رواية ملح بطعم السكر الفصل الثاني و الثلاثون 32 - بقلم سلمي سمير

  رواية ملح بطعم السكر الفصل الثاني و الثلاثون 32 - بقلم سلمي سمير 

جبر الخواطر

البارت الثاني والثلاثون   

 ••••••••••••••••••••••••••••••••••••••••••••••••••☆

ربي إن كان للفرح ميعاد متأخر.. فأرواحنا تضج بألف حيره.. فهب لنا من الحظ ما نتمناه وهب لنا أمراً يدهشنا فرحاً حد البكاء .اللهم أمين..

انطلقت الاعيرة النارية ابتهاجًا بحمل ورد زوجة الكبير، كانت فرحة رياض كبيرة، جعلت امه واولاده في حيرة من امره، انها ليس اول مرة تحمل زوجته، لماذا فرحته كبيرة عن كل مرة،؟!

هل لان الحمل حدث بعد فترة طويلة من زواجهم التي تخطت الأثني عشر عام، أم لان فكرة طفل يربط بينهم امنية طال انتظرها وحين تحققت كانت فرحته تخطت الحدود 

أقترب منه حفيظة والدة ورد وسالته بحيرة"

امرك عجيب يا رياض يا ولدى فرحتك بحمل ورد كانها اول مرة تحمل منيك، هو حملها جبل سابج مكنش برضاك

تنهد رياض  بارتباك ونظر الي اولاده الذين يمرحون باطلاق الاعيرة النارية ابتهاجًا بأخ صغير قادم إليهم والي ياسمينًا الفرِحه بسعادة بحمل امها الذي سيربطها بخطيبها اكثر،  باخ يجمعهم سويا،ثم عاد ونظر الي عمته واردف"

مكنش وجته يا عما ورد تحمل وولادها كانوا لستهم صغار ومحتاجين ليها، ده غير دراستها اللي اخرت فيها كتير،كنت رايد الصالح لها، لكن بعد اللي كان بيحصل، خفت عليها تحبل وتتعب، وبعد سنين فجدنا فيها الامل،  ربنا  عوض صبرنا خير لانه رايد يجمع بينا بطفل منيها ومني كي ماريداش افرح وادبح الدبايح انا لو عليا اجري بالايام والشهور لاجل انضر ولدي منيها،اصلك مخبراش ورد بالنسبالي ايه يا عما

لم ياتي  الرد من حفيظة بل من ورد التي اردفت بصوت يملاءه الفرحة والسعادة "

قولي انا ورد بالنسبالك ايه يا ابن عمي، وجوزي وحبيبي ودنيتي وقوتي وسندى وابو ابني 

اقترب منها رياض كالمسحور والوميض الذي يلمع في عيناه 

جعلها يظهر مكنون قلبه دون ان ينبث ببت شفاه، حملها بين ذراعاه ونظر اليها بعشق جارف جعل جسدها يرتجف من قوة الشغف الذي يسكن مقلاتها فدفنت راسها في جوف صدره كي تتشمم عبير جسده وعبقة الذي تعشقه ،شعر رياض بانفاسها الحارة التي تتخلل شعيرات صدره اردف بحرارة قائلًا"

اباه عليكي وعلي عشجي ليكي يا بت عمي يا منية النفس والروح ومهجة الفؤاد،

مخبراش انت بالنسبالي ايه، هجولك ومهما جولت ما هيكفي الحديت جواله فيكي يا روح الروح

انت بالنسبالي  منبع سعادتي، ضمّيني إليكِي، فأنتِ الصّدر الوحيد الذي يريحني من عبأ سنيني، يا وردتي المسي بيديكِ وجنتي، فيدكِ الحنونة هي الكف الوحيد الذي أتمنى أن أُلجي برأسي عليها كلما ضاجت بي دنيتي،  خذيني إلي احضانك ودثريني في جوف صدرك ، فصدركِ هو الملاذ الوحيد الذي يجرِدُني من همومي، امرحي بيديك في شعري كي أصير طفلك الذي  دائما في أشتياج لدفء الشّوج في صدرك،

أشتاج للمساتك وحنانك لانهم  جنتي في هذا الكون، فأنت سراجا أنار جناديل دنيتي وشمعة ذابت لتُدفي جلبي الخاوي فهل تكفيكِ دماء جلبي مداداً لكلمات أخطها إليك، أم هل تكفي بتلات الأزهار ووريجات الورود كراسات لكلماتي عشجي

