رواية جرح الأيهم الفصل السادس و الثلاثون 36 - بقلم أيلان
"الجُــرح السادس و ثلاثون"
رحت ع الغرفة ادور تلفون اي شي ناسي
ما لگيت ، دورت هواي و ما لگيت
كعدت على القنفه تعبانه
اتذكرت يلي صار و يلي وصلني لـ هالحال ...
[ قبل شهر و نصف ]
دخل ابوي الغرفة
رفع اصبعه گال بـ اصرار
-اسمعيني زين باجر نجيب الشيخ
تطلعين مثل الحبابه و تقبلين
كلمه زايده اطلعج منا جنازه
نور : طلعني ما يهمني بعد
اتقدم عليه كز على اسنانه
جر وجهي بـ ايده من فكي نبت اصابعه
رفع اصبعه گال بـ تهديد
-لا تتحديني اطلعها لـ روحج
نزلت دموعي ادحك بـ وجهه
گلت بـ صوت خافت ، بـ نبرة مكسورة
نور : شبقيتوا من روحي حتى تطلعها؟
نهيتوني و انا اكثر وحدة مالها ذنب هنا
بـ عمري ما اذيتكم لا انت و لا امي
و لا حتى اسكندر و عزيز ما اذيت نمله
بس جزاتي جانت غير شكل !
جر شعري نزلني لـ الگاع
ضربني راشديات و هو يصيح
احمد : جننننت اثق بييييج نزلتي راسي
نزلتيييي راسي يا كلبببه كلام امج كله صحيح
ما غلطت بـ حرف واحد و لا جذبت
بس ما صدكتها اهمداني على هالخلفة
يا عاييييبه نحجي على مُلاذ انتِ شنوووو؟؟
عمتي تدك باب غرفتها تتوسل يفتحوها
قفلوها عليها حتى ماتجي و تساعدني
احمد : اسكندرررر لگا اركان يمج
ذاك اليوووم رجعتوا من الحديقة و اركان وراكم
يجي و يخطبج منين يعرفج منييين حتى يخطبج
نور : الخططططب ما قبلتووووا
و الي ظل يلعب بـ ذيله هم ما قبلتوووا
مااا عندي شي ويااااا ما عندددددي
احمد : فوكاهاااا تحجي
فوكااااها تحجي الحيييييوانه
رجع ضربني ، عافني و طلع
لزمت بـ الفراش ، گمت بـ صعوبة
ذبيت نفسي على الفراش ، متمدده
عزيز يدخل النا اكل و ابوي واكف
يخليه يطلع بسرعة بعد ما يحط النا الاكل
حسيت نفسي كاعدة بـ سجن
مو كاعده بـ بيت اهلي الي المفروض
اكون مدللـه بي و يحافظون عليه !
عزيز هددوه بس يحجي شي
يسوون بيه طلايب و كل ما يريد يحجي يكتلوني
و فعلاً لمن اتصل بـ مُلاذ يگللها الجاي يصير بيه
صلخوا رجلي بـ المي الحار خبلوه
لمن بَطل ما يتصل على مُلاذ
اخذوا التلفون و الشريحه و كل شي من عنده
و منعوه من الطلعه من البيت ، هو سولفلي
الي زرف گلبي اكثر اركان !
ما معقولة ما سمع و لا شاف الصار بيه
ليش خلاني بـ ايديهم مو هو يعرفهم شنو!!!
اسمع كل يوم عرك ابوي و عزيز
الدنيا تكوم ما تكعد ، انا مسجونه بـ ذيج الغرفة
انطفت روحي و انطفى كل نور بيه
اخذوا من عندي كل حلم ، كل أمل ، كل فرحه
ثاني يوم ابوي جاب الشيخ
عزيز ماله اي صوت ، استغربت
مو جان معارض و ما قابل وينه !!
عمتي هم ما الها اي صوت
شسوولهم شصار بيهم !
اتوسلت بـ ابوي على الاقل يگلي وينهم
لَكن ما حصلت اي جواب منه سوى الشتم
سألني الشيخ اذا قابله امي و ابوي يمي
لزمت امي ايدي عصرتها بـ ايدها
وافقت على عمى عيوني
و دموعي تنزل بـ حرگه قبلت بـ الزواج
ما طول اسبوع ودونا نسحب دم
رجعت لـ البيت استقبلتني امي
جرتني من ايدي شمرتني بـ غرفتي قفلت الباب
شجاي يصير بيه شنووو ذنبي؟؟
ايام لا سمعت صوت عزيز و لا صوت عمتي
حدي لـ الحمام و يرجعوني و هم واكفين وياي
اتسلطوا عليه مثل الي لگولهم فريسه
المغرب دخلت امي يمي
علياء : كومي كعدي كدامي
نور : ليش؟
علياء : كومي نزوجج هيج
نور : شنو تزوجوني هيج
علياء : علمود الرجال لا تلعب نفسه منج
جرتني من ايدي
كعدت تحف الي و تسوي بـ ايدية
و انا اعيط ما اريد ، گمت اريدها تعوفني
جرتني و كملت ، ما تقبل تعوفني
انا ناعمة و هي اضخم مني تكدرلي
اخير شي ذبتني بـ الحمام اسبح
ايديه حمر وجهي متحسس من الخيط
سبحت و طلعت لگيتها كدامي
اخذتني لـ الغرفة سدت الباب عليه
لـ الليل گلبي يرجف و دموعي تنزل
انفتحت باب الغرفة ، گمت كعدت على حيلي
دحگت لـ امي يلي دخلت سدت الباب
اجت بـ اتجاهي
علياء : اسمعيني زين ايالج و بالج باجر
تخطين الج خطوه غلط و تحاولين تشردين
تعرفين بـ اسكندر شنو انا اجيت احذرج
نور : كل الصار بيه بسببج
شسويتلج انا ؟؟ انتِ المفروض تخافين عليه
علياء : ما جان لازم توكفين وي عمتج ضدي
نور : شوووكت وكفت وياها ضدج؟؟
علياء : لمن جانن مخطوفات بنات الهانم
و حجيت و عمتج الحوك سمعتني
گلت انا ما حجيت بس انتِ وكفتي وياها
و گلتي انا حجيت
نور : و انتِ من هاي حقدتي عليه؟؟
من هاي گمتي تاذيني؟ ردتيني اكذب
و قبلها جنتي ماذيتني شنووو عذرج؟
علياء : جسار يدافعلج عزيز يحبج
ابوج خلاج تكملين دراسة
عمتج و بيبيتج يباوعن لـ حلگج
بعد شتريدين من الله؟
وسعت عيوني عليها
نور : انتِ تغارين مني ؟؟؟
گامت على حيلها و عاطت
علياء : انجببببي ادبسززززز
شنووووو اغار منج شعندج انتِ حتى اغار
اضربج على حلگج هسه تادبي تماااديتي هواي!
دارت وجهها تريد تطلع
كملت كلامي
نور : و تغارين من خالة فيروز
لان بيبي تمدحها و عمو إلياس تزوجها على حب
لان محد يحجي عنها بـ سوء و الكل واكف وياها
اندارت عليه خزرتني
اجت جرت شعري حيل
حجت و هي عصبية
علياء : احجييي عدددددل
ادبسززز طايحة الحظ انا اعلمج
نترت شعري من ايدها
عافتني و طلعت من الغرفة
ثاني طلعني ابوي يجرجر بيه
جابو شاهدين و زوجونا بـ المحكمه
بدون لا عرس و بدون لا احد يعرف
كل شي سريع بحيث ما جاي استوعب !
طلعت من المحكمه دحگت لـ الشرطة
درت بـ وجهي مشيت بسرعه
ردت احجي لـ احد حتى لو ارد بس رقم مُلاذ !
جرني ابوي من ايدي طلعني كدامه
-كلمة وحدة اذا حجيتي
ادخل اهلي و احجيلهم عن مكسورتج
وكتها بس هم يعرفون يتصرفون وياج
بلعت ريكي و الدموع بـ عيني
عشيرتهم تزوج البنية لـ واحد بـ الاماكن البعيدة
و يزوجون لـ زلم كبار ، شياب الا شوية
ما يسمعون من البنية و لا يهتمون لـ كلامها
اجا المسمى زوجي اخذني و حاجا ابوي
صافنه و واكفه ، دموعي تنزل ، گلبي ممرود
جر ايدي ابوي صعدني بـ السيارة
وشه قوية بـ اذاني تمنعني من سماع كلمات ابوي
حتى الفصليه ما يزوجونها بـ هالطريقة
ايديه و كل جسمي يرجف
دحگتله بسرعه ، عيوني كلها دموع
يدحگلي بـ نظرات قذرة مردتني من القهر
شديت ايدي على ملابسي
گوه اجر النفس و دموعي تنزل
عالك اغاني و يركص !
منين لگاني هذا و ليش ماكو احد وياه ؟؟
صفنت ادحگله بـ لحظة اتذكرت منو هذا !
شكله مألوف الي و شايفته من قبل
ابن صديقة امي ! جانت تجينا دائماً
تجيب ابنها وياها
امه اكثر انسانه قليلة احترام و تلعب النفس!
كل كلامها عن الزلم جانت تگول البنية معيوبه
لمن جنت صغيرة اسمع احاديثها هي و امي
ابنها يجي وياها أو يوصلها يمنا و يروح
لان هو ابنها الوحيد ، ابوي ما يعرفة
لمن خاطبني گايللهم شايفني اروح للـ مدرسة
ربطت كل شي بـ عقلي
بلا شك امي اتصلت بيها
حجت الها و اتفقن يخطبوني لـ ابنها
و رهمن قصة من يمهن !
مستحييييل اكو غير تفسير
وصلنا لـ بيته ، نزل هو من السيارة
بقيت كاعدة بـ مكاني و ارجف
وكف صافن يريدني انزل
قفلت باب السيارة بسرعه من يمي
گمت ادور على تلفون ما لگيت
فزيت و انا ابجي لمن فتح بابه
نسيت اقفل الباب مالته قفلت بس بابي
كرفصت و هو يمد نفسه يريد يطلعني
نور : حباب عوفنننني الله يخليك عوفني
جر ايدي حيل و هو يغلط و يسب بيه
نزلني من السيارة ، گمت اصرخ و ابجي
سد حلكي بـ ايدة دخلني لـ داخل البيت
اول ما فلتني من ايده ركضت بـ البيت
اريد اشرد من عنده ما اريده
ركض وراي لزمني بجيت ، توسلت
جرني لـ الغرفة غصب عني
نور : الله يخليك الله يخليك
عوفننني انا مجبووورة قبلت الله يخليك
صرخت لمن ضربني راشدي
و صار يفشر و يغلط
- امج الخااابرت امي
و گلتلها انخطبج عليييش ما قابلة بعد !
