رواية جرح الأيهم الفصل الرابع و الستون 64 - بقلم أيلان
دحك ألي صدره يرتفع و ينخفض بـ عصبية
ما أتحمل و دفر الطبله يلي يمه
فزت نيل و هي تلعب وي أبيل
أجتني تركض خايفة ختلت بـ حضني
مُلاذ : أيهم!
دحك ألها رجع عينه عليه
حچيت متنرفزه من صوت البچي و تعابيرهم
مُلاذ : كااافي عاد گلتلكم ظلو هادئين
أيهم : أبيل أخذ أختك
أتقدم أبيل يلعب نيل و أخذها
أبيل : تعالي نلعب بالعن عن
لزمت أيده و مشت و هي تتلفت عليه
لحد ما راحوا ، حچيت بـ عصبية
مُلاذ : أنت شبيك شنو تدفر الطبله؟؟
ليش هو شي بـ أيدي ؟
أسوي غسيل كلى و خلص لحد ما أصير زينه
أيهم : أنتِ مفتهمممه الصاير بيچ؟؟؟
فشل كلوي و عندچ كلية وحده
تدرين شراح يصير بيچ أنتِ؟؟
تدرين غسيل الكلى شيسوي بالواحد؟
مُلاذ : و شسوووي ؟
أيهم : چنتي تگدرين ما تستسبعين
و تدريييين كلش زين عندچ كليه وحدة
أذا أنطخت تتأذين !
جسار : كافي أيهم شبيك؟
أيهم : گومي
مُلاذ : وين أگوم؟
أيهم : گومي خل نرووح للمستشفى
نشوف حالتچ وين واصلة
مُلاذ : ما أگدر أعوف نيل
خليها على باجر
أيهم : نيل يم أهلچ گومي
جسار : عوفها باجر نروح أنا وياها
أيهم : هسه رح نروح
جسار : تگدر تصبر ألنا؟؟
أيهم : ما أصبر لأن ما تفتهمون السالفة شنو
جسار : مطايه أحنا و ما نفتهم
مُلاذ : كااافي عاد
فيروز : روحي يمه روحي شوفي وضعج
مُلاذ : نيل تظل تبچي
أيهم : ناخذها ويانا
مُلاذ : تظل تفتر بـ المستشفيات؟؟
أيهم : مُلاذ لااا تختبرين صبري
و تفورين أعصابي بلا حجج و لف و دوران
گومي گدامي يلا
مُلاذ : ما أروح هسه
دحك ألي ساكت
أتقدم عليه سحب أيدي و گومني غصب عني
جسار : أنت شنو سالفتك
تگلك مريضه تجرجر بيها؟
أيهم : انت ما عليك انه وياها
أذا نظل ننتظرها تقبل منا لـ سنتين
يلا تقرر تروح
مُلاذ : أيهم وخر أيدك عني و كافي
أيهم : سدي حلگج
أريد أنتر أيدي ما يقبل يعوفها
لازمني و أمي و ملاك يحاچني علمود نيل
يگولن ألي نبقى يمها و ما تبچي
أيهم : أبيل
أجا أبيل يركض
أيهم : أبقى يم أختك و ديربالك عليها
أبيل : وين رايحين؟
أيهم : هسه نجي
مو تخليها تبچي زين بابا؟
هز راسه بـ قبول
مُلاذ : أنت شجاي تسوي ؟
طفل تخلي مسؤول على طفلة؟
دحك ألي ، سكتت أخذني و طلعنا
صعدت بـ السيارة أندار هو و صعد ، حچيت
مُلاذ : ماكو داعي لـ هاي ردة فعلك
أيهم : أسكتي مُلاذ
مُلاذ : تگدر تفتهمني؟؟
أيهم : شتريدين؟
مُلاذ : تحاليل و سويت هناك
و عرفت النتيجة و فشل كلوي
بعد شنسوي رايحين ؟
أيهم : سامعه بالفشل الكلوي الحاد؟؟
تعرفين شيصير بيچ أذا طلع وضعج متقدم
حتى غسيل الكلى ما يفيد الا واحد يتبرع الچ
مُلاذ : أصلاً هي من زمان تأذيني
بس ما چان وجعها مثل قبل فترة
أيهم : أحچي أعراضچ شنو حالتچ؟
ظليت أحچي أله و هو يسمعني
أيهم : من چانت تأذيچ من زمان
ليش ما چنتي تحچين؟
مُلاذ : أيهم ستين الف مرض صار بيه
أفرق بين الفشل الكلوي و بينهم ؟
سكت أيهم و مسح وجه حيل بـ أيده
مُلاذ : أنت على شنو هيچ متوتر
نلگا أحد يتبرع ألي و خلص
أيهم : تعبت من أمتحان رب العالمين ألي بيچ
تعبت من شوفة أذيتج گدام عيني
سكتت أدحك أله
أيهم : تگولين متبرع المتبرع التحچين عنه
ما واگف بالباب ذاك من ذاك يلي يتبرع بـ كليته
مُلاذ : تعبت أيهم أنا أساساً جبت نيل ألك
ما أگدر بعد أنا جسمي گد ما أتاذى
ما أطلع هالمره صاحية الا بـ معجزه
أيهم : لا تحچين هيچ و تخبليني
مُلاذ : ترا أنا الجاي أحس بـ تعبي
فوك التعذيب و فوك كليتي يلي أخذوها
و فوك عملية الرصاصتين أتمرضت بـ السرطان
ما خلصت بس بـ السرطان
ولادة نيل هم چانت صعبة و هسه فشل كلوي
شنو من جسم و شنو من صحة تتحمل كل هذا!
وگف السيارة و أندار ألي
أيهم : رح تصيرين زينه بس لا تحچين هيچ!
مُلاذ : أيهم ما تدري شگد تعبانه
أنا زين من عندي متحملة لحد هسه
و أذا عشت ورا الفشل الكلوي هاي معجزه
أيهم : لا تهدين حيلي بـ هالكلام ، أسكتي!
دار وجهه لـ الطريق و كمل
ظليت ساكته و عيني عليه
وصلنا لـ المستشفى ، نزلنا و هم تحاليل
و روحه و رجعة و فحوصات
دخت كلش گاعده و أيهم يفتر بيناتهم
بـ النهاية أجاني بـ أيده التحاليل يقراهم
گعد يمي عينة على ورقة التحليل
أنقهرت كلش من وضعي دوم مريضة
و تعبانه أحس روحي ما رح أصير زينه أبد
دحگت لـ أيهم رفع راسه يدحگلي
حچيت مخنوگه بـ غصتي و عيوني مغورگه
مُلاذ : تعبت
أيهم : اشش لا تبچين
سحبني لـ حضنه و أحنا گاعدين
مُلاذ : حرام
أيهم : عليه الحرام
سكتت و هو باس راسي
و حاضنني لـ صدره
مُلاذ : تعبت كلش أيهم
أيهم : بيه و لا بيچ
ناشغت و حچيت
مُلاذ : أنا مو مثل قبل
ما چنت أبچي هسه صرت هشه
ما أريد أظل هيچ
أيهم : حالة الأنسان الطبيعيه
من يتعب يبچي ، ليش تلومين روحچ؟
مُلاذ : لأن ما أريد أضعف
أيهم : ما تضعفين انه يمچ و أقويچ
لزم أيدي رفعها بـ أيده و باسها
خليت راسي على كتفه و عيوني مدمعه
رفعت عيوني أدحك أله و هو يدحك ألي
مسح دموعي بـ گفى أيده ، همست
مُلاذ : رجعت تحبني ؟
رفع عيونه يشتتهم عني ، حچا
أيهم : رجعت ؟ ليش هو انه شوكت بطلت ؟
وخرت من كتفة و گعدت أمسح عيوني
مُلاذ : خل نروح
أيهم : خل نشوف الدكتور أول
مُلاذ : وين أكو دكتور هسه؟
أيهم : صاحبي خابرته
مُلاذ : اي؟
أيهم : اي خل يجي
مُلاذ : أيهم جايب الرجال بـ هالوقت
علمود يشوف وضعي صدك تحچي أنت؟
أيهم : تعالي
رجع حضنني مره ثانيه لـ صدره
مُلاذ : أنت حلت ألك السالفة
حرام ما يصير تلزمني
أيهم : الحرام عليه
مُلاذ : بكيفك هي الحرام عليك؟
أيهم : أي
سكتت هو أنا أريد يحضنني
و لو ما الحرام چان أنا حضنته
مُلاذ : گاعدين بـ المستشفى تره
أيهم : محد عليه
مُلاذ : صاير كلش أنت
أيهم : هسه شعليهم؟ حاضنچ لو حاضنهم؟
حرام عليه لو عليهم أصلاً ما يدرون شنو أحنا
ما أهتم لـ الناس و أذا عيب أو لا
لأن ما مسوين شي أنا وياه
سكتت و ظليت راسي على صدره و ننتظر
دك تلفونه طلعه من جيبه
وخرت راسي من صدره
جاوب على الأتصال يحاچي جسار
شويه و سد الأتصال
دقايق و رجع أحد أتصلل عليه
أيهم : أجا الدكتور
جاوب على الدكتور يحاچي
لزم أيدي يمشي و أنا وراه
وگفنا گدام دكتور سلم عليه و حاچاه
گعدنا بـ مكان و أيهم ظل يحاچي الدكتور
على حالتي و الدكتور يستمع أله بـ هدوء
- ممكن يكون الفشل الكلوي حاد
هي بـ كلية واحده و مضروبه عليها من قبل
و صاير عدها أعراض من قبل بس ما حاچيه
ممكن يكون هسه الوضع أتقدم و تحتاج زراعة
غسيل الكلى وحدة ما يفيدها
أيهم : يعني؟
- يعني من الأفضل تبلشون العلاج من هسه
و أذا ما صارت زينه عليه فـ أكيد لازم زراعة
أيهم : طبعاً نبدي العلاج من هسه
هز راسه الدكتور بـ قبول
ظلو يحچون شويه الدكتور خوف أيهم أكثر
خصوصاً لمن عرف أنا چنت مريضة من قبل
و يلي تعرضت أله ، أخذه أيهم بعيد عني
يحچي وياه ، كل مره تحتد تعابير أيهم
ظليت أنتظر لحد ما أجاني
أيهم : گومي يلا
مُلاذ : شگال
ساكت ما يحاچيني لازم أيدي و يمشي
لحد ما وصلنا لـ السيارة و صعدنا
أدحك أله شلون يگدر يحبني هلگد
كل هذي السنين شسويت حتى هيچ يحبني
من يعرف صاير شي يأذيني عبالك هو متأذي
مُلاذ : أيهم حاچيني شگال ؟
رن تلفونه ، جاوب ، سمعت جسار يحاچي
يگله نيل تبچي على أمها ، سد الأتصال ساكت
ما جاوب جسار حتى و لا گله جايين
سكتت عنه ما يحاچيني
و عليمن يگول أصلاً أعرف الجواب
وگفنا بـ الترفك لايت و هو صافن و ساكت
صار الضوه أخضر و هو بعده واگف
سيارته أول سيارة ، ظلوا يدكون هورنات
مُلاذ : أيهم الضوه أخضر صار
رفع راسه دحك لـ الضوه
شغل السيارة و مشى ، فاتح الشباك و يدخن
سمعنا واحد من جهتي غلط على أيهم
لأن ما مشى بـ البداية عباله ما سمعنا
و كمل طريقه ، دحك أله أيهم بـ طرف عينه
چنا نريد نروح من طريق ثاني
عاف الطريق و لحگه
من نظراته أفتهمت شنو راح يسوي
مُلاذ : أيهم أيهم عوووفه
حاچيني عوفه خل يولي
لازمه بـ أيده و أحاچي
نتر أيدي من أيده داس بانزين
لاف السيارة وگف گدامه لو ما دايس بريك
چان دخلت سيارته بـ سيارتنا ، نزل أله
أنداريت أريد أنزل قفل بيبان السياره عليه
مُلاذ : أيهم أيهمممم
نزلت راسي أريد أفتح الباب ما يفتح
دحگت دك شباك السيارة على الولد
فتح الولد الشباك
طلعه من شباك السيارة ساحلة من ياخته
دكيت الشباك بـ كل قوتي
مُلاذ : أيهم أيهمممم أفتح البااااب
ظليت أحاول أفتحها ما تفتح
أدحك أله و هو يضرب الولد
دگيت الشباك بـ اثنين أيديه
غير يعوووفه هسه هذا وقته يحچي
هو منا روحه بـ خشمه و گوه طايق روحه
بس يريد يطلع حرگة گلبه بـ واحد
دحگت وگف و عاف الولد
أجا لـ السيارة دحگت لـ الولد بعده بـ الگاع
رجعت عيني على أيهم الصعد بـ السيارة
گوه يجر النفس ، شغل السيارة
مُلاذ : لييييش هيچ تسوي ؟؟
چنت تگدر تعوووفه هسه راح يشتكي عليك
ما جاوبني ، لاف السيارة و مشى
حسيته مختنك گوه يتنفس
ظليت دايره وجهي لـ الشباك و ساكته
بـ الأخير أنداريت أله ، حچيت
مُلاذ : أريد تلفونك تلفوني ما جبته
أنطانيا ساكت
دحگت بي رمز
مُلاذ : شگد الرمز ؟
دحك ألي نزل عينه لـ تلفونه
يلي بـ أيدي ، رجع عينه على الطريق
أيهم : أسمچ و مواليدچ
دحگت أله ، أستغفرت من أفكاري
درت وجهي و كتبت اسمي و مواليدي
مُلاذ : ما فتح؟
أيهم : لَـذه
أبتسمت مثل المخبله و دحگت أله
من گال هالأسم
مُلاذ : ها ؟
أيهم : الرمز لَـذه مو مُلاذ
سكتت و هزيت راسي بـ قبول
كتبت الرمز ، أنفتح ، أتصلت على أمي
مُلاذ : نيل نامت؟
فيروز : أي بچت عليچ و نامت
مُلاذ : سوده عليه
فيروز : شگال الدكتور ؟؟
مُلاذ : من أجي نحچي
فيروز : تمام
نزلت التلفون و سديت الأتصال
رجعت التلفون أله ، أخذه ساكت
مُلاذ : لا تظل ضايج
أنا ما ضايجة گد ما أنت ضايج
ما جاوبني ، دحگت أله
عينه تلمع الدموع بيها
غصته تصعد و تنزل بـ بلعومه
مُلاذ : أيهم هسه أنا گلتلك حتى تضوج؟
دار وجهه لـ الشباك يلي يمه
مسح عينه ساكت ، رجعني لـ البيت
