رواية متخافيش الفصل الثامن 8 - بقلم منة محمد
يونس وهو طالع من البيت بعد ما حافظ طردته تمارا شافته ماشي ووراه حياه بصلها بكل غضب وهي مقدرتش تتحمل مش انه مطرود لانه ماشي مع حياه الي اعتبرتها عدوها اللدود وخطفت منها حبيبها دخلت وكسرت التسريحه وفضلت تصرخ
اسعاد جريت عليها بخضه……ايه الي جري يا تمارا ليه كل ده
نعمان……تمارا حصل ايه
اسعاد بخوف وقلق………مالك يابنتي قومي قوللنا ايه الي حصل سيده هاتي كوبايه ميه حصل ايه يابنتي
نعمان بصوت عالي جدا….قاسم
قاسم دخل ……….في ايه يا بابا
نعمان بعصبيه ………..تعال شوف غضبك الاعمي عمل ايه في اختك لسه خايفه من الهمجيه الي عملتها عجبك وضعها
اسعاد ………….طبعا رعبها لما حط المسدس ع دماغها شايف بقت نص ميته بسبب خوفها منك ويرجع يسال ايه الي حصل
نعمان………. اهدي ياتمارا
قاسم ركع قدامها ومسك دقنها بحنيه………تمارا انا اسف من فضل سامحيني فهمتك غلط من غير ما احقق مكنش ينفع اعمل كده انا غلطان جدا رفعت مسدس في وشك والله ندمان جدا وصدقيني مش هعمل كده تاني ابدا انا ارتكبت غلطه كبيره ومش هنفعل بالمنظر ده تاني لو سمحتي سامحيني
تمارا ببكاء…..انا اتمنيت لو مجتش وتشوف كل ده وكان كل ده محصلش انا حاسه بقهر ووجع كبير وتقيل حاسه كاني هموت بتخنق مش قادره اتنفس ليه عملت فيا كده ليه
قاسم ضمها…………. ارجوكي سامحيني
تمارا …………..انت قاسي ياريتك مدخلت حياتي ابدا
…………………….قصص منه محمد كاتب………….
يونس اخد حياه وطلعوا ع فندق تلات نجوم لحد ما يحل المسأله ودخل اخد شور وطلع يسرح شعره وبصلها لقاها قاعده بضياع
يونس……..تعالي ننزل نتغداه
حياه……انا مش جعانه
يونس……تعالي ناكل انتي حتي مفطرتيش كويس
حياه…..مكنتش جعانه برضو
يونس اتنهد….نتي ليه بتعاقبي نفسك
حياه…..لانك نقلت غلطتك وحطتيها عليا عشان كدا لازم اواجهه عقوبتها
يونس……حياه قدري لو مكنتش اتجوزتك كان خالي هيضربك بالنار او هيخنقك لحد ما تموتي
حياه بعصبيه…..هو انت معندكش دم
يونس…….لاْ عندي وحاسس بالذنب اعمل ايه انتحر يعني
حياه بغيظ……اه موت نفسك يا جبان
يونس بصلها بغيظ ورد عليها…… انا جبان
حياه…..ايوه لما تحط السلاح ع رقبه غيرك لازم تموت فعلا ليه متموتش نفسك
يونس….انا خسرت حبي
حياه ……..وانا مالي بقصه حبك انا مالي
يونس…..وانتي مين قالك تقعدي في العربيه وتروحي السينما مكنش المفروض تيجي
