رواية نبض قلبي الفصل الثاني عشر 12 - بقلم هيام ختعن
عز. اول ما شافها اي الحلاوه دي ي بت ي نوسه
نوسه. بتخمس في وشه جول مشاء الله وتبارك الله ي عز بيه كويس اني لابسه ازرج عشان يحميني من الحسد
عز. ماهما نضفتي هتفضلي بقره برضو
نوسه. شكرا ي محترم
في بيت عمر
نور يلا ي عمو هنتاخر
عمر. انا جاهز يلا فين يوسف
يوسف خرج من الاوضه وانا كمان جاهز
نور. بفرحه انا عايزه اعرف رد فعل مي اي لما سليم يتقدم لها
عمر. بابتسامه يلا بينا عشان منتاخرش
وبالفعل الكل راح الاوتيل اللي سليم حجزه وبعت اللوكيشن للكل وكانوا فرحانين جدا ليهم ومنتظرين رد فعل مي
وصل سليم ومي الاوتيل وكان ماسك ايديها ودخل وكان النور مطفي
مي. اي ي بني انت جايبنا مكان غلط ولا اي
سليم. مسكها من ايديها لا تعالي بس
مي. بتسحب سليم للخلف استني بس انا بخاف من الاماكن المظلمه
سليم. سحبها ليه بكل حب طولوماانتي معايا انا مش عايزك تخافي من حاجه ابدا
واول ما دخلو القاعه ساب سليم ايد مي ونزل ع ركبه وطلع علبه فيها دبله واول ما النور واشتغل الكل فضل يصفق ومي كانت واقفه مزهوله من اللي بيحصل وكانت الفرحه مش سيعاها
سليم. تقبلي تكوني شريكه حياتي
مي. ابتسمت وكانت مكسوفه ووجهت نظرها لخالها وابتسم لها وهز راسه انها توافق ونظرت لسليم بكل حب. موافقه طبعا
قام سليم شالها ولف بيها وكان فرحان اووي ونزلها ومسك ايديها ولبسها الدبله واشتغلت اغنيه تامر عشور خليني في حضنك ي حبيبي وبدات تنطفئ الاضواء والكل يصفق لهم وتاه سليم في عنيها اللي سحرته من اول ما شافها وهي كانت مبسوطه ان اخيرا بدات الفرحه تدق بابها كانت حاسه انها في حلم جميل وكانت عايزه الوقت دا يقف وتفضل في حضنه ديما وفاقوا ع صوت الكل وهو بيقول شيلها شيلها وفعلا شالها ولف بيها وبدا يرقص معاها وتتمايل بين ايديه وكانت مريم صحبتها ترقص معاها وفرحانه من قلبها ليها صديقه عمرها بقت احلي عروسه واخدت اللي بتحبه وربنا عوضها خير وكان عز يرقص مع سليم ي اخيرا سليم بتاع البنات اللي عمري ما توقعت انه يستقر تيجي بنت وتخطف قلبه وتكون هي الحياه بالنسبه ليه فعلا الحب بيخلق من نظره وحده مش شرط نكون نعرف الشخص بالسنين
سليم. اي رائيك في المفجاه دي
مي. دي احل مفجاه في حياتي
سليم. مسك ايديها وقبلها بكل حب طول ماانا عايش بوعدك اني اخليكي اسعد واحده في الدنيا
مي. بابتسامه ربنا يخليك ليا وتبقي مغايا وجنبي ديما
وبدا الجميع يبارك لهم ويتصور معاهم وجات نور اللي كانت فرحانه من قلبها بجد ليهم وكانت لابسه فستان بيج قصير اللي بين جمالها وكانت مسيبه شعرها الاشقر وكانت حاطه لمسات بسيطه من الميكب اللي بين لون عنيها الازرق وكان معاها يوسف اللي يشبها في الملامح هما الاتنين توم ويبلغوا من العمر 16 سنه
نور. مبروك ي مي بجد انا فرحانه اووي
مي. حضنتها الله يبارك فيكي ي روحي وانا كمان مبسوطه انكم معايا
يوسف. مبروك ي مي
مي الله يبارك فيك ي جو
يوسف. بص لسليم خلي بالك منها اوعي تفكر تزعلها وراها رجاله انا صغير بس اعرف احمي احواتي البنات كويس
سليم. ماشي ي بطل هخلي بالي منها
عند عز
كان واقف مع احمد وعنيه مانزلتش من ع مريم اللي كانت لابسه فستان رقيق جدا وكانت قمر اووي