اجول تاني ولا اكتفيتي يا منية النفس يا وردتي 

سكتت ورد ونزلت عبراتها الساخنة تعبر عن فيض مشاعرها التي انهي بها رياض الكلام فاتي من خلفهم فيصل قائلًا"

واه يا بوي انت بتجيب الحديث الحلوة ده منين، علمني كيف اجوله لاجل ياسمينا ما توديرني لو مجلتهوش ليها

ضحكت ورد وضربت علي راسها برفق قائلة "

يا خايب الكلام ده بيطلع من القلب لا بيتعلم ولا بيتقال غير لما القلب يحسه ويشعر بيه، علشان كده مش قادرة ارد عليه لان ابوك لخص كل الكلام في عشقه ليا 

اقتربت منه حنان زوجة عبد الرحمن وقالت بشقاوة"

لما الكبير يجول حديت زين اكده اومال ولده مش بيجول كي ما بيجول ليه، افهم من حديتك يا عما انه مش بيحبني كي  الكبير ما بيحبك

ضاقت عين رياض هامسًا الي ورد  بصوت خافت"

راضيا دلوج،  مرت ولدى هتحسدني علي عشجنا، انت مش هتجبيها لبر وعشجي ليكي هتبجي حكاية يتحاكوا فيها ، هدخلك فرشتك دلوج، وجوه اوضتنا واحنا لحالنا من غير عزول  هجول فيكي جصايد من العشج لاجل حبنا يكبر بعيد عن العيون اللي هتجل من مجامي لو خبروا انك نجطة ضعفي وانت بالاصل جوتي وعنفواني 

نظر الي زوجة ابنه وقال بكياسة "

يا مرت ولدى العشج مش حديت يتجال،  العشج احساس وروح تكمل روح من غير ما يتلاجو،ولو تلاجو بتتمزج الروحين وتبجي روح واحدة ، تعيش نفس الاحساس وتجول نفس الحديت وتتنفس العشج من ثنايا الحياة كشخص واحد

ثم اكمل حديثه بكلام حكيم قائلًا"

فانت لو خابرة زين انك انت وولدي واحد،  كي انا وورد ليه تدوري علي حديت ما يسعد غير نفسك لوجت جصير ،لكن جلبك عايش العشق وحاسس بيه 

هزت حنان راسها بأقتناع  واردفت بخجل"

ليك حج يا كبيرنا،  الحمد لله ولدك ده نفسي وروحي وحديت العشج لا هيزيد من حبه ولا يجلل منيه

ابتسم لهم بحنان واكمل طريقة إلي غرفته واغلقها خلفه ومدد ورد علي الفراش وهي ممسكه برقبته لتجذبه اليها ولثمت ثغره بعذوبة وعشق وهتفت بحرارة قائلة"

رياض انا بعشقك ولحد دلوقتي مش مصدقة اني حامل منك

قولي ان ده حقيقي مش حلم هصحي منه علي كابوس 

ثم اخذت يده ووضعتها علي بطنها وقالت بحماس"

معقول حتة منك  هنا ساكنة في حشايا هتكبر يوم ورا يوم لحد ما يجي  وتحمله بين ايدك زي ما حملته جوايا 

ظل رياض صامتًا ينظر إليها برهبة وتوتر،لاحظت ورد شروده وتوجست خيفة من صمته فسالته بحيرة"

رياض هو انت مش فرحان لحملي ولا مش مستوعب فعلا ان ربنا اكرمنا اخيرا وبذرة حبنا  اتجسدت طفل منك جوايا

ابتسم لها بحنان وشدها الي حضنه وتنهده بقوة قائلًا"

واه يا ورد لو تعرفي اللي جوايا دلوج هتحتاري حيرتي، ومش  هتعرفي تعملي ايه ولا تجولي  ايه،

  انا لحد دلوج مش مصدج بعد ما سلمت امري لله يجي اليوم اللي تحبلي  في طفل من دمك ودمي  ولد يجمعنا طول العمر اه يا ورد اه ياورد انا جلبي طاير من الفرحة واصل

كرم ربنا عليا كبير جوي جوي يا منية النفس ، مجدرش اصدج ان المستحيل هيتحجج وهنضر ولدى منيكي،لو كنت خابر ان هيجي يوم وتحبلي في ولدى الله في سماه ما كنت ضحيت بيكي، بس ارجع واجول ان ده امر الله وجضاءه ، ويمكن بسبب عدم انانيتي فيكي ربنا عوضني بحبلك

عانقته ورد بقوة وهو كذلك ظل يضمها لصدره بقوة وعشق الي ان تلاحمت شفتاهم في قبلات ساخنة لا تنتهي وفجاة ابتعد عنها رياض ونظر اليها بعيون تهدر عشقًا"

