رواية جرح الأيهم الفصل التاسع و الثلاثون 39 - بقلم أيلان
"الجُــرح التاسع و ثلاثون"
دورت سويجي بـ جنطتي
امي تلحگني و تسأل شبيها بطني
ما كدرت اظل واكفة و اجاوبها ، طلعت بسرعة
صعدت بـ سيارتي خابرت لـ ضرغام
مرتين ، ٣ مرات ما يرد
ما اعرف أيهم اخذوه لـ يا مركز
نزلت تلفوني حايرة
مُلاذ : أيهم شسووووويت أيهم !
رفعت تلفوني لمن اجاني اتصال
دحگت لـ رقم ضرغام
مُلاذ : الو ضرغاام
ضرغام : اهلاً مُلاذ
اعذريني ما رديت من اول مرة ، جنت اسبح
خيرج خو ما صاير شي ؟
مُلاذ : ضرغام أيهم اخذوا الشرطه
ما اعرف بيا مركز شوفليا عفييه
ضرغام : شنو دقيقة ليش اخذووه؟
مُلاذ : ما اعرف بس شوف الي المركز
ضرغام : تمام ، انتظريني رح ارجع اتصل
مُلاذ : انتظرك
نزلت تلفوني سديت الاتصال
اتصلت على هتان رن كم ثانية
و سمعت صوتها
هتان : الو ، مُلاذ ؟
مُلاذ : هتان أيمن يمج؟؟
هتان : اي ، ليش؟
مُلاذ : انطينيا بسرعه
هتان : شصاير خيه كتلتي اخوي؟
مُلاذ : ولج هتااان
هتان : اسفه
سمعتها تحاجي أيمن
هتان : مُلاذ تريدك
أيمن : ليش؟
هتان : شمدريني اخذ البنية تنتظر
ثواني و اجاني صوت أيمن
أيمن : الو مُلاذ
مُلاذ : أيمن اسمع لا تنطي اي ردة فعل رح احاجيك بـ شغله امك و اختك لا يعرفون
حتى لا يخافون و ننخبص
أيمن : امم ، فهمت ، كملي
مُلاذ : أيهم اخذوا الشرطة
انكطع صوته ثواني
مُلاذ : أيمن ؟
أيمن : حلو ، اي؟
مُلاذ : هسه راح اعرف مكان المركز
و انت تعرف كلش زين الصار
تجيني لـ المكتب و تحجي يلي صار!
أيمن : ما اعرف
مُلاذ : تعرف أيمن لا تجذب !
أيمن : يمكن اعرف
مُلاذ : خل اشوف مكان المركز و ارد اخابرك
و تحجي كل شيي ، انطيني رقمك بسرعه دزليا
نزلت تلفوني و سديت الاتصال
خابرت لـ ضرغام مشغول ، نزلت تلفوني
دحگت لـ رسالة اجت بيها رقم
ضفته و كتبت عليه " أيمن "
دحگت لوجهي بـ المراية
بي مكياج ، جريت جنطتي طلعت كلنس رطب
مسحت حمرتي و وجهي كله
الرموش مركبيهن الي ، انعميت من وراهن
وخرتهن و مسحت عيوني
شمرت الكلنس بسرعه من ايدي
لمن اجاني اتصال ، اخذت التلفون
دحگت رقم ضرغام ، جاوبته
مُلاذ : ها وين ؟
ضرغام : بـ مركزنا صديقي الي رايح وياهم
مُلاذ : ليش اخذوه؟
ضرغام : اسكندر
مُلاذ : شبي نعااال شبي
رح اكتل روحي و اخلص
ضرغام : مخابر و گايل هو خاطفينه
و لمن رايحين الشرطة لاگين اصبعين مكطومات
و وجهه مابي مكان صاحي
ظليت فاكه حلگي و اسمع لـ ضرغام
بحيث اجيت انجلط و انا بـ السيارة
مُلاذ : سد الاتصال ضرغام سده
نزلت تلفوني سديت الاتصال
خابرت لـ أيمن ، صحت بـ عصبية لمن رد
مُلاذ : انتوووووووا شنووو من عقل عدكم ؟؟؟
شلون تتصرفون هيج شلون تسوون هيج ؟؟
أيمن : صلي على محمد اذاني كامت توجعني
مُلاذ : شلوووون تكطمون اصابيع صخام
ولك راح اموت راح انجلط
اكو واحد يسوي هاي السواية
انت شلون خلييييته !
أيمن : الله وكيلج و محمد كفيلج
خلاني اجيب اسكندر اله و طردني
رحت ثاني يوم للمكان لگيتهم ماكو
اسأله ما يقبل يگلي ، شسوي انه ؟
لحگته لكفني و نعل خير خيري
مُلاذ : ليش ما گلتلي ليش ما اجيتني ؟!
أيمن : شني زعطوط اجي اگلج أيهم شيسوي
مُلاذ : انااا بس اريد افتهم
انتوا عصابة لو شنوو؟ انت منين تلكف الناس
منين تجيبهم و اخوك ما شاء الله يكملها
يعذبهم و يدوس اصابعهم بالسيارات و يكصهن
تريدون تموتوني ؟؟؟
أيمن : خاب انه شعليه
هسه اذا يگلي جيب ذاك من المريخ
اجيبه اله و اطلع من السالفة
مُلاذ : انتوا شنو سالفتكم؟
و الله اذا عصابة گلي اذا مجرمين گلي
عادي اتقبل كلشي انا ما انصدم بعد
أيمن : مجرمين بريئين لطيفين
مُلاذ : يا يمة راح انجلط
سد الاتصال لا اطلع حرگة گلبي بيك
أيمن : زين مكان المركز وين ؟
دليته و سديت الاتصال
وصلت للمركز ، نزلت دخلت ركض
رحت ع الضباط سألتهم عن أيهم
ما يعرفونه ، ظليت اتلفت
لحد ما شفت واحد يجي اتجاهي
- المحامية مُلاذ ؟
مُلاذ : اتفضل؟
- الضابط ضرغام اتصل بيه
و گلي اوصافج وراد ادخلج لـ يم موكلج
مُلاذ : اي وينه؟
-تعالي وياي
اتقدم مشى كدامي
لحگته لحد ما وكفنا كدام غرفة
فتح الباب دخلت ، دحگت لـ أيهم
دحگلي أيهم بـ خزره ، انداريت لـ الضابط
مُلاذ : محاميتة انا
اريد احاجي و افتهم الصاير
دحگلي الضابط و دحگله
هز راسه بـ قبول و طلع
أيهم : شتسوين هنا؟
مُلاذ : انت شتسوووي هنا؟
أيهم : العب دعبل
مُلاذ : أيهم احجي بسرعة
شسويت لـ اسكندر ؟؟
أيهم : ما سويت اله شي
مُلاذ : أيهم ! ما عدنا اي وكت
احجي شسويت لـ اسكندر
أيهم : ارجعي لـ البيت
و لا تسوين اي شي ثاني
ضربت بـ ايدي ع الميز
مُلاذ : لااا تخبلني احجي !
كز على اسنانه بـ عصبية
أيهم : ارجعي لـ البيت گلت
مُلاذ : احجي
أيهم : حرف ما رح يطلع مني
المركز كله **** ارجعي لـ البيت
مُلاذ : شوف و الله العظيم
اندل مكان اسكندر و اروح اله انا
أيهم : حتى الدنيا اگلبها على راسج
اذا عرفت مسويه هيج دكه
مُلاذ : احجي
أيهم : شتستفادين ؟
مُلاذ : انت شتستفاااد؟
احجي أيهم و ما اروح لـ اسكندر
أيهم : اكسر رجليج اذا رحتي
مُلاذ : عدل اسلوبك وياي و احجي
أيهم : شتريدين تعرفين؟
مُلاذ : كل شي
أيهم : ما صار شي
مُلاذ : ما صار شي و مكطم اصابيعه !!
انت واعي للسويته؟؟
أيهم : امم
مُلاذ : أيهم لووو بعد ٥ سنيييين
ما تطلع على المسوي تريددد تخبلني؟
أيهم : عادي
مُلاذ : انت ما تفكررر؟
اسكندر رح يشتكي عليك تعرف مو ؟
أيهم : خل يشتكي
مُلاذ : أيهم كااافي تفتهم
انت شراح يصير بيك هسه؟؟
أيهم : اعرف
خليت ايديه على كصتي عصرتها حيل بـ ايدي
اريد اتعارك و اصيح و كل شي اسوي
لان ما توقعت من أيهم هيج يسوي بيه و بـ نفسه
كل تفكيري نسى السالفه او كدر يعبرها
طلع كل هذا هدوئه لان لاگي اسكندر
و منفذ بي كل يلي بـ باله
مُلاذ : اسمعني اكو ادله عليك ؟؟
أيهم : الله اعلم
دحگت بـ وجهه متنرفزه
يحجي بـ راحه ، ضربت ايدي ع الميز مره ثانية
مُلاذ : كافي هذا البرود!