عز. بيبص ع مريم. بقولك ي ابو حميد انا رايح اقلب رزقي هناك و الله يخليك عنيك ماتنزلش من ع نوسه الا دي ممكن تعمل مصيبه وصحبك موصيني
احمد. ماشي هخلي بالي
واتجه عز وراح عند مريم
عز. بنظرات كله حب وشوق ليها وبصوت حنين عامله اي
مريم. بابتسامه رقيقه الحمد لله انت اي اخبارك
عز. انا بخير طول ماانتي بخير
مريم. كانت مكسوفه جدا وبدات تلاحظ نظرات عز ليها وبدا قلبها يدق جامد وبدات تتوتر وبصت اتجاه مي وسليم مشاء الله عليهم حلوين
عز. وجه نظره لسليم ومي ايوه ربنا يسعدهم ورجع بص ليها عقبالك
مريم. بابتسامه ربنا يخليك
عز. احمم احمم ممكن اسالك سؤال شخصي
مريم. اسال
عز. هو في حد في حياتك
مريم. كانت متفجاه من السوال بس جاوبت لا
عز. بفرحه طيب كويس اوي
مريم. نعم مالك فرحان لي كده
عز. هه لا عادي يعني انا بسال بس
مريم طيب تمام عن اذنك
وجات تمشي بس عز مسك ايديها ووقفها ولما التفتت ليه اتقابلت عيونهم في نظره طويل وانتبه عز انه ما زال ماسك ايديها فتركها
عز بتوتر واضح عليه خليكي واقفه معايا شويه
مريم بنفس التوتر طيب
عز. هو انا ينفع اشوفك تاني وكده
مريم. مش عارفه
عز. طلع هاتفه ومد ايديه لمريم بيه اكتبي رقمك
مريم. بصت لعز ووجهت نظرها للهاتف وكانت متردده جدا تاخد الهاتف تديلوا الرقم ولا ترفض بس قلبها كان لاغي تفكرها ومسكت الهاتف وكتبت الرقم
عز. بابتسامه هكلمك ونرتب يوم
مريم. ماشي
عز انا لو عليا مش عايز اسيبك وامشي بس سليم اخويا موصيني ع نوسه عشان دي ماعرفش بتجيب المصايب منين
مريم. بتضحك ايوه عارفه دي شكلها مشكله
عز. لا دي مجوعه مشاكل
وبالفعل سابها عز وراح لاحمد وكانت عنيه بتلف في القاعه كلها ع نوسه بس مالهاش اي اثر
نوسه كانت ماسكه الميك بص انا عايزه البتاع دا عشان اجول في الجصيده اللي محضرها للغالي ابن الغالين سليم ببيه وعروسته
الراجل. بيسحب منها الميك لا والله ي فندم مش هينفع
نوسه. سحبت الميك وبرقت بعنيها بنظرات مرعبه انا هاخد البتاع دا وهجف ورا الستاره دي وهجول الجصيده ولو جاه عز بيه يسال عليا هتجوله ماشوفتها ولو مش موافج عادي بسيطه هجول انك بتتحرش بيه وكنت عايز توبسني. وبيني وبينك كده انا بتسلج حد يعمل كده ويبوسني
الراجل لا خلاص وع اي ماشي
نوسه. اول مااستخبي تجفل الاغاني واول ما اجولك انزل ي مدلع تشعل اغنيه ي نجف بنور ي سيدي العرسان سامع
الراجل حاضر
وفعلا اخدت الميك وراحت وقفت ورا الستاره
عز. مش قولتلك خلي بالك منها زمانها بترتب لمصيبه
احمد انا يدوب بس سلمت ع واحد صحبي
عز. ي خيبتك السوده ي عز و يفضحتك النهارده ي سليم ي ابن نهال
ومره واحده فصلت الاغاني وبدا يطلع صوت نوسه
نوسه. انا نوسه نانوسه وجيت ابارك لسليم بيه الغالي ابن الغالين واجولوا الجصيده اللي كاتباه لليوم دا سليم بيه بجي عريس بعد ماكان مع البنات بيهيص وقرر يستقر ويعيش معلش بجي ي سليم بيه الجصيده صغيره بس انت فجاتني هعوضهالك في الفرح بس مانسيتش عروستك برضو مي ي بت البيه خدتي سليم بيه ي ريت تحفظي عليه واوعي تزعلي وبالنسبه للساده المعازيم اكلتوا جاتو وشربتوا كاكوله والراجل مقصرش معاكم عملكم شندوشتات كوفنه فلازم تحيوا وتنجتوا انا طالعه ارجص والم النجته وضحكت ضحكه بصوت عالي وانزل ي مدلع.