اهدى عليا يا ورد وحياة الغالي اللي في حشاكي، خايف من شوجي ليكي ااذيك وانت لحالك تعبانة 

تاففت ورد من ابتعاده عنها وتمددت علي الفراش قائلة بتجهم"

افهم من كده انك هتبعد عني لحد ما اولد، هو انا حامل علشان ربنا يرزقنا بطفل يقربنا، يقوم يبعدني عنك وعن حضنك وحنانك ودفاك ، ده حرام وربنا

نزع جلبابه وتمدد بجوارها وضمها إلي صدره بحنان ورفق"

لاه واصل مفيش حاجة تجدر تبعدني عنيكي ،حناني وحضني ودفايا كله ملك ليكي، لكن اجرب منيكي بشوجي واشتياجي واشتهائي ليكي لاه، بالله عليكي مريدش اخسرك واللي كنت بتعمليه تمثيل يصير حجيجه وتنزلي ولدى اخر فرصة لينا ولا نسيتي كلام الدكتور ان حبلك معجزة من الله

ثم نظر الي عيناها بحنان وشوق واكمل حديثه بعذوبة قائلًا"

هصبر  علي فراج عشجك لحد ما تجوم لي بالسلامة واحمل ولدى بين يَدي وانت هتساعديني  من غير ما تثيرني، لان حبلك امنيتك كي ما هي امنيتي، وانتِ خابرة زين اني كنت رافض تحبلي وانت بالسن ده، لكن اصرارك حمسني  فبلاش مشاعرنا تجرفني وعشجنا يضيع حلمنا يا وردتي 

تنهدت بقوة واراحت راسها علي وسادتها بتكاسل"

حاضر يا رياض هعمل اللي تقول عليه،بس ابقى اسمع منك كلمة نسوانك مش بيسمعوا الكلام تاني،

ضحك  ولثم جبينها بحنان قائلًا بشغف "

انت روحي مش مرتي بس،  انعسي وانا ههملك واروح اشغالي 

امسكت يده  بتملك وجذبته اليها قبل ان ينهض اردفت بضيق"

انت سايبني ورايح فين دلوقتي،خليك جمبي يارياض عايزة اتوحم عليك وربنا يرزقنا بولد شبهك

ابعد يده عنه وقبلها بحب ونهض من جوارها حازمًا امره "

رايح اشغالي يا بت عمى، ولا الشغل هيصرف حاله،اوعدك متاخرش عليك، وهجي اجعد جارك تتوحمي كي ما تريدي

بس بالله عليك ترتاحي انت شايلة في حشاكي اغلي هدية من ربنا هيرزجنا بيها وانتِ خابرة زين غلاوتها من غلاوتك عندى يا منية نفسي ووردتي الشامية الجميلة 

ابتسمت ورد براحة  حتي تطمئن نفسه الملهوفة واردفت"

حاضر يا عمري هحافظ عليها  علشانا وافديه بروحي 

هز رياض راسها بذعر وجذبها الي حضنه بتملك وقوة صائحا برهبة وتوتر بالغ "

لاه بروحك لاه  لو رايده منيك علشان روحك وروحي تكون متجسده فيه مش تحرمني منيك ده اللي مجدرش عليه،انا عيش بيك وليكي يا وردتي ، راعيه وريحي حالك وبس مريدش اكثر من اكده، ولو رايد اجيب اللي يخدموكي ليل نهار ساعة زمن ويكونوا تحت رجليكي 

هزت راسها  بصمت بعدما قالت عيونهم ما يعجز اللسان عن وصفه من عشق جارف ،جرفهم الي دنيا وعالم خاص بهم وحدهم ليس لهم فيه شريك غير بذرة حبهم الشاهدة عليهم 

تركها رياض وخرج مرغمًا ليصير اشغاله، وحين ياتي الليل سيكون لها واحدها ولحلمهم الذي تجسد واقع في احشاءها

 ••••••••••••••••••••••••••••••••••••••••••••••••••☆

ما ان خرج وضعت ورد يدها علي بطنها تحسسها بجنون غير مصدقه ان حلمها وامنية حياتها صارت واقع يتكون بداخلها 

ابن يجمع بينها وبين ما عشقته اكثر من نفسها 

اخذت نفس عميق وتذكرت كيف كان زواج عبد الرحمن السبب في احياء حلمها من جديد ..... فلاش باك 

