رواية متخافيش الفصل السادس 6 - بقلم منة محمد

  

 رواية متخافيش الفصل السادس 6 -  بقلم منة محمد 

يونس بعد ما رجع من خروجته مع تمارا راح يدور ع امه ونادي………: يا ماما

صفاء بصوت عالي……تعال يايونس انا هنا

يونس رحلها ومسك سلسله …….ليه مطلعه علبه الدهب

صفاء ابتسمتله…..ابدا برتب العلبه يونس

يونس بصلها ………..نعم

صفاء …….سرحت فين

يونس……… مسرحتش انتي الي سرحتي

صفاء ………….عليا

يونس ……….ماما هو مش كل ام نفسها تشوف فرح ابنها وتقلق لو متجوزش مش تقلق ع دهبها بدل ما تجوز ابنها

صفاء………. اختار البنت لنفسك وانا هشترلها الشبكه بنفسي

يونس …………….هو فيه بنت وقريبه منك

صفاء قريبه مني مين دي لتكون واحده من بنات اخواتي وده نفسي يحصل بس مستحيل وانت يابني متفكرش عشان تصلح العلاقه في البيت ده محتاج معجزه تحصل

يونس ……..والمعجزه ممكن تحصل ليه لاْ

صفاء بقهر………كان ممكن بس بعد الي حصل مش هستني اي معجزه عشان كده حاول تنساها صدقني ده الاحسن

………………قصص منه محمد كاتب………..

حياه رفعت عيوهعا وسالتها ٠٠٠مالك بصالي كده ليه

تمارا بحقد٠٠٠ ايه الخطه الجديده الي عندك عملتيله سحر اوي سيطرتي بيه ع اخويا

حياه ضمت حواجبها ٠٠٠قصدك ايه

تمارا ٠٠٠ قصدي اخويا مشهور باسلوبه السيئ والمتعصب قدام العايله كلها مش بس الصغيرين حتي الكبار بيفكروا كويس قبل ما يتكلمه ومش عارفه عملتي في ايه ده طلع مجنون بيكي وكلم ماما عشان يتجوزك

حياه بصدمه ………..بتقولي ايه

تمارا بغيظ …….مفيش داعي تمثلي قدامي بعد كده اخويا قالها صريحه عايز يتجوزك وانتي بتعملي مش فاهمه حاجه

حياه ………قاسم عايز يتجوزني انا

تمارا بحقد……..اه ودلوقت بس وفهمت نيتك كويس اتعصبتي اول ما شافك فوق طبعا بترسمي يبقي ع علاقه معاكي

حياه ………والله ما كان عندي حتي النيه لكده ولا عندي اي فكره ان قاسم ممكن يقول حاجه زي كده

تمارا ……….طبعا وانتي هتقولي وانا اصدق دلوقت فهمت ليه كنتي قلقانه وعشان تظهري صورتك الحلوه قدامه دمرتي صورتي تفتكري هيرضا يسامحني

حياه ……….تمارا بتقولي ايه معقول قاسم عوزني

………………………………….

ناصر سالها ………..هو زين نام

حليمه …………….ايوه وبكره رايحه معاه عنده اجتماع مهم في المدرسه

ناصر بهدوء ……….هاجي اخدكم بس انتي لسه مكشره

حليمه ………لاني مش عايزها هنا

ناصر ……..ممكن تتجاهلي وجودها

حليمه …………..اتجاهل

ناصر ……….ايوه لان انا مش فاكر حتي وجودها ممكن تروحي وتسالي اي حد مش بكلمها وموقفتش معاها دقيقه بس انتي الي كل شويه تقولي اسمها قدامي

حليمه ……..دي جات بينا عشان كده بقول اسمها

ناصر ……….مفيش حد دخل ما بينا

حليمه ………….معرفش لحد امتي هتفضلي ع موقفك ده

ناصر ……….قصدك ايه

حليمه ……..البت دي قدرت تسيطر ع قاسم من اول ما جات هنا انت بقي ايه بالنسبه لها هي بنتك واكيد هتحنلها وترشحها بحكم من دمك

ناصر ………..انتي بتقولي ايه ومال قاسم في كلامنا

حليمه …………عايز يتجوزها وطلبها من امه

ناصر……… ايه واسعاد قالت ايه

حليمه …….رفضت طبعا بستماته هي مش عايزه بنت هاجر تبقي مراه ابنها واظن حقها

ناصر حرك راه بموافقه…….عملت الصح

………………………..