وفتحت السناره وكانت بترقص وعز اول ماشافها طلع يجري عليها وجاه يسحبها من ايديها
نوسه سيبني ارجص وافرح ي عز بيه
عز. دا سليم هينفخني دي عنيه بتطلع نار امشي قدامي
نويه سيبني المله النجته يجيب حج الفرح الكبير دا
عز. هو حد طلب منك حاجه الله يخربيتك فضحتينا
واخدها وراح عند بتاع الديجي
عز. اي التسيب دا ازاي تديها الميك
الراجل بص لنوسه اللي كانت بتبرق له بعنيها ورجع وجه نظره لعز. ماهي قالتلي…
نوسه.قاطعته في الكلام جوله وانا هجوله ع اللي انت عملته
الراجل بخوف والله ماعملت حاجه
عز. طيب خلاص ماشي
واخد نوسه وطلع بره القاعه وفي الوقت دا كان واقف سالم وعمر
عمر. عقبال الزفاف
سالم ايوه ي رب ان شاء الله اول ما الفيلا تخلص هنجدد معاد الفرح
عمر. انت جيبت لهم فيلا هما لسه في بدايه حياتهم ي سالم
سالم بتوضيح انا جيبتها ليه ولولادي وهاخد نور ويوسف كمان
عمر مم طيب ع خيره الله
سالم طيب انا هروح اشوف الناس واجي
عمر اتفضل
وكان عمر واقف وجات عنيه في عين واحده بس هو كان عارف العيون دي بس الملامح متغيره من كتر عمليات التجميل بس النظرات زي ماهي لحد ما اقتربت منه
شهد. بلهفه ازيك ي عمر
عمر كان واقف وبيقول هي لا مش هي لحد ما قطعت تفكيره
شهد. انا شهد اختك انت مش عارفيني
عمر. لا ماعرفتكيش شكل متغير انتي اي اللي جابك
شهد. انا نازله اجازه فقاعده في الاوتيل دا انت عندك فرح ولا اي
عمر. اه فرح بينتي اللي ربتها وكبرتها وبقت عروسه مشاء الله والنهارده خطوبتها وعيد ميلادها لو لسه فكراه
شهد حست بوجع في قلبها وهي ندمت لما سابتها وخافت ترجع يرفضوها وخانتها دموعها انا عايزه اشوفها ي عمر
عمر. لا انتي عايزه تعكنيني عليها وضيعي فرحتها
شهد. هشوفها من بعيد ي عمر عشان خاطري
وفعلا شافتها من بعيد ومي كانت بتبص وبتبنسم للناس والتقت عنيها في عين شهد لنظره طويله وكانت مي تبتسم لها زي باقي المعا زيم وماكنتش تعرف انها امها لان علاقتها بيها كانت مجرد كام صوره في البوم الصور فالشكل متغير تماما عن الصور
ومشيت شهد وخلصت الخطوبه والكل كان مبسوط
عمر. يلا بقي عشان العشا عندي
سليم. معلش ي عمو انا لسه عندي مفجاه تانيه خاصه بيا وبيها
مي. بفضول اي هي
سليم بس انتي وبص لعمر مش هنتاخر
عمر. شايف فرحه في عين مي عمره ماشافها قبل كده فوافق انها تفضل مع سليم
يتبع..
- يتبع الفصل التالي اضغط على ( رواية نبض قلبي ) اسم الرواية