نزلنا أنا وياه ، فتحت أمي الباب
مُلاذ : نيل وين؟
أبيل : نامت
أتقدمت دنگت أله بست شعره
فيروز : ها شصاار؟؟
مُلاذ : خل أشوف نيل و أجيكم
عفتهم و رحت لـ الغرفة
دخلت لـ يم نيل خطيه نايمه و شعرها مفتوح
و هوسه صاير و اللهايه بـ حلگها
وجهها أحمر مبين عليها باچيه
مُلاذ : سوده عليه ناني
وخرت اللهايه و لميت شعرها
تضوج من عنده و ترتاح أكثر من يكون ملموم
غطيتها زين ، رفعت عيني أيهم دخل الغرفة
دنك شمها حيل و باس شعرها
مُلاذ : ديربالك لا تگعد
دحگت البرده مفتوحه أتقدمت سديتها
درت وجهي أريد أرجع لـ نيل
فزيت لمن أرتطمت بـ صدره رفعت عيوني أله
مُلاذ : ليش واگف وراي؟
ظل يدحك ألي ساكت
تتجول عيونه على ملامحي
أيهم : القميص؟
مصغر عيونه بـ تساؤل
عگدت حواجبي ما فاهمه
نزلت عيني لـ أيده يلي لازم بيها قميصه
رفعت عيوني أله ، منين لگا ؟
مُلاذ : وين لگيته؟
أيهم : مالت منو؟
مُلاذ : وين لگيته؟
أيهم : جاوبيني
خليت أيديه ورا ظهري
نزلت عيوني منه و حچيت بـ صوت ناصي
و أنا أوزع نظراتي على الگاع
مُلاذ : مالتك
رفعت عيوني أله ، يدحك ألي
على ثغرة شبه أبتسامه نزلت عيوني من شفته
هسه أنا شبيه صايره مهيلگه
أيهم : شيسوي قميصي يمچ ؟
مُلاذ : بالغلط خليته وي الغراض من رحت
أيهم : متأكدة بالغلط؟
رفعت نظري دحگت أله
يدري بيه أكذب هو أنا طلعت روح القميص
گد ما شبگته و نمت ما شبگت أيهم
گد ما شبگت القميص
مُلاذ : يعني تعرف جواب اسألتك
بعد شكو تسألني و تخليني أكذب؟؟
أيهم : ما رحتي منا لأن كارهتني
مُلاذ : ما كرهتك
أيهم : ليش عفتيني؟ ليش خليتينا نتطلك؟
مُلاذ : ما ندمانه
دحك ألي ساكت
و أنا كملت كلامي
مُلاذ : تريدني أحچي الحقيقة ؟
أيهم : أي
مُلاذ : ما أكرهك و من تطلگنا هواي تأذيت
أنت تظن رحت أنا هناك و عشت حياتي
بس ما عندي حياة هناك
كل يوم چنت أموت من حرگة گلبي
أيهم : ليش سويتي كل هذا بـ روحچ و بيه؟
مُلاذ : صدگني لو باقية هنا
و لو بـ نفس الوضع و بقيت بينك و بين أمي
چنت كل قهري راح أطلعه بيك حبك هسه ألي
چان بـ وقتها راح ينتهي
أيهم : مستحيل ينتهي
رفعت عيوني دحگت أله
مُلاذ : ردتك أكثر من كل شي أنا
نظراته ما عرفت أوصفها ألي
و هو يدحك بـ عيوني مصدوم عبالك
أتفاجئ لمن حچيت مشاعري أله
بدون لف و دوران
أيهم : و هسه؟
مُلاذ : بعدني و رح أظل هيج
رغم أعرف أنا وياك بعد ماكو أي شي يجمعنا
هاي الحقيقة الوحيدة بيناتنا أنا وياك
و ماكو داعي ننكرها لو نكذب
أيهم : يا حقيقة؟
مُلاذ : حبنا و الي عشنا
دنك راسه ألي و همس
عيونه تتجول بين عيوني
أيهم : ليش دوم عقابي بيچ؟
مُلاذ : قدر رب العالمين
ما تگدر تعترض ، شوفة عينك أنا متأذيه
بس خلص صرت أرضى بـ كل شي
عبرته و رحت لـ نيل بوستها
و سديت الضوه عليها
مُلاذ : تعال رح أطلع يلا
أتقدم ناحيتي ، طلعنا سوه
رحنا يمهم گالو جسار و سلطان بره يحچون
گلت لـ ملاك تصيح ألهم ، عيني على أمي
يلي گاعده على نار و تبچي و حتى ملاك
وجهها أحمر ، أجو سلطان و جسار
مُلاذ : كافي تبچون ما يفيد ترا
لا يقدم و لا يأخر و أنا ما رجعت أقهركم
لو هناك وحدي ثقوا و أعتقدوا
ردت أرجع الكم بدون مصايبي
بس مقسوم ألكم تتحملوني و تتحملون مصايبي
أيهم : أحچي عدل
مُلاذ : هاي الحقيقة
أيهم : لا مو حقيقة كافي هذا الحچي التافه
دحگت أله و خزرته
مُلاذ : المهم أنا رجعت
علمود بنتي ما تبقى وحدها تحتاجكم وياها
بچت أمي و حچت
فيروز : لا تحچين هيچ
مُلاذ : ماكو داعي تتكرون الحقيقة
أنا الف موه تأذيت و جسمي أنهار
صحتي متدهورة ما يفيد أي شي وياي بعد
ما ظل شي ما صار بيه و أذا بقيت عايشة
فـ هاي معجزة من رب العالمين
كز أيهم على أسنانه حچا بـ عصبية
أيهم : لا تحچييين هيچ لاااا تحچين
فيروز : لا تفاولين على روحچ يمه
ملاك : شگال الدكتور ؟
أيهم : تحتاج عملية كليتها متأذية
ما يفيد غسيل الكلى ، انه أتبرع ألها
عگدت حواجبي و رفعت عيوني أله
مُلاذ : مو بكيفك!
أيهم : شنو المو بكيفي؟
مُلاذ : لا أنت و لا أمي و لا أي شخص بيكم
يتبرع ألي ديربالكم تفكرون بـ هالشي
أيهم : و أنتِ منو ماشي بـ رأيج؟
مُلاذ : العملية تصير ألي و المتبرع يتبرع ألي
أنت مو زوجي و ما تگدر توافق بدالي
فيروز : مُلاذ شلون حچي هذا
تظلييين هيچ؟!
مُلاذ : أظل ما أظل محد بيكم يتبرع ألي
جسار : و شلون تظلين هيچ؟
بـ رأيچ حل هذا؟
أيهم : مُلاذ لا تحرگين أعصابي
حلگج تسدينه و رجليج فوك راسچ
تقبلين أتبرع ألچ كلمة زايدة ما أريد
مُلاذ : شنو تجبرني؟
أيهم : أي
مُلاذ : ما تتبرعون ألي
و الله بس تفكرون تتبرعون ما أتعالج
و لا أسوي غسيل كلى
أيهم أتنرفز و عصب الكل ما قابل على كلامي
بس أنا مستحيل مستحيل أخليهم يتبرعون ألي
أتعاركنا أنا و أيهم و راح ، حاچتني سلوى
گلت ألها عرفوا
طلعنا أنا و أيهم و جسار و هتان و نيل و أبيل
كـ أخير طلعه ألي لأن بعدين لازم أبدي العلاج
رغم بعدني جسار مضوجني
بس ما نحچي أصلاً ، مجرد موجود وياي
نيل معودتها أطلعها بـ منتزه بين يوم و يوم
لمن چنا بـ تركيا حتى ما تظل تمل وحدها
أصلاً ما چان أكو وياها أطفال و لا أحد
بس أنا ما ردت تنعزل عن الناس
گاعدين و نيل و أبيل يلعبون سويه
أيهم يسولف وي هتان على وضعها
مُلاذ : راح أروح أشتري مي عطشت
أيهم : أمشي
راد يگوم يجي وياي
گله جسار يگعد هو يريد يجي وياي
سكت أيهم و گعد گمنا أنا و جسار نشتري
دخلت المحل أشتريت حلويات لـ الاطفال
و مي هم و أنا واگفه أشتري
رفعت عيني لگيت علياء واگفه گدامي
وسعت عيوني عليها متغيره
بس وجهها ينعرف
و لو ما مخلية شي يعتب عليها
ما مخليته لـ وجهها ، شافتني هي هم
أنداريت لـ جسار واگف يشتري ما منتبه
ما لحگت أحاچي حتى نطلع و هي حچت
علياء : سم و زقنبوت أن شاء الله
أندار جسار يدحك بـ أستغراب
لحد ما أستقرت عينه على علياء
هو منا محمل بـ گلبه عليها
نوب يشوفها صدفة و هي تدعي بـ كل صلافة
جسار : على منو هاي ؟
مُلاذ : عوفها جسار ختولي
جسار : لا تعالي تعالي
أجيتي و الله جابچ
أنا هم صارلي هواي أدور عليچ
وگفت گدامه و لازمته
حچيت بـ صوت ناصي
مُلاذ : جسار محل و كاميرات
حباب خل نطلع
أصلاً ما يسمعني
عود هي تبطل ؟ لا تظل تگرك
علياء : عساكم ما تتهنون أن شاء الله
سودتوا حياة أبني الله لا يهنيكم
مُلاذ : علياااء سدي حلگج و ولي
جسار أتخبل يريد يروح ألهاو أنا لازمته
رفعت تلفوني خابرت أيهم
و جسار يتعارك وياها
جسار : المجرمه ظلي بـ مكانچ ظلي
أذا ما أخليهم يشيلوچ لـ السجن
رفع تلفونه يريد يخابر الشرطه
و هاي و لا تنردع تگله ما عدهم أدله عليه
و جسار زادت عصبيته من راحتها
المحل همزين فارغ بس أبو المحل موجود
مُلاذ : يمعود كااافي ختولي
جسار : أذا ما أخيسچ بـ السجوووون
حچا أبو المحل
- رجاءاً أتفضلوا حلو مشاكلكم بره
مُلاذ : خويه أصبر النا
هسه رجلي رح يجي
حچيت منطلقة نسيت متطلگين
دخل أيهم المحل و شايل نيل بـ أيد
و لازم أبيل بـ الأيد الثانية و هتان ويا
مُلاذ : جسار شنو هالعصبية
شسالفتك ما تگلي ؟
أنداريت لمن أيهم نزل نيل
و أجا ناحيتنا يسكت جسار
و يطلعه من المحل
خطية هتان خايفة من حالة جسار
هاي بعدها ترادد
خلت جسار يشيط و يصيح
مُلاذ : عندك مشكلة بـ العصبية أنت لو شنو؟
جاي نگدك أعدء خل تولي
ركضت نيل
حضنت رجلي خايفه ختلت وراي
نيل : مامي ، مامييي
أنداريت لـ علياء لمن صيحت
علياء : خلفتييي نغله مثلچ
ما معروف أصلها من فصلها
رفعت عيني أدحك ألها
عفت جسار و رحت عليها سحلتها من عبايتها
ردت أكتلها و أيهم لزمني ما يخليني أروح ألها
مُلاذ : لسااااانج أكطعه و أخلي بـ أيدچ
أذا حچيتي كلمة عليهااا أفتهمتي لو لااا
علياء : نغله ذيچ وينها
أتخبلت أريد أروح ألها
أيهم لازمني بـ أثنين أيديه و يصيح عليها
حتى تروح و جسار گوه لازمته هتان
مُلاذ : عووووووفني و الله الا أتوبچ
ما شبعتي ذيچ السنيين كلها من الأهاين
هسه كيفتي من شفتينا راح نرجع نهينج
طلعها أبو المحل
مُلاذ : عووووفني و الله الحگها
دفعت أيد أيهم و طلعت وراها
لزمني مره ثانية و سحلني للمحل
مُلاذ : عووووفني
أيهم : اشش أسكتي
انه بعدين أطيح حظها
خزرته و هو يسحل بيه
واگف وراي و يدفعني حتى أدخل المحل
دخلني لـ المحل ، ردت أرجع أطلع خزرني
مُلاذ : شنووو أنت تقبل يحچون على نيييل ؟
دفع الفلوس لـ أبو المحل
سحب جسار طلعه من المحل
و لزم أيد أبيل و شال نيل و أنا گدامة
مُلاذ : هسه أجي
أيهم : مُلاذ حظ حظچ أطيحه
أتحركي بدون حرف واحد
يلا بسرعه لـ السيارة
مُلاذ : ما أروح شنووو تحچي على نيل
صعد نيل و أبيل بالسيارة
لزم أيدي سحبني صعدني بـ الوره
أيهم : أكبري مو كل شي عرك
ماكو داعي نصير مضحكة لـ امة محمد
بعدين انه أعلمها شلون حچت على نيل
سد باب السيارة عليه
و صعدو جسار و هتان
وصلنا لـ البيت و راح
بلشت بـ العلاج ، أتعب كلش
أظل أتوسل بـ أيهم بس أريد أشوف نيل
بس ما يقبل لأن بداية علاج و أتعب
لازم أظل هذني الكم يوم بـ المستشفى
أمي و ملاك على طول يمي
و أمي دموعها ما تنشف گد ما تبچي
كل الاقارب عرفوا و غاده تجيني هم
دخل أيهم الغرفة
أيهم : لازم عملية زراعة كلى
الفشل الكلوي بـ مرحله متقدمة
و ما يفيد غسيل الكلى
مُلاذ : لا يفيد عادي
أيهم : شنوو العادي ؟؟
لج بابا تموووتين تفتهمين أنتِ؟
غسيل الكلى أذا أذى كليتج هاي و لو شويه
أنتِ بـ مرحلة متقدمة مووو بـ البداية
مُلاذ : ترا بس لمن ضربني هذاك الجلب
لمن بديت أتعب و رحت حللت
گعد يحاچيني على الاعراض
و أنا أتذكر من زمان عندي
بس ما چنت أعرف لأن كلها صارت سوه
أتمرضت هواي بحيث صرت ما أفرق
مُلاذ : أستمر على غسيل الكلى
أيهم : مُلاذ أفهميييني كلية وحده عندچ
غسيل الكلى ما يفيدهااا
للفشل الكلوي ممكن يكون حاد
و ما يفيد غير زراااعة الكلى !
مُلاذ : أقبل بس ما تكونون أنتوا المتبرعين
أيهم : منوووو منو يتبرع يعني؟؟
مُلاذ : لااا تصيح عليه !