افتهم الوضع الي انت بي
اتذكر اذا اكو ادلة و گلي
و انا احجي انفتحت الباب
دخل الضابط
-لازم نحقق ويا
مُلاذ : ما حققتوا قبل لا اجي؟
-لا اجانا اتصال من الضابط ضرغام
و طلب ما نحقق لحد ما تجين
مُلاذ : تمام انا محاميته اساساً
تكدرون تحققون هسه و انا موجودة
طلعت هويتي من الجنطة و راويتها اله
هز راسه بـ قبول الضابط
طلع يصيح الضابط الي برا
دنگت بسرعة لـ أيهم و حجيت بـ تحذير
مُلاذ : رح تسكت عن كلشي يحجونه
و تگول ما اعرف ، كلشي يسألون گول ما اعرف
أيهم : روحي منا و اگللهم ما اعرف
مُلاذ : ما رح اروح!
أيهم : خلص إذن رح اعترف
ردت احجي بس دخلوا ، سدو الباب
اتقدموا كعدوا كدام أيهم ، بقيت واكفه يمه
- ليش خطفت الضابط اسكندر؟
-سبب خاص
اعترف على نفسه!
دحگتله بـ خزره
بس هو يدحك للـ الضابط
-تعترف انت احتجزته؟
أيهم : اي
- من شكد انت محتجزه؟
أيهم : اسبوع
- لـ وحدك خطفته ؟
أيهم : اي
اندار الضابط لـ الضابط الي يمه
- صيحهم ياخذونه
هز راسه بـ قبول الضابط
وكف بـ الباب و صاح لـ الشرطة
دخلوا ، كام أيهم وكف لزموا بي من الجهتين
دحگت اله و كل جسمي يرجف عصبية و خوف
ادحگله و يدحگلي ، حجا و هو يدحك بـ عيوني
أيهم : انتبهي على نفسج
اخذوه و طلعوا
همست بـ صوت يرجف
مُلاذ : أيهم ..
شلت رجلي الاتجمدت ع الگاع
خطيت خطواتي بـ ثگل و لحگته
دحگت اله و هم ياخذونه و طالعين
رفعت تلفوني بـ ايدين ترجف
لمن اتصادر لـ مسامعي صوت رنين التلفون
دحگت الاتصال من ضرغام ، جاوبت
حجيت و انا امشي ناحية الباب بـ استعجال
مُلاذ : ضرغام اعرف الي المستشفى
يلي بيها اسكندر ...
ملاك :-
دحگت لـ امي يلي ايدها على خدها و صافنه
ظليت كاعده و العب بـ اصابعي
حتى ما اعرف شسوي بـ هيج وضع
اندك باب البيت رحت لبست شالي
و اتقدمت وكفت ورا الباب
ملاك : منو؟
جسار : انا
فتحت الباب
دحگتله هو و سلطان
ملاك : ادخلوا
دخلوا لـ داخل البيت
جسار : شكو شصاير؟؟
ملاك : اجو اخذوا أيهم
سلطان : منو اخذه
كل شي ما فهمت منج ع التلفون!
ملاك : الشرطة اخذوا أيهم
و مُلاذ لحگته اتصلت عليها ما جاوبتني
و من الليل لحد هسه هيج كاعدين
عگدوا حواجبهم
واحد يدحك بـ وجهه الثاني
راح جسار يخابر لـ مُلاذ
ظل يرن ، ماكو جواب ، اتقدموا كعدوا
ظلو واحد صافن بـ وجهه الثاني
ما يدرون شيسوون
انداريت دحگت لـ امي على وضعها
حتى ما حاجت سلطان و جسار
دحگت لـ سلطان و هو يأشرلي
كام و راح لـ المطبخ لحگته
سلطان : شبيها امج؟
ملاك : ما اعرف من قبل لا تجون هي هيج
دخلت لـ الغرفة يم مُلاذ
من طلعت لحد الان هذا حالها
سلطان : شو امشي نشوفها شبيها
طلع و انا اخذت كاسة مي
طلعت ورا ، اتقدمت كعدت ركبه و نص كدام امي
ملاك : ماما شبيج؟
ظلت صافنه حسيتها مصدومة من شي
صافنه بـ الگاع و ايدها على خدها حتى ما ترمش
رفعت عيني دحگت لـ سلطان و جسار مستغربه
ملاك : يمه؟
سلطان : خاله
جسار : خاله فيروز شبيج؟؟
گاموا حاوطونا ندسو امي مرتين
فزت ورا ثواني و دحگت الهم
فيروز : اجت مُلاذ ؟
جسار : لا شبيج؟
دحگت بـ وجوهنا مستغربة
فيروز : شبيه؟
جسار : صافنه وضعج مو طبيعي
ظلت ساكته و تدحك بـ وجوهنا
كلنا استغربنا ، ظلينا واحد يدحك بـ وجهه الثاني
هزت راسها بـ رفض ، همست
فيروز : ما بيه شي
نزلت راسها و سكتت ثواني
رفعت راسها دحگت لـ جسار و سلطان
فيروز : لو لاحگين مُلاذ ؟
جسار : ما ندري بيها وين
نخابرها ما تجاوب
تبدلت ملامحها لـ قلق
فيروز : هسه هم توكع روحها بـ مصيبة
زين ام أيهم ما تعرف محد يعرف ؟
جسار : كلنا طلعنا سويه و رحنا
و ابتعدوا عن هنا لمن خابرت النا ملاك لمن درينا
فيروز : خابرو امه
سلطان : تروح تنهبط المرة
فيروز : لازم تعرف !
سلطان : هسه اشوف أيمن
هزت راسها امي ساكته
گام سلطان من يمنا وكف بعيد
دقايق و رجع النا
سلطان : خابرت لـ أيمن اهله ما يدرون
و وصاني ما نگللهم لان امه گبل تتخربط
ف ضموا الموضوع و اسكتوا
هزينا راسنا ساكتين...
مُلاذ :-
طلعت من المكتب
بعد ما أيمن جاوبني على كل اسألتي
اتوجهت لـ المستشفى
دخلت المستشفى ، امشي بسرعه
رافعه راسي و بـ بالي الف شغله
دحگتله لمن وصلت يم الباب
مُلاذ : كعد ؟
-اي
مُلاذ : و هسه ؟
- بعده
هزيت راسي بـ قبول
اتقدمت اريد ادخل بس قاطعني تنبيهه
- انتبهي منه
مُلاذ : تمام
فتحت الباب ، دخلت للـ الغرفة
اتقدمت وكفت بـ وسط الغرفة
دحگت لـ وجهه ، وسع عيونه مصدوم
اسكندر : مُلاذ !
مُلاذ : ما عندي وقت
احجي كل شي صار
اسكندر : هههههههه اجيتي الي بـ رجليج
لمن الدكتور راح من ايدج
مُلاذ : اجيت اعرف شصار و مثل البشر
لذالك صير انت هم بشر و لا تجادل
احجي كل يلي صار و ها بعد ما تحجي
رح تسحب شكوتك عن أيهم
ضحك بـ صوت عالي
مثل المخبل ، دحگت لـ ايده اصابعه ملفوفات
رجعت عيني على عينه الصايرة زرگه ، مورمه
تحول نظري على وجهه يلي عباره عن كدمات
و بـ النهاية استقر نظري على رجله
يلي مكسورة و مجبسيها،
رفعت عيني اله لمن گال
اسكندر : بـ احلامج ما رح يطلع من السجن ابد حياته صارت بـ ايدي
حجيت و انا اتقدم اله
مُلاذ : انت اذيتني و هو اذاك
اسكندر : لا لا لا انا استخدمت حقي
كـ ابن عمج هههههههه
مُلاذ : انت اعتديت عليه !
اسكندر : ههههههه مُلاذ
هاي الالعاب ما تمشي عليه ما اعتديت عليج
حجا و جر ايدي كتمت صوتي و ما صيحت
دحگت لـ وجهه لمن صرت اقرب همس بـ اذني
اسكندر : و سدي التسجيل
رفعت عيني دحگت لـ وجهه الـمقرف
مُلاذ : ما جاي اسجل
اسكندر : و انا صدكت
مُلاذ : عوف ايدي ما جاي اسجل!