حياه…..هي دي الطريقه الي اتعاقب بيها عشان بتفرج ع فيلم انت بتحاول تبرر الظلم الي اتعرضله انا مكنتش عايزه اروح السينما لكن حبيبتك الكدابه اترجتني اروح معاكم وبعد ما اتقفشته انا لبست عارف ماما زمان قالت لي ايه الناس كانوا بياخدوا الكلاب في اي مكان كانوا بيخلوا حمار معاهم عشان تقع المصيبه ع الحمار وانا كنت الحمار وشيلت الشيله وعاملتوني كلكم ع اني حمار
يونس اتأثر اوي من كلامها ومقرب عشان يراضيها الباب خبط راح فتح لقاه الهوم سيرفر جايب شاي وكيك
حياه بتريقه لاذعه…واو انا في ايه وهو في ايه
يونس قعد وفرغ كوبايه شاي وسألها……..سكر
حياه بصتله بغيظ وقالت……انا مشفتش سكر عنك
يونس فرغ الكوبايه وقام رحلها ومدلها الفنجان…….اشربي شاي
حياه صرخت فيه……اكبه ع دماغك مش عايزه اشرب شاي
يونس كشر…متشربيش انا عندي صداع عشان كده هقعد اشربه
حياه….هو انت كانوا بيضربوك وانت صغير
يونس لف وبصلها…..مفيش حاجه من دي
حياه……ابوك طردك من بيته اليوم وانت عادي قاعد بكل برود تشرب في شاي وتتفرج ع التلفزيون ازاي عندك نفس تشرب حاجه طردك كام مره من بيته
يونس…..انا اغلي حاجه عنده وحصل ده معايا بسببك
حياه رفعت حاجب بغيظ. وحدفته بالمخده في دهره
يونس….موافق حصل ده بسببي بس لو مكنتش اتجوزتك كانوا هيقتلوكي او يقتلوها وانا دخلت بينكم الاتنين
حياه……….انا عايزه اروح مكان مشوفش فيه وشك قدامي
يونس…….حتي انا بفكر بالنفس الطريقه ونفسي اروح مكان مشفش خلقه حد قدامي
حياه….جهنم روح جهنم
يونس تلفونه رن وقام يرد لقاها صفاء منهاره من العياط قالها……ماما من فضلك متعيطيش
صفاء كتمت دموعها……انت فين وفين حياه اخدتها عند مين
يونس….انا في فندق وحياه كويسه
صفاء….معاك فلوس وعامل ايه
يونس…….ماما انا قلقان عليكي بابا قالك ايه اكيد انفعل عليكي وزعقلك صح
صفاء…اه طبعا انفعل بس لحد امتي يعني هيفضل ع حاله وبعدين بقيت متعوده ع كده بس وصيتي ليك خد بالك ع حياه اياك تأذيها
يونس بهدوء….حاضر متخافيش
صفاء…انا هحاول اقنع ابوك وهرجع اتصل بيك حبيبي انا بخير متقلقش ماشي
يونس….ماما متقلقيش عليا انا الي قلقان عليكي انا اسف شوفتي كتير بسببي
صفاء…لاْ انا تمام متقلقش عليا
يونس…خدي بالك من نفسك مع السلامه
صفاء……..مع السلامه
يونس حط الموبيل ع الشاحن وقعد اندمج جدا في الاكل لحد ما لمحها قاعده بصاله
يونس قالها…بدل ما قاعده تراقبيني تعالي كلي حاجه اضرابك عن الاكل مش هيغير حاجه طاقتك هتروح ع الفاضي بس براحتك متكليش
حياه الجوع قرص بطنها قامت سحبت الصنيه ولسه هتاكل سمعت موبيله بيرن بتضرب بعينها لقتها تمارا سابت الصنيه مكانها وكشرت ويونس قام اخد موبيله ووقف في الفراند
يونس بقتضاب….نعم عايزه ايه
