رواية المتخفي الفصل العاشر 10 - بقلم ريم محمد
_حاولت اوصل للبوابه اللي فاصله بين العالمين عالم البشر وعالمهم
كلهم بلا استثناء كدابين حتى الجاسوس اللي فكرته بنت
طلع البرت!
كميه صدمات اتعرضت ليها كافيه انها تخليني ابعد
عشان ارتاح، وجاك عارفه انه مبيحبنيش ومكنتش متوقعه حبه اساسًا، اتصدمت بس من حقيقته مكنتش اعرف حقيقته بس كنت شاكه انه مش بشري
_مشيت كتير، حاولت اوصل لنقطه الفاصله ما بين العالمين بس للاسف معرفتش المكان، حاولت استخدم قوتي دي، عشان اعرف المكان يمكن قوتي كمان مش حقيقة
مفيش ولا واحد صادق فيهم
_جربتها طلعت حقيقه، دخلت العالم بتاعي تاني، حسيت بهدوء، واستقرار بعيد عنهم كلهم، قررت أتخلى عن ثوب الشيف وارجع لمهنتي الاساسية تصميم الازياء
_كنت حاسه أني في حلم رجعت عالمي!، أخيرًا
عايزة اتعامل مع بشر بطبيعتي البشريه، قررت اقطع علاقتي بيهم نهائيًا
^^^^^^^^^^^^^^^^^^
_الاوضة بتتوهج بسرعه وبتنور ليه كدا؟
_انا كمان دخلت اشوف في ايه، لاقيت التوهج بيزيد
_في خلل حاصل يا جاك
_عارف يا بابا، بس لسه معرفتش ايه هو
_تكون ماري رجعت!
_جاك بلهفة؛ ياريت ترجع
_ماري، حبيتك بصدق بس البشر هما السبب
*تحدث جاك بغضب أعمي
لو طايل ه*حرق الدنيا كلها
بكرهم*
_تحدث ارثر بفرحة؛ تقدر تاخد حقك يا جاك قدامك الفرصه
_ما دا اللي بخططله، للمره الاخيره هتواصل مع اليكس إن فضل ضدي معتقدش هشوفه في طريقي أساسًا
_دا ابني اللي بحبه
^^^^^^^^^^^^^^^^^^
_يعني تشك إن ماري عايشه؟
_محدش يعرف لحد الان هي فين أليكس
_ولا حتى عرفت من ممتك يا البرت؟
_مش كل حاجه بقدر اعرفها
_لو ماري ظهرت هتكون مشكله يا البرت
_الغضب هيعمي جاك اكتر ما هو معمي
_جاك، معدش شايف حد قدامه
_جين
_جين، فين يا البرت لازم تمشي من القصر
_اكيد هتمشي، محدش هيستحمل غضب جاك
_بس جين متعرفش حقيقتك صح يا أليكس؟
_لا متعرفش، بس شاكه جين بشريه اه بس ذكيه
_هتواصل معاها اشوفها فين
_ياريت وتطمنا يا أليكس
_أكيد
*ظل يرن على جين ولا أحد يجيب*
*أليكس يحادث نفسه *
_أنتِ فين يا جين، قلقتيني عليكِ ردي يا جين
^^^^^^^^^^^^^^^^^^
_اوووه، صوفيا بنفسها جيه لعندي!
_اعقل يا ابراهام الرفيقة اللي ظهرت مش في معادها وأنت عمال تخترق قوانين المملكة
*تحدث بنظرات ناريه؛ اخترق مخترقش دا مش موضوعنا يا صوفيا بس أنتِ عارفه كويس وأوي كمان مين الرفيقة، بس بتأجلي بمزاجك*
_كل حاجه ليها مواعيد يا ابراهام بلاش استعجال
_حربكم مع البشر أنا حربي معاكم أنتوا، ولعلمك البشر بيحبوني أوي، لدرجه البنات بيضحوا بنفسهم عشاني
_عارفه كل مخططاتك والاعيبك يا ابراهام، بلاش تتورط مع البشر، ما انت ألقيت تعويذة عليهم، مش عايز يقولوا ليك سمعًا وطاعة!
