رواية متخافيش الفصل السابع 7 - بقلم منة محمد
تمارا كأنها في حلم مخيف كانت مفكره ان الكدبه هتنتهي بشخطتين وشويه عتاب وتخلص مكنتش مفكره ان الكدبه هتتقلب عليها ويونس يروح يتجوز غيرها قامت شدت كل حاجه من مكانها واعدت تعيط
اسعاد دخلت ع الدربكه وشخطت فيها……..انتي بتعيطي ع ايه قلت لك ابعدي عن البت دي خالص بس انتي مسمعتيش كلامي ايه الداعي تبقي حارس سرها شوفتي انتي في الوضع ده بسببها لو مظهرتش الحقيقه مين عارف كان قاسم هيعمل ايه احسن ان حجاب الحب اتشال عن عينه اخيرا اتخلصت من حياه المكاره والا ابوكي كان مستعد يجوزهاله
تمارا…..يعني بابا وافق ع حياه لقاسم
اسعاد…..اه بس الحمد لله اتخلصت منها الابليسه دي دلوقت صفاء تتولي امرها ياحبيبتي بطلي عياط عينك هتورم كده اهدي خلاص ربنا حفظ شرفك طبعا يحفظ شرف البنات المحترمه متعيطيش ارتاحي محتاجه حاجه
تمارا حركت دماغها بـ لاء وبعد ما امها طلعت قالت لنفسها…..ازاي اوقف دموعي دول بيصرخوا ع ضياع حبي الي خسرته خلاص
………..قصص منه محمد كاتب………..
في بيت عائله يونس تحديد في غرفه النوم الخاصه بيونس
صفاء للشغاله…….تعالي دخلي الصنيه هنا واخرجي
الشغاله حطت الصنيه ع التربيزه وحياه كأنها في عالم تاني مش مصدقه لان كل الي حصل مخدش دقايق وبقت متجوزه
صفاء بصتلها…….حياه الاكل ده ليكي لما تجوعي وبلغيني لو احتاجتي اي حاجه من غير ما تتحرجي انا امك دلوقت
حياه بصتلها وبكت وصفاء اخدتها في حضنها وقالت….متعيطيش يا حياه انا معاكي ياقلبي متعيطيش حتي ابني الغبي هو كمان معاكي هو غبي حبتين وطيب اوي وهيعرف يهتم بيكي خلاص الي حصل حصل اما بالنسبه لغضب اهلك مع الوقت هيروح لحاله بصيلي انا كمان بعاني من عواقب تصرفات ابوه بس انتم بتحبوا بعض وجايز الحب ده يبقي سبب في ازاله كل المشاكل خديه ع انه نعمه يله اتكلموا مع بعض وخففوا من غضب قلوبكم متعيطيش تمام
يونس رفع عينه في عين حياه ورجع نزلها للارض ع طول
حياه بغل….ليه مكسوف تبصلي
يونس…..انا مذنب
حياه…وايه الي هستفاده بعدها قولي يا يونس الطين الي رمته في وشي ع اخلاقي وشرفي يقدر ذنبك يغسله كل الي في البيت قالولي اصلك طالعه زي امك انت قللت من قيمتي وخلتني رخيصه ليه ايه ذنبي في كل ده فهمني انت وهي بتحبوا بعض ليه انا الي اتعاقب ع كده
يونس……حتي انا بتعاقب لو الامر صعب عليكي تحمله صعب عليا انا كمان
حياه…..اكيد لاء انت رميت جثه ميته في النار عشان تنقذ حياه واحده عايشه
يونس….لو مكنتش كدبت كان قاسم قتل تمارا
حياه……وانت قتلتني وانا لسه عايشه
يونس اخد نفس بعمق وقال……هحاول احل المسأله
حياه بعصبيه….بعد ايه ماخلاص انتهت اتجوزتني وبقينا متجوزين ده كله ملوش اهميه عندك ازاي هتتحل احنا بقينا زوجين فاهم ( دموعها غرقت عيونها ) انت غيرت سكتك لسكه تانيه مستحيل ترجع لنفس المكان لان الزوايا بتغير كل حاجه ولا يمكن تصلح حاجه خلاص لايمكن تصلح انت دمرتني ازاي تصلح خسرت احلامي خلاص وحولتني واحده حثاله طول حياتي ملهاش اي قيمه واهانتي طول حياتي معاك ليه عملت كده ليه عملتلك ايه عشان تعمل فيا كده انا هعيش ازاي مع الاتهام البشع ده مع البقعه الي صعب تنضف ولا يمكن نغسلها ابدا خلاص ازاي هتغسلها هتعمل ايه عشان تصلح قولي يله صلح يله صلح حالا بعد ما دمرتني
يونس من قهرته جاب الاب وحاول يلهي نفسه معاه بس فضلت قاعده بصاله وهو وشه اتغير للضيق وقفل الجهاز ولف نفسه باللحاف عشان يهرب من عتابها بالنظرات وينام وهي اخر ما زهقت لفت جسمها بالغطاء ع الكنبه ونامت لكن عيونها ماداقت طعم النوم طول الليل وباصه للسقف اما يونس بعد شويه اتقلب بقلق لقاها نايمه ع الكنبه نداها ….حياه
حياه بصتله وقامت اتعدلت بسرعه وحطت حجاب ع شعرها
يونس بحنيه…قومي تعالي نامي ع السرير
حياه بستهزاء …ملوش لزوم تعمل فيا معروف كبير
يونس بصلها كدا وسابها ودخل الحمام وهي قررت تاخدها حقها منهم وتحسسه بالجرم الي عمله فيها!!!!!