غصباً عنج تتحملين الي يصير
دفعني طحت ع الفراش
كرفصت نفسي كعدت بـ الزوية
اتقدم عليه و انا ادفع بي و ابجي
صار كل شي غصب عني
فرفحت روحي ، نزفت جروحي
اتخيلته اركان و اتذكر مو هوه
كرهت نفسي اركان صاير كدام عيني
و بلا قصد اتخيلة فجأه اتذكره
و هو ما يدري بيه وين ، گلبي يوجعني
تركني و تمدد بـ مكانه
دموعي تنزل ، جسمي يرجف
راسي ينهش بي صداع قووي
ما كدرت حتى اگوم و ابتعد عن هالفراش
يلي صار گبر الي
ظليت صافنه و دموعي تتسلل من عيني
تنزل على المخده مكرفصة و لامه روحي
ما مستوعبة حتى الجاي يصير بيه
اركان خطبني ، ابوي ضربني ، امي حرضته
اسكندر عرف ضربني ، جبروني على الزواج
و الي نايم يمي هسه اغتصبني ...
شكد انظلمت ! و انا ما مسوية اي ذنب
انزرع بـ گلبي حقد و كرهه بس الله يعلم بي
الشخص الوحيد الاعرفة ينقذني منا هي مُلاذ
محد يكدرلها و ابوي خصوصاً ما يعرف يجابهها
صفنت ، بعديش اروح و اطلب المساعدة؟
جنت اريد مساعدتها حتى لا اتضرر و اتاذى
و هسه انهاريت ، اتدمرت دمار !
بـ هالاثناء و انا افكر ، خليت ايدي على بطني
رفعت نفسي عن الفراش بـ صعوبة
فقدت الوعي ، ما اعرف شصار بيه!
فتحت عيوني ، رموشي متلاصقة
درت بـ وجهي ادحك لكيت معلكيلي مغذي
دحگت لـ الفراش متغير
انفتح الباب دخلت بنية عكدت حواجبي
كمت بسرعة كرفصت نفسي بـ الزوية
نور : منو انتِ؟؟
طكت بـ علجها ، اتقدمت كعدت كدامي
على وجهها شامه و جارة الكحله بـ عيونها
حُمرة احمر غامق على شفايفها
مدت ايدها الي و گالت و هي تضحك بـ غنج
- اعرفج عليه اخت زوجج ههههه
اسمي سُكر
دحگت لـ ايدها ، رجعت دحگتلها
گولبت عيونها گامت و هي تطك بـ علجها
و كعبها يطكطك ع الگاع
وكفت كدام المراية نثرت شعرها
رشت من العطر الي على الميز
سُكر : ضايجه لان ما سوينالج عرس؟
عادي ضوجي ههههههه
عكدت حواجبي ادحك بـ وجهها
ملامحها مثل ملامح اخوها مال خبيثين
سُكر : سقراط ميحب الاعراس
عاد لو شفتي زواجة الاول ههههههه
زين انتِ صعدتي بـ سيارته
بـ عرسه الاول اتزوج شيخ و محكمه ما اتزوج
دحگت بـ وجهها مصدومة
زواجه الاول ؟؟
نور : متزوج قبلي؟
سُكر : شوف هاي متزوجين ثنين حبي
و انتِ الثالثة و الرابعه بـ الطريق
ما يهمني ! عسى ما يتزوج عشرة
رفعت عيني دحگتلها ، اعرف ما رح تقبل
بس اجرب حظي
نور : الله يخليييج ساعديني
انا انجبرت على هذا الزواج ساعدينييي
انتِ بنية و لازم تحسين بيه و بـ حالي
ترضين يحطوج بـ نفس الموقف الانحطيت بي؟؟
ها ؟ يزوجونج غصب ، يضربوج ، يطلعون روحج؟
سُكر : حبيبتي شتحجين ؟ هههههه
متزوجة واحد عمره 40 سنه و انا عمري 25
بس اهم شي الـ many
سوت بـ ايدها حركة الفلوس
و فوكاها فرحانه!!!
لعبت نفسي بيا مستنقع دخلت
سُكر : سقراط گلي اشوفج شبيج
ترا لا تتموعين يمه ما انصحج
يخليج بـ فراشج و لا يوديج طبيب و لا صخام
عود لان انتِ البارحة كلش متخربطة جابني يمج
نور : اخووج حيوان
سُكر : لا يسمعج يراويج الحيوان الاصلي
نور : على اساس ما شفته
ضحكت هزت بـ ايدها
يلي لازمه بيها حمره
سُكر : ما شفتي شي بعدج
رايحة اسوي لـ روحي گهوه
عافتني و طلعت من الغرفة
صفنت دورت بـ عيوني
شلعت المغذي من الكانونه سديتها
گمت بسرعه ، كشولت ملامحي بـ وجع
لملمت نفسي ، لزمت بـ بطني و مشيت
جريت شالي من الگاع خليته على راسي
لويت مقبض الباب متمنية ينفتح
فعلاً انفتح طلعت مناك بسرعه مثل طير حُر
وكفت اتلفت ما ادري وين اروح
ركضت بـ اتجاهه السيارات
اشوف الناس تتلتفت ، يدحگولي بـ استغراب
وكفت تكسي صعدت بسرعة
صفنت ما اعرف وين اروح!
اذا اروح لـ اهلي يرجعوني لـ سقراط
و الاختيار الاول و الاخير كان مُلاذ
گلت المنطقة لـ ابو التكسي
بعيده كلش عنا ، ظلينا بـ الطريق و لـ فترة طويلة
خفت لزمت بـ عبايتي ضغطت عليها حيل
احاول اسيطر على رجفة جسمي
وصلنا لـ المنطقة يلي بيها مُلاذ
ظليت ادور على بيتها لحد ما لگيته
بعدنا بـ بداية الفرع اريد اوصل لـ بيتها
عرضت سيارة كدامنا وسعت عيوني مصدومة
داس بريك ابو التكسي بسرعة
انضرب ظهري حيل بـ الكشن
اتجولت عيوني بـ وجهه اسكندر و ابوي
يلي نزلوا من السيارة
فتحت باب التكسي ، نزلت اركض
ركضت بـ اتجاهه معاكس الهم
رجلية و بطني توجعني گوه اركض
انجريت من ايدي كمت اصرخ و ابجي
دحگتله اسكندر
نور : عووووفني الله يخليك عوفننني
بجيت بـ حرگه سد حلگي بـ ايده
و انا احاول اطلع من بين ايديهم
جروني لـ السيارة و صعدوني
قفلوا البيبان عليه
راح اسكندر يحاجي سايق التكسي
خليت ايديه ع الشباك المسدود
بجيت جسمي يهتز ، الغصة بـ بلعومي
جرت دموعي على خدي ، امتلت عيوني من جديد
طلع فلوس اسكندر انطاهن لـ سايق التكسي
و ابوي يحجي وياه ، دكيت الشباك اتوسل
صعدوا بـ السيارة ابجي و اتوسل بيهم
التفتت الي اسكندر ضرب راسي بـ ايدة
انركع بـ الشباك ، ابوي يشتم بيه
ظليت الطريق كله دموعي تجري و اتوسل
و همَ يغلطون عليه لان شردت
دحگت لـ الطريق خليت ايدي ع الباب فتحتها
تمنيت تنفتح اشمر روحي من السيارة و اخلص
بس طلعوا بعدهم قافليها
لمن وصلنا نزلوني يجرون بيه
انهاريت بـ البجي ، سقراط موجود
اتعارك وياهم لان انا شردت
و هم اقترحوا عليه يحبسني حتى ما اشرد...
گلبي انفطر ما معقوله ذولة اهلي
ما اكدر استوعب عندي هيج اب و اخ !
حرگوها لـ روحي حرك ، دمروني
بعد ما راحوا ، اجاني الضيم الثاني سقراط
حبسني ، ضربني ، سوه كل شي غصب عني
بعد اسبوع من هالگعده
استوعبت مالي مفر منا بس ما راح ابطل محاولة
لطف رب العالمين
رح يصب عليه بـ اي لحظة من اللحظات
دفعت سقراط يلي حاضنني و نايم
كأنما شيئاً لم يكن !
جريت جنطتي يلي بـ الزاوية محطوطة
جايبها ابوي لـ هنا ما كلفو نفسهم
حتى يرجعوني لـ البيت و يخلوني الم غراضي
لمن شفت ملابسي مشمره بـ الجنطة
عرفت امي يلي لامتهم
جريت الملابس الكدامي ، دخلت لـ الحمام اسبح
بقيت هواي صافنه ، عقلي احسه متخدر
جاي احس نفسي بـ كابوس و ما جاي اصحى!
خلصت سبح طلعت من الحمام
دخلت الغرفة لعبانه نفسي من كل شي
اخذت المخده ، رحت تمددت بـ الگاع
بلا غطى و لا حتى اكو دوشك
يكفي ما اكون يم هالانسان
يلي حرام ينگال عنه انسان !
گمت كعدت على حيلي صفنت
كعدت ادعي رب العالمين يخلصني منا
رحت اتوضيت ، رجعت لـ الغرفة
لبست عبايتي و الشال مالتي
ما اعرف وين القبلة بس عسى و لعل
رب العالمين يتقبل صلاة عبدته مظلومة
صليت و ظليت ادعي الليل كله
و اسبح بـ اصابيعي
گمت وصليت صلاة
نويتها لـ الامام المهدي (عجل الله فرجه)
دعيت اخلص منا ، و رب العالمين اعلم بـ حالي
رحت اتمددت و نمت
فتحت عيوني الصبح مكرفصة و بردانه
دحگت لـ سقراط واكف فوك راسي يدغني بـ رجله
-كومي سويلي ريوك
نور : سوي لـ روحك
- عاجبج تنكتلين من الصبح
نور : ما يهمني
درت وجهي رجعت راسي ع المخدة ، غمضت
حسيت عليه جر شعر بـ ايده عصر فكي
-جري عدل
دفعته عني ، كمت من مكاني
نور : گلتللللك ما اريدددك انغصبت ع الزواج هذا
ما عندك احسااااس انت
ماكو داعي اگول شنو سوه لان صار شي روتيني
الضرب و الاهاين و الشتم اتعودت
و ما بطلت ادور على مهرب منا مستحيل ابقى
بعد شهر و نص
اجت ام سقراط يمنا بـ الليل ذبها ابنها يمنا
انتقدت كل شي بـ المعنى الحرفي
و حسب ما عرفت هي متزوجة ثنين
گلتلها ما راضية بـ ابنها ، قابلتني بـ كلمة ...
- شهالصلافة و قلة الادب !