تمارا……..مش هتسالني عن حالتي
يونس……تمارا لايمكن تكون عندك شكوي مني دلوقت انتي سبب الي انا فيه ذلتيني قدامهم مش مكسوفه من نفسك جوزتيني فجاه وابويا طردني من البيت والبنت الي اتجوزتها طول الوقت بتتريق عليا وتسخر مني وكل ده حصل بسببك وانتي قاعده في بيتك مرتاحه
تمارا بنرفزه……انا قاعده مرتاحه انت وعدتني بالحب وبتلف وحياه في دراعك
يونس اتعصب….في دراعي امتي اخدتها في دراعي
تمارا بعتاب……انت نسيت حبنا وروحت مع عروستك الجديده
يونس بغيظ…..تمام قوليلي ايه الاختيار الي كان قدامي
تمارا…ليه حصل كده ليه اتجوزت حياه
يونس انفعل….انتي السبب في الي حصل وانا كتر الف خيري مجبتش سيرتك زي ما طلبتي وبسبب كدبتك اخدت الاختيار التاني الي كان قدامي انا عانيت وخسرت اكبر خساره بابا طردني من البيت وبقيت في الشارع عشان كدا مش هقعد اسمع شكوتك بعد الي انا فيه
………………قصص منه محمد كاتب…………………
حياه طلعت تتمشي شويه ورجعت لقته نايم بكل اريحيه ع السرير
حياه راحت زقته من كتفه بغيظ…….انت قوم ( سحبت اللحاف ورمته ع الارض
يونس قام مفزوع…ايه الي جري
حياه…….قوم
يونس بصلها بغيظ وقال وهو مبوز…….ايه ده فيه حد يصحي حد كده
حياه وهي بتشاورله….قوم نام
يونس بص للكنبه….هناك
حياه…..ع الكنبه
يونس….مقدرش انام عليها روحي نامي انتي
حياه…….مش هنام عليها قزم انت نام عليها
يونس…..تعالي نقسم السرير ونعمل جدار بالحاف كده تقدري تنامي براحتك لا تشوفيني ولا اشوفك يله عايز انام من فضلك
حياه …………مش هنام بالطريقه دي
يونس…..تمام روحي نامي ع الكنبه او افضلي صاحيه طول الليل انا هنام
يونس حس انه سقعان قام وبصلها وراح الحمام سحب البورنس وخرج يتغطا بيه وهي بصاله
يونس….بتبصي ع ايه فيه واحد تاني روحي خديه ممكن تغطيكي رغم صغيره
حياه مسكت الفون….انا هطلب مرتبه
يونس بسرعه مسك ايدها…..انتي بتعملي ايه عايزه تفضحينا احنا متجوزين كدا يشكوا فينا نامي ياحياه الله يهديكي ويخليكي
حياه استسلمت وراحت جابت البورنس التاني ورقدت جنبه واتغطت و كلمته وعيونها في السقف….انا قلبي مقهور ازاي جايلك نوم
يونس……النوم بيجي لو ع حبل المشنقه
حياه بدموع…..انا قلبي مكسور
يونس…….وانا اكتر بس لما انام اقدر احل ميه مشكله وهقدر افكر بشكل سليم
حياه…..وايه هو الحل
يونس…..يعني الاول صحتيني من النوم ودلوقت عايزني احل المشكله وانتي نايمه في سريرك رجاء نامي وريحي دماغك وسبيني استريح هفكر في حل بكره الصبح ونستني الي هيحصل
……………قصص منه محمد كاتب………………..