…………….قصص منه محمد كاتب……………………….
الباب خبط وهو نايم قال…مين
اسعاد …دي انا
قاسم….انا نايم
اسعاد دخلت وقالت…عارفه انك صاحي ليه بتعاقب امك واختك بسبب ظلم حد تاتي يله قوم افطر واشرب كوبايه شاي
قاسم مسح دموعه وقالها….مش عايز حاجه
اسعاد….احمد ربنا انه خلصك من الابتلاء دي والا كنت ازاي هتتحمل البت دي الي معدومه الاخلاق
قاسم بضيق…ماما من فضلك قفلي معايا ع سيرتها ممكن
اسعاد…..انا بجيب سيرتها لان الطريقه الي خليت اختك تحس كأنها ميته انسي الي حصل والي عملته فيها بسبب بنت هاجر وكويس اوي انك شوفتها ع حقيقتها الوضيعه كنت اتمني يبقي ليها اخ زيك كانت هتبقي زي الالف بجد بنت خبيثه مكاره وانا الي قلت انها بنت كويسه بس طلعت نسخه طبق الاصل من امها
قاسم …………ماما اتمني منكنش ظلمناها
اسعاد بعصبيه خفيفه…انت عايز تضايقني وتقولي انها بريئه وبنتي انا الي تطلع مش كويسه ماشي موافقه اختك بنت وحشه لكن ليه يونس شهد لصالحها خلاص انسي الموضوع ده احنا نشكر ربنا انه خلصنا منها غير كده مراه عمك حليمه مكنتش مرتاحه طول ما هي هنا تعال اشرب الشاي معايا بره
………………قصص منه محمد كاتب……..
ع السفره
صفاء..اخير جيت بس ايه الموضوع ليه وشك مكشر كده
يونس سحب كرسي وأأعد………ولا حاجه كده
صفاء ابتسمت……. انا مبسوطه اوي كأنك حيتني مره تانيه تعرف بالي عملتيه رديتي فيا الروح واثبت لي ان الحب ده نعمه كبيره روحت بيت اهلي بعد سنين طويله محرومه ادخله بس دلوقت اتغيرت كل حاجه مش كده بس تصدق ابويا وامي كبروا في السن عايزه ارجع الارض لنعمان باي طريقه
يونس….مش خايفه من بابا
صفاء….انا دلوقت مبسوطه هنشوف لما يرجع طيارته الدهر
يونس…تفتكري رده ع الي عملنها هيكون عامل ازاي
صفاء بصت للفراغ وقالت….هينفعل ويتعصب وبعدين اقوله ع الارض يمكن يتراجع ويرضا من نفسه سبني اقوم اطمن ع حياه انت افطر
صفاء دخلت ع حياه ومبتسمه……صباح الخير يا حلوه مالك ليه قلقانه كده انتي حبيبه ابني يعني معملتيش حاجه غلط
حياه..انا فعلا معملتش اي حاجه غلط
صفاء بتأيد….يبقي حاولي تثبت لي ده دايما لنفسك ولما يهدا غضب ناصر هيتنازل احنا دلوقت نعمل حاجه واحده نطلع نفطر ونروحلهم مره تانيه ونعتذر عدي الليل يعني انطفت النار وانا معاكي
حياه…..انا مش عايزه اروح هناك عندهم
صفاء……..هيعملوا ايه هيرفضوا مفيش مشكله نروح مره تانيه وهنفضل نروح لهناك لحد ما ناخد المغفره يله حبيبتي
……………………….قصص منه محمد كاتب………….