حجيتها و دفعت ايده
طلعت تلفوني من الجنطة درته اله
راويته ماكو اي تسجيل ، فردشت جنطتي كدامه
و رجعت لميتها ، اتقدمت دنگت و حجيت
مُلاذ : انا اجيت احاجيك .
اسكندر : اممم
راد يتقرب اكثر ابتعدت و گلت
مُلاذ : ديربالك تتقرب مني
شوف حالك و بعدك تركض ورا قذارتك!
اسكندر : لا تخافين بعد ما كملنا
بما انو أيهم صار بح
نكدر نتونس انا وياج براحتنا
ابتسمت ما يدري بينا تزوجنا
مُلاذ : بـ احلامك ، رح تسحب الشكوى
اسكندر : مستحييييل رح اذله ذل
اخلي يتوسل بيه حتى يموت
ما عم على نفسه بس حتى على اهله
حجيت بـ عصبية
مُلاذ : انت حاااولت تعتدي عليه
و هو راد ياخذ حقي منك !
اسكندر : بس القانون ما يعرف
انا ردت اعتدي عليج كدام عينج الي سوا بيه
و اعترف على نفسه هم ، ههههه ما تعبني ابد
مُلاذ : لان هو مو جبان مثلك
انت بس سمعت صوت الدوريات شردت
و ما خليت لـ روحك اثر ، أيهم مو جبان
اسكندر : تظنين ما اعرف الاعيبج
و لا اعرف رح تجيبين الشرطة
بس جنت اريد استغل الوقت و مع الاسف
ما لحگت
اسكندر : المره الجاية ما رح تعرفين
حتى شوكت اصيدج و تطيحين بـ ايدي ،
جنتي رايده تتزوجين أيهم مو؟
بـ ظلمة تلگين روحج انتهيتي
حتى أيهم ما يدحگلج سويتها من قبل و ارجع اسويها و انجح بـ محاولتي هالـمرة
مُلاذ : تدري هالشي
اسمه اعتداء و اغتصاب
و انت تريد تعرضني لـ هالشي
و تحجي بـ كل راحه!
اسكندر : اعرف اعرف
و ان كان بـ الاعتداء بـ النهاية تصيرين الي
حجاها و ضحك
ضحكت ويا بـ صوت عالي
انداريت ، رحت لـ باب الغرفة
اخذت التلفون ، ابتسمت لـ ضرغام
گلت بـ صوت ناصي
مُلاذ : ابقى هنا هسه اجي
هز راسه بـ قبول ، بقى بـ مكانه
اخذت التلفون ، دخلت نص الغرفة
دحگت لـ اسكندر يلي يدحگلي بـ استغراب
خليت سماعة التلفون يم اذني ، فتحت الفيديو
سمعت اعترافه ، رفعت راسي ضحكت
بـ كل صوتي ، ضحكة شر ، نزلت التلفون
جسمي يهتز و اضحك
اسكندر : شجاي تسـ ...
قبل لا يكمل قاطعته
رفعت ايدي مستوقفته عن الكلام
حجيت و انا اضحك
مُلاذ : هههههههه اسمع اسمع هذا صوتمن
عَليت صوت الفيديو و صوته واضح
و هو يعترف بـ اعتداءه عليه
الغرفه بيها لوفه ، خليت ضرغام يوكف يم الباب
و يصورني و انا احاجي اسكندر
و انطيت الامان لـ اسكندر بـ الكلام
بحيث انطلق يحجي و يتوعد
مُلاذ : شلون اعتراف هذا
و نوب بـ صوتك انت و صورتك هم
شوف انت طالع بـ الفيديو
درتله التلفون وجهه طالع بـ الفيديو
و هو يدحگلي و يحجي
مُلاذ : دحك دحك لـ حالتك ههههههه
كممت حلگي و بقيت اضحك على صدمته
نزلت التلفون و سديته ، سكتت عدلت ملامحي
لـ البرود فوراً حجيت بـ نبرة يتميز بيها التهديد
مُلاذ : هسه سوسو شنو رأيك؟
الفيديو يصير بـ ايد الشرطة و ارفع عليك شكوى
و هالشي بـ صالحي اكيد ، اخلص منك
و هم لا انت و لا أيهم ، لو تسحب شكوتك ؟
دحك بـ وجهي
بين على ملامحه العجز و العصبية
رخيت ملامحي و حجيت بـ اصرار
مُلاذ : اذا أيهم صارله اقل شي
يصيرلك اضعافه
دحگلي ، گال بـ شك
اسكندر : شسويتي ويا؟
مُلاذ : احجي عدل لا انيم الجنطه بـ راسك
اسكندر : تريديني اصدك قبلتي بي
لان انتِ عاجبج ؟ هههههههه
هو انا ما قبلتي بيه كل ذيج السنين
خطوبتكم هاي وراها مصلحه اكيد
بس مو مع الاسف ما تمت هههههه
حجيت و انا اكشول بـ ملامحي
مُلاذ : ذكرتني بـ مَثل شجاب الثوم ع الحلقوم؟
ماكو وجه مقارنه بينك و بين أيهم اصلاً؟
دحك بـ وجهي ، تعابير وجهه جامده
كملت كلامي
مُلاذ : انت اذيتني و أيهم اذى اليأذيني
انت ردت تجبرني على محبتك
أيهم حببني بي ، ما جبرني حتى !
انت بستني و حاولت تلمسني بـ الحرام
أيهم انتظر اصير حلاله حتى يلمس ايدي بس
مُلاذ : انت جنت تخليني اوكع لو اتعور دائماً
كم مره انشكت ايدي لو وجهي بسببك
جنت تريد تمد ايدك الوصخه عليه و تضربني
بس أيهم عالجني و خاف عليه من اصغر جرح
لو اختنكت يركض الي خايف عليه
مُلاذ : انت ردت تتملكني
أيهم حبني من كل داخله و رادني
لا تقارن ابد !
دحگت لـ وجهه الي احتقن
زاد البرود يلي يكسو تعابيري
حجيت بـ هدوء
مُلاذ : اذا أيهم أتاذى ولو هلگد
وداعة روح ألياس الماكو اعز منها
راح أذيك اضعاف أذيته
و تعرفني زين ما گلت شي إلا و نفذته
اتجتفتت و گلت
مُلاذ : وهسه تسحب شكوتك
لو اروح اقدم الفيديو و تتفاهم انت و السجن؟
ضرب الكلاص الي يمه بـ الگاع
اتبدى المي يلي بي ، دحگتله
لمن گال
اسكندر : ما ررررح تخلصين مني ابددددد
مُلاذ : ديلا خوش ، تسحب شكوتك لو اروح؟
اسكندر : تهدديني ؟؟
مُلاذ : اي
دحك بـ وجهي بـ عصبية
درت وجهي ، حجيت و انا امشي ناحية الباب
مُلاذ : يلا تصيرون اصدقاء انت و أيهم بـ السجن
وصلت لـ يم الباب ، سمعته يگول
اسكندر : اسحب شكوتي
ابتسمت بـ وسع ، ابوس عقلج مُلاذ ،
اعرف نقطة ضعفه و غبائه انداريت دحگتله
مُلاذ : بعد شويه يجون جسار و سلطان ياخذوك
تروح تسحب شكوتك خوش؟
اسكندر : وين اكدر اروح بـ هالحااال!
مُلاذ : طبك عرج كل شي ما بيك
ثانية وحدة اذا تاخرت تخيس بـ السجن
ردت اكمل مشي و كفت و انداريت اله
مُلاذ : و ها صدك اسكندوره
لا تفكر تتحارش بـ سلطان و جسار
ترا يكسروك فوك ما ايهم كسرك
ولو خطية ما باقي الهم مجال أيهم قايم بـ الواجب
كملت مشي وكفت بـ مكاني
لمن تذكرت شي نسيت احجي
و احرك گلب اسكندر ، دحگت لـ وجهه الجامد
مُلاذ : و ها صدك چااا غير نسيت ابشرك
لك اتزوجناااا انا و أيهم دحك
رفعت ايدي راويته الحلقة
وسع عيونه بـ صدمة ، ضحكت و گلت
مُلاذ : خاب انت شكد خطية
اجتك الصدمات وحده ورا الثانية
نوب عقلك صغير ما يستوعب
يلا بعدين اكملهن عليك ههههههه
ظل متيبس بـ مكانه
و عيونه ع نفس مكان الحلقة
ضحكت ، مشيت وانا اطكطك بـ كعبي
طلعت من يمه ، دحگت لـ ضرغام الواكف يم الباب
مُلاذ : يا عزززه جا غير نسيتك
دحگت لـ وجهه محتقن
دار وجهه يتلافى نظراتي المستغربه
ضرغام : لا عادي
مُلاذ : صاير شي ؟
اندار دحگلي
ابتسم و هز راسه بـ رفض
حجا بـ صوت يرجف يحاول يسيطر عليه
ضرغام : انتِ و أيهم تزوجتوا؟
دحگتله ، جاوبت بـ هدوء
مُلاذ : اي
هز راسه ، رفع راسه دحگلي ، ابتسم
ضرغام : مبروك ، احم اكدر اخذ تلفوني
هزيت راسي بـ قبول مديت اله التلفون
عيني على تعابير وجهه الواضح بيها الحزن
اخذه بسرعه ، دار وجهه گال
ضرغام : انا عندي شغل ..
