رواية ملح بطعم السكر الفصل الخامس و الثلاثون 35 - بقلم سلمي سمير

  رواية ملح بطعم السكر الفصل الخامس و الثلاثون 35 - بقلم سلمي سمير 

مشاعر-غامرة

البارت_الخامس_والثلاثون

 ••••••••••••••••••••••••••••••••••••••••••••••••••☆

كل شيء في الحياة يتبدّد ويزول إلا النور؛ فإنه يسعى ليتعرف على جمال الحياة. في أفق الحياة آمال وآلام، ومن بينها تولد عصافير الجمال.

نزل كلام الدكتورة علي سمع رياض كالصاعقة التي ضربته فاقدته توازنه وظل يردد بعصبية وصدمة"

مستحيل ورد تكذب علي كيف عملت اكده فيا تاني ، دي اكثر  واحدة خابرة ان مجدرش اعيش مع مره كذابة ورد بعملتها دي فجدت ثقتي فيها وانا عمري ما هسامحها واصل

نظرت إليه الدكتورة آزاد بانزعاج وقالت ليه بتعجب "

في اية يا كبير مين قال ان ورد كذبت عليك، انا كل اللي قلته تشخيص الحمل خطأ ،مش مفيش حمل، 

التشخيص السليم وسبب النزيف ورد حامل في تؤام وبسبب نزول الحمل في الحوض،  اصبح في ثقل علي عنق الرحم وعمل نزيف ولازم ترتاح الست شهور الجاية، لاما نعمل عملية ربط علشان الاجنة متنزلش  

طالعها رياض بصدمة الجمته وجعلته يركع سجدا حامدًا شاكرًا إلي الله الذي اعطاه من فيض كرمه، بعد رضاءه بقضاء الله وقدره عوضه بإنعامه عليه جزاء صبره ، واعطاه بدل الطفل طفلين  من زوجته العاشقة 

نهض رياض بعد إن شكر ربها وقال للدكتورة بحزم وصوت مشحون بالعاطفة "

اعملي  الصالح ليها يا دكتورة،المهم ورد تكون بخير واللي في حشاها المهم دلوج ان النزيف اتوجف صوح

هزت راسها بالموافقة وابتسمت له "

الحمد لله هو بس ثقل واجهاد  مش اكثر وبعد الربط هتقدر تتحرك زي ما تحب يومين ونجهزها للعملية وياريت راحة تامة وبلاش توتر او اي ارهاق نفسي او بدني ،عن اذنكم

غادرت الطبيبة وهرع رياض إلي غرفة ورد رأها نائمة كالملاك واثر الدموع  مازال علي وجنتيها الحمرواتين,  ملس عليهم بحنان ورقة ، تبسمت دون إن تفتح عيناها وقالت"

سامحني لو كنت وقعت قلبك، انا مش قادرة اسامح نفسي علي اللي حصل 

انحني علي وجهها ولثم وجنتاها وتذوق ملوحة دموعها وقال بعذوبة ورقة عاشق "

لو جلبي انخلع كان عليكي وعلي انك تخوني عهدي معاكي ونتفارج، مش الولد اللي بيربط جلوبنا يا ورد الثجة والاحترام والوفاء والعشج للعشج من غير الجور علي حج  حدا او علي مجامي ككبير للعيلة

فتحت عيناها وكان الف تساؤول يكتنفها ويملاءها بحيرة وسالته باستفسار "

من امتي خونت عهدك يا رياض او خنت قلبي في عشقك يمكن قتلته ودوست عليه اخلاصا لجاد ووفاء ليه ، لكنك كنت ومازلت ساكن قلبي وعايشة علي عهد عشقه ليك 

رفع راسها  وضمها الي صدره وقال بحزن"

مين جال انك خونتي، لكن فهمت غلط من الدكتورة لما جالت تشخيص حملك خطأ ظنيت انك كذبتي عليا تاني، مكنتش خابر ان ربنا رايد يرضيني ويطعمني بزيادة وبدل الولد اتنين