أيهم : أفتهميني مرررره وحده بـ حياتچ
لا تعاندين لا تخليني أتخبل
مُلاذ : ما تتبرعون ألي
لو تنطبق السماء ع الأرض
أيهم : ماا يأثررر عليناااا ما يأثر
مُلاذ : لا هسه شلون أثر عليه
بعدين يأثر عليكم هم و تعبت من العمليااات
كافي عاد أذا أموت خل أموت
دحك ألي أيهم متنرفز
تعارك وياي لأن حچيت هيچ و عافني و طلع
ظليت أيام طويلة أنا بـ ذاك الوضع السيء
حالتي كل ما جالها تتدهور بـ الزايد
بس يوم واحد أرجع لـ البيت
و بـ هذا اليوم حتى أشوف نيل
لأن تظل تبچي عليه و تريدني
بـ الليل أرجع و نكمل العلاج
أيهم أستمر يلح على زراعة الكلى
و أنا رافضة أشد الرفض
بـ النهاية لمن سوو تحاليل
طلع دمي ما يطابق دم أيهم
و لازم بـ التبرع يكون دم المتبرع مطابق
أيهم : لا تكيفين كل النعرفهم
نسوي الهم تحاليل لحد ما نشوف
منو يطابق زمرة دمچ
فيروز : أبوها نفس زمرة الدم چان
دحگت ألها و أنا أتذكر بابا
لو موجود اليوم يتبرع الي بـ روحه
مو بس كليته ، نزلت عيوني منها ساكته
بلشوا بـ تحاليل الدم و لا واحد يطابق
بس ملاك و أنا طبعاً ما قبلت
ملاك : دكتور أنا بالغة السن القانوني
و أحنا أهلها و نوافق على العملية
أحنا نتحمل على مسؤوليتنا
قبل لا يحچي الدكتور حچيت
مُلاذ : دكتوور أنا ما قابلة و ما موافقة
العملية عمليتي و أنا ما موافقة
أذا سويتوا ألي العملية و بدون موافقتي
و بـ موافقة أهلي فـ كل مسؤوليتي عليكم
أذا صحيت من العملية أشتكي ع المستشفى
دحك الدكتور لـ أيهم ساكت
و أيهم خزرني خزره
أيهم : دكتور انه أتحمل مسؤولية كل شي يصير
-ما أگدر دكتور أيهم لازم موافقتها
سكت أيهم و الدكتور طلع
ملاك : مُلاذ صدددك تحچين أنتِ؟؟
عاجبچ بنتج تفرفح كل يومية
و أنتِ عندچ حل و ما تسوين هذا الحل
مُلاذ : لا تحاولون ما راح أوافق
سحب أيهم الكرسي و گعد گدامي
ظل يحاچيني و عيونه يوجن نار من عصبيته
بس يريدني أقبل على العملية و أنا رافضة
بـ النهاية گام وگف دفر طاولة الأكل
صيح عليه بـ كل صوته متنرفز
أيهم : خرررررباليووم الشافني بي ألياس
لوووو ظال تحت رحممممة الچتال
و ما شاااايفچ و لا شااااايفتني
دحگت أله ساكته و هو طلع
و ضرب الباب حيل ،
امي و ملاك و غاده موجودين
غاده : أنتِ ليييش تخلينه هيچ يضوج؟؟
مُلاذ : حچا الي بـ گلبه
ضاج من عندي ، مل
غاده : صدك تحچين أنتِ؟
مُلاذ : ما شفتي هسه؟؟
غاده : الرجال رح يتخبل حتى تصيرين زينه
و أنتِ تتدلعين عليه ! و من يصيح ما تقبلين
مُلاذ : أي أتدددلع أنا
عاجبتي وضعي هيچ
عافتني و گامت طلعت ضايجه مني
بقن أمي و ملاك يمي يحاولن يقنعني
بقيت على قراري رافضة رفض قطعي
غفيت تعبانه ، گعدت ، درت وجهي
دحگت الغرفة ظلمة
مُلاذ : منو هنا ؟
أيهم : شبيچ؟
درت وجهي ناحية صوته
و ما حچيت ، أخذت شالي
يلي على تاجية السدية لبسته
راح فتح الضوه و أجاني
مُلاذ : شتسوي هنا؟
أيهم : يمچ شسوي؟
مُلاذ : ماكو داعي تبقى هنا
أيهم : و منو سألچ أنتِ؟
مُلاذ : أنا ما أريدك
أيهم : محد سألچ أذا تريديني لو لا
مُلاذ : ترا ماكو داعي تجبر روحك
گلتلك رجعت علمود نيل حتى تهتم بيها
مو حتى أنت تساعدني
أيهم : ما يخصچ
مُلاذ : لا يخصني ما أريدك
شوف غير دكتور يجيني
أيهم : سدي لـ حلگج
درت وجهي منه ساكته
أيهم : راح توافقين ع التبرع
مُلاذ : ما أوافق
أيهم : توافقين
مُلاذ : لا تحاول ما أوافق
أيهم : أنتِ ليش هيچ تسوين؟
مُلاذ : دلوعه أتدلع عليك
أيهم : مُلاذ
مُلاذ : ما أسوي و الله ما أقبل بـ تبرع ملاك
لو السماء تنطبق ع الأرض
و أنت لا تظل شاد أعصابك ما مجبور بيه
تگدر تروح ثنينا ندري أول و تالي ما أتحمل
أيهم : منو أنتِ و تحكمين شوكت تموتين
و شوكت تعيشين؟
مُلاذ : مو من حديد أنا
تعبانه أفتهم كافي
أيهم : تعبانه تتعالجين
مُلاذ : ما تعبت و أنت تحاول؟
أتعالج ! تعالجت ألف مره
ما تدري أنت جسمي جاي ينهار من الوجع
و ما عندي طاقة أتحمل علاج بعد
مو حجاره أنا حتى الحجاره تتكسر
أيهم : بس هالمره أتحملي شويه
بس هالمره لا توجعين گلبي عليچ
مُلاذ : عليمن ينوجع گلبك عليه؟
مو اليوم أنت گلتلي لو ما شايفچ
أعتبر نفسك ما شايفني و لا تعرفني
أيهم : و أنتِ شلون تفهميها؟؟
مُلاذ : شنو شلون أفهمها؟
أيهم : فهمتيها تعبت منچ مو؟
مُلاذ : أي لأن أنت هيج قصدك
أيهم : غبيه أنتِ
مُلاذ : لا تغلط
أيهم : و الله غبيه كلش
وين أحچي انه و أنتِ شنو تفتهمين
مُلاذ : لعد شنو قصدك ؟
أيهم : لو ما شايفني عمي ألياس بـ ذاك اليوم
ما چان صار بيچ كل هذا ! ما چان تأذيتي
چان أبوچ بقى عايش ما چان أنخطفتي
و أتعذبتي ما چان هذا وضعچ اليوم
أذا اليوم أنتِ متأذيه فـ بسببي
مُلاذ : ماكو داعي تحمل نفسك ذنب شي
هذا المقسوم ألنا و هذا الصار
أيهم : ذنبي ، مهما حچيتي ما رح يتغير
مُلاذ : مو ذنبك
دحك ألي ساكت
أيهم : وافقي على العملية
مُلاذ : ملاك صغيرة و شما يصير
ما أخليها تتبرع ألي بـ كليتها
رجع ظهره لـ ورا يزفر أنفاسه ، أتنرفز
بس ظل هادء و ساكت
أرجع كم يوم لـ البيت
نيل تفرفح من البچي عليه
رجعت لـ المستشفى بعد ما أنتكس وضعي
أيهم جاب نيل و أجا ، نومها بـ حضني
مُلاذ : حبيبة أمچ
ضميتها بـ حضني و هي تبچي
بوستها و ظليت مخليتها بـ حضني
گد ما بچت الشهگه بـ بلعومها
گعد أيهم على السدية يدحك ألها
من شافته گامت أله گعدت بـ حضنه
أيهم : روح أيهم
أبتسمت نيل و ظلت بـ حضنه
تلعب بـ دبدوبها
مُلاذ : أبيل وين؟
أيهم : بقيته بـ البيت
هزيت راسي بـ قبول ساكته
گام أيهم شايل نيل
گلي راح يطلعها يشتري ألها
أخذها و طلعوا من المستشفى
أجو أهلي و جسار و هتان
و هكذا ظلوا طول هالايام يتناوبون عليه
تعبت كلش ، أجت غاده يمي
مُلاذ : مليييت روحي رح تطلع من الملل
غاده : لگيت سالفة حلوة
مُلاذ : شنو هي؟
غاده : نزلت تطبيق أقرا بي قصص
مُلاذ : مخبله
غاده : يا دهر ليش مخبله
شمحلاها قراية القصص
مُلاذ : قصص شنو؟
غاده : قصص واقعية
ناس عايشينها و يكتبوها
أقرالج وحده منهم ؟
مُلاذ : حلي عن سماي
غاده : خل أقرا ألج
مُلاذ : أقري فضيني
غاده : شوفي هذي القصة
أسمها لهيب الليالي
مُلاذ : اي
غاده : القصة البنية عمرها 18 سنه
و يزوجونها أبن عمها و أبوها فد واحد مفلوك
مُلاذ : اي ؟
غاده : فـ يزوجها أبن عمها غصب
و هي ما تريده يطلع حتى هو ما يريدها
مُلاذ : عليمن متزوجين بعد؟
غاده : أهلهم جبروهم
مُلاذ : و شبيهم ما عدهم لسان يرفضون؟
غاده : مو الكل مثلچ لسانه لسان دلاله
مُلاذ : ادبسز
غاده : أوگفي خل أقرالج القصة تتونسين
سكتت و هي بلشت تسولف القصة
و هكذا ظلت كل يوميه تجي تقرالي بارت
و أنا أسمعها لأن صدك أمل وحدي
الدنيا ليل و هي گاعدة يمي
مُلاذ : ليش تعوفين أدهم و تجين
غاده : ما عايفته يريد أبو طلع يفتر ويا
مُلاذ : عبالي عفتي
غاده : لا شلون أعوف وليدي حبيبي
أبتسمت ساكته
غاده : أكمل ألج قراية البارتات؟
مُلاذ : أقري
غاده : وين وصلنا أخير شي
من لهيب طلع من العملية مو و رجع لـ البيت؟
هزيت راسي بـ قبول
گعدت تحچيلي المكتوب
بـ النهايه ضحكت و حچت
غاده : لهيب يريد يدخن فـ ليلى گلتله
ما تدخن صحتك متدهورة ليس تشيرته
و وگف ياخذ باكيت الجكاير
اخذته ليلى بسرعه و ضمته وراها
راد ياخذه ما قبلت
حچت ألي حوارهم بـ النهاية گالت
غاده : ليلى ركضت و شمرت باكيت الجگاير
من شباك الغرفة
ضحكت و حچيت
مُلاذ : يستاهل راح أطبقها على أيهم هالسالفه
غمزت ألي غاده ، ضحكت و حچيت
مُلاذ : أنجبي ، لاحظت شغله بـ هالقصة
غاده : شنو ؟
مُلاذ : البطل مثل أيهم هواي يطك خشمه دم
من يعصب أيهم هم هيچ
غاده : أي صحيح
بس حرامات الكاتبة رح تبطل تنزل
مُلاذ : ليش؟
غاده : ماعرف عدها أمتحانات
ف عود گالت بـ عطلة نصف السنه تنزل
مُلاذ : يمكن هالشي أحسن ألها
غاده : طبعاً واضح عدها أمتحانات
هي خلصت الجزء الاول
و جاي أسحل بـ البارتات سحل
حتى ما تخلص القصة بسرعة
هزيت راسي بـ قبول ساكته
درت وجهي لـ غاده لمن حچت
غاده : مُلاذ ما تكتبين قصتج؟
ضحكت و حچيت بـ أستهزاء
مُلاذ : شكتب؟
غاده : قصتج
مُلاذ : خاب دروحي وين ألي خلك
غاده : حبابه مُلاذ و الله قصتج قوية
تكسر الدنيا أذا كتبتيها
مُلاذ : گومي عني لا أدفرچ
غاده : حبابه مُلاذ و الله تركع بـ الگاع
أذا تكتبينها و تنشريها
مُلاذ : هي شنو قصتي شو كلها مرض
و كئابه و خطف و ضرب ها أها
و گرايب ما بيهم خير
غاده : لچ بالعكس قصتج تخبل
و تستاهل الكتابة ترا الي مريتي بي مو قليل
مُلاذ : ولي عني غاده
ظلت تحاول و أنا رافضه
مرت الأيام و أنا وضعي كل يوم يسوء
بسبب أمراضي قبل
هسه مرضي أثر عليه كلش
رفعت عيني من الشباك وجهته لـ الباب
بعد ما أنطرقت ، لبست شالي و حچيت
مُلاذ : أدخل
دخل جسار الغرفة بـ أيده علاگه
جسار : شلون صرتي؟
مُلاذ : بعدني نفس وضعي
أتقدم ناحيتي
سحب كرسي و گعد يمي
مُلاذ : شلونها هتان؟
جسار : زينه
مُلاذ : حملها شلونه؟
جسار : هم زين بس تبچي هواي
على اصغر شي تبچي
مُلاذ : عادي هرمونات الحمل
هز راسه بـ قبول ساكت
لحظات و رجع حچا
جسار : بعدچ ضايجه مني ؟
مُلاذ : على شنو؟
جسار : لأن ضميت عنكم
مُلاذ : السويته غلط
بس خلص شي راح و أنتهى
و أعرفك سويت هالشي علمودي
جسار : بالضبط ما چنت رايد أذيكم
سكتت و هزيت راسي بـ قبول
جسار : حاچيت أيهم هم بس هو ضايج مني
مُلاذ : بعدين يرضى
سكت و أنا هم سكتت
ظلت غاده تجيني و تلح أكتب قصتي
و أنا مالي خلك ، أول و تالي ما باقية
مُلاذ : غاده ولي عني
غاده : ليش ليش؟
مُلاذ : ويني وين القصص
رجعت تلح حتى أكتب القصة
ما أعرف ليش هلگد تريد أكتبها
لحد ما بـ يوم وافقت و هي حاچت الكاتبة
أيلان :-
رجعت من الدوام روحي بـ خشمي من التعب
شمرت جنطتي و رحت بدلت و غسلت
گعدت على القنفه أباوع بـ التلفون
دخلت على حسابي بـ الأنستا
رحت على طلبات المراسلة أشوف الرسائل
دخلت على وحدة من المحادثات
وحده راسله ألي من زمان
-سلام ، صديقتي تريد تكتب قصتها يمچ
تستقبلين قصص؟
أيلان : هلا حبيبي ، أعتذر عن الرد المتأخر
أرسلي نبذه و أذا تستاهل فـ من عيوني
رجعت أشوف باقي الرسائل
بـ النهاية سديت تلفوني و نمت
فزيت على أمي و هي تگعدني
أمي : شنو سالفتچ ما تگليلي
گاعده وياج بـ البيت و ما أشوفچ
أيلان : نعسانه
أمي : دگومي أكلي
أيلان : ما جوعانه
أمي : يمه أنتِ ما عندچ معده ؟
شوكت تجوعين صارلج يومين ما ماكله
عايشه على الطاقة الشمسيه
ضحكت و أخذت تلفوني
لگيت البنيه مجاوبتني و دازه ألي النبذه
أخذت ألها سكرين و گلت بعدين أقراها ...
مُلاذ :-
ظليت أشهر بـ المستشفى
أيهم ما يقبل أطلع لازم أظل تحت العناية
و علاج ما يفيد كل مره وضعي يسوء
و أيهم روحه بـ خشمه من وراي
دخل لـ الغرفة ، دحك ألي
أيهم : لگينا متبرع
مُلاذ : منو ؟
أيهم : ما نعرفه هسه نجيب ألچ الأوراق
وقعي عليهم
مُلاذ : ما أوقع على الأوراق أذا ما عرفت منو
أيهم : رجال غريب
مُلاذ : منو هذا الرجال الغريب ؟
أيهم : هسه أنتِ شلج علاقة؟
مُلاذ : جيبه خل يحاچيني
أيهم : مُلاذ !
