رواية يكفيني منك عقابا الفصل الحادي و الاربعون والاخير 41 - بقلم بقلم عبير سليم
الحلقه الحاديه و الأربعون والأخيرة
الجزء الأول
يكفيني منك عقابا
عبير سليم
🌿🌿🌿🌿🌿🌿
انتي لابسه و رايحه على فين كده يا هانم
_مسافره
نعم مسافره اللي هو ازاي يعني
_زي الناس عادي خليك ايزي يا عزيزي
من غير استئذان ده على اساس اني شفاف
_لا عيب عليك يا ابو الولاد بص انت مسافة ما تتفرج على أي حاجه ماتش فيلم أي برنامج حتلاقيني جيت
نعم و ده ازاي يعني
_هو كده و متعطلنيش بقى انا سايباهم بقالي شهرين و قاعده اعملكم فى حلويات و معجنات سيبوني اشوف شغلي بقى عاوزة اعرف حصل معاهم إيه و وصلوا لفين
_طب ممكن يعني لو مفيهاش اساءة ادب اعرف سموك مسافره على فين
_حلف على المحافطات و بعد كده حرجعلك على اسكندريه
ليه انتي ممسوكه فقضيه و حيعملوك كعب داير
_يا ربي عالعطله دي بص متعطلنيش بقى الله يخليك انا ورايا مهام عظيمه انا بكافح في معركه انت متعرفش عنها حاجه ياللا سلام بقى
ياااه اخيرا وصلت يا ترى انا فين دلوقتي ايه ده دي فيلا حكيم آه ده أبو الزفت مازن طيب فرصه بقى نعرف حصل معاه ايه بعد ما اتجوز بنت عمه
ايوة حضرتك عاوزة مين
مش عارفه
حضرتك بتهزري
اه بهزر معاك اصلي بحب الهزار جوي
شكلك دمك خفيف
_عسل يا مضروب
خليك جدع بقى و دخلني
_خايف حد يشوفك يوديني فداهيه
لا متخافش محدش حيشوفني عديني بقى يخرببيتك
جوم روح اوضتك يا حبيبي مينفعش أكده يا مازن ديه انت لساك عريس
مازن : عريس اهئ اهئ اهئ متفكرنيش اني عاوز انسى يا عايده
عايده : جوم جبل ابوك ما ياجي و يعملها حكايه
مازن : لا و حياتي عندك يا اما اني معاوزش أروح عندها اني بخاف منيها
عايده : يا عيني عليك يا ضنايا كان مستخبيلك ديه كله فين
بس حجولك إيه ما هو كله من عمايلك السوده أديك اهوه وجعت في هدايه
مازن : هدايه داهيه تاخدها البعيده بجي أني اتجوز هدايه يا ناس
ديه اني لو أديتها لحد هديه حيحدفها فوشي
عايده : نصيبك و جسمتك بجى ارضى باللي انكتب عليك و يمكن ربنا يصلح بينكم الحال
مازن : يصلح بيننا الحال كيف يا اما ديه اني بخاف اجول لها صباح الخير اني معرفش هي متربيه فين ديه المفروص تعيش مع الأسود و النمور مش مع بني ادمين
مازن
يسمعها بتنادي عليها يتنفض و يستخبى فحضن امه : خبيني و النبي يا ما بصي جوليلها مازن مات
عايده : بعد الشر عنك يا حبيبي ديه انت اللي حيلتي
تفتح عليهم الباب : ينفع أكده يا مرة عمي ممكن أعرف ديه بيعمل إيه عندك في الساعه دي
عايده : مالك بس يا هدايه زعلانه ليه يا حبيبتي كان بيطمن علية
هدايه : يعني يسيبني و اني لساتي عروسه و ييجي يطمن عليكي الناس تجول ايه دلوك
عايده : ناس مين بس يا هدايه هو في حد في البيت غيرنا
هدايه : انت ساكت ليه و مالك مستخبي اكده زي ما تكون عامل عامله
جوم جدامي
مازن : طب روحي انتي و اني ححصلك
هدايه : جولتلك جوم اني ممشياش غير و انت فيدي عايز تضحك علينا الناس جوم فز
مازن : اما متسيبينيش اني ولدك
عايده : على عيني يا حبة عيني يا حبيبي يا بني كان مكتوبلك ديه كله فين يا ضانايا
مازن : يعني انتوا سلمتوني ليها تسليم أهالي
عايده : أني اخاف اتصدر تزجني زجه اروح فيها اني مش جدها مشايفهاش كيف ضرفة الدولاب ازاي اني معارفاش انت بتعمل معاها ايه دي الله يجدرك و يجويك و يكون في عونك
مازن و هو بيضرب على خده بايديه : و هو اني عدت بعرف اعمل حاجه انى مبعملش يا اما هي اللي بتعمل يا اختي
منك لله يا اللي اسمك صفيه اللهي يجحمك مطرح ما رحتي أني إيه اللي كان ضربني فمخي و خلاني أمشي وراكي زي الاعمى و ادي النتيجه اهيه اتجوزت هدايه
صورهم يا مازن اصور روحلها المستشفى يا مازن اروح
كنتي فين يا لاءة لما جلت اه اه اه اه
هدايه : أني حفضل واجفه كتير اكده
مازن : لا أني جاي
اللهم اني لا أسألك رد القضاء و لكني أسألك اللطف فيه مع السلامه يا اما ادعيلي على رأي عوكل جدر البطاطا اللي كان السبب يا ضنايا
عايده : يا حبيبي يا بني الله يجويك يا ضنايا
يدخل حكيم : مالك بتولولي ليه
عايده : عاجبك اللي عملته في الواد ديه الواد مرعوب منها يا حكيم
حكيم : حلال فيه أحسن خليها تربيه من أول و جديد اللي ميربيهوش اهله تربيه الأيام و الليالى
عايده : جصدك تربيه هدايه انى خايفه على مازن يا حكيم ديه لا يمكن تكون بني ادمه زينا دي جايه من الفضاء ديه شبه الغوريلا اللي كانت في كينج كونج اللي اتفرجنا عليه زمان
حكيم : هو اللي جابه لنفسه و يستاهل كل اللي فيه و بعدين هو لسه شاف حاجه ديه هيا اكده بتدلعه عشان لساتهم عرسان بكرة حتشوفي حتعمل فيه إيه
عايده : يا حبيبي يا ولدي عيني عليك يا حبيبي و حيهون عليك تشوفه بيتبهدل أكده
حكيم : أيوة حيهون يا عايده و اخرسي انتي بالذات معاوزش اسمع صوتك و اللا حطلجها عليكي
عايده : لا يا اخويا اديني خرست اهوه و هو اني جدها ديه أني بسمع صوتها بخاف يا ترى عامل معاها ايه دلوك يا ضنايا
مازن : ايه بتجربي مني اكده ليه
هدايه : ايه يا راجل مالك ما تجمد اكده أمال
مازن : لا أني خلاص مجدرش، معادش فية حيل الله يخليكي انى فعرضك سيبيني هو انتي معندكيش اخوات صغيرين راعي فية ربنا
هدايه : تصدج انك راجل وش فجر و مش وش نعمه و اني اللي كنت ناويه ادلعك
مازن : لا اني معاوزش ادلع اني عاوز انام عندي مستشفى الصبح
هدايه : عارف لو لعبت بديلك من ورايا حعمل فيك إيه
مازن : ديل و هو اني عاد عندي ديل العب بيه من وراكي و اللا جدامك
ما خلاص ديه كان زمان و جبر
يا خسارة شبابك اللي راح هدر يا مازن
في الصباح في إحدى المستشفيات الجامعيه
أقسم بالله حتجننيني
رحمه : أني بردك
زياد : أني عايز أفهم فيها إيه لما امسك يدك ما المستشفى و الجامعه كلها عارفين انك خطيبتي
رحمه : لا يا اخويا انا مليش دعوة لما نبجى نتجوز حبجى اخليك تمسكها هو مال سايب إياك
تيجي فتون من وراهم : خليه يمسكها يا فوزيه يمكن تطرى فيده
رحمه : مالكيش صالح انتي يا ام عتريس
زياد : هههههه ربنا يجومك بالسلامه يارب يا فتون
فتون : يارب يا زياد احسن اني خلاص مبجتش جادرة
بجولكم إيه خللوا بالكم دكتور أحمد بيمر و لو شافكم واجفين أكده محيحصلكمش كويس و خصوصا انتي يا رحمه
رحمه : يا لهوي ديه أهوه جاي علينا بت يا فتون اعملي نفسك تعبانه و اني سانداكي يا بت
دكتور احمد : انتوا واجفين عنديكم أكده ليه مش تشوفوا شغلكم
رحمه : حضرتك مش شايف يا دكتور فتون تعبانه جوي و اني سانداها
الدكتور : تعبتي امتى يا فتون مانتي كنتي لسه زي الجرده من شويه
رحمه : لما شافتك
دكتور احمد : انتي جلتي ايه
رحمه : بجول انها يعني لما اتدربت مع حضرتك تعبت ما حضرتك الصراحه جارفنا جصدي تاعبنا يووه بجى مش اكده يا دكتور حرام عليك حضرتك حتجضي علينا جبل ما نبجوا دكاترة رسمي
الدكتور : حرمت عليكي عيشتك يا شيخه
زياد : لا و النبي يا دكتور ماتحرمش علينا عيشتنا اللي احنا لسه معشنهاش