حياه راحت مع قاسم الكليه وخلصت كل اوراقها وراجعه معاه في العربيه

قاسم ………حياه افتحي درج العربيه فيه علبه خديها

حياه اخدتها وسألته بستفسار………: ايه دي

قاسم مبتسم… اظن هتروحي الكليه لازم تفتكري الوقت وبكده مش هتتاخري ابدا لما ترن

حياه بصت للساعه وقالت …………بس مش محتاجلها

قاسم ………….بس دي هديه معقول هترفضيها انا في العادي مش بقدم لحد هديه بس جبتهالك انتي جربيها ع ايدك يله

حياه ……….دلوقت

قاسم …………….ايوه يله حياه

حياه ………حلوه

قاسم ………..حلوه اوي ع ايدك البسيها ع طول

حياه ………..شكرا

قاسم …………العفو

حياه داخله مبسوطه وسعيده جدا انها اطمنت ع اخواتها من امها وبالهديه الي حسستها ان ليها قيمه وبتعامل معامله البني ادمين

اسعاد بحده …………كنتي فين

حياه ………. في بيت ماما بطمن ع اخواتي

اسعاد ……….مع مين

حياه ……….مع قاسم

اسعاد ……….وهو فينه

حياه ……….راح مشوار بعد ما وصلني

اسعاد ……….ومين سمحلك تاخديه قاسم لحد هناك

حياه ……….جدي

اسعاد ……….قاسم ده ابني انا فاهمه ابني انا

حياه ……….ومين قال غير كده

اسعاد ……….شوفي يا حياه انا مش بحب اكون قليله الذوق ولا اقول كلمه تزعل حد مع اي شخص بس لما اشوف حد بيغلط بهينه في عينه ومش بخاف قاسم ده ابني الوحيد والي بتفكري فيه بعيد اوي عنك اقفلي جناحاتك وانزلي ع الارض والا هنتف ريشك لاني مستحيل اوافق بنت زيك تبقي زوجه لـ ابني

حياه بقهر ……….بنت زي

اسعاد ………. اه زيك امها خانت ابوها ومرموغت شرفه تبقي بنتها اكيد طالعه زيها ومش هسمح لابني وحيدي يقع في الفخ ده ابدا وهجوزه من بنت محترمه وامها ست محترمه فـ متحطيش ذره امل في قلبك ده احسن لك

حياه وقفت وكلمه بنت بنت محترمه وامها ست محترمه تنهش فيها اما اسعاد جريت ع غرفه قاسم ودخلت

اسعاد ……….قاسم ها عجبتك صوره البنت

قاسم ……….اظن قولت لك اختياري

اسعاد ……….انسي اختيارك ده خالص

قاسم ……….تمام انسي جوازي ده خالص

اسعاد ……….ياقاسم

قاسم ……….شوفي لو كان عندك اعتراض في اختياري ملوش لزوم اختيارك كمان اقفلي الموضوع ده وانا هقفل خالص ع طلب حياه اوكيه ماهو مش هتجبريني اتجوز انتهت المناقشه

اسعاد بعصبيه ونرفزه………. مخلصتش بالطريقه دي

قاسم ……….بس انا بحبها وانتي عارفه طريقتي

اسعاد ……….يابني اسمعني

قاسم ……….ماما لو موركيش شغل سبيني لوحدي شويه ممكن

…………………قصص منه محمد كاتب………………..

