رواية يكفيني منك عقابا الفصل السادس و الثلاثون 36 - بقلم بقلم عبير سليم

 رواية يكفيني منك عقابا الفصل السادس و الثلاثون 36 - بقلم بقلم عبير سليم 

الحلقه السادسة و الثلاثون

يكفيني منك عقابا

عبير سليم

😥😥😥😥😥😥

يقول الله تعالى في كتابه الكريم

المال والبنون زينة الحياة الدنيا

نعم و البنون خاصة هم الثروة الحقيقيه التي نسعى للفوز بها و نيلها من تلك الحياه

هم أغلى و أعز من كل شئ

فهناك من ضحى بحب عمره و افترق عن رفيقه ليفوز بوجودهم في حياته

 و هناك من يسعى و يشقى في تلك الحياة من أجل توفير العيش لهم و منا من يتحمل جفاء الحياة مع الطرف الآخر من أجلهم هم فقط أبنائنا 

و لكن هل يمكن لهم أن يصبحوا سهاما في ظهورنا يبتزون قوة مشاعرنا لهم من أجل تحقيق ما يريدونه

أم إن حبنا الشديد لهم و رغبتنا في اسعادهم تجعلنا نقيدهم باكبال و قيود من حديد و نشد عليهم الخناق و نحن لا ندري أننا ننتزع ارواحهم و نحرمهم من لذة الحياة و التلذذ بنعيمها

تتحدث إليها و هي تبكي بشده اهدي يا اما ان شاء الله حتجوم بالسلامه و ربنا محيوجعش جلوبنا عليها

_ ان شاء الله حتخرج بالف سلامه

يحاولون جميعهم تهدئتها و لكن كيف لهم أن يستطيعوا ذلك و فلذة كبدها تصارع الموت تبكي بكاءا شديدا تصفق بايديها و تضرب على رأسها : بتي حتموت بتي حتروح مني يا لهوي يا بتي يا حبيبتي يا نور عينيه يا رحمه يا جلب امك يا ضنايا كان مستخبيلنا فين ديه كله يا ربي عملنا إيه عشان يوحصل معانا أكده ليه كل شويه جلبي ينحرج على حد من ولادي ليه ليه يا رب ديه أني مبستحملش الشوكه على حد ليه ينكتب علية الهم و الغم ليه

تحدث نفسها بصوت عال كالمجنونه تهذى بالكلام و لا يقدر أحد على تهدئتها

عملت إيه رحمه عشان تروح فطيس أكده دي البت نسمه جمر طيبة الدنيا فيها كريمه على كل الناس و كل الناس تحبها و تموت فيها و فخفة دمها محدش يجوللي غير خير ما خلفتي و ربيتي يجوم يوحصل معاها اكده

تضرب بيديها على صدرها بتي رحمه اللي كبرت و بجيت عروسه و دكتورة تروح مني فغمضة عين أكده 

لا لا اني محستحملش واصل أني لو رحمه بتي راحت تدفنوني معاها اني محعيشش في الدنيا يوم واحد من غيرها واصل

يجلس عامر أمامها على الأرض و يقبل يديها و هو يبكي : صللي عالنبي يا اما

زينب : عليه الصلاة والسلام يارب و حياة حبيبك النبي الغالي تجف جمبها دي غلبانه عمرها ما اذت حد واصل

رحمه حتموت يا عامر اختك حبيبتك اللي كنت بتجول دي بتي و اول فرحتي حتروح خلاص يا عامر و حتسيبنا محيكونيش في رحمه تاني

عاجبك أكده مبسوط يا حبيبي مرتاح دلوك يارب تكون نارك بردت

عامر : انتي بتجولي إيه يا ما دي رحمه ديه نور عينيا من جوة دي اغلى عندي من الدنيا كلها

زينب : اااه اااه اااه يا بتي اااه يا حرجة جلب أمك عليكي يا بتي

يا للي عمرك ما زعلتيني و لا جلتيلي لا

نن عينك يا عامر بأمارة اللي عملته فيها مش اكده بأمارة ما وصلتها انت و ابوك انها تموت نفسها و تروح و يروح عليها شبابها ليه عملت ايه إيه الجريمه اللي ارتكبتها حبت عشجت و انتوا مين فيكم ما حبش و معشجش اذا كنت انت و اللا اخوك و اللا عتاب مرتك جت عالغلبانه ديه ارتكبت جريمه لما جالت أحب زي بجية البنات بجيت خاطيه و لازم يتجام عليها الحد و تيجوا عليها