اخذت نفس عميق ونظرت اليه بابتسامة مخنوقه"

في حاجات مينفعش فيها الكذب وبالذات لو هتجرحك وانا مقدرش اجرحك او اتسبب في الم ليك،.يمكن اداري عليك اخبي في قلبي اللي يتسبب في اذاك، لكن عمري ما اتحمل اخسر ثقتك وايمانك بعشقي ليك  

غامت عيناه بشكل خطر وادارها اليه "

تخبي عني ايه يا ورد، انا مجبلش اعيش مع مرتي وهي مدارية عني شئ ، ولا جصدك المك اللي حبستيه في جلبك لاجل متحسسنيش بعجزي وحرمانك من ولد ليكي مني 

ابتلعت أرياقها واشاحت بنظرها بعيدا عنها ثم ارحت راسها علي صدره وتنهدت بحرقه قائلة"

هو كده بالظبط علشان كده عايزاك تسامحني كان غصب عني ، رياض انا بحبك فوق استطاعت قلبي ، ارجوك اغفر لي هفواتي للحفاظ عليك 

ادارها اليه وعانقها بقوة وقال بسعادة غامرة"

لجل الحمل الثقيل علي جلبك وحبك الكبير لي،مسامحك وعمري ما هزعل منيكي لكن توعديني بعد اليوم ما تداري عني وجعك او المك او حتي انفاسك الحزينة الهربانة منك لجل تريحيني بابتسامتك واللي فات مات وانتهي يا ووردتي ها توعديني يا منية النفس

هزت راسها بثقة وتنهدت براحة وقالت "

مدام اللي فات مات يبقي اللي جاي مفيش فيه اي اسرار، والحمد لله انصلح الحال وربنا عوضنا علي صبرنا خير

 ••••••••••••••••••••••••••••••••••••••••••••••••••☆

بعد يومين تحسنت صحة ورد وقامت بعمل عملية ربط للرحم حتي تستطيع إن تكمل حملها علي خير 

بعد عودتها الي الدار كان الوضع غريب عليها من اهتمام رياض المبالغ فيه الي امها التي كانت لا تفارقها غير ياسمينا التي اصبحت مسؤولة عن تغذيتها والاهتمام بكل ما يخص صحتها وصحة الاجنة  واعطاءها الفيتامينات في مواعيدها

وكانت فرحة فيصل وعبد الرحمن تتجسد في سؤالهم الدائم عن صحتها اما ياسين فكانت فرحته لا تقدر بثمن 

حتي انه طلب تجهيز غرفة جديدة لهم يشرف هو علي تجهيزها بنفسه سواء بنات ام صبيان

ام الليل فكان لرياض الذي كان احن عليها من نفسها حتي انه حرص علي اعطاءها كوب الحليب الذي تحضره له امه او حنان ويشربه لها بيده ويطلب اخر له 

ووقت النوم كان حوار  اخر  شيق يدور بين رياض واجنتها 

ما ان تتمدد ورد علي الفراش ينحني رياض ويضع راسه بخفة علي بطنها ويظل يحكي معهم كانهم امامه ، كان حديثه لهم يجعل ورد تبكي من طول انتظارهم لهذه المعجزة التي وهبها  الله  لهم نتيجة صبرهم ورضاهم بقضاءه

تغمض عيناه وتظل تسمع حديث رياض المفعم بالاحاسيس والمشاعر المضطربة بين الشوق والاشتياق واللهفه والحنين 

والتمني والرجاءو الكثير من المشاعر التي لا تحصي

تنهدت بعمق واخذت تنصت الي حديثه جيدا لكي تردده الي اولادهم حين يكبرون ويعرفوا كم كانوا حلم جميل وتحقق، 

يبدأ رياض حديثه بالبسملة( بسم الله الرحمن الرحيم)