ذلك بعد زواج عبد الرحمن بشهر ،اصيبت زوجته نزيف شديد وبعد عرضها علي طبيبة المركز لم تستطيع ايقاف النزيف ، فنصحتهم  بنزولهم الي مصر لوجود علاج لحالتها قبل ان يسبب لها النزيف  فقر دم رفقتها ورد هي وزوجها الي مصر  وذهبوا  الي احد الاطباء المتخصصين في حالتها وبعد الكشف اكتشفت الطبيبة وجود ورم ليفي هو السبب في حالة النزيف وطلبت استئصاله حتي يتاح لها الحمل وارسلتهم الي جراح ممتاز يقوم لها بالجراحة 

ما ان وصلت الي عيادة الطبيب الجراح لاحظت وجود دكتورة معه بنفس العيادة كانت صديقة عمرها ايام ثانوي لكنها دخلت طب بشري  وورد طب اسنان 

طلبت مقابلتها وعرضت عليها  حالة زوجة ابن زوجها حتي يطمئن قلبها، دخلت لها في كشف واستقبالتها الطبيبة دعاء بترحاب وبعد.التعارف قامت من خلف مكتبها وعانقتها بقوة"

ياه يا ورد اتغيرتي كتير عن زمان فين تبرجك ولبسك المثير  بس برافو انك محافظة علي رشاقتك وجمالك يا شقية 

ضحكت ورد واجابتها بحماس"

الا الرشاقة جوزي وسيم  والعين عليها لازم املي عينه

طالعتها الدكتورة دعاء باستغراب "

بس اللي عرفته انك اتجوزتي استاذ دكتور في الاقتصاد والعلوم السياسة ومات في حادث هو انت اتجوزتي تاني

هزت ورد راسها بالموافقة واجابة زوجة عبد الرحمن قائلة بفخر وتباهي "

عما ورد اتجوزت كبيرنا وكبير العيلة كلتها  بعد.ما عمي جاد.مات ، وانا مرت ولده الكبير

طالعتها الدكتور دعاء بحيرة وسالت ورد باستغراب"

افهم من كده  انك اتجوزت اخو جوزك  زي ما بنسمع  عادات اهل الصعيد، بس انت قبلتي بكده ازاي فين حقك بالاختيار

جاءت الاجابة من حنان التي سبقت ورد بالرد واندفعت قائلة بأستنكار وتحدى "

واه  ومالها عوايدنا يا دكتورة، عما ورد اتجوزت زين الرجال وكبيرنا كل بنات العيلة تتمناه ولولا اني مرت ولده كنت اتمنيته، هو يعيب علينا ان  الراجل يلم لحم اخوه، مش احسن ما تتجوز الغريب ويبهدل ولادنا ولا يحط عينه في بناتنا، عوايدنا اللي مش عجباكي بتحافظ علي لمة العيلة والولد  من انه يتربي في حضن غريب يبعده عن اصوله

ربتت ورد علي حنان كي تهدأ من عصبيتها واردفت قائلة"

معلش يا دعاء علي اندفاع حنان بس فعلا جواز الارملة من   اخو جوزها، مش شئ يعيب عاداتنا ، بالعكس اخو الزوج بيحافظ علي ولاد الاخ وبيعاملهم بحب وبيعوضهم فقدهم لابوهم كانه حي 

وانا متغصبتش علي الجواز من رياض، بالعكس كان اختيارى  وبرضايا، لان يا بختها اللي تتجوز صعيدى هتكون علي ذمة راجل بجد يحفاظها ويصونها ويخاف عليها

هزت الطبببة دعاء راسها بحيرة وتعجب واردفت"

بصراحة انا معجبة بيكي وبشجاعتك  في انك قدرتي تكيفي نفسك للحياة بالصعيد ونسيتي زخرف  المدنية،  ومحتارة باعجابك بعاداتهم اللي كانت سبب في هروب امك  منهم 

ضحكت ورد بمرح   وقالت موضحا"

هو نفس الشئ يا دعاء، اللي خلي ماما تهرب عشقها لبابا واللي خلاني اتكيفت  علي الحياة بالصعيد عشقي لرياض

بقولك ايه ان مش جاية ليكي علشان اكلمك عن حياتي، انا جايلك علشان حنان مرات ابن جوزي، بتعاني من نزيف شديد بعد جوزها وكشفنا عليها قال ان عندها ورم ليفي  بالرحم  ولازم يتشال علشان يحصل حمل 

نهضت دكتورة دعاء وطلبت منها ان تجلس علي سرير الكشف حتي تقوم بفصحها، بعد الفحص عادت الي مكتب وطلبت من ورد صور الاشاعة والتحاليل واردفت مؤكدة"