بلع ريك و سكت ثواني
كمل كلامه ، داير وجهه عني
ضرغام : اذا احتاجيتي شي گليلي
انتبهي لـ نفسج ، في امان الله
راح يمشي لـ الباب و انا ادحك ورا
رفع ايديه يمسح عيونه و هو يمشي ، ظهره منحني
عدل وكفته ، مشى بـ استقامة و طلع
مُلاذ : غبييييه مُلاذ غبييه
حجيتها و اتوجهت انا هم لـ البوابة
جان كل همي انرفز اسكندر
نسيت ضرغام يلي بـ الباب واكف
اصلاً ما ادري بي لسا عنده مشاعر الي!
ما عزمته بـ عرسي
لان ردنا نسوي العرس بين العائلة
و ما نسوي هوسه ،
اضافة الى انو شفت بـ مصباح العرس
ناشر صورة سلاحه و كاتب شعر
توقعته بـ واجب او فعلاً جان بـ واجب و نزل
زفرت انفاسي بـ غضب متنرفزه ،
صعدت بـ السيارة
مُلاذ : ما شايفه عرووس بعدها اول يوم عرسها
رجلها ينسجن و تركض ورا
شغلت السياره و طلعت بيها
فتحت تلفوني خابرت لـ أيمن
مُلاذ : أيمن ، اسمع بعد ربع ساعه تقريب
جسار و سلطان رح يجيبون المجلوب اسكندر
و يسحب الشكوى عن أيهم على ما اخلص شغلي
اجي اخذه من المركز
أيمن : شني شني اوكفي هوب هوب يمعودة
دوسي بريك خل نفتهم شلون يسحبون الشكوى؟
غير أيهم اعترف على نفسه و هذا ابو وجهه المحنط
اصابيعه كطمناها
مُلاذ : حليت السالفه انا
أيمن : شنو شسويتي ؟
مُلاذ : أيمن شكد تسأل
أيمن : ولج احسج كفختيني راشدي
جاي احس بـ الاهانه سوبر أيمن ما ينقذ اخو
بس مُلاذ تنقذه ، لا لا انه مجروح حالياً
مُلاذ : أيمن
أيمن : اسف جداً جداً خيه مُلاذ
بس اريد اصارحج رجلج رح اجيبه للـ بيت انه
مُلاذ : ليش تجيبه لـ البيت انت؟
شبيه انا ؟
أيمن : بووويه هاي بعدكم ما صليتوا على محمد
گمتي تدورين ورا اخوي اريد احاجي اسولف ويا
مُلاذ : ديلا خوش جيبه انت
أيمن : بس بداعة العزاز
شلون خليتي ابن عمج المنحط
يسحب الشكوه؟
سولفتله بـ اختصار و هو يگول
أيمن : دهر طرج مليذه
هزيت ايدي و سديت الاتصال
اسلوبه يضحك ، خابرت لـ جسار
مُلاذ : روحوا اخذوا اسكندر
رح يسحب شكوته عن أيهم
جسار : يمعوده خل نفتهم السالفه شنو!
مُلاذ : بعدين افهمكم هسه روحوا و اخذوا
جسار : انتِ وين؟
مُلاذ : عندي شغل اخلصة
و اروح لـ البيت
جسار : يلا خوش
دليته بـ المستشفى و غرفة اسكندر
سديت الاتصال
خليت اسد يراقب اسكندر لان ما ينحزر
و انا بـ طريقي لـ البيت فتحت تلفوني دحگت
اكثر من اتصال جايني من رقم ملاك
خابرت عليها ، ظل يرن يرن هواي و ماكو رد
رجعت اتصلت اكثر من مره لحد ما ردت
سمعت صوت صياح و هوسه يمها
مُلاذ : ملاك شكو؟؟
ملاك : مُلاذ الحكي عمي احمد بـ الباب
و يصيح يريد يكسر الباب
مُلاذ : شنوو؟ جاااايه
لا تفتحن الباب ابد اقفلنها
ملاك : تمام منتظريج حبابه استعجلي
مُلاذ : تمام اهدي لا تخافين ظلي ع الاتصال
امي وين ؟
ملاك : جاي تتعارك ويا
مُلاذ : روحي گليلها انا جايه
لا يصير بيها شي ملاك انتبهي الها
انداريت و رجعت من الطريق الاجيت منه
رحت لـ البيت ، جنت رايدة اروح المكتب
لحد ما وصلت روحي طلعت
گوه طلعت من بين الازدحامات
وكفت سيارتي ، نزلت بسرعه
سمعت الهوسه الصايرة جوا و الصياح
دخلت بسرعه لـ البناية ، بيها شقة اهلي جوه
و اكو درج يودي لـ شقتنا فوكاهم ..
ملاك :-
عمي واكف كدامنا
بعد ماكسر الباب و دخل علينا
بـ ايده سجينه و يصيح
احمد : احرك الدنياااا على روسجن
كـ**** *** ابني من ورا رجل بتج الـ****
نايم بـ المستشفيات ،
وينه اذا ما اشرب من دمممه
فزينا على دفعة الباب
و صيحة مُلاذ الهزت البيت
مُلاذ : شكووووو؟
دخلت مناك و هجمت على عمي
جرته من ياخته و هي وراه
رادت تجر السجينه من ايده و انشكت ايدها
عاطت بـ وجع ، فلت روحه و اندارلها
شايل السجينه ، گمنا نصرخ بـ خوف انا و امي
دحگت لـ ايد مُلاذ
صارت عباره عن نافورة دم
دنكت لـ الكاع بـ عصبية شالت كعبها
و شمرته بـ عمي ، طاح بـ نص عينه
فيروز : مُلاااذ!
مُلاذ : تعوووودت انا على هالحثاله
راحت بسرعه جرت السجينه منه
يصيح متوجع من عينه ما ندري شصار بيها
جرته مُلاذ من ياخته
مُلاذ : كووووم لك
فيروز : ولج يمه مُلاذ اوووكفي
يمه شجاي تسوووين
مُلاذ : اسكتتتي يمه طلعت روحي
لا خلصت منه و لا من ابنه و لا من شرهم
مبتليه بيهم انا كل يومية جايبيلي مصيييبه
بقى عمي احمد
يصيح من وجع عينه
مُلاذ : انااا اعلمك
اذا ما خليتك تخيس بـ السجون
هيتتتته هي كل يومية متهجمين علينا
انعل ابو ساسكم اطللللع برا
دفعته لـ خارج الشقة
انضرب بـ صدر أيهم يلي واكف بـ بالباب
دحك أيهم لـ عمي ، رجع عينه على مُلاذ
و علينا ، امي تلزم بـ مُلاذ تريد توكفها
دحگت لـ أيمن واكف ورا أيهم
أيمن : هذا شيسوي هنا ؟
شني صايرة الحرب العالميه شكو؟
حجيت بسرعه
ملاك : اجاا يتهدد علينا بـ السجينه
و جرح ايد مُلاذ بيها
دحگت لـ أيهم يلي نزل راسه يدحك لـ عمي
رفع حاجبه و گال
أيهم : جنك انت و ابنك جلدكم يحككم؟
جره من ايده اندار لـ أيمن
أيهم : ابقى يمهم و لا تخليهم يطلعون
و انت لا تطلع لو الدنيا تنگلب
مُلاذ : أيييهم!