كيفكم يا فلذات كبدى وروح الجلب من جواته،لو ربنا يعطيني  العمر وانضركم بعيوني رجال كي خواتكم تبجي فرحة العمر كلته، انا بحكي معاكم عن حياتي وكيف انتو هتبجي زهرة عمري وفرحته اللي عايش ليها

وكل يوم يمر تزداد الحوارات والحكايات بين رياض  والاجنة الي يوم فتح فيه  قلب وقص عليهم حكاية ل يصدقها عقل 

بدا بأن ملس علي بطنها برفق وحنان ولثمها بعشق جارف"

عارفين من ميتى مشتاج ليكم حتي امايتكم ما تعرف ها الموضوع، من زمان جوي جوي حتي جبل ما اتجوز خديجة 

اسمعو حكايتي واعرف كيف العين مشتاجه للنظر ليكم والجلب متلهف عليكم  ولضمتكم بين يدى واحساسي بيكم

من ٣٠ سنه تجريبًا يوم ما اتخرجت من كلية الهندسة وبوي جرر اكون الكبير من بعده وكان بياخد رأي في كل ما يخص مجلس العيلة وحملني امانة العدل بينتهم حتي لو علي حسابي، يومها شفت الدنيا غير الدنيا وكبرت جدام نفسي سنين وسنين من الحمل اللي بجي علي كتفي كبير، ان اكون حكم بين الناس مش شئ جليل ، بالعكس حمل ما يتحمله جبل لانك بتجف باعمالك اللي فصلت بيه بين عباد الله امام ربك تتحاسب عليها ولو معدلتش حتي في الظلم بتتحاسب حساب الكل، كي الامام اللي بيتحمل ذنب كل المصلين لو اخطأ

اول يوم حكمت فيه بين الناس كنت مرعوب وخايف من لجاء الله روحت المسجد وفضلت  اصلي لربنا كتير واستغفره كتير لحد ما تعبت وغلبني النعاس

ولما نعست شفت نفسي ماشي بين حديقة كله ازهار جميلة وزينة بالوانها البديعة 

الا وردة كانت بعيد عني وريحتها حلوة ، كل ما اجرب منيها تبعد كنت بطاردها نفسي املكها واشم ريحتها

لكن لما بجت بين يدى  ماكنش ليها ريحة خالية وشفت خوي 

جاد جاي وجف جاري وخدها مني رغم جمالها اللي دبل لما بجت في يده لكن ريحتها كانت نفاذة وملت الدنيا بعطرها

ابتسمت ليه وجولته مبروكة عليك 

هز راسه وجالي يمكن كانت لي لكنها مش ملكي هي ملكك انت ولازم كل واحد ياخد اللي ملكه لان ما ينفعش يصير لغيره،عطاني اياه وجري بعيد وفضل يبعد يبعد

والوردة اللي كانت دبلانة صارت كي المولودة جديد زهرت ونورت من جديد ولجيت فجاءه الحديقة صارت كلها ورود ونفس ريحتها الحلوة

ولما كانت في حضني جفلت وفتحت فجاة علشان الاجي في حضنها كي البراعم اللي رايدة تتفتح شكلهم جميل وريحتهم حلوة كي ريحت وردتي 

جيت اخدهم  لجيتهم جم ليدي و وبيضحكوا كانت وجوه جميلة مش ورود وبس ومعاهم حياتي نورت وزادت بهجة وسرور

حسيت بالحمل اللي علي كتافي خفيف ومش صعيب كي ما كنت بحس وخايف منيه 

ولجيت نور بيتمد جدامي ويدلني علي طريجي،  شكرت ربنا وسجدت ليه راكع علي إنعامه علي 

واه يا ولاد بوكم صحيت لجيتني راكع كي ما كنت بالحلم، شكرت ربنا علي الهداية لكن حبيت اتوكدت مين الوردة اللي هتعطيني وردتين كي الجمر، ملامحهم كانت مسيطرة علي

