رواية يكفيني منك عقابا الفصل التاسع و الثلاثون 39 - بقلم بقلم عبير سليم
الحلقه التاسعه و الثلاثون
يكفيني منك عقابا
عبير سليم
🌿🌿🌿🌿🌿🌿
تشعر بالحزن لأجل أخيها قلبها ينفطر عليه و هو بتلك الحاله تحاول طمئنته و تمنحه الأمل في الغد
ان شاء الله خير يا حبيبي بس انت جول يارب
زياد : يارب يا زينه يارب
زينه : مش امها طمنتك و جالتلك انها فاجت
زياد : ايوة يا زينه بس لساتها تعبانه و مجدراش تتكلم
زينه : ان شاء الله حتبجى زينه و زي الفل
زياد : يارب يا زينه يسمع منك يا رب
جومي يا حبيبتي شوفي ولادك أمك جاعده معاهم من بدري و زمانها تعبت
زينه : حشوفهم و اجيلك
زياد : زينه
زينه : نعم يا حبيبي
زياد : ربنا يخليكي ليا ومنحرمش منك واصل معرفش من غيرك كنت حعمل ايه محدش مهون علية اللي اني فيه غير وجودك جمبي
زينه : ربنا يخليك لية و يخلينا لبعض ديه انت اللي أحلى حاجه حصلتلي في حياتي اني معارفاش لو مكنتش جيت اني كنت حعمل ايه من غيرك ديه انتي اخويا و ابني و سندي ربنا يسعد جلبك و يهنيك و يبعد عنك الهم و الحزن يا رب يا اخويا
تسيبه و تروح اوضتها و هي زعلانه عشان خاطر اخوها نفسها تساعده بتحاول تفكر في حل تساعده بيه
معلش يا اما حجك علية سايباكي من بدري مع الولاد و تعبوكي
صفيه : تعبك راحه يا زينه و بعدين هو اني عندي أغلى منيهم في الدنيا كلها دول نور عينيا يا لهوي ديه اني الدنيا مش سايعاني من الفرحه و اني شايفه عيال بتي جدامي
زينه : يا حبيبتي يا اما ربنا يخليكي لية و ميحرمنيش منك واصل
صفيه : طمنيني على اخوكي عامل ايه دلوك
زينه : تعبان جوي يا اما ربنا يعينه عاللي فيه
صفيه: ايوة ربنا يعينه
زينه : ييه بجى
صفيه : مالك يا زينه
زينه : تلفوني فصل شحن و عايزة اكلم زكريا اجولله على حاجات يجيبها للولاد و هو جاي
صفيه : تلفوني اهوه كلميه من عندي
تاخد التليفون و تدخل بيه الفرانده و تكلمه و يرد عليها و تقولله على طلباتها و يضحكوا مع بعض شويه
انتي بتغيري منيها إياك
زينه : واه عليك يا زكريا اني حغير من بتي بردك بس اصلك مبتسالش غير عنيها و اي طلبات بطلبها عشانها بتلجى على جلبك زي العسل
زكريا : ماهي أصلها جمر و بحسها بتحس بية جوي اني جلبي بيرفرف أكده و انا شايلها
و بعدين كيف يعني ما بسالش عن اخواتها كلهم نور عينيه يا نور عينيه و جلبي من جوة بجولك ايه ما تسربيهم في اي حته و نسهر سهرة زي زمان
زينه : اسربهم جطط هما و اللا ايه و بعدين هو انت مش ناوي تتلم بجى ياراجل ديه انت بجي عندك رجاله
زكريا : لا يا حبيبتي اني محتلمش واصل
بعد ما تقفل معاه المكالمه تلاقي امها جايالها رساله عالهاتف من شخص اسمه مازن : عامر عرف اني أني اللي صورتهم و كان حيموتني و وجعلي صف سناني منك لله كانت شورتك شورة سوده ياريتني ما كنت سمعت كلامك
تقرأ الرساله و هي مش قادرة تستوعب اللي قريته : معناه ايه الكلام ديه لا مش معجوله اكيد يجصد حاجه تانيه أكيد في حاجه غلط
تفتش في التليفون متلاقيش حاجه تفتح الصور اللي على التليفون تنصدم و هي شايفه الصور اللي بعتهالها مازن قبل كده
تدخللها و تحط التليفون ادام عينيها : ايه ديه يا اما
صفيه : ايه مش فاهمه
زينه : مش فاهمه هو ايه اللي مش فاهماه يا اما حرام عليكي يا اما ليه تعملي أكده عملوليك ايه هما عشان تاذيهم بالشكل ديه
صفيه : وطي حسك يا بت اني معملتش حاجه
زينه : معملتيش حاجه كيف امال مين اللي عمل رحتي اتفجتي مع اللي اسمه مازن يصور رحمه و زياد عشان يفرج بيناتهم حرام عليكي هما اذوكي في ايه عشان تاذيهم بالشكل ديه