فيروز : يمه أيهم عوووفه الله يخليك
لـ خاطري أيهم يمه اوكف
و كف أيمن بـ طريقهم
ما يخليهم يروحون سد الباب بـ ظهره
مُلاذ : أيمن وخررر
سمعنا صوت مصايحهم بـ الشارع
دفعت مُلاذ أيمن عن الباب ما يقبل يوخر
بـ الخمس دقايق من عياط أيهم بـ الشارع
مُلاذ : أيمن هستوووهم عافووو
لك وخرررر
أيمن : ديلا قحط هو أيهم
حتى لو كضو الشرطة يطلع
مُلاذ : أيمن !! لا تنرفزني وخر
أيمن : چؤ و روح ابويه ماكدر اسف خيه
مُلاذ : لاااا تنرفزني وخر
أيمن : خاله شسمج انتِ ؟
اعذريني لسا ما اعرف اسمج
فيروز : فيروز
أيمن : خاله فيروز ما تكضين بتج
ترا انه اخويه ما اكدرله يكضني يكتلني
ترضيها خاله ؟
فيروز : مُلاذ اكعدي هسه يجي أيهم و نفتهم
جرت امي مُلاذ تكعدها
دحك أيمن لـ مُلاذ و گال
أيمن : بتج وكيحه
خزرته مُلاذ ، ثواني و اندك الباب
وخر أيمن گامت مُلاذ تركض
فتحت الباب دحگنا لـ أيهم
دحك أيهم لـ أيمن و حجا
أيهم : صلح الباب
أيمن : تمام خل اجيب غراضي من السيارة
طلع أيمن بسرعه و رجع
دحگت لـ مُلاذ تدحك لـ أيهم
و هو داير وجهه عنها
فيروز : شصار خاله ليش سجنوك
لا نهارنا نهار و لا ليلنا ليل كل شي ما افتهمنا
أيهم : ماكو شي خاله لا تخلين بالج
فيروز : احمد وين راح ؟
و شصاير ؟ ليش اجا لـ هنا
يكول زوج بتج ضارب ابني
حرام اذا افتهمت شي
أيهم : تلاكينا انا و اسكندر
و غثني بالحجي و ضربته انشك راسه
و رايح مشتكي عليه و اجو الشرطه اخذوني
ما صاير شي لا تخلين بالج
ضمت امي شفتها
و گالت بـ هدوء
فيروز : ابد كل شي ما صاير
الحمدلله و الشكر على كل حال
اتذكرنا ايد مُلاذ التنزف
راحت امي تشوفها ما قبلت مُلاذ
اخذت وصلة و لفتها بيها الجرح مو جبير كلش
اجا أيمن شد الكيلون مال باب
أيهم : يلا ارجع لـ البيت
اسبح و اجي وراك اخذ أبيل
أيمن : خوش
وجهه كلامه النا
أيهم : اي شي تحتاجون
رقمي يمكم و گلولي انه اساساً فوك
هزينا راسنا بـ قبول ...
مُلاذ :-
دحگت لـ امي و ملاك
سألتهن اذا اذاهن احمد گالن لا
هزيت راسي بـ قبول ، طلعت من شقتهم
اريد اصعد لـ شقتنا
انداريت لـ أيمن
الي يدحگلي ، يهز رگبه و يگول
أيمن : عيني مديحاااا بتج وكيحااا
خزرته ، دحگت لـ امي و ملاك
حاصرتهم الضحكه و هو يهز رگبه و يغني
أيمن : جرت عبااااتي من فوك راااااسي
ضحكن امي و ملاك
يعرفنه يقصدني
مُلاذ : أيمن
أيمن : رحت
مشى لـ الباب ، يهز راسك يمنى و يسرى
يصفك خفيف و يدندن بـ صوت ناصي
أيمن : عيني مديحا بنتج وكيحا
جرت عباتي من فوك راسي
لحد ما طلع ، امي و ملاك دخلن لـ البيت
درت وجهي ، صعدنا انا و أيهم
دخلت لـ البيت ذبيت شالي
انداريت لمن انسدت الباب
دحگت لـ أيهم ، مخلي ايد ع الباب
و ايد متخصر بيها ، يدحك لـ الگاع
حجا بـ هدوء و هو يرفع عيونه ناحيتي
أيهم : شتسوين رايحه لـ اسكندر ؟
دحگت بـ وجهه
اتجتفت و عكدت حواجبي
مُلاذ : انت شتسوووي خاطف اسكندر؟؟
ضرب ايده ع الباب حيل
صاح و هو يتقدم الي
أيهم : لاااا تقااارنين
مُلاذ : اقااارن لان غلطـ...
أيهم ( بـ صياح) : انه مو گلتلج ما ترحيين
لـ اسكندر مو گلت ترجعين لـ البيت
مُلاذ ( بـ صياح) : ليش انت سمعت الحجيته انا؟ سويت الگلته انا اتفقنا ما تسوي شي لـ اسكندر
بس انت حتى ما اهتميت للـ الحجيته انا
أيهم (بـ صياح) : مو انه شادهن ستيل
حتى اسكت عنه و اعبرها اله
مُلاذ : ترووح تكطم اصابعه؟؟
تكطم اصبعه انت دكتور لو مجرم؟؟
صاحي ع السويته و رحت فوكاها
اعترفت ع نفسك
مُلاذ : ما فكرت لا بـ ابن و لا بـ ام و لا بـ اخت
اهم شي استاذ أيهم يمشي كلمته
اهم شي ما تنخدش كرامة الاستاذ
من حاولو يعتدون ع مرته و شلون هو يسكت
شراح يكولون عنه الناس مو؟؟
اتقدم عليه ، سحبني من زندي اله
صرنا وجه بـ وجه خلا وجهه بـ وجهي
و هو كاز على اسنانه يحجي بـ عصبية
أيهم : كلام الـ****** ما يهمني ذره
بكد ما انتِ تهميني
و تعرفييين هالشي كلش زين
بس تتعمدين تحرگين اعصابي!
عطت و انا ادحك بـ وجهه
مُلاذ : انا طلبت منك ؟؟
كلتلك تعال و اخذ حقي منه
انا ويااا محد عليه!
دفعني و صاح بـ نرفزه
أيهم : ماااااكو شي اسمه انتِ ويا
لااا تخبلييني ، شلوووون رحتي اله بـ رجليج
شلون كدرتي تروحين ورا كل السوا !!
لو مسويلج شي لو مااااذيج ؟
مُلاذ (بـ صياح) : جان لازم تفكر قبل لا تسوي بي هيج جان لازم تخلي اهلك كدامك انت ما عفت الي اي حل ثاني غلطت غلطتك و جاي تلومني هسه !
أيهم (بـ صياح) : جانت عندي خطه جنت رح اطلع بس انتِ غبيه انتِ معتبره نفسج تعرفين كل شي
و تفهمين كل شي بس انتِ ما تفكرين حتى
شنو ممكن يصير الج جنت رح اطلع
مُلاذ : انا غبيه ؟؟ لان سويت شي عقلاني
و افضل من ما اروح اكطم اصابيع واحد
صرت انا غبية! ليش انت الذكي
يلي رحت كطمت اصابعه و كسرت رجله؟؟
أيهم : كطمت اصابيعه و كسرت رجلة
و ضربته و صلخته بـ المي الحار
كل شي سويت بي ارتاحيتي ؟
و ما ندمان و ارجع و اسويها اذا رجع بيه الوكت
گلتلج لا ترحين اله گلتلج ارجعي لـ البيت
ما سمعتي كلامي و رحتي اله بـ رجليج
مُلاذ : مفتخر بـ نفسك فوكاها
اصحى اصحى جان رح ياخذني منك
مو جنت خايف ياخذني منك؟؟
لو انت باقي بـ السجن
بـ لحظة جنت راح اصير اله ، لان هو مـ ..
أيهم : لاااا تحجيين هيج
محد يااااخذج محد يكدر يلمسج
احرررگه الي يلمسج لا تخبليني
لا تحجين حجي يخليني افقد اعصابي !
مُلاذ : هاي الحقيقة لمن رحت و شفته شلون يحجي
حتى ما مهتم لـ الصاير بي
بـ كد ما فرحان بـ سجنك و بـ انتصاره
لان انا جائزته
دفعني ع الحايط ، انضرب ظهري حيل
رجع يصيح بـ وجهي متخبل من كلامي
ما يصدك هذا الجان رح يصير
ما يصدك اسكندر فرحان اكثر من ما متأذي
مُلاذ : تدري بـ نفسك شلون دفعتني ع الحايط !
لزم فكي بـ ايده ، كز على اسنانه
أيهم : اسكندر الرحتي اله
رح يصير بي اسوء من الي صار هسه
مُلاذ : انت دكتور لو مجرم !
