رواية ملح بطعم السكر الفصل الثلاثون 30 - بقلم سلمي سمير

  رواية ملح بطعم السكر الفصل الثلاثون 30 - بقلم سلمي سمير 

قضاء_الله

البارت_الثلاثون

 ••••••••••••••••••••••••••••••••••••••••••••••••••☆

انجز ما يتوجب عليك عمله في يومك، عليك أن تنهي ما أنت ملزم به، قد تواجه بعض الأخطاء والمشاكل، ولكن عليك أن تتجاوزها قدر المستطاع، غداً هو يوم جديد، عليك أن تستهله بهدوء وراحة لتتفادى هذه الأخطاء

كانت الصدمة قوية  علي عديلة بعد تلك الكلمات القليلة التي تفوهت بها ورد عن إن تكرر حملها سيكون سبب في استئصال الرحم وهذا هو سبب خوف رياض ورفضه حملها"

طالعتها امها وعمتها بتعجب وسالتها حماتها بحيرة"

وايه السبب وانت ولاده اتنين جبل اكده من غير مشاكل 

ابتلعت ورد إرياقها بصعوبة وحدبت رياض الذي كان ينظر إليها بغيظ وقالت بتوتر"

المشكلة عندى يا عمتي، بسبب الضغط العالي والتوتر الشديد بيحصلي ارتخاء في الرحم، الدكتورة محذراني من التوتر او العصبية والراحة التامة، بس انا اللي مش بحذر

اقتربت من رياض الغاضب  وملست علي  خده الخشن بعشق ونظرت إليه برجاء وامسكت يده ووضعتها علي بطنها بحزن"

اوعي تنكر انك نفسك في اللي نفسي فيها واكثر مني، عارفة ان اللي بعمله  صعب عليك بس فرحتي باني حامل ومنك بتعوضني الوجع اللي بيحصلي من الاجهاض، انت فاهمني يارياض كويس وعارف غرضي من الحمل اية، وحياتي عندك

وحياة ابننا اللي بنترجه من ربنا طاوعني وريحني، واوعدك قدام ماما وعمتي،انا احافظ علي نفسي والتزم بالتعليمات ولو مفيش نصيب مش هيحصل اللي حصل المرة اللي فاتت

امسك يدها التي تضع يده علي بطنها ورفعها الي فمه وقبلها ثم جذبها الي صدره بقوة ولثم راسها بتنهيدة حارة"

خابر يا بت عمي وراضي غصب عني لجل خاطرك،لكن خوفي عليكي بيجتلني، اوعديني جدامهم لو محصلش نصيب ما هتعاودى تكرريها انا معنديش استعداد استغني عنيكي 

تنفست بحرارة داخل جوف صدره الدافي وزادت من عناقه"

طول ما في امل  هحاول يا رياض وياريت متجبرنيش علي حاجة انت عارف ردي عليها هيكون ايه

لكن وعدى ليكي هاخد حذري المرادي ولو تعبت وحصل اللي  حصل مش هعملها تاني قول موافق بقي 

مش عايزة اعمل حاجة وحسك مضايق مني،وحياتي عندك

قبل ان يرد عليها رياض دنت منها امها وعناقتها قائلة بحنان"

متجلجش يارياض انا وامايتك هنرعيها زين، ومش هنتعبها واصل  وباذن الله ربنا يرضيكم بولد يكون اخ لاولادكم 

ايدت عديلة حديث اختها واكدت عليه"

من الساعة ملكيش شغل بالدار يا ورد، وطلبات الولد انا وامايتك وهداية هنجوم بيها لحد ما ربنا يكرمك وتجوم لينا بالسلامه اظن اكده  طمنا جلبك يا ولدى

ابتسم رياض بقلة حيلة واحتضن امه وزوجته وخالته "

ربنا ما يحرمني منيكم ولا من اللي مغلباني ومحيرة جلبي معاها وردتي الحلوة 

لتدخل عليهم ياسمينا وتراه ضامم امها وكل من جدتها لابيها وجدتها لا مها قالت بضيق وغيرة"

وانا فين يا بابا رياض لما كلهم في حضنك وانا لاء

ضحك رياض بتسامح وتركهم وذهب إليها حملها وضمها إلي صدره بقوة وهتف بهمس لم تفهم ياسمينا ذات الخمس اعوام حين قال  لها  بغموض حزين"

انت الامل الاكيد يا ياسمينا لي ولورد، لما تحملي في حشاكي  من ولدى طفل  يربطنا بامايتك طول العمر