دكتور احمد : و الله يا زياد يا بني اني معارفش انت واخدها على ايه هو انت عليك ذنب و عايز تخلصه عشان تتجوز المجنونه ديه
زياد : هي مجنونه اه بس بحبها حعمل ايه فحظي
أحمد : الله يكون في عونك و الله ربنا يجويك على ما بلاك
اتفضلي يا ست الدكتورة رحمه روحي على قسم الأمراض الباطنه شوفي حتعملي إيه و انا حمرعليكي و اشوفك بتعملي ايه
و انتي يا ست الممثلة اتفضلي روحي على قسم الجلديه انتي كمان شوفي حتهببي إيه ما جمع اللا اما وفج
و انت يا حبيب عصرك و اوانك تعالى معايا على قسم الجراحه
زياد : حاضر يا دكتور
بعد شويه يروح لها على قسم الباطنه : بتعملي إيه
رحمه : كيف ما حضرتك شايف يا دكتور احمد بكشف عالمريضه
أحمد : هيا بتشتكي من ايه
رحمه للمريضه : جوليله يا حاجه
المريضه : عندي وجع جامد في بطني بجالي كام يوم
أحمد : و هي لما عنديها وجع في بطنها بتكشفي على رجليها ليه
رحمه : ما هو كله بيسرب على بعضه يا دكتور
أحمد : بيسرب على أساس إنك بتصلحي حنفيه
رحمه : من فضلك حضرتك أكده بتعطلني عن عملي
احمد : يا رب عوض علية عوض الصابرين يارب
رحمه : هو اني ممكن اسال حضرتك سؤال
أحمد : اتفضلي يا رحمه هانم اسألي
رحمه : هو مش المفروض ان دكتور مختار هو اللي كان حيشرف علية حضرتك ايه اللي حصل
أحمد : معاوزانيش اياك
رحمه : لا و الله بس انى عايزة اريحك و اني حساك مطايجنيش
احمد : هو اللي مطايجكيش جننتيه رفعتيله الضغط جبتيله السكر جالي اشرف عليها انت لو اني اللي أشرفت عليها حطلع من المستشفى على نجاله واني اللي لبست فيكي عايزه تسمعي ايه تاني
في سؤال تاني عايزة تسأليه
رحمه : لا كتر خيرك يا أصيل
أحمد : شخصي الحاله وجوليلي عنديها ايه
رحمه : و هو اني عارفه اشخص و اللا اعمل حاجه و حضرتك واجفلي أكده
أحمد : عارفه انتي بتفكريني بايه
رحمه : بايه يا دكتور
أحمد : بفيلم اسماعيل يس لما الشاويش بيسأله بتشتغل ايه
جالله بوروروم
جالله شغلتك عالمدفع برووروم
رحمه : للدرجه ديه يا دكتور واخد عني فكرة وحشه
أحمد : غيريها جولي انطجي
المريضه : على فكرة يا دكتور الدكتورة رحمه يدها تتلف فحرير اديتني علاج المره اللي فاتت ريحني جوي.
أحمد : اه ما هو واضح انه ريحك و عشان أكده رجعتي تاني
رحمه : وطي صوتك الله يخليك يا دكتور حضرتك اكده حتشكك العيانين في قدراتي
احمد : هي فين قدراتك ديه انتي كفايه عليكي ضحكك و هزارك معاهم و خلاص
اني بجول انتي تحولي علاج نفسي صدجيني حتبجي شاطرة جوي
رحمه : هو حضرتك كل مرة تخترعلي حاجه
أحمد : انت جيت اهنيه ليه طبعا مجدرش تبعد عن الحب الكبير
زياد : هههههه لا اني جاي ااكد عليك متنساش ان شاء الله دخلتنا و كتب كتابنا يوم الجمعه و حضرتك لزمن تكون موجود و اني اكدت على دكتور صالح و دكتور مختار
أحمد : طبعا حكون موجود ان شاء الله و حشهد عالعجد كمان
رحمه : حضرتك بتتكلم بجد حتشهد على عجد جوازنا يا دكتور
أحمد : و اني عندي أغلى منكم يا رحمه ربنا يهنيكم ويسعدكم و يفرح جلوبكم يارب
و ياريت يا زياد لو تعمل فينا و في عيانين مصر كلهم جميل و تحرمنا من خبراتها العظيمه في مجال الطب بكفايه علينا منها لغاية أكده
زياد بهمس : حيحصل متجلجش
رحمه : انتوا بتجولوا حاجه علية
زياد : بجولله ان رحمه حتكون اشطر دكتورة باطنه في الصعيد كله ان شاء الله يا حبيبتي
بارك الله لكما وبارك عليكما وجمع بينكما في خير
نعمان و محمد بيحضنوا بعض و بيهنوا يعض
نعمان و هو بيحضن زياد : ألف مبروك يا زياد
زياد : الله يبارك فيك يا عمي
نعمان : رحمه امانه عندك يا زياد
زياد : رحمه فعنيه يا عمي
محمد : ألف مبروك يا حبيبي كني شايف سالم الله يرحمه جصاد عيني ربنا يهنيك و يسعدك و يحللي ايامك
يارب
يحضن اخته : لزمتها ايه الدموع ديه بس دلوك يا حبيبتي
زينه : ممصدجاش انك بجيت عريس و دخلتك الليله يا حبيبي يا اخوي ربنا يفرح جلبك و يهنيكم ببعضكم يارب
زياد : يا حبيبتي يا زينه عجبال ما تفرحي بولادك يا رب
زغاريد و فرحه كبيرة ملهاش حدود الكل فرحان بيهم و ليهم و الكل متجمع في الفرح خلاص مفيش عداوة و لا خصام مفيش غير حب و ود و بس
و رحمه و زياد قلبهم كان حيقف من الفرحه
يقعد جمبها : هاتي يدك ديه و عايزك تنطجي و اني اشيلك و اطلع اجري
رحمه : عارافاك مجنون و تعملها
زياد : مجنون بحبك يا رحمتي
رحمه : عارفه يا زياد
اني و الله ما مصدجه معجوله اني مبحلمش معجوله ديه حجيجه
زياد : أحلى حجيجه في الدنيا كلها
يقبل عليهم الدكاترة لبسلموا عليهم
رحمه الله يبارك في حضرتك يا دكتور مختار و لو اني زعلانه منك
مختار : لا و اني مجدرش على زعل العروسه
رحمه : بجي أكده تبيعني لدكتور احمد
مختار : يعني يرضيكي يجرالي حاجه و اني لسه مفرحتش بولادي
رحمه : طب ايه رايك بجى ان حضرتك اللي حتشرف على رسالتي
مختار : زياد الحجني يا زياد رسالة ايه اللي اشرف عليها ديه بجولك إيه اني عاوزك تحبسها في البيت و متخرجهاش واصل
زياد : هههههه من ناحية ححبسها ححبسها اطمن يا دكتور
رحمه : حتحبسني كيف يعني
زياد : امال انتي عايزة حب سبع سنين يخلص في دجيجه و اللا ايه ديه اني حعمل فيكي عمايل و الله لاطلع منك الجديم و الجديد
رحمه : بس يا جليل الحيا
زياد : هههههه جلبي يا ناس
مجدي : حاج نعمان ان شاء الله كلكم معزومين الاسبوع اللي بعد الجاي على فرح نديم ابني ان شاء الله معلش بقى حنشحططكم للقاهره
نعمان : يا خبر يا ابو نديم ديه احنا نروحلكم لآخر الدنيا ديه كفايه اللي عملتوه مع عطر و بتها
مجدي : عطر بنتي و غزل حفيدتي يا حاج نعمان و ربنا وحده العالم غلاوتهم عندي ازاي
الله مالك يا مروان بتعيط ليه
مروان بيشاور على بدر و بيعيط فيفهم زكريا ان بدر ضربه
زكريا : ايه يا بدر ضربت مروان ليه هو عملك حاجه
بدر : عاوث يلعب مع زوزو و انا مث عاوث حد يلعب معاها غيلي انا
زكريا لعامر : ايه يا عامر تعالى شوف ابنك اللي مظبط حاله مع بت عمه و معاوزش حد يجرب منيها غيره
عامر : اديك جلت اهوه يا زكريا بت عمه يعني هو اولى بيها خللي ولدك انت اللي يشوف حاله مع حد غيرنا اجولك خللي زياد يتجدعن و يجيبلك بت و ابجوا ظبطوا مع بعض
زكريا لابنه : معلش يا مروان يا بني حنجول إيه بلاش العالم ديه احنا ما صدجنا معاوزينش نفتح المعركه من تاني خلينا فحالنا و زيتنا في دجيجنا
عامر : هههههههه تحفه و ربنا يا زكريا
زينب : انتي واجفه أكده ليه يا نورة
نورة : بشوف لو حد محتاج حاجه
زينب : ماللي يحتاج يحتاج و انتي مالك انتي
انتي تجعدي و الكل يخدمك ربنا يكملك على خير يا رب و تجوميلنا بالسلامه
نورة : يعني انتي يا اما مش زعلانه اكمني حجيب بت تاني
زينب : واه عليكي كنك اتخبلتي فعجلك ان شالله يارب تجيبي عاشر ربنا يخليهم و يبارك فيهم يارب و احنا من ميتى بنفرج بين بت و ولد طب ديه اني ضوفر زينب عندي برجالة العيله كلها
ربنا يجوملك بالف سلامه و تجيبيلنا بت تانيه و تالته و رابعه دول رزجهم واسع اهم حاجه انتي تخللي بالك من نفسك زين