فعلا عندها ورم ليفي عضلي لازم يتم استئصاله، بس انا مش جراحة لكن بستعين بجوزي في الحالات الجراحية

وعلي فكرة هو الدكتور الجراح صاحب العيادة وانا شغالة معاه

قومي يا حنان تعالي معايا اعرضك عليه وهو هيحدد امتي تعملي العملية وانت يا ورد استنيني هنا في كلام كتير بينا مخلص دقايق وراجعه ليكي 

نهضت ورد واحتجت قائلة"

مش وقته يا دعاء  خليها وقت تاتي لازم اكون مع البنت متعرفش حاجة ولسه صغيرة ومرعوبة من حكاية ان عندها   ورم  ولازم اكون معاها معلش

ضحكت دعاء من تغير ورد الي هذه الدرجة، فاصبحت امراة تهتم براحة الاخرين وليس نفسها فقط كم كانت تعرف عنها  تبسمت في وجهه واردفت قائلة"

طيب تعالو معايا نعرض علي الدكتور رفيق الحالة ولعلمك الورم الليفي مش خطير ولا بيتحول لورم خبيث او خطير غير في حالات تكاد تكون معدومة، واسمعي انا  ليا معاكي قاعدة طويلة لازم اعرف ايه غيرك بالشكل ده 

ضحكت ورد لها وخرجوا سويا نهض عبد  الرحمن ما ان راهم خرجوا من عند الطبيبة وسال  ورد باهتمام"

طمنيني يا عما الدكتورة جالت ايه بردك عملية ولا هتتعالج 

ربتت ورد علي كتفه بحنان وقدمته لدعاء بفخر"

احب اقدملك عبد الرحمن ابن جوزي واخو خطيب بنتي وجوز العروسة

أؤمت الطبيبة له براسه مرحبا به وأردفت"

أهلا بيك متقلقش العملية بسيطه جدا وحكاية انه ورم مفيش منه خطورة اطلاقًا علي الحمل، انتظرنا هنا وهندخل للدكتور يحدد ميعاد للجراحة..

اخدتهم ودخلت عيادة زوجها وسالت السكرتيرة"

في حالة  مع الدكتور ولا لوحده

طالعتها السكرتيرة باحترام  واردفت قائلة"

لا يا دكتور دعاء لسه الكشف خارج من عنده، اتفضلي ادخلي  ليه قبل الكشف التاني ما يدخل  

دخلت ومن خلفها ورد وحنان نهض الدكتور وفيق مرحبا بها وبمن معها وسالها بتعجب"

شريكتي الجميلة نورت مكتبي اكيد.في حالة صعبة او غالية عليها ها اتفضلي قول اللي عندك

ضحكت وجلست علي طرف مكتبه وطلبت من ورد وحنان الجلوس وامسكت ذقنه بشقاوة"

فاهمني يا دوك احب اعرف علي صديقة عمري ورد الشام فاكر اللي كانت دايما الاولي بس هي فضلت تدخل طب اسنان، المهم  ان ورد حاليا متجوزة وعايشة في الصعيد، ومرات ابن جوزها بتعاني من ورم ليفي وهي لسه عروسة جديدة،  من الاشاعة والتحاليل انا شايفة ان الحل الافضل استئصال الورم علشان  يحصل الحمل ،انت بقي  حدد  العملية لاني مقدرش اثق غير فيك ايه رايك

طالع دكتور وفيق  ورد وزوجة عبد الرحمن  واردف"

علشان خاطرك هحدد ليها العملية في اسرع وقت بس الاول افحص المريضة بنفسي واتاكد انه ورم ليفي عضلي،لان ،مش مجرد اورام ليفيه متعددة ساعته  هنستاصلها بالمنظار مش بالجراحه اتفضل علي حجرة الكشف 

وضغط زر مكتبه، اتت الممرضة المساعدة له فقال لها"

خدى المدام جهزيها لاشاعة سونار crd , واعملي ليها كافة التحاليل الازمة  تحسبًا لاجراء جراحة

اشار الي حنان اتفضلي روحي معاها وانا هحصلك متقلقيش

نهضت حنان وامسكت بيد ورد بخوف"

تعالي معايا يا عما ورد انا خايفة

مسدت يدها بقوة ورفق"

روحي  معهم متقلقيش انا هستناكي هنا، دي مجرد اشاعة وتحاليل يلا اتشجعي يا حنون

دخلت حنان برفقة الممرضة والقي الطبيب وفيق نظرة علي الاشاعات والتحاليل واثني عليها "