حتى اعرف بيمن تزوجت او يمكن مريض
لان الكدامي شخص مو صاحي و معلول
جر فكي عليه اكثر
أيهم : لا تفقديني اعصابي احجي عدل
مُلاذ : أيهم عوووفني شبيك تخبلت !!
ايدي جاي توجعني وخر ، أيهم ايـد...
بعدني اريد احجي ، جر وجهي باسني
لحظات لحد ما انكطع نفسي ، و شفتي نزفت
بَعد وجهه من وجهي ، دحك بـ عيوني
ثواني حتى كدرت اسيطر ع نفسي و احجي
مُلاذ : خليتني اشرب من كاس الندم
يلي شربت منه ، لان وافقت عليك و اختاريتك
دفعته عني خليت ايدي على شفتي يلي تنزف دم اخذت شالي ، طلعت من الشقة ،
مسحت الدم بـ ايدي
حسيته يريد ياذيني بـ كل الطرق
بـ البداية دفعني على الحايط
بعدين لزم ايدي حيل
وراها ضغط على فكي لحد ما طبعت اصابيعه
يعرف بـ ايدي بعدها مجروحه بـ السجينه
و يدري بيه اكره احد ياذيني
دكيت باب بيت اهلي
فتحت امي الي الباب
فيروز : شصاار ؟
اجت ملاك بسرعه ناحيتي
مُلاذ : اريد ابقى هنا
فيروز : ادخلي يمه طبعاً ، شصار؟
دخلت لـ داخل البيت
ذبيت شالي
مُلاذ : ما صار شي ، ملاك
ملاك : ها كولي ؟
مُلاذ : جنطتي بالغرفة فوك
اصعدي جيبيلي بجامتين لو ٣ و جيبي غراضي
و اذا تجيبين الجنطة كلها تسوين فضل
ملاك : تمام
اخذت الشال من ايدي لبسته
و راحت تلبس عباية ، دحگت لـ امي جابت الي مي
اخذته شربت ، كعدت يمي
فيروز : شكو شصار؟ ردت اصعد
ملاك ما خلتني تگلي بيناتهم
مُلاذ : اي احسن
فيروز : شصار؟
مُلاذ : ما صار شي
فيروز : يمه بعدكم بسم الله الرحمان الرحيم
البارحه واحد و اليوم ثنين هستوكم عرستو
مُلاذ : عرس الاگشر
كمت و عفتها رجت لـ الحمام غسلت
فتت سبحت ، شعري لازكينه لزك بـ السيروم
وكفت اسبح ، دحگت لـ ايدي رجعت تنزف
غسلتها بـ المي ، ظليت فترة صافنه عقلي مو وياي
سؤال واحد يدور بـ بالي "شنو فكر من سوا هيج"
اصلاً شلون عندي هاي قوة الگلب
يكطم اصابع واحد صدمني و هواي صدمني
ما جنت متوقعه هذا الشي منه
قاطع افكاري ، دكت ملاك لـ باب الحمام
ملاك : جبت ملابسج
مُلاذ : تمام
بدلت و طلعت مشطت شعري
خابرت لـ صافيناز من امي
لان نسيت تلفوني فوك
گلتلها باجر نفتح المكتب
تمددت على جرباية امي ، دحگتلها
مُلاذ : من تريدين تنامين لو تتمددين كعديني
فيروز : لا يمه نامي على راحتج
سكتت و درت وجهي ظليت صافنه بـ الفراغ
لحد ما غفيت ، كعدت بـ الليل على العشى
انداريت لـ امي لمن گالت لـ ملاك
فيروز: ملاك قبل العشى اخذي الصينيه ذيج
صبيتها و وديها لـ أيهم
ملاك : تمام
كامت ملاك اخذت الصينيه و راحت
خليت ايديه ع الميز ، خليت فوكاهن راسي
دحگت لـ امي الكعدت يمي
خلت ايدها على ايدي
فيروز : هو هسه صار زوجج
تصير مشاكل و تصير خلافات
انا و ابوج جنا اذا تعاركنا
انا هم مثلج ازعل اذا صاح بيه
شنو يحبني و يصيح عليه
لازم كله يعاملني بـ رقة و دلال
ابتسمت على طريقة كلامها
ضحكت و كملت
فيروز : هههه و الله جنت اگله لا إلياس
من تهدء و تعرف شلون تحاجيني عود حاجيني
و اسوي روحي فقيرة عليه بحيث گبل يصالحني
عبست تعابير وجهها و كملت
فيروز : بس شفتي ؟ بعدين محد يدوم لـ احد
لا زعل يفيد و لا كلام و لا عرك يفيد
شايفه لمن تخلين مي هواي بـ ايدج
و يتسرب هذا المي كله من ايدج ما يبقى بيها
تبقى بس ايدج مبلوله
فيروز : انا هيج ضيعت ابوج
جنت محاوطته بـ ايديه و بـ روحي
بعدين راح و بـ لحظة وحده حتى
بقى بس اثر حُبه بيه
يمكن حتى لو افقد الذاكره رح اتذكره بس هو
مُلاذ : و فقدتي الذاكرة و تذكرتي اول شخص
هزت راسها و ابتسمت بـ حزن
رفعت ايدها مسحت عيونها بعد ما غرگت دموع
شنو من حب جان بيناتهم لـ درجة
بعد اكثر من ١٠ سنين على وفاته
بعدها تبجي عليه من تذكرة
مُلاذ : بس أيهم اذاني ،
سوه شي ما جان لازم يسوي
فيروز : كل الزلم يغارون و ما يتحملون
واحد يلمس الي يحبونها
و تعرفين اسكندر مو قليل يمكن حجاله كلام
خلا يفقد اعصابه و ضربه لان أيهم مبين مو هيج
شخص ياذي و يتعارك و ايده و الضربة
مُلاذ : امم صحيح
فيروز : انا بس صافنه
واحدكم يرفع و الثاني يكبس
ثنينكم عصبيين و ما تتحملون
الا تگلبون البيت مصارعه فوك
ضحكت حجيت و انا ارفع راسي عن الميز
مُلاذ : تلگون أيهم
يتدهده من الشباك الفوك ع الكاع
ضحكت امي و انا ضحكت بـ هدوء
خليت ايدي على وجهي و سكتت
گامت امي تصب عشا ، انداريت لـ ملاك
مُلاذ : شوكت اجيتي انتِ ولج
ملاك : من زمان بس جنتي انتِ و ست فيروز تحجون عن حبايبكم و ما سمعتوني
مُلاذ : انطيتي الاكل لـ أيهم ؟
ملاك : اي
مُلاذ : شبي شلون وضعه؟
ملاك : ما اعرف بس جان أبيل موجود
مُلاذ : أبيييل يا حبيبي اريده
فيروز : تريديمن؟
مُلاذ : أبيل مشتاقتله
فيروز : ابو جابه مو؟
مُلاذ : اي
هزت راسها ساكته كعدنا تعشينا ، كملنا
كل غراضي فوك و ما اريد اصعد و احاجي أيهم
اخذت تلفون ملاك ثاني يوم
و ظليت استخدمه رحت لـ المكتب
و رجعت تسوكت و ظليت افتر طول اليوم
ما رجعت غير بالليل ، اول ما وصلت
ذبيت روحي و نمت لحد ثاني يوم الصبح
هذا كله و انا يم اهلي ، ما صعدت لـ أيهم
اخلي ملاك تروح تاخذلي ملابس و تجي
و ما ادري تلفوني وين حاطته حتى اكللها تاخذه من سائله أيهم گايللها ما يدري
مر ثالث يوم من عرسنا و انا و أيهم ما تحاجينا