داخله بسعاده وانبساط وبتغني وهو خلع نضارته وبصلها اوي
حليمه بأبتسامه واسعه…..مالك بتبصلي كده ليه
ناصر…شكلك مبسوطه ع الاخر
حليمه….انت بتتريق
ناصر…ليه بدئتي تشكي في نيتي فجأه
حليمه …….فرحانه عشان حياه دي نغصت عليا عشيتي بس خلاص مشت بعد ما ظهرت ان العرق دساس
ناصر…..انتي دلوقت الي بتتريقي
حليمه كشرت…وانت ايه علاقتك بيها
ناصر…علاقتي بيها دم
حليمه…..بس انا قصدي ع دم امها الخاينه
اثناء كلامهم الباب خبط وحليمه قالت بعلو صوتها..ادخل
سيده فتحت الباب ودخلت وقالت…..ست هانم الست الكبيره عايزكم
ناصر بستفسار…ليه
سيده…الست حياه بره ومعها جوزها وحماتها
ناصر بضيق…وهما هنا ليه
سيده..معرفش هما طلبوا مني اندهلك
حليمه ……….خلاص روحي احنا جاين
سيده ……..حاضر
حليمه….يظهر جوز اختك هزقهم جامد
ناصر لبس نضارته وطلع لقاه امه بتقولها….الكل مش مرحب بوجودكم هنا
صفاء بهدوء….ع الاقل جاين لمره واحده ناخد رضاكم وعارفه كل الي هنا مش حابين يشوفونا لكن حاولوا تسامحه وخلي قلوبكم كبيره
ناصر بنفعال شديد….هي البنات من عمايلهم خلتنا نقول حاجه غير اانا ننقذ شرفنا وسمعتنا
صفاء….نفسي تهدأ وتقعد تتكلم عشان تفهم مش كل مره تتعامل بعصبيه واستخفاف
نعمان دخل بسخريه…………هو جوزك رجع وعرف انك جوزتي ابنه
صفاء…لاْ لسه معرفش
ناصر عينه بكره ع حياه وقال…مصدقك بعد ما شوفتك قاعده مرتاحه
الجده………بس وقفوا وانت ياناصر اسكت
ناصر..ليه المفروض اسكت بعد الي جوزها عمله فينا
الجده…..اظن اختك جوزت ابنها بناء ع طلبك منها عشان كده انسي خلافات الماضي
نعمان….. ده حقي ولا يمكن اتنازل عنه وعايزني اسكت
الجده…..بسبب حته الارض الصغيره الاخوات قطعوا بعض عمر وعدت سنين طويله وبنتي جايه تعتذر ودايما تقف وتتأسف وتتسول تسامحوها وانا مش قادره حتي اضمها لو كنت اعرف ان كل ده هيحصل مكنتش قولت لها متطلقيش من جوزك وتخربي بيتك وهي كانت هتقبل تتطلق وتجيب ورقه الارض تحطها في ايد اخوها
الجد توفيق…ياولاد دي مهما كان اختكم دمكم وواجب تحموا بيتها من الخراب بنفسكم بس شكوتكم منها مش بنتنهي ابدا
صفاء…نعمان
نعمان دفعها…خليكي بعيد عني مش هقدر اسامحك
صفاء ببكاء…ناصر
ناصر….اسف يا صفاء
الجده…تعالي يا بنتي اقعدي جنبي
صفاء راحت قعدت تحت رجول امها وابوها وعيطت…..ليه مسمحتنونيش من زمان
الجد….لانك امبارح خلتينا فخورين عشان نصفتي بنت اخوكي
الجده…..ايوه نقذتي شرف اخوكي ورحمتينا من كلام الناس والفضيحه لان بنته حطت علينا التراب وانتي رفعتيه عننا
حياه بغضب شديد…انا معملتش حاجه
الجده….انتي تسكتي خالص ده غلطنا سلمناكي من صغرك لـ امك قلنا هتربيكي كويس وشكلنا نسينا الي عملته فينا دي مقدرتش تصون شرفها
حياه قامت بنفعال….متجبنيش معاكي تاني هنا ياعمتي
الجده تابعت حياه لحد ما اختفت ووقالت…اخوكي مقهور ع خيانه بنته لو ع الفلوس مسير القلوب تتصفا لكن الاخلاق دي تختلف
الجد….وداد قومي نصلي الدهر
الجده قامت….اه يله
يونس بأحراج…..ماما يله بينا( جري قومها من ع الارض)
صفاء…انا همشي دلوقت وهتصل بيكي يا ماما لما ارجع البيت
الجده مسكت ايدها ….لاْياصفاء اقعدي معايا هنا شويه عايزه اشبع منك
صفاء شاورت ليونس بدماغها ياخد بعضه ويمشي وهي راحت في حضن امها
……………..قصص منه محمد كاتب…………..