فوك ما زوجتج ابني الف وحدة غيرج اكو
ما رديت امج لان گالت رح يموتوج اهلج
تهي بهي هاي بدال ما تشكرني بعدها تحجي
ستر عليج ابني
نور : انا ما سويت شي
و كل الحجته امي الج كذب بـ كذب
- شكددد ادبسز و طايحة حظ
اذا تگولين عن امج جذابه
نور : تضوجون من الحقيقة
بقت تحجي عليه ما عاجبها و تهز بـ ايدها
سويت عشى الها ، رغم انا ما اسوي اي شي
لان اريد اخلي سقراط صبرة ينفذ و يطلكني
بس ما يفيد متزوج ثنين يروح و ياكل يمهن
صار هو يعاند و انا اعاند
خلصت ام سقراط العشا
گامت تغسل ، طاح نظري على جنطتها
دحگت وراها ، ركضت لـ الجنطة
فتحتها بسرعة ، دحگت لـ التلفون
لگيته بلا رمز ، اخذته و ركضت لـ الغرفة
سديت الباب عليه رحت لـ نهاية الغرفة
ايدية ترجف كتبت رقم مُلاذ حافظته
و حافظة رقم عمتي
لان نفس الرقم بس نهايته تختلف
ضغطت اتصال خليت التلفون على اذني
ظل يرن يرن هواي و بـ گلبي ادعي تجاوب
جسمي كل ذرة بي ترجف
اسمع صوت عمتي تصيحني
فجأه اجاني صوت مُلاذ
مُلاذ : الو؟
بقيت ساكته ما جاوبت
رجعت كررت مرتين ، گالت بـ تساؤل
مُلاذ : منو؟
صوتي انكتم و دموعي تنزل
اريد احجي بدون لا يطلع صوتي بجيي
او يعلى صوتي خاف عمتي تسمع
مُلاذ : الو؟
- مُلاذ
مُلاذ : نورر؟ الو نور وياي؟
نور : اي
ناشغت و بجيت ، كممت حلگي
مُلاذ : نور شصاير شبييج؟؟؟
نور : مُلاذ الحگيني ساعديني الله يخليج
مُلاذ : شكووو فهميني !
شبيج نور اسكندر سوالج شي ؟؟
نور : مُلاذ انا مو بـ بيت اهلي
مُلاذ : لعد وين ؟؟
رجف صوتي رجعت بجيت
ما اكدر اسكت و الزم روحي
نور : انا بـ بيت زوجي !
اختفى صوتها
كملت كلامي بـ صوت يرجف
نور : زوجوني من شهر
بدون علم احد جبروني على هذا الزواج
مُلاذ اخذت التلفون بدون ما يدري
ساعديني الله يخليج ابوس ايدج ساعديني
رح يموتني رح يكتلني بـ مكاني
مُلاذ : شنوووو نور شجاي تحجييين؟؟
نور : ساعديني مُلاذ
اذا عرفوا اتصلت بيج يموتوني
مُلاذ : وييين انتِ؟؟
نور : ما اعرف ما اعرف بيا منطقة انا
بس اهلي اسكندر و ابوي يعرفون
مُلاذ : دقيقة نور دقيقة
ظلي ع الاتصال وياي
نور : عمتي جاي تصيحني مُلاذ
اذا لگت التلفون بـ ايدي تگول لـ سقراط
مُلاذ : شوفي ضمي ضمي و شوفيها شتريد
و ارجعي حاجيني لا تبعدين التلفون عنج ابد
بلعت ريگي
نور : تمام ، تمام بس اشوفها و اجيج
مُلاذ : تمام
ضميت التلفون ، طلعت بسرعة من الغرفة
رحت لـ عمتي شفتها جاية بـ اتجاهي
- ويييينج انتِ ؟
نور : جنت بـ الغرفة
-صارلي ساعة اصيحج
نور : ما سمعت
-سقراط اجا رح ياخذني
اريد عباتي انطينياها
نور : تمام
احجي و صوتي يرجف خاف تلگفني
طلع سقراط من المطبخ دحگلي
رحت لـ الغرفة اخذت عبايتها
انداريت لگيت سقراط وراي ، شهكت مخترعة
عكد حواجبة مستغرب
سقراط : من ارجع الگاج متحضره
دحگت بـ وجهه هزيت راسي بـ قبول
ازدادت العقدة يلي بين حواجبة
مستغرب مني شلون قبلت ، كل مره ارفض
و رغم رفضي هم ما يعوفني
عافني و طلع رحت وراه
عاط بـ امه لان طالع جسمها من العباية
سدت عبايتها و هي تدردم و طلعوا ثنينهم
قبل لا اوصل يم الباب ، قفلها عليه
هرولت لـ الغرفة حاجيت مُلاذ
نور : الووو مُلاذ الو
مُلاذ : هاا نور شصارر؟
حجيت الها
ظلت تگلي ابقى فاتحه الاتصال
مُلاذ : نور عيدي كلامج عيدي الگلتي
نور : اسكندر و ابوي زوجوني غصب عني
ما سمحوا لا لـ عمتي و لا لـ عزيز يحجون
ساعديني مُلاذ الله يخليج انا بـ مكان ما اعرفة
سقراط زوجي ابن صديقة امي هم يعرفون مكاني
مُلاذ : تمام ظلي ع الاتصال وياي
ظلت تحجيلي شنو لازم اسوي
رفعت عيني لمن انفتحت الباب رجف كل جسمي
دحگت لـ سقراط يلي دخل و وراه امه
و التلفون بـ ايدي نزلته من اذاني
بلعت ريگي بـ خوف ...
مُلاذ :-
من بعد ما اتصلت بيه نور
گالت عمتها تصيحها ، دخلت لـ يم اهلي
گلت لـ امي يكومون بسرعة ارجعهم لـ البيت
لازم اروح لـ ضرغام حتى نشوف حل لـ نور
ما تعرف هي بيا منطقة و لا مستوعبة الگالته
بس ما اكدر اظل اسألها لازم اتصرف
گلت لـ امي لازم نطلع
ما ردت احجي شي و اخوفها
بس گالت قراية و ما تكدر تطلع
مُلاذ : تظلوون هنا
و اودي الكم الحارس بعدين؟
فيروز : تمام انتِ روحي
بس نخلص انا اخابر لـ الحارس عندي رقمة
قراية و ما اكدر اطلع و خلي تلفونج مفتوح
مُلاذ : تمام
اخذت تلفونها طلعت لـ برا اتصلت بـ ضرغام
لان تلفوني فاتحه اتصال وي نور
جاوب عليه گلتله الصاير
ضرغام : تمام رح اطلع انا لـ المركز
مُلاذ : جاية وراك
سديت الاتصال منه
گلت لـ نور تعيد كلامها سجلته بـ تلفون امي
دزيت التسجيل لـ تلفوني انطيت التلفون لـ امي
خليت التلفون على اذاني
گلت لـ نور تظل ع الاتصال
ركضت صعدت بـ سيارتي
دقايق و انا احجي و افهمها شتسوي
سمعت صوتها تصيح بـ الاتصال
نور : مُلااااااذ ، عووووفني
انسد الاتصال ، وسعت عيوني مصدومة
نزلت التلفون رجعت اتصل عليها ماكو جواب
اتخبلت ادك و ماكو ، الرقم صار مغلق
وصلت لـ المركز نزلت بسرعة رحت لـ ضرغام
شغلنا التسجيل الصوتي
مُلاذ : جنت اريد احدد موقعها
بس ما لحگت نهاية الاتصال كامت تصيح
و انغلق الاتصال ، الله ياخذك اسكندر
غطيت وجهي
مُلاذ : دمروا البنية الله ياخذهم
ضرغام : لازم نتصرف مُلاذ
خلا ايديه على وجهه بـ حيرة
اتصلت الف مره ع الرقم بس ماكو جواب
اتصلت على عزيز و على عمتي هم ماكو جواب
مُلاذ : ما نكدر نداهم بيتهم بلا اذن
ضرغام : اعرف اعرف
بس خل نحاجي العميدد
طلعنا بسرعة من مكتب ضرغام
دخلنا لـ العميد دك اله ضرغام تحية
سولفنا اله كل الي صار و احنا نحجي
دك تلفوني ، ابتعدت عنهم
خابرتني امي تسأل عليه ، گلتلها الصاير
حتى اذا تاخرت تدري عندي شغل
ظلت مصدومة و تسأل شوكت زوجوا نور
گلتلها بعدين احجي الها كل شي
سديت الاتصال رجعت الهم
العميد : بس احنا بـ هالحالة
ما نكدر نلقي القبض عليهم
لان هم زوجوها و هي بالغة اولاً
ثانياً هذا الشي خاص بيهم
مُلاذ : سيدي نور مجبورة على هذا الزواج
تمام زوجوها بدون ما يعرف احد
و هذا الشي ما يتعاقبون عليه يمكن
بس انت سمعت شلون تريد تتخلص من زوجها
يمكن جاي ياذيها !
مُلاذ : سيدي بس نريد اذن
ندخل بي لـ بيت عمي
بالاضافة الى ابن عمي عزيز و عمتي منارس مختفين اتصل بيهم ما يجاوبون
و نور بـ نفسها ذكرت هذا الشي و هم معارضين
يمكن اهل نور سووا الهم شي !
