رواية نبض قلبي الفصل الحادي عشر 11 - بقلم هيام ختعن
مي. اي دا هلبس سواريه
سليم. ايوه
مي. دا ليه بقي
سليم في خطوبه صحبي ي مي يوم عيد ميلادك ارتاحتي كده
مي. مم طيب
واختار لها سليم فستان ع زوقه كانت طالعه فيه شبه الاميرات
مي. انا جعانه وكليني
سليم. ههه ماشي تعالي اوكلك وانتي قالبه ع نوسه كده
مي. لا نوسه دي مافيش منها اننين
سليم لو في نسخه تانيه الدنيا تخرب
وبالفعل اخدها سليم وراحوا مطعم واكلوا وقضوا اليوم كله شوبينج
في بيت سليم
كان عز قاعد في اوضته وماسك هاتفه دخلت عليه نوسه فجاه
نوسه فتحت الباب وبصوت عالي ي عز بيه
عز بخضه في اي ي نوسه
نوسه بتضحك جيت اوريك الفستان اللي هحضر بيه بكره خطوبه سليم بيه
الفستان كان لونه اخضر وكله ورد ورد
عز بص لها انتي جايه من انهي حقل
نوسه بتضحك حقل اي ي عز بيه دا احلي فستان عند البت فيفي واي رائك في شعري
عز. انا فكرتك ماسكه سلك عريان فكهربك فحصل فيكي كده فقولت بلاش تحرجها ي واد يعز
نوسه بتضحك لا دا انا عملاه كنيش
عز كنيش دا انتي كانك ضرباه في الخلات
وفي الوقت دا جاه سليم
نوسه. اي رائك في الفستان ي سليم بيه
سليم. بتحذير. اوعي تكوني جايه الخطوبه
نوسه ايوه جاي ماانا فرد من افراد الاسره ولا انت مستعر مني دا انا بجهز نفسي من الصبح
سليم بيحط ايديه ع وشه انتي عايزه تيجي بالمنظر دا خطوبتي
عز. ايوه
نوسه. مالكم جرفانين مني كده ليه دا انا اشرف اي مكان اروحه دا انا فينشتا
سليم. بيضحك انتي اي
نوسه فينيشتا ي سليم بيه بلبس ع الموضه ولا مش باين
سليم. دي موضه بقر مش بني ادمين
نوسه بحزن شكرا ي ابن الاصول ي ماصل ع كلامك وجرحك لجلبي الحنين اللي مافيش منه في الزمن دا
سليم. طيب خلاص ماتزعليش عز انت بكره تاخدها تجبلها فستان وتوديها لميكب ارتست واهم حاجه يعز تخليها تاخد شور وماتحطش الزفت اللي بتحطه دا
عز. دي عايزه شهور تستحمي عشان الريحه دي تروح منها
نوسه بتضحك بس ي عز بيه وراحت حضنت سليم. ربنا يسترك ستر النمله في جحرها والصورصار في بولعته
سليم. بيزقها عنه خلاص
ومر الليل ببطئ ع سليم المنتظر اليوم دا من اول يوم شافها في وهي للاسف ماكنتش تعرف اي حاجه خالص واتي النهار وبدا يوم جديد باحداث جديده
في الساعه السادسه صباحا فاقت نوسه
نوسه. عز بيه جوم يلا عشان نلحج اللي ورانا
عز بنومان في اي ي نوسه بتصحيني ليه
نوسه. عشان ننزل نجيب الحاجات اللي عايزنها
عز. مسك هاتفه بص ع الساعه لاقها الساعه 6 الصبح روحي نامي ي نوسه احنا لسه بدري
نوسه. لا احنا ي دوبج نلحج نجيب الفستان ونروح الكاوفير
عز. ي بنتي المحلات لسه قافله
نوسه نجعد ع الرصيف نستناها تفتح عشان نلحج قبل ماتنزحم
عز. متخافيش هنلحق
نوسه. والنبي ي عز بيه عايزه ادهن صوابعي بوهيا بدال اللي شيلتها
عز. بيسحب الغطا عشان يكمل نومه هندهن بوهيا ودوكو وكل اللي انتي عايزاه سبيني انام
نوسه. بتشد الغطا جوم ي عز بيه يدوبك الميك اب يلحج ينشف ع وشي
عز. انتي محسساني اني بودب شقه وموديكي عند نقاش
نوسه وابجي جيبلي شبشب كعب عالي
عز. دا انا اللي عايز شبشبين ع ويشي اني وفقت انزل اجيبلك حاجه
نوسه. وعايزه اجيب كالون عشان ادفي روكبي ولا اجولك ممكن البس كارسون يلم جسمي كده
عز. كارسون يلم جسمك انتي عايزه قطر يدوس عليكي ونخلص منك
نوسه. بتضحك اخص عليكي ي عز بيه تجدر تستغنا عني
عز. ايوه اقدر ارحمي امي ي نوسه وسبيني انام
نوسه. استني بس كنت عايزه اجيب فرادي غوايش كده يشخللوا في ايدي
عز. مسك الشبشب وبيضرب نفسه بيه انا اللي جبته لنفسي وراح حدفها بيه غوري بره وبتحذير اوعي تفكري تصحيني انا لما اقوم هتنيل اخدك وانزل
وخرجت نوسه وسابت عز ينام ومر الوقت
عند مي
مريم. كل سنه وانتي طيبه ي قلبي
مي وانتي طيبه ي مريومه