ودعيت ربي يكونوا من صلبي

خرجت من المسجد وجلبي ملهوف اعرف تفسير الحلم، روحت وسالت عمي الشيخ  ياسين  اللي فرح علشاني وجالي انت ربنا بيحب وولاك علي عباده اتوكل علي الله انت اولي بالحكم بين العيلة وفعلا انت اهلا ليها 

ودي رسالة من ربنا انه هيرضيك وهيعطيك كل ما تتمني، ومهما طال انتظارك هتنال بالرضي والايمان بثقتك في الله

وبشرني ان ربنا  هيرزقك باولاد هيكون من الصالحين 

شعر رياض بارتعاش جسدها تحت يده رفع راسه ونظر اليها 

وعيونه تبكي بيابأ "

ايوة يا ورد كنت انت حلمي وولادي منيكي انت لكني وجتها كنت صغير وغرجان في حب خديجة

ظنيتها وردتي ولما ربنا رزجني منها عبد الرحمن ووراه فيصل 

جولت هما دول الزهرتين اللي حلمت بيهم

لكن فضل جزء جاد اللي مجدرتش افسره ليه خوي هيحرمني من مرتي لكن لما ماتت جولت يمكن كان سبب في اللي حصل وانه شجعها علي الحمل 

ياما فكرت كتير وكتير وكنت عندى يقين بان حلمي رؤيا لازم تتحجج مهما طال العمر

وده سبب تاني لرفضي الجواز بعد خديجة،

علشان تظهري انت في حياتي كي النسيم اللي انعش دنيتي الجافة وروي ارضي العطشانة

عشجتك ياورد من اول ما حملتك بين يدى من داركم بمصر اول ما حملتك شميت ريحتك اللي كانت في الحلم

بجيت اكذب نفسي اكيد ده حلم مش حجيجي وانا موهوم

كنت بخاف عليكي من شدة رغبتي وعشجي ليكي،لكن حلم جاد انه هياخدك  مني كان بيجتلني ويخليني احرمك علي نفسي

لكن لما حاولت اتعالج وجولت يمكن في امل وياست عرفت ان الرؤية كانت واضحه يمكن انت ملكي لكنك مش هيكون ليكي الخلف غير من جاد

كان عشمي في ربي كبير انه يردك لي كي المنام وده صبرني وجوني علي نصيبتي في فراجك

ويوم ما طلجك خوي وسافرت ليه كنت بتمني يسامحني لاني هردك لي

لكن لان وعد الله حج لجيت خوي بيطلب اني اتجوزك واني اولي بيكي وهبك لي كي ما كان بالمنام

اه يا ورد اه يا ورد

ويضمها الي صدره بقوة ودموعه تغلبه ليكمل ما قال"

يوم ما ربنا ردك لي جولت خلاص ربنا راضي عني اعطاني الولدين الصالحين والزوجة اللي هتنور حياتي

مكنتش خابر ان عطاء الله ملهوش حدود،

كي ما جال في كتابة الكريم ( وبشر الصابرين)  

يوم ما رجعتي من مصر كنت كي الحلم جميلة وجواتك روح حلوة اتولدت من جديد خفت اكون بتخيل

لاجل اكده صديتك لكني مجدرش اجاوم اني احجج حلمي وانضر ولادى منيكي 

كانوا اتنين جولت لحالي معجول ليا نصيب منيها، مشيت بالعلاج من وراكي واستنيت تكوني انت كمان جاهزة ودعيت ربي كي ما منحني الامل يحججه ويكمل بشرته لي

وفعلا حصل الحمل كتير كنت بكذب نفسي  واجول ده حلم

مش حجيجه،لدرجة كنت بجول اني اتخيلته ومش منام شفته حتي وجت ما الدكتورة جالت خطا في التشخيص

خفت اجولها يعني توأم مش ولد واحد

ليجولوا علي اتجينيت كيف وانا واثق انه ملجوش غير حيوان منوي واحد حي اكيد مش حجيجي 

كذبت  نفسي وكذبتك وكذبت الكون لاجل ما اجول اني شفت كل اللي حصل واللي هيحصل من ٣٠ سنة