وكف العميد يفكر و ضرغام يحاجي
كل ثانية جاي نخسرها صواخ نور بـ الاخير
كان ما يطمن ابددد
العميد : خل نطلع
طلعنا من كل المركز ، العميد صاح لـ كم شرطي
اتوجهنا لـ بيت اسكندر و اهله
اتصلت على عمتي و عزيز ما يجاوبون
اصلاً خطهم مغلق
عقلي گام يطلع منه دخان شنو من بشر ذولة
وصلت لـ بيتهم ، نزلت بسرعة
نزلوا وراي ضرغام و العميد
اتقدمت على باب بيتهم هجمتها هجم بـ الدك
سمعت ابو اسكندر يصيح
-اجيييت
مُلاذ : و خفى لـ هالصوت
اول ما فتح الباب صرت بـ وجهه
بحلق عيونه عليه خزرته و اتقدمت
مُلاذ : نور وين ؟؟
- ها ... هلا بوية نور مو هنا
مُلاذ : وين؟
- خالتها خابرت لـ امها
گلتلها خل تجي نور يمنا كم يوم
مُلاذ : ها حلو يعني هسه هي يم خالتها؟
-اي ليش رايدة شي ؟
ضرغام شيسوي وياج؟
مُلاذ : نوووور ويييين؟
على اثر صوتي
دحگت لـ اسكندر يلي طلع من البيت
احمد : شو تصيحين بويه؟
گلتلج يم خالتها
رفعت تلفوني طلعت صوتها
و هي تحجي وسعوا عيونهم مصدومين
دخلوا العميد و الشرطة الباقين
خزرهم العميد و گال بـ حدة
العميد : اتفضلوا ويانا لـ المركز
ظلوا واحد يدحك بـ وجهه الثاني
و اسكندر يحاول يفهم العميد
العميد : امشي اسكندر تفهمني بـ المركز
طلعوهم من البيت صعدوهم بـ سيارة الشرطة
دخلت انا بسرعة لـ البيت شفت علياء كدامي
فتحت بيبان الغرف و هي تركض وراي
مُلاذ : عزيزززززز ، عممممه
دخل ضرغام وراي ما لگينا اي احد
بس همَ الثلاثة بـ البيت ، انداريت الها
مُلاذ : عزيز و عمتي وييين؟
علياء : طالعين
مُلاذ : ويييين طالعييين
علياااااء احجي لا احطج جوه رجلي و ادوسج انتِ مو ماااااال احترام مصختيهاااا كلش
علياء : احتررررمي نفسج
مُلاذ : احترم نفسي مو؟
انتظريني راجعتلج
عفتها و طلعت لحگني ضرغام
صعدنا بـ السيارات
طلعت سيارة الشرطة كدامنا
اتبعناهم و رحنا لـ المركز
نزلوهم كدامنا مشيت وراهم
التفت الي ضرغام
ضرغام : العميد يگول اخذهم لـ غرفتي افضل
يعني ما ندخلهم لـ غرفة تحقيق
هزيت راسي بـ قبول
مُلاذ : بـ اي مكان بس خل نعرف مكان نور
اخذوا اسكندر و ابوه لـ غرفة ضرغام
دخلوهم ، دخلنا وراهم اتقدم العميد
كعد ع الكرسي مال ضرغام
قدم ظهره شبك ايديه بـ بعضهم
العميد : اختك وين؟
اسكندر : بـ بيت زوجها
العميد : وين بيت زوجها؟
اسكندر : ليش سيدي ؟
العميد : انت تدري ممكن زوجها يعذبها هسه؟
لو ما ماذيها جان ما اتصلت بـ بت عمك
اسكندر : هذا الشي بينهم
العميد : اسكندر لسا احجي وياك بـ هدوء
لان انت ضابط عندي و محترمك
بس اذا انداس على ذرة الصبر العندي
انزع بيريتي و ملابس الضابط
و اتفاهم وياك بـ غير شكل
العميد : انا عندي بنيتين و امهن ميته
و گلبي يفز عليهن اذا الهوا خنگهن
انت شلون تزوج اختك
و اگلك رجلها يمكن ياذيها بس قابل وساكت !
اسكندر : سيدددي غير هي قبلت بي
ضرب العميد على الميز
كز على اسنانه گال بـ غضب
العميد : اسكندر لا تستغبيييني !
بـ عظمة لسااانها گالت انجبرت تتزوج
هسه احجي وين اختتتتك؟
حك راسه اسكندر دحك لـ ابوه
هز راسه ابوه ساكت گال اسكندر عنوانهم
مُلاذ : عمتتتي و عزيز وين؟
اسكندر : ما ندري
مُلاذ : اسكندددددر
العميد : ست مُلاذ
مُلاذ : العفو سيدي
بس عمتي و نفسها عمته و اخوه مختفين ثنينهم
و بس هذوله الاثنين منكر و نكير يعرفون مكانهم
العميد : وين عمتك و اخوك؟
اسكندر : ما اعرف
العميد : اسكندر اذبكم هسه ثنينكم بـ الحبس
و اشوف منووو يطلعكم احجي وينهم
احمد : بـ البيت الامي مسجلته بـ اسمي
مُلاذ : وين البيت المسجلته بيبي بـ اسمك؟؟
احمد : بـ منطقة ####
عفتهم و طلعت بسرعة
كام العميد صاح لـ الشرطة
امرهم يخلون اسكندر و ابوه بـ الحبس
عفتهم و طلعت ، رحنا انا و ضرغام
و الشرطة لـ عنوان بيت نور الطريق طويل
هواي مسافة بيناتنا
على ما وصلت روحي طلعت
مكان محفر و مدري شلونه
معزول عن البيوت ، عضيت اصبعي حيل متنرفزه
لو ما العميد جان ما عرفنا اي شي عنهم
الدنيا نص الليل گوه اشوف
وصف النا احمد البيت و شكلة
صفيت سيارتي و وكفت
نزل ضرغام من سيارته
ضرغام : هذا البيت؟
مُلاذ : ما اعرف مطابق لـ وصفهم
ضرغام : خل ندخل و نشوف
التفت اشر لـ الشرطة
مُلاذ : العميد وين؟؟
ضرغام : راح لـ عمتج و ابن عمج
مُلاذ : الله ياخذهم حيوانات مو بشر
ضرغام : هدي بالج ، امشينا ندخل
اتقدموا الشرطة بسرعة
كسروا الباب دخلنا لـ جوا
ضرغام : سلاحج وياج؟؟
مُلاذ : اي
فتحت جنطتي طلعت منها السلاح
سحبت اقسام ، دخلنا لـ داخل البيت بسرعة
ورا الشرطة يلي دخلوا قبلنا بـ أمر من ضرغام
دخلوا يركضون و يدورون بـ البيت
فتحت بيبان الغرف ادور على نور و اصيح اسمها
ما الها اي اثر دخلت لـ وحدة من الغرف
دحگت تلفون مشمور بـ الگاع مطحون طحن
و الغرفة هوسه و بيها غراض مكسرة !
مُلاذ : عرررف عرررف بيها اتصلت
ظلينا ندورلها اثر ، دحگت لـ دم ع الگاع
اتبعته خطواتي منقطع لحد باب المطبخ
اروح و ارجع خليت ايدي على وجهي
عصرت كصتي حيل عفتهم و طلعت
صعدت سيارتي بانزيني قليل
رحت خليت بانزين بسرعة و رجعت لـ بيت عمي
نزلت دكيت الباب نزل ضرغام من السيارة الوراي
ظلينا ندكها هوووواي و محد يفتح الباب
مُلاذ : اكسر الباب ضرغام
ضرغام : مُلاذ
مُلاذ : اكسر الباب
دفر الباب مرتين كسرة
دخلنا لـ البيت دحگت لـ علياء
الواكفه بـ الطرمة مخروعه
مُلاذ : گلتييييلهم مووو؟
گلتيلهم احنا رايحين الهم
علياء : المن ؟ ماگلت شي انا لـ احد
كزيت على اسناني : علياااااء
ظلت تدحك بـ وجهي
اتقربت عليها اكثر : نوووور وين؟
علياء : تردييين تخربين بيتهاا
تظل دايحه شلون ما هسه انتِ دايحة
مُلاذ : شوفي ما اگول اكبر مني
احطج و اخنكج هسه و طبج زحير
هواي احترمتج بس انتِ مو مال احترام
احجي نور ويييين ؟
علياء : ما اعرف يم زوجها
فارت اعصابي صيحت بـ وجهها معصبه
مُلاذ : انتِ ماااااا عندج احساااااس
بتج هااي مو غريبة مو من الشارع بتج
اول وحدة تركض الج و تخاف عليج
مُلاذ : انتوا شنو من مله ويييين كاعدين؟؟؟
تزوجوها اجباري و بدون ما احد يدري
و تودون عمتي و عزيز لـ اخر الدنيا
ضرغام : اهدئي مُلاذ
الجيران اتجمعوا على صوتج
مُلاذ : خلللل يتجمعوون خل يشوفون العااالم
هاي شنو من بشر شنو من ام ؟؟؟
النسوان دخلن يهدن بيه
و انا صوتي صار مبحوح كد ما عيطت
حرگت اعصابي ما تقبل تگول مكان بتها
اگللها الزوجتوها اله ماذيها ما تحجي
التفتت على صوت جسار
- مُلاذ
مُلاذ : جسار ؟
جسار : مُلاذ شكووو شصايرر؟
مُلاذ : نور ماكو جسار
جسار : اعرف خابرتني امج
جاي تتصل عليج و ما تجاوبين
شكو شبيها نور ؟؟
مُلاذ : عائلتها الموقرة المحترمة
يلي ماكو منهم مزوجيها غصب
و باعدين عمتي و عزيززز عنها !