صفيه : لو عالاذيه ايوة اذوني هو زياد ديه مش تبجى امه االي خطفته مني و منيكي كان لازم احرج جلبها على ولدها كيف ما حرجت جلبي و احرج جلبه هو كمان عشان ناري تبرد
زينه : لا لا انتي لا يمكن تكوني امي اللي ربتني انتي حد تاني معرفهوش حد مبيخافش من ربنا تحرجي جلبه جلب مين جلب زياد اخويا الوحيد اللي طلعت بيه من الدنيا ليه ليه طب افتكري انه هو اللي ليه الفضل بعد ربنا ان بيتي ميتخربش و ان جوزي ما يتجوزش علية لولاه كان زماني لساتي جاعده كيف الأرض البور و زكريا متجوز غيري و مخلف
طب بلاش ديه طيب مفكرتيش ان ربنا مبيسيبش و ان اللي عملتيه في البت الغلبانه ديه حيتردلك و أكيد طبعا حيكون يا اما فية يا اما في بتي ترضيهالي يا اما ترضي ان حد يصورني مع واحد و يبعت الصور ليكي و لزكريا
طيب ما جاش في بالك ان اهلها ممكن يجتلوها بعد ما يشوفوها اكده و يجتلوه هو كمان حتعيشي ازاي و ضميرك حيرتاح ازاي بعد أكده
ديه اذا كان عنديكي ضمير من أساسه
مكفكيش اللي عملتيه جبل سابج و بسببك عطر مشيت لما خافت على نفسها منك
انتي ميتى جلبك ديه حيصفى لكن لا ما اظنش يا اما السواد اللي جواكي عمره ما حيروج واصل
انتي حتخرجي من اهنيه و متدخليش البيت ديه تاني و لا تجربي مني و لا من حد من ولادي اني من النهارده معنديش ام اخرجي من اهنيه يا اما اخرجي برة
صفيه : انتي بتطرديني يا زينه
زينه : ايوة يا اما بطردك و صدجيني ديه أهون بكتير من اللي حيعملوه فيكي لو جلت إنك انتي اللي ورا كل اللي حوصل
فضلتي تدحلبي و تسأليني كل شويه عنيه و عامله نفسك بتحبيه عشان توجعيه لكن إن شاء الله ربنا حيجف معاه و حينصره و حيرد كيدك لأن ربنا ميرضاش بالظلم
اخرجي يا اما و بعدي عنينا ربنا يكفيني انا و ولادي و كل حبايبي شرك
تفتح لها باب الأوضة : مع السلامه يا اما
..............................................
عطر راكبه العربيه جمب يحي اللي ماسك ايدها و كأنه خايف تروح منه تاني و غزل قاعده وراهم
و العربيه التانيه فيها ناهد و مراد
و العربيه التالته فيها مجدي و مشيرة كلهم متجهين ناحية الصعيد بعد ما عرفت عطر باللي حصل لرحمه و اللي عرفه يحي من اخوه زكريا عن كل اللي حصل مع زياد و طبعا الكل مرضيوش يسيبوهم يسافروا لوحدهم كلهم سافروا معاهم عالصعيد لكن اللي كان مطمن عطر إن عتاب حلفتلها ان رحمه بقت أحسن شويه
انا خايفه عليها أوي يا يحي
يحي : ليه بس يا حبيبتي مش عتاب طمنتك
و بعدين انا كمان كلمت زياد و هو اكدلي انها الحمد لله فاقت و بقت احسن
عطر : معقوله رحمه يحصل معاها كده دي اخر حاجه كنت اتوقعها بقى رحمه حتة السكرة دي تفكر تنهي حياتها بالشكل ده ياااه الحمد لله انهم لحقوها
يحي : ان شاء الله ربنا حيشفيها
عطر : يارب يا حبيبي يارب
يحي : ايه قلتي ايه قوليها تاني كده
تضحك عطر و يحي قلبه مرفرف من الفرحه
عارفه يا عطر انا خايف اكون نايم و اصحى الاقي نفسي كنت بحلم
عطر : تصدق بقى اني انا كمان عندي نفس الاحساس ده
غزل : مامي
عطر : ايه يا روحي انتي تعبانه
غزل : راسي بتوجعني شويه يا مامي
عطر : ألف سلامة عليكي يا روح مامي تعالي يا نور عينيه
غزل : لاء انا عاوزة اقعد هنا
هو احنا رايحين فين يا بابي
يحي : رايحين عند جدو و تيته يا حبيبة بابي
غزل :، جدو و تيته ازاي و هما رايحين معانا
يحي : لا يا روحي مش جدو و تيته اللي انتي عارفاهم جدو و تيته اللي انتي ماتعرفيهومش
غزل : يعني هما حيمثلوا معانا زي مانا مثلت معاك و بعد كده قلتلي انك بابي
يحي :، لا با حبيبتي هما مش بيعرفوا يمثلوا
انا و انتي يا غزلي حاله استثنائيه يا قلب بابي
غزل :، طيب أنت يا بابي ليه مقلتليش انك بابي و انا فاكرة إنك لسه مسافر