الصبح في غرفه الفندي وهما بيفطروا الباب خبط ويونس قام فتح
سالي دخلت…..هاي يا يونس
حياه سابتها وقامت وسالي اتغاظت وقالت بحقد….. هي مراتك متعرفش تسلم
حياه بتحدي……كان عندي ذوق واخلاق محدش وقتها قدرني
سالي بتعصيب…..يونس شايف ازاي مراتك بتتكلم معايا
يونس…..متزعليش منها ياخالتي حياه اهدي
سالي…..امك قلقانه عليك ومش عارفه غضب ابوك هيستمر لحد امتي عشان كده تعالي اقعد في شقتي
يونس ………….شكرا يا خالتي
سالي بصتلها بكره شديد وقالتلها……متفكرش بعمل كده عشانك انا من ناحيتي نفسي تتسولي في الشوارع ولا يهمني يونس ابن اختي وبعمل ده عشانه هو واختي عشان كده بديله شقتي
حياه ليونس….وانا مش هعيش في شقتها
سالي بغرور…..ملكيش حد هتقعدي تختاري
يونس بهدوء….حياه انتي متعرفيش بابا ممكن يوقف الفيزا بتاعتي في اي وقت من فضلك مقدمناش اختيار تاني
وبالغعل يونس اخد حياه وطلعوا ع شقه سالي
سالي…انا همشي دلوقت متخربوش البيت وترجعوه زي ماكان فاهمين
يونس ابتسم……خالتي هو احنا اطفال
سالي…انا عارفه عادتك عشان كده بقولك ع كلا كل حاجه موجوده في البيت هتشتروا بس شويه خزين وطبعا ده تقدروا بنفسكم سلام
يونس…سلام ( رجع لحياه) شقه جميله ايه رآيك اتمنيت تمارا تكون هي الي معايا كنا هنعيش ايام حلوه حياه روحتي فين
حياه انتبهت له………..ها انا هنا
يونس…تعالي ننزل نشتري شويه خزين للبيت
حياه ………..رو ح انت
يونس ٠٠٠٠خلينا نروح سوي منا معرفش اشتري ايه لللبيت يمكن اجيب حاجات بعيد عن بعضها ويمكن ليكي ذوق خاص يله نشتري مع بعض
حياه اخدت شنطتها ونزلت معاه ودخلوا السوبر ماركت قاسم شافهم وبسرعه استخبا وقرر يكلمها وهي لوحدها ويونس يشيل ويحط في العربيه ويمشي وحياه تاخد الحاجه الي بيختارها ترجعها لان حاجات ملهاش لزمه وهي ماشيه كانت هتتكعبل ووقعت في حضن يونس الي مسكها وتاه في تفاصيل جمالها وهي اتحرجت وبعدت عنه
يونس بلع ريقه ……………خدي بالك
حياه ……….متشكره
يونس….انتي اتمشي ع ما اروح اجيب شامبو
حياه شافته….قاسم
قاسم….شكلك مبسوطه من جوزك ليه عملتي فيا كده انا اه معبرتلكيش عن حبي ليكي بشكل صريح ومباشر بس كنت متأكد انك بتحبيني او حسيت انك بتحبيني من غير ولا كلمه ولا انا بس الي توهمت انك بتحبيني
حياه……..حب! انت حتي مستنتش دفاعي ولا تفسيري طلعتني مذنبه بنت من غير اخلاق ولا شرف وانا مكنش ليا اي صله بيه هو قال اسمي عشان ينقذ تمارا
قاسم صرخ فيها….اسكتي ازاي اصدق
حياه….اقسم لك بالله هو الوحيد الي اقدر اعرض عليه ظلمكم وهو الوحيد الي هيرجعلي حقي
قاسم…حياه بلاش تطلعي اختي اخلاقها منعدمه انا حتي بسبب ماضي امك مقدرتش اصدق ان الراجل يتجوز واحده ويسيب الي بيحبها لو فعلا كده كان قادر يطلبها للجواز ليه قال عنك انتي
حياه…لانه مكنش يعرف ان الامور هتوصل للدرجه دي لو كان عارف مستحيل يقول اسمي هو ندمان دلوقت
قاسم بستخفاف ………..هو ندمان يونس مش ممكن يسيبك ده بيكدب عليكي
حياه ……….انت مش عايز تسمع توضيحي انت بس عايز تطلع غضبك واحباطك ولا يمكن هعرف افهمك بس ممكن اسالك سؤال لو كنت فعلا بتحبني ليه سبتني اروح لراجل غيرك
قاسم…..فيه فرق بين الامرين ازاي راجل يحترم بنت اخلاقها مشكوك فيها
حياه ………بس ولا كلمه الي زيك الغباء طبع ع قلبه ومتستهلش مني اي توضيح
يونس راح عليها لما بعدت عن قاسم وسألها…….خلصتي ولا لسه
حياه بصوت عالي جدا……..فاضل اشتري سم
يونس لف حواليه وبصلها بغضب……..اتكلمي بحترام انتي في محل
حياه …………كل مكان بالنسبه لي جحيم
يونس …………وكاني عايش في جنه
………………………………………………..