 انت و ابوك ديه اللي منه لله و حسبي الله ونعم الوكيل فيه و الله في سماه لو بتي راحت مني لحيكون آخر يوم لية معاه و محجعدش في البيت ديه يوم واحد من غيرها

يجوللي اخرسي تربيتك معرفتيش تربيها معايزش اسمع صوتك

ليه مربتهاش كيف دي كل الدنيا بتجول يا حلاوة تربيتك يارحمه

صدجتوا شوية صور متلفجه الله اعلم مين ابن الحرام اللي عملهم بجلوا ما تجولوا ديه بنتنا و منصدجش فيها حاجه لا صدجتم و حكمتم و علجتم المشانج للغلبانه و اني امها تبعدوني عنها و انت يا نعمان تجوللي حتبجي طالج لو فتحتي حنكك بكلمه كفايه نتيجة تربيتك

طيب اني اللي بجولكم اهو بتي لو راحت دمها حيكون في رجبتكم و محسامحكمش ليوم الدين

و حيكون آخر يوم بيني و بينك يا نعمان

تبعد ايده اللي بتحاول تطبطب عليها عنها : بعد يدك عني مشايفشهمش و هما متلطخين بدم بتي

يخرج الدكتور و كلهم مرعوبين عليها : خير يا دكتور طمنا الله يخليك

الدكتور : محتاجين ضروري تتبرعوا بالدم هيا للأسف نزفت كتير و المستشفى مفيهاش دم كفايه

 يتبرعولها بالدم و بعد شويه 

يطمنهم الدكتور انهم قدروا يسيطروا عالوضع لكن هيا تعبانه جدا و طلب يتكلم مع الأب و الأم على انفراد لكن عامر أصر يكون موجود 

خير يا دكتور

الدكتور : أولا طبعا يا حاج حضرتك خابر زين إننا المفروض نبلغ النيابه

نعمان : نيابة ايه يا دكتور  امال احنا جيبناها عندك اهنيه ليه احنا معاوزينيش فضايح

الدكتور : ربنا ميجيبش فضايح يا حاج و عالعموم اني محعملش حاجه ممكن تسئ، ليكم

المهم دلوك احنا الحمد لله جدرنا نوجف النزيف لكن بصعوبه شديده لان المريصه مكانتش مساعدانا واصل عندها رغبه تفارج الحياة و معاوزاش تعيش و ديه كان مخللي مهمتنا أصعب بكتير لكن الحمد لله جدرنا ننقذها

دلوك لازم تفهموا وضع بتكم كويس اللي يخليها تعمل اكده ديه معناه انها واجعه تحت ضغط عصبي شديد و إنها ملجتش، حل غير إنها تهرب بالموت

و عشان اكده هي لازم تتعالج نفسيا و تبعدوها عن اي ضغوط نفسيه محينفعش تتكلموا معاها في أي حاجه تكون ليها يد في اللي حوصل و اللا المرة الجايه ممكن متلحجوهاش

عامر : و ايه الحل دلوك يا دكتور

الدكتور : لزمن تدخل مستشفي أمراض نفسيه و عصبيه لزمن تكون تحت رعايه شديده 

نعمان : لا بتي محتدخلش مستشفى مجانين بتي مش مجنونه يا دكتور

الدكتور : مجانين ايه بس، يا حاج هي محتاجه علاج نفسي عشان ترجع لحالتها الطبيعيه و متعملش أكده في نفسها مرة تانيه 

عامر : طيب خليها اهنيه يا دكتور 

الدكتور : تمام مفيش مشكله تفضل اهنيه تحت الرعايه لحد ما تبجى زينه

بس المهم دلوك اي حاجه كانت سبب في اللي حوصل ديه تبعدوها عنها

متجيبوش جدامها سيرة اي حاجه متتكلموش في حاجه واصل ديه لو عايزين بتكم ترحع معاكم البيت تاني

نعمان : حاضر يا دكتور بس هيا أكده ممكن تجعد جد ايه اهنيه

الدكتور : ديه حاجه فعلم ربنا كل ما يكون استحابتها للعلاج كويسه كل ما جعدتها اهنيه حتكون جصيرة لكن لو ديه محوصلش يبجى الله اعلم ادعولها ربنا