و بدون ما احد يدررري لو يسمع
فزز عيونه جسار مصدوم
يدحك بـ وجوهنا ما مفتهم
مُلاذ : بس علياااء تعرف مكانها
و بعدهاااا ما جاي تحجي
حال جسار ما يختلف عن حالي
مصدوم شكو و ليش زوجوا نوور ؟؟
شوكت زوجوها اصلاً
بـ مجرد اقترب جسار من علياء و خزرها
جسار : تحجين لو تعرفين شيصير؟
دحگت بـ وجهه خايفة
و بسرعة هزت راسها بـ رفض
- و الله ما اعرف
مُلاذ : امشي جيبي تلفونج
دحگتلي بـ استغراب
مُلاذ : امشششي جيبي تلفونج
دخلت هي لـ داخل البيت
دخلنا وراها ، راحت اخذت تلفونها
مُلاذ : اتصلي على ام زوج نور
علياء : ما عندي رقمها
جريتها من فكها بـ ايدي
مُلاذ : علياااااء ام زوج نور تصير صديقتج
خابريها لا اخنكج بـ مكانج و محد يخلصج مني
خاف عبالج انا مثل نور و فطيرة و فقيره
لا عندي عيب و لا مستحى امسح بيج الگاع
نترت وجهها من ايدي
خابرت على ام زوج نور
مُلاذ : گليلها وين اخذتوا نور ؟
انفتح الاتصال سكتت
فتحت حاكية
-هااا خيه
علياء : ها ام سقراط
ردت اسئلج اخذتوا نور لا؟
- اي همزين گلتي النا
سقراط يگول الشرطة مداهمين البيت
عزه العزاها هاي بتج شكد حيه
جريت التلفون سديت المايك
مُلاذ : گليلها وين وديتوها
و ايالج و بالج تلمحين الها
فتحت المايك انطيت التلفون لـ علياء
علياء : وين وديتوها؟
- هاي يمنا حبسها سقراط فوك
علياء : اي
شاورت علياء
مُلاذ : العنوان بسرررعه
علياء : انتوا بيتكم بـ الـ #### مو؟
-اي شمالج نسيتي ؟
علياء : اي نسيت
جريت التلفون سديت الاتصال
خليت التلفون بـ الجنطة
مُلاذ : جسار شوف
اذا اكو تلفونات ثانية بـ البيت
هز راسه راح يدور
كم دقيقة اجاني مطلع ٣ تلفونات
اخذتهن ادحگلهن
تلفون عمتي ، تلفون نور ، تلفون عزيز
اذا ابقى شوية احط علياء و اخنگها
طلعنا من البيت رحنا لـ العنوان الگالوا عنه
دحگت لـ الساعة عبرت الـ ١٢ بـ الليل
لمن دخلنا لـ منطقتهم ظلينا نسأل
على بيت ام سقراط طلعت معروفة بـ المنطقة
لحد ما وصلنا و نزلت
دگينا الباب رجعنا دگيناها اكثر من مرة
لحد ما اجانا صوت رجال
-منو ؟
ظلينا ساكتين فتح الباب ، دحگناله
مُلاذ : سقراط؟
سقراط : اي ؟
جفت عليه جسار ضربة كَله
صارت هوسه انهال عليه جسار بـ الضرب
عفتهم دخلت اركض لـ داخل البيت
طلعت بـ وجهي مره شعرها اشكر محروك
-منوووو انتِ؟؟
مُلاذ : نووور وين؟؟؟
وسعت عيونها مصدومة
دخلت اركض بـ داخل البيت اصيح بـ اسم نور
لحد ما سمعت صياح من الطابق الثاني
جرتني المره الواكفة وراي ما تخليني اصعد
كفختها راشدي بـ كفى ايدي
نترت ايدي منها و صعدت اركض
انداريت لـ جسار الي يصيح معصب
ضرغام واكف يهدي بي الشرطة لازمين سقراط
وصلت لـ الطابق الثاني اتلفتت
دحگت لـ واحد من البيبان
مُلاذ : نووووووور
سمعت دكت الباب من داخل الغرفة
صوت نور و هي تصيح بـ اسمي
التفتت لـ جسار الي صعد يركض
لويت مقبض الباب ما يفتح
طلعت سلاحي من جنطتي
مُلاذ : نورر وخري من ورا الباب
اختفى صوتها
مُلاذ : وخرتي ؟؟؟
نور : ايي وخرت
سحبت اقسام ، ضربت الباب رصاصة
انفتح الباب دخلت لـ نور اركض
شفتها كاعدة بـ الگاع ترجف و تبجي
جريتها لـ حضني امسح على ظهرها و اهديها
دحگت لـ وجهها كله كدمات و خشمها ينزف
لميتها اكثر دخلوا الشرطة
غطيتها عنهم لان ما لابسة شال
دخل جسار يركض ، كنبص يمنا
جسار : نورر نور دحگيلي
مُلاذ : ما لابسة شال جسار
هز راسة بـ قبول
ابتعدوا و طلعوا جريت شالها من الجرباية
غطيت شعرها رفعت وجهها الي
تبجي و جسمها يهتز
مُلاذ : اشش اهدي
مسحت على وجهها
تبجي و ترجف
نور : خلصيني منا مُلاذ
لزمت بـ ملابسي
ضغطت حيل بـ ايديها عليهن
تتغصغص روحها رايحة
صحت لـ جسار ، دخل رفعناها من الگاع
طلعنا بيها نركض ، اخذوا الشرطة سقراط
و انا حيلي مهدود عليها
روحها رايحة و تعبانه انقهرت گلبي انفطر
اتصلت بـ امي گلتلها جايبة نور و جاية
هديتها اشتريت الها مي
جسار متخبل يسأل شلون زوجوها
كام يصيح لان ما گلتله
مُلاذ : جسااااار اسكت مو وكتك
جسار : شنو المو وكتي
ياااابه تعالوا ذولة يردون يصخمووون وجهي
بعيدين عنها احنا؟؟؟ تعرفنا شنو
و تعرف ما نخليها يمهم دقيقة
مُلاذ : انتتت سمعتهااا شگالت لو لا؟؟؟
سمعتها گالت حبسوني و اخذوا تلفوني
و ما مخلين عمتي تتصل بينا
مو وكت هالحجي هسه البنية متدمررره!
سكت جسار يزفر انفاسة بـ غضب
على ما وصلنا لـ البيت كدرت اهديها
نزلت استقبلتها امي ذبت روحها بـ حضنها تبجي
اتصلت بـ ضرغام سألته عن عمتي و عزيز
گال العميد طلعهم مناك و رح يجيبوهم لـ بيتنا
مُلاذ : تمام انتظرهم
سديت الاتصال منه
امي رادت تحاجي نور
گلتلها خل تفوت تسبح و ترتاح
بعدين نحاجيها و نفهم شبيها
انطيتها ملابس مني
سألتها اذا تريد ادخل اساعدها
هزت راسها بـ رفض دخلت وحدها
كعدنا انا و امي وحدة تدحك بـ وجهه الثانيه
اندكت باب البيت
لا ارادياً جريت الشال و العباية لبستهم
ارتاحيت بيهم اكثر ، طلعت افتح الباب
دحگت لـ ضرغام وراه عمتي و عزيز وراهم العميد
دحگت بـ وجوههم ضعفانه و صفر
سلمت عليهم عمتي حضنتني و بجت هواي
دخلوا لـ البيت
مُلاذ : ادخل سيدي ، ضرغام ادخلوا
ضرغام : لا احنا خل نروح
باجر تجيبين نور و تشتكي على زوجها
مُلاذ : بس ادخلوا شوية
اصريت عليهم يدخلون لحد ما دخلوا
كعدوا ، انطيتهم مي
مُلاذ : تعبناكم ويانا
العميد : لا بنيتي ما سوينا شي
منارس : انتوا شلون لگيتونا؟
العميد : اخوج الي گللنا
مُلاذ : احمد
منارس : ها تمام نور وين؟
مُلاذ : تسبح
عزيز : شبيها شلونها؟
انداريت عليه
مُلاذ : انت اسكت حسابك بعدين
عزيز : خبلوووني مُلاذ خبلوني
ما خلو عقل بـ راسي بس احاجيج
بس اگلج يصلخوها بـ مي حار
شوفي رجليها كل اثر بيهن شكبره
مُلاذ : مع ذالك جااان لازم تگلي
عزيز : اگلج و يشبعوها كتلل؟
اگلج و يصلخوها يموتوها
مُلاذ : انت طفففل زعطوط انت؟؟
بكد اختك ٣ مرات اوكف بـ وجههم و انعل ساسهم
شنوو همَ منو همَ و هيج يسوون بيها
اتصل عليك تگلي تلفونها عطلان !
اسألك على عمتي تطلعلي حجج
زعطوط انت عزيزززز؟ كلمة وحدة منك
جان اختصرت طريق طويل من تعب نور
فيروز : مُلاذ ، عزيزز كافي مو وكتها
عزيز : لا خليها تذب اللوم عليه
مُلاذ : ما جاي اذب اللوم عليك
تصرررفك غبي كلش جان لازم تگلي
من كد ما متنرفزه و ضايجة على نور
طلعت قهري بـ عزيز
و اعرف هو شايل همها و حزنان عليها
حتى اكثر مني ، بس المخبلني ما حجو من البداية!
العميد : يلا احنا خل نروح
مُلاذ : تعبناكم ويانا
العميد : ما سوينا شي بنيتي
انتِ وحدة من بناتي و شتريدين انا موجود
هزيت راسي مبتسمه
تشكرته عمتي منارس على مساعدته
ابتسم و هز راسة ، طلعت وراهم
مُلاذ : سيدي
العميد : گولي
مُلاذ : اسكندر و احمد شراح يصير عليهم؟
العميد : حسب التگوله البنية و عمتج
اذا اشتكوا عليهم نربيهم يمنا
بـ تهمة الحجز و الخطف
لان لگينا الباب مقفول عليهم
و عزيز مخلينه بـ غرفة وحدة قافلين الباب عليه
و الشبابيك محطوط بيهن محجر و المكان بالچول
انصدمت بس خفيت صدمتي
مُلاذ : تمام
ودعتهم و راحوا دخلت لـ البيت
مُلاذ : من طرگاعه لفت على روسهم كون
دخلت شفت عمتي تبجي مقهورة
امي يمها تهدي بيها ، تمسح على ظهرها
التفتت لـ عزيز يلي واكف و عيونه جواها سواد
و وجهه تعبان ، اتدنيت لـ يمه
مُلاذ : عزوز اكعد
اتقدم كعد ساكت رحت لـ يمه انطيته مي
اخذ المي شرب ، كعد يمه جسار
يمسح على ظهره
مُلاذ : اسفه
عزيز : لا عادي حقج
مُلاذ : جان لازم تگلولي عزوز
جان لازم تگلون لـ اي احد مو شرط انا
بس لازم شخص يعرف
عزيز : تتوقعين ما حاولت ؟؟
وداني بـ مكان بعيد و خلاني هناك
لمن اتعاركت ويا ركعت الجامة اخذت الكزاز
ردت اكتله صدني و اخذ الكزازه من ايدي
ربط ايديه بـ حبل ، عود صار حنين
يجيب اكل و يريد هو يوكلني
عزيز : قافل عليه الباب
انطاني تلفوني لمن خابرتي
گلي ادليك بـ مكان نور اذا گلت ماكو شي
و فعلاً حجيت بس ما گلي
لعبت بـ احواله لعب اتخبلت و عمتي ما تكدرله
و لا تندل المفتاح ياخذه وياه و قافل الباب عليها هم
مُلاذ : شنو جانت نيته يحبسكم مدى الحياة؟
عزيز : ما اعرف كل شي يسوي
غسلت ايدي من عنده شيطان ركبه
مُلاذ : زين شنو سبب المشكلة؟
عزيز : ما اعرف شي يخص اركان
مُلاذ : شبي اركان؟
عزيز : ما ادري جاي خاطب نور
و ابوي متخبل
دحگت بـ وجهه مصدومة
رفعت عيني لمن طلعت نور من الحمام
طفر عزيز الها يحضنها و يبوس بـ راسها
و عمتي هم ركضت عليها بجت مفرفحه بـ حضنهم
و تشبك بيهم ، انهارت بـ البجي
بعد فترة هدأت و كعدت ،
حضنوها عزيز و عمة منارس من الجهتين
بدوا يسولفون النا كل يلي صار
احمد حابس عمتي و ما مخليها تدنى يم نور
لان علياء گايلتله منارس تدري بـ علاقة اركان و نور
و بـ كونهم ذكور بدال عقلهم اكو حذاء
حابسين نور و عمتي و عزيز
بعد ما حجوا كل الي صار
مُلاذ : هسه روحوا ناموا و باجر نشوف
هزوا راسهم بـ قبول
دخلوا عمتي و عزيز يسبحون
انطيت لـ عزيز بجامة مال ولد عندي
دائماً اشتريهن لان واسعات و احبهم
و امي انطت لـ عمتي ملابس همين
جسار راح ، رتبت مكاني خليت عزيز ينام بـ غرفتي
اخذت دواشك ٣ فرشتهن
خلينا عمتي تنام على جرباية ملاك
ردنا نور تنام على جرباية امي بس ابد ما قبلت
نامت امي بـ مكانها و نور نامت يمنا بـ الگاع
الليل كله اسمعها تبجي
مسحت على ظهرها اهدي بيها
و اطمنها رح اخلصها من سقراط و اهلها
التفتت الي عيونها مدمعه ، كامت على حيلها
مُلاذ : وين رايحة؟
گالت بـ صوت ناصي و هي تبجي
نور : لـ الصالة
طلعت من الغرفة لحگناها انا و ملاك
بجت هواي و كاتمه صوتها
انا يمها امسد على شعرها و اهدي بيها
نور : اغتصبني مُلاذ
غطت وجهها و بجت بـ حرگة گلب
رفعت ايديه و دعيت بـ حرگة اعصاب
مُلاذ : كون جني يصرعه صرع
يخلي ما يندل مشراده منين
اللهي هيج و يدخل بي جني يسودنه
كون كل راشدي يكفخه يفوخ گلبي بي
كون الجني يكمشه و يلعن والد والديه
دحگت لـ نور الي ضحكت بـ نص دموعها
ابتسمت ادحگلها ، و كملت ادعيتي
لمن شفتها تضحك ارتاحيت ، هديتها
گلتلها مستحيل اخلي هيج و بدون عقاب
نور : مُلاذ
مُلاذ : ها
نور : انا اريد اتبرى من اهلي
مُلاذ : ميخالف
نور : جديات جاي احجي
انا اريد اتبرى منهم ما اريدهم اهلي
كرهتهم كلش دمروني دمار
ماشفت منهم غير الاذية و التعب
نور : ما اريد اتسمى بـ اسمهم
و لا اريد اشوفهم و اسمع حسهم
خصوصاً امي كل تعبي و اذيتي بسببها
تدرين عرفت هي تغار مني؟
لمن سألتها ليش هيج تسوين بيه
تگلي الكل يحبج و يباوعون لـ حلگج
مُلاذ تعبت منهم ما اريدهم
مُلاذ : اني بـ ظهرج لان لو ذوله اهلي
مو بس اتبرى منهم **** عليهم
ضحكت نور مسحت خشمها
ابتسمت : كومي غسلي وجهج يلا
كامت غسلت وجهها
دحگت لـ ملاك عيونها مدمعه
مُلاذ : بوووويه شكد تبجون
كومي ست ملاك غسلي خل نروح ننام
ابتسمت ساكته كامت غسلت
اخذتهم و رحنا نمنا ...