ملست ياسمينا علي خده بلطف وقالت بشقاوة"

رياض انا عايزة نونو  منك 

ضحكت ورد وقالت بغيظ وغيرة من ابنتها  المسيطرة علي قلب رياض بشقاوتها وحرصها الدائم علي مرافقته"

مش لما يكون ليا منه نونو انا الاول، هو انت حد مصلتك عليا حتي دي  عايزة تاخديها مني، يا ياسمينا هو انت بنتي ولا ضرتي ، يا حبيبة قلبي رياض ده باباكي لكن جوزي انا

ابتسم لهم رياض واخذهم الي حضنه سويا وقال مازحا"

مين جال اكده انا لما اتجوزتك اتجوزت ياسمين معاكي خدتكم الاتتين علي بعض 

دفعته ورد بقوة في صدره ليضحك بصخب وقالت له"

ليه شارينا شروة وعلي كل انا راضية المهم انك جوزي حبيبي

رد عليها رياض بجدية وتصميم"

وهفضل جوزك لحد اخر يوم في عمرك يا جلبي

لتلاحظ عديلة تودده إلي زوجته في حضورهم، اخذت اختها وياسمينا وخرجت لتتركهم يختلوا ببعضهم ويصفوا ما بينهم 

 ••••••••••••••••••••••••••••••••••••••••••••••••••☆

اقامة هداية بدار العيلة كي ترعي ورد اثناء حملها،لم تكن هي وحدها من يحرص علي راحتها ورعايتها، بل كانت امها وعمتها وسناء ورياض الذي كان يتابعها من بعيد لبعيد، والحزن والقلق  دائما ما كان يسكنان عيناه

كانت امه تلاحظ ما يعانيه رياض في حمل ورد، وكثيرًا ما تعجبت من امر عشقها لها الذي فاق عشقه لخديجة واصبح يضعف عزيمته، وليس حكمه وكلمته التي كان سيف علي رقاب الجميع بلا أستثناء، الا ياسمينا التي كان يتخلي عن هيبته امامها بلا خجل  

مرت الأيام وبعد أسبوعين من يوم جداله مع ورد عاد رياض من الخارج علي اتصال من امه يطلب حضوره

ما انا دلف من باب الدار هرع إليه عبد الرحمن الذي  اصبح شاب يافع في بداية  سن المراهقه قائلا يهلع"

الحج يا بوي اما ورد سجطت تاني، والدكتورة معاها دلوج

اغمض رياض عيناه بضيق، جلس علي اقرب مقعد ووضع راسه بين كفاه وسكت طويلا ، جلس عبد الرحمن بجواره وساله بقلق"

بوي انت جلجان علي اما ورد ، ولا زعلان علي حملها اللي نزل

رفع رياض راسه ونظر اليه بابتسامة حزينه، ثم جذبه من رقبته وضمه علي صدره وقال مازحًا"

الولد رزج من ربنا ولما يريد هيرزجنا رزقجنا، المهم انت صرت راجل زين ورايد افرح بيك، ولا مريدش تتجوز وتفرحني بوك باولادك جولت إيه 

ضحك عبد الرحمن وقال"

مريدش  اتجوز دلوج غير لما اخلص علام واخد شهادة كبيرة 

كيفك وكيف اما ورد وعمي علي وجاد الله يرحمهم

ربت ابوه علي كتفه بقوة "

وايه يمنع تتجوز وتكمل علامك، ايه مش هتلاجي توكل مرتك ولا تاكل،ولادك يا ولدى انا رايد افرح بولادك مدام ربنا مريدش يفرحني بولد من ورد يربطنا بين ليوم الدين

اسمع يا واد رياض  تتم ال١٨ وهجوزك، رايد احمل طفل من دمي ولو مش ولدى يبجي واد والدي 

ارد عبد الرحمن الرد عليه بالرفض، الا أن خروج الدكتورة من غرفة ورد ووراءها عديلة قطع  عليهم الحوار،

هب رياض ناهضًا ودنا منها سائًلًا"

طمتيتي يا دكتورة ورد اخباره ايه، وإيه اللي حوصل

هزت الطبيبة راسها بحيرة وقالت"

للاسف الحمل نزل،  والنزيف لسه مستمر بس خفيف، لكن ورد بخير وصحة،اللي محيرني ان الرحم في حالة ممتازة، اية سبب النزيف معرفش، انا بنصحك تعمل ليها فحوصات وتحاليل واشاعات في حاجة غلط في حملها بتسبب اللي بيحصل،خايفه اقول منك تحسبني بغلط فيك،