مُلاذ : بطل تضحك عليه مو طفله أنا
أدري بيك جاي تجذب حتى أوافق
كز على أسنانه بـ عصبية
رفع تلفونه لمن أجا أله أتصال
جاوب على الأتصال
أيهم : ها مازن؟
ظل ساكت و يستمع أله و يحچي
ويا ، بـ الأخير سد الأتصال
مُلاذ : مازن شلونه؟
أندار عليه خزرني
مُلاذ : بعد طلع عيونك من مكانها
أيهم : شنو شلونه مازن؟
مُلاذ : شبيك جاي أسأل عليه؟
دار عيونه لـ الشباك أيديه ورا ظهره
أيهم : مو زين
مُلاذ : ليش؟
أيهم : تذكرين تاره؟
مُلاذ : يا تاره ؟
أيهم : الي چانت تشتغل وياچ بالمكتب
مُلاذ : أي أتذكرتها ، شبيها ؟ شعليها بـ مازن؟
أيهم : يحبها
رفعت حواجبي مصدومة
مُلاذ : منين يعرفها؟؟
أيهم : لمن ودينا الراتب بـ أيده ألها شافها
مُلاذ : نفس السستم راقبها مو؟
أيهم : ما راقبها
مُلاذ : لعد منين حبها؟
أيهم : ما أعرف ما حچا ألي
مُلاذ : أي؟
أيهم : يحبها و يريد يخطبها بس أبوها رفض
و هي تحبه بس تلومه
مُلاذ : على شنو ؟
أيهم : خطبوها ورا ما أتقدم هو الف مره
مُلاذ : ليش شنو السالفه؟؟؟
أيهم : وضع مازن كلش تعبان بسببها
ضحك بـ أستهزاء و كمل
أيهم : انه متعود بس هو لا
مُلاذ : متعود ؟ ليش شسويت ألك أنا؟
أيهم : أبد
دار وجهه و راح فتح شباك الغرفة
وگف يدخن بـ الشباك ، دار وجهه ألي
أيهم : تشمين ريحة الدخان؟
هزيت راسي بـ رفض
دار وجهه و كمل يدخن ساكت
مُلاذ : خل أرجع لـ البيت
أيهم : لا ، تتعبين
مُلاذ : بس اليوم و الله أشتاقيت لـ نيل
أيهم : بعدين مُلاذ من تصيرين زينة
مُلاذ : حباب أيهم يوم ما يأثر
دحك ألي
أيهم : بعدين
مُلاذ : ترا جاي تضوجني أشتاقيت ألها
أيهم : تعبين جاي أگلج
مُلاذ : شنو السالفة كل اليتمرض هيج؟؟
كل العنده فشل كلوي لا يطلع و لا يمشي
و لا يشوف الدنيا !
أيهم : أنتِ عندچ كليه وحدة و تتعبين
ما جاي تفهميني
مُلاذ : ما رح أتعالج كل هذا الجاي تسوي
بلا أي فائده تبقيني هنا و تركض
بس ما راح يفيد أيهم لا تضغط على نفسك
أيهم : تتعالجين
مُلاذ : ما أتعالج لأن وضعي صعب
و اعرف كلش كل دكتور تحاچي
يگلك نفس كلامي أنا منتهيه
رفع أيده و طشر كل الأوديه بـ الگاع
وسعت عيوني عليه ، جاي أحاچي طبيعي!
ضوجني كلش كل ما أحچي هيچ
يكسر اله شغله لو يدفر شغله
رفع أيده ترجف خلاها على گصته
دحك ألي دار وجهه ، ما لحگت أحچي
لأن طلع من الغرفة أخذت تلفوني أتصلت عليه
ما جاوب ، دزيت أله رساله
مُلاذ : أنت صدك تحچي؟؟
عليمن هالتصرفات شجاي تسوي بـ الضبط!
نزلت تلفوني متنرفزه من السواه
أجت ممرضة لمت الغرفه
بعدين أجو يمي أهلي بس ما جايبين نيل
مُلاذ : أريد أشوفها أنتوا صدك تحجون؟؟
ترا صارلي أسبوع ما شايفتها
لو تجيبونها ألي لو تودوني ألها
فيروز : ما نگدر نجيب الطفله لـ المستشفى
و أنتِ أيهم مخليچ هنا حتى تصيرين زينه
ما يصير تطلعين
مُلاذ : هو أيهم شجاي يسوي ؟؟
شنو أول وحده أتمرض !
لو يريد يحميني من الموت
لمن يخليني تحت العناية
فيروز : هو دكتور و يعرف
مُلاذ : و الدكتور يتحكم بـ موتي ؟
فيروز : لا تفاولين على روحچ
مُلاذ : ما مفاوله
هاي الحقيقة يلي ما تتقبلوها أنتوا
نزلت دموع أمي
مُلاذ : و بس أحچي تظلون تبچون
بس أريد يتقبلون فكرة أنا ما أتعالج
شباقي بيه و أتعالج أذا تعالجت فـ بـ معجزة
لأن أنتهيت خلاص ما بقى بيه حيل أبد
لـ الليل راحوا و أجا أيهم
مُلاذ : باجر أطلع
أيهم : أسكتي
مُلاذ : ما أريددد أكضي حياتي هناا!
شنو الما جاي تفهمه أيهم بس حاچيني
أيهم : منا لمن تتعالجين ...
مُلاذ : راح أصيييح و الله راح أصيح
جاي أگلك ما أتعالج گووه هي؟؟
تعبانه تعبت انتهت طاقتي الوجع جاي ينهيني
أيهم : راح أسوي كل شي حتى تصيرين زينه
مُلاذ : ما عندك قوة خارقة أنت
گمت من مكاني جسمي يوجعني
على طول نايمه ماكو مكان أروح أله
أيهم موكل دكتورات بيه بـ الاكل و الشرب
و كل شي يخصني و معتنين بيه بـ أتم شكل
مرات لمن أطلع أتعب كلش
أيهم : وين تريدين تروحين
دحگت أله عبرته و وگفت گدام الشباك
ظليت ساكته أدحك لـ الشارع
نزلت دموعي ، بلعت غصتي
حچيت بـ نبرة واضح بيها أرتجاف صوتي
و مقدار أذيتي و الوجع يلي أعيشه
مُلاذ : ما أريد أكمل حياتي هنا
هاي يمكن اخر أشهر ألي شمدريك؟
أنداريت دحگت أله
عيونه جمرت و الدموع تلمع بيهم
حچا يدحك بـ عيوني
أيهم : لا تحچين هيچ مُلاذ
مو چنتي بـ السرطان واثقة تصيرين زينه
هسه هم ثقي رح ترجعين مثل قبل و أحسن
خليت أيدي على گصتي
نزلت دموعي منهمره على خدي
حچيت و أنا أبچي
مُلاذ : مو نفس الشي أيهم !
مو نفس الشي أنا تعبانه تعبانه
أفهمني الله يخليك أفهمني
أنا من يمي تعبت من گد ما أنت تحاول
روحي جاي تطلع و أنا أجبر بـ نفسي
كم مره لازم نعيد هذا الحوار ؟
أتقدم عليه ، عيونه تفتر بين عيوني همس
أيهم : خسرتچ سنتين
ما أريد أخسرچ طول العمر
رفعت راسي دحگت أله
بلعت غصتي و دموعي تنزل
مُلاذ : أعرف بس هالشي مو بـ أيدك
أيهم أريد بنتي الله يخليك تعبت بدونها
أتقدم ناحيتي أكثر يمسح دموعي
أيهم : باجر أخذج
مُلاذ : طلعني منا
أيهم : ليش ما تريدين تفهميني؟
مُلاذ : أفهمك ، تحبني و هذا الحب جاي يتعبك شلون بعدك لحد هاللحظه تحبني ما أعرف
شلون هلگد تحبني و ليش هم ما أعرف
بس أحنا ما مقسومين لـ بعض هذا الأعرفه
أيهم : محد ينسى جَـرحه
مُلاذ : و محد يحبه هم
أيهم : بس انه أحبچ
دحگت أله ساكته ، بلعت غصتي
و مشيت گعدت على السديه ، رفعت راسي أله
أيهم : أطلعچ بس بـ اللحظه الي تتأذين بيها
ترجعين لـ المستشفى و المراقبه
هزيت راسي بـ قبول ساكته
أيهم : هسه أجيچ
طلع من الغرفة ، دحگت ورا
همست بـ صوت ناصي و أنا عيني على الباب
مُلاذ : أنا هم أحبك
درت وجهي ساكته
رغم كل شي بس شگد ثبت نفسه ألي
ما ألوم روحي لأن حبيته و أتمنى لو أرجع ويا
غاده :-
گعدنا من الصبح بدلت لـ أدهم
لبس باهر ملابسه و أتعطر ، دحك ألي
باهر : لو مخليتنا نروح العصر
غاده : يبوووو باهر نگرت راسي نگر
غير البنية تطلع اليوم
باهر : لا تعصبين حبيبتي لا تعصبين
فدوة ألچ عسى ما نطلع الفجر
أبتسمت و ضحكت
أتقدم باس شعري و أدهم غطى عيونه
ضحكنا أنا و باهر ، كملنا و طلعنا
رحنا لـ أمي أخذناها بعدين رحنا لـ بيت سلطان
ظلينا ننتظرهم يجون حضرنا الريوك و كل شي
خابر باهر على أيهم گال أله أجو
طلعنا لـ بره ننتظرهم أنا و باهر و هتان
دخلت سيارتهم الفرع و أحنا واگفين
باهر : أگلج شعدنا واگفين بـ الباب
جنا شمعة فگر
غاده : عيب عليك لازم ندك ألهم تحيه
هتان : دستوررر
ضحكت و هم نزلوا من السيارة
همست لـ باهر و هتان
غاده : أجو الوحش و الجميلة
أهتز جسم باهر يضحك
أدحك ألهم و حاصرتني الضحكه
مُلاذ يم أيهم لا شيء رغم طولها 170
دوم چانت تعيب عليه لأن هي أطول مني
همست لـ هتان
غاده : اووف دحگي فرق الطول شگد يخبل
هتان : أووف عايني أيهم الضخم
و مُلاذ شلون ناعمه يمه
غاده : أوف شوف شلون حلوين
هتان : أوف شلون يمشون و فخمين
بعدنا نحچي و عثرت مُلاذ بـ الحجاره
لابسه مناظر شمسيه و ما منتبهه
وسعت عيوني غطيت حلگي و ضحكت مصدومة
باهر : أمداچن اي و الله فكرتوهم
ضحكت من كل گلبي و مُلاذ قبل لا توگع
أيهم لزمها ، همست لـ باهر
غاده : أوف دشوف شلون لزمها
تگول مسلسل تُركي بلكت تصير بينهم نظرات
باهر : شوووو ما تجفيني شرچن و تدخلن
شلون ما أشوفهم ما يوصلون من وراجن
ضحكت و دخلنا
دخلوا مُلاذ و أيهم و نيل و أبيل
طلعوا يركضون عليهم
سلمنا عليهم و گعدنا نتريك
گعدنا أحنا و مُلاذ بـ الغرفة
نيل بـ حضنها ، گامت تلعب
غاده : شلون صرتي ؟
مُلاذ : زينه
هتان : واضح
دحگت ألها مُلاذ ساكته
و رجعت عيونها على نيل
غاده : ليش ما بقيتي بـ المستشفى؟
مُلاذ : شسوي باقية بـ المستشفى
لا زايدة و لا فايدة أروح بس علمود غسيل الكلى
غاده : بس شلون و أنتِ تعبانه
بـ رأيي لو تظلين على نفس العناية
أفضل بـ هواي
مُلاذ : يا عناية ترا كل الي يسوونه
ما يخلوني أتحرك و هيچ يسوء وضعي أكثر
ملاك : عود ليش ما تقبلين أتبرع ألچ؟
مُلاذ : أنتِ صغيرة و مستحيل
من سابع المستحيلات أخليچ تتبرعين ألي
غاده : ترا سوالفچ كلش دتغثني
مُلاذ : خل تغثكم سوالفي
ما تفكرون مثل ما أفكر أنا
نور : حبيبتي أنتِ مجاي تفكرين
كلشي تسوينه غلط بـ غلط
غاده : أي و الله يعني بنتج بعدها عمرها سنتين
و أنتِ وضعج مو زين أبد
و الله لأن ما تريدين نتأذى ما تسوين العمليه؟؟
مُلاذ : ما أريد
هتان : زين أذا أتبرع ألچ واحد غير أهلچ تقبلين؟
مُلاذ : أي
غاده : يعني تقبلين على الناس
و ما تقبلين علينا؟
مُلاذ : أنتوا مجبورين بس غيركم ما مجبور
هو جاي يريد يتبرع !
غاده : شلون مُلاذ تظلين هيچ؟
مُلاذ : كافي سدو الموضوع
سكتنا ضايجين كلنا نعرف
مُلاذ تعبانه كلش بس ما ندري شنو نسوي
ما عدنا غير الدعاء أنهُ نلگا ألها شخص
يتبرع بـ كليته ألها و يكونون متطابقين
أيهم أبد ما گاعد باهر يسولف ألي
ما مخلي أحد يعتب عليه علمود التبرع
و كل اليحاچي يرفض الناس تريد صحتها
محد يتبرع لـ وجه الله
غاده : صدك البنية ردت ألي
مُلاذ : يا بنيه ؟
غاده : الكاتبه
هتان : يا كاتبه ؟
گعدت أحچي ألهن
و مُلاذ رافضة فكرة الكتابة
رغم من لحيت عليها وافقت بس هي تشوف
هذي الأشياء تافهه ، من عرفن البنات
وافقني الرأي و أصرن على مُلاذ وياي
هتان : أي يمكن حتى أنا أكتب قصتي وياكم
مُلاذ : حتى أيهم بس يعرف يشمرنا بـ الشط
غاده : داده أيهم فقير
أذا تگليله أشمر روحك بـ الشط يقبل
مُلاذ : كلش فقير سوده عليه
ملاك : أي هسه مُلاذ ليش ما تكتبين قصتج؟
مُلاذ : أُمي شنو أكتب من قصتي ؟
هو الي عشته هم ينكتب !