هتان :-
لميت شعري كباية عالية
نزلت لـ جوا ، ابوي رجع سافر
و أيهم رجع لـ البيت يمنا
شفت أبيل كاعد يلعب بـ العابة
رحت عليه بوست خدودة
هتان : وين بابا؟
اشرلي على الغرفة
عاينت لـ امي كاعده تخيط
عفتها و رحت اشوف ايهومي
دكيت باب الغرفة مديت راسي
لگيت أيهم نايم ، ملامحه تعبانه
هالفترة ضغط هواي على روحه بـ الشغل
و ايام ما يرجع لـ البيت
دخل أيمن من بره عاينت اله
ردت اروح اشوف شبي بس عبرني و صعد
امي : شبي اخوج ؟
هتان : ما اعرف
امي : شو اصعدي شوفي ؟
هزيت راسي بـ قبول صعدت اركض
دكيت باب غرفته ، ما اجاني جواب
فتحت الباب عاينت لـ أيمن رافع راسه
و مغمض عيونه
هتان : أيمن شبييك؟
أيمن : ها؟
عاينت اله دايخ و عيونه تفتر
حمر و مدري شبي تعبان عبالك !
هتان : شبيك؟؟
أيمن : عوفيني اطلعي
هتان : صاير شي شبيك؟؟
أيمن : عوفيني هتان ما صاير
استغربت حالة
كام بصعوبة و هو دايخ
عاينت وراه مستغربه
دخل لـ الحمام ، قوست شفتي مستغربة
طلعت من غرفته نزلت جوه
امي : شبي اخوج؟
هتان : ما اعرف ما جاوبني
عافني و راح لـ الحمام
هزت راسها ساكته
طلع أيهم من غرفته
هتان : الله ايهومي كعدددد
ابتسم ركضت عليه حضنته
هستوه كاعد ما طايق روحه
كمت ابوس خدوده متعمدة اضوجه
أيهم : ولج كافي
هتان : ههههههه
أيهم : خرب هتان ولج
ما احب واحد يبوس خدي
هتان : يلا يلا عفتك
أيهم : عفيه هتانيزو
امي : أيهم يمه
أيهم : ها يمه
امي : شوف اخوك شبي
أيهم : منو؟
امي : أيمن
أيهم : شبي؟
امي : اجا هسه شكله تعبان
هتان : اي و دايخ كلش
عيونه گوه فاتحها و حمر بس دخل لـ الحمام
عكد حواجبه أيهم غسل وجهه بـ الحمام الجوه
بوس ابيل ، عافنا صعد فوك
رحت اسويلي حبشكلات و سويت لـ أبيل طبعاً
اخذتهن صعدت فوك و انا اتعدى من غرفة أيمن
سمعت صوتهم يحجون
أيهم نبرة صوته مال شخص عصبي
أيهم : شررررجعك الهننن؟
أيمن : ما رجععععت
أيهم : لعددد هسه هذا حالك شنووو ؟؟
انكطع صوت أيمن
سمعت صوت ضربات خفيفه
أيهم : اصححححى عاين اليييي
أيمن : لا تضربني
أيهم : اصحييك أيمن منتظرك تبرر
و العباس اذا طلعت راجع الهم احرك الخلفوك
أيمن : لمن جنت انت بـ المستشفى
أيهم : اي
أيمن : شكيت بي هو الخلاك تسوي الحادث
أيهم : اتاكد لا تشك ، كمل
أيمن : اتعاركت وياه گلي مو هنا نتعارك
انطاني عنوان مكان گلي اذا كدرتلي
اطلع من حياتكم نهائياً ، رحت
أيهم : شتسووووي راااااايح ؟؟؟؟
أيمن : ردت نخلص منه
أيهم : كمل كلامك أيمن كمممل
أيمن : اتدافعنا اتضاربنا انه وياه
لزم ايديه طبكهن لـ ورا خلا ايده على رگبتي
اريد افلت روحي منه ما اكدر
وداني يم طاولة مطحونه عليها المادة
عافني هو قيدوني ثنين ما قبلت اشمها
بس خلوا خشمي بـ نصها لحد ما شميتها
رج صوت أيهم البيت بـ الصياح
و صوت تكسيرة انصدمت كل شي ما فهمت !
ابتعدت عن الباب لمن انفتحت
صعدت امي تركض ، طلع أيهم من الغرفة
نزل بسرعة ركضت وراه اوكفه اريد افهم شكو
عاف كل البيت و طلع نار و شرار صاير
امي : شصاااار؟
هتان : ما اعرف
صعدت لـ أيمن
شفت رافع راسه يعاين لـ السكف
متجي راسه ع القنفة
گال بـ صوت مسموع بس كلماته گوه تطلع
أيمن : ربي اخذ عبدك المذنب يمك
سد الضوه من يمه
گام نام على فراشة مكرفص نفسه
دخلت دحگتله منطيني ظهره و وجهه لـ الحايط
گال بـ صوت يرجف و واضح
أيمن : گلتيلي اخذك و ما اخذتيني
يَ يمه هي هيج تهدين حَيلي ؟
جَمرات النار حرِگت رُوحي
يَ يمه هَلبت تردين و تداوين جروحي
غيابج يدك باب ليلي
و انه گلبي معذب و بايد حيلي
اتوسلج يمه الحگيلي ، تعالي و رديلي
التفتت لـ امي الواكفه وراي
تمسح بـ دموعها
امي : تعالي اطلعي هتان
خلي اخوج ينام
طلعت من الغرفة ، امي سدت الضوه
غطت أيمن وكفت اعاين لـ امي
يلي عيونها ممليه بـ الدموع
هتان : أيمن يقصدج ؟
امي : بـ شنو؟
هتان : بـ اللي گاله هسه
امي : اي طبعاً
هتان : لعد مو انتِ موجودة
ليش هيج يحجي ؟؟
امي : عوفي تعبان
هتان : بس دوم اسمعه يگول هيج
امي : شي حافظة من هو صغير
قوست شفتي هزيت راسي بـ قبول
سولفت لـ امي الي سمعته فوك
ظلت تعاين لـ وجهي و وجهها انخطف لونه
اتصلت بـ أيهم ما يجاوبها
عافتني و راحت لـ غرفتها
كل شي غريب و كل شي ما ينفهم
عاينت لـ أبيل الي يلعب ابتسمت اله
لمن رفع سياراته يراوينياهن
لـ الليل كاعدين ننتظر أيهم
نزل أيمن ، وكف سأل عن أيهم
بـ اللحظة الي سأل بيها دخل أيهم
اتحولت انظارنا عليه ، مستغربين حاله
شعره مخربط ، رگبته مشخطه
ركضنا عليه نفهم شكو عافنا و راح لـ غرفته
راح أيمن وراه وكفت بـ الباب اسمعهم
أيهم : اطلع أيمن عوفني بـ حالي
أيمن : احجي شصار شكوو؟
أيهم : حليتها من جذرها
أيمن : شسووووويت أيهم ؟
أيهم : حققت مطلبة
أيمن : شنو مطلبه شجاااي تحجي؟؟
أيهم : كل السواه بيك و بـ مُلاذ
بس لان ما قبلت اسوي العملية
أيمن : شنو يا عملية؟
أيهم : أيمن عوفني اطلع
أيمن : احجي أيهم شكو؟؟
أيهم : اطلع گلت
أيمن : ما اطللللع ديلا
أيهم : لا تصيح لا اطيح حظك
أيمن : احججي شسوويت عمليية شنو؟
أيهم : عملييييية نقل عمليتيش؟؟؟
اسمع و عقلي يضرب اخماس بـ اسداس
ثولي طاغي على كل عقلي مافهمت ابد !
و ما حاولت حتى افهم ما ردت اتعب عقلي
ما ردت اخرب ونستي
لان حذرني أيهم من انو احاول اعرف
حذرني اتعب عقلي بـ هالاشياء
كل توصياته الي اهتم بـ دراستي و نفسي
يمكن لو عرفت و فهمت اصغر تفصيلة
ما جان رح يصير الي صارلي بعدين ...