يخرجوا و تبص لهم و عنيها كلها غضب منهم : سمعتوا الدكتور جال ايه ناويين على ايه دلوك

عامر : مش وجت كلام دلوك يا اما

زينب : لا وجته انتوا سكتوني جبل أكده لكن دلوك محسكتش ديه بتي و لو جرالها حاجه محدش حينكوي بنارها غيري

الجوازة الشؤم ديه محتمش حتجولوا لوش المصايب ديه خلاص فضيناها سيرة معنديناش بنات للجواز و اللا وربنا المعبود لاخدها و اطفش بيها من الدنيا كلها ما هو مجاتش علينا احنا كمان

تهديها حفصه و عتاب و يقعدوا معاها

اما جمال فياخد عامر و نعمان عشان يتكلم معاهم

و حنجوللهم ايه بس يا جمال ديه الفرح المفروض بعد يومين

عامر : فرح إيه تاني اللي بتتكلم فيه يا بوي و البت بين الحيا و الموت

جمال : نعمان ملكش صالح اني اللي حتكلم

نعمان : حتجوللهم ايه اوعاك

جمال : فاكرني عيل اياك يا نعمان رحمه ديه بتي و سمعتها سمعتي و محدش، حيجيب سيرتها بحرف واصل أني المسئول عن الموضوع ديه و اعتبر انه منتهي

نعمان : طب عرفتي حتجوللهم ايه

جمال : حجوللهم مفيش نصيب يا نعمان الجواز مش بالعافيه البت مش رايداه

و تفتكر ديه كلام حيدخل دماغهم

لا الكلام ديه ميدخلش، عجل عيل صغير ايه الحكايه بالظبط يا حاج جمال

جمال : و لا حكايه و لا روايه مفيش نصيب و خلاص يا حكيم بيه

حكيم : طب و الفرح و المعازيم و الفيللا اللي جهزناها و الدبايح كل ديه حنعمل فيه ايه

جمال : مخابرش اتصرف اكيد حتعرف تحللها 

حكيم : على اساس انكم شايفنا جدامكم عيال صغار بتلعبوا بيهم لا ديه انتوا تبجوا جنيتم على نفسكم و استحملوا بجى اللي حيوحصل

جمال : حتعمل إيه يعني يا حكيم بيه

حكيم : لا لو عالعمايل أني حعمل كتير أولها حعملكم جعده و مجلس عرفي و نشوف كلام مين اللي حيمشي

ما هو احنا مش تحت أمركم أني حعتبر نفسي ما أسمعتش حاجه و الفرح حيتم فمعاده غصب عن عين الكل و اللي مش عاجبه مطرح ما يحط راسه يحط رجليه

جمال : و اني جلتلك مفيش فرح و اعلى ما فخيلك اركبه احنا لا يهمنا جعدات و لا مجالس و اللا كنك نسيت مين هو نعمان العشري

حكيم : لا ديه كنكم انتوا اللي نسيتوا مين هو حكيم الجاضي و اللي ممكن بكلمه مني متباتوش، فبيوتكم الليله

حكيم : يا خسارة يا حكيم بيه و اني اللي كنت فاكرك حتكون اعجل من اكده و توزن الأمور زين

حكيم : أمور ايه ديه اللي اوزنها انت مخابرش بتجول ايه

هو احنا ضربناكم على يدكم عشان توافجوا و بعدين انت عارف ان كلامك ديه يضر سمعتكم جبل ما يضر سمعتنا

مجاش فبالكم اهل البلد حيجولوا ايه عنيكم و عن بنتكم و اخلاجها

جمال : و مين ديه اللي يجدر يمس سمعة بتنا بكلمه ديه يكون فيها ج*طع رجاب يا بيه

و بعدين اديك جلتها بتنا يعني احنا اللي حنكون في الوش تمام اكده

حكيم بيه خلاصة الكلام الجواز مش 

بالغصب و لا بالعافيه و ولدك دكتور جد الدنيا و ربنا يرزجه باللي تهنيه عن اذنك سلام عليكم