في المطبخ
يونس…..محتاجه مني مساعده ولا اروح اشتغل
حياه بصتله…..انت سبق وعملت حاجه في المطبخ
يونس….لا عمري
حياه…..يبقي ازاي هتعمل
يونس……..ممكن تعلميني وانا اعمل
حياه…لاْ شكرا ايدي ورجلي بخير وممكن اعمل كل حاجه بنفسي
يونس…..هو ممكن تتكلمي معايا بطريقه لطيفه عن كده والمعني هيوصل
حياه بسخريه…لطيفه ومعاك
يونس…….تعرفي ايه الشغلانه الي تناسبك اكتر لو حبيتي تشتغلي بأسلوبك ولهجتك وتريقتك تبقي ممرضه في مستشفي حكومي ده يناسبك اكتر مفيش اخلاق معرفش ازاي انتهي الامر ابقي شابك معاها
حياه خلصت الاكل وندهت عليه مردش عليها بينها وبين نفسها ٠٠٠٠راح فين ده
دخلت لقته رايح في النوم راحت عليه براحه: يونس
يونس فتح عنيه:….نعم
حياه…..انت مش سامعني بنادي عليك بقالي مده كبيره
يونس….فيه ايه
حياه بهدوء….عملت الاكل
يونس…هاتيه هنا
حياه بصتله بغيظ ………..قوم هاته بنفسك
يونس كشر……..لو مش هتجيبه هنا خلاص خليه بره
حيه اتنهدت وطلعت جابت الصنيه ودخلتله وهو قام يتثاوب ويتمطع
حياه بشخط ……………هتاخدها في يومك
يونس استاء من اسلوبها وبغيظ مد لها ايده……..هاتي
حياه بتعجب……… انت هتاكل ع السرير
يونس …………ايوه
حياه ………….بس الملايا تتوسخ
يونس بعدم اكترث……..مش هتتوسخ ولو حصل حطي غيرها وبعدين امشي ولا هتقفي تعدي عليا اللقمه
حياه ………..مش رايح الشغل النهارده
يونس…….. مفكره السيد حافظ هيسمح ادخل مكتبي بعد ما طردني من البيت
حياه ……..انت مفيش منك فايده خالص كل وظبط الاوضه وتطلع تروق الصاله انا بنضف المطبخ
يونس…………. انتي فيه خلل في عقلك انا يونس حافظ اقوم انضف البيت ده مش شغل الراجل
حياه ابتسمت بستهزاء……..شوفت رجولتك قدام العايله كلها وبما اننا ساكنين سوي محتاجين نقسم شغل البيت بينا
يونس ……….حاضر هعمل ده لما اعوز
حياه …………….متتكلمش معايا بالاسلوب ده سامع
يونس……………… ليه نزلتي من السماء
حياه ………….بعد الي عملته انت مذنب في عيني
يونس اكل وقام حط الصنيه ع التربيزه في الرسيبشن
حياه بعصبيه ……………هي الصنيه بتتحط هنا برضو ولا بتتحط في المطبخ
يونس……….. انتي مصيبه نزلت ع راسي
حياه ………انا الي مصيبه ولا انت الي حطيت نفسك في الموقف ده
يونس………….. انا لو مكنتش عملت كده كنتي زمانك ميته من الالم
حياه ……………اه اصل انا هموت عليك وكنت مستنياك
يونس…………. ع فكره انا مش بحب البنات الي لسانهم طويل زيك كده
حياه ………صح بتحب بطلتك الطيبه المؤدبه الي مش كدابه
يونس٠٠٠٠ لو كنت اخدتها كانت النهارده بدالك معايا ع الاقل اخلاقها مش هتبقي في موضع شك جايز بابا مكنش طردني من البيت