تمام بس الاشاعات اللي هعملها هتاكد الطريقة الامثل للعلاج 

استاذنكم ربع ساعة وهرجع ليكم 

تركهم وذهب الي غرفة الكشف وجلست الدكتورة دعاء امام ورد

وسالتها بحيرة"

ممكن افهم بقي مالك، من الواضح انك بتحبي جوزك ليه حساكي حزينة  رغم تاكيدك انك مرتاحة في حياتك الجديدة

ابتسمت ورد واجابتها "

مفيش يا دعاء بس الحياة مش بتدي الانسان كل حاجه، فعلا انا سعيدة جدا مع جوزي بس محرومة من الاولاد

رفعت حاجبها بأستغراب  وسالتها بشك وريبة"

مش فاهمة قصدك ايه،انت لسه قايلة ان ابن جوزك خطيب بنتك هو انت معندكيش اولاد من جوزك الاول او التاني

هزت ورد راسها بالنفي والاسي واجابتها موضحا"

لا عندى اولاد بنت وولد وفعلا بنت خطيبة ابنه، لكن معنديش اولاد من حبيب قلبي وتؤام روحي

حدقت دعاء في ورد.بشدة ووضعت يدها علي قلبها وهتفت"

ورد.انت عاشقة عمري ما شفت لمعت عينك ودقات قلبك اللي علت دي علي حد غير عاشق حتي النخاع قوليلي انت اية حكايتك وليه مخلفتيش منه مدام عنده اولاد وانت عندك اولاد اية معقول ضرتك السبب

ضحكت ورد بتهكم "

مليش ضرة بس اذيتني قبل ما تموت، بقولك ايه انا مش هينفع اكلمك براحتي في الموضوع ده، بعد العملية هجي واقعد.معاكي قاعدة طويلة وهوضحلك كل حاجة

هزت دعاء راسها بالرفض وقالت بحماس"

لاه وانا هصبر كام يوم لحد ما اعرف حكايتك،صعب يا وردتي انا الفضول بيقتلني،اسمعي انا عزماكي علي العشا عندى النهاردة بالمرة اعرفك علي اولادى، تقي ولؤي  اية رايك

تنهدت ورد بحيرة واردفت بتردد"

مش عارفة بس الاول لازم استاذن من رياض لو وافق تمام

ضربت دعاء كفها بالاخر بذهول واردفت قائلة بتعجب"

لاه انت حكايتك حكاية هو الحب قلب كيانك كده،ثم هو لازم تقولي لجوزك ايه مش بيثق فيكي

لكزتها في كتفها بمزاح وقالت"

لاء يا دكتورة مش موضوع ثقة لكن شرع ربنا، ده غير اني مقدرش اعمل حاجة من غير اذنه 

استني هتصل بيه واخد منه الاذن

اتصلت ورد برياض الذي اجاب من اول رنة وقال بتحبب"

ووردتي جنتي اشتجتلك كتير يا منية النفس طمنيني عليكي وعلي  مرت ولدى ايه اللي صابها

اجابته ورد بخجل غير قادرة  بالتصريح له عن شوقها اليه وتبادله الاشواق  بسبب ترصد صديقتها لها فقالت باقتضاب"

انا بخير يا حبي وحنان بخير هي محتاجة عملية بسيطة وانا حاليا عند الدكتور اللي هيعملها ليها،وطلعت زوجته صديقتي وعزماني اتعشي معاها النهاردة واتعرف علي اولادها ايه رايك

سكت رياض لبرهه واجاب بنفاذ صبر وقلة حيلة"

مفيش مشكلة روحي  يا جلبي ، وخدي عبد الرحمن وحنان معاكي ومتتاخريش واول ما تعاودي للفندج اتصلي بيا تطمنيني انك وصلتي بالسلامة انا مش هنعس جبل ما اطمن عليكي،وجصري ايامك وارجعي بسرعة الدار من غيرك كي الجبر مطايجش اجعد.فيها ولا عارف انعس من غير دفي احضانك يا عشج الروح

تنهدت ورد.بقوة وغامت عينها بالشوق والحنين وهتفت بحرارة"

والله انا كمان مش طايقة الحياة من غيرك،  ربنا ما يحرمني منك،انا هاكد علي الدكتور يعملها ليها في اقرب فرصة وارجعلك يا حبي بعدها علي طول

بعد ذلك انهت معه الاتصال، ثم نظرت الي صديقتها التي تحدق فيها بدهشه واستغراب ،ابتسمت له ورد وصاحت فيها"

ايه حرام يعني اعبر ليه عن شوقي ليه وحشني يا دعاء

ضحكت دعاء وقالت لها "