عاد وضع راسه علي بطنها وصاح بحرقه من اعماق قلبه"

اه يا نعمة الله ورضاه عليا انا نضرتكم بعيني قبل ما انضر امكم بسنين طوال

رفعت ورد راسها ونظرت اليه بشدة وهتفت بحرارة "

رياض انت بتقول ايه انا كنت رؤياك وحلم اتحقق بعد سنين يعني  معجزة حملي كانت مكتوبة علينا، وانت كنت متمسك بيقينك ان الله يعطي الصابرين اذا صبروا 

انت صبرت كتير اووي علي حلمك حتي اني اكون حامل في تؤام كانت معجزة اكبر من تصوري، لولا انا درست وعرفة اني ده ممكن يحصل وطبيعي بس  عمري ما اتوقعته

(التوأم المتماثل، أو ما يسمى علميًا بالتوائم أحادية البويضة، هو توأم ينشأ من بويضة مخصبة واحدة، فبعد أن يقوم الحيوان المنوي بإخصاب البويضة بنجاح، تنقسم البويضة ليتطور جنين مستقل من كل قسم.

تكون درجة التطابق الشكلي بين التوأم من بويضة واحدة في هذه الحالة مرتفعة إلى حد كبير، وذلك لأن هذه الأجنة نشأت وتطورت من حمض نووي وتركيبة جينية أخذت من بويضة واحدة ومن حيوان منوي واحد.) ( حقيقة علمية)

ابتسم رياض برضي وضمها الي صدره بحنان "

ياورد اختبار ربنا لعبده في حد ذاته  رضا ، اذا احب الله عبد اختبره في اغلي ما يملك بعد دينه ووطنه ولده وعرضه وماله، والحمد لله نجحت وكل يوم ثجتي في الله وايماني بيه بتزيد مع كل حكم عادل بحكم بيه، بيكون رضا الله عليا  متجسد في صلاح الزوجة والولد 

رايد اكثر من اكده ايه وبالاخر حجج روؤيتي ويوهبني منيكي الولد الصالح اللي حلمت بيه

عرفتي كي انا مشتاج ليهم يمكن اكتر منيكي، لاني نضرتهم وفاكر شكلهم زين،كل منايا احملهم واحس بيهم 

عناقته ورد بسعادة ملات قلبها من حب الله لزوجها ورضاءه عنه ،ارحت راسها علي صدره وقالت بعد تنهيدة قوية"

باذن الله هتشوفهم وتحقق رويتك لانك راجل تقي ربنا حملك امانة وكنت قدها، فعلا طبقت عدل الله حتي علي نفسك، حرمتني عليك علشان توهبني السعادة،ولما ردني ليك مردتيش تقولي علي رؤيتك علشان متعشمش في امل مستحيل، انت نفسك كنت مكذبه علشان متحسش ان ربك اكرمك برؤية لحياة قادمة لا تعلمها ،وده كان اقوى اختبار لايمانك وصبرك و

تقواك عمرك ما سمحت لشئ يبعدك عن ذكر لله او يضعف ايمانك ، انت فعلا يا رياض مثل ما قال عنهم الله في كتابه"

( رجال لا تلهيهم تجارة ولا بيع عن ذكر الله وإقام الصلاة وإيتاء الزكاة يخافون يوماً تتقلب فيه القلوب والأبصار * ليجزيهم الله أحسن ما عملوا ويزيدهم من فضله والله يرزق من يشاء بغير حساب)

ابتسم اليها كانه يمني نفسه بان يكون كذلك، بعدها رفع يده الي السماء داعيا المولي عز وجل قائلًا بخشوع وتضرع"

اللهم اتم نعمتك علي عبدك الفجير الذليل اليك،واعفو عن زلاته واصلح له زوجه واولاده  وتقبله عندك من الصالحين، 