ملاك : ترا بـ العكس يلي عشتي مو سهل أبد
مُلاذ : هو هذا الداحچي
بعدين منو يقرا قصتي يا شافط؟
غاده : أنا شافطه و أقراها
مُلاذ : طبعاً هاي فد عدها سوالف
بعدها ما مكمله كلامها
و رجعنا نلح عليها
غاده : الكاتبه دزيت ألها نبذه
قرتها بس بـ البداية ما صدگت
بعدين دزيت ألها صورچ بـ المستشفى
لطمت على خدها و حچت
مُلاذ : يااااا مخزاااايه يا معزاايه
غاده : شبيچ خلينا نحچي
مُلاذ : ولج غاااده شنو دازه صوري ؟
غاده : و الله شبيچ حتى تكتب قصتج
مُلاذ : أنعل أبو قصتي شلونها عاد
صدك تحچين شنو دزيتي ألها؟
غاده : شسمه
مُلاذ : شسمه؟؟
غاده : خليت باهر يسولف و ينطلق
و سجلت صوته و دزيته ألها
مُلاذ : صخام الصخمچ
هتان : غاده بشريني دزيتيني حتى انه مو؟
خليت طرف أصبعي على شفتي
و ظهرت بـ عيوني نظرات الي مسوي مصيبه
هزيت راسي بـ قبول
مُلاذ : ملاك طلعي نيل من الغرفة
غاده : يماااااااا
گمت أركض و هي تركض وراي
لزمتني حصرتني بـ الزاوية شبعتني كتل
مُلاذ : ولج أنتِ منو مطلع عينچ علينا
غاده : يماااا مُلاذ و العباس حامل
حاصرتني و تكتل بيه
غاده : الحگوني راح الطفــل يبووووووو
لزمتني لوت أذاني
مُلاذ : أشلعها أذا بعد أتصرفتي من كيفچ
غاده : و العباس حامل أبني گام يبچي
مُلاذ : ولج نچبي لا تحلفين بـ العباس چذب
غاده : و الله حامل
كزت على سنونها و ضربتني على جتفي
غاده : يا أگللها حامل تكتلني
مُلاذ : دولي
عافتني و راحت گعدت
و البنات يضحكن ، ضحكت و حچيت
غاده : ترا حامل صدك
ردت اگللكم على الغده بس هسه أنكتلت
مُلاذ : صدك تحچين؟
ضحكت و هزيت راسي بـ قبول
كيفن البنات گامن يباركن ألي
ردت أسوي ألهم مفاجئه بس فلتتها
مُلاذ : تعالي حيوانه تعالي
غاده : عيب تكتليني أبني خطت شواربه
مُلاذ : تعالي ما أكتلچ
ضحكت و رحت عليها
دنگت ألها بوستني و باركت ألي
مُلاذ : ولو ما تستاهلين أدبسز ، باهر يدري؟
هزيت راسي بـ قبول
هتان : الله بلكت يطلع ولد
و أزوجه لـ بنتي
غاده : أي و نزوج أدهم لـ نيل
نور : لا نيل لـ راكان
ملاك : لا لا عيني بنت أختي تقرر
غاده : لا نيل لـ أدهم
نور : لا لـ راكان
هتان : معليه نيل من أجيب أبني الثاني
حتى لو أكبر من أبني تتزوجه
مُلاذ : دنچبن و أسكتن و عوفن ناني بـ حالها
غاده : شدعواچ عيني شدعواچ؟
نور : أنا أدري هي بنية قابل راح ناكلها
ضحكت مُلاذ و گامت شالت نيل
مُلاذ : و الله خليتني أفكر
بـ المستقبل أذا يخطبون نيل شلون بـ أيهم
غاده : يروح ينام بـ نصهم
ضحكت مُلاذ
هتان : يخطف الولد ليلة العرس
مُلاذ : ههههههه ، وارد
ملاك : يفجرهم
مُلاذ : ههههههه و الله يسويها
يفشس تايرات العريس
ضحكت و شويه و طلعنا من الغرفة
لـ الليل بشرتهم بـ حملي و الكل فرحان ألنا
مُلاذ :-
بقيت كم يوم بـ البيت و رجع وضعي
رجعت لـ المستشفى بـ قلة حيلة
أحس روحي راح تطلع بـ لحظة من اللحظات
مرت الأيام و دخلت بـ عقلي فكرة القصه
الملل خلاني أسوي أي شي ألگا
تواصلت ويا الكاتبة أنصدمت منها صغيرة
حتى أستحيت من روحي من شفت سردها
مُلاذ : ماما شگدوتچ أنتِ و تكتبين؟
أيلان : هههههه لا مالها دخل بـ العمر
مُلاذ : هم صحيح بس صغيرة
أصغر مني بـ هواي أنتِ
أيلان : أي بس عادي
حسيت البنية أنحرجت
و أنا أتشاقى وياها
مُلاذ : شلون أحچي ألج القصة
منين أبدي يعني؟
أيلان : من طفولتج حتى توضح القصة كلها
مُلاذ : تمام ، شوفي أنا لسا ما فاهمه الموضوع
يعني أنتِ شلون راح تكتبيها و تنزليها لو شنو؟
أيلان : أي قلبي أنتِ
بس دزي ألي اليصير وياچ و الباقي عليه
مُلاذ : بـ التفصيل تريدين؟
أيلان : أي أذا ألچ خلك
فـ أحچي ألي بـ التفصيل
مُلاذ : تمام
بلشت من هذاك اليوم
أرسل ألها بصمات و هي تكتب
غاده طلبت من أمي تسرد ويانا
و هي ما تفتهم السالفة شنو بس وافقت ...
أيلان :-
بدأت أكتب قصة "جَـرح الأيهم"
قصة صعبه و حسيت بـ وجع مُلاذ هواي
بسبب نبرة صوتها يلي تتغير لمن تحچي
كل ما كتبت القصة
كل ما زادت تساؤلاتي عنها أكثر
أتواصلت وي ملاك
صرت أعتبرها صديقتي و تحچي ألي
عرفت بـ أمراض مُلاذ
رغم عرفتها من فترة قصيرة
بس لساني ما يخلو من الدعاء ألها...
ملاك :-
عشر أيام بـ الضبط
أنا و أمي منهارين بسبب وضع مُلاذ
من گد ما وضعها صار يسوء كل يوم
گمنا نتوسل بيها تواسيل بس حتى تقبل
أتبرع ألها و هي رافضة أشد الرفض
حاچيت أيلان على وضع مُلاذ
گلت ألها ما تگدر تسرد هذي الأيام
أيلان : يمعوده يا سرد خل تصير زينه أول
لا تتعب نفسها أبد عادي أنتظرها
و هيچ تمر الأشهر و أحنا روحنا غاديه نار
نيل على طول تبچي عليها و تريدها وياها
أيهم بـ النهاية فقد أعصابه كل ما نروح
تگلي تعاركت ويا علمود سالفة العملية
أعرف هي علمودي بس لازم تتعالج
بـ النهاية دزت ألي أيلان
گالتلي أنشري بـ حسابچ بلكي يتبرعون ألها
و فعلاً نشرت و دموعي تصب و أدعي
كلنا واگفين على تك رجل بس نريد تصير زينه
الخوف من خسارتها أكل گلبنا
تعبنا حيل على تعب مُلاذ
بـ النهاية أخيراً لگينا متبرع الفرحه ما سايعتنا
أتواصل وي أيهم لأن كاتبة رقمه بـ المنشور
دزيت لـ أيلان أبشرها
رغم هالشي بقينا خايفين مُلاذ ما تتحمل
گد ما بچيت و دعيت دموعي خلصن
أبچي و أرجف و أمي نفس حالي
ظلينا ننتظر تطلع بـ خير و سلامه
أتعذبنا هواي كلش هواي
گلبي نزل عليه مي بارد لمن طلعوها
گمت أبچي و أضحك
بعد ما أعرف شنو أسوي من فرحتي
الدنيا ما سايعتني شكرت رب العالمين ألف مره
گعدت مُلاذ و كلنا محاوطينها
يلي أتبرع ألها على گد ما أتشكرنا أتندم
رسلت لـ أيلان
ملاك : ولج مال أجيج أشبعچ بوس
على گد ما فرحانه
أيلان : الف الحمدلله و الشكر
و الله حتى مرات گمت أبچي عليها كل ما أتذكر
ملاك : تدرين لو ما گايله ألنا أنشروا
چان لحد هسه وضع مُلاذ نفسه
أيلان : لا خيه قابل شسويت
بس أنتوا لأن جنتوا مخبوصين
ما تعرفون شلون تساعدونها نسيتوا سالفة النشر
ملاك : أي و الله عقلي طاير مني
من يوم العرفنا بيها مريضة
أيلان : أن شاء الله تتعافى و تصير أحسن
ملاك : البنات يضغطن عليچ بسبب القصة مو؟
هذاك اليوم قريتها و شفت التعليقات
أيلان : لا عادي قلبي عود من تصير زينه مُلاذ
نرجع نكمل كتابة القصة هسه هي خل تصحى
خل ترتاح تتنفس و الباقي سهل
ملاك : أن شاء الله
نزلت تلفوني و ظلينا نروح و نرجع لـ المستشفى
ألف الحمدلله مُلاذ صحت بس تحتاج عناية
ما خليناها بـ المستشفى رجعناها لـ البيت
و أيهم يلي يعالجها ، يرجع لـ بيته بـ الليل
و يجينا من الصبح و يظل وياها طول اليوم
مُلاذ :-
الأنسان من المتاعب يلي يتعرض ألها
و الصعوبات يبدأ يفقد الأمل
لمن يدور بـ دائره ما ألها نهاية
بـ النهاية يتوقف بـ المنتصف الـمُميت
يلي يكون بيّ لا حول و لا قوة و يتخلى
أنا درت و ركضت بـ هذي الدائره طول عمري
لحد ما گلت خلاص مُلاذ أوگفي و أهدئي
أنتهت حياتچ مقسوم ألچ هالشي خلاص
أتخليت عن كل شي عن كل قوة بيه
بس شي واحد ما گدرت أتخلى عنه
أيهم ... و حبي أله گد ما تعب وياي و حاول
أنا متت و أنتهيت و هو يلي حاول يعيشني
رفعت عيني أله لمن أتقدم ناحيتي
أيهم : شلون تحسين وضعچ؟
مُلاذ : زينه
أيهم : بس تحتاجين عناية
منا لمن تتحسنين كلش
مُلاذ : معجزه هسه أنا عايشه
أيهم : اشش لا ترجعين تفاولين
أبتسمت ساكته
ظل هو يمي شويه و جاب أكل ألي
وكلني و بعدين رجعه لـ أهلي
مُلاذ : أريد نيل
أيهم : يلعبون هي و أبيل
هسه بس تشوفچ تكمز عليچ
مُلاذ : حتى لو خل تكمز أريدها
أيهم : أشش لَـذه صيري زينه و ميخالف
أبتسمت على كلمة "لَـذه"
دحك ألي و أبتسم على أبتسامتي
أجت سلوى چنت أتواصل وياها
و عرفتني سويت العمليه و هي هم زينه
مُلاذ : شلون صرتي؟
سلوى : زينه الحمدلله و أنتِ؟
مُلاذ : أنا هم
حكت گصتها و گالت
سلوى : أگلج
مُلاذ : گولي
سلوى : أسد
أبتسمت و هي كملت مستحيه
مُلاذ : أي شبي؟
سلوى : مو سألتيني قبل كم يوم
ليش بقيتي و ما رجعتي لـ تركيا ؟
هزيت راسي بـ قبول
سلوى : بسبب أسد
لمن أخذ تلفوني يتصل على أهلي
ماخذ رقمي و حاچاني
مُلاذ : أي؟
سلوى : فـ يعني حچينا
مُلاذ : أي شبيچ أحچي ليش مستحيه؟
سلوى : هو شسمه حچينا
فـ گلتله بعدين رح أرجع لـ تركيا
بس هو عارض هواي وصلت لـ المطار و گلتله
فـ أجاني و أعترف ألي
أتوسعت أبتسامتي و هي تحچي متوتره
فرحت كلش على فرحتها گلتلها أعرف
و حچيت ألها كلامة بـ يوم المستشفى
لمن راحت أجا أيهم يمي
رفع تلفونه لمن أجا أله أتصال ، جاوب
أيهم : ها جسار
وسع عيونه مصدوم
و هو يحاچي جسار
أيهم : شوووكت ؟؟ جاي ألك جااي
نزل التلفون و سد الأتصال
دحگت أله بـ أستغراب
مُلاذ : شكوو؟؟
أيهم : هتان راح تولد
مُلاذ : عزززه
أيهم : خل أروح راح أرجع ألچ
مُلاذ : أريد أروح ويااك
أيهم : هيدي و أگعدي
أبيل راح أبقي يمكم
هزيت راسي بـ قبول
حچيت و هو يمشي حتى يطلع من الغرفة
مُلاذ : خابرررني مو تنساني
أيهم : ميخالف
طلع من الغرفة يركض
جسار :-
جسار : راح نووصل بس أصبرري
هتان : يممممه أريد أمي
تبجي و تصرخ لزمت أيدي عضتها
شيطتني لـ سابع سما و ركعتني بـ الگاع
جسار : هتاااان أيدي ولج أيدي
دفعت أيدي تبچي
هتان : كلللله من وراك
خبصتني خبص
دخلت بين السيارات بس أريد أوصل
نزلتها بـ المستشفى صحت لـ وحدة من الممرضات
أشرت ألي على سديه رحت خليتها على السديه
هتان : جساار لا تعوفني
جسار : بس أهدئي حبيبتي بس أهدئي
دك تلفوني جاوبت على سلطان
سلطان : هاا وينكم؟
أخذو هتان لـ العمليات
طلعت ركض شفت سلطان و أمي
جسار : يمه الحگيلها
دخلت تركض و أنا وراها
راحت حاجت الممرضات حتى تدخل وياها
دخلوها و أنا بقيت أنتظر شويه و أجا أيهم
و خالة فيروز و غاده
غاده :-
أنتظرنا هتان تطلع من العمليات
واگفه و أسمع صوت صريخها
أيهم خطيه أتعقد من الصوت
خايف عليها و ما يعرف شيسوي
مرت فترة حتى سمعنا
صوت صريخ و بچي طفله
دحگت لـ جسار رموشه مبلله من دموعه
و مبتسم ، ورا شويه طلعوا الطفله
شالها جسار مبتسم يدحك ألها
وگف سلطان يمه من جهه
و أيهم من جهه مبتسم
أجا باهر هم شافهم و أجاهم يركض
باهر : ها طلعت هتان
أيهم : لا بعدها
أبتسم جسار و هو يدحك لـ الطفله
جسار : جلنار
سلطان : أسمها ؟
هز راسه جسار بـ قبول
جسار : معناه زهرة الرمان
غاده : تخبل فدوه
فيروز : مبروك تتربى بـ عزكم و دلالكم أن شاء الله
جسار : الله يبارك بيچ تسلمين
طلعوا هتان هم و أنتظرناها تصحى
أنطيناها الطفله و هي مكيفة عليها
طلعنا من الغرفة أنا وخالة فيروز
لگيت أيهم واگف بعيد و يحچي وي بنيه
غاده : منو هاي ؟
فيروز : منو؟
أشرت ألها بـ عيوني
دحگت لـ أيهم و الواگفه يمه
فيروز : دكتوره وياه مبين
غاده : و ليش يضحك وياها
و مُلاذ شنو موقعها من الأعراب ؟
فيروز : أسكتي دخيلچ لا تدري
غاده : لا لا خل تدري حتى تتوبه
فيروز : لا تحچين ألها
غاده : لا أحچي حتى تغار و تتحرك شويه
تخطي ألها فد خطوة
فيروز : يمه غير تشيب راس أيهم
غاده : أحسن حتى يتوب
فيروز : تدرين شنو فكرت؟
غاده : شنو؟
فيروز : لو يتزوجون مره ثانية علمود بنتهم
غاده : غير بتج خلعت الرجال
حتى ما خلت مجال للـ الرجعه
فيروز : الله كريم
مُلاذ :-
طلعوا هتان من المستشفى
و أنا اصلاً مر أكثر من أسبوعين على العملية
و وضعي بدء يتحسن ، بس بعدني مذهوله
شلون بعدني عايشه ما أعرف
جبرت أيهم ياخذني ألها
رحت شفت الطفله تخبل و أخذت نيل
من شافتني شايلتها و الطفله تلزم أصبعي
