رواية متخافيش الفصل الخامس 5 - بقلم منة محمد

  

 رواية متخافيش الفصل الخامس 5 -  بقلم منة محمد 

قاسم بص ليونس ……..انت واقف عندك بتعمل ايه وعينك راشقه هنا ليه؟!

يونس بستفزاز……… اظن شايفني انا واقف ع سطح بيتي وانا حر عيني تروح مطرح ما تحب ولا هتتحكم في نظره عيني

قاسم بهدوء…….. حياه من فضلك انزلي تحت

حياه بصتله انه شك فيها ونزلت وقاسم رجع بص ليونس وقاله……. وانت اتحكم في نظرك

يونس ابتسم ببرود……..: ليه ايه الخطر الي هتعمله نظراتي

قاسم بتحدي……….: انا اعرف كويس اوقف الخطر الي بيهدد عايلتي وللسبب ده احسن لك تلزم حدودك مفهوم

قاسم نزل لقاها واقفه منتظراه وقالها………. اتصلوا بيا من جامعتك وهتبدء محضراتك كمان يومين استعدي

حياه بتوتر………. بصراحه انا

قاسم تعدها ومشي وهي تابعت : قاسم اسمعني مش الطبيعي تقف وتسألني انا فوق بعمل ايه

قاسم لف بصلها: بتعملي ايه

حياه سكتت وبينها وبين نفسها تابعت: هو انا المفروض ارد اقوله ايه انا فوق فعلا بعمل ايه

قاسم:………… كده عن اذنك

تمارا قربت عليها بعد ما قاسم مشي وسألتها……..: ها ايه الي حصل قاسم قال حاجه ولا اتعصب

حياه……… انتي الي عملتي فيا حاجه مش كويسه يا تمارا

تمارا………..: عملت ايه

حياه بغيظ……..: الاول اخدتيني غصب عني فوق ولما جه اخوكي جريتي استخبيتي وسبتيني اواجهه وبقيت في وش المدفع وشافني واقفه مع يونس قوليلي هيفكر فيا ازاي وكنت بعمل ايه فوق مع يونس

تمارا………: وانتي يهمك ايه من شكلك قدام قاسم ايه العلاقه الي تربطك معاه يفكر زي مايفكر انتي ليه قلقانه عليه

حياه………: انا قلقانه ع منظري

تمارا………: هو قالك كلمه غلط في حقك

حياه: لاء بس شكله مزعوج

تمارا: بعدم اكترث…….. ما ينزعج وانتي مالك هو هيفرق ايه بالنسبه لك هيبقي كويس كمان يومين ولو مبقاش ده مش مهم يومين وهيفك متقلقيش فكي بقي

حياه تابعتها وهي ماشيه واتغاظت منها جدا انانيه حططتها في وضع غلط في عين قاسم وراحت تفهمه

لقته بيطلب من سيده فنجان شاي

حياه………..: تحب اعملهالك انا

قاسم مكشر……..: لاْ مش عايز

حياه………: قاسم انت فهمتني غلط

قاسم بضيق……: انا فهمتك صح

حياه:………… لاْ انت مش فاهم الوضع مش زي ما بتفكر بصراحه طلعت فوق السطح اتفرج ع الروف وهو جه في وشي فجأه وعادي سلمت عليه

قاسم بغضب………: وانتي ايه الي يطلعك فوق احنا مش بنطلع فوق اصلا لكن انتي طلعتي شوفي ليه

حياه لنفسها: ازاي اقولك الحقيقه وانت واخد فكره غلط عني انا مش كده دي اختك الي بتقابله بعد ما كدبت عليك وع اهلها انا بريئه

حياه اتنهدت وطلعت الجنينه وسرحانه في الموقف الي اتحطت فيه وشافت اخوها زين بيلعب تنس افتكرت اخواتها

زين كلمها……..تعرفي تلعبي

حياه انتبهت له ……… قلت ايه

زين مبتسملها……. انتي واقفه بتبصيلي فكرتك عايزه تعلبي معايا تنس بس بتعرفي تلعبي

حياه ابتسمت : طشاش كنت بلعب مع اخواتي الصغيرين دول مغرمين بحاجه اسمها تنس كل يوم يلعبوا في الجنينه ويعملوا دوشه جامده