_لا انا مش زيك بتلاعب بالسحر، انا ليا طرقي الخاصه
_ابعد عن إلياس نهائي المرادي تحذير المرة الجيه هنفذ
_إلياس مش صغير يا تيتا صوفيا
_احترم نفسك
_بقولك ايه، حلي عني أنا لحد الان مخدتش خطوة رسمية تجاهكم بس لو أخدت هتزعلوا
فاكرة، ولا افكرك
_ايه
_*****************
_أنت متفرقش عني حاجة رحت عملت نفس الشئ
_لا بمزاجهم هما، مش بمزاجي أنا مبجبرش حد على حاجه
_كمان يومين في لقاء بينك وبين جاك دي أول معركة ما بينكم
_تشربي ايه، بس معرفش العواجيز بيشربوا ايه بالضبط
روحي اعملي حاجة دافيه واتغطي ونامي وبلاش لعب معايا ماشي في حاجات اتقفلت بكلمه مني هتتفتح تاني
ولا هت*قتلوني؟
_أنت عارف اقدر اعمل ايه فيك
*اقترب منها وجز عنقها بشدة وقال*
_أنا مش ****الصغير عشان تغفليني ولا تقدري تمحي ذاكرتي فاهمة، وغصب عنك وعن اي حد في بشر في المملكة بدليل لونا وجين
_اسيبك يا بطه كُحي كُحي
_لتطلع روحك ولا حاجه
_أنت ازاي تتجرأ وتعمل كدا
_لا عملت مش ازاي قدرت، اتقي غضبي عشان في لمح البصر همحيكِ يا جزارة
_أنا عايزة مصلحتك يا ابراهام
_لا أنتِ عايزة نفسك وبس
^^^^^^^^^^^^^^^^^^
_بكره خطوبتنا يا لونا
*تحدثت بكل جديه؛ عايزة اسألك سؤال أنت عمرك سجنت مقاومين؟ *
_اكيد لو في معارضين مكانهم السجن بس سؤالك غريب
ثواني أنتِ بشريه!!!
_ايوا يا إلياس أنا بشريه ترضى بيا وانا بشريه؟
*حاول إلياس التحكم بنفسه وقال؛ ازاي دخلتِ هنا؟
_بس انا قوتي كبيرة يعني مش هتحتاج تسيطر على نفسك يا إلياس
_عرفتِ منين يا لونا؟
_عيونك بتتحول يا إلياس وكلك على بعضك أنما العادي مش هيتحول
_قويني يا لونا أنا ضعيف
_احتضنته لونا وقالت بخبث؛ وانا موجوده عشان كدا
_كل حاجه تطلبيها في الخطوبة جاهزة فستانك جزمتك كل حاجه زي ما طلبتِ يا لونا
^^^^^^^^^^^^^^^^^^
_جين
*قمت مفزوعة من النوم، خفت حد يكون جه ورايا، عايزة اعيش بعيد عن الصراعات دي
أعيش في سلام، حاسه بأنانيه أني مدافعتش عن أدريان وخذلته بس تعبت*
*صحيت جهزت فطار وأكلت
عشت يومي كبشرية طبيعية بعيدًا عن تنكري وكل دا*
*مسكت الفون، بعد ما كسرت القديم عشان محدش يوصلي حتى مش حابه ارجع البيت واقعد مع ماما هتحس بخذلان لأنها عارفه اني رايحة احرر أدريان ونجي سوا*
*قررت ابدأ من الصفر، واشتغل كمبتدئة في عالم الأزياء*
*بس فجأه حسيت بفزع وصوت الناس طلعت اشوف في ايه، لاقيت ابراهام!