تمشي مطنگره و تروح تگعد بـ الزاوية
متجتفة زعلانه ، يموتون من الضحك الگاعدين
لو تروح لـ أيهم تشكي أله مني
نيل : بابي
أيهم : ها يروحه گولي
دنك الها واكفه كدامه
أشرت عليه و تحچي بـ ضوجه
نيل : مامي نونو ني بح
ضحكت قصدها "أمي و النونو و أنا ماكو"
مُلاذ : نو نوني نو شلون أنتِ بح تعالي
دحگت لـ أبوها و دحگت ألي
أتقدمت لـ يمي على كيف و هي زعلانه
شلتها گعدتها بـ حضني و الطفله على أيدي
أيهم : العملية يمعوده
مُلاذ : العملية بـ بطني و نيل بـ حضني
أيهم : مُلاذ
مُلاذ : ما عليه شي مو يم العملية ناني
گعدتها بـ الجهه الثانيه
ظلت عابسه و تمسح بـ عينها
أخذت أمي الطفله يلا ضحكت
و كلهم ضحكوا وياها و على غيرتها
همست ألي غاده
غاده : ماخذه جينات أيهم بـ الغيره
مُلاذ : هي صارت أيهم بـ كبره
سلطان : أيهم بالله اخذ جلنار خل نشوف
أيهم : ما تغار عليه
سلطان : هسه خل نشوف
گام أيهم شال الطفله و گعد
دحگت اله خازرته خزره أهتز جسمي أضحك
نزلت من حضني و راحت أله
نيل : نونو ني بح
مُلاذ : عود تقصد انت و الطفله و هي ماكو
ضحك و شالها يبوسها و يسولف وياها
حچا سلطان موجه كلامه لـ جسار
سلطان : من زمان أريد أگلك شني جلنار
شني سبلت هيَ؟
جسار : زهرة الرمان غبي
سلطان : ظلمت بختها مسميها جلنار
جسار : معليك بختك لو بختها
مُلاذ : لا ليش اسمها حلو
سلطان : يذكرني بالمكيف
ضحك جسار و حچا
جسار : أنچب لا تعيب على أسم بنتي
گمت گعدت وي البنات بـ المطبخ
يصبن چاي و أنا گاعدة أدحك ألهم
غاده : ملاك شفتي البنية الي حاچاها أيهم
دحگت ألهن عاگده حواجبي
و ملاك جاوبتها و هي تصب چاي
ملاك : أي شفتها
نور : شبيهم؟
غاده : شمدريني يسولف وياها
و هي حلگها من الأذن لـ الأذن
مُلاذ : شنو حلگها من الأذن لـ الأذن ؟
غاده : مايعه بس تضحك
مُلاذ : شقره مو؟
غاده : أي ، تعرفيها؟
هزيت راسي بـ رفض و أنا عاگده حواجبي
و الله ما أسكت أختنكت من ذاك اليوم
بقت بـ خاطري سالفتها هسه هم طلع يحاچيها
گمت گوه و رحت أله و هو گاعد بـ الصالة
بـ حضنه أبيل من جهه و نيل من الجهه الثانية
دزيت أله رساله ، طلع تلفونه من جيبه
بعد ما سمع صوت الأشعار
مُلاذ : گوم گدامي
أيهم : شكو ؟
مُلاذ : أمشي لـ الاستقبال
أيهم : بيچ شي ؟؟ شكو؟
ليش دزيتي ألي ما تجين تحاچيني
مُلاذ : گوم گدامي گلت
عگد حواجبه يدحك ألي
و أنا خازرته ، هز راسه بـ معنى شكو
نزلت راسي لـ التلفون و رجعت كتبت
مُلاذ : گوم لا تظل تدحك بـ وجهي
رجع التلفون بـ جيبه و هو يدحك ألي
نزل أبيل و نيل من حضنه
حاچا أبيل حتى ينتبه على نيل
جسار : وين رايح؟
أيهم : لـ الأستقبال أريد أحاچي دكتور وياي
جسار : ها خوش عبالي تريد تروح
أيهم : لا وين أروح گاعد على گلبكم اليوم
جسار : كيفت گلت أگعد يم أختك
خزره أيهم و هو ضحك و راح گعد يم هتان
يخبث على أيهم خزرهم ثنينهم
دار وجهه و راح لـ الأستقبال
أتعمدت أتاخر عليه خلي محموس من الأنتظار
أنا أعلمه ألا أراوي نجوم الظهر خل تفيده أُميمه
ظل يدز ألي و ما أجاوبه ، شويه و گمت
رجليه أحسها توجعني حيل من أمشي
دخلت لـ الغرفة ، دحگت أله
و هو بسرعه حچا
أيهم : ويينج؟ شبيچ؟؟
أتخصرت و أتقربت منه
مُلاذ : منو أُميمه؟
عگد حواجبه يدحك ألي
أيهم : دكتوره
مُلاذ : أيهم منو أُميمه؟
أيهم : شنو منو أُميمه شبيچ؟
هي دكتوره وياي و أعرفها من المستشفى
مُلاذ : غير شي ؟
أيهم : مثل شنو؟
مُلاذ : أيهم أفگس عيونك و الله
عگد حواجبه مستغرب
أيهم : ليش؟
خزرته و حچيت بـ عصبية و صوت ناصي
مُلاذ : شنوو ليش؟؟ تتمضحك وياها
و هي مكيفه لو ها عاجبك تتزوج؟
أبتسم و حچا
أيهم : ما أتزوج غيرچ انه
لو أنتِ لو ما أريد
القشمر گبل هدأت من حچا هيچ
فد فرحت ، بس أتمالكت نفسي حچيت
و أنا أدحك أله
مُلاذ : لا تبتسم
أيهم : ما مبتسم
مُلاذ : منو هاي أستاذ أيهم ؟
و حلگها من الأذن لـ الأذن وياك
أيهم : شتريدين تعرفين؟
مُلاذ : كل شي
أيهم : وياي بـ المستشفى
و متزوجه هم أبنها چان مريض
و هي رادت تدخل بـ عمليته بس ما گدرت
چانت خايفه دخلت بدالها و نجحت عملية أبنها
يحچي مبتسم و يدحك لـ كل وجهي
مُلاذ : و ليش تضحك وياااك؟
أيهم : تعتبرني مثل أخوها
و ها خل أزيدچ من الشعر بيت
أكبر مني ما أعرف بـ كم سنه
بس مبينه صغيره
سكتت أدحك أله
و هو يريد يضحك و يضم بـ أبتسامته
أيهم : على هاي هيچ ضايجه أنتِ؟
مُلاذ : أيهم أفگس عيونك
لا عبالك أنفصلنا و أتطلگنا تاخذ راحتك
أيهم : الشرع حلل أربعه
مُلاذ : أدفنك أنت و الأربعه
أيهم : عفا عليچ هيچ طالعه عينچ؟
مُلاذ : سد حلكك
رفع حواجبه
أيهم : تاخذين مني و تبيعين عليه ولچ
مُلاذ : و الله أول ما أشلع عيونك و عيونهن
و بعدين أدفنك أنت وحد و هنَ تلاثتهن سوه
ضحك جسمه يهتز
أيهم : هاهيه أتفقنا
درت وجهي أريد أطلع
سبقني و قفل الباب
مُلاذ : توب تووووب
أيهم : و نوح؟
أنداريت دحگت أله فتحت باب على روحي
تعابير وجهه منگلبه گلاب عن قبل كم ثانية
مُلاذ : أيهم لا تسويها وحده بـ وحده!
أيهم : بررت ألچ تبررين ألي
مُلاذ : گلتلك مديري و لأن ما داومت خابرني
أيهم : مُلاذ
أتاففت بـ ضجر و همست
مُلاذ : كافي أيهم
أيهم : أحچي
مُلاذ : ما تسوي شي؟
أيهم : ميخالف أحچي
مُلاذ : أوعدني
أيهم : أحچي
مُلاذ : أشتغلت وياهم فترة
لمن چنت حامل بـ نيل
فـ هو يعني لأن وضعي صعب
كز على أسنانه
أيهم : مُلاذ
مُلاذ : شبيك بـ يوم الردت أرجع
گلتله بـ المطار و گلي من توصلين گليلي
لأن سنتين أشتغل وياهم و وياي طفله
بس لا أكثر و لا أقل
أيهم : جذب لا تچذبين
مُلاذ : ما مچذبه !
أيهم : أسمه نوح مو؟
مُلاذ : لا
أيهم : تحچين الصدك
لو أطلعه من جوه الگاع و **** ****
مُلاذ : لااا تفشر
أيهم : أحچي
مُلاذ : شنو أحچي
أيهم : كل شي سواه
مُلاذ : كافي أيهم و الله رجليه توجعني
أنداريت أريد أفتح الباب ما يقبل
أيهم : ما تطلعين منا لحد ما تحچين
ظل حاصرني بـ الغرفه
و ألا تحچين بس أگله نوح هيچ و هيچ سوه
يتخبل عليه و يجيب نوح من أخر الدنيا
و أذا أگله ما سوه شي ما يقبل يصدك
مُلاذ : شنو أهمية ألي سواه !
أنا طول هذيچ الفترة شخص واحد بـ عقلي
و هو أنت حتى أهلي ما چنت أفكر بيهم
على گد ما أفكر بيك
أيهم : لا تتوقعين نسيت
أنتظرت تصيرين زينه و أرجع لـ سالفته
فـ هسه راح تحچين .
مُلاذ : تمام شنو تريد تعرف ؟
جان يريد يساعدني بس ما وافقت رفضت
و بقيت رافضته كل مره چان يسوي شي ألي
چنت أنت بـ بالي و الندم ياكلني
رغم ما أقبل بـ مساعده منه و لا أي شي
كز على أسنانه متنرفز ، كملت كلامي
مُلاذ : حچيت ألك الي تريد تسمعه
بس أيهم أذا سمعت مسوي شي أله
أو أصغر أذيه مأذي بيها وقتها صدك ما تلگاني
و تدري بيه ما حچيت شي لحد اليوم و ما نفذته
أيهم : تهدديني علموده!
مُلاذ : مو علموده علمودك !
من بعد ما لگيتك ما أريد أخسرك
حياتنا أستقرت بعد 29 سنه من التعب
مُلاذ : ما أريد عداوات و ضرب
و ذيچ الهوسه ما أريد ترجع!
عندك أطفال على الأقل فكر بيهم
شي أنتهى و راح لا تخلي غيرتك تهزمك
أيهم : شوفيهم على راسي يلمعن
مُلاذ : ليش كل شي تربطه بـ رجولتك
ليش ما تفكر شي خلص أنتهى
ماكو داعي تبالغ!
أيهم : لأن ما أنتهى
انه ما أريددد حتى يعاينون ألچ
مُلاذ : أذا عندي خاطر يمك و لو شويه
تعوفه بـ حال سبيله و بس هاي المره تتنازل
عن أفكارك و عصبيتك علمودي
مثل ما أتنازلت عن كل طبع سيء بيه
علمودك و لـ خاطرك بس
أيهم : ما راح أتغير هذا انه
مُلاذ : خلص ظل أنت هيچ
شتريد تسوي سوي دمر حياتك
ظل يدحك ألي ساكت
گلتله يفتح الباب ، فتحها و طلعت
گعدت يم غاده غمزت ألي ضربتها على جتفها
ضحكت ضحكه مكتومه و تدحگلي بـ نظرات
مُلاذ : رح أزرف عيونچ
غاده : زرفتي عيون أيهم قبلي ؟
مُلاذ : راح أزرف عيونكم ثنينكم
سكتت غاده عني و هي تضحك
شويه و أجا أيهم ، ردنا نرجع لـ البيت
أيهم ظل يم نيل و يبوس بيها و يلعبها
دنك لـ أبيل هم باسه ، أتقدمت اخذها منه
أيهم : أريد تبقى وياي
مُلاذ : متعودة عليه تظل تبچي يمك
أيهم : و شلون أقضي عمري
بنتي بعيدة عني ؟
مُلاذ : تكبر و تبدأ تتقبلك و تبقى يمك
أيهم : بعد شگد تكبر أكثر من هيچ
و بعد شگد أظل محروم منها
مُلاذ : ما محروم منها
شوكت ما تريد تعال شوفها
بـ النهاية أخذت نيل و رجعنا لـ البيت
دخلت الغرفة ، بدلت أنا و بدلت ألها
هتان :-
جلنار بـ حضني و جسار يمي
مبتسمه على ملامحها و بياضها
رفعت عيني لـ عيونها
تعاين ألنا أنا و جسار
أبتسمت و أنداريت أله
هتان : تعاين ألك
أبتسم أبتسامة واسعه
مسح على خدها ، رفع عينه ألي و حچا
جسار : أحبچ هواي أنا رمانه
أعشگج لـ درجة ما راح تتوقعيها
و فرحان لأن صار عندي طفله منچ
أبتسمت أعاين أله
كمل كلامه ، عيونه تتنقل بين عيوني
جسار : چنت دائماً بـ مكان غلط
عشت سنين بـ الخارج و لا وحدة لامست گلبي
هتان : چنت تحب نور
هز راسه بـ رفض
حضن وجهي بين أيديه و حچا
جسار : من أول لحظة شفتچ بيها
تمشين وحدچ و السوك كله يدحك ألچ
گلت هالبنيه شتسوي بـ روحها بس لمن وگفتج
دحگت دموعچ و عصبيتچ ، خجلج لمن وگعتي
و نظرات الأمتنان يلي شفتها بـ عيونچ
رغم ما نطقتي بيهم ، كلها أشياء لامست روحي
جسار : چنت أحب نور أو معجب بيها ما أعرف
بس كل شعور عشته ماضي
من اللحظة الشفتج بيها ، ما ردت أغير روحي
ردت أبقى على فكرة أنا أحب حب طفولتي
بس ما گدرت أتعداچ و أنساچ
دنيت نفسي أله بست خده
أبتعدت عاينت بـ عيونه ، أبتسم و گال
جسار : كل عمري جنت صعب حيل صعب
حتى يم الأحبهم و شفتيني شلون چنت وياج
لمن چنت صغير الكل يشتكي مني
جسار عصبي ما يتحاچا صعب محد يگدر أله
بس أنتِ گدرتي ألي أحبچ حيل أحبچ
ندمان على كل غلط علطته وياج ندمان هواي
أتوسعت أبتسامتي و حچيت
هتان : تتذكر لمن سألتني أذا سامحتك؟
هز راسه بـ قبول
هتان : هسه سامحتك رغم چنت أنسى
بس هسه أحس بـ كل روحي و گلبي
انه مسامحتك
خلا أيده على خدي
لزم وجهي و أتقرب باس شعري
أبتعد و جضن راسي لـ صدره
هتان : جسار
جسار : روحه
هتان : أحبك بـ گد الدنيا و ألي بيها
أحبك هواي جسار
أبتسم و مسد على شعري
و ندحك لـ جلنار مرسومة على ثغرنا
أبتسامة واسعة ، گلب مرتاح
جسار أتغير هواي وياي
صار أفضل بـ هواي من قبل
رجعت أحبه مثل قبل و أكثر
و مستعده أهدر عمري علموده
يتمنى بنتنا يصير عدها نمش مثلي
ما يتركها لحظة و ياخذ أجازه من شغله
بس حتى يبقى يمنا و يقضي وقت ويانا
سامحته و انه متيقنه هذا الأنسان
ما راح يأذيني بعد لأن قريت الندم بـ عيونه
انه و جسار و بنتنا اليوم بـ المكان يلي نستحقه
الحب و الحنية يلي بـ عيون جسار واضحه
و مغطيه گلوبنا
أگدر أگول بسببه كبرت
بسببه تعلمت هواي أشياء
رغم دروسه ألي چانت تجرحني
بس علمني أتحمل و راواني الدنيا
مو شرط مثل ما أريدها
لبست الحجاب و انه ألوم روحي
لأن تأخرت كل هذاك الوقت بس بـ النهاية
حسيت بـ غلطي و أتمنى رب العالمين يغفر ألي
كل مره أگعد بيها وي جسار أذكر هالموضوع
جسار : الله غفور رحيم أنهديتي و لبستي
عوفي ذيج الأيام وراج و كملي بـ طريق صحيح
هالكلمات چانت كفيله تخليني أرتاح
و أحس بـ رحمة رب العالمين و حنيته علينا
من بعد كل الصار خفت على بنتي من نفسي
لـ ذالك بديت أراجع يم دكتوره نفسيه
لأن هواي أشياء صارت ألي و ما چانت سهله
طبعاً جسار و أيهم و باهر چانو وياي بـ كل خطوه
ممتنه أشد الأمتنان ألهم ...
