانت مي بتسمع بكل اذان صاغيه وكانت مبسوطه وبتفكر معقول اللي انا في دا حقيقه معقول ربنا عوضني بيه بعد كل حاجه حصلتلي دا احلي عوض ي رب ديمه في حياتي واجعل حياتي حلوه بيه بشكرك ي رب ع اللي انا فيه واول ماخلص سليم الاغنيه. وقف وبصوت عالي

سليم بحبك ي مي انتي احلي حاجه في حياتي

مي بتضحك بس بطل جنان

قرب منها وحضنها وشالها انتي اللي خلتيني مجنون وعايش وخليتي حياتي ليها معني

مي. بصت ليه عارف انا خايفه من كتر ماانا مبسوطه وكانت عيونها هتخونها

بس سليم مسك وجهها بين ايديه

سليم اوعي تنزل دمعه من عينك من النهارده مافيش دموع ولا زعل تاني

مي عارف لما مات انا ماعرفتش احزن عليه عشان هو محسسنيش يعني اي اب ويعني اي حنيه بس ربنا كان معوضني بخالو كان ليه اب وام وكل حاجه لحد ما ربنا عوضني بيك وبدعي ربنا ان يديمك في حياتي

سليم ويديمك انتي كمان في حياتي وبطلي نكد بقي ي مي

وطلع سليم علبه فيها سلسله دهب مكتوب عليها اسمها

مي. الله حلوه اووي

سليم وهو ماسك السلسله لفي عشان البسهالك

ولفت مي ومسكت شعرها ولبسها سليم السلسله وحضنها من ضهرها وقبلها من رقبتها وبهمس جنب ودنها

سليم بحبك

وطبعا كالعاده

مي فصلته انا جعانه اووي

سليم بعد عنها ومسك لها الكرسي

سليم وهو ماسك الكرسي اتفضلي ي اميرتي

مي. ابتسمت له شكرا

وقعد سليم ع الكرسي المقابل لها وبدؤا في تناول الطعام وعدي اليوم باحداثه الجميله

وكانت مي عايزه اليوم يقف ع اللحظات دي بس الوقت بيجري ومابيوقفش ومر حوالي اسبوع بعد الخطوبه والوضع كما هو عليه مع تغير ان سليم طلب من مي انها ماتشتغلش في الجيم تاني وطبعا هي وافقت

نور كانت ماسكه هاتفها وفجاه رن قامت مره وحده ونطت وكانت فرحان

نور داده زينب داده زينب

كانت مي مرقباها وكانت متفجاه من فرحتها وكانت بتفكره مين دي اللي خلت نور فرحانه كده