يدخل مازن و يخبط فيه و جمال ميعبرهوس و يمشي : هو في ايه يا ابوي

حكيم : تعالى يا فالح شوف اللي حوصل و انت داير على كيفك

مازن : الله ما تتحدت معايا زين يا بوي ديه اني فرحي بعد يومين

حكيم : لا ما هو اني حجولك خلاص بح مفيش فرح

مازن : مفيش فرح كيف انت بتجول ايه يا ابوي

حكيم : الجماعه فضوها و جالوا معاوزينش يكملوا الجوازه

مازن : معاوزينش ديه إيه هو لعب عيال إياك 

حكيم : أيوة لعب عيال و اني غلطان اني مشيت وراك ورحت خطبتهالك

مازن : ابوي الكلام ديه ميلدش علية رحمه حتجوزها يعني حتجوزها حتى لو اتطربجت السما عالارض ديه أني لو حكمت اخطفها

حكيم : و اني جلت خلاص معاوزش أسمع سيرة في الموضوع ديه تاني جتك الهم 

مازن: أبوي أني محسيبش رحمه تروح من يدي على جثتي

هما فاكرين نفسهم مين ديه اني الدكتور مازن

حكيم : ياخي اتنيل انت صدجت نفسك أمال لو مكناش كنا بندخلك الإجابات في الثانويه العامه و لو مكنش حبايبنا اللي في الجامعه مكنش زمانك نجحت ولا سنه

انى بعد اكده محمشيش وراك تاني و كلمتي بعد اكده هيا اللي حتمشي و اني اللي حختارلك اللي تتجوزها يا للا غور من وشي خليني  افكر حجول للناس إيه أني غلطان اني مشيت وراك انت و امك اللي ضيعتك بدلعها فيك

مازن : و اني جلت حتجوزها يعني حتجوزها مهمن حوصل 

ايه الكلام اللي بتجوليه ديه يا زينه

زينه : هو ديه اللي جالته سكرة لفرحه و فرحه اتصلت علية و جالتلي

بس اطمن يا حبيبي اني عرفت انها عايشه متخافش

زياد بقهرة : رحمه

ينزل يجري زي المجنون و يروح المستشفي يقابله عامر : انت ايه اللي جابك اهنيه

زياد : طمني عليها الله يخليك

عامر : تاني يا زياد تاني

زياد : الله يخليك يا عامر اني خلاص معاوزش حاجه بس اشوفها اطمن عليها و حمشي على طول و محجيش تاني

زينب : تعالى يا زياد ادخل شوفها

عامر : اما مينفعش اكده ابويا لو رجع و شافه محيحصلش خير

زينب : ليه حيوحصل إيه أكتر ماللي حوصل أني خلاص مبجتش باجيه على حاجه و اللي عايزه يعمله اني معدتش حخاف و انت ملكش صالح انت فاهم

تعالى يا زياد ادخل لها اطمن عليها

يدخل زياد و هو عنيه دموعها نازله بغزارة على وشه يقعد في الأرض ادامها و يتأمل ملامحها اد ايه وحشته الكام يوم دول حاسس انه بقاله عمرما شافها

وشها شاحب و اكياس الدم و المحاليل متعلقه و هي غايبه تماما عن الوعي

رحمه حبيبتي اني اهنيه جمبك الف سلامه عليكى يا غاليه رحمه انتي حسه بية مش أكده أني بحبك جوي يا رحمه يحبك و لو علية نفسي افضل جارك العمر كله يا حبيبة جلبي فتحي عينك يارحمه عشان خاطر زياد حبيبك يا حبيبتي

ازاي يهون عليكي نفسك تعملي فيها أكده عايزة تموتي يا رحمه عايزة تجهريني العمر كله عليكي 

زينب : بتحبها أكده

زياد : رحمه كل حياتي دنيتي اللي من غير وجودها فيها ميبجلهاش عازة

زينب:  و اديها اهيه اثبتتلك جد ايه هيا بتحبك و كانت حتفرط فعمرها كله عشان متتحرمش منك دلوك جه وجتك عشان تثبتلها انت كمان جد ايه بتحبها

لزمن  تتمسك بحبك و متسيبهاش مهمن حوصل 

😥😥😥😥😥😥😥

يا لهوي عالعسل يا ناس ايه السكر ده كله

غزل : مامي

عطر : نعم يا عيون مامي

غزل : هي ميس ناهد عامله الحفله دي كلها علشاني انا

عطر : لاء يا روحي عشانك انتي و اصحابك كلهم بتحتفل بيكم عشان مواهبكم اللي شرفت المدرسه