ما قولتلك  انت حكايتك حكاية، المهم ان جوزك وافق وهستناكي بليل تتعشي معايا وتحكيلي ايه حكايتك انت وجوزك اللي من الواضح انها  قصة حب حراقه اووي

ضحكت ورد بمرح ، وظلت تتجاذب معها اطراف الحديث الي ان انتهي الطبيب وفيق من فحص حنان وتحديد الجراحى بعد يومين  لانها ضرورية حتي يتم الحمل بدون معوقات 

 ••••••••••••••••••••••••••••••••••••••••••••••••••☆

في المساء ذهبت ورد برفقة عبد الرحمن وزوجته الي زيارة صديقتها الطبيبة دعاء وزوجها الطبيب وفيق الذي رحب بهم بحفاوة وترحيب كبير وكذلك اولادها الذي كانو مازالو صغار  لم يتعدو المرحله الابتدائية ، واثناء العشاء ظل الطبيب وفيق يطمئنهم من الجراحة وانها بسيطة ونتائجها مرضية 

بعد العشاء استاذنت دعاء في اصطحاب ورد  كي تريها شقتها 

، اخذتها الي غرفتها الخاصة واجلستها امامها وسالتها"

قوليلي بقي حكايتك، وفين راح مودي وطريقتك اللي اتغيرت وتدينك اللي بياكد ان عن خلفيها عقائدئية وليس ارغام، وحكاية حبك اللي  عينك بتبرق مجرد ما بتنطقي اسمه ، اتكلمي وفهميني ليه رافض تحملي منه مدام جوزكم علي حب

تنهدت ورد بقوة واخذت تقص عليها حكاياها مع رياض وكيف غير حياتها وملك قلبها وجعلها امراته دون ان يلمسها، غير انه السبب في ان تكون امراة صعيدية علي حق حتي يتشرف بها بين نساء وبنات العائلة الي تطليقه لها وتزويجها من اخيه حتي لا يحرمها نعمة الامومة الي  عودته لها بعد موت زوجها

ومحاولاتهم الكثيرة كي تحمل منه وكلها باءت بالفشل

انتهت من قص حكايتها ونزلت دموعها تغرق وجنتاها وهي تقول بتصميم وحزن عميق مزق نياط قلبها العاشق"

انا كل امنيتي في الحياة احمل طفل من رياض هو شاف ان  مجرد ما بقيت ام  كده تمام، لكن مش قادر يفهم ان الامومة في حد ذاته من طفل  يكون من حبيبي هي الهدف الاسمي 

انت الوحيدة اللي قولت ليكي عن وجعتي بحاول ادريها عن  رياض  لانه مش ذنبه  لكني  بموت كل يوم الف مرة، وانا بشوف اولاده منه بيكبروا ويحملوا جيناته وانا مليش اللي يربط بينا غير عشق زايل مع زوالنا من الحياة  مفيش اللي هيكون ذكري مننا غير حكاية حبنا اللي  خلقت منا تؤام روح

تنهدت دعاء واحتضنت صديقتها بشدة تواسيها وتهون عليها المها الداخلي واردفت قائلة"

غريب امرك يا ورد رغم انك اتجوزتي اخوه اللي كان بيناسبك وانت نفسك قولتي انه فراقه ليكي كان بالنسباله موت، لكن  مع كل ده عشقتي رياض  رغم فرق السن الكبير اللي بينكم

بس انت قولتي ان حالته مستحيل ازاي حلمك تحملي منه

وهو في السن ده اكيد اتخطي الخمسين

اخذت ورد نفس عميق وردت عليها بفخر "

لو بقي عنده مية سنه والفرق بينا ٥٠ وزيادة مش هتمني غير ان احمل طفله واكون ام لاولاده، مش هقولك اني مش بحب اولادى من جاد بالعكس بموت فيهم ،لكنهم مش من رياض 

ربتت علي كتفها بحب وقالت"

طيب سؤال واحد يمكن منه هقدر اعطيكي امل جديد من خلاله تحققي امنية حياتك 

اخر مرة بحثتوا عن طريقة للعلاج من كام سنه كده تقريبا

طالعتها ورد بلهفة واجابتها بثقة "

كان من اتناشر سنه تقريبا بعد جوازنا بكام شهر بس ليه بتسالي قصدك ان الطب الحديث ممكن يكون في ليه علاج مظنش لاني مش ببطل بحث حتي لو هو طلع الموضوع من دماغه لكني ميأستش ومش هيأس 

هزت دعاء راسها بقوة وابتسمت لها بغموض"