اخذ رياض نفس عميق وغامت عيناه بشكل غامض وتنهد قائلًا بهدوء مريب"

فاهماك يا دكتورة بس اللي اعرفه ان  عندى ولدين زين وحملهم كمل للاخر بدون مشاكل، ممكن حمل ورد غير لكن أن متوكد اني مش السبب، ومتجلجيش المرة الجاية هنعمل كل الفحوصات اللازمة، علشان نتجنب اي خطر علي مرتي، اللي يهمني دلوج إن  ورد صحتها زين

أؤمات بالموافقة واكدت قائلة"

ورد زي الفل يومين  بالكثير والنزيف يقف خالص وهتبقي احسن وبخير أطمن عن اذنك  ياكبير وربنا يعوضكم خيرا

انصرفت الطبيبة ودخل رياض إلي غرفة ورد كان معها هداية وامها طلب منهم الانصراف لانه يريد الحديث معها علي انفراد

خرجت حفيظة ومعها هداية وتركوهم وحدهم

ما ان اقترب منها قامت ورد من علي الفراش واعتدلت في جلستها ونظرت إليه باسمة "

عارفة انك زعلان بس انا بخير اهو،  وزي الفل وكلها يومين وارجع لطبيعتي اظن كده معندكش مانع اعملها تاني

هز راسه باستنكار واجابها بحدة"

ولميتي يا ورد المرة دي وجت سليمة المرة الجاية إيه يضمن لي تعدى علي خير، بيكفي مرتين ياورد تعب وحرجت دم

الدكتورة نفسها شكت ان انا السبب لكنك زينة وبخير، بلاش نكبر الموضوع وتخلي الكل يشك في وبدل ما تفرحي جلبي كي ما بتجولي  وتعلي مجامي في عين الكل، تكسريني جدام اهلي وناسي ونفسي بوجعك اللي ملوش عازه

انا ضحيت بيكي سابج لاجل ما احرمك واوجعك،ودلوج ربنا كتب علينا ميكونش لينا نصيب في الخلف ليه نتحدى ربنا بافعالنا ونعمل اللي يغضبه بعدم رضانا، بيكفي يا ورد وحياتي عنديكي بيكفي،مليش في الكذب ولو اصريتي انا هجول العيب في مين وليه مفيش ليكي حمل بيكمل 

بكت ورد بحرقة، وتملك الغضب من رياض بسبب سطوتة عشقه عليها وعدم احتماله بكائها، وفي محاولة لكبت غضبه كور يداه وضرب به الحائط حتي ينفس عنه  بعيدًا  عن اذيتها او اذية مشاعرها الفياضة بالحب والعشق له، ثم تنهد بقوة وجذبها لحضنه وقبل مفرق شعرها ودفع وجهه في صدره وقال"

وبعدهالك كل ما احددك في الصح تعايطي،شكلي دلعتك زيادة عن اللزوم وكله علي راسي يا منية النفس

ابتسمت من خلف دموعها المنهمرة بغزارة وقالت له برجاء"

مرة ولا مرتين كمان واوعدك لو مكنش في نتيجة هبطل خالص وهستسلم، وهقول ان اي حمل عليا خطر،وحياتي عندك يا رياض مرتين بس واديك شفت انا بخير اهو ومحصلش ليا حاجة بالعكس ، مشتاقة ليك وللقاء عشقنا القادم بجنون ممكن بقي توافق 

تنهد بقوة وحرارة وابتسم بحزن وقلة حيلة"

مريدش تعديها علي خير،بس اعمل ايه سلطان حبك بيامرني مردكيش خايبة واجبل رجاكي بس وعهد الله مرتين ملهمش ثالث فاهمة ياورد وده اخر حديت لي معاكي بالموضوع ده

تهللت اساريرها واحتضنته بقوة وقبلت يده ووجهه في سلسله لا تنتهي من القبلات الصغيرة المرحة ليجذبها له ويقبلها بنهم جائع قائلًا لها بحرارة"

دي تصبيرة لحد ما ترجعي لاحضاني يا شجية وطبعك حامي ويزيد من التهام شفتاها في قبلة محمومة لاتقل عن سابقتها لتلقي  ورد نفسها بين احضانه شاعرة بالراحة والسعادة