زين : زينا انا و تمارا اخوات لكن مش من نقس الاب والام كده

حياه بضحكه خفيفه: لاْ مش زيك انت وتمارا بس احنا نعتبر كلنا هنا اخوات فاهم حاجه

زين ………بس انتي اختي يله تعالي نلعب

حياه ………معرفش العبها كويس خد بالك

زين ضحك ………..انا هنا هعلمك

حياه بهزار ……….بطل يعني

زين بمرح …………..وجامد

حياه ………تمام

بدؤا يلعبوا وهما مبسوطين وبيضحكوا ويهزروا

حليمه طلعت وبزعيق ……….بتعمل ايه

زين …….بلعب مع اختي

حليمه ………كام مره قلت لك دي مش اختك ( لفت لحياه) وانتي مش بتفهمي كلامي مش قولت لك ابعدي عني عايلتي مفكره ايه هتدخلي وسطينا عن طريق ابني

حياه ……..لآء انا بس

حليمه قطعتها بصراخ…….اخرسي مفيش لزوم تتكلمي معايا انا بحذرك كفايه اوي بقي ليكي مكان في البيت وده كفايه عليكي ( شدت زين من ايده) وانت امشي معايا

زين ساب ايدها وبزعل……: ماما في ايه كنت بلعب معاها

حليمه …….من غير ما تاخد اذني وقلت لك دي غريبه عننا

ناصر……… اهدي ياحليمه مش كده

حليمه ……..ياريت تفهمه وفهم حماتي تفهمها تبعد عننا

ناصر بهدوء……حاضر هبلغ امي وهي تشرحلها وانت مش عايز اسمع شكوي منك المره الجايه اسمع كلام امك وانتي براحه مش كده

……………………..قصص منه محمد كاتب…………………

الجده بصتلها: حياه مالك كده حزينه

الجد: شكلها من ساعه ما أأعدت وهي كده اسأليها مالها

الجده بغيظ منه: هسألها حاضر

الجد: انتي بتشخطي فيا ولا ايه

الجده: لاسمح الله هو انا ياراجل امتي شخط

الجد: مفيش فايده من الكلام معاكي وانتي قوليلي مالك يابنتي

حياه: ولا حاجه ياجدي انا زي الفل

الجد: شوف هي بتقول انها زي الفل بس هي مش كده

الجده لحياه: سيبك من الراجل العجوز ده وتعالي ياحياه قيس لي الضغط الجهاز فوق عندك فوق الرف انا عندي صداع جامد انا متأكده الضغط

عالي جدا

حياه : هو عالي بس شويه

الجد ٠٠٠طبيعي اصلها مش بتريح نفسها

الجده بغيظ ……….بص في الجورنال وع فكره بقي انت سبب صداعي

الجد بصلها………بتقولي ايه

حياه كتمت ضحكتها……….. مش بتقول حاجه ياجدو

الجد ………..ماشي

اسعاد ……………دخلت حماتي جارنا الي جنبنا مات

الجد وسع عيونه……. ايه ازاي كده فجأه

اسعاد بصتله وقالت: ياعمي سمعت ان كان عنده صداع جامد وعنده الضغط عالي كمان وليله امبارح ضغطه علي جدا لدرجه نقلوه المستشفي ومات من ساعتين

الجده بخوف وهاجس……..: ضغطي انا كمان عالي وعندي صداع

اسعاد ……..يا حماتي خليكي مستريحه في البيت حليمه راحت لبيت مراته وناصر مش في البيت وسيده اتصلت بيه وبلغته وانا هروح مع السواق وتمارا جايه معايا وانتي يا حياه خليكي هنا عينك عليهم وهنرجع كمان ساعتين وسيده هتعمل اللاكل وهتحطه لما حماتي وحمايا تخلص صلاه العصر هروح البس

حياه ……….تمام

الجده ببكاء …………انا مش تمام

حياه بقلق………الحق يا جدو تعال شوف حصل ايه لجدتي

الجده …….تعالي شوفيلي الضغط شكله بقي عالي خالص حاسه بصداع جامد

حياه ………..ضغطك زي ماهو

الجده………. البتاع ده شكله بايظ حالتي مش مستقره وانتي تقوليلي اني كويسه فيه حاجه مش طبيعيه انا بيحصلي حاجه مش طبيعيه

الجد ……..اهدي يا وداد مش هيجرالك حاجه

سيده دخلت وقالت ……..الراجل الي مات ضغطه كان عالي اوي ودماغه انفجرت وبدء ينزف من مناخيره في لحظه طلع السر الالهي

الجده حطت ايدها بخوف ع مناخيرها وقالت…حياه شوفي مناخيري بتجيب دم

حياه……… لاْ مفيش حاجه (لسيده) انتي بتعملي ايه يا سيده تقلقي جدتي من فضلك اتصلي بعمي نعمان