يوم جديد بدايه الاحداث الي هتنقلنا في الروايا
صفاء…… امسكي يا حياه دي شبكتك تعرفي انتي تميمه حظ بالنسبه لي
حياه بغرابه…انا
صفاء…..ايوه أأعدت مع ابويا وامي بفضلك وعلاقتي اتحسنت معاهم مكنتش اتخيل ده يحصل ولا حتي في الاحلام خلتيني اقرب من عايلتي مره تانيه واخويا عطاني قيمه واحترم ابني وانا متأكده كل الامور هتتحل واحده واحده تبقي تميمه حظي بقي ولا لاْ كان بس نفسي في حاجه واحده اعمل فرح كبير بس هنعمل فرح ونعزم كل الناس
حافظ دخل بستفهام…………: فرح مين؟! الي بتتكلمه عنه
يونس بلع ريقه بخوف……بابا
حياه…….ازيك
حافظ ابتسملها…..اهلا بيكي اقعدي بس مين هي
صفاء…..حياه
حافظ…حياه
صفاء…بنت اخويا ناصر
حافظ……اه وبتعمل ايه هنا مش مشت مع امها
صفاء: ورجعت منا قلت لك
حافظ كأنه افتكر وقال…اه فعلا قولتيلي (بص لحياه) تعرفي هيحصل معاكي ايه لو اهلك عرفوا انك عندنا هنا اصل بيتنا منطقه محظوره الدخول عليها بالنسبه لهم
صفاء…..من دلوقت هتعيش معانا هنا
حافظ مافهمش منها حاجة وبصلها باستغراب …………مش فاهم
صفاء بلعت ريقها واتشجعت وقالت……هي دلوقت مراه ابننا متجوزه هي ويونس عشان كده هتعيش هنا
حافظ ابتسم…………: انتي بتهزري صح
صفاء فركت ايدها….لاْ
حافظ قفل ملامحه بصدمه …..يونس امك بتقول ايه انت اتجوزت البنت دي
يونس بصله ورجع بص لصفاء اما حياه وقع قلبها من نظراته وخافت.
حافظ زعق……..انا عايز اجابه
يونس…..ايوه
حافظ……..: ازاي ده من غير ما تسألني او تطلب اذني عملت كده في السر وفي يوم وليله
صفاء…هما الاتنين بيحبوا بعض وقاسم شافهم ولما ناصر عرف كانوا هيقتلوهم روحت انقذتهم
حافظ شدها بعنف وقالها…..وبعدين قررتي تجيبي الطبق القذر ده لبيتي البنت الي امها عليها علامه استفهام طردها جوز امها من بيته وابوها البيولوجي رماها ع دماغنا
صفاء نبره تهديد …….حافظ ورق الارض لسه معايا
حافظ. مسكها من هدومها صرخ فيها …..ماتغور الارض هي اغلي من سمعتنا وسمعه ابني ازاي تتجرئي وتجوزيهم من غير حتي ما تشوريني ولا تتصلي بيا
يونس سحب صفاء منه ووقف قصاده …..مقلتلكش لانك اكيد مكنتش هتوافق ابدا وسيب امي
حافظ. بنظرات حاده …..يعني انا موفقتش فقررت انت وامك وخرجتوني بره الموضوع تـ
صفاء قطعته ….انت مش فاهم الموضوع احنا لما روحنا لقينا ناصر في ثوره غضب وهدد يموت نفسه ويونس عملت كده وانقذت حياه ابني
حافظ رفع ايده عليها……اخرسي
يونس مسكه من ايده وانفعل……هو انت في وعيك ازاي تمد ايدك ع امي هقتلك
حافظ وسع عيونه…..هتقتلني انت هتقتلني الي اتربي ع مخلفاتي دلوقت عايز ياخد حبيتي امشي حالا من بيتي اخرج من هنا وروح عيش تحت رحمه اجدادك يله غور حالا ( شد حياه وزقها) وانتي كمان امشي معاه
صفاء…..بتعمل ايه يونس خليك
حافظ…….مش عجبك امشي انتي كمان معاه يله
يونس رجع له وهو بيصرخ فيه……متزقهاش سامع
حافظ ضربه بالقلم…….يله اخرج من بيتي
صفاء ببكاء مرير…لاْ يا يونس
يونس صعبت عليه امه ورجعله……بابا اسمعني
حافظ……..ابوك الي اهانته بتاكل من خيري وتسيئ لي
صفاء بصتلو بأمل…….اسمعني
حافظ….انتي اسكتي والا هطلقك وابعتك معاهم غوره من هنا
صفاء……رجعلي ابني حرام عليك
حافظ بقسوه…..مبقاش ابنك انا من النهارده معنديش عيال
صفاء ببكاء….هيروح فين هو معهوش حاجه
حافظ……يروح في داهيه ولو عايزه تروحي معاه امشي انا مش همنعك اظن بيت اهلك مفتوحلك دلوقت يله روحي وعيشي هناك ده لو رضيوا يدخلوكي
استوب ياتري يونس هياخد حياه لفين وصفاء هتسكت وتمارا هتعمل ايه
- يتبع الفصل التالي اضغط على (رواية متخافيش) اسم الرواية