غاده :-
عرفت نفسي حامل بـ توأم
الفرحة أنا و باهر ما وسعتنا
التوأم ولد و بنيه
گعدنا بـ البيت يلي شلنا أله أخير شي
أيهم رفض يگعد ويانا حتى ناخذ راحتنا
و راح گعد بـ بيته
من بعد أشهر ولدت أطفالي بـ خير و سلامه
بـ البداية فكرت أسمي الولد أيمن و البنيه
على أسم أم أيهم بس بعدين رفضت الفكرة
ما ردت كل مره ينادون بيها أطفالي ينقهرون
لذالك قررت أسمي بنتي غيد و أبني دلهام
و باهر طبعاً ما دام أنا الي چنت حامل
فـ ما يحچي كلمه و يوافق على الاسماء
رفعت عيني أله لمن دخل الغرفه
الأطفال ثنينهم يبچون و أدهم وياهم
و أنا أبچي وياهم ، حچيت
غاده : أنا راح أهج و خليك أنت وجهالك
شنو هاي تعبت
باهر : بس لا تبچين
بجيت بـ كل صوتي سكت أدهم صافن عليه
و باهر مثل صفنته أمسح بـ عيني و أبچي
بـ النهاية الجهال سكتوا و بقيت بس أنا أبچي
و باهر حاصر ضحكته عليه و يواسيني
نوم الأطفال و أجاني دحك ألي
ما أتحمل و أهتز جسمه يضحك
گعد يمي حضنني لـ صدره
باهر : نامي و علي تعبت
ضحكت أمسح بـ عيوني و هو يضحك وياي
بـ النهاية صدك تعبنا و نمنا
أمي حاولت وياها هواي
حتى تگعد يمنا بس رفضت
لذالك صرت أنا كل ما باهر يطلع
أخلي يوديني يمها أنا و أطفالي
و لـ الليل من يرجع لـ البيت ياخذنا من يمها
و هي مرات تزورنا و تبات و ثاني يوم تروح
بس رغم هالشي بقيت ضايجه
ردت تگعد يمنا بس أمي تضوج
ما تحب تگعد يم أحد تحس نفسها ثگيله علينا
رغم أبد ما نفكر هيچ لا أنا و لا باهر
بس ما أگدر أجبرها تگعد ويانا
الحمدلله رجعت حياتنا لـ مسارها و أستقرت
بعد ما أجت فترة حسيت صار أنقلاب بـ حياتنا
كل شي ما چان طبيعي أبداً
بس قدر رب العالمين و كل شي صار و أنتهى
أختاريت الشخص الصح
يلي ما خلاني أتندم و لا يوم و لا لحظة
ساندني بـ كل شي
لـ درجة أحس مرات تصرفاته مثل أب ألي
قبل لا يكون زوجي ، حچيت و أنا أكشر الجزر
غاده : روح باهر راضية عليك دنيا و آخره
باهر : شنو؟
غاده : راضيه عليك دنيا و آخره
باهر : ليش؟
غاده : بكيفي عاجبني ، ما تريد أرضى عليك؟
باهر : لا يابه انعم الله
كل شي ما اريد غير الجنه و رضاج
غاده : عفيه صير خوش زلمه
ما فد يوم شفت شي مو زين منه
و بـ كل لحظة أحمد رب العالمين و أشكره
على وجود باهر بـ حياتي أحبه هواي
راح أظل مساندته لـ أخر لحظة بـ عمري
بس حتى يگدر يعبر الأذى و الوجع يلي عاشه
بعد ما فقد أعز الاشخاص عليه .
نور :-
متجمعين على السفره
أصوات ضحكاتنا تملي المكان
عيني على عزيز يلي صار عنده ولد
شگد كبر و أتغير حبيب گلبي صار رجال
أبتسمت و مسحت على شعره
دحك ألي و على ثغرة أبتسامه
و بـ عيونه النظره يلي مملية بـ الحنيه
يلي مثل كل مره قريتها بـ عيونه
درت وجهي لـ أركان لمن حچا ضايج
اركان : گوم ضرغام
ضرغام : خيرك؟
اركان : گوم لك
گام ضرغام وگف ساكت
أشر لـ عزيز عود گوم ، گام عزيز هم
دحگت أله مستغربه خلا البنات يگعدن يمي
و گعد عزيز و ضرغام واحد يم الثاني
و هو گاعد يم أخواته و يمي
حصرتني الضحكه عليه
اركان : خلو عينكم بالأكل لا أگوم أشلعهم
أهتز جسمي أضحك
حتى البنات ما أتحملن و ضحكن
ضرغام : وجعة حتى وجعة
دافعين مهر و نسواننا أنت شرايد
عزيز : گومي نور گعدي يمي
أركان : دمشي لك مو هي بكيفك
عزيز : لعد بكيفك تگومني من يم مرتي
و تگعدني يم ضرغام ليش شمسوي بـ حياتي
اركان : أنجب أنت و ضرغام و أكلوا
ضرغام : شوف الحنيه تخرخر منا و منا
المهم ناكل
عزيز : اي الحنين سوده بـ وجهك
اركان : أش لك
گام عزيز گعد يمي و يم ليان
عزيز : أنت زلمة أحچي
دافع مهر لحد أخر ربع دينار
اركان : اذا ما اشبعك كتل ورا الأكل
أنا أعلمك أبو شوارب النمل
عزيز : المعقد ابو كحله
ضرغام : هههههه حلو هاي ابو كحله
اركان : ابوك ابو كحله
ضحك عزيز و كملنا أكل
و ضرغام خطيه أبتلى
ما يگدر يرفع عينه لـ لالي
كل ما يدحك لـ اركان يلگا خازره
و ما ياكل بس گاعد و يدحك الهم
لحد ما خلصوا أكل و گامو و أستلم عزيز
طلعنا أنا و اركان بـ الليل
عمتي راحت وي ليان گالت تبقى يمها
چنا مقررين نطلع من البارحه
بس هي فجأه غيرت رأيها ، طلبنا أكل
و گعدنا ناكل ، رفعت عيني لـ اركان
نور : ليش تدحگلي ما تاكل ؟
اركان : حلوه أنتِ هواي نونه
أبتسمت مستحيه
خليت أيدي على أيده ساكته
و على ثغري أبتسامه واسعه
حب طفولتي الشخص يلي أتمنيته دائماً
گدام عيني عندي منه طفلين يسوون الدنيا
غَير نفسه هواي علمودي و أولها عصبيته
لمن يعصب مني يلجئ ألي حتى يهدء
ما يتركني و لا يقهرني يسكت
و قراره الأول و الأخير
يكون يمي و حاضنني و نتفاهم
من غير صياح و من غير عصبية
نور : تتذكر أول مره شفتني بيها؟
أبتسم و حچا
اركان : أذنج حمره و عيونج مدمعه
أيديچ صغار و گوه شايله الدولكه
ما يروح منظرج من بالي مستحيل
من لحظتها گلبي الرجيچ عشگج نونه.
ملاك :-
من بعد ما دخلت التخصص يلي أريده
و أنفتحت كل أبواب الخير بـ وجهي
قررت أساعد نفسي و أنسى الماضي
رغم أبين زينه بس ما نسيت أيام الخطف
بسببها تعذبت هواي و لحد هذي اللحظه
الأحلام ما فارقتني أجت ليالي
أبچي بيهم لأن ما أگدر أنام
أخاف أنام و أحلم بـ هذاك المكان
لمن أغفى بعد ما أگدر أگعد
لحد ما أشبع نوم لأن أعرف كلش زين
الليله يلي بعدها رح تلاحگني نفس الكوابيس
ما صارحت أي شخص بـ هالشي
لحد اللحظة يلي بدأت حالتي تتدهور
مثل قبل و خفت أرجع لـ هذيچ الأيام
حچيت لـ سلطان و حاول يساعدني هواي
بـ النهاية عرضني على نفس الدكتوره
يلي تساعد هتان و تعالجها
صرنا نروح سوه أذا عدنا موعد بـ نفس اليوم
لحد ما نفسيتي بدأت تتحسن
طبعاً ما نسيت و الأحلام بعدها
بس أفضل من قبل صرت أحاول أتقدم
و أتخطى الماضي ما أنساه بس أتخطى
عرفت أنا حامل
أنتظر اليوم الي أولد بي لحظة لحظة
لمن عرف سلطان ما وسعته الفرحه
حاولت أحسن من نفسي أكثر
أمي و مُلاذ طول بداية فترة حملي وياي
يساعدني بـ كل شي و خصوصاً مُلاذ
أذا أريد أگوم أكل شغله تركض گدامي
تجيبها ألي ، فرحت هواي بـ رجعتها ألنا
و على الرغم الندم أكل گلبي
بس لمن عرفت سامحتني أرتاحيت ولو شويه
أما سلطان رغم غيرته و رغم فرق تفكيرنا
و فرق العمر يلي بيناتنا
بس مستحيل ألگا أحسن منه
مُلاذ لمن طلبت نتزوج
چانت تعرف سلطان شنو رغم خوفي
بقيت واثقة مُلاذ ما تطلب شي يأذيني
و هذا الشي يلي خلاني أرتاح
و فعلاً قرارها چان قرار صحيح حيل
مثل ما گال سلطان ما أتغير شي بـ حياتي
بقيت أمي يمي و هو وياي
مثل ما جان يعاملني قبل الزواج
عاملني أفضل ورا ما أتزوجنا
رغم غيرته تخنك بس كل رجال يغار حتى البنات
المهم غيرته ما مأثره على حياتنا و بعدين يهدء
واگفين بـ المطبخ أنا و أمي
مُلاذ بـ الغرفة و سلطان يلعب وي نيل
ضحكت لمن أجا طاير يركض وراها
و هي تضحك و تركض فرته بـ المطبخ و طلعوا
نيل : ماااامي هيلب مامي هيلب
طلعت مُلاذ من الغرفه
مُلاذ : شكو ناني منو وياج؟
نيل : هيلب مامي
ضحكت من كل گلبي
شالتها مُلاذ و هي تضحك
و سلطان يريد يلزمها
مُلاذ : سلطان وياچ؟
نيل : يس مامي
مُلاذ : وخر لك وخر عن بنتي اكتله؟
نيل : يس مامي
سلطان : ايا بت الحلو
مُلاذ سوت روحها تكتل سلطان
و نيل تدحك ألهم
مُلاذ : أبچي لك
سلطان : شني أبچي زلمه شگد شكبرني
مُلاذ : أبچي لك
خلا أيده على عيونه و سوه روحه يبچي
و أحنا واگفين بـ المطبخ ندحك ألهم و نضحك
دحگت أله نيل أله و لـ أمها مصدومه
نزلت من أيد أمها وگفت گدامه تندس رجله
نيل : توتان
فيروز : ههههه
ضمت شفتها نيل تدحك أله
و سلطان عجبته السالفه ظل يسوي روحه يبچي
شبگت رجله وخر أيده عن عيونه
و هو يركص حواجبه لـ مُلاذ و يضحك بـ السكته
بس صوته صوت بچي دنك يشيل نيل و يحچي
سلطان : الله يرضى عليج خالو اهييييي
متنا من الضحك أنا و أمي بـ المطبخ
و مُلاذ واگفه گدامه و حاصره ضحكتها
سلطان : أكتل أمچ؟
فزت نيل و نزلت بسرعه من أيده
راحت وگفت گدام أمها و خازرته
فاتحه أيديها ثنينهم عود تحمي أمها
ملاك : يمه فدوه
فيروز : هههههه عود تحمي أمها
شالتها مُلاذ تبوس بيها
سلطان : خل اخذها
مُلاذ : دورح لك أخذت أختي تاخذ بنتي هم
شلون ما أشوف راح أبقى بس أنا و ظلي
من وراك
سلطان : ههههه هم يحبوني ما يحبوچ
مُلاذ : دمشي لك لا يحبوني
يحبون لحيتك المكناسه
سلطان : مكناسه و لا تلفزيون قديم
مُلاذ : نننننن
سلطان : نننننن الجنيه
مُلاذ : المكناسه
مشت مُلاذ لـ القنفه و هو يشمي و يصيح
سلطان : جنيه
مُلاذ : مكناسه
سلطان : ملكة الجنانوه
مُلاذ : بعدك مكناسه
سلطان : بعدج جنيه
مُلاذ : راح تبقى مكناسه
سلطان : مكناسه تفيد ع الاقل
الجنيه تخوف تخلي العالم تشرد
مُلاذ : اش لك
ضحك سلطان و هي گعدت تبوس بـ نيل
شويه و أخذ سلطان نيل من أيد مُلاذ
و طلع يشتري ألها و رجعها و أيهم أجا
حتى يشوف نيل أخذها ويا و طلعوا
لـ الليل و رجعها كلش أنقهر على نظراتهم
دخلت الغرفة ، گعدت على الطابوريه
گدام المرايه ، أخذت المشط أمشط شعري
رفعت عيني لمن دخل سلطان الغرفة
أتقدم عليه دنك باس شعري ، أبتسمت
لم شعري بـ أيده و نثره على ظهري
ملاك : هههه شنو جاي تسوي؟
سلطان : أحب شعرج
أبتسمت و رفعت عيوني دحگت أله
سلطان : دحك عيونها الخضر شلون حلوة
بلكت الله تطلع بنتنا هم عيونها خضر
و ما تاخذ لون عيوني العمص
ضحكت
ملاك : لا ليش حلوات عيونك
سلطان : بس مو بـ حلاة عيونچ
گعد ركبه و نص و حضن ظهري
يدحك ألي بـ المرايه
سلطان : جبت الچ هديه
أنداريت أله فرحانه و حچيت
ملاك : شجبت؟
گام من يمي فتح مجر الميز
طلع من عنده علبه و سد المجر
أتقدم عليه و هو مبتسم
گعد ركبه و نص گدامي ، فتح العلبه
وسعت عيوني فرحانه و حچيت
ملاك : گلادة الشمس
"ملاحظة : أسم ملاك الحقيقي شمس"
هز راسه بـ قبول مبتسم
شفتها من قبل و عجبتني
لأن ذهب ما أشتريتها
ملاك : هذي الشفتها
سلطان : أي و عجبتج
ملاك : بس غاليه
سلطان : ترخص گدام عيونچ
هو بس خصلات شعرج الذهب تسوى الگلاده
دنيت نفسي اله و حضنته و أنا مبتسمه
باس شعري وگف وراي لبسني الگلاده
رفعت راسي أله و هو واگف وراي
يمسح على خدي
سلطان : عجبتج؟
ملاك : كلش
خليت أيدي على الگلادة
أبتسمت على سلطان لمن گال
سلطان : أنا هواي ميخالف الشمس
ضحكت لأن فهمت قصده
عود " أنا هواي أحب الشمس "
ملاك : و الشمس هواي ميخالف سلطان
أهتز جسمه يضحك
دنك ألي و باس شعري مرة ثانية .