يحي :، أصلي أنا بقى حقولك يا غزلي انا لما رجعت من السفر عرفت إنك في الحفله رحت اشوفك بقى و انتي بتمثلي قلت إيه بقى أنا لازم أخدك تمثلي معايا و بلاش أقولك أني بابي حبيبك عشان متدلعيش و تمثلي كويس قلت العب معاكي لعبة عروستي و امثل معاكي و بعد ما نخلص الفيلم أروح قايلك بس انتي ياروحي لما وقعتي وقعتي قلبي معاكي يا غزلي
غزل : بس انا انتي يا مامي مكنتيش بتكلمي بابي
كيان : و هيا مامي كانت بتيجي اصلا مش تيته مشيرة هي اللي كانت بتجيبك
غزل : طيب مش انتوا كده تبقوا كدبتوا و مقولتوش الحق و اللي بيكدب بيروح النا*ر
كيان : احنا مكدبناش عليكي هو انتي سالتيني و قولتيلي انت بابي و انا قاتلك لاء
غزل : لاء يا بابي
كيان : شفتي بقى يعني احنا مكدبناش عليكي و لا حاجه احنا بس كنا بنلعب معاكي
غزل : ايوة صح يا بابي بس متلعبوش كده تاني
عطر : اخر مرة يا قلب مامي
كيان : راسك لسه بتوجعك يا روحي
غزل : شويه صغيرين يا بابي
كيان : ياااه كان نفسي اسمع منك بابي دي من زمان اوي يا بنتي
غزل : بس أنا بحب أقولك يا كينو اعمل ايه انا بقى دلوقتى
كيان : قولي اللي انتي عاوزاه يا نور عيوني
غزل : خلاص حفكر
عطر و يحي : هههههههه
كيان : مقلتليش بقى من امتى و انتي بتتكلمي عامي
عطر : من زمان أوي بس عمي كان محرج علية أتكلم بلهجه تانيه و لما اتجوزنا و لقيتك بتكلمني صعيدي قلت يبقى إنت مبتعرفش تتكلم عامي فكلمتك صعيدي
يحي : ما هو أنا بردو كنت زيك و اللي حصل معاكي هو نفسه اللي حصل معايا
........................................
اهلا يا هانم انتي شرفتي
يارا : ايه مالك في ايه اوعي تكوني لسه عايشه في دور الدراما ده بصراحه مش لايق عليكي يا كرمله
كارما : يارا اتكلمي كويس انتي مش ناويه تحترمي نفسك بقى و تشوفي مستقبلك
يارا : تما انا شايفاه اهوه
بقولك ايه عندي ليكي سبوبه حلوة حتطلعي لك منها بقرشين حلوين تمشي بيهم حالك لحد ما حد يعبرك تاني بأي فيلم و اللا مسلسل
كارما : سبوبةايه و قرشين إيه إيه الالفاظ دي و بعدين انتي عايزةايه ناويه توصلينا لفين مش كفايه اللي احنا فيه
يارا : احنا زي الفل يا قلبي انتي بس اللي معرفش مالك اكيد محسوده ياروحي
بقى معقوله انتي كارما شعلة النشاط و الحيويه اللي اتعلمت منها حاجات كتير لحد ما تفوقت عليكي اتعلمت منك الغدر و الخيانه و الانانيه و قلة الأصل و الطمع فبصي بلاش تعملي الشويتين دول علية عشان مش لايق عليكي الصراحه شوفيلك لعبه غيرها
و انا مع شريف قابلنا رجل أعمال صاحبه و لما عرف إني اختك قاللي ابلغك انك عاجباه و انه عاوز يقضي معاكي يومين حلوين و اللي انتي عاوزاه و انا مش عاوزة اعرف رايك دلوقتي فكري و ردي علية انا داخله انام عشان راجعه من السفر تعبانه سلام يا اختي
............................................
اسمع هما دلوك مجربين عالبلد عايزة العيار يصيبهم و الا اني اللي حطخك اني معاوزاهمش يدخلوا البلد على رجليهم لا يدخلوا على نجاله
_حاضر حنفذلك اللي انتي عايزاه بس المعلوم الأول
_خد اهوه ديه نص الفلوس و النص التاني لما بجيني خبرهم
_اعتبريه حوصل
ايوة اكده و الله لاحرج جلبك عليهم يا محمد انت و نعمان و يبجى يوم دخلتهم البلد هو يوم خرجتهم
البارت صغير اوي عارفه و ربنا بس غصب عني ورايا بلاوي متلتله و جوزي زعلان و مقموص عشان سايبه الدنيا تضرب تقلب وقاعده اكتب
حقكم علية حعوضهالكم بكرة ان شاء الله بحلقه نا*ر حتعجبكم بأمر الله
سلام يا حبايب قلبي خمسه امواه
...........................................
•تابع الفصل التالي "رواية يكفيني منك عقابا" اضغط على اسم الرواية