وإلياس موجودين في عالمنا
قررت مطلعش من البيت نهائي، عشان محدش يعرف
بوجودي هِنا*
^^^^^^^^^^^^^^^^^^
_يعني ايه يا روز، جين مش هنا!!
_معرفش يا جاك بيه راحت فين
*اسرع جاك من خطواته واتجه ناحية غرفتها، ليجدها افرغت كل ما بخِزانة الملابس، ولم تترك حتى اي رسائل*
*ليذهب مباشرة للجناح الغربي ويعرف اللغز*
_فين جين، يا صوفيا اتواصلي معايا بمرايه بسرعه
_تحدث بغضب عارم؛ فين جين يا صوفيا انطقي
_جين؛ عرفت الحقيقه أنك مصاص دماء أليكس نص بشري ونص مصاص دماء
_طبعًا اتصدمت في حبيب القلب، ومكانها فين؟؟
_معرفش
_ازاي متعرفيش يا صوفيا، أنا عايز اعرف مكانها حالا
لو مظهرتش دا بيقلل من قوتك فاهمة!
_حاضر يا جاك بيه
*خرج من الغرفه، ليقول محادثًا نفسه؛ بشرية زي ما كنت عارف ريحة دمك مميزة ولذيذة عندي فضول اجربها*
*قرر جاك إظهار جانبه الخفي
وهو كمصاص دماء يفضل دماء البشر، خصيصًا جين*
*منعت نفسي عنك كتير يا جين، بس معدش في وقت لازم قوتي تزيد*
“فلاش باك”
_جاك، أنت أنت بتعمل ايه
_في ايه يا ماري
_أنت دلوقتي م*صيت دم!!!
_اهدى يا ماري
_اهدى ايه
_أنا عمري ما هقربلك دمك مُحرم عليّ يا ماري أنتِ البشرية الوحيدة اللي حبها قلبي
_انا مش مصدقاك، انا خايفة
*ظلت تجري مسرعة لكنه كرياح حاصرها وقال*
_أرجوكِ متخافيش مني، أنا هتوجعك ملكة قلبي هتحكمي معايا المملكة انا مشربتش دم بشر، أخري حيوانات بس
_انا مش هقدر اعيش مع مصاص دماء
_لو سبيتيني هتحول لنسخة وحشة أنتِ حولتيني يا ماري لشخص كويس بيحب، وقلبه بينبض مستحيل أذيكِ أنا بخاف عليكِ من الهوا
“باك”
_من بعدك يا ماري ك*رهت البشر وحللت لنفسي مص دمهم بس لسه اول تجربة هتكون مع جين
_هلاقيكِ يا جين ووقتها هتعرفي هعمل فيكِ ايه ضحكتِ عليّ هتدفعي التمن
^^^^^^^^^^^^^^^^^^
*جالي فضول اتتبع إلياس ابراهام واعرف نوايهم*
*لاقيتهم دخلوا بيت، وكانوا بيتعاملوا طبيعي جدًا عكس طبيعتهم كأنهم بشر!!*
*وكمان فصيلتي البشرية بتحبهم!! *
*دا اللي صدمني أكتر، ازاي بيحبوا عدوهم، قربت من البيت ودخلت الجنينه وكنت ورا الشباك بسمع كلامهم
واللي سمعته صدمني بجد*
*طلعت بسرعة، ورجعت بيتي
لاقيت أليكس مستنيني!! *
_جي ورايا ليييه؟؟
_أنا أسف يا جين، مقدرتش اقولك الحقيقه
_ارجوكِ، ارجعي واوعدك أننا هنرجع منتصرين
_نصك منهم يا أليكس اصدقك ازاي؟؟
_اتحولت غصب عني بس قررت اسيب جزء بشري
_لما قولتلك انت قوتك أكبر من إلياس مجربتش تعرفني يا أليكس
_كان لازم اعمل كدا عشان احميكِ من جاك
_كان الاصح تحميني من نفسك الاول
_عشان خاطري بلاش تفضلي لوحدك