حياه …………انت المفروض تركز ع اخلاقك انت اه تبان مؤدب ومحترم بس الواقع اسوء بكتير
يونس …………ع الاقل في نظر الناس محترم وامي
حياه …………..بس كفايه ولا كلمه كمان سامع اياك تتتجرء
يونس قاعد قدام التلقفزيون لحد ما الباب خبط كان عامل الدليفري جايب بيتزا حط العلب في المطبخ ودخلها٠٠٠ ياحياه طلبت العشاء قومي عشان تاكلي
حياه مردتش عليه سابها وطلع بس ليه زعلان ورغم كده فتح العلبه اخد حته وسابها لانه ملوش نفس من غير حياه ورجع تاني قعد قدام التلفزيون وتفكيره كله عندها لحد ما نام في مكانه للصبح والجرس رن قام بكسل فتح كان البوابه طالب الزباله وبعدها دخل المطبخ يحضر سخن اللبن وفضل يدور ع السكر والشاي
يونس بعد ما خلص دخل يصحيها ……..حياه قومي عملتلك فطار من اختراعي لحد امتي هتفضلي نايمه يعني حياه يله قومي حياه احنا الاتنين الي في الشقه والزعل والغضب مش هيفيد
حياه مش بترد ولا بتتحرك وهو قلق وبسرعه رفع الحاف وحط ايده عليها لقاه جسمها مولع قال ……..انتي جسمك سخن جدا ( اتوتر) اعمل ايه انا استني هنزل اجبلك علاج وارجع ع طول
حياه اتكلمت بهذيان ……..ماما تعبانه موجوعه لما حد بيقول عنك كلمه وحشه_ عيطت _ لايمكن احارب عشانك ولا عشان نفسي ماما
يونس جه وقعد قدامها وهي شافته ابتسمت وقالت….. انا كنت عارفه هتيجي وتاخد بايدي
يونس عدلها بحنان وساقها الدواء براحه …..يله هقسلك الحراره وافتحي بؤك وهعملك كمدات ع دماغك هتنزل حرارتك بعد ما عطيتك الدواء
حياه كرمشت ملامحها ……الميه ساقعه اوي ودماغي بتوجعني اوي
يونس……استني هدلكهالك الحمد لله حرارتك بتنزل
حياه بألم ………بس دماغي بتلف
يونس مد ايه يدلك دماغها وفضل يتامل مغاتنها
حياه …………..بتبص ع ايه
يونس ……..تعرفي انك جميله ورغم كده لسه مش بحبك
حياه ………بس اتجوزتني
يونس ………..اه حقيقه حزينه في حياتي
حياه ………….وحقيقه ماساويه في حياتي
يونس …………تعرفي انا غلطان كنت سيبتك مولعه بس انا قعدت جنبك اعملك كمدات ولسه زي ما انتي معايا دبش
حياه………… هو انا طلبت منك تهتم بيا وتعملي كمدات بارده زيك
يونس ……….اه قولتيلي يا يونس عندي صداع تعال ادعكلي دماغي كان قصدك تقولي رقبتك مش كده
حياه شالت ايده ………..مقلتش حاجه من دي يا كداب
يونس ………. يابنتي انا ظبطتك وانتي بتكدبي ومتبصليش بالشوق ده انا قلبي مع واحده تانيه
حياه بغيظ ……..يونس
يونس مبتسم……..نعم
حياه………… امشي من وشي
يونس رماها بالفوطه وهو بيضحك وقال ………….حتي انا مش بحب اشوف وشك قدامي
- يتبع الفصل التالي اضغط على (رواية متخافيش) اسم الرواية