رغم نطب و نطلع و اشوفه من يركب بـ السيارة
و ياخذ أبيل ويا يودي لـ روضه يمكن او لـ اهله
بـ اليوم الرابع كعدت متأخره
و ملاك جاي سلطان ماخذها لـ مدرستها
دورت على تلفونها ما لگيته ،
زفرت انفاسي بـ غضب
دحگت لـ الساعه ، أيهم ما موجود هيج وكت
بدلت ملابسي و صعدت لـ فوك ركض
فتحت باب البيت بـ المفتاح يلي عندي
دخلت ادور على تلفوني ،
دورت ع القنفات انا جنت بس بـ الصاله
ما رحت لـ اي مكان ثاني
نبشتها لـ الصاله نبش و ما لگيته
دورت بـ القنفات يمكن طايح بينهن ما لگيته
بـ لحظتها ، سمعت باب البيت انفتحت
سمعت صوته يحجي
أيهم : تدورين على هذا؟
درت وجهي دحگت اله
رافع تلفوني بـ ايده ، رحت اله اريد اخذ تلفوني
رفع ايده ما يقبل ينطيني التلفون
خزرته ادحك بـ وجهه
عفت التلفون بـ ايده ، عبرته ردت اطلع
اريد اكمل مشي
انجريت من بطني و انطبكت الباب
خليت ايدي فوك ايده اوخرها
دارني اله ، سفطني ع الباب
بلعت ريكي ادحك لـ وجهه
سند كصته على كصتي و ظل هادء
ثواني حتى گال
أيهم : ليش هيج تسوين بيه؟
مُلاذ : اريد اروح عوفني
دحك بـ وجهي و ظل هادء نزل ايده من ايدي
خلا التلفون بـ ايدي ، انداريت و هو وراي
فتحت الباب و طلعت بسرعه
كـ العاده خلصت شغلي
و اول ما رجعت لـ بيت اهلي
حتى ما تغديت ، بس بدلت و نمت
فزيت على اثر لمسات على خدي
بقيت مغمضة عيوني ، ساكنه بـ مكاني
حسيت على صوت أيهم و هو يحجي
أيهم : الفوصة بعدنا بـ البداية و عفتيني
اتوزعت بوساته على شعري بـ خفة
حسيت بي يشم شعري
ايده بعدها تتلمس خدي
نزلها من خدي ، حاوط بطني ، ظل هادء
استمع لـ صوت انفاسه يلي مره تهدء و مره تعلى
ريحة الجكاير اخترقت خشمي و ترست الغرفة
حجا بـ همس ، صوته مبحوح
أيهم : عذبتيني اذيتيني هواي ما تفهميني
وخر شعري عن وجهي
نَفسه صار على خدي
گوه ظليت ساكنه بـ مكاني
اتصادر لـ مسامعي صوته الهامس
أيهم : رابع يوم من عرسنا و انتِ ماكو
ضجت من تقيدي بـ الحركه
درت نفسي ، أمثل نايمه
صرت كدامة بس مغمضة
توترت اكثر من اصبعه ظل يتحرك على خدي
أيهم : احب وجهج الضاوي بكل ما بيه
ضواي و ضوه الگمر و الدنيا كلها
احب خشمج هذا اليصير احمر كل ما تعصبين
و تحشرينه بـ سوالف لا الها اول و لا الها تالي
عيونج التخوزرين بيهن ، ايديج الناعمه
اصبعه صار على شفتي
گوه لزمت روحي حتى لا ابين كاعده
أيهم : و شفايفج .. ههه براطمج
گمت احوص اريد يسويله حركه
حتى اسوي روحي كعدت و فزيت من ورا
قبل لا يروح زايد و ياخذ راحته
ما ادري ليش ما اتقبلت فكرة اكعد من وحدي
اول ما خلا ايده على شعري سويت روحي فزيت
فركت عيوني و دحگتله ،
ساند راسه ع تاجية الجرباية
يدحگلي بدون اي تعابير توقعت يكوم و يعوفني
بس صدمني لمن دنك بـ هدوء
طبع بوسه على شفتي
دحگتله لمن رفع وجهه عن وجهي
رجع سند راسه على تاجية الجرباية ، يدخن
دحگت للـ جگاره يلي بين اصابعه
و جمرتها تشتعل ، دحگلي و انا ادحگلها
أيهم : تاذيج ما تجربيها
مُلاذ : ما اريد اصلاً
أيهم : اي خوش يلا ردي نامي
مُلاذ : معليك
أيهم : و لا حس
مُلاذ : لا بالله ؟ شتسوي هنا؟
أيهم : يم مرتي الي بعدنا ما گلنا
بسم الله الرحمان الرحيم زعلت و رجعت يم اهلها
مُلاذ : مرتك الي لعبت بيها لعب
و كل الدنيا سمعت صياحك عليها و كلامك الها؟
أيهم : مرتي الي تسوي اشياء بلا علمي
و تروح للاذية بـ رجليها
لو الاصح تروح لـ اسكندر بـ رجليها
بقيت متمدده بـ مكاني ، رفعت عيوني اله
دحگت بـ وجهه
مُلاذ : و انت شنو سويت؟ شنو فرقك عني ؟
أيهم : لا تقارنيني بيج
مُلاذ : ليش؟؟ ها صحيح انا من اروح اخذ اعتراف
و اطلعك من السجن غلط بس مو غلط
من انت دكتــور و تكطم اصابع ضابط
و تخطفه و تسجنه و تعذبه
أيهم : اكطعي حسج و لا تخبليني
مُلاذ : ما تخوفني أيهم هالملاعيب مو عليه
ما تلومني انا لوم نفسك الغلط غلطك !
دنك راسه الي بسرعه ، عصر فكي بـ ايده
كز على اسنانه و هو يحجي بـ خزره
أيهم : جان لازم اعوفه تشوفين؟؟؟
اعتدى عليج و گال ناهي عليج و سنين يركض وراج
و ذيج المرة يبوس بـ وجهج و بـ مره ضاربج
أيهم : انجوت ايدج ما خلاج للصيدلية ترحين
اجا و رمى بـ بابج ،
كلهن حاسبببهن حاسبهن وحدة وحدة
جنت صابر على كل شعره تتضرر منج بسببه
اعرفج تاخذين حگج منه و ما تنطينه مجال يأذيج
أيهم : بس تعذريني
ما اكدر اتحمل اذيتج التتحمليها انتِ.
عاف وجهي ، كام وكف
فتح شباك الغرفة ، ظل ساكت و يدخن
كعدت ع حيلي حجيت و انا ادحگله
مُلاذ : شنو فرقك عنه انت هسه ؟
دار وجهه دحك بـ وجهي
على اثر نبرة صوتي يلي واضح النفور بيها
مُلاذ : ذكرتني بي بـ الضبط
بكل مره هيج يعصر وجهي بـ ايدة
لو يحاول ياذيني
و صدگني ما اتاذى و لا تنهز شعره مني
بالعكس راح انفرك و اكرهك
أيهم : اكرهيني على اساس حابتني انتِ؟
بس اعرفي ما قاصد اذيتج
مُلاذ : ليش شتتوقع من تجر وجهي هيج
و بـ هاي ايدك الي بـ كبر الباب
تعصر وجهي شتتوقع يعني ، حديد انا ؟
و سكتت الك هواي ترا ! انا اليمد ايده عليه
اكسرها اله و اعلگها بـ رگبته
أيهم : ما كدرت اتحكم بـ اعصابي
مُلاذ : و كل مره ما تتحكم بـ اعصابك هيج تسوي؟
أيهم : ما جااان قصدي اذيتج
ما جاي تفهميني جاي تلوميني !