نوره : ربنا بخليكي لينا يا اما و لا بحرمنا من حنيتك علينا
مصعب : انتوا بتجولوا ايه
زينب : بجولك تخللي بالك من نورة انتوا بعيد عني لو عندي اهنيه كنت راعتها بنفسي
مصعب : اطمني يا اما نورة فعنيه و اختها و الله مسايبهاش لحظه
زينب : و الله اتوحشتها جوي مش كانت جت معاكم و شوفناها
نورة : غصب عنها و الله يا اما ابنها شجي جوي و كمان حماتها تعبانه جوي و هي اللي بتخدمها مينفعش تسيبها واصل
زينب : طول عمرها اصيله ربنا يهنيها يارب و يهنيكم يا ولادي و تفرحوا بولادكم يا رب
تنادي زينب على سكرة
سكرة : ايوة يا حاجه
زينب : هو الكلام مبيتسمعش ليه
سكرة : هو اني زعلتك في حاجه
زينب : ايوة زعلتيني هو احنا مش جايبين طباخين و ناس يخدموا عالكل واجفه عندك ليه و جايلالك انت و امك انتوا الليلادي زيكم زينا تفرحوا معانا و بس ملكمش صالح باي حاجه
سكرة: ديه من فرحتي برحمه
زينب :فرحانه بها اجعدي جارها فين نعمان الصغير ليتوه وسط العيال و هما بيلعبوا
سكرة :برة مع ابوه
زينب : ماشي تعالي بجى اجعدي
فرحه : يا حبيبتي يا عطر اني الدنيا مساعتنيش من الفرحه لما عرفت انكم رجعتوا البلد
و الحمد لله ان ربنا نجاكم من شرها اللي منها لله اهي غارت و راحت و راح شرها معاها
عطر : ربنا يرحمها
و الله انتي اللي وحشتيني جوي يا فرحه بس ايه الجمر دي
فرحه : شفتي عطر الصغيره
عطر: يا حبيبتي يا فرحه ربنا يباركلك فيها يا رب
ناهد : مبروك لنديم يا مشيرة
مشيرة : الله يبارك فيكي يا ناهد يارب
ناهد : ياللا غزل حتروح مع عطر و يحي شقته و نديم حيجيب شيماء و اختها مكانهم سبحان الله الدنيا دي غريبه اوي
مشيرة : لا و كلبتهم كمان متنسيش
ناهد : ههههههههه ربنا يقويكي يارب
مشيرة : انتي عارفه يا ناهد أنا اتأكدت إن مفيش حاجه بتحصل صدفه لا دي كل حاجه ربنا سبحانه و تعالى مخطط لها و مرتبها لحكمه عنده
احنا بس اللي بنتعب نفسنا بالتفكير و الله اللي يسيبها على ربنا يرتاح
انا كنت بقول دايما لنفسي يوم ما عطر و بنتها يرجعوا لحياتهم انا حعمل إيه من غيرهم حعيش ازاي من غيرهم دول بقوا كل حياتنا مكنتش أعرف ان ربنا مخطط و مرتب لكل حاجه و أنه حيعوضني طبعا مفيش حد ممكن ياخد مكانهم ابدا لكن عالأقل مش حكون زعلانه
يعني نديم يقابل شيماء و يحبها و معاها اختها و كلبتها كمان يعني بصي جايبلنا العيله كامله
ناهد : هههههههه ربنا يهنيهم يا ب بس انتي خلاص حبيتيها و ارتحتيلها يا مشيرة
مشيرة : اوي يا ناهد طيبه و عسوله أوي و دمها شربات عارفه تقعدي معاها متبطليش، ضحك و اهم حيقعدوا معايا في نفس العمارة و نديم حينقل شغله القاهره و شغف و غزل حيتربوا سوا و كمان على فكرة ثحيح نديم حينقلها عندك في المدريه و تحطيهتلنا كمان في نفس فصل غزل ما هما اد بعض
ناهد يا حبايب قلبي ربنا يهنيهم و يسعد ايامهم يارب
مشيرة : يا رب يا ناهد يا رب
ناهد : و قريبتكم يا ناهد اللي كان نفسك يتجوزها
مشيرة : صفا الحمد لله اتخطبت لشاب كويس جدا عارفه حسيت قلبي ارتاح كنت قلقانه اوي لاني عارفه اد ايه بتحبه لكن خلاص حنعمل ايه بعد ما بلغت مامتها و انا محرجه منها جدا ربنا كرمها و اتخطبت الحمد لله
ناهد : ربنا يفرح كل البنات يا رب هو الفرح قلتيلي فين
♥️في إحدى الفنادق الكبرى ♥️
فرح نديم و شيماء و الكل حضر الفرح و نعمان سافر هو وعيلته كلها و معاهم رحمه و زياد عشان يحضروا الفرح
الفرحه ماليه قلب الكل و نديم و شيماء فرحتهم متتوصفش مش مصدقين انهم خلاص بقوا لبعض
و غزل و شغف فرحانين بفساتينهم الجميله و بيجروا و بيلعبوا مع بعض و كأنهم اختين ايوة ما هما في سن واحد
و يحي مش عاوز يتحرك من جمب عطر اللي قايمه بدور اخت العريس
و لما جه فقرة الرقص
يحي لعطر : تسمحلي مولاتي بالرقصه دي
عطر تمد ليه ايدها و ياخدها فحضنه و سعادة الدنيا كلها ماليه قلوبهم و غزل عماله تجري بينهم
يعني ينفع ارقص بالنقاب كده انا مكسوفه الناس تقول ايه
يحي : و انا معاكي تنسي الناس و الدنيا كلها و بعدين هو انتي يعني عشان منقبه تحرمي نفسك من متع الدنيا
عطر : لا طبعا بس محبش حد ينتقدني
يحي : سيبك دلوقتى من اي حاجه و خليكي معايا انا و بس
عطر : مانا معاك اهوه
يحي : يارب دايما يا حبيبتي
يونس : انتي يا حاجه
ندى : عاوز ايه يا يونس
يونس : مش ده فرخ اخوكي و اللا انا بيتهيألي ما تيجي نقوم نرقص معاهم احنا كمان
ندى : أقوم ارقص ازاي بكرشي ده انا اصلا مش قادرة تعبانه اوي
يونس : حبيبة قلبي تصدقي صعبتي علية معلش يا قلبي ما هما توام ربنا يعينك يا رب طب بعد اذنك بقى انا حشوف أي واحده حلوه كده ارقص معاها
و انتي خليكي مستريحه يا روحي
ندى : ترقص مع مين يا عنيه طب وريني كده و انا اللي حطلع روحك
يونس : ايه ده انتي اتحولتي كده ليه ده انا بهزر يا قلبي
ندى : اقعد و اياك عقلك يوزك و ربنا
يونس : خلاص يخرببيت سنينك اديني قعدت اهوه
نيللي : عز عاوزة ارقص
عز : تعالي يا روحي
مراد
مراد : نعم يا عز
عز : شيل مراد يا مراد
مراد : هات يا سيدي
عز : و خد الببرونه دي عشان لو عيط
مراد : مش عاوزني اغير له البامبرز بالمرة
ناهد : ههههههه هاته عنك يا حبيبي
مراد : عز ده مجرم شفتي رمالي الولد ازاي و خد حبيبة القلب و طلعوا يرقصوا
زياد و هو بيرقص هو ورحمه
على فكرة انتي المفروض تروحي المستشفى
رحمه : و ليه السيرة ديه دلوك
زياد : معلش يا رحومتي انتي ادلعتي بكفايه و الدكاترة عملوا معانا الواجب و زياده لزمن تروحي بجى
رحمه : ايوة يا سيدي عملوا الواجب عشان خاطرك
زياد :لا و ربنا و عشانك انتي كمان و اذا كان عليهم
رحمه : عارفه معاوزينش يشوفوني من أساسه
زياد : طب تصدقي بقى ان دكتور مختار بنفسه كلمني وجت ما كنتي جاعده مع عتاب و وصاني عليكي
جالي هي اه جابتلي الضغط و السكر و حتجضي علية بس دمها زي العسل و منستغناش عنها واصل
عامر قاعد جمب عتاب و هي بتأكل آدم و عامر محاوطها بدراعه : عجبال ما نفرح بولادنا يا حبيبتي
عتاب : يا رب يا عامر
عامر بجولك إيه أني في حاجه عايزة اجولك عليها بجالي كام يوم
عامر : حاجه حاجة ايه يا عتاب جلجتيني
تهمس له باذنه بكلمات تخليه يطير من الفرحه : انتي بتتكلمي جد
عتاب: و هي ديه حاجه فيها هزار بردك يا عامر
عامر : يا حبيبتي يا عتاب الف مبروك يا حبيبتي ربنا يكملك على خير و تجوميلنا بالف سلامه يا رب
حد عرف غيري
عتاب : بصراحه عطر و أمي
عامر : يعني أني بجى آخر من يعلم
عتاب : لا طبعا يا حبيبي ديه انت الكل في الكل بس أني الصراحه خفت اجولك مترضاش تخلينا ناجي الفرح و اني كان نفسي اشوف مصر جوي
عامر و هو بيبوس ايدها : ولا يهمك يا ست الكل المهم ربنا يجومك لينا بالف سلامه
زينب : مالكم يا ولاد فيه ايه فرحونا معاكم
عامر : عتاب يا اما حتجيبلنا اخت للولاد
زينب : بجد ألف مبروك يا حبيبتي بس اسمعي انى عاوزة بت معاوزاش ولاد تاني
عامر : أنا نفسي اعرف انتي إيه حكايتك مع البنات
زينب : بحبهم على جلبي كيف العسل تحسهم ملايكه في البيت وشهم بيجيب الرزج
ربنا يكملك على خير يا حبيبتي يارب
والد شيماء و هو بيسلم عليهم في الكوشه و بيوصيهم على شغف
معلش و الله يا بني انا لو علية كان نفسي اخللي شغف معايا لكن
نديم : من غير لكن يا عمي شغف فعنيه متقلقش عليها
يلاحظ نديم الدموع بتجري فعيونها : شيماء مالك
شيماء : مفيش يا حبيبي ربنا يخليك لية يارب
نديم : و يخليكي لية يا ست العرايس انا معاكي يا شيماء متقلقيش انتي و شغف و جيسي في عنينا كلنا
مفيش احلى من الفرحه لما تملى القلوب
اشتغلت اغنية نانسي عجرم الدنيا حلوة و احلى سنين بنعيشها و احنا يا ناس عاشقين ننسى اللي فاتنا و نعيش حياتنا عالحب متواعدين
كل الاحبه اتنين اتنين متجمعين في الهوا دايبين
و أصحاب شيماء القدام اللي اتربت و كبرت و شحتت ههههههه معاهم كلهم كانوا موجودين و حواليها و صحاب نديم في الشغل
بسافروا العرسان شهر العسل و مشيرة تاخد شغف و جيسي معاهم البيت
عشان تبدأ رحلتها معاهم
................................................
بعد مرور شهر
كارما قاعده ادام الظابط في السجن
ممكن أعرف في إيه و ليه ممتنعه عن الأكل و لزمتها ايه المشاكل اللي عاملاها انت و اختك كل شويه دي
كارما بتعيط جامد لدرجة انها صعبت على الظابط
اداها منديل عشان تمسح دموعها
ممكن تهدي عشان نعرف نتكلم
كارما : حضرتك انا بريئه و الله العظيم بريئه انا اتسجنت ظلم
انا معرفش اللي حصل ده حصل ازاي و لا كنت مدركه لحاجه وقت ما جيت القسم
انا كل اللي اعرفه ان الزفته اختي طلبت مني اروح معاها لواحده صاحبتها و انا من خيبتي صدقتها و يا دوب دخلنا الشقه قدمتلي عصير و بعد ما شربته معرفش و الله ما اعرف ايه اللي حصل
طب هي استفادت ايه ضيعت نفسها اترفدت من كليتها و ضيعتني معاها و مستقبلي راح خلاص
انا مش عاوزة اعيش انا عاوزة اموت
يا ريت اموت و ارتاح من اللي انا فيه
كله منها هيا هيا السبب في كل اللي انا فيه ده منك لله يا ماما انتي كمان انا كنت ماشيه وراهم هما الاتنين زي العاميه
و ادي اخرتها يا ريتني كنت اتمسكت فسرقه و اللا قتل و لا اي حاجه غير اني ابقى ممسوكه في تهمه زي دي
الظابط : عشان كده رفضتي مقابلة والدتك لما جت
كارما : مش عاوزة اشوفها انا بكرهها بكرهها دمرتني و ضيعتني حبها للفلوس خلاها تضحي بية
بس انا بردو السبب مانا كمان كنت زيها و استغليت انسان كان غلطه الوحيد انه حبني و وثق فية و انا و الله حبيته اوي لكن هيا فضلت تزن علية و تفهمني ان الحب ده مصلحه و مفيش حاجه اسمها حب عمل المستحيل عشاني و في الآخر سيبته ايوة سيبته بس بعد ايه بعد ما ضيعته و ضيعت نفسي
أيوة صحيح هو انا زعلانه ليه دلوقتي ما هو ده الجزاء اللي استحقه انا خليته يتسجن ظلم في تهمه مارتكبهاش و لازم انا كمان اتسجن ظلم زيه يا رب يا رب
تحط ايدها على وشها و تعيط جامد
الظابط : كارما تحبي أحولك على دكتور أمراض نفسيه
كارما : لا انا محتاجه حد يكون ليه درايه بالدين أكتر عاوزه ربنا عاوزاه أوي يا افندم محتاجاه أوي محدش حينجدني من اللي انا فيه غيره هو
عاوزة حد يفهمني اعمل ايه أكفر عن ذنوبي ازاي
الظابط :حاضر يا كارما حعملك اللي انتي عاوزاه و ان شاء الله ربنا حيفك ضيقتك
كارما : يا رب يا فندم يارب
الظابط : خدي يا كارما ده مصحف اقري فيه كتير و ان شاء الله ربنا حيشيل الهم من قلبك
الا بذكر الله تطمئن القلوب
كارما و هي بتبكي :يارب يا فندم يارب
انتظروني مع الجزء الثاني من الحلقه الاخيره عاوزة اعرف توقعاتكم يا ترى كارما حيحصل معاها ايه و حتوصل لفين
يارب تكون حلقة النهارده عجبتكم و اشوفكم على خير ان شاء الله
♥️♥️♥️♥️♥️♥️♥️♥️♥️♥️
الجزء الثاني من الحلقه الحاديه و الأربعون والأخيرة
يكفيني منك عقابا
عبير سليم
🌿🌿🌿🌿🌿🌿
أصبحت تفضل الوحده لا تريد التحدث إلى أحد ابتعدت عن كل من حولها فقط كل ما أقبلت عليه و بشده هو ربها و كتابه الكريم فقد تيقنت أنه لا ملجأ من الله إلا إليه كانت لا تترك وقتا يمر عليها دون التضرع إلى الله بالدعاء بأن يقبل توبتها و التزمت بقراءة آيات الذكر الحكيم
كارما
كارما : نعم يا افندم
الضابط : في زيارة ليكي
كارما : لية انا بعد اذن حضرتك انا مش عاوزة اشوف حد
الضابط : اطمني مش والدتك ده واحد عاوز يشوفك ضروري
كارما تتحرك معاه يسمحلها تدخل عنده المكتب لمقابلة ذاك الشخص الذي لا تعرف من هو
يلتفت لها فتتفاجا به أمامها و لكنها متيقنه من سبب زيارته لها و هو التشفي ليس إلا
تتكلم إليه بهدوء تام :" حمد الله على سلامتك يا ياسين خرجت امتى
ياسين : مش مهم خرجت امتى المهم إني خرجت و انتي دخلتي
كارما : عدل ربنا بقى اطمن يا ياسين ربنا انتقملك و اخد لك حقك مني و زي ما انت دخلت السجن ظلم انا كمان دخلته ظلم
ياسين : ظلم يجوز
كارما بدموع : و الله العظيم انا مظلومه يا ياسين
ياسين : لا لو كده يبقى ده فعلا العدل
كارما : و انا عارفه ده كويس يا ياسين خير يا ياسين جاي ليه عاوز تشمت فية مش كده عالعموم تقدر تشمت براحتك و انا كمان مستعده أحكيلك على حاجات حتخليك تضحك من قلبك و نا*رك تبرد
ياسين : و انا مش جاي اسمع حكاوي
كارما : طب عاوز إيه يا ياسين لو في حاجه ممكن اعملها تريحك قللي و انا اعملها و الله
ياسين : عاوز اطمن عليكي أعرف اخبار السجن إيه معاكي شفتي السجن يا كارما دقتي مرارته عرفتي يعني ايه تتحبسي بين أربع جدران ما بين حراميه و قتالين قتلا و انتي مظلومه شفتي البهدله و انتي بتمسحي الأرض و الحمامات حد افترى عليكي و مسكك ضربك علشان مرضيتيش تبقي خدامه ليه و اللا انتي بقى عشان تبقي كارما الممثله المشهورة بيعاملوكي معامله خاصه
كارما : ياسين انا عارفه انك مقهور من اللي أنا عملته فيك و الجروح اللي سببتهالك بس و الله العظيم انا ندمت و تبت و بدعي ربنا انه يقبل توبتي و لو أطول أصلح كل غلطاتي مش، حتاخر لحظه
سامحني يا ياسين سامحني أرجوك انا خلاص ما عدتش عاوزة اي حاجه لا عدت عاوزة ابقى كارما الممثله المشهورة و لا عاوزة فلوس و لا أي شئ أنا مش عاوزة غير ان ربنا يقبل توبتي و انك انت تسامحني
ياسين : يا ريت كنت اقدر اسامحك لكن حسامحك على إيه و اللا إيه و اللا إيه
اللي انتي عملتيه فية مش ممكن اقدر انساه و لا اسامحك عليه في يوم من الايام طول مانا عايش حيفضل جرحك معلم فية
كارما : ربنا بيسامح يا ياسين ليه البشر ميسامحوش
ياسين : عشان هو ربنا اللي خلقنا و احنا عبيده عالم بحال كل واحد فينا لكن احنا بني ادمين مش ملايكه انا جيت هنا
عشان كان نفسي أوي اشوف فعنيكي الذله و الكسرة اللي أنا عشت فيهم سنين
يديها ضهره و يتحرك ناحية الباب
كارما و هي بتعيط جامد : ياسين
ياسين ميردش عليها و يفتح الباب و يخرج
تقعد كارما عالكرسي و تبكي بشده
............................................
مع صباح يوم جديد
تستيقظ من نومها على لمسات رقيقه على بشرة وجهها تفتح عينيها ببطء و هي مبتسمه لتجده أمامها فتجيب بتكاسل و ببحة صوت جميله : صباح الخير
يحي : صباح الورد والفل والياسمين على اجمل عيون في الدنيا كلها
عطر : هههههههه
يحي : لا بقولك إيه حرام عليكي
عطر : ليه هو انا عملت حاجه
يحي : عملتي حاجه واحده ده انتي عملتي حاجات كتيرة أوي عملتي اللي محدش في الدنيا كلها قدر يعمله خليتيني اسير ليكي و لعنيكي و لعشقك اللي مالي كل كياني. عطر : اهاه كياني و ده نسبة إلى اسم كيان يعني
يحي : كيان عز الدين
تعرفي يا حبيبتي ان عز هو اللي اختارلي الاسم ده بس لما عشت معاه و بقى هو ده الاسم اللي بتنادى بيه في كل مكان لقيته ناقص حاجه ناقص كياني فين كياني ضاع و مش لاقيه حتى العز اللي عشت فيه مكنش ليه أي طعم مكنتش مستمتع بأي حاجه و انتوا بعيد عني و الاضواء و الشهرة مفادتنيش بأي شئ
و معرفتش قيمة اسمي الحقيقي غير برجوعك و احساسك اني حييت من جديد
يحي بك يحيا و معك يعيش
عطر : عشان كده طلبت مني اناديك بيحي على طول
يحي : أيوة لأن هو ده الاسم اللي بيحسسني بوجودي معاكي و وجودك معايا
عطر و هي تحاوط وجهه بيديها: يا حبيبي يا يحي انا بحبك اوي
يحي و هو يقبل يدها : انا بقى مش بحبك لاء انا بتنفسك بتنفس هواكي يا عطر حياتي
يقترب منها ليقبلها فتفتح عليهم الباب فيتراجعا سريعا
تجري عليهم على الفراش فيحتضناها سويا
صباح الخير يا بابي صباح الخير يا مامي
يحي : صباح الورد و العسل و السكر يا عيون بابي و روح مامي
يحي و هو بيحضنها بشده : ياااه نفسي أفضل مخبيكي فحضني كده طول العمر
غزل : و لما اكبر بقى أعمل إيه بقى يا بابي
يحي : حتكبري إن شاء الله و انتي فحضني يا عيون و قلب و روح بابي
غزل : بس على فكرة بقى انا زعلانه منك و مخاصماك
يحي : ايه زعلانه مني لا ارجوكي متقوليش كده انا ممكن اموت فيها او يجرالي حاجه اه قلبي
غزل : لا يا حبيبي انت حتعملهم علية انا مليش دعوة اه انت قلتلي حتخرجني يعني حتخرجني و إلا حخللي مامي تعاقبك عقاب شديد و اخليها تحرمك من المصروف
عطر و يحي : ههههههههه
غزل : ايه رايكم و انا بمثل بقى
يحي: انا مش محتاج أقول رايي يا قلب بابي لأن المهرجان نفسه هو اللي قال رأيه
عطر : مهرجان مهرجان ايه يا حبيبي
يحي : دي بقى يا ستي المفاجأة اللي كنت محضرهالكم
مهرجان القاهرة السينيمائي اختار غزل احسن ممثله لهذا العام عن دورها ففيلم عشق من نوع آخر اللي مثلته معايا و محضرينلها جايزة كبيرة اوي
عطر : بجد يا يحي دي احلى مفاجأة بنتي انا أحسن ممثله
يحي : لا معلش بقى الحته دي بتاعتي انا دي بنتي انا موهبتي اللي ورثتها البرنسيس غزل
غزل : بجد يا بابي انا حاخد جايزة
يحي : و جد الجد كمان هو انتي أي حد ده انتي
غزل كيان عز الدين
يحملها كيان على ذراعه و يصعد بها لتتسلم جائزتها و هو فرح بشده و عطر قلبها سيتوقف من شدة فرحته
و لم يتوان الجميع عن مشاركتهم لتلك اللحظه السعيده فلقد حضر معهم الجميع ناهد و مراد و مشيرة و مجدي و ندى و زوجها و نديم و شيماء و شغف و عز و نيللي
الكل سعيد بتلك الصغيره يصفقون لها تصفيقا حارا
و اخذت الصحافه تحاول التحدث إليها و تسأل كيان عن سبب اخفائه لزوجته و ابنته طوال تلك السنوات فيجيبهم بأنها مسأله شخصيه لا تهم أحدا المهم انهم اهم شخصان في حياته كلها
بعد انتهاء الحفل قام كيان بدعوتهم في احد الفنادق احتفالا بتلك الساحرة الصغيره التي سلبت عقول و قلوب الجميع
كان الجميع سعيدا بذاك التجمع العائلي
مالك يا ماما في حاجه يا حبيبتي
ناهد : زعلانه عشان مبشوفش اختك و لا بقعد معاها و لا بشبع منها زيك يا عطر
عطر : و مين سمعك يا ماما و الله انا ربنا يعلم اني عمري فرحتي ما كملت و هي غايبه عني دايما ابص للكل و اقول فينك يا عتاب
بس حنعمل ايه هي عايشه مع اهلنا و جوزها و ولادها و انا هنا مع بنتي و جوزي و مامتي حبيبتي
ناهد : ربنا يخليكم لية و منحرمش منكم يا حبايبي يارب
و يكمل لأختك على خير يا رب و يقومها بالف سلامه
عطر : يارب يا ماما يارب
.............................................
بعد مرور عدة أشهر
مع السلامه يا كارما
كارما : انا متشكرة اوى لكل حاجه حضرتك عملتها معايا
الضابط : المهم تكوني اتعلمتي من اخطائك
كارما : اتعلمت و حفظت الدرس كويس
الضابط : و ناويه تعملي ايه دلوقتي
كارما : ححاول أصلح من اخطائي السابقه و أحاول اقف على أرض صلبه عشان ماقعش تاني
الضابط : ربنا معاكي يا كارما
كارما لو احتاجتي اي حاجه متتردديش لحظه في انك تكلميني
كارما : حاضر ربنا يخليك يا رب و متشكرة لحضرتك عن اذنك
الضابط : كارما
كارما : نعم
الضابط : انا طول عمري بثق في احساسي و متأكد إنك بريئه و انك معملتيش حاجه و اتسجنتي ظلم
خللي بالك من نفسك يا كارما
كارما بابتسامه : حاضر
تخرج كارما و يدخل ضابط زميله و يشوفه و يعرف اللي جواه: مالك يا زين
زين : مفيش يا ياسر
ياسر : على صاحبك بردو حتوحشك مش كده
زين :......................
ياسر : ليه ما كلمتهاش
زين : اكلمها في ايه انت مجنون
ياسر : مجنون ليه فاكر لما كنت دايما تقوللي ان كارما السعيد دي هي البنت اللي طول عمرك نفسك ترتبط بواحده زيها و انها فتاة أحلامك اللي بتتمناها
زين : اديك قلت زيها لكن مش هيا يا ياسر
انا مش حنكر اني كنت معجب بيها و بتمثيلها و جمالها لكن اكتر من كده مينفعش يا صاحبي للأسف
ياسر : بس انت قلتلي ان احساسك بيقولك انها بريئه و ده اللي خلاك تقف جمبها و تمنع اي حد من انه يضايقها و كنت معاها دايما
زين :أيوه يا ياسر و مش بس كده و كنت كمان بكون مبسوط و هي بتتكلم معايا و بتحكيلي عن كل اللي جواها بس ده مش كفايه احنا فمجتمع ليه عاداته و تقاليده و مينفعش أبدا إن واحده في ظروف كارما تدخل حياتي بأي شكل من الأشكال
ياسر : خلاص انت ممكن ترتبط بيها في السر او حتى تتجوزها عرفي و افتكر في ظروفها دي انها مش حتمانع
زين : ياسر انت اتجننت بتقول ايه حرام عليك انت عاوزني استغل ضعفها و قلة حيلتها عشان اشبع رغبه كانت جوايا ليها بالشكل القذر ده
ياسر : ده على اساس انك ملكش علاقات يعني مانت ماشاء الله عليك مبتضيعش وقت
زين : ياسر انت عاوز مني ايه اطمن يا ياسر كارما خرحت خلاص و علاقتي بيها انتهت و هيا الحمد لله ربنا هداها و خارجه من هنا حجابها على رأسها و ناويه تبتدي حياة جديده ليه عاوزني الوثلها الحياة دي ليه عاوزني اقف في طريق توبتها و قربها من ربنا
ياسر : اه حجابها اللي انت اشتريته لها يا عم انت صدقت شوية الحبشتكنات اللي عملتهم عشان تتعاطف معاها
انت نسيت انها ممثله و دي شغلتها طب إيه رأيك بقى واقطع دراعي اما كانت حتخرج من هنا على أول بار تشربلها فيه كاسين و اللا تجري على أي مخرج وتتفق معاه على شغل جديد و بكرة تقول ياسر قال و ساعتها حتقول يا يريتني كنت عشتلي معاها يومين
زين لنفسه : معقوله يا كارما انتي تعملي كده و تخيبي ظني فيكي بس يا ترى انتي خرجتي من هنا و روحتي على فين دلوقتي
تجلس معهما و هي في قمة خجلها ازي حضرتك يا استاذ عز
عز : حمد الله على سلامتك يا كارما
كارما : الله يسلمك ازيك يا نيللي
نيللي : اهلا يا كارما
عز : كارما لو انتي جايه عشان الشغل حقك علية و الله انا مش
كارما : استاذ عز انا خلاص تبت لربنا و اعتزلت التمثيل و الدنيا كلها و مش حرجع لغير لربنا
استاذ عز كل اللي حقدر اقوله لحضرتك اني اقسم بالله العظيم انا بريئه و اتسجنت ظلم
و انا خلاص مبقتش عاوزة حاجه و لا مستنيه شئ
نيللي : امال انتي جايه ليه يا كارما
كارما : في حاجه انا محتاجه استاذ عز يساعدني فيها بعيد خالص عن الشغل و التمثيل
عز : اتفضلي يا كارما انا سامعك
كارما : اولا انا خلاص حمشي من هنا حروح اسكندريه حعيش هناك بعيد عن أي حد اعرفه او ممكن يعرفني و ابدا حياتي من جديد
و ثانيا و ده الأهم ياسين اللي انا ظلمته زمان و خليته يتحمل جريمتي و يتسجن بدل مني هو دلوقتى خرج من السجن لكن للأسف حضرتك طبعا عارف انه صعب يلاقي شغل بعد ما بقى سوابق و انا طبعا لو حاولت اقدمله المساعده أكيد طبعا حيرفض عشان كده أنا محتاج مساعدتك أوي في الموضوع ده
انا معايا مبلغ كويس كنت محوشاه بعيد عن امي و يارا من اخر عملين اشتغلتهم مع حضرتك
انا عاوزة اديهم لحضرتك و توصلهم لياسين بأي طريقه المهم انه ميعرفش ان دي فلوس مني انا عشان يعمل اى مشروع يقدر يقف بيه على رجله أنا عارفه ان حضرتك مش مطالب تقف معايا في حاجه زي دي بس بجد انا محتاجه حضرتك أوي و ياريت ما تخذلنيش
عز : عاوزة تكفري عن اللي عملتيه معاه
كارما : ايوة انا تعبانه اوي و عاوزة ارتاح حتساعدني
عز : مادمتي لجاتيلي مقدرش اخذلك يا كارما
كارما : ربنا يخليك يا رب ده كان عشمي فيك برضو
.اتفضل حضرتك
عز : لا يا كارما ده مبلغ كبير مينفعش لازم تشيلي حاجه لنفسك و متقوليش مش عاوزة حتعوزي صدقيني لازم متحتاجيش لحد عشان متضعفيش و كمان ياسين لو شاف مبلغ كبير زي ده أكيد حيشك
تقتنع كارما بكلامه و تاخد جزء و تسيبله الباقي يتصرف بطريقته و يبعته ليه
و تسستئذن و تمشي
نيللي : كارما
كارما : نعم يا نيللي
نيللي : الحجاب حلو اوى عليكي ربنا يثبتك
كارما : اللهم امين و عقبالك أن شاء الله يا نيللي
تمر الأيام و الشهور و السنين و الصغير يكبر و الكل يعيش حياته مابين فرح و حزن تعب و راحه شقاء و نعيم
ناديلي غزل و شغف من فصلهم
_ حاضر يا ميس ناهد
بعد دقايق
تقف غزل و شغف ادام ناهد
ناهد : اعمل فيكم انتم الاتنين إيه
شغف : احنا عملنا ايه بس يا ميس
ناهد : عملتوا ايه يا شغف قولي معملتوش ايه حرام عليكم ده انتوا مجننين المدرسين ده مفيش مدرس و لا مدرسه في المدرسه غير لما بيشتكوا منكم
غزل : و الله يا تيته قصدي يا ميس ناهد احنا مظلومين احنا مبنعملش حاجه
ناهد : طب بصوا بقى لو جاتلي منكم شكوى تاني انا حنقلكم من الفصل و كل واحده فيكم حتكون في فصل لوحدها
شغف : لا يا ميس ناهد خلاص حنحرم و الله بس متبعديناش عن بعض
ناهد : ماشي يا شغف اما اشوف بس و ربنا
غزل : خلاص و الله يا ميس و الله
تيجي مدرسه : ميس ناهد انا تعبت خلاص و ربنا بصي حضرتك انا حستقيل من المدرسه دي و ربنا
ناهد : في ايه يا يسرا مالك
مالك : لارا و لجين
ناهد : بنات ندى مالهم
يسرا : قالبين الفصل فوقيه تحتيه و نازلين رقص هما و البنات
ناهد : و فين اللي عندهم
يسرا : عندهم فرح و هي غايبه و محدش دخل مكانها و انا تعبت حتجنن انا قلت لحضرتك شيليني من الإشراف انا عندي السكر حموت و الله
ناهد : معلش يا يسرا حقك علية
يسرا : و كمان فراس
ناهد : ابن عطر بنتي ماله هو كمان
يسرا : هو و يامن نديم كسروا ازاز المعمل بالكورة
لاء بصي انا من رأيي حضرتك تقفلي المدرسه على ولادكم عشان دول مش أطفال دول عفاريت جننوني حيموتوني
ناهد : انتوا واقفين عندكم ليه امشوا من ادامي
تجري غزل و شغف و هما ميتين من الضحك
غزل : شوشو بقولك انا حتخرج من المدرسه حروح لبابي عالاستوديو تيجي معايا
شغف : اوكيه بس اقول لشيمو الأول
غزل : ماشي يا حبي
ناهد تتصل بمشيرة و تحكيلها
مشيرة : ههههههههه
ناهد : مشيرة انتي بتضحكي
مشيرة : طيب اعمل ايه بس
ناهد : حضرتك تيجي تقعدي معايا دول مش احفادي لوحدي دول احفادنا إحنا الاتنين و انا تعبت خلاص حجيبلك مكتب و تقعدي معايا يا مشيرة المدرسه كلها بتشتكي من ولاد عطر و ندى و نديم و كأن مفيش في المدرسه غيرهم
مشيرة :" هههههه طيب اهدي بس و بعدين مانا بقالي سنين بربي مش قادرة تتحمليهم شويه لوحدك
ناهد : حرام عليكي يا مشيرة ده مفيش حد في المدرسه مبيشتكيش منهم هو انتي كنتي مربياهم في السيرك القومي بصي و ربنا لو ما جيتيلهم انا حرفدهم كلهم من المدرسه انا تعبت
مشيرة : مش حيهونوا عليكي تعمليها
ناهد :، لا و انتي الصادقه مش حيهون علية ابلي مدرسه تانيه بيهم
مشيرة :طيب اهدي على فكرة احنا حنسافر الصعيد
ناهد : عتاب بنتي حصل لها حاجه
مشيرة : لا يا قلبي ده عقبال ما نفرح باحفادنا يارب ابن جمال جوز حفصه فرحه الأسبوع الجاي و عطر لسه قايلالي من شويه و قالتلي ان عمها اتصل عليها و عازمنا كلنا و هيا حتقولك لما تيجي تاخد الولاد
ناهد : ماشاء الله السنين جريت بسرعه كده و الولاد كبروا يا مشيرة
مشيرة : ربنا يخليهم ويبارك فيهم يارب
ناهد : ياللا فرصه ارتاح يومين من العفاريت اللي هنا
مشيرة : حترتاحي فين و هما كلهم معانا دي حتى ندى عاوزة تيجي نفسها تشوف الصعيد
ناهد : انا حسه اني حعيط و ربنا
مشيرة : هههههههه
...............................
إيه ده يا عز
عز : مالك يا كيان في ايه
كيان : في ان الدور ده مش حمثله و اي أدوار من النوع ده مرفوض بالنسبه لي
عز : ليه يا كيان
كيان : عشان بنتي يا عز عشان غزل
بنتي مينفعش تشوف ابوها بيمثل أدوار زي دي انا لازم أكون قدوة ليها لازم تشوفني في هيئه تتشرف بيها
عز : و هو الدور ده فيه ايه يا كيان ده دور عادي جدا
كيان : عادي ازاي و في مشاهد
عز : مشاهد هي فين المشاهد دي ده هما مشهدين و فيهم ايحاء كمان مش تصريح
كيان : و لا ايحاء و لا تصريح
عز : يبقى انت بقى بالشكل ده حتحصر نفسك في الدراما بس
كيان : و ماله المهم تكون أعمال محترمه و فيها هدف
عز : للدرجه دي يا كيان
كيان : و اكتر يا عز و لو رسيت اعتزل و الله
يسمعون طرقا على الباب : كينو حبيبي
تجري عليه و ياخدها فحضنه : روح قلب كينو و نور عيون كينو
شغف القمرايه عامله ايه يا حبيبتي
شغف : الحمد لله والله يا اونكل يحي حضرتك عامل ايه
يسلموا على عز
عز : الاستوديو نور يا بنات
غزل : حبيبي يا انكل عز امال فين مراد و يحي حبايبي وحشوني اوي
عز : في النادي مع مامتهم يا حبيبتي
شغف : اونكل عز هي طنط نيللي مش حتمثل تاني
عز : تمثل فين يا حبيبتي طنطك نيللي اتحجبت خلاص و كفايه عليها اوي تربي الولاد دول مطلعين عينيها
غزل : بس انا كنت بحب امثل معاها اوي
عز : معلش بقى
شغف : و الله شكل حضرتك كده اللي مش عاوزها تمثل عشان هي أمورة و المعجبين بيها كتير
عز : هههههه اه منك يا مجرمه بس بصراحه آه يا شغف عشان كده أول ما قالتلي انها عاوزة تتحجب انا فرحت جدا
غزل : بس في ممثلات كتير بيمثلوا بالحجاب يا اونكل
عز : لا يا روحي أنا النظام ده مينفعيش اللي تتحجب تلتزم بيتها و تربي ولادها و هي كفايه عليها مراد و يحي مطلعين عينيها هما الاتنين دي طول اليوم بتجري وراهم
كيان : ربنا يخليهملك يارب يا عز
عز : و يخليلك غزل و فراس يا رب
.....................................
واقفه في المحل بتجمع الزهور تلتفت على صوته الذي اعتادت على سماعه فتلتفت إليه و هي مبتسمه : البوكيه جاهز يا أستاذ كيان
كيان : شكرا يا غاده بتعبك معايا بس أعمل إيه بقى اتعودت لازم اجيب للمدام الورد كل يوم و انا راجع
غاده : ربنا يخليكم لبعض يارب و بعدين هو فين التعب ده دي اقل حاجه ممكن اقدمهالك عاللي عملته معايا انا مهما عملت مش حقدر ارد و لو جزء بسيط من جمايلك علينا
كيان : متقوليش كده يا غاده انا معملتش حاجه
غاده : معملتش حاجه ازاي بس ده حضرتك اشتريتلي المحل من صاحبه و بعد ما كنت بشتغل فيه و باخد مرتب بقى ملكي أنا
ده غير المستشفى الخاص اللي عالجت فيها بابا لحد الحمد لله ما صحته اتحسنت
كل ده و معملتش حاجه ده انا نفسي اعمل لحضرتك اي حاجه و ربنا
كيان : كفايه علية بوكيه الورد الجميل اللي بتحضريه كل يوم بايديكي الحلوين
طمنيني على ياسين اخباره ايه
غاده : كويس اوي الحمد لله
كيان : بتشوفيه
غاده : بسيط بس اخواته أوقات كتير بيعدوا علية و بيقعدوا معايا و الحمد لله نفسيتهم اتحسنت جدا و بقت حالتهم أفضل بكتير
كيان : و مامتهم عيونها عامله ايه دلوقتي
غاده : البنات قالولي انها بتلبس نضارة و بقت بتشوف الحمد لله
كيان : اوعي يا غاده تكوني قولتيله حاجه
غاده : لاء طبعا يا استاذ كيان أنا وعدتك زمان اني مش حجيب سيرة نهائي عن مصدر الفلوس اللي اديتوها لياسين و هو لحد دلوقتي فاهم انها صدقه من راجل أعمال كبير على روح مراته و ولاده و الحمد لله انه صدق لأنه لو مكنش صدق عمره ما حيوافق ياخد الفلوس
كيان : و كارما يا غاده مفيش اخبار عنها محاولتش تتصل بيكي
غاده : للأسف من وقت ما جت و حاولت تعتذر لبابا و بابا رفض يسامحها عاللي عملته و رفض يصدق انها تابت و هي مكلمتنيش و لا مرة و لا اعرف عنها أي حاجه ربنا يصلحلها حالها يارب
كيان : و مامتكم
غاده : خلاص المرض اللي كانت بتدعي على نفسها بيه بالكدب جالها فعلا و هدها و انا و الله كان نفسي أجيبها عندنا لكن بابا رافض تماما انه يشوفها فأنا بحاول اساعدها و اطمن عليها على اد ما اقدر عشان الست يارا مش فاضيالها و كل يومين في مكان و لا كأنها رد سجون و لا اترفدت من دراستها عايشه حياتها و ولا في دماغها حاجه
بس تعرف يا استاذ كيان انا زعلانه أوي نفسي أطمن على كارما نفسي أعرف عامله إيه و عايشه إزاي
كيان : محدش يعرف بكرة في إيه و مسير الحي يتلاقي
يوصل للبيت و يشم روايح الأكل الجميله : واو إيه الروايح الجبارة دي
عطر : حبيبي حمد الله على السلامة تاخد منه الورد و تقبله
يحي : فين الولاد
عطر : غزل روحت مع شغف
و فراس ماما اخدته معاها و هيا مروحه و عمي مراد حيجيبه بالليل مع انها مشتكيالي منه و من شقاوته
يحي : يعني احنا لوحدنا انا و انت و بس
عطر : أيوة
يحي : ياس هو ده الكلام
عطر : هههههه في إيه مش حتاكل طيب ده أنا عملالك بط و رقاق و ملوخيه
كيان : انا حاكلك انتي يا بطتي تطلع عطر تجري و يحي يجري وراها : اكلك منين يا بطه يا بطه
عطر : ههههههه هههههه
يحي : ايوة بقى هو ده الكلام
.........................................
تباشر عملها بالاتيليه الصغير الذي تمتلكه و تصمم به ملابس للمحجبات
تقف أمامها إحدى النساء لتأخذ مقاساتها بينما الاخريات يجلسن بالصالون يشاهدن التليفزيون و هي غير منتبهه و فجأة تنتبه على حديثهم اثناء مشاهدتهم لأحد أعمالها القديمه
هي مين الممثله دي
_دي ممثله كانت بتمثل من فترة كده اسمها كارما و كانت عملت مسلسلات و أفلام و انشهرت أوي بس بيقولوا إنهم قبضوا عليها في قضية دعارة و دخلت السجن و بعد كده محدش جاب سيرتها تاني
_ياااه سبحان الله يعني واحده زي دي ربنا مديها جمال و فلوس و شهرة عاوزة إيه أكتر من كده عشان تتاجر بجسمها وتغضب ربنا حتنفعها الدنيا بايه لما تقف ادام ربها يوم الحساب
_اللي زي دول الدنيا بتبقى عامياهم
و ربنا مبيجيش على بالهم و لا في حساباتهم ربنا يعافينا يارب
دموعها تنزل من عنيها و تحاول تداريها
_ مدام هو أنا ممكن أسأل حضرتك سؤال
كارما : اتفضلي
_هو حضرتك تقربي للممثله كارما السعيد
كارما : لاء
_غريبه أوي مع إنك شبهها جدا و كمان إسمك كارما
كارما : يخلق من الشبه أربعين
إيه رأيك في العبايه
_تحفه بجد تسلم ايدك انتي احسن واحده في اسكندريه بتفصل عبايات لدرجة إنك حببتيني فيها و فلبسها ربنا يجعله في ميزان حسناتك يارب
كارما : شكرا يا حبيبتي
يخرجوا من عندها و هي تقف قصاد التليفزيون و تشوف نفسها و هي بتمثل ادام كيان في مسلسل تمسك الريموت و تقفله و تقعد تعيط
لحد ما تتفاجئ بست كبيرة و معاها واحده داخلين عندها
سلام عليكم
كارما و هي بتمسح دموعها : و عليكم السلام ورحمة الله وبركاته اهلا وسهلا اتفضلوا
_ماما لمحت عبايه في الفترينه و عجبتها اوي و عاوزة تشوفها
كارما : عينيا لماما طبعا
_ هيا دي
كارما : اتفضلي قيسيها
بعد ثواني تخرج
_ الله حلوة أوي عليكي يا ماما
_تحلو دنيتك يارب و تقوميلنا بالسلامة ان شاء الله
أصلها مراة ابني بس انا بحبها اوي
كارما : ربنا يخليكم لبعض
_على فكرة احنا من القاهرة بس منى أهلها هنا من اسكندريه و جينا نزورهم و كنا مروحين بس الصراحه لما شفت العبايه قلت لازم اشوفها تمنها كام يا حبيبتي
كارما : من غير فلوس و الله يا طنط اعتبري تمنها وصل
_لا و الله ابدا ربنا يكرمك بحق وشك اللي يفتح النفس ده بس انا حسه زي ما اكون شفتك قبل كده
_ اه فعلا انتي شبه الممثله اللي اسمها كارما اوي
يطلعلهم : ايه يا جماعه انتوا فين ده كله أنا زهقت من الانتظار
تتفاجئ، بيه ادامها و هو كمان يتفاجئ بيها و هي بحجابها و لبسها المحتشم
مش معقوله كارما
كارما : اهلا وسهلا بحضرتك نورت
منى : انتوا تعرفوا بعض يا زين
زين : أيوة يا منى معرفه قديمه
تبص له كارما فيفهم قصدها : ايه يا أمي عجبتك العبايه
امه : اوي يا حبيبي
يحاول يعرف تمنها كام لكن كارما تصر انها مش حتاخد تمنها و انها هديه منها لوالدته
ينزلوا ادامه و هو : انا مبسوط جدا اني شوفتك يا كارما عامله ايه طمنيني عليكي
كارما : الحمد لله والله بخير و الف مبروك لحضرتك ربنا يقوملك المدام بالسلامه
زين : شكرا يا كارما انتي متعرفيش فرحتي ازاي و انا شايفك بالشكل ده كنت قلقان أوي إنك تكوني
كارما : اطمن حضرتك انا مشيت في طريق عمري ما حرجع عنه تاني
زين: ربنا يثبتك و يرضى عنك
كارما : اللهم امين
زين : ما ارتبطيش تاني يا كارما
كارما : ارتبط تاني لا انا الحمد لله كده مرتاحه
ينزل يلاقي مراته و أمه مستنيينه في العربيه
منى : زين هي دي كارما الممثله
زين : بتسألي ليه
منى: يعني حب استطلاع و بعدين انت سيبتنا و كنت بتتكلم معاها في ايه
زين : كنت بسأل ها عن حاجه مش قلتلك عشرة قديمه
منى: إيه هيا كانت واحده من صحابك القدام
زين : منى لاحظي انك بتتكلمي عن ست محترمه و اديكي شفتي لبسها و هيئتها ازاي و قفلي خالص
امه: مالكم يا ولاد
زين: مفيش يا ماما
يسوق و هو طول الطريق صورتها ادامه فيتمنالها التوفيق في حياتها
.....................
الكل متجمعين و فرحانين و هما بيشاركوا جمال بفرحته لابنه و حفصه طبعا هي أم العريس اللي الكل بيهنيها و بيبارك لها
الكل كان موجود عطر و يحي و ولادهم و مشيرة و مجدي و نديم و شيماء و شغف و يامن ابنهم و ندى و بناتها و عامر و عتاب و ولادهم بدر و ادم و نهال
و مصعب و نورا و بناته زينب و فريده و ابنه عبد الله اللي لسه مولود
و رحمه و زياد و ولادهم رامي و رنا
و زكريا و زينه و ولادهم
و كل أفراد العيلتين كلهم متجمعين و الفرح مالي قلوبهم و أصوات ضحكاتهم و اغانيهم تصدح بالمكان
عطر : ماشاء الله يا ضحى كبرتي يا حبيبتي
ضحى : ربنا يخليكي يا عمتي اني الحمد لله دخلت كلية الطب و حبجى دكتورة زي رحمه
رحمه : دكتورة و هي فين الدكترة دي عيني عليكي يا رحمه و على مستجبلك اللي راح هدر أديني جاعده اربي في العيلين و واخده اجازه
و حارمه المرضى بتوعي من وجودي
بالك انتي يا عطر اني لو كنت بشتغل كان زماني دلوك بجي صيني ملعلع في البلد كلها
عطر : اكيد طبعا يا حبيبتي هو انتي في حد في شطارتك
بينها وبين نفسها : شطارتي ديه الحمد لله ان زياد لحجني و اتجوزنا و بركه اني خلفت العيلين بسرعه جبل ما ادبس فالعيانين و العلاج ربنا ستر و رحم العيانين
ضحى : بس واضح ان الدكاتره كانوا بيحبوكي جوي يا رحمه كل ما اجيب سيرتك يدعولك ربنا يهنيكي و ميحرمكيش من ولادك ابدا
رحمه :امال انتي حتجوليلي على محبتهم لية طب ديه الدكتور لما كان يدخل المحاضرة و ميلاجينيش كان يحلف ما هو شارح
ياااه طب ديه اني لية معاهم ذكريات ديه كفايه الأمراض اللي جاتلهم بسببي و من كتر حبهم لية
تحدث نفسها : دول بيدعولي ربنا يخليلي ولادي عشان ميشوفونيش و يرتاحوا مني و كل شويه زياد يجوللي الدكاترة بيحلفوه ميخلينيش انزل الشغل طب أني بجى حفاجئهم كلهم برجوعي
لاء استني يا رحمه بلاش تاخدك الحماسه أكده ديه انتي اصلا نسيتي الابرة بتتاخد كيف
اني مش فاكرة اني خلصت السنين دي كلها ازاي يا خسارة تعبي و شجايا اللي راح هدر
ياللا مش مهم المهم اني الدكتورة رحمه مرة الدكتور زياد و بس
اني مش جلتلك متخرجيش برة
زينب : كنت بلعب مع البنات صحابي
بدر : و افرضي تهتي و اللا حاجه ادخلي جوة
عامر : بتزعج ليه لزينب أكده يا بدر لو جدتك شافتك بتزعجلها اكده حتطين عيشتك
بدر : معاوزهاش تخرج برة خايف عليها
عامر : هههههه ماشي يا فالح
مروان يا حبيبي انت جاعد لوحدك ليه
مروان : مستني رنا تلعب معايا
زكريا : مانتوا بتلعبوا مع بعض على طول يا مروان
مروان: بس هيا بتلعب مع ادم و سيباني لوحدي
اني مش بحب بدر و ادم دول عشان كل ما العب مع بنت يجوا هما و يلعبوا معاهم
زكريا : ههههههه لا ديه انت مروان الطحاوي تلعب مع مين يعجبك
جمال : ربنا يخليكي لية يا حفصه يارب
حفصه : و يخليك لينا و تفرح بضحى يارب
جمال :جصدك نفرح بضحى بتك اللي تعبتي معاها و سهرتي معاها
لحد ما نجحت و دخلت كلية الطب و حتبجى الدكتورة ضحى
لو أمهم كانت عايشه الدنيا مكانتش حتساعها من الفرحه ربنا يرحمك يا حنان
حفصه : ربنا يرحمها ويغفر لها يارب
.....................................
جائزة احسن ممثل عن أفضل عمل تليفزيوني
الفنان الكبير كيان عز الدين
يصعد لاستلام الجائزة و يمسك بالمايك
مساء الخير عليكم جميعا بشكر كل الساده الحضور و بشكر اللجنه عن اختيارها لية بس بعد اذنكم تسمحولي أقدم الجائزة للانسانه الوحيده اللي ليها الفضل علية في كل اللي وصلتله و لولا وجودها فحياتي مكنتش حبقى كيان عز الدين
مراتي و حبيبتي و سندي في الحياة كلها و ام ولادي غزل و فراس احلى هديتين هدتهم لية
ينزل لها و يقدملها الجائزة و يحتضنها بشده و يحتضن أولاده
بحبك يا عطر بحبك يا عطر حياتى
تمت بحمد الله
🌺🌺🌺🌺🌺🌺🌺🌺🌺🌺
لقراءة و متابعة روايات جديده و حصريه اضغط هنا
•تابع الفصل التالي "رواية يكفيني منك عقابا" اضغط على اسم الرواية