كده طمنتيني لان جوزي من سنتين تقريبا مرت عليها حالة زي جوزك والحمد لله ربنا كرمه وخلف ، ومدام في علاج يبقي ممكن يجيب مع جوزك نتيجة ، بصي انا هوصف الحالة لوفيق

واكيد لو في امل ما هتياخر في علاج جوزك

ولا انت ناسية ان جوزي  دكتور جراحة تناسلية وخصوبة   

امسكتها ورد بقوة وحدقت فيها وقالت بعدم تصديق"

انت بتتكلمي بجد جوزك عالج حالة زي رياض انت متاكدة

ربتت علي كتفها وهداتها من روعة دهشتها وقالت تطمئنها"

والله بتكلم بجد،لولا ان ابن جوزك بره كنت خليت وفيق كلمك وطمنك بصي  بعد العملية هخليكي تقعدي معاه وهو هياكد ليكي بنفسه ممكن بقي نخرج ليهم لان زمانهم قلقوا

اؤمات لها ورد وخرجت معها وقلبها يرقص فرحًا لانتعاش الامل فيه من جديد

 ••••••••••••••••••••••••••••••••••••••••••••••••••☆

بعد يومان تم اجراء الجراحة وخرج الطبيب يطمئنهم انها تمت علي خير وخلال ٢٤ ساعة يمكنها الانصراف 

ظل عبد الرحمن بجوار زوجته وطلب الطبيب وفيق من ورد ان تحصله علي مكتبه وكانت  الطبيبة دعاء بانتظارها طلبت منها الجلوس  شرحت حالة رياض إلي زوجها  

وشرحت ورد حالة رياض بالتفاصيل وسبب اصابته ليسالها"

افهم من كلامك إن جوزك مفيش دكتور اخد خزعة من الخصية لمعرفة نسبة الخصوبة

هزت راسها بالرفض ، تنهد طبيب وفيق بعمق وحك ذقنه بتفكير واردف قائلًا"

حالة زوجك صعبة جدا وبالذات انك اوضحتي ان محدش اخذ خزعة منه و معرفة نسبة الخصوبة  عنده بعد الاصابة ، يمكن لان مكنش فيه تقنية لعمل الخزعة وتخزين الحيونات المنوية الحية ، بس انت اوضحتي ان ده كان من فترة طويلة جدا زي ما قولت قرابة ال٢٣ سنه يعني لو كان موجود ايامه التقنيةالحديثة الحالية،  كنت استفادتي منها في حالتك 

لان اكيد بعد اللي حصله كان في نسبة لو بسيطة لسه حية

تنهد بقوة واكمل باسمًا"

لكن انا بطبعي مش بستسلم لليأس، انا هجازف وهاخد خزعة من زوجك بعد علاجك بيساعد علي زيادة الخصوبة وهنشوف يمكن ربنا يحدث امرًا ونجد حيونات منوية حية تنفع لاجراء عملية طفل انابيب....

تحمست ورد وازدهر الامل في قلبها بقوة وقالت"

تمام يا دكتور  من امتي نبدأ العلاج وامتي هتاخد الخزعة

اخرج دفتر الروشتات وخط عليها  بعض اسماء الادواية واعطاها لها قائلًا بأشراقة امل"

العلاج هيبدأ من امبارح كل يوم قرص لمدة ٤٠ يوم وبعدها ياتي علشان نعمل الخزعة ولازم تكون انت كمان في مرحلة التبويض ، لان لو نجحت  ووجدنا حيونات منوية حية هنقوم بعملية تلقيح صناعي يعني  حلمك هيتحقق وكله بامر الله

بعد يومين سافرت ورد الي الصعيد بعد تحسن حالة حنان مع تاكيد الطبيب ان حالتها  اصبحت في خير حال،ومن الممكن إن يحدث الحمل في اسرع وقت وذلك لخصوبتها العالية 

هذا وقد اخذت منه ورد وعد بمتابعة حالة زوجها ،واعطاها رقم هاتفه حتي تتابع معه الارشادات الي ان يطلب منهم الحضور،كان حديثه  معها كبارقة امل اعطت لها من جديد   عادت الي زوجها وهي تمني نفسها بموافقته علي ان يخوض معه هذه التجربة الاخير لعل الله يحقق امنية حياتهم 

الا انها اتصدم برفض رياض التام للفكرة وكسر قلبها ......

 ••••••••••••••••••••••••••••••••••••••••••••••••••☆

يتبع.......

• يتبع الفصل التالي اضغط على ( رواية ملح بطعم السكر ) اسم الرواية