لتردد من وراءه ورد وهي فخورة بزواجها من رجل تقي يخشي الله في كل افعاله واقوله وفوق ذلك قوى وحنون واب مثالي وزوج ليس له مثيل  لتقول بعمق وحرارة"

اللهم امين اللهم امين 

لتضمه بقوة لصدرها وتغرق في احضانه وتلقي راسها في جوف صدره تريد ان  تختفي بداخل روحه النقية

هكذا كل يومهم لا يتغير كثيرا راحة وهناء ورضي من الله

 ••••••••••••••••••••••••••••••••••••••••••••••••••☆

مرت عليهم الايام طويلة وثقيلة ورياض يحصيهم كأن ما مر من عمره لم يكون في جمال واروع ما هو قادم 

ومع كل يوم يزداد عشق ورد اليه كأنها ولدت فقط لتعبد الله وتعشقه،. وصار الوقت الضيئل الذي يغيب عنها فيه، كالموت بالنسبة لها كأنه يخرج وياخذ ،روحها معه

حالة غريبة من العشق ليست منظوره لاحد غيرهم لكن الجميع كان يشعر بيهم ويتمني لهم ان تكتمل سعادتهم على خير 

بعد مرور خمس شهور علي حمل ورد، استيقظ كل من في الدار علي صراخ حنان وصياح عبد الرحمن المذعور الذي كان ينزل الدرج وهو يحملها كالتأئه ما ان التقي جدته قال"

الحجيني يا جدة  حنان بتولد جلبي مخلوع عليها جوي

صاحت فيه جدته عديلة ومن وراؤها اتت حفيظة وكل من بالدار استيقظ مرعوب علي صوتهم "

انت اتجنيت ليه حملها وادليت بيها من اوضتها هما دخلها اوضتي وانت يا فيصل روح هات الداية او الدكتورة اللي تلاجيه صاحي هاته، 

هم يا واد واجف ليه اكده كي صنم دخل مرتك ومددها هم

انطلق فيصل مسرعا لكي ياتي بالطبيبة بعد ان غير ثيابه

ام عبد الرحمن فقد ادخلها غرفة جدته ولحقتها عديلة من اجل مساعدتها  الي ان تاتي الطبيبة امسكت به حنان وصرخت بالم "

متسبنيش  يا واد عمي لحالي حسا اني هموت

صاحت بيها عديلة بشدة قائلة"

مالك يا بنت مهران،هيعملك ايه جوزك  لا انت اول ولا اخر واحدة تولدى ، ادعي الله يسهلك حالك وتجومي لينا بالسلامة 

وانت هما يلا اخرج يا عبد الرحمن ملكش مكان اهني

غادر مغصوب وعنياه ترقرق بالدموع، عند خروجه جذبته حفيظة الي صدرها ومسدت  علي ظهره بحنان وفرحة"

اباه عليك انت الموجوع ولا  هي اهدى اكده كلها كام ساعة وولدك صوته يملي الدار وتصير اب 

هم  اتوضئ وصلي ركعتين لله ان يسهل ليها الاحوال البكرية يومها طويل يا ولدى 

ابتلع أرياقه و رد عليها بتوتر وارتباك"

جصدك هتفضل كتير  تتواجع ،يادى المرار الطافح

التفت علي يد ابيها التي ضربه بخف علي راسه ونهره مازحًا"

مرار طافح  انها تتعب في خروج ولدك لدنيا وما اصعبه، اه يا خايب يلا هما تعالي ندخل نصلي انا وخواتك علشان ربنا يكرمها وتجوم ليك بالسلامة

دخل هو ولحقه ياسين وعلي ونظرت اليهم ياسمينا بخوف"

طيب وانا هعمل ايه 

احتضانتها جدتها  حفيظة وقالت لها بجدية"

انت عليكي ترفجي أمايتك اوعاكي تهمليها لحالها،

قبل ان تكمل حديثها كانت ورد خرجت من غرفتها وسالت بقلق"