و انه حقي بـ كل شي سويته حقي
ما جان رح يوكف عد حدة
مُلاذ : شعليك انتنت؟ شعليك ؟
انا ويا ؟ انت تروح تكطم اصابعه
و تخطفه و تسجنه لييييييش ؟
وظيفتك ابنك امك اختك اخوانك اهلللك
يضيعون و علمود منووو؟؟؟علمود اسكندر ؟
أيهم : علمود مرتي الي هي جزء من اهلي
بس ما تعرف تعد نفسها
لان تحس روحها ما تستاهل
واحد يسوي شي علمودها
دحگتله ساكته
رجع دار وجهه يدخن
مُلاذ : شلون دخلت لـ هنا ؟
أيهم : امج دخلتني
مُلاذ : ليش شتريد؟
أيهم : اريد مرتي شنو اريد؟
صارلج ٤ ايام
ما شبعتي حتى ما شفتج مثل الاوادم
مُلاذ : ما ارجع وياك
أيهم : تر الشقة فوك
و العباس اشيلج هسه و اخذج
لا تسودنيني كومي اصعدي وياي
مُلاذ : و الله ماااااا شنو تصيح عليه
و تجرجر بيه و ارجع وياك ؟ اطلع من الغرفة
طفى جكارته و هو يدحگلي ، زفر الدخان
سد الشباك ، تقدم ناحيتي بـ هدوء
كنبصت بالزوية گلت بس يسوي شي اصرخ
مُلاذ : أيهم اكعدددد ماااا عوفني
جر زندي اله و كعد ع الجرباية
أيهم : لا تصيحين
مُلاذ : عوفني ما اصعد
أيهم : ما صاعدين خل احاجيج
كعدت على ركبي
و هو بعده لازم بـ زندي
مُلاذ : ها اي يلا احجي
أيهم : تعالي
مُلاذ : وين ؟
أيهم : تمددي بـ حضني
مُلاذ : ما اريد
أيهم : مُلاذ لا تتعبيني ترا گوه صابر
مُلاذ : اهوووو دوخر
أيهم : ما مسويلج شي اريد نحجي
دحگتله ، قربني عليه اكثر
حضني ، رجعنا لـ ورا سند ظهره ع الجرباية
و انا مخلية راسي على صدره و متمدده
مُلاذ : احنا مو متزاعلين ؟
أيهم : بعدين نكمل زعلنا
رفعت راسي دحگتله و ضحكت
دنكت و انا اضحك و هو مبتسم
أيهم : شكو؟
مُلاذ : مخابيل
أيهم : طبعاً وين اظل صاحي من وراج
مُلاذ : اي مو انا كطمت اصابع اسكندر
أيهم : يستاهل حيوان
مُلاذ : أيهم شالسالفة اشتبهوا بيك و سووك دكتور
وين اكو دكتور يكطم اصابيع واحد؟
أيهم : عمي منو گلج الدكتور مؤدب و معصوم؟
مُلاذ : ما اعرف بس انت كسرت القاعدة
دنك باس خدي حيل و هو يجر نفس
سند كصتة على جهة راسي و گال
أيهم : علمودج اكسر الدنيا كلها
مو بس القاعدة
مُلاذ : يلا كافي عوفني
أيهم : ما اعوفچ
مُلاذ : أيهم ترا هاي غرفة امي
و هذا فراش امي و ذاك فراش ملاك
خاف عبالك
أيهم : اي و بعد ؟
مُلاذ : اي وخر لا تلح ما اجي وياك
أيهم : تجين حبيبتي و كـ المؤدبه تجين
مُلاذ : ليش حتى هم تدفعني ع الحايط
و ايدي تلويها مدري شتسوي بيها
و تعصر وجهي؟
أيهم : ما تهون عليه اذيتك ابني
بس انت اذيتني بـ كلامك كلش
مُلاذ : ما جذبت انا
أيهم : كافي حبيبي نسد السالفه
ولو انه بعدني ما شافي غليلي بيك
على دكتك السودة بس بعدين اعلمك
مُلاذ : لا تحجي بـ صيغة ولد
اندار و وخرني من حضنه
و صار فوكاي
أيهم : ابني انت
مُلاذ : ابنك أبيل انا مُلاذ
أيهم : ثنينكم ابنائي
مُلاذ : اي يلا كوم لا تلح
أيهم : ما اكوم اتبنجت على ريحتك
مُلاذ : بدا الاستهتار
ضحك و دنك حضني من بطني
خلا راسه على صدري
مُلاذ : انطحلت كوم
أيهم : لَـذه كومي خل نصعد فوك
مُلاذ : كلتلك ما اصعد
أيهم : ما تصعدين مو؟
كام وكف على حيله و دحگلي
دنك و شالني من الجرباية كمت اعيط
مُلاذ : عوفني عوفنييي
وصلنا لـ باب الغرفة كمت ارافس
مُلاذ : تمام تمااااام هاهيه اصعددد نزلني
أيهم : ماكو
فتح الباب و طلعوا بـ وجهنا امي و ملاك
و هو شايلني
مُلاذ : يمه وخررري هذا عني
ضحكن امي و ملاك
أيهم : خاله رح اخذ بتج
لان هي مرتي و تعبتني هواي
مُلاذ : ملاك غطيي عيونج
وخر ولك يماا عوفني
فيروز : لج يمه رجلج هذا قابل غريب
مُلاذ : رح اتطلك ما اريده
ضحكت امي
و انا متنرفزه ما يقبل ينزلني
رفعلي حاجب بـ معنى " متأكده؟"
أيهم : خاله اكطفيلي شال عليها
جابت امي شال
غطوا بي شعري و غطوني بي
خلوني ارافس
طلع أيهم و هو شايلني من البيت
صعدنا لـ الشقه و اسمع امي تتعذر منه
دخلنا لـ الشقه و نزلني ، شلع گلبي
مُلاذ : شبييك انت
أيهم : اش صوتج أبيل نايم
خزرته و رحت لـ الغرفة
دورت أبيل بـ عيوني ما لگيته
انداريت لـ أيهم
مُلاذ : وين أبيل؟
أيهم : و شيسوي أبيل بـ غرفتنا
غير عنده غرفة
مُلاذ : ها اي صح
طلعت من الغرفة اريد اروح لـ أبيل
انداريت لمن أيهم وكفني و ما خلاني اكمل
أيهم : عوفي الطفل ناايم
مُلاذ : اريد اشوفه مشتاقتله
أيهم : شوگج بس اله
كالها و قربني اله من خصري
دحگتله و قلصت عيوني
مُلاذ : اكعد راحه
أيهم : لَـذه انعل ساسج هسه
انطيني مجال اشوف دربي
مُلاذ : شتريد؟
أيهم : يول بس اريد اعاينلج فرفحتيني
اتقدم عليه حضن خصري
مشينا لـ الغرفه كعدت ع الجرباية
و هو كعد يمي رجع ظهره ع تاج الجرباية
و حضنني لـ صدرة حجا بـ اذني
أيهم : عمج اختصر عليه طريق طويل من التعب
مُلاذ : يعرف اخو شنو
أيهم : كـ****
مُلاذ : شسويتله من طلعتو؟
أيهم : طردته و تعاركت ويا
دزيت تسجيلات الكاميرات
لمن كاسر الباب و داخل شقة اهلج
لـ الشرطه و لزموا
مُلاذ : يستاهل
أيهم : اريد اعاقبك
مُلاذ : شني
أيهم : اعاقبك لان رحت لـ ذاك الـ****
مُلاذ : أيهم صارحني جنت تجذب عليه مو
ضحك بـ صوت و دحگلي
أيهم : شبيك ابني عرفت عقابك شنو؟
مُلاذ : ما اريد اعرف احتفظ بي لـ نفسك
أيهم : لا تعال خل اشاورك
تدنى عليه شاورني
ضربت صدرة و دفعته
مُلاذ : كافي استهتار
أيهم : مو استهتار رجلج انه
حطيت ايدي على حلگه اسكته
تمددت وخر ايدي من حلگه و باس الكف
دحگلي و گال
أيهم : اريد اراويج شغله
مُلاذ : شنو؟
أيهم : كومي اكعدي
دحگتله بـ استغراب
كمت كعدت ع حيلي
مُلاذ : شنو؟
أيهم : تعالي تدني عليه
مُلاذ : غير افهم
أيهم : تعالي
تدنيت عليه اكثر
و انا كدامه صرت بين رجلية
أيهم : افتحي قميصي
عكدت حواجبي و گلت
مُلاذ : مستهتر
ردت اوخر عنه
لزم ايدي و ثبتني
أيهم : و الله شبيج افتحي قميصي
ما اجذب عليج
خزرته ، رجعت انداريت اله كاعده على ركبي
خلا ايديه على خصري
دحگتله و رجعت دحگت لـ القميص
فتحت دكم قميصه كلهن
بَعدت القميص عن صدره
وسعت عيني بـ دهشه
دحگت اله ، رجعت عيني دحگت لـ صدرة
مررت ايدي من تحت القميص
خليتها على حرفي
الموشوم على صدرة ناحية گلبه
دحگت لـ التاريخ المكتوب جواه بـ خط صغير
"2011/11/11"
مُلاذ : انا؟
أيهم : انتِ
مُلاذ : من 2011 واشم حرفي ع صدرك؟
أيهم : امم
ابتسمت عجبني ظليت امرر ايدي ع الحرف
رفعت عيني دحگتله
مُلاذ : جانت اكول لوحه بـ غرفتك
و عليها اسمك و بيها حرف m جنت تقصدني؟
أيهم : اللوحه بـ كفاها مخطوط اسمج
انتِ شتحجين ؟ مو بس حرفج
ابتسمت و گلت
مُلاذ : شنو بعد عندك الي ؟
أيهم : صورج ، ماشتج ،
تذكرين الشال يلي لبستجيا
اول ما شفتج و اجيت اخذج من غرفتج ؟
حتى اضمج و احميج من الجان واكف بـ الباب
مُلاذ : اي؟
أيهم : بقت ريحة شعرج بـ الشال و ضميته
ابتسمت و هو كمل
أيهم : لابكوتي الي نمتي عليه
ما كدرت البسه مره ثانية
خلا ايده على شعري
دحك بـ عيوني حجا
و هو يبعد شعري عن وجهي
الأيهم : كل شي انتِ تلمسينه اقدسه انه.
- يتبع الفصل التالي اضغط على ( رواية جرح الأيهم ) اسم الرواية