نور. الوو

زينب الوو

نور وحشتيني ي داده

زينب انتي كمان ي حبيبتي عامله اي ويوسف عامل اي

نور. احنا كويسين انتي هامله اي وهتيجي امتا

زينب. انا بخير طول ماانتم بخير انا هاجي بكره ان شاء الله

نور طيب ي داده هخلي عم ياسر يجي ياخدك من الموقف

زينب طيب ي حبيبتي

وانهت نور المكالمه مع زينب وكانت فرحانه جدا وسالتها مي

مي مين دي ي نور

نور دي الداده بتاعتتنا احنا بنحبها اووي

ومره وحده كشرت وشها

مي مالك في اي

نور. احنا كده هنروح بكره انتي هتيجي معانا

مي لا انتوا هتفضلوا هنا

نور طيب وداده زينب

مي تيجي تعيش معانا هنا انا ماعنديش مشكله

نور طيب وعمو عمر

مي باستغراب ماله

نور ماهو ممكن يضايق

مي. لا ي حبيبتي مش هيضايق هو بيحبكم اووي

نور بس في مشكله

مي في اي تاني

نور الدراسه خلاص هتبدا والمدرسين

مي عادي ي نور يجيوا هنا

نور بحزن بابي هو اللي كان بيكلمهم وبيتابع معاهم وبدات دموعها تنزل

قربت مي منها وحضنتها وبتمسح دموعها

مي بتمسح دموعها بلاش عياط قولي الله يرحمه وانا هكلم المدرسين واتابع معاهم

نور. بس انتي هتتجوزي وهتسبينينا وهتعيشي مغ سليم

مي انا هكلم سليم واقوله انكم هنعيشوا معانا وهو اكيد مش هيمانع

نور رجعت ابتسامتها الجميله ع وجهها وحضنت مي اكتر انتي احلي اخت في الدنيا

وبدلتها مي نفس الحضن ونفس الشعور وانتي كمان احلي اخت في الدنيا

وفي الوقت دا طلع يوسف من الاوضه

يوسف اومال انا اي بقي

مي بصت ليه بابتسامه وقالتله تعالي وحضنته

مي وهي حضناهم هما الاتنين انتوا احلي اخوات في الدنيا

وفي الوقت دا رن هاتف مي وكان سليم مسكت مي الهاتف

مي انا هروح ارد ع سليم

وبالفعل دخلت اوضتها ونامت ع سريرها وردت عليه بصوت كله حب واشتياق

مي. الوو

سليم الوو اي اللي اخرك في ابرد كده قلقت عليكي

مي. لا ي روحي مانقلقش انا كويسه

سليم بيقلد مي بصوت ناعم قولي تاني كده ي روحي

مي. بتضحك ي روحي

سليم لا لا مش كده انا عايزها بالصوت الحنين اللي كان في اول ما رديتي

مي بكل مياصه ي روحي عجبك كده

سليم الله و بيضحك عجبني اووي انتي كلك عجباني

مي مم بدانا نعاكس بقي

سليم براحتي كنتي بتعملي اي

مي كنت قاعده مع نور ويوسف بنتكلم

سليم خير في حاجه

مي الداده بتاعتهم جايه بكره فهخليها تيجي هنا وتقعد معانا

سليم طيب كويس

مي بقولك

سليم قولي

مي انت عندك مانع ان نور ويوسف يعيشوا معانا بعد مانتجوز

سليم لا ماعنديش مانع اصلا انا كنت لسه هقولك ان بابا اشتري فيلا عشان نعيش كلنا مع بعض

مي طيب كويس جدا طمنتني انا كنت قلقانه ان يكون عندك مانع وانا وعداهم انهم هيعشوا معايا

سليم اطمني ي روحي

مي انت فين كده

سليم بيرخم ع مي قاعد في كافيه مستني واحده صحبيتي

مي. بتجز ع سنانها نعم مستني مين

سليم بيضحك اهدي ي منار في اي بهزر

مي. ايوه كده اتعدل قال واحده صحبته قال

سليم. هتعملي اي يعني لو واحده صحبتي

مي. كنت قتلتك ي سليم

سليم اهون عليكي

مي ما انا هكون هونت عليك

سليم بكل حب عمرك ماتهوني عليا انتي روحي ي مي

مي ايوه بقي طلع الروح الرومانسيه اللي جواك

سليم بيضحك انتي ع طول فصلاني كده

مي. بس انت برضو ماقولتليش انت فين

سليم انتي ما بتنسيش ابدا

مي لا وانجز

سليم خلاص ماتزوقيش كده هقولك انا مستني واحد هتفق معاه ع شعل هو وخطيبته

مي مم هتاخدني معاك

سليم هاخدك معايا فين

مي في الشغل دا

سليم لا طبعا هو انا رايح ملاهي دا شغل

مي طيب خلاص هشوفك امتي عشان وحشتني

سليم بكره هاجي اخدك ونفطر مع بعض

مي. ماشي عارف

سليم اي

مي. انا هفضل اعد الساعات لحد ما اشوفك

سليم بكل حب للدرجه دي وحشك

مي جدا

سليم طيب هكلمك تاني الناس جم

مي اي الفصلان دا

سليم بيضحك مره من نفسي يلا باي

وانهت مي المكالمه وفضلت ماسكه الهاتف ومبتسمه وبصه للسقف وكانت سرحانه ودخلت مريم ونور وهي ما حستش بيهم وناموا جنبها في السرير وفي الوقت دا حست بوجودهم

مي. بخضه انتوا جيتم امتي

مريم من بدري

نور انتي كنتي بصه للسقف ليه

مريم بتريقه كانت بتعد النجوم

نور بتضحك في السقف

مريم. بتريقه ايوه ماهي هتعدهم في اي مكان ماعقلها راح منها خلاص

مي. اي الرحامه دي

مريم. احكيلنا بقي

مي احكي لكم اي

مريم. كنتوا بتتكلموا في اي

مي والله انتي رحمه اووي انتي مالك

نور. احكي احكي

مي. بصت لنور انتي بالذات مالكيش دعوه انتي لسه صغيره

نور بصت لمريم وبتضحك دي غلبانه خالص انا نورين صحبيتي مصاحبه وبتحكيلي كل حاجه بتحصل مهاها هي وحبيبها

وهنا قامت مي واتعدلت وبصت لنور

مي بتحكي. ليك اي

يتبع..

• يتبع الفصل التالي اضغط على ( رواية نبض قلبي ) اسم الرواية