 ••••••••••••••••••••••••••••••••••••••••••••••••••☆

مرت بهم الايام وحملت ورد للمرة الثالثة وسقطت كالعادة بعد اربعين يوم وكانت في حالة اعياء ما جعل رياض يرفض خوضها التجربة مرة اخري، لكنها اصرت علي وعدها معه بان القادم ستكون اخر محاولة،

وكان حملها الرابع سبب لانفجار المشاكل بين هداية وعلي الذي رغب هو الاخر في طفل يحمل اسمه ،وذلك بعد اجراءهم المزيد من الفحوصات التي تاكد سلامتهم لكن لم يتم الحمل الي الان ، وفي اثناء اقامة هداية مع ورد خلال حملها الرابع الذي كان في بداية  الشهر الثالث 

،اكتشفت ورد حقيقة لم تعرف سابقا عن علي حين صرحت لها هداية عن سبب رفضها ان يتزوج عليها  باخري،رغم محاولات ورد  المضنية معهم باقناعهم بعمل، تلقيح صناعي لعل ربنا يكتب لهم الذرية سويا لكن هداية رفضت وبشدة 

وهذا ما جعل ورد تشك بوجود خطب ما بينها وبين علي وسالتها بتعجب"

هداية انا عارفاكي عاقلة،وياما في ناس اتجوزوا ومخلفوش من بعض لكن لما بيتجوزوا غيرهم بيخلفوا،ليه،وبيكون الحل في عمليات التلقيح الصناعي ليه متجربوش وليه رافضة

ابتلعت هداية ارياقها ودمعت عيناها بألم وقالت بحزن عميق"

هجولك الحجيجة يا ورد، محدش هيستر على واد عمي غيري

ولا هيتحمل اللي هو فيه زي،

استغربت ورد حديثها ماذا به علي من عيوب حتي تستر عليه هداية ولا يجوز إن يكون لغيرها فسالتها بحيرة"

ماله علي انا شيفاه كويس وبخير ، معقول بيشكي من عله

تنهدت هداية بقوة وقالت بألم "

اه ياورد، علي مش بخير،ويمكن سبب عدم حملي يكون هو السبب خايفة يكون اللي عنده مرض وراثي ولادي يصابوا بيه لاننا ولاد عم ، علي بيجيله حاللت صرع وبيصحي يصرخ وجسمه كله بيتشنج وفين وفين لما بيرجع لحالته، اول سبوع من جوازنا كان بيهملني   بعد ما انعس ويدخل اوضة تانية ينعس فيها لحاله، لحد ما اكتشفت حالته وحلفني مبلغش حد وجالي انه هيتعالج لكنه رافض حد يعرف  اللي بيه ومرحش لدكتور سنتيان دلوج وانا في مرار بسبب اللي بيحصله وخايفة عليه ليجرى له حاجة 

جوليلي ياورد لو ولدى جه زي بوه اعمل ايه،صوح نفسي احمل واسجط ولو مرة  لاجل اتاكد بان اجدر احمل لكني خايفة لو حملت ولدي يطلع مجذوب 

انا مجبلش اهمله يتجوز غيري وينفضح امره واللي تتجوزه تعيب فيه ده واد عمي وحبيبي وجوزي وكل دنيتي

ابتسمت له ورد وضمتها الي صدرها بقوة وقالت بهدوء"

اه يا خايبة  لو كنتِ سالتني كنت فهمتك، ومكنش خوفك سيطر عليكي واتسبب في عدم حملك

سالتها هداية بلهفة وريبة"

جصدك إيه ان مرض واد عمي مش بيتورث للولد

هزت ورد راسها بثقة وقالت '

لا طبعًا مش مرض ووراثي ولا حاجة،  اللي بيعاني منه علي نفسي نتيجة اللي اتعرض ليه ومحاولته استعادته ذاكراته ده غير اللي  شافه علي كان كتير مش سهله عليه،

كفاية رؤيته اشلاء ناس عزيزة علي قلبه قدام عينه ،وكويس أنك مقدرة ده وواقفة جمبه 

صدقيني كل اللي محتاجه علاج نفسي وهيرجع لطبيعته وهيكون احسن كمان ويمكن حملك يرجعه بسرعة صدقيني كل اللي علي محتاجه الراحة والامان والاستقرار

عانقتها هداية بقوة بفرحة لتصرخ ورد بالم ووجهها يتعرق بشده وفجاة يبرز بقعه كبيرة من الدم علي ثيابها 

اتصدمت هداية من رