رواية متخافيش الفصل التاسع 9 - بقلم منة محمد
صفاء بلهفه….ها طمنيني ع ولادي
سالي……سيبتهم الاتنين في شقتي بس ده مش حل المشكله مكنتش المفروض ابدا تجوزي حياه ليونس
صفاء بضيق….الف شكر ياسالي انك قعدتي يونس في شقتك لما ماما طلبت منك
حافظ دخل بعصبيته….يعني مصممه تتحدديني وتلغيني انا طردت ابني وبعدته عني عشان يعرف غلطته وانتي واختك بتدعمه ازاي هيراجع نفسه بالمعامله دي
سالي …..ابنك يونس لسه في ايدك لو عايز تصلح الغلط الي عمله
صفاء….سااالي
حافظ….قصدك تقولي ايه
سالي بحقد…الحل واضح يا حافظ قوله يطلق حياه ويخرجها بره حياته ايه اهميه الجوازه دي واطمن محدش من الناس هيعرف كتير
صفاء…مستحيل ليه ابني يطلقها ده لسه متجوزها اسمعيني كويس ياسالي مش هدعمك تنتقمي من هاجر في حياه البنت دي بريئه وامها مبقتش موجوده وابوها مش طايقها ولا طايق يبص في وشها مدي الحياه انا الوحيده الي قبتلها اروح اطلقها لايمكن يحصل كده ابدا
سالي مشت من عند صفاء زعلانه وع اخرها نفسها تدمر حياه لكن مش عارفه
ناصر وقفها……انتي مين قالك تقعدي حياه في شقتك
سالي …..صفاء
نعمان….وانتي ازاي توافقي ع كلامها
سالي بتحدي……..دي اختي ومحدش منكم بيهتم بيها يبقي ع الاقل انا اهتم وبعدين شقتي مكتيش قاعده فيها وعطتيها ليونس ومراته يقعدوا فيها ليه عملتوها مشكله كبيره
نعمان بغضب……بتحافظي ع علاقتك باختك وتتحدي اخواتك بعد ما عطتيهم شقتك
ناصر رفع ايده بتحذير وقالها ….خليكي بعيده عن الموضوع ده نهائي انتي مالك ومال حياه مش قلت لك ملكيش دعوه يبقي خلاص ملكيش دعوه
سالي….عن اذنكم انا ماشيه
نعمان تابعها بغيظ وقال….دي بتدينا مبرر لعملتها
تمارا تخيلت ان يونس ممكن يقرب من حياه وركبها الف عفريت دخلت تكسر كل حاجه وتصرخ ان ده مش ممكن يحصل وهما لوحدهم في الشقه وهي لوحدها بعد ما كان ليها
………………………….قصص منه محمد كاتب…………..
حياه رمت نفسها في حضنها….عمتي صفاء
صفاء ضمتها اوي…….عامله ايه
حياه ابتسمتلها….كويسه
يونس حدف نفسه في حضنها ……….امي
صفاء ضمته بشتياق……… انت كويس يا ضنايا
يونس ……. بقيت كويس بعد ما شوفتك
صفاء قعدت وفتحت الشنطه وطلعت فلوس …….خالي دول معاك
يونس …….مش محتاجهم دلوقت يا ماما بس لو بابا مسامحنيش انا كمان يومين هاكل من الشارع
صفاء ……لاء لقدر الله وصدقني هتشوف حياتك قدام هتبقي عامله ازاي بعد ما بردت قلبي لما اتجوزت حياه وعطتها الاحترام ووافقت عشاني
يونس باس ايدها ………ماما انتي حياتي وروحي
صفاء مشت ايدها ع خده بحنان وقالت……. اياك تسيب حياه دي بقت جزء منك يايونس
يونس عقد حواجبه ………مش فاهم
صفاء…….. يعني بقول لو اجبروك تتخلي عن مسؤلياتك ناحيه مراتك اياك توافق يابني الجواز ده وعد قطعه ربنا ع الانسان ولازم تحترم وتثق في شريكه حياتك والوعد ده ع الست قبل الراجل عشان كده خد بالك من بنت اخويا حطها في عنيك هي مالهاش اي حد في الدنيا غيرك
يونس بص لحياه وحس انها فعلا بقت مسؤله منه بس تمارا هيعمل ايه وقع في حيره
………………………..قصص منه محمد كاتب……….
رقدت وصحتها بقت في النازل بتعيش ضغط عصبي شديد من كل حاجه حواليها وبعد يونس عنها خلاها هزيله فريسه للمرض
حافظ دخلها…..خربتي الدنيا ودمرتيها بس هوريكي انا هعمل ايه
صفاء بتوجس………هتعمل ايه
حافظ بخبث ……….هنروح نزور ابنك
صفاء بدهشه………..بجد هنروح
حافظ ………ايوه ونرجعه للبيت
صفاء قامت بسعاده ……….كنت عارفه الي بتعمله ناتج عن غضبك انت قاسي شويه بس مش من غير قلب تعرف يا حافظ البنت حياه دي طيبه وحنينه اوي وانا بحبها اوي دي عبيطه وغلبانه والله وانا حبيتها زي بنتي خليها زي بنتك
حافظ……. اتاخرنا يله نتحرك
صفاء ………انا جاهزه يله
وبالفعل نزلوا قدام العماره وطلعوا وخبطوا ودخلوا ويونس سلم ع امه وابوه بترحاب شديد
يونس…..اتفضل يا بابا اقعد
صفاء بسعاده……… لاء انتم ادخلوا يله لموا حاجتكم احنا جاين ناخدكم قولهم يا حافظ احنا جاين ناخدهم
حافظ …………..الاول هقولكم السبب الي خلاني اجي لحد هنا
يونس بترقب…………يعني
حافظ ……….يعني مهما الي كنت هعمله هعمله قدامك عكسك طعنتني في دهري دي ورق طلاق امشي وسيب البنت دي حالا وترجع لوحدك البيت لاني مش قابل وجودها معاك
صفاء شهقت ومسكت ايد يونس…..اقسم بالله لو بصيت في الورقه دي انا لا امك ولا اعرفك
حافظ بصوت جهوري…..صفاااااااء
صفاء…….ميصحش الراجل يهدد مراته بالطلاق لو فعلا بتحب امك اياك تطلقها ابدا تعرف بيحصل ايه فيا لما ابوك كل شويه يهددني بالطلاق كانه بيضربني برصاصه في قلبي الكلمه دي كفيله تقتل انسانه وبعدها بتبقي متوتره خايفه مرعوبه ورافعه ايدها ومستنيه امتي هتاخد الرصاصه
حافظ ……..بطلي كلام فارغ
يونس مسك الورقه وبرجاء…….ماما
صفاء بدموع…….. بتوسلك اياك يا يونس اياك لو كنت فعلا ابني اياك
حافظ شدها بغضب………بقيتي بجحه لدرجه تقفي قدامي وقدام قراري
صفاء صرخت فيه…….اه عشان رافضه الي بتقوله هددني او حتي طلقني زي ما تحب انا مستعده اتحمل ده
يونس …….بابا من فضلك اهدأ امي عملت كتير عشانك طول سنين عشرتها ليه تضيعه دلوقت
حافظ حدف ايد يونس ونزل ع تحت وصفاء قطعت الورقه وحياه واقفه بضياع
يونس ……….ماما متروحيش مع بابا دلوقت
صفاء ……….مش هيحصل حاجه اتعامل مع مراتك برحمه دي خايفه جدا
يونس بص لحياه الي منكمشه في زاويا رحلها…….ليه بتعيطي هي كانت هتفرق عندك لو طلقتك قصدي اتجوزنا غصب وانتي مش بتحبيني ليه عايزه تعيشي معايا
حياه ……..عندي اجابه لسؤالك بس محدش هيصدقني
يونس ……….قولي ياحياه
حياه…..انا بنت شريفه وامي ست شريفه والكل اتهمنا اننا معندناش اخلاق ولاشرف بس احنا مش كده
يونس اتنهد بحيره وقالها……..وانا الي بسمع كلام من الناحينين قبل سابق كان واجب عليا انقذ واحده يا انتي يا تمارا ودلوقت الحياه رجعتني لنفس الموقف لو مطلقتكيش بابا هيزعل ولو طلقتك امي هتقاطعني مش عارف المفروض اعمل ايه
اما صفاء نزلت ركبت العربيه وميلت دماغها وحافظ بيهين فيها يبيص لقاه كتل دم نازله من انفها صرخ وطلب من السواق يطلع ع اقرب مستشفي والدكتور بعد الكشف بلغه ان الحاله حرجه من ضغطها العالي واحتمال يحصل نزيف في المخ ونقلوها للعنايه المركزه
……………………………………………………
يونس……ايه مستشفي طيب طيب انا جاي
حياه……في ايه
يونس…..امي تعبت ودخلت المستشفي
حياه ………………حصلها ايه
يونس ………معرفش يله انا رايح
حياه ………..استني جايه معاك
يونس …………اجيب بس المحفظه
يونس دخل البيت وسأل الشغاله …فين بابا
الشغاله…..البيه فوق
يونس شاور لحياه تستناه وهو طلع وفتح الباب وزعق فيه…… ارتحت كده ازاي عذبتها قولي قولي عملت فيها ايه انطق كنت عارف انك هتقضي عليها وهتموتها في يوم دي غلطتي مكنش يصح اسيبها تنزل معاك
حافظ بصةوت مكسور…يونس
يونس……ايه الي حصلها اتكلم حصلها ايه رد عليا عملت ايه عرفني
حافظ……ضغطها علي كتير ومقدرناش نسيطر عليه الدكاتره بيقوله فيه احتمال يحصلها نزيف في المخ
يونس ببكاء يدمي القلوب……وسبيتها في المستشفي زي الميته طبعا فضلت تهدد فيها انت طول عمرك كده معاها معندكش ذره رحمه ناحيتها لو كنت بني ادم معاها كان زمانها وسطينا مش مرميه في مستشفي الست الي كرست حياتها كلها عشان بس تسعدك انت متحملتش تفضل جنبها في المستشفي
حافظ……يابني رفضوا افضل معاها
يونس صرخ فيه بجنون….حتي لو كده تقعد انشالله في الشارع بس ده متوقع منك انت معندكش قلب هي في انهي مستشفي
حافظ قاله ويونس نزل منهار واخد حياه وطلعوا سوي ع المستشفي ووراهم حافظ
يونس بلهفه….امي عامله ايه يا دكتور
د/ حالتها حرجه احنا بنتابع الضغط بشكل مستمر والكشف المبدئي بيقول اتعرضت لصدمه وانها بتعاني من مشاكل في القلب بسبب الاجهاد والزعل عشان كده معندهاش رغبه ترجع للحياه والنتيجه واضحه قدامي ان حد زعلها جدا
يونس بص لحافظ بغضب والدكتور تابع باقي كلامه…..احنا بنحاول نسيطر ع ضغط الدم الليله
يونس….ممكن اشوفها
د/ حاليا لاْ لحد ما حالتها تستقر
يونس برجاء….لو سمحت اشوفها مره واحده
د/ صعب جدا قدر الوضع
حافظ….يونس
يونس دفع ايده….ابعد عني ومتعملش نفسك ضحيه واني هتعاطف معاك انت قاتل امي هتعيش لوحدك لا عيل ولا زوجه العيله هي اكبر استثمار وانت مش عارف حجم الخساره الي داخل عليها وهتواجها لما بتروح الفلوس الحساب بيبقي فاضي زي بالظبط لما تسيبك عيلتك هتبقي حياتك فاضيه
حياه. اخدته بعيد وبهدوء…يونس احنا في مستشفي عمتي محتاجه دلوقت ندعلها
يونس….حياه امي هتقوم صح
حياه طبطبت عليه…بأذن الله نعمل احنا الي علينا ندعي تعال اقعد
يونس مسك ايدها وضغط عليها…حياه مش فضلك متسبيش ايدي ابدا
حياه مسكت ايده واخدته جوه حضنها وهو فضل يبكي
حافظ قرب……يونس اروح البيت
يونس…ماتمشي ملكش لزمه انا هنا مع امي
حافظ…مقصدش كده انا
يونس قطعه بحده…..مهما الي تقصده ميهمنيش انا قلقان ع امي وبس
حافظ راح قعد في زاويا وعدي ساعات وحياه غصب عنها نامت وحطت دماغها ع كتف يونس الي حس احساس غريب وهي اتعدلت بسرعه
يونس بحنيه…….روحي البيت نامي انا اسف مش هقدر اوصلك
حياه……لاْ مش رايحه في حته
يونس….هتعملي ايه هنا
حياه……مش همشي واسيب عمتي بالحاله دي
يونس….متشكر
حياه ……….مفيش داعي تشكرني عمتي الوحيده الي ليها مكان في قلبي
يونس…..تعرفي زي ما بابا مسؤل عن حاله امي انا كمان مسؤل عنها
حياه…..يونس متلومش نفسك دلوقت
يونس….ازاي ملومش واعاتب كمان كل الي حصل بسببي حاله امي انا المسؤل عنها والمشاكل الي بتواجهيها انتي كمان
حياه….ده مش الوقت المناسب نتكلم عن ده
يونس….لآء وقته عشان اخد البنت الي بحبها عذبتكم معايا وزعلت بابا مني ومشاكلك مع جدي وجدتي حرضتهم يكرهوكي انا المسؤل عن ده كله
حياه….يونس انت عمال تضغط ع نفسك من فضلك ارحم نفسك شويه
يونس…ازاي اقدر امي معرفش حالتها هتوصل لـ ايه ( عيط)
حياه……….. يونس وحد لله ( مسكت ايده) عمتي هتبقي كويسه ارجوك صلي وادعلها تقوم من المحنه دي ع خير ماشي
الكل هنا دخل بما فيهم قاسم الي بص لايد حياه وهي ماسكه ايد يونس وهي سابته وقامت بعيد عنهم
يونس حدف نفسه في صدر وداد: جدتي
الجده: بنتي عامله ايه
يونس ببكاء …….بين الحياه والموت بتصارع جوه مره مع جوزها واحيانا مع اخواتها لحد ما زهقت من حيانها وخسرت الحرب ومعرفش هترجع للحياه ولا لاْ
الجده……… يابني متقولش كده متفقدش الامل ربنا قادر ع المستحيل
نعمان حط ايده ع كتفه ………اختي هتكون كويسه
الجد بعصبيه……. يونس عنده حق كل الي حصل حصل بسببكم انتم وشوفه دلوقت اختكم قررت تسيبكم
الجده …………لو حصل حاجه لبنتي مش هسامح ولا حد فيكم
يونس لمحه جري عليه: دكتور طمني ع وضع امي
د/ مفيش اي تحسن لحد دلوقت
يونس عيط وحياه راحت ااعدت جنبه والجده اخدته في حضنها
…………………….
بعد وقت عدي عليهم طويل بين قلق وخوف ورعب بفقدان الحاله
د/ الحمد لله المريضه استردد وعيها
الجد…الحمد لله ربنا كبير
يونس مسح دموعه …………دكتور ممكن اشوفها
الجده ……………وانا عايزه اشوف بنتي
د/ حاليا هي في مرحله تعافي هننقلها غرفه عاديه وممكن تشوفوها بس ممنوع تسمع حاجه تزعلها
الجده…….. متقلقش يادكتور لو حد قال كلمه هضربه
حافظ…مفيش داعي تعملي كده يا حماتي ممكن تدوني فرصه واحده وتسامحوني كلكم واوعدكم مش هزعل صفاء مني ابدا طول منا عايش سامحوني
نعمان…..مفيش حاجه انسي الي فات عشان خاطر صفاء
حافظ….وانت يا يونس مش هتسامح ابوك
يونس ابتسم وراح دخل جوه حضنه والكل مبسوط ان الشمل اتلم من تاني
يونس دخل لصفاء وهو بيعيط وهي بصتله وقالت….. حبيبي انا كويسه وقف عياط
يونس ايتسم وباس ايدها وقال…..ازاي تعملي فيا كده يا صفاء تعرفي حصلي ايه بعد ما شوفتك بالمنظر ده
حافظ….: كفايه يابني الدكتور محرج منزعلهاش ومتقولهاش حاجه تعملها اكتئاب اتكلم معاها بعدين صفاء عايز اقولك اني روحت امبارح لـ اهلك ورجعت ورق الارض لنعمان لانك زعلانه مني ومضايقه مني ليكي حق اذيتك كتير وعانيتي كتير بسبب وبعدت اهلك عنك وفرقتكم عن بعض بس اخواتك سامحوني وخلوني محروج جدا من نفسي وعرفت غلطي اديني فرصه واحده اصلح وانسي المتضي واغفريلي من قلبك وانا اوعدك مزعلكيش ابدا تاني بس سمحيني
صفاء بصدمه…….انت بتعتذرلي
حافظ…… ايوه ده حقك عليا مقدرش ارجع الزمن الي فات بس اوعدك بالي جاي
صفاء ……..يونس هي الشمس خرجت من الغرب
حافظ بمرح……. يونس مش بيحب ابوه هو بيحب امه وبس
صفاء ليونس….متتخانقش مع ابو ك بسببي
حافظ…..متلقهوش حاجه هو خاف جدا عليكي وعمال يعيط من امبارح
يونس ضمها …دي امي اغلي من روحي وحياتي طيب عمرك شوفتي بابا بيبكي مره في حياته تخيلي عيط امبارح عشانك
حافظ:….. هي روحي وهي عارفه
صفاء…عايزه اطلب منك طلب يا حافظ
حافظ…اه اطلبي
صفاء…..ارجوك اقبل حياه زوجه للابننا انا بحبها كتير
حافظ…لو كنتي بتحبي حياه احنا كمان بنحبها ولو عايزه كده اعتبريه حصل
صفاء….هي فين
حافظ…واقفه بره مستنيه تشوفك ومش بس هي اهلك كلهم بره
صفاء بلهفه…..بجد طيب دخلهم يله
حافظ……حالا ادخلهم
………………………………….
حافظ…….اوه شكلك مبسوطه ع الاخر
صفاء ابتسمت بسعاده وفرحه………ده انا مبسوطه جدا لان مراه ابني بدئت ترتب البيت
حافظ بضحكه……….حقك تتبسطي
حياه …………عمتي الحمد لله الضغط عندك مظبوط
حافظ بسؤال ………………هو انتي بتعرفي تقيسي الضغط
حياه …………ايوه بابا قصدي الدكتور بهاء علمني اسفه
حافظ بهدوء …….متتاسفيش هو كان جزء من حياتك
حياه ………….عمتي حطيت كل علاجك جنبك في الدرج تحب تفطر ايه ياعمي
حافظ ………….متقوليش ياعمي قوليلي بابا انتي مراه ابني وانا في مقام ابوكي تمام
حياه ………بابا
حافظ …………..شكرا اما لحماتك اعمللها شوربه خضار من غير زيت ولا سمنه
صفاء كشرت ………..يعني انت ابوها وانا حماتها
حياه ضحكت ………انتي عمتي كمان
صفاء …………اه بس قوليلي يا ماما هيقي ليها طعم احلي كان نفسي يكون عندي بنت واهي جات لي قوليلي يا ماما فاهمه
حافظ لحياه ………لاْ بلاش عياط انتي بنتنا ارفعي راسك لفوق ويله روحي حضري الفطار
يونس بيزعق…يانرجس انتي يا نرجس
صفاء ………….في ايه بتزعق ليه
يونس……….. عايزها تكوي القميص مش عارف راحت فين
صفاء ………..حياه
حياه ………نعم يا ماما
صفاء………. اكوي القميص لجوزك
حياه كوت القميص ودخلت علقته في نفس اللحظه تلفون يونس رن برقم تمارا وهو كنسل عليها
حياه بصتله وبغيظ….القميص جاهز تحب تفطر ايه
يونس……مش لازم تبقي محترمه لما نكون لوحدنا
حياه……… اصلي دي عادتي خلصني عايز تفطر ايه
يونس…الي هتحطيه هاكله
حياه ……………حصلني هحطه ع السفره
يونس بصلها وهو بيلبس ساعته….هو انتي فطرتي
حياه وهي بترص الاكل….ايوه
يونس…..انا لازم النهارده اودي تحاليل ماما للدكتور وعندي في نفس المعاد اجتماع مهم
حياه……………: هروح انا
صفاء ابتسمت لما لقت يونس بيتأمل في جمال حياه ودخلت ع سهوه وقالت….بتبص ع ايه انت
يونس ابتسم ورجع يبص ع حياه وهي رايحه جايه
حياه…ليه بس قومتي من السرير
صفاء….حسيت بالخنقه وانا راقده في الاوضه
حياه طيب اقعدي وهجبلك كوبايه عصير
صفاء….شايف مراه ابني ازاي لطيفه وحنينه ده انا حظي حلو بقي عندي بنت واخده بالها مني
يونس……وانا شايف عملت سحر اسود عليكي
صفاء……ده مش اسمه سحر ده حب بيتخلق كده من عند ربنا بس ليه انتم الاتنين متخشبين في معملتكم مع بعض كده كانكم مش متجوزين عن حب خلاص الامور دلوقت تمام وخرجنا من الصدمه عيشوا حياتكم
يونس……احنا مبسوطين
صفاء …….امك مش عاميه وشايفه كل حاجه واحد منكم يبص للشرق والتاني يبص للغرب هات موبيلك وافتح الكام
يونس …….ليه
صفاء …….هاخدلكم صوره سوي حياه حطي الي في ايدك وتعالي جنب جوزك
حياه وقفت وابتسمت ويونس واقف زي التمثال
صفاء…يابني هي جارتك قرب وحط ايدك ع كتفها
يونس ضم حياه لصدره وقال بمرح……….اصلا عروستي بتتكسف جدا
تمارا دخلت من وراهم بحقد وقالت………مبروك
صفاء ………….تمارا تعالي ياحبيبتي
يونس ارتبك لوجودها وقال ………ماما انا ماشي
صفاء بتعجب…….ليه مش دي تمارا صحبتكم وكنتم بتاخدوها معاكم في كل مكان دلوقت بقيتوا اغراب خلاص مفيش داعي تمشي خليك وبعدين هي كانت هتعمل ايه مشفتش غضب قاسم في اليوم ده حياه احضنيها هي ملهاش ذنب يله ضميها
حياه ضمتها وهي مش طايقها وكذالك تمارا
صفاء….ايوه كده علاقتكم لازم ترجع نفس ما كانت يله تعالوا اقعدوا كلكم بس انتي لابسه فستان جميل يا تمارا
تمارا….ميرسي وانتي صحتك اتحسنت كتير
صفاء…طول ما حياه جنبي انا بخير
تمارا بحقد ……….انا مش جايه اسألك عن معامله حياه انا جايه اطمن ع صحتك والاول مكنتيش بتيجي بيتنا بس دلوقت لازم تيجي تزورينا كتير
حياه…..والدكتور طلب من عمتي ترتاح
تمارا….حلو قويتي موقعك بسرعه كبيره اكيد يونس سعيد بوجود زوجه زيك
يونس رد………….ايوه من يوم ما اتجوزنا امورنا ماشيه الحمد لله
تمارا …………واضح ان يونس بيحبك كتير يا حياه استعدي في تحقيق رغباته
يونس حب يضايقها……حياه مش محتاجه تستعد هي جميله حتي من غير استعداد
صفاء…بس ده مش عاجبني ابدا لازم تلبس وتتزوق زي اي عروسه بس يا حبيبتي من ساعه ما دخلت بيتنا وهي بتراعيني عشان مريضه
يونس…ماما انا ماشي
صفاء …………..بالسلامه يا حبيبي
يونس باس خدها …………سلام يا حياه
حياه بينها وبين نفسها……..انا فين من حياه الراجل ده مليش مكان انا مجرد اداه عشان يخلي حبيبته تحس بالغيره اه لو مجتش الدنيا لو مكنتش اتولدت من الاساس وقتها مكنش الدكتور بهاء هياخدني من بيت عدوه ومكنتش هيشوف ناصر هزيمته فيا ودلوقت يونس بيه هيشوفني الساحر الشريره الي اكلت حبه لكن عني انا ايه الكل شافني خاطيه حتي قاسم اشتكي مين احاسب مين يا ماما
……………………
يوم جديد
حياه بسعاده…..عمتي الحمد لله التحاليا زي الفل والدكتور لغي صنفين من العلاج لكن الباقي لازم تاخده وكمان قال ممكن تمشي في البيت بس ببطئ
صفاء …..الحمد لله اخيرا اخدت شويه نفس المهم شوفي الاول دول وقوليلي رايك طلبتهم من عند واحده صاحبتي مصممه ازياء بس شاطره طلبت منها تفصلك شويه فساتين ها ايه رايك
حياه…الله دول حلوين اوي
صفاء مسكت خصل شعر حياه ……..تعرفي يا حياه طول عمري كان نفسي يبقي عندي بنوته اخدها معايا واحنا بنشتري ونحضر مناسبات سوي ودي امنيه كانت جوه قلبي بس للاسف ربنا ما ارداش يكون عندي بنت اشترلها توك وهدوم ونتخانق ع الاختيار والاذواق بس دلوقت بقي عندي انتي وهنخرج كتير ونتخانق صح
حياه بصتلها وعيونها رغرغت بالدموع
صفاء…… لاْ مفيش لزوم للعياط ابدا تمارا قالت لي انك مش بتحبي تحطي ميكب يله قومي البسي واحد منهم وفرجيني عليكي
حياه ……..دلوقت
صفاء ……….ايوه عايزه اشوف ذوقي ايه ع بنوتي يله جربيه
حياه دخلت لبست فستان منهم وحطت ميكب بسيط وضح جمالها
صفاء بنبهار …….الله واكبر قمر جميله بجد اللون والتصميم يجنن عليكي
حياه …….الف شكر هدخل اغير
صفاء….. ليه تغيري خليكي لبساه هو ليكي وبعدين انتي عروسه جديده لازم تلبسي احلي حاجه استني خدي البسي الحلق ده
حياه…لاْ يا عمتي
صفاء بزعل….. اسكتي خالص هترفضي هديه من امك انتي طالعه حلوه اوي وع فكره يونس بيحب اللون ده كتير
حياه لنفسها….هيحبه لو تمارا لبسته
صفاء سحبتها من ايدها…….. تعالي معايا
حياه بعدم فهم………ع فين
صفاء …………يونس شوف مراتك عامله ازاي
يونس عيونه ع التلفزيون: مالها
صفاء ضربته ع دماغه….بصلها دي لابسه اللون الي بتحبه بزمتك مش حته من القمر
يونس بيهرب بعينه من جمالها الي بيجننه……. اه جميله
صفاء بغيظ……… ايه الطريقه دي امدحها عدل كدا تتغزل في مراتك اتعدل وبصلها كويس وشوف جمالها
يونس……….. قلت حلوه
صفاء مسكت وشه وثبتته……..ما تبصلها طالعه زي اقمر واللون مناسب جدا
يونس …………هو مش ده الحلق بتاعك
صفاء……….. ايوه عطيته لحياه ها ايه رايك
يونس ………..حلوين عليكي كلهم يا حياه
صفاء ………….ربنا يسعدكم
يونس………… بس فيه حاجه
صفاء…ايه هي دي
يونس دغدغها…….. ان محدش جميل زي امي
صفاء وهي بتضحك بسعاده……….كل حاجه حلوه بالنسبه له هو بيعرف يبكش ع الناس
حياه قعدت جنبه …..متعملش الي عملته المره الجايه
يونس…..عملت ايه
حياه……تستخدمني
يونس……تقصدي ايه
حياه…..تستخدمني عشان تثير غيره اي شخص تاني
يونس…لآء مش فاهم
حياه بغيظ ………مش جديد عليك الاستعباط
يونس ابتسم …..اه تقصدي البوسه بجد اسف
……………….قصص منه محمد كاتب……………….
حافظ…..وبعدين يا صفاء مش قلنا تستريحي امال الشغاله بتعمل ايه
صفاء…..الموضوع مش كبير عملت كوبايه شاي
الجده دخلت: السلامو عليكم
حافظ…اهلا وسهلا دي مفاجأه حلوه شرفتونا
صفاء بسعاده….حياه العصير بسرعه اتفضلوا نورتونا
الكل عدا ع حياه ومحدش سلم عليها وهي حست بالاحراج وانها منبوذه عيونهعا رغرغت بالدموع وراحت وقفت بعيد جنب المطبخ
صفاء….عارفين مدخلتوش بيتي من كام سنه
حافظ…لو بلغتوها قبل ما تيجوا كانت فرشت الارض ورد
صفاء…والله كنت هعملها هي مجيتهم عندي حاجه عاديه
ناصربضحكه…مفيش لزوم لكل ده يا صفاء
نعمان….احنا بصراجه جبنالك ورق الارض هديه والنهارده كلكم معزومين عندنا ع العشاء
حافظ ……….مفيش داعي يا نعمان انت بتحرجنا كده
ناصر……الارض دي مش مننا دي حق صفاء ابونا قسم وطلعت دي من حقها وخلونا نقفل ع الي فات وخدوها هديه من ناحيتي
صفاء عيونها اتملت بالدموع……ملهاش لزوم يا خويا
نعمان…النبي قبل الهديه ولا هتزعلينا منك تاني
صفاء…لاْ مش هستحمل
ناصر بتسملها….يبقي خلاص اقبليها يا صفاء
حافظ تلفونه رن….عن اذنكم اخرج بره ارد
صفاء…….. تلفونه مش بيبطل
يونس نازل شافها راح عليها……حياه بتعملي ايه هنا كل الضيوف قاعدين جوه سلمي حتي وقومي خلاص المشاكل انتهت
حياه ………خلصت معاك انت روح انت وانا هبعتلهم العصير والشاي
صفاء خرجت ……..يونس حياه انتم فين
يونس مسك ايد حياه ………. يله بينا تعالي هتدخلي
يونس ……….دخل مساء الخير
الجده فتحت درعاتها……..يونس حبيبي ربنا يسعدك
يونس بهزار…………جدي توفيق عامل ايه
الجد مسح ع شعر يونس وهو بيضحك……بخير يا حبيبي ربنا يهنيك
حياه رايحه تسلم الكل قلب وشه فيها وهي حست بحرقه الدم اخدت بعضها من سكات وخرجت قعدت بره
صفاء بصتلهم بحزن وقالت بعتاب …………..لما كلنا اتصافينا ايه ذنب حياه
سالي ……..عشان عرفنا اخلاقها الحقيقيه بعد كل حاجه شاربه دم امها حتي لو اتعاقبت ولا هيأثر فيها
صفاء……….. سالي وقفي
سالي ………انتي الي توقفي يا صفاء مش انا انا عمري ما هنسي ابدا الي حصل
الجده……..احنا ولا مره نسينا خيانه امها ناحيه ابننا فازاي نتجاهل تصرفت بنتها
حافظ كان راجع لقاها قاعده لوحدها…..ليه قاعده هنا يابنتي
حياه ……مليش مكان وسطيهم جدي وجدتي زعلانين وابويا كانه شخص غريب ولا يعرفني
حافظ …………انتي بنتي والمكان الي هقعد فيه هتقعدي انتي فيه يله تعالي معايا
الجد ……الليله هتيجوا تتعشوا معانا
حافظ ……….اكيد جاين بكل قلبنا بس بابك اتفقل في وش ينتي
صفاء…….. ماهو مش معقول كلنا هنروح ونسيب حياه لانكم كلكم زعلانين وغضبنين منها
حافظ…….. بصراحه حياه لعبت دور مهم هي ويونس في صلحنا وبفضلهم اتصافينا
صفاء …………مش فاهمه لما قادرين تسامحو يونس ايه الغلط في حياه
سالي ……..يونس راجل وهي بنت مش هنثق فيها تاني من الاخر قرار بابا وماما كان غلط انها تيجي تعيش في بيتنا
حافظ………..سالي لو سمحتي من فضلك متقوليش كلمه مهينه في حق بنتي وزي ما بتحبي يونس تحبي حياه كمان
يونس رفع دماغه وبص لتمارا الي ع اخرها وحياه اخدت بالها من نظراتهم لبعض
يونس…..لو حياه مجاتش انا كمان مش جاي
حياه اتفاجئت برده وبصتله ورجعت بصت لتمارا وهي مش فاهمه ليه قال كده
حافظ كمل….لو سامحتونا بقلب كبير لو سمحتوه سامحه حياه
الجده…..تعالي يا حياه
حافظ…قومي ياحياه
الجد مسك دقنها وقال……بصيلي هنا سواء بقصد او بغير فيه ناس قلوبهم اتأذي والي حصل جه لصالحنا وبدعي ربنا يسعدك
الجده ضمت حياه ويونس ابتسم
حافظ. خطفها من حضن الجده وضحك وقال….هي مبقتش ليكي دي بقت بنتي واتمني يا ناصر تضم بنتك وتباركلها
ناصر اتحرك بمضض عشان نظرات حليمه وسلم ع حياه وباركلها كدا
……………………..قصص منه محمد كاتب…………….
ساعه العزومه يونس اخد حياه لبيت العيله والكل رحب بيهم وحياه سابتهم ودخلت غرفه تمارا
حياه …………قلت اجيلك عندي شكوي صغيره
تمارا وقفت قصادها وربعت ايدها ……….وايه نوع الشكوي
حياه …………النغمه دي مش تناسبك انتي لازم تبقي مكسوفه لو شويه ولازم تجاوبيني عملتي فيا كده ليه
تمارا رفعت حاجب…..عملت فيكي ايه اتكلمي عملت ايه واقفه عروسه ومكتوبه ع اسم يونس وانا حياتي ادمرت
حياه بنظرات احتقار……..انتي بجحه اوي صحيح ايه الرد الي هتقلهولي خليتيني مهانه ومدمره وساقطه وحولتي نفسك لضحيه
تمارا ……..وفيها لو اتهانتي ولا اتذليتي بصي للفايده بقيتي مراه ابنهم الوحيد الغني وعايشه في قصر وقمعتي حب واحده تانيه تحت ركبتك اظن صفقه مربحه مش كده وانا طلعت بأيدي فاضيه
حياه….. انتي مش بني ادمه وانانيه مش بتحسي بألم غيرك انا واحده سيره امها ع كل لسان الكل بيجرح ويهين فيها وانا بسببك سمعتي بقت زيها انا بجد مش عارفه ادعي عليكي بأيه بس انا هسيب كل القرارت لله وهو يتولي امري وشرفي الي خسرته هيرجعلي وهيفضحك لعبتك القذره وقريب يونس هيحبني وهيبقي جوزي مش بس ع الورق
حياه وهي خارجه متعصبه من عند تمارا لقته جاي عليها
قاسم………وصلت مدام يونس سمعت رجوعك للقصر الملكي تعرفي انك محظوظه جدا لما تغلطي تاخدي مكأفاه بدل ما تتعاقبي كان ممكن تعمل اي حاجه وترفضيني الا انك تتعاملي معايا بالطريقه الفجه دي انتي حطمتني بأفعالك كسرتي قلبي سببت لي الم عميق
حياه….والبنت الي تبني وجودها ع الاكاذيب والشخصيه المعيوبه والي تفسر كلامها وافعالها من غير ما تتحقق وتسألها مستني ايه عشان تقلهولك
قاسم اتك ع اسنانه…انتي مش مدركه ولا حاسه بالي عملتيه فيا
حياه……عملت ايه جاوبني انت سبب كل الي حصلي انتم كلكم لفيتوا وشكم عن الحقيقه وانا واجبي ابرر
قاسم شد ايدها بغيظ……اقلعي الساعه دي لو جوزك سألك وقتها هتحصل مشكله اصل مش كل راجل مغفل زي بتحصل علاقه حب وغرام رغم انفه وهو غبي ميعرفش
حياه بتحدي …..بكره هتظهر الحقيقه زي الشمس ووقتها ابقي وريني وشك
حياه خلعت الساعه وحطته ع البوفيه ومشت وهو اخدها رماها في الزباله
……………………
يونس….انتي اتكلمتي مع تمارا
حياه بصتله وهمشته وهو اتعصب وشدها من دراعها…..انا بكلمك وبسألك اتكلمتي معاها واتكلمتي في ايه ردي عليا يا حياه
حياه…روحت احرجها
يونس….. وشوفتيها كانت ع السفره تعبانه ملحظتيش مدي ضعفها
حياه بسخريه….. بما انك قلقان عليها روح اطمن ع سلامتها
يونس…طيب هي ردت عليكي بأيه قالت لك ايه
حياه…..نفس اسلوبك البجاحه والوقاحه
يونس بضيق ….مش دي مسأله قديمه ملوش لزوم نفتح من جديد
حياه….معقول من غير ما اعترف اني وقعت في حبك وكنت بخرج معاك لحد ما مسكوني متلبسه واتجوزتني
يونس اخد نفس…وبعدين ايه الفايده من كده
حياه…..هتفضل تتخبط كده طول ماهي عايشه معاك
يونس…….انتي عايزه توصلي لايه
حياه…..انت قلقان عليها مع انك جوزي انا
يونس….جوزك
حياه…..اه جوزي هو انت مش جوزي ايه متجوزتنيش ومجبتنيش لحد هنا في بيتك بعد ما اتجوزتني ودلوقت بقيت واحده من البيت وبنت البيت يعني انت جوزي
يونس….بس انتي عارفه كويس الظروف الي اتجوزنا فيها
حياه ٠٠٠بس بقينا متجوزين يا يونس متجوزين امر واقع وانت هتقبل وهتوافق ع كده
استوب ونكمل بعد رايكم ونشوف بقي حياه الي هتقف لتمارا وسالي والكل بس ياتري يونس هيبقي في صفها ويدافع عنها ولا هياخد زاويا انتظروني واحداث ناريه والتحدي بين تمارا وحياه ويونس وقاسم مين الي هيفوز ع التاني
- يتبع الفصل التالي اضغط على (رواية متخافيش) اسم الرواية