ع الموبيل

تمارا بحقد….. اه شوفت الهانم هتطير في العالي نجحت تسيطر ع قاسم وقرر يدخلها حياته

يونس ……..خلاص انسي الامور القديمه وصاحبيها لينا مصلحه عندها

تمارا ……….ايه المصلحه

يونس……….. الشخص الي متحكم في حياتك موجود والبنت الي بيحبها قريبه منك صاحبيها وحبيها وحافظي عليها مضايقهاش وتطفشيها منك باسلوبك

تمارا …….تصور عقلك بيشتغل بسرعه

يونس …….طبعا امال مفكراني غبي خليكي لطيفه مع حياه متخلهاش تنفر منك قربيها منك وبعدين لو اتجوزت اخوكي طريقنا هيبقي اسهل حياه وقتها هتقدر تقنعه برتباطنا

تمارا …….تمام ماشي

يونس ……….بقولك ايه ماتيجي بكره نروح اي كافيه نقعد فيه

تمارا …….كفايه اكلمك في التلفون الوضع صعب اني اخرج

يونس ………اعمل ايه عايز اشوفك وانتي تقوليلي نتكلم ع التلفون

تمارا ضحكت…….تمام هحاول اتصرف يا روميو

يونس……اسمعي جيبي حبيبه اخوكي معاكي بالطريقه دي هيوافق تخرجي

تمارا …….حاضر اي اوامر تانيه يبشا

يونس ……..ومتحطيش عذر بعيد ميلادك المره دي

تمارا بغيظ ……….بتتريق يا يونس طيب مش جايه

يونس ……….اسف كنت بهزر معاكي

تمارا………. يله هقفل عندي كليه الصبح بدري

يونس…….. تمام سلام

تمارا ………سلام

…………………………………………..

في المول

سالي كانت هناك بتشتري فساتين وهي بتفر الاصطف سمعت صوت بينادي عليها لفت لقتها اختها صفاء

سالي بدهشه ……..صفاء

صفاء بحزن وعتاب…….. لسه فاكره ان ليكي اخت

سالي ……..الي يسمعك يقول بتتصلي بيا كل يوم

صفاء ……..بخاف حد يعرف انك بتكلميني

سالي ……..وكاني بهتم بيهم تعالي نقعد في اي مكان ونتكلم

صفاء…….. يله ماما عامله ايه

سالي …….. كويسه وانتي

صفاء…….. انا الحمد لله شوفت بنت ناصر لما كنت مع ماما في المستشفي

سالي ……..جوز امها رماها بعد موت امها متحملهاش ايام بعدتها بعد الجنازه

صفاء ……..وحليمه عامله معاها ايه

سالي ……..دي عامله زي البوتجاز مش طايقه حياه ولا بتحبها ابدا

صفاء ……..وهي حياه عامله ازاي

سالي ……..شبه امها جميله زيها بس انا مش طيقاها وناويه اخلي حياتها جحيم وهتشوفي

صفاء…….. ليه يا سالي حرام تعاقبيها ع تصرف امها

سالي ……..ليه بقي بسبب مين انا وحيده مش بسبب امها الخاينه وهي المفروض تتحمل عقاب امها منا مش هبقي مبسوطه لو هي بقت مبسوطه وشها بيفكرني بامها هي جميله زيها

صفاء لنفسها…معقول يونس بيحب حياه عشان كه كل شويه يتكلم عن بنت طول الوقت بس تمارا كمان موجوده ,,,,لاء تمارا كانت قدامه من زمان كان هيقولي لو هي الي في قلبه يبقي هي حياه

سالي ……..سرحتي في ايه

صفاء ……..ها ولا حاجه تشربي ايه

……………………..