مريم بتغمز لها هتقضي عيد ميلادك السنه دي مع المز
مي بتضحك ايوه النهارده خطوبه واحد صحبه ومصمم ياخدني معاه
مريم. طيب روحي
مريم. كانت عارفه انها خطوبتهم وسليم ماكد عليها ماتتكلمش
ورن هاتف مي باسم سليم
مي دا سليم جاه ياخدني صمم اني اروح لميكب ارتست
مريم طيب يلا انزليلوا
وبالفعل نزلت مي لسليم
في احدي محلات السواريه كانت نوسه وعز بيجيبوا الفستان
نوسه اول ما دخلت المحل وشافت البنت اللي كانت هناك كانت لابسه تشيرت كت وبنطلون جينز
نوسه. يوه يوه يوه اي ده ناسيه كومامها في البيت
عز. سمعها وبصوت واطي مش عايز اسمع صوتك خالص وبص للبنت لو سمحتي عايز فستان مقاسها
البنت بصت لها من فوق لتحت طيب
نوسه. اي عجبتك مالك بتبصيلي كده ليه
البنت لا مافيش حاجه ي فندم اتفضلي معايا اجيب لحضرتك الفستان
وطلعت البنت فستان سواريه قصير
البنت بصت لعز وهي ماسكه الفستان اي رائيك ي فندم
نوسه. فين بجيته انتوا كده مش هتلحجوا تكملوا
عز. اسكتي انتي انا عايز فستان طويل وبكم
البنت تمام حاضر
وبالفعل طلعت فستان لونه ازرق وكانت بتلبسوا لنوسه وكانت قرفانه منها
نوسه. بانشكاح عرفتي منين اني بحب اللون الازرج دا عشان يحميني من العين ربنا يسترك ستر النمله في جحرها والصورصار في بولعته
البنت كانت كاتمه ضحكتها وخرجت نوسه لعز
نوسه بتلف بالفستان اي رايج ي عز بيه
عز. حلو ي نوسه يلا غيري عشان نحاسب ونمشي
نوسه. لا خليني لابساه اختصار للوجت لسه ورانا…
عز. قاطعها في الكلام عارف هتقول اي ماشي وبص للبنت سعره كام ممكن تشيلي التيكت من عليه
البنت تمام ي فندم سعره 2000 جنيه وجات تشيل التيكت
نوسه. زقتها ماتشيليش التيكت عشان هنستلفه منك ونرجعه تاني
عز. بيجز ع سنانه انجزي ي نوسه
نوسه. داكتير جووي عليه المبلغ دا ي عز بيه
غز. مالكيش دعوه انا هحاسب
نوسه. طيب خلاص خلي التذكره عليه عشان الصرف يبان
عز. نوسه خلصي
وخلعت البنت التيكت وحاسب عز واخد نوسه ومشي
نوسه. هتوكلني اي ي عز بيه
عز. هجيبلك اي حاجه تاكليها وركن العربيه خليكي هنا واوعي تنزلي من العربيه ولا تكلمي حد
نوسه طيب ي عز بيه
ونزل عز جاب اكل واكلها واخدها لبيوتي سينتر كبير
نوسه كانت داخله منبهره بالمكان اول مره تشوف بيوتي سينتر
عز السلام عليكم
البنت وعليكم السلام ي فندم
عز. كنت عايزك تعميلي ليها ميكب
البنت بصت لنوسه ورجعت بصت لعز تمام ي فندم هعملها شويه حاجات للبشره الاول واعملها الميكب
عز. بصي انا عايزها بني ادمه
نوسه. ليه ي عز بيه هو انا كنت باهيمه
عز. انا هسيبك هنا مش عايز اجي الاقي حد يشتكي منك سامعه
نوسه ماشي ي عز بيه
عز. بص للبنت بصي انا هسيب للك رقمي واول ما تقربي تخلصي رني عليا
البنت تمام
وبالفعل ساب رقمه وساب نوسه وراح يلبس وطبعا نوسه كالعاده ماسكتتش ومر الوقت وراح سليم يجيب مي وهو في الطريق. طلع هاتفه وكلم عز
سليم. الوو
عز الوو
سليم انت فين
عز. انا خلصت لبس ورايح اجيب نوسه
سليم. ماشي نوسه تبقي تحت عينك ي عز طول الوقت مش عايز فضايح
عز. ما اوعدكش دي محدش يقدر عليها غير ربنا
سليم مش بهزر انا
عز ولا انا كمان بهزر دي فضحتني النهارده في المحل
وبدا عز يحكي لسليم اللي حصل لحد ما وصل سليم عند مي
سليم. يلا اقفل انا وصلت عند مي ماتتاخرش ي عز وزي ماقولتلك
عز. ماشي يلا باي
وانهي عز المكالمه ونزل اخد العربيه وراح يجيب نوسه اللي فعلا بقت عروسه
عز. اول ما شافها اي الحلاوه دي ي بت ي نوسه
نوسه بتخمس في وشه جول مشاء الله وتبارك الله ي عز بيه كويس اني لابسه ازرج عشان يحميني من الحسد
عز. ماهما نضفتي هتفضلي بقره برضو
نوسه. شكرا ي محترم
هستني تعليقاتكم بجد بتفرق معايا اووي
يتبع..
- يتبع الفصل التالي اضغط على ( رواية نبض قلبي ) اسم الرواية