طمنيني يا ماما حنان اخبارها ايه 

اصاب الذعر حفيظة وهرعت  اليها تحسها على دخول غرفتها الا انها رفضت وبشدة وقالت بحنق"

ازاي يا ماما مش عايزاني اشاركم قلقكم وانتظاركم بفارغ صبر  لولادة اول حفيد بالدار ،ازاي مكنش معاكم اشاركم فرحتكم واشارك جوزي فرحته بحفيده

هزت حفيظه راسها بقوة ونهرتها "

لاه يا ورد ادخلي اوضتك وادعي ليها، صعيب عليكي يا بتتي تحضري ولادتها 

قطع حوارهم حضور الدكتورة ازاد التي طلبت من ورد التزام غرفتها حتي لا تصاب بطلق مبكر نتيجه القلق واللهفة علي حنان وهذا يتسبب بايحاء بالولادة  وهذا خطر عليها 

رفضت ورد  بشدة الا تشاركهم لحظات فرحتهم الاولي فما كان من حفيظة التي دخلت على الرجال غرفة الاستقبال وطلبت من رياض ان يخرج لزوجته ويقنعها بالدخول الي غرفتها حتي لا تعرض حملها الي الخطر

نهض رياض من علي سجادة الصلاة وهرج اليها ونظر الي عيناها الدامعة، دنا منها وملس علي شعرها وقال"

وحياتي عنديكي ادخلي اوضتك واوعدك اول ما تولد لاجيب الولد ليكي جبل الكل 

غمغمت بحزن واراحت راسها علي صدره وبكت"

نفسي اكون في وسطكم مع اول صرخة للبيبي،يا رياض عبد الرحمن ابني وحنان انا سعيت معاها لحد ما حملت، اللي جاي ده ليا فيه زيهم بالظبط وحياتي عندك انا هفضل معاكم  ادعي وبس من غير قلق صدقني

ابتسم اليها بحنان وربت علي ظهرها برفق "

يا وردتي  مريدش امنعك عن حاجة نفسك فيها،بس  انتِ حبلي وده خطر عليك، ماخيفاش علي ولادنا 

اخدت نفس عميق وردت عليه بحزن"

حاضر يارياض هنفذ  كلامك بس ده مش هيمنعني من القلق بالعكس 

وقبل ان تتحرك لتذهب الي غرفتها يسمعوا صراخ قوى لحنان اعقبه صرخة طفل وليد  لتطلق حفيظة الزغاريد

ويحتضن رياض ورد ويقبل راسها قائلًا"

عجبالك يا وردتي ما تجومي لي بالسلامة

دقائق وخرجت عديلة تحمل ابن حفيدها وتعطيه لرياض"

خدي يا ولدى حفيدك سمي عليها واذن ليه

تناوله رياض منها وضمه الي صدره بقوة واخذ جسده يرتعد بطريقة جعلت ورد تخاف عليه من حمل اطفالها الذي يشتاق اليهم بجنون اذا كان هذا حاله من حمل حفيده، فيما سيكون وضعه حين تولد ، اعطاه لها تقبله وعاد واخذه لياذن له

اتي إليهم عبد الرحمن ورأى ولده بين يد ابيه استاذًا منه في حمله اعطاه له رياض وقال لها بفرحه غمرت قلبها "

خد ولدك وسميه عقبال ما تشوفه راجل 

اخذه عبد الرحمن  منها وصار يلف بيه كثيرًا ويهلل بفرحة 

التفت رياض الي ورد لكي يشاركها فرحته الا انه صدم من مظهرها حين راها تمسك بطنها بألم وعيونها تحدق به بشدة وانفاسها تقاطعت وصرخت قائلة"

رياض.......

 ••••••••••••••••••••••••••••••••••••••••••••••••••☆ 

يتبع.....

• يتبع الفصل التالي اضغط على ( رواية ملح بطعم السكر ) اسم الرواية