نعمان بغضب: كنتي بتعملي ايه مع صفاء

سالي ببرود …….كنا بنشرب قهوه سوي

نعمان ……..ممكن اعرف ليه

سالي ……..اختي وقعدت معاها

ناصر ……..واحنا مين

نعمان ……..بابا اسألها ليه سالي قابلتها

سالي ……فيه ايه مالكم نازلين فيا تحقيق كاني قتلت قتيل ولا عملت مصيبه ايه فضلي عشان ابقي سعيده في حياتي عندي اخت اكبر مني وقابلتها واتكلمنا ايه الذنب الي عملته والمشكله بينك وبينها تدخلني بينكم ليه

ناصر ……..هو انتي مش واحد من العيله

سالي ……..وكوني واحده من العيله انفذ اومركم وانا زي الهبله

نعمان ……..انتي مش مكسوفه بتتخانقي معنا ع علاقه الناس الي سرقونا

سالي…….. امك وابوك بتجبروهم ميتعاملوش مع صفاء عشان بتخدموهم في كبرهم اما انا محدش فيكم له حق يجبرني اعمل ايه واقطع علاقتي بمين انا حره اقابل الي اقابله واتكلم مع اي حد ومحدش يقدر يمنعني

ناصر ……..عارفه انتي لوحدك لحد دلوقت بسبب تفكيرك واسلوبك

سالي ……..انت فاهم غلط السبب وري وحدتي هي مراتك الخاينه هربت مع خطيبي ومقدرتش تعمل اي حاجه فضلت واقف ساكت زي الصنم

ناصر صرخ فيها ……..اخرسي

سالي ……..الواقع مش هيتغير لمجرد انك عايزني اخرس واسكت الناس مش هينسوا ان مراتك هربت وسابتك عشان راجل تاني

الجده ………..سالي امشي ع اوضتك بقولك امشي

ناصر طالع قابلها راجعه في وشه بصلها بغكره وغضب وقالها بتحذير……متجيش قدامي كل ما بشوفك تيجي صوره خيانه امك مش عايز اشوف وشك ارجعي لوري

حياه رجعت لوري ونزلت دموعها وهي مش فاهمه هي ليه بتتعاقب بالشكل ده ورجعت قعدت في الفراندا

تمارا: حياه يله

حياه….تمارا سبيني ربنا يخليكي

تمارا………. حياه لو سمحتي تعالي

حياه ………بصراحه انا مزاجي اليوم مش رايق اطلاقا

تمارا……يونس جاب لتذاكر وبعدين لحد امتي هتزعلي

حياه ……..هو سهل الواحد كل شويه يسمع كلمه تحرق في دمه

تمارا ……..عارفه عشان كده بقولك تعالي نخرج ونتفرج ع فيلم ونستمتع وزعلك يقل شويه حياه انا رميت الي حصل ع جنب وبمدلك ايدي بالصداقه تاني ولو موفقتيش المره دي اوعدك هزعل واخاصمك للابد عشان كده البسي يله اتاخرنا

حياه اتنهدت وقامت تلبس وهي متكدره لكن ما باليد حيله و بسؤال…..هتقوللهم رايحين ع فين

تمارا ………قلت لماما رايحه عيد ميلاد واحده صاحبتي ومتقلقيش بالنسبه لقاسم هو خرج مع اصحابه من فضلك البسي بسرعه

حياه ……..ولحد امتي هتفضلي تالفي حجج كدابه

تمارا…….. لحد ما تتجوزي انتي وقاسم ووقتها هترتبي الامور بنفسك

حياه كرمشت ملامحها………..جوازي من قاسم

تمارا ………..ايوه هو بيحلم بده يله بقي اجهزي من فضلك هنتاخر

…………………………….