دار بيناتهم حديث طويل
ما كدرت اركز بي عدل بسبب صوتهم الناصي
لحد ما كدرت التقط اصوات أيمن
أيمن : و انت شلون تريدها؟
ياذيها أيهم صدكني اذاها من قبل
يسوي كل شي حتى يحرك گلبك و گلبي
أيهم : لمن اخطبها رح يخاف و يبتعد
أيمن : شلون؟
أيهم : يدري بيها ذكية و تلگفه
ذيج الايام يحوم حاوليها بعدين اختفى
بس اذا يظل يمها تلگفه و تعرف بي
أيمن : ياذيها و الله
أيهم : ما ياذيها و هي يمي
يدري بيه احرك الدنيا علمودها
أيمن : بس اذاها من قبل
و انت ما كدرت تسوي شي !
أيهم : هههههههه
حقك ما شفت ظهره الي حرگته بـ التيزاب
و بـ قدرة قادر رجع و عاش
أيمن : هاي شوكت؟
أيهم : بـ الوكت الي اذى بيه لذة گلبي
أيمن : ليش انه ما ادري ؟
أيهم : ليش حتى تدري ؟
أيمن لازم ترجع تسافر لـ الخارج
أيمن : مااا ارجع
أيهم : ترجع و رجليك فوك راسك ديلا
أيمن : ما ارجع أيهم ليش عايف مكاني
و حياتي و مغرب روحي بـ دول اجنبية؟؟
أيهم : علمود سلامتتك
ما تبقى هنا أيمن مستحيل ما اخليك
أيمن : رح ابقى
أيهم : شتسوووووي باقي
شتسوووووي المن بااااقي؟؟
أيمن : علمود صافيناز
أيهم : صافيناز شعليها؟
أيمن : اريد ارجعها لـ سوريا
لو اطلعها اي دولة ثانية و اروح وراها
أيهم : شلك دخل بالبنية؟
أيمن : ما تدري هي جانت مخطوفة وياااها
اذا حضرته الموقر ما مخلي واحد ما خاطفة
ما مخلي شخص يعتب عليه الجلب الخايس
أيهم : ادري بس شلون ترجعها؟
أيمن : خل اصير قريب منها
و اتعرف عليها عدل بعدين اقترح عليها
و نرجع لـ هناك سوية و نتزوج
انظف روحي و اصير انسان ثاني علمودها
أيهم : انه اخلي لَـذه تقنعها
انت ارجع
أيمن : لا ما اريد ارجع هسه
أيهم : أيمن احرك الخلفوك هسه
ترجع و رجليك فوك راسك
أيمن : مو هسه
أيهم : بس ترجع !
أيمن : تمام
سكتوا ثنينهم
طفرت لـ المطبخ و عقلي واكف
صافيناز شلها علاقة بـ أيمن لذه منو؟
شجاي يصير خير؟؟
حقة أيهم من ما يريد يخليني افكر
قاطع تفكيري اتصال من صديقتي
رديت عليها و ظلينا نسولف و نسيت الموضوع
اتعودت على غموض بيتنا
صرت حتى اذا اعرف شي انسى او اتناسى
خليت و صعدت فوك ...
مُلاذ :-
ثاني يوم رحنا انا و عمتي منارس و عزيز و نور
جابوا اسكندر و احمد
صدمتنا عمتي لمن رفضت تشتكي عليهم !
مُلاذ : لييييش؟؟؟
منارس : ما اشتكي عليكم بـ شرط
مُلاذ : عمه شرط شنوووو؟
منارس : اوكفي مُلاذ
اسكندر : گولي
منارس : بعد مالكم علاقه
لا بيه و لا بـ نور و لا بـ عزيز
و تنطوني البيت الي من حقي و اخذتوه مني !
دحگوا واحد بـ وجهه الثاني
و انا ادحك لـ عمتي مصدومة
هزوا راسهم بـ قبول ساكتين
نار كامت تطلع من دماغي
و عزيز و نور همين عارضوا
بس عمتي ما خلتهم يحجون تحت جملة
منارس : انا اعرف شسوي
مُلاذ : شنووو تعرفين شتسوين عمه؟؟
تدرين انتِ هسه شسويتيي؟
تدرين رح يطلعون منا كأنما شيئاً لم يكن؟؟
شنو اليضمن الج ما يتعرضولكم بعد
منارس : مُلاذ ينطوني بيتي
و نكعد بي انا و عزيز و نور
و نرتاح افضل من ما نظل بالايجارات!!
مُلاذ : و بيتنااا شبييي؟؟
ابقوا يمنا
منارس : لا مُلاذ يمه
خليني اتصرف اعرف الجاي اسوي شنو
مُلاذ : غلط الجاي تسوي غلط
نور : عمه ذولة الاثنين دمروووا حياتي
شنو بيت شنو صخااام وجهي
شوفي شسووا بيه دمروووا حااالي !!
منارس : الله ياخذنا حقنا منهم
مُلاذ : المممن حاطين قانون
المن حاطين صخام وجهي
عمه تريدين تموتيني !
منارس : بس يتجرأون
يسوون شي مرة ثانية اشتكي عليهم
مُلاذ : و انتِ تنتظرين يسوون؟
من كل عقلج تحجين عمه لا تخبليني
منارس : رح احاجي محمد
هو ما رح يقبل على السووه و يبعدهم عنا
انتهى النقاااش
عافتنا و طلعت التفتت لـ اسكندر
و احمد الي طلعوا بـ كل راحة
كأنما شيئاً لم يكن!
لحگت عمتي مغتاضة من تصرفها
اخذت عزيز و نور وياي ، صعدنا بـ السيارة
عزيز ظل يتعارك وي عمتي و هي تتعارك ويا
وصلتهم لـ بيتنا گلتلهم بليل نتفاهم على هالموضوع
لمن رجعت من شغلي حجينا و عمة منارس
اصرت ما نشتكي عليهم
ورا اسبوع فعلاً اخذت عمتي البيت
و اخذت ملابس نور و غراضها و عزيز لم غراضة
طبعاً هاي بعد عرك بين عزيز و اسكندر و ابوه
گلبوا الدنيا لمن راح عزيز يلم غراضة
ما طلع عزيز من يمهم الا لمن هجم البيت عليهم
حاولنا نساعد عمتي منارس
و خالة جنات هم ساعدتنا بـ فلوس
و انا و جسار و اخوانه و امي و ام جسار
لمينا فلس على فلس و اثثنا بيت عمه منارس
و نور همين عدها راتبها
و ركضنا بـ طلاك نور و سقراط
غصباً ما عليه سقراط قبل الطلاك
و عرف عمي محمد بـ هالموضوع
صارت هوسه و حجي
و عمي محمد ما قابل على زواج نور
من دون علمنا و طلاكها كل الصار بدون علمنا
و بلا قبولها و بـ معارضة عمة منارس و عزيز
اتعارك عمي محمد وي عمي احمد
لان حابس عزيز و عمتي ، خزاه تخزي
فوخ گلبي بي و لو ما اتوقعتها منه
وكفت نور بـ نصهم كلهم
و كالت هي تتبرى من اهلها
اعتلى صوت اعتراضهم على كلام نور
بس اخيراً نور حجت على سواياتهم بيها
و سبب المشكلة و كل الي صار و زواجها
و اذيتها الي جانو سبب بيها
اكدت هي ما الها اي علاقة بيهم بعد
و لا الهم علاقة بيها
و عمتي گالت لـ عمي محمد
هي ما اشتكت على احمد و اسكندر
حتى يبتعدون عنهم و ما ياذوهم بعد
و بيتها الها و محد يتدخل بيها
محمد : افصم ظهره اليتدنالج
بس شلون تاخذين عزيز و نور وياج
عزيز : انا و نور كبار الحمدلله و الشكر
ثنينا اعمارنا عابرة الـ 18
محمد : هاهيه الي تريدونه يجرالكم
و انت احمد لو هيست حسك
ادخل الشيخ بـ هالسالفة يفصم ظهرك
حتى تعرف تجر عدل
فد ارتاحيت من الكل فشلهم
و ما قابلين على تصرفهم
رغم ما سوو نفس هالموقف وياي
بس ما اهتميت ، المهم همَ وي نور و عمتي ...
نور :-
بعد كم اسبوع و عدا كل الي صار
طلعت من الكابوس الي جنت بـ داخلة
و من كل الطنه و الرنه الصارت
ما سمعت خبر عن اركان !
حتى لمن رجعت لـ بيتنا الم غراضي
ما شفت الهم اي اثر استغربت كلش
بس صار شعوري اتجاهه اركان معدوم
بـ كل مره يعوفني بـ نص الطريق
خطبني و لمن انرفض تركني هيج!
لمن ابوه اذاني هم عافني هيج
و بـ كل الاوقات الي جنت احتاج وكفته وياي
حتى نكمل هذا الطريق سوية و ننجمع
لگيته تاركني و مكمل هالطريق لـ وحدة ...
بـ واحد من الايام
الواكفة اغسل بيها المطبخ
راسي كام يفتر فر بيه ذبلت عيوني
طحت ع الگاع فاقدة وعيي
فتحت عيوني لگيت نفسي بـ مستشفى
اتلفتت ادور بـ وجهي
ادحك لـ ارجاء الغرفة
ثبت نظري على الدكتورة و عمه منارس
يلي لازمه ايدي و كاعده يمي
لمن شافوني صحيت اتوجهوا نحوي
و بدت الدكتورة تسألني اسئلة
الدكتورة : دائماً هيج يغمى عليج؟
نور : هاي ثاني مره قبل كم يوم
هم فقدت الوعي
منارس : اي دكتورة لـ هالسبب جبتها
خفت عليها لان طاحت من قبل
و عبالنا بسبب نقص التغذية
الدكتورة : اها ، زين شنو تحسين؟
بديت اسولف الها عن الغثيان و الدوخة
و على طول صداع ينهش دماغي
وجهي اصفر و عيوني ذبلانات
رجعت هم تسألني اسئله ثانية
بعد كم دقيقة من ما جاوبتها
جابت جهاز السونار طلبت مني اطلع بطني
عكدت حواجبي ادحگلها ، طلعت بطني
خلت عليها جل بارد ثلج و بدت تمشي بـ الجهاز
لـ كم دقيقة و جمدت عقلي و جسمي
بـ كلامها يلي يبسني بـ مكاني
حسيت صاعقة نزلت على راسي لمن گالت
الدكتورة : مبروك انتِ حامل ...