سيده ……..اه هتصل حاضر

حياه رجعتلها ………..ياجدتي مناخيرك بخير مش بتنزف اطمني

الجده بدموع……..دماغي هتنفجر

حياه …….هدلكهالك

سيده ………رقم عمك مش بيرد

الجده ……….روحي ياحياه رني من تلفوني

حياه اتصلت وقالت: بيرن بس مش بيرد

الجده ……..حد يجي يهتم بيا ويلحقني ليه ماسكين تلفونات في ايدهم طول الوقت والنهارده محدش منهم يرد

حياه…….: انا هفضل اتصل لحد ما حد يرد

الجده للجد……… سامحني لو عملت فيك اي حاجه وحشه انا كمان سامحتك ع افعالك معايا انسي اخطائي

الجد مسك ايدها بقلق……….اسكتي ليه بتعيطي متقلقيش مش هتمـ وتي

حياه……. انا راي ناخدها المستشفي هتطمن اكتر ع نفسها

الجد …….اه يله

الجده ……..روحي يا سيده شوفي السواق هنا روحي يا سيده بلغي السواق يشغل العربيه

سيده …….. اه يا ست هانم هو رجع بعد ما وصل الست اسعاد

الجد………… روحي قوليله يشغل العربيه احنا جاين شهلي

سيده رجعت: السواق مش موجود

الجد ………ايه مش هنا

الحده بكاء……… انا هموت خلاص بعد شويه

الجد٠٠٠٠ لو مكتوبلك هتموتي هنعمل ايه

الجده وهي بتقوم…….انا هروح احل المشكله بنفسي

الجد ………اصبري يا وداد , راح فين ده

سيده ……..يظهر جاله مشوار

الجد…:اتصلي بيه تاني

سيده……ساب تلفونه هنا

حياه……..: جدو انا هطلع اشوفه راح فين هات جدتي معاك

الجد طلع خطوتين بالجده الي وقعت وصرخ: حياه الحقيني جدتك وقعت من ايدي

حياه راحت سندتها معاه وسألته…….انت بتعرف تسوق عربيه

الجد………: انا بقالي سنين مش بسوق ونعمان قالي بلاش لخبط حد

حياه ……….يبقي لازم نوقف اي عربيه

حياه طلعت الشارع ووقفت تبص شمال ويمين ع اي تاكسي لحد ما شافته واقف بيتكلم مع حد

حياه ٠٠٠٠جدو يونس واقف هناك نسأله

الجد……….: لاْ عمك هيزعل

حياه…………: بس حاله جدتي نعمل ايه مفهاش حاجه لو وصلنا المستشفي وبعدين ما هي جدته

الجد………: ماشي

يونس شافهم راح عليهم………: حصل ايه يا جدي ليه واقف بره

الجد ………يونس جدتك تعبانه ومفيش حد يسوق عربيه ومعرفش السواق راح فين ياريت يابني تشوفلنا عربيه تاخدنا للمستشفي لو مش هزعجك

يونس بحزن…….. بتقول ايه بس ياجدي كنت المفروض تقولي فين جدتي

الجد ………….جوه

يونس ……….هجيب العربيه واجي اخدها ع طول

الجد ……….وقف لنا عربيه

يونس………… لآء انا هاخدها بنفسي

…………………………………….

في المستشفي

يونس……..جدتي عامله ايه

الجد ………ضغطها طبيعي دلوقت هي بس بتعاني من الصداع بس حاليا حالتها استقرت كتير عن الاول متشكر يابني

يونس ……. متشكرنيش ياجدي واه مببقاش في قلوبكم مكان بس الي بينا دم بيجري في عروقنا

صفاء دخلت تجري مهروله ………يونس طمني ماما عامله ايه دلوقت

يونس طبطب عليها ……….بقت احسن ضغطها ارتفع شويه

صفاء……….. الحمد لله ازيك يا بابا عامل ايه( رمت نفسها في حضنه وبكت وابوها حط ايده عليها في دخول نعمان بعدها عنه بسرعه

نعمان …………بابا فين امنا وليه مقلتلناش

الجد بعصبيه …………هو فيه حد فيكم بيرد علينا اتصلت

صفاء بتقرب منه ………..ازيك يا نعمان

نعمان ……….ابعدي عني مليش اي علاقه معاكي وبعدين بتعملوا ايه هنا

الجد …….انا اتصلت بيونس ولا هقف اتفرج ع امك وهي بتقع مني واياك تكبر المواضيع دلوقت يونس شكرا مره تانيه والحمد لله جدتك بخير خد امك وامشي

نعمان ………..يله امشوا

يونس ……….يله يا ماما

نعمان ………هروح اطمن ع ماما

…………………………………….

تمارا …………قومي البسي بسرعه هنتاخر

حياه بزهق………انا مش رايحه يا تمارا

تمارا ……….يعني ايه مش رايحه حياه متعمليش كده قومي تعالي معايا يله

حياه ………..ليه متروحيش لوحدك ومش هقول لحد

تمارا بتهديد……….ولا حتي تحاولي تعملي كده

حياه بصتلها اوي وهي كملت ……….انا بهزر ارجوكي تعالي معايا محدش هيشك فيا و انتي معايا ارجوكي

حياه ………تمارا انا مش بحب اكدب

تمارا ……….حياه انتي اختي مش كده اعملي معروف صغير لو مساعدتنيش مين غيرك هيساعدني

حياه ……..تمارا

تمارا ……..مايني بقي

حياه …………….تمام اسمعيني ليه متقوليش لمامتك وهي تمهدلهم هنا الموضوع ده افضل

تمارا ٠٠٠٠هقولها لكن دلوقت اجهزي وبلغيني

حياه………: انا مش عارفه ايه سر اهتمامك ابقي طرف تالت

تمارا …………ساعات الطرف التالت بيبقي له اهميه في لعب دوره يله بقي خليكي حلوه

حياه قامت بمضض وامتعاض ولبست وخارجه هي وتمارا

قاسم……….. انتم رايحين كده ع فين

تمارا…………. احنا خارجين

قاسم ……..خارجين رايحين ع فين

تمارا ……..اصل عيد ميلاد حياه النهارده وقلت اخدها افرحها واشترلها هديه

قاسم ………بجد عيد ميلادك النهارده كل سنه وانتي طيبه

تمارا …………..قوليله شكرا واتمني

حياه ………….ده مش صحيح عيد ميلادي مش اليوم

قاسم وشه اتغير وبص لتمارا بغضب وسألها……..ليه كدبتي عليا

تمارا بخوف ولجلجه……..بصراحه كنت كنت

قاسم صرخ ………..كنتي ايه , كنتي رايحه ع فين بالكدب عرفيني ليه بصلها بالشكل ده بصيلي انا وعرفيني

تمارا ……….كنا خارجين بره نقعد بس مفيش حاجه تانيه

قاسم داس ع اسنانه بغيظ ……….وايه لزومه تكدبي عليا عشان تخرجي معاها

تمارا………. قلت انك هترفض تخرجنا

قاسم ………وانا مش هقبل تخرجي ارجعي اوضتك امشي

تمارا بصت لحياه نظره قاتله ومشيت وهي بتستحلف لها هتنتقم منها اشد انتقام

حليمه لسالي ………..بنت اخوكي بدئت تظهر ع حقيقتها

سالي…… مين تمارا

حليمه…….. لاْ حياه الملعونه جابت لتمارا التهزيق وواقفه ولا كانها عملت حاجه

سالي…….و هتعمل كتير دلوقت ولما تعمل عمايلها الناس الي جابوها هنا هيضربوا دماغهم ويعيطوا استني وهتشوفي

حليمه….. سواء بكيوا ولا ضحكوا ليه اصلا اهتم هما مسؤلين عن اختيارهم هو حد فيهم فكر ولا اخد زعلي بعين الاعتبار قبل كده

سالي …..الكل مبسوط في حياته واختهم تغور في ستين داهيه وانشا الله تعفن طول حياتها جوه البيت عادي ولا افرق معاهم اصلا

حليمه تابعتها وقالت لنفسها ………سيطر عليها هوس عنوستها دلوقت

……………..قصص منه محمد كاتب………

اسعاد دخلت لتمارا تطيب خاطرها وقالت……. خلاص بطلي عياط يا تمارا

تمار زاحت ايدها بغضب…..سبيني لوحدي واطلعي من هنا

اسعاد …..هو العياط يعني هيعملك ايه

تمارا…..ماما اطلعي وبطلي تضايقيني دلوقت

اسعاد …..يابنتي انا قلقانه وانا شيفاكي بتعيطي

تمارا…….اخرجي لو سمحتي انتي متعرفيش قد ايه اخويا اهانني النهارده وكل ده بسبب حياه

اسعاد…..حياه انا هروح اتكلم مع اخوكي

تمارا…..هتقوليله ايه انه دايما شايفني غلطانه ورغم كل الغلط غلط حياه طلعتني كدابه من غير داعي قدام اخويا انا كنت وخدها ورايحين نقعد شويه في كافيه فيها ايه دي يا ماما كان هيحصل ايه لو فضلت ساكته هتموت ع الاقل مكنش مسكني هزقني ده انا اعتبرتها اختي بس هي اهانتني اليوم

اسعاد الغيظ تملكها وطبطبت ع بنتها وطلعت راحت لقاسم شويه ودخلت حياه وبصتلها

تمارا بزعيق ………متتكلميش معايا تاني ابدا انتي سامعه

حياه…..انا اسفه قاسم هزقك بس

تمارا هو مش هزقني وشتمني وكله بسببك عملت كتير عشانك انا شاركتك اوضتي وسمحتلك تمدي ايدك ع هدومي ومش قادره تقفي ساكته عشاني

حياه ……..تمارا كنتي ممكن ببساطه تقوليله الحقيقه ليه تقولي انه عيد ميلادي

تمارا…..انتي دعمي كدبتي وبس احنا مش هنعمل جريمه عشان تقولي الحقيقه

حياه……اظن انا كدبت قبل كده عشان ادراي عليكي ومنظري كان وحش

تمارا……امتي اليوم ده

حياه ……….لما هربتي من السطوح وجه قاسم

تمارا…..اه عشان كده انتقمتي

حياه ………والله الموضوع ماكان كده نهائي ليه ابقي عايزه انتقم منك

تمارا بغضب شديد…….تعرفي تسكتي مش عايزه اسمعك خالص انا فاهمه نيتك كويس جدا اجري قوليه كنت رايحه اقابل يونس

حياه …. استغفر الله يابنتي ليه اعمل كده

تمارا………. انتي عارفه ولا انا بقول حاجه غلط

حياه بنفعال……. ليه مش قادره تفهمي في يوم لازم حد هيعرف بالكدبه لو مش حد ع الاقل جدك وجدتك اكيد فاكرين عيد ميلادي

تمارا …….. انا بكره هخرج انا ويونس بعد الكليه

حياه…. وانا اقولهم ايه لو رجعت بكره لوحدي

تمارا…….عادي بلغيهم ان عندي كورس اضافي او لو عايزه تقوللهم الحقيقه ده اختيارك

…………..قصص منه محمد كاتب……………..

في كافيه

تمارا بعصبيه حسيت بجد اني مش عايزه اعمل فعل غلط معاها بقي دي الصداقه تشوفني بغرق وتسبني وتتتفرج

يونس ممكن تهدي وخدي نفس واشربي العصير

تمارا ضمت حواجبها…..يعني عايزني مزعلش يايونس وهي عارفه لما تقول لقاسم هيغضب ازاي هي عملت كده عن عمد

يونس…….. انسي الي حصل واشربي العصير وبالمناسبه انا رآي ان حياه معملتش ده متعمده شكلها طيبه

تمارا بحقد…وانت تعرفها منين كام مرة قابلتها

يونس اتنهد بعمق………معرفهاش بقول راي بناء ع كلامك انتي عنها قولتلي هي كويسه جدا وهتقف جنبي وهتصون سرك

تمارا….اتغشيت في برائتها

يونس ……..تمارا سيبك من الموضوع ده وانسيه خلينا نتكلم في موضوع تاني غيري الموضوع بعد شويه هتقفي وتقوليلي اتاخرت ولازم ارجع البيت

تمارا……ماشي قولي اتكلمت مع عمتي عننا

يونس ………متكلمتش بس لمحتلها

تمارا ………..وايه كان رد فعلها

يونس …….حسيت انها فرحانه جواها بس شايفه ان ده مش ممكن يحصل

تمارا ……..ازاي حسيت انها فرحانه

يونس …….امي واعرفها كويس واظن قولت لك المشكله مش جايه خالص من عيلتي من عايلتك

تمارا …………اه صح ما الفضل ليكم

يونس …..عفوا تقصدي ايه

تمارا …….. اظن انت فاهم يا يونس المشاكل والقطيعه حصلت بعد اللي عمله ابوك في عمي لو ابوك اتنازل كان الطريق بقي سهل علينا

يونس ……..وده صعب امي حاولت لو بابا عايز يتنازل كان اتنازل من زمان

تمارا ………..والحل

يونس………. اطمني هفكر في حل يفك الخلاف

تمارا …………يونس اعمل حاجه واحده اطلب من امك تيجي تخطبني مباشره من البيت مش ضروري اهلي يعرفوا اننا بنحب بعض

………..قصص منه محمد كاتب…………

قاعد يكتب ع الحاسب الالي والباب خبط قال…….: ادخل

اسعاد فتحت ودخلت….فاضي

قاسم ابتسملها……تعالي يا ماما في حاجه حصلت

اسعاد …..مفيش حاجه بس بعتلك صوره ع الواتس شوفها

قاسم فتح الموبيل……..مين دي

اسعاد ……..عروسه

قاسم بتعجب ………………عروسه ليه

اسعاد بغيظ……… بتعمل نفسك غبي يعني انت مش فاهم ليه عشان تتجوزها مانت لازم تتجوز مش كده

قاسم: اتجوز

اسعاد……اه والبنت حلوه اواي وقريبه مراه عمك حليمه وبصراحه عجباني لطيفه ومتعلمه ووحيده اهلها وهتفق معاك

قاسم……معايا

اسعاد……. ايه مش حلوه

قاسم بص للصوره وقال…… هي حلوه بس

اسعاد قطعته ………بس ايه لو كان فيه بنت بتحبها عرفني وانا اتكلم مع اهلها

قاسم……ايه رايك في حياه

اسعاد بصتله بصدمه ……….حياه

قاسم ………..اه حياه انا بحبها وعايزها وشايف فيها كل الصفات الي عايزها في شريكه حياتي

اسعاد….. مش عايزه اسمع اسم البت دي تاني ع لسانك والا هزعل منك

قاسم…مالها حياه

اسعاد وسعت عيونها….. مالها كفايه انها بنت هاجر دي لسه جايه وحالا حاصرتك في شباكها بسهوله

قاسم بعصبيه …….. امي بس مش هسمح اي كلمه تتقال ضد حياه بعد كده دي بنت بريئه وعندها شخصيه قويه هي متستهلش تتقال اي كلمه في حقها وانا مش مستعد اسمع كلمه عليها عشان كده لو سمحتي بلاش تيجي منك انتي

…………………..قصص منه محمد كاتب…………….

في الصالون

حليمه بغيظ…..شوفتي قلت لك مش هتيجي البيت غير لما تعمل عاصفه وشوفتي حصل

اسعاد…..مستحيل اتحمل البت دي في البيت باي حال من الاحوال

سالي ……..وايه الي هيحصل بعد كلامك خلاص اخدت ابنك في صفها

اسعاد…انا لسه عايشه ياسالي وقاسم لا ممكن يعارض رغبتي ابدا وهيتجوز من البنت الي انا اختارها واوافق عليها

الجده وداد دخلت مبتسمه…..مين ده الي هيتجوز عايزه اعرف

سالي …..تعالي يا ماما خلينا نقولك الاخبار الحلوه المفرحه

الجده …وياتري مين العريس

سالي …………حفيدك قاسم عايز يتجوز حفيدتك الجديده اصله طلع بيحبها

الجده بذهول…بجد بيحبها

تمارا …………ماما عمتو بتقول ايه اخويا انا طلب ايد حياه

اسعاد حركت دماغها بنفي…اكيد لاء

سالي بسخريه…….لاء ده ايه ده طلع كمان بيحبها

تمارا بصدمه……اخويا بيحب حياه

اسعاد بحرقه وغيظ…………بالله عليكي يا سالي بطلي توجعي قلبي لاْيا بنتي احنا مش هنوافق ولا نرضا بكده كده

الجده بستغراب…ليه يا اسعاد مالها حياه فيها ايه وحش ماشاء الله مؤدبه ومننا

اسعاد بحده خفيفه…حماتي انا فضلت عمري كله ماشيه حسب اوامرك وكلامك لكن دلوقت الموضوع متعلق بحياه ولادي وانا هاخد قرارت بنفسي عن حياتهم محدش له الحق غيري انه يتكلم وانتي يا تمارا ابعدي خالص عنها مفيش داعي تبقي صاحبه واحده بتلعب بالبيضه والحجر زيها اسفه هقوم

استوب ومنتظره رايكم ع الحلقه وطبعا قاسم ميعرفش بطلبه ان حط حياه في وضع صعب جدا انتظروني وحلقه جديده واحداث مخيفه هتخطف الانفاس

 

• يتبع الفصل التالي اضغط على (رواية متخافيش) اسم الرواية