في السينما وهتبدء حياه حياه تأيل للسقوط

قاسم دخل مع اصحابه وشاف الثلاثه قاعدين ويونس في النص وبيهزر ويضحك معاهم بصلهم وتمارا وحياه خافوا ويونس وشه اتخطف وقاسم استأذن صحابه وطلع من المكان تحت استغربهم

تمارا جسمها بيرجف……..: اخويا هيقتلني الليله ارتحت

يونس……..: تمارا ممكن تهدي كان في النهايه هيعرف

تمارا ببكاء………..مكنش المفروض يعرف بالطريقه دي

حياه ………..تمارا يله نمشي

تمارا ……..يونس خليك انت هنا

يونس بقلق……..ازاي اسيبك معرفش ممكن يعمل معاكي ايه لازم ابقي معاكي

تمارا ………..انا خايفه

حياه ………..هتعملي ايه لو فضلتي واقفه هنا اجلا ولا عاجلا هتواجيه ارجعي البيت وقولي لوالدتك انك بتحبي يونس وهي تتعامل مع قاسم بنفسها لازم تتشجعي يله حبيبتي

حياه طلعت من السنما ووراها تمارا ويونس وشافت قاسم الي وشه بيقول هيرتكب جريمه

تمارا ……….قاسم اسمعني

قاسم بهدوء بيحاول يتحكم في اعصابه قال …….هنتكلم في البيت

تمارا……. ممكن تسمعني

قاسم اتك ع اسنانه بغيظ شديد……..اقفلي بؤك احسن لك تقفليه يا تمارا و الا هنزل فيكي ضرب لحد ما تموتي

يونس….قاسم تمارا وحياه وانا

قاسم شده من ياقه قميصه……..هقطع لسانك لو قلت اسم اختي فاسكت احنا هنمشي من هنا واياك تفكر مش هتتعاقب ع عملتك دي وهما كمان هيتعاقبوا بس الاول احكي لـ اهلي عن المسخره دي

حياه سحبت تمارا وطلعت ركبتها جنب قاسم الي اتحرك ع البيت بأقصي سرعه

تمارا: احنا كنا

قاسم…….مهما كانت القصص والاعذار الي هتألفيها ارجعي البيت واعملي كده اما دلوقت اسكتي خالص ومتقوليش كلمه واحده

……………………………….

في الصالون في منزل عائله حياه

اسعاد…..بقولك ايه يا نعمان بنت اخو حليمه بنت كويسه ومؤدبه ولطيفه وحددنا معاد نروح نشوفها لقاسم

نعمان………….: بس انا رآي لما نسأل قاسم الاول

حليمه……….: امه كلمته

اسعاد…………: وابني هيعمل كل الي اقوله عليه

نعمان: لو كده انا معنديش اي اعتراض

سالي بتهكم شديد: واثقه انه هيسمع كلامك ويتجوز ع رغبتك

نعمان……..: ليه بتقولي كده

اسعاد بغضب…..سالي اسكتي ونقطيني بسكوتك

سالي:……….. ايه الي انا قلته سألتك سؤال راي نقول لنعمان ع كل حاجه

نعمان بحيره ………: ممكن حد يفهمني فيه ايه

اسعاد………: نعمان متصدقهاش اظن انت عارف كلام سالي الفارغ

سالي…….انا كلامي مش فارغ هقولك ياخويا اصلهم مش موافقين ع البنت الي اختارها قاسم لنفسه

اسعاد بغيظ……….وانتي بقي الي عجبك اختياره

سالي رفعت كتافها ببرود شديد………وايه الي هيفرق سواء عجبني ولا لاْ

نعمان….. ممكن تهدوا قولي مين الي بيحبها قاسم

سالي …………انا اقولك حياه

نعمان ………طيب لو كده ليه ندور عن بنت تانيه

اسعاد ………..لاني مش موافقه ولا عايزها تبقي مراه ابني

نعمان بتعجب…………. ليه ايه الوحش فيها

اسعاد …………انا عايزه بنت بريئه للام بريئه

الجده……… بس ابنك عايزها

اسعاد ………….بس انا امه

نعمان…….. ولو دي سعاده قاسم يبقي لازم نهتم بيها

الجده ……..صح

ناصر ……..نعمان انا متفق مع مراتك الاحسن ندور ع بنت تانيه لقاسم ولو عشان هي بنتي انا شايل ايدي منها