مُلاذ :-
لـ الليل طلعت من المكتب بعد ما خلصت شغلي
اجاني اتصال من أيهم ، جاوبت عليه
أيهم : لَـذه
مُلاذ : هلو
أيهم : وين انتِ ؟
مُلاذ : على اساس ما تدري
أيهم : ماكدرت اراقبج اليوم مع الاسف
مُلاذ : حرامات المرة الجاية راقبني
أيهم : لا توصين حريص
ضحكت بـ تعب حكيت عيني
مُلاذ : هستوني طلعت من المكتب
أيهم : زين تكدرين تجين وياي ؟
مُلاذ : وين ؟
أيهم : اريد اراويج شغلة
مُلاذ : شنيه ؟
أيهم : خل اراويجياها
مُلاذ : هي شنيه ؟
أيهم : مكان جنت احبه كلش و انا صغير
ردت اشاركه وياج لَـذه
مُلاذ : تكدر تخليها لـ بعدين ؟
تعبانه كلش و كل جسمي يوجعني
اريد ارجع انام
أيهم : تمام لَـذه
مُلاذ : ضجت ؟
أيهم : لا انه ما اريدج تتعبين اصلاً
ظليت ساكته كم لحظة
رجعت نطقت بـ هدوء
مُلاذ : رح اجي الك وين انت؟
أيهم : لا عوفيها بعدين لذة
مُلاذ : احجي ولك لا تتعبني
أيهم : هلو صرت ولك
مُلاذ : انت ولك من زمان
أيهم : اوف لَـذه اوف
تعبتني فواصتج
مُلاذ : انت افوص
گلي مكانك وين؟
أيهم : رح اجي اخذج
مُلاذ : تمام انتظرك يم المكتب
أيهم : خوش يا حلو
ابتسمت سديت الاتصال
ظليت واكفه انتظرة ، لحد ما وصل
دگلي هورن ، سويت حركة اش بـ ايدي
ضحك بـ خباثة ، فتحت الباب صعدت وياه
أيهم : اتعافى من اشوف وجهج
ابتسمت و گلت جافصة بـ الغزل
مُلاذ : غزل بـ ربع غزل بـ ربع
منو يشتري ؟ غزل بـ ربع
ضحك أيهم بـ صوت عالي
أيهم : انعل ابو الفواصه
مُلاذ : ما تمشي وياي هالسوالف
استاذ أيهم
أيهم : دكتور أيهم انه ما اسمحلج
مُلاذ : ديلا دكتور أيهم
اخذ باكيت الجكاير ، ورث جكاره
خلاها بين شفايفه ، انا ادحگله
مُلاذ : دكتور ما يصير تدخن
التدخين مو زين
أيهم : الله يسلم الي خلا الدكتور
بـ نفسه الدرس ١٢ سنه
ما ينزل الجكاره من حلگه
مُلاذ : هذا شلون واحد مايستحي
ضيع دراسة الدكتور كلها
أيهم : اي والله ابد ما يستحي اذا الزمه
اطلع حركة گلبي على كل الليل و المصباح
اليمر بدونه
مُلاذ : بس هذا الدكتور هم عنده شوية استهتار
يعني شنو يدخن علمود واحد
المفروض يدخن علمود ثنين
أيهم : ولج غضب الله
ضحكت اهتز جسمي
التفتت اله مبتسمه لمن گال
أيهم : شنو صايره فاتحه؟
مُلاذ : لا ليش؟
أيهم : چا غير لابسة شال
مُلاذ : چاو اذا؟
أيهم : چا غير انتِ گلتي
بس بـ الفواتح البس شال
بس بـ الفواتح تغيرين ستايلج ست مُلاذ
مُلاذ : هههههه لا
أيهم : ها؟
مُلاذ : التزمت بي
أيهم : عليج العباس؟
مُلاذ : يا منو گلك انا ملحده؟
أيهم : شمدرييني انتِ وشعفاتج تفترين
هفيته بـ الجنطة ضحك
وكام يمسح على زندة
مُلاذ : يا اتعورت ؟
أيهم : لا
مُلاذ : لا اتعورت
أيهم : لا لذه ما اتعورت
مُلاذ : بس ضربتي جانت قوية
أيهم : من نتزوج اطلعها بيج
مُلاذ : خليك بعد احسن اذا اتعورت
ضحك رجع گال
أيهم : خل نرجع لـ الحجاب
مُلاذ : اي
أيهم : لبستي التزمتي هاهيه يعني؟
مُلاذ : اي
أيهم : ورده مُلاذ الفوصة ورده
مُلاذ : دهر طرك شلون رهمتها
أيهم : رهمتها فوصة ، اوكفي لَـذه
كعد يبحوش بـ تلفونه ، ربط التلفون ع السيارة
ثواني و سمعت من مسجل السيارة صوت انشودة
"يا حلاة البنت لمن تخطي خطوة من صغرها
و بـ قناعتها تتحجب و تكتب عند الله اجرها
و بـ حلى الحجابِ يكمل نورها في باقي عمرها"
غصيت من الضحك
مشغل الي انشودة عن الحجاب
و يصفك وياها بـ خفة و يهز راسة يمين ويسار
مُلاذ : هههههههه ولك انت شنو من بشر
لزمت بطني اضحك
و هو يضحك وياي
أيهم : غير اشجعج
مُلاذ : يا حلاة البنت لمن تخطي خطوة من صغرها
بـ شرفك هسه انا صغيرره هههههههه
لك هالانشودة يشغلوها لـ عمرها عشر سنين
أيهم : ههههه عادي
انتِ احسج زعطوطة مخبله ف عادي
نزعت الدنبوس دجيت ايده
عاط و كام يحك ايده
مُلاذ : شوف هاي الزعطوطة المخبلة هيج تسوي
أيهم : عادي بابا عادي
ندعي الله يعقلج
مُلاذ : نزلني ولك
أيهم : ما انزلج احبج ما اكدر
مُلاذ : عابت لـ هيج حب
أيهم : انتظري هسه اخليج
تحجبين هتان وياج شلعت گلبي
ماكدر افرض عليها تكوم تكرهه مثل بعض البنات
مُلاذ : هي بعدين تشوف الحجاب اصح شي
اندار الي ركص حواجبة
أيهم : مثل لذه الفوصة
مُلاذ : انت افوص
أيهم : اش فوصة
مُلاذ : وين ابيل؟
-نايم
-اريد ابوسه من ترجع بوسليا
-ماكو بوسه لـ أبوه؟
كلت ب تحذير
-أيهم
رفع حواجبه بمعنى "ها"
و بـ نفس اللحظة نطق
أيهم : جَرح الأيهم
مُلاذ : يا ضيم الولاني
و ما ولى احد
أيهم : شبيج لَـذه
-لا تخليني جرحك يمعود
كافي جروح ما شبعت
-جرحي الماله جاره أنتِ
نزل راسه يدحك لـ اصابيعه
بدء يطبكهن و هو يعدد
-لا يندمل و لا ينشفي لا يتخيط و لا يتداوى
-أيهم
-جَرحه
-دولي بطلت ما احجي
-ههههه لا يلا احجي
-ردت اسألك على لينا
-شبيها؟
-رجعت اتصلت عليك ؟
-لا ليش؟
-مادري هيج فضول
ابتسم و سكت
ظل يحصر بـ ابتسامته
مُلاذ : لا عبالك اغار عليك
ترا معليه بس هيج سألت
أيهم : لا لَـذه انتِ ما تغارين
مُلاذ : اي صحيح زين تعرف
أيهم : اي
دقايق و اخذ تلفونه
ظل يبحوش و رجع التلفون
صافنه فزيت على صوت تلفونه لمن دك
اخذ التلفون فتح الاتصال خلاه على اذانه
أيهم : هلو عيوني رحاب
رفعت حواجبي
انداريت اله بـ كل جسمي
أيهم : زين عيني و انتِ شلونج؟
لا لا ما اكدر اليوم اي هههه
تسلمين عيوني انتِ ، ثنينهم مو وحدة
چا شلون بس تك عين ؟ فدوة الج هههههه
دخان يطلع من اذاناتي
سكتت و درت وجهي لمن سد الاتصال و دحگلي
خليت اظافري بـ حلگي و كمت اكرض بيهن
ما اتحملت انداريت و گلت
مُلاذ : رحاب ولد مو؟
أيهم : لا بنيه
مُلاذ : بنيه؟؟
أيهم : اي
مُلاذ : و تگللها عيوني !
-اي
-و عيونك ثنينهن مو وحده؟
-اي
-و يروحن الها فدوة ؟
-اي
-وجعععي نزلنيييي
-يا اتخبلت الفرخه
-نزلني أيهم امي تنتظرني
-شمالج ؟
-نززززلني
-ما
-نزلني
-مو ما تغارين؟
-شعليييه انا وين غرت
يمتى غرت ؟ انا اغار ؟
اغار من رجاب وجاب اسمها مو؟
الي هي عيونك ثنينهن
و تروح الها فدوة عيونك اغار منها؟
ليش اغار ما اغار ...
اندلعت بـ الحجي
لحد مگال
أيهم : جذب
ردت ارجع احجي
استوعبت كلمته
مُلاذ : شنو؟
أيهم : جذب ما دكت عليه رحاب
خليت منبهه بس صوت اتصال
رفعت حواجبي
شلت جنطتي ضربته
و هو يضحك مكيف
قفل البيبان عليه ما يخليني انزل
گوه يلا سكنت بـ مكاني و سكتت
درت وجهي لـ الجامه
غصب عني انرسمت ابتسامة على شفتي
خفيتها و ضميت شفايفي ساكته
و اخيراً وكفنا كدام مكان
أيهم : يلا انزلي
نزلت وياه ، دخلنا سويه لـ حديقة
دحگتلها مبتسمة عيوني تتجول بيها
مزينه بـ نشرات و اضوية
ميز يتوسطها و عليه اكل
الجو بي نسمة برودة و حلو
ابتسمت و انداريت لـ أيهم
گلت بـ حماس
مُلاذ : أيهم ...
وكفت و ما كملت كلامي
لمن شفته وراي و هسه انتبهت لـ القاط اللابسة
عطر ابوي يفوح منه و هواي مرات استغرب
و اگول يمكن مخربطة !
اتجولت عيوني على ملامحه
وصلت عيني لـ شعره المرتب
طافره من عنده گذله نازله على گصته
گال بصوت يرجف
أيهم : مُلاذ ، تقبلين بيه؟
نزلت عيني لـ ايده
يلي بيها علبة و يتوسطها محبس يلمع
مُلاذ : شـ .. شكو شنو هاي؟
عدل نفسه و وكف بـ استقامة
وزع نظراته بين عيوني
حجا يحاول يخفي رجفة صوت
أيهم : لذة الأيهم اذا اخذتي هذا المحبس هسه
و خليتي بـ اصبعج و قبلتي بيه
باجر جايب امي و جاي اخطبج ...
- يتبع الفصل التالي اضغط على ( رواية جرح الأيهم ) اسم الرواية