غزل : مامي هو انا ممكن أطلب منك طلب

عطر : أميرتي و حبيبتي تطلب وانا انفذ

غزل : عاوزة البس السلسله بتاعتك و انا رايحه الحفله

عطر : انهي سلسله يا روحي

غزل : السلسله اللي بتبصي عليها كل يوم قبل تنامي هي شكلها حلو اوي و عجباني و عاوزة اروح بيها الحفله ممكن يا مامي

عطر : هو ممكن طبعا بس تخللي بالك منها يا غزل دي غاليه عندي اوي

غزل : متخافيش يا مامي انا مش صغيره

مامي هو حضرتك مش حتيجي معايا

عطر : غصب عني و الله احنا بنعمل شغل تقفيل الميزانيه حاجه كده صعبه عليكي تفهميها و انا مش عاوزة جدو يزعل و بعدين تيته حتبقى معكي و بصي حقولك لو خلصت بدري حجيلك

غزل :، ماشي

عطر : متزعليش عشان خاطري 

تحضنها غزل :، انا مش ممكن ازعل من مامتي حبيبتي

انتي عارفه يا مامي انا قلت لكينو ييجي معايا بس هو قاللي انه مش فاضى ياللا معلش بقى ما هو تلاقيه عنده شغل

عطر : هههههه عسل يا حبيبتي يا غزلي ربنا يخليكي لية يارب

ينزلوا تحت و مشيرة تقعدها على رجلها و تشوف السلسله فرقبتها : الله ايه سلسلتك الجميله دي

عطر : دي سلسلتي يا طنط كانت هدية ماما لية يوم فرحي كانت مفهمانا عمتي انها سايبهالنا ذكرى منها قبل ما تموت

مشيرة : بس دي شكلها حلو أوي

انا ليه مشوفتكيش بيها قبل كده

عطر : بخاف البسها تضيع مني

مشيرة : الله و اسمك منقوش عليها و اسم ين ده ناهد

عطر : ايوة يا طنط ما هي اسمها ناهد

مشيرة لنفسها : ناهد معقوله تكون صدفه إن اسمها ناهد و شبهها الشبه ده كله لا مش ممكن مش معقول

عطر هو انتي مينفعش تعتذري لمجدي و تيجي معانا الحفله

عطر: لا طبعا يا طنط حضرتك عارفه انى أنا اللي بعمل الشغل ده و خصوصا ان ندى مبتجيش ومينفعش اقول لعمي كده

مشيرة : طب عالأقل خلصي و تعالي لازم تيحي ضروري يا عطر

عطر : مالك يا طنط في حاجه

مشيرة : ايه لا مفيش بس مش عاوزه غزل تحس انها لوحدها

تاخدها مشيرة و يروحوا و هي عاوزة تحاول تعرف هل هيا و اللا لاء 

يصلان إلى المدرسه و تقبل عليها لترحب بها 

يا حبيبة قلبي انا فين الحضن بتاعي

تحملها على يديها و تأخذها في احضانها تحتضنها بشده فهي تحبها حقا تحبها و كأنها جزء منها

غزل : اهئ اهئ

ناهد : أموت انا في الضحكه العسل دي

إيه ده استني يا غزل سلسلتك اتشبكت في هدومي

تفك السلسله فتقع عينها عليها تجد نفسها تنظر إليها بدهشه شديده تقلب بها بين يديها يكاد عقلها ان يجن او ينفجر من رؤيتها لتلك السلسله 

تنزل غزل و تمسكها  من ذراعها و الدموع تتساقط من عينيها غزل حبيبتي قوليلي انتي جبتي السلسله دي منين يا غزل

غزل : دي سلسلة مامي بتاعتها هي و انا قلتلها عاوزة احضر بيها الحفله و هي قالتلي حاضر عشان مزعلش  و مامي قالتلي خللي بالك منها يا غزل عشان دي غاليه عندي اوي 

 

ناهد : انتي بتقولي إيه السلسله دي بتاعة مامي لا مش معقول مش ممكن تضحك و تبكي في ان واحد غير مصدقه ما تشعر به : غزل هي مامي اسمها ايه يا حبيبتي

مشيرة من خلفها : عطر يا ناهد اسمها عطر

 اتمنى انها تعجبكم سلام يا حبايبي 

🌹🌹🌹🌹🌹

 •تابع الفصل التالي "رواية يكفيني منك عقابا" اضغط على اسم الرواية