الجد.ه…هايل زمن غريب لما يكون الاب مش عايز يضمن بنته احنا هنعمل كده انا وابوك

الجد…نعمان انا بطلب منك قاسم يتجوز حياه وياناصر متقلقش انا مش بطلبها لانها بنتك لانها حفيدتي

الجده…وانا موافقه وبعتبر نفسي ام حياه

الجد………..: رد عليا وقولي موافق ع طلبي

نعمان بطاعه…بعد كلامك ازاي ارفض من اليوم حياه بقت بنتنا

اسعاد..لكن يا عمي

نعمان بحزم ……اسعاد خلاص بابا قال كلمته وهيتم الي قاله

الجده…يله قومي اعمللنا الشاي من ايدك

………………………

يونس لنفسه……..مستحيل اسيب تمارا في الوقت ده لوحدها هي محتاجاني جنبها اكتر من اي وقت فات ازاي هتواجهه اهلها لوحدها المفروض اعمل ايه

يونس اثناء ما كان بيكلم نفسه مسك تلفونه رن ع رقم امه وفتح الخط….ايوه يا بني انت فين ابوك سافر وانا لوحدي ليه مرجعتش لحد دلوقت

يونس ……..ماما اسمعيني الاول

صفاء ……..فيه ايه

يونس ……..ماما هتحصل كارثه

صفاء بخوف ……..في ايه يايونس وقعت قلبي

يونس ……..هقولك لما ارجع البيت بس دلوقت اخرجي بسرعه لبيت جدي

صفاء بذعر ……..ليه حصل ايه هناك ماما وبابا جرالهم حاجه

يونس ……..كلهم كويسين انا الي محتاجلك ومحتاج مساعدتك

صفاء ……..يابني قولي فيه ايه واساعدك في ايه

يونس ……..هقولك لما ارجع لو سمحتي حصليني بسرعه ع بيت جدي مضيعيش الوقت

صفاء ……..يونس

يونس ……..ماما انا قربت خلاص اوصل بعد دقايق بسرعه روحي ع بيت جدي من فضلك امنعي الكارثه

اما قاسم دخل وشد المسدس من الحارس الي واقف ع البوابه وبيجري وراها

تمارا بخوف وذعر…..ماما الحقيني

اسعاد …………….بتعمل ايه يا قاسم

قاسم ………….مش هسيبك تعالي هنا

اسعاد………تمارا حصل ايه

قاسم صرخ بجنون وهو بيشدها من ايدها ………. انزلي هنا

اسعاد وشها اتخطف…….يابني اهدي وفهمني وارمي الزفت ده من ايدك

قاسم وهو بيزق تمارا من دهرها بعنف……ادخلها هنا وبعدها هقولك ادخلي

نعمان بشخط….قاسم في ايه ليه بتزق اختك كده

قاسم لامه ….سيطري ع تصرفات بنتك سامعني هي بتقرطسنا كلنا ومش هتحكي هي عملت فينا ايه عارفه انا جايبها قاعده مع مين

الجد قاسم اتكلم ع طول عملت ايه

قاسم مرمطت شرفنا قدام الكل ياجدي ومش هسيبها عايشه النهارده

الجده شدت منه تمارا…بس ايه الي بتعمله ده اتجننت قولي عملت ايه

تمارا ٠٠٠بابا ربنا يخليك انقذني منه هيقتلني وانا معملتش حاجه

قاسم صرخ ٠٠٠كدابه ده انا هقتلك واشرب من دمك انا شوفتكم سوي واتمنيت اتعمي ولا الارض تنشق وتبلعني بس انا هخلص عليكي بنفسي

نعمان ٠٠٠يابني اهدي وفهمني

صفاء هنا دخلت ووراها يونس الي خايف ع تمارا من جنون اخوها وبطشه

سالي بتعجب ٠٠٠صفاء

نعمان بغضب ……….انتي ايه الي جابك هنا

يونس دخل متوتر ………….بصراحه

قاسم صرخ وهو بيشده بغل………..كويس انك جيت خليني اصفي حسابي معاك وتطلع انت وهي في جنازه واحده