فيروز :-
فتحت باب الكنتور
بلعت غصتي ، رفعت أيدي أخذت قميصه
نزلته و القميص على أثنين أيديه
نزلت دموعي على خدي
بچيت ، رفعت القميصه بسته و شميته
نزلته دحگت أله مره ثانية
مسحت دموعي و مشيت القميص بـ أيديه
طلعت من الغرفة ، گعدت بـ الحديقة
جبت طشت المي خليت بي صوندة المي
لحد ما أنترس جبت القميص و گعدت أغسله
بـ أيديه ثنينهم ، نزلت دموعي و بچيت
أتذكر كل لحظة مرت عليه وي ألياس
لـ هذا اليوم أنا كل لحظه أتذكره
مستحيل أحد يحب شخص
مثل ما حبيت ألياس و حبني
رفعت أيدي خليتها على عيوني
بچيت جسمي يهتز
فيروز : يا روحي يا ألياس
مُلاذ :-
نيل بـ حضني و أغني ألها
بدأت تغفى لحد ما غفت تماماً
بست شعرها و نومتها بـ مكانها بـ هدوء
دحگت من شباك غرفتي لـ أمي
گاعده برا و گدامها طشت و تبجي
مُلاذ : يمه!!!
لبست جاكيت و شال و طلعت بسرعه
وگفت بـ الباب لمن شفت قميص بـ أيدها
بلعت ريگي ، أتقدمت بـ خطوات ثگيله
أعرف هذا قميص بابا المات بي كل مره تغسله
وگفت قريب عليها بس ما تدري بيه
أدحك ألها تبجي بـ صوت و بـ أيدها القميص
تشكي لـ بابا و تحچي
فيروز : بناتك كبرن كل وحده عدها طفل
لو تشوفهم شلون صارن حلوات
ضحكت و مسحت خشمها دموعها تنزل
فيروز : چان ما خليتهم يتزوجون حتى
عبست شفتها و بچت
نزلت دموعي و أنا واگفه أدحك ألها
حچت صوتها مبحوح ، تقلد كلام بابا
فيروز : لا فيروزه شلون أزوجهن بنياتي ذني
اليجيهم أكتله و اطرده
مسحت دموعها و كملت
فيروز : ما كفى عمرك حتى تشوفهم
غمضت عيونها نزلت دموعها
رفعت دشداشتها مسحتهم ، أتقدمت لـ يمها
رفعت راسها دحگت الي و مسحت عيونها بسرعه
فيروز : بعدچ گاعده؟
هزيت راسي بـ قبول
مديت أيدي و حچيت
مُلاذ : أنطيني
دحگت لـ القميص و دحگت ألي
رفعت القميص أنطتنيا ، أخذته و شريته
نزلت دموعي مسحتهم بسرعه
أنداريت و رحت گنبصت گدام أمي
فيروز : نيل نامت ؟
هزيت راسي بـ قبول
نزلت دمعتي ، أرمش و دموعي تنزل حچيت
مُلاذ : بعدچ تغسلين قمصان بابا؟
هزت راسها بـ قبول
فيروز : حتى لو ما يلبسهم حتى لو مو يمنا
ملابسه حتى بعد موته راح تظل نظيفه مثل روحه
خنگتني غصتي
نزلت راسي على رجلها و لازمه أيديها
رفعت وحدة من أيديها تمسح على شعري
همست صوتها رايح
فيروز : بـ رأيج مو أفضل ترجعين
لـ أيهم علمود نيل ؟
رفعت راسي ألها ، همست
دموعي منهمرة على خدي
مُلاذ : رغم ما أله ذنب بس أخاف
فيروز : من شنو؟
مُلاذ : أقهره
فيروز : لا تخافين أذا تحبينه ما تقهرينه
أعرف قبل كم سنه چنت أگلج أتطلگي
هسه أگلج أرجعي ويا بس كل شي تغير
هزيت راسي بـ رفض و حچيت
مُلاذ : الغلط مو غلطج ما ألومچ أبد
لمن عرفت أنا هم هواي تأذيت
قبل لا تحچين أنتِ أنا ردت أتطلك
النار الي بـ داخلي أكلتني حقدت عليه
لمن رحت لـ تركيا گلت أنسى بس أحبه ما نسيته
رفعت أيدي مسحت عيوني
فيروز : أرجعوا أفضل ألچ يمه
مُلاذ : أذيته هواي شلون أذا ما قبل؟
فيروز : يقبل
مُلاذ : منين تعرفين؟
فيروز : رحتي و رجعتي
و نفس أهتمامه و حچيه و ركضته عليچ
أكبر مثال لمن سويتي عمليتج
أيهم أنظلم چان بـ مكان غلط
و أول وحده أتهمته و حچيت عليه أنا
مُلاذ : أعرف كلنا چان گلبنا محروك
ما لگينا الچتال حتى نحرك روحه
و حركنا روح أيهم بدال الچتال
فيروز : لـ هالسبب أرجعي
سكتت أدحك ألها و هي ظلت تحچي وياي
شلون أگله نرجع بعديش؟
أتدنيت عليها و حضنتها
بـ البداية ما حضنتني ما أتوقعت مني
يدرون بيه بعيده عن العاطفة و مالي شغل بيها
بادلتني الحضن و باست شعري
مُلاذ : ما ألومج على أي شي أنا
كلنا جنا تعبانين
أبتعدت و هزت راسها بـ قبول ساكته
فيروز : و هسه شنو راح تسوين؟
مُلاذ : أذا راد هو ما رح أرفض
درنا وجهنا لمن سمعنا صوت ملاك
ملاك : بعد بعد صرتن ما تحبني
ضحكنا و حچينا
مُلاذ : تعالي منو ما يحبچ أنتِ؟ يا غبي هذا؟
ضحكت و أجت يمنا
جابت طابوكات و گعدت
ملاك : عن شنو تحچون؟
فيروز : أقنعها ترجع لـ أيهم
ملاك : اي و الله مُلاذ أنا من شفته
شصار بي لمن ما لگاج
أتاكدت هو ما چان مستغلنا
مُلاذ : شصار ؟
ملاك : أجا لـ هنا گلي أريد أحاچي مُلاذ
گلتله مُلاذ راحت راح منا متخبل بعدين
هتان سولفت الي تگول من ما حچا أله جسار
گعد يبچي و بعدين مندعم
وسعت عيوني مصدومة
مُلاذ : صدك تحچين؟؟
هزت راسها بـ قبول
مُلاذ : ليش محد گلي ؟
ملاك : نسيت السالفة اصلاً
سكتت أدحك ألها عاگده حواجبي
درت وجهي ساكته
ملاك : أرجعي أذا تريدينه
مُلاذ : أخاف يطلع كل أحساسي هسه
و حبي و تفكيري شي لحظي و من أرجع أذي
ما أريده يتأذى أخاف من سوالفي عليه
فيروز : گلتلج محد يأذي الشخص يلي يحبه
مُلاذ : بس أذيته عفته و رحت
ملاك : بس هسه تگدرين ترجعين
مُلاذ : ما أعرف نيل بـ الوسط
و هو ضاج من الروحه و الرجعه يريد بنته
بس قابل أنا أروح اگله تعال نتزوج مره ثانيه
ملاك : هو أنتوا ما يصير تتزوجون
غير الأ تتزوجين شخص ثاني لأن خلع؟
مُلاذ : لا يصير
ملاك : شلون؟
مُلاذ : بـ عقد جديد و مهر جديد
ملاك : ها يعني تگدرين
هزيت راسي بـ قبول
ملاك : يا و أنا سابيه أيلان سبي
و ندك و نلطم عليكم
مُلاذ : شگلتيلها؟
ملاك : سديت الدنيا بـ وجهها شگلتلها
كل ما تحاچيني تگلي يرجعون يتزوجون
أگللها بعد ما تكدرون
مُلاذ : خوثه أنتِ هي البنيه أنا أحچي شي
و أنتِ تحچين شي بعد ما تدري تفتهم منو
ملاك : لا ذكيه ألونه تفتهم
هي گلتلي يصير عقد جديد
گلتلها لا ما يصير يعني الخلل بيه مو بيها
شويه و گامو و أنا دخلت لـ البيت
أجاني أشعار من أيهم
دخلت عليه دحگت داز ألي فيديو
فتحت الفيديو ، أدحك هو بـ الفيديو
لحظات نطق بـ صوت شاعري مبحوح
خلا مسامعي تبتهج على أثر صوته
الأيهم : أأقـولُ أحبكِ يا قمـري؟
آهٍ لـو كـان بإمكـاني فـ أنا إنسانٌ مفقودٌ
لا أعرفُ في الأرضِ مكاني
ضيّعني دربي ، ضيّعَني أسمي ، ضيعَني عنواني
أنرسمت أبتسامة خفيفة على ثغري
و هو كمل كلامه بـ الفيديو
الأيهم : تاريخي! ما ليَ تاريـخٌ
إني نسيانُ النسيـانِ إني مرسـاةٌ لا ترسـو
جـرحٌ بـ ملامـحِ إنسـانِ ، ماذا أعطيـكِ؟
سـوى قدرٍ يرقـصُ في كفِّ الشيطانِ
الأيهم : أنا ألـفُ أحبّكِ
فـ ابتعدي عن ناري ودُخاني
فـ أنا لا أملكُ في الدنيا إلا عينيكِ و أحزاني
خلص الفيديو و عدته مره و مرتين و 3
لحد ما حسيت الفيديو تعب
رسل رساله بعد الفيديو ، كاتب
أيهم : بعيده عني رغم قربچ أذيتيني هواي
بگد ما ساعدتيني و شافيتيني
شلون مُلاذ گليلي شلون بينا؟
رفعت تلفوني أتصلت عليه جاوب
مُلاذ : بـ شنو محتار؟
أيهم : بعدني رايدچ أنتِ بس أتخيلي
شنو من گلب گلبي صارلي سنين
لا كرهتچ لا نسيتچ لا أتخليت عنچ
حيرتيني هواي مُلاذ أريد بنتي يمي تعبت
مُلاذ : أيهم
أتنهد و أنا حچيت
مُلاذ : نتزوج مره ثانية؟
أيهم : شنو؟
مُلاذ : نتزوج
أيهم : صدك تحچين؟
مُلاذ : ليش ؟ ما تريد؟
أيهم : لا بس مصدوم لأن أنتِ هيچ گلتي
مُلاذ : لا تنصدم أنا هم تعبت
أريد أستقر و أحس روحي صدك أنسانه
أريد أعيش حياة طبيعية بس وياك
أيهم : مُلاذ أخاف بـ تركيا وكلوج شي؟
مُلاذ : ههههه ليش؟
أيهم : مستغرب منچ گمتي تحجيها طك بـ طك
شكو شي يضوجج لو بـ داخلچ گمتي تحچي
مُلاذ : بـ رأيك هالشي غلط ؟
أيهم : بـ العكس صحيح
مُلاذ : أنا وياك سنين صارلنا سوه
ما أريد أتقيد يمك كل الناس متقيده يمهم
بس أنت أخذ راحتي بـ الكلام وياك
أيهم : زين تسوين
هسه نرجع لـ موضوع الزواج
مُلاذ : أي
أحچي و على ثغري أبتسامة واسعه
أخيراُ بديت أعبر عن مشاعري
أيهم : ما أگدر أتزوجج
أختفت أبتسامتي تدريجياً
لحد ما راح كل أثر منها ، همست
مُلاذ : ليش؟
أيهم : شمدريني ما تعوفيني مره ثانية
شمدريني أذا تحبيني لو لا يمكن جذب
يمكن تريدين ترجعين و تنتقمين مني
مُلاذ : صدك تحچي؟
أيهم : ليش مچذب عليچ من قبل!
مُلاذ : يعني أنت الرساله الدزيتها ألي
و الحچي الحچيته ألي جنت منتظر أگلك هيج
أيهم : لا من حاچيتج ما جبت طاري الزواج
مُلاذ : تمام بـ راحتك قابل أذب روحي عليك
ظل ساكت ، لحظات سمعت صوته يضحك
أيهم : صدگتي؟
مُلاذ : چنت تضحك عليه ؟
شقصدك أنا مضحكه يمك ؟ تضحك عليه مو؟
صوجي أنا حچيت لو مخليتك أنت تحچي
تتگلى تگلي لمن تطلع الكلمة من حلگك
ام سوادي الدكتور واسطه الچذاب...
أدردم و سكتت لمن قاطعني و حچا
الأيهم : لَـذه لو يگلولي تدخل جهنم أذا تزوجتها
راح أتزوجج لو أعرف أنتِ أخر رصاصة تنهيني
راح أتزوجج لو موتي على أيدچ هم راضي
لأن أنتِ ألي و بس ...
- يتبع الفصل التالي اضغط على ( رواية جرح الأيهم ) اسم الرواية