_مش مهم، مبقتش فارقة
_انا عارفهم كويس اوي اوي يا جين بلاش تفضلي لوحدك
_لما تعرف نفسك الاول، اطلع برا يا أليكس انا كنت بثق فيك ثقة عمياء واعتبرتك اقرب حد ليا، خذلتني وطعنتني يا أليكس
_مش مهم تكلميني اكرهيني كمان بس عمري ما هتخلى عنك ولا هسيبك، هفضل أحميكِ، خدي وقتك ولما تحبي
ترجعي عرفيني وقتها أشيلك علي رِمش عيني
*سابني ومشي وانا في قمة غضبي انا بعتبر أليكس صديقي المُقرب ووثقت فيه جدًا وكنت معتمدة عليه، مفضلش غير لونا حتي البرت ضحك عليّ وطلع الجاسوس*
*افتكرت مذكرات جاك، قمت جبتها وفتحتها، وانا بشرب مشروبي المُفضل*
*اتصدمت أساسًا، يعني محدش يعرف إن جاك ***
يعرفوا بس أنه مصاص دماء
لاقيت ملحوظة مكتوبة وكان البرت اللي كاتبها وقال*
_انا وأنتِ بس اللي نعرف حقيقة جاك، الكل عارف أنه مصاص دماء بس
_كل اللي في المملكة مصاصين دماء الا أليكس نص بشري ولونا أنتِ عارفة زيك بس قوتها أضعف
*بعد كدا كان كلامه عن ماري
وقد ايه حبها، بس ماري بشريه
في لغز ازاي بيحبسوا المُقاومين “البشر” وازاي حبيبته بشرية وكمان معرفش هي عايشة ولا ميتة ولا وضعها ايه*
*ومحبش حد غيرها، حتي مذكراته معقدة زيه عندي فضول اعرف ماري دي فين
ولا مصيرها كان ايه*
*لحد ما الساعه جت 12 وحسيت بحركة في البلكونة
ابص اشوف مين، ملقتش
حد، اطمنت شويه*
*بعدها الفون رن، كانت لونا*
_أنتِ فين يا جين
_مش مهم فين
_محتاجه نتقابل واتكلم معاكي
_انا مكنتش اعرف، البرت اللي كان عارف وروز كمان
_وروز!
_انا خطوبتي بكره اتمني تحضري
_بالتوفيق، بس انا مهحضرش هرجع تاني للعالم دا لأ
_كان نفسى تشاركيني اول إنجاز في القضاء عليهم
_خدي بالك من نفسك كتير اوي يا جين
_خدي حذرك أنتِ كمان من إلياس
^^^^^^^^^^^^^^^^^^
*في مكان مهجور، صدي صوت صراخ جاك *
_اتخبرتِ يا جين ولا رحتِ فين
لازم الاقيكِ
_في حد بيحميكِ بس مين دا حد قوي مش أليكس والبرت ملوش علاقة حد بيشتتني عشان مش الاقيكِ بس هلاقيكِ
_أنت فين يا جاك، يلا عشان تحضر حفلة الخطوبة
_جي
_ريحتك يا جين، أنتِ في مكان ما بس مش هنا
^^^^^^^^^^^^^^^^^^
*الخطوبة عدت على خير، وروز بتحاول تتواصل معايا بس محبتش اتواصل معاها
بس افتكرت إن جاك
ذاكر بيت ماري في عالمنا*
*قررت اروحه، كان بعيد شويه
لاقيت فيه ناس، كنت هدخل أسال عليها، لاقيت جاك قدامي! *
*جريت بكل ما أُتيت من قوة
وكان بشكله وهو مصاص دماء وقال*
_دلوقتي وأخيرًا هقدر أحقق هدفي وأمص دمك يا جين كنت شاكك من أول يوم أنك بشرية مميزة هتنفعيني
يتبع…..
- يتبع الفصل التالي اضغط على ( رواية المتخفي ) اسم الرواية