ناصر ………قاسم فهمنا الاول فيه ايه

قاسم ……….اسالها ليه راحت معاه السينما

يونس…….بدل ما تعمل فضيحه ممكن تقعد نتكلم زي الناس

قاسم……….عايز تتكلم زي الناس بس انا عايز اتكلمً معاك بلغه السلاح انا مش طايق اشوف وشك تقولي اقعد معاك مستحيل

الجده…قاسم

قاسم شد تمارا بعنف٠٠٠ قوللهم ليه روحتي معاه

تمارا ……حياه اخدتني معاها هي ع علاقه معاه الاتنين بيحبوا بعض

حياه برقت عيوهعا وقالت ……….تمارا خلاص بعد ما الكل عرف ليه تخبي عنهم قولي للكل الحقيقه يونس معاكي انتي

تمارا…….ايه التخريف الي بتقوليه عني ده انتي الي عملتي علاقه معاه ليه تحطيني بدالكً اسفه ياحياه مقدرش اساعدك بعد كده ياريت تقوللهم الحقيقه

حياه.اي حقيقه انا معنديش حقيقه انتي كدابه

اسعاد…بنتي مش كدابه

حياه..قاسم احلفلك بالله اختك كدابه

اسعاد …..اياك تهيني بنتي تاني انتي سامععه عمي دي الي كنت عايز تجوزها لابني وهي طلعت مدوراها مع واحد تاني شوفت حقيقتها

حياه صرخت بعزم صوتها تمارا كدابه انا بريئه ليه بتعملي فيا كده ايه غلطي

تمارا ………مقدرش اكدب بعد كده ياحياه

حياه ……لاء انتي كدابه ومنبع الكدب

ناصر ……..بس اسكتي اياك تهيني بنتي بعد كدا والا هضربك

حياه ………..بنتك امال انا مين

ناصر ……..انتي زي امك انا مليش علاقه بيكي اطلاقا

حياه….سواء ليك علاقه بيا ولا ملكش بس شرفي وسمعتي كل حاجه ليا خلوني اثبت لكم بالدليل يونس قولهم كنت بتقابل مين فينا انا ولا هي قول لكل الحقيقه

تمارا بصت ليونس يؤيدها في كدبتها وهو حب ينقذها من الورطه الي حطها فيها

صفاء………..: ابني قول الحقيقه مين الي كنت بتقابلها ومين الي بتحبها

يونس….انا بحب حياه وجات عشان تقابلني واخدتها السينما تمارا بريئه هي كانت معاها بتساعدها تخرج مش اكتر

حياه ببكاء…ده كداب والله العظيم كداب

حليمه..صح كداب وانتي لوحدك الي بتقولي الحقيقه اما الباقي كلهم كدابين

حياه وزعت نظراتها عليهم وهي بتصرخ فيهم…انتم ليه بتعملوا فيا كده محدش يعمل فيا كده

يونس…حياه مفيش داعي تخافي انا دلوقت معاكي وماما كمان

صفاء……وهو فين العيب لو ابني بيحبك

حياه…….بس انا مش بحبه هي بتحبه وهو بيحبها انا مالي هو بيكدب عشان ينقذها ليه محدش مصدقني

حليمه…..لو هي كدابه وهو كداب انتي بقي الصادقه الي بتقولي الحقيقه

سالي بحقد……..اصل الدم الزفر بيحن هي نفس وضع امها

نعمان لصفاء…انتي بتعمل ايه هنا خدي ابنك و ارجعي لبيتك

ناصر…استني عندك انتي هتاخدي ابنك وتمشي كده

صفاء…..طيب نعمان كان اخويا اما انت يا ناصر كنت اكتر صاحب ليا وبتكلمني كاني حد غريب عنك

ناصر…….خدي البت دي وابعديها عن هنا مبقاش عندي قوه اتحملها كفايه اتحملت الم وعذاب امها مش ع اخر الزمن اوطي وشي من الفضيحه والعار بسبب ابنك مبقاش عندي قوه وصبر اتحمل بنتي الي مش طايق ابص في وشها هي نفسها الي وصلتني اقف في نفس الموقف قدامكم انا مش هقدر اواجهه اي حد

صفاء……وانا موافقه ع كل الي هتطلبه

ناصر بدموع…ابوس ايدك جوزيها لابنك حالا وخديها من هنا والا اقسم بالله ( شد المسدس من ايد قاسم ) المسدس الي في ايد قاسم برصاصه واحده هموتها واموت نفسي وارتاح

يونس……… : انت ياخالي بتقول ايه

صفاء نغزته في كتفه……اسكت انا موافقه ابعد بس المسدس بعيد انا مستعده اخد حياه وتبقي ع ذمه ابني

يونس…ماما اسمعيني

صفاء بغضب……قلت اسكت خالص انا عشت الم الفراق لو الجوازه دي هترجعنا انا موافقه حالا حياه تبقي مراه ابني بس ابوه مسافر دلوقت

نعمان…….. متصدقهاش ياناصر دي بتخلق اي حجه عشان تهرب هي وابنها عادتها القديمه

صفاء………. لاء والله انا مش بخلق حجج لو عايزين تكتبوا هاتوا المأذون حالا دلوقت حياه بنت اخويا وهاخدها بيتنا بكل احترام

سالي…احترام

صفاء..اقعدي ياحياه ( باست دماغها بعطف) حالا نكتب الكتاب

سالي….هي اصلا مش محتاجه لكتب كتاب خديها كده وخلاص لابنك

صفاء بغيظ……سالي حياه هتبقي مراه ابني واي كلمه بتقولهالها كأنك بتقولهالي انا

اسعاد…..عندك حق هي مراه ابنك من الساعه دي لازم نبقي فرحانين ربنا انقذ ابني منها مبروك عليكي البت دي مراه ابنك

………………………….

بعد كتب الكتاب

الجده ….الكل اجمع ان مينفعش تيجي هنا ولكن انا قلت لاء دي دمنا ولحمنا دم وداد وتوفيق واحنا لا يمكن نرمي لحمنا ودمنا مش ممكن يبقي ملوث اكيد هتبقي زينا بس اثبتي ان كل الناس دول طلعوا ع حق واحنا الي كنا غلطانين مفيش شك انك من دمنا بس اثبتلنا انك بنت هاجر وطلع قررنا فعلا غلط انتي مكنش ينفع تيجي البيت هنا

حياه ابتسمت بغصه وقالت ……….في كل مره وفي كل دقيقه الكل ع لسانه اسم امي اي غلطه تتنسب لهاجر كل غلطه تتحط عليها هاجر تستحق كل عقاب ليه لانها كانت مراه ابنك مش بنتك حد فيكم فكر مره ان الي اسمها هاجر دي ممكن تكون مظلومه وميكنش ليها اي ذنب في الي حصل ومكنتش تستهال كل العقاب الكبير ده منكم وحد وقعها في الفخ ده عشان يطلعها خاينه حد فيكم فكر طبعا لاء لان كلكم ملايكه هاجر بس الي شيطان وبيلغط والنهارده حصل معايا نفس الظلم بس فهمت ان صعب اخليكم تصدقوا الحقيقه مهما اقول اصل الحقيقه نفسها كدابه لما متكونونش تسمعوا الحقيقه نفسها كدابه ولا تصدقوها والضحيه بس هي هاجر ودلوقت بنتها بس هيجي يوم وهثبت ان امي اشرف ست في الدنيا وانا زيها خلصت كلامي

الجده……… اتمني كان يجي الوقت ده بدري وكنتي تتجوزي بموافقه ابوكي

صفاء قامت…يله يا حياه يله يابنتي

 

• يتبع الفصل التالي اضغط على (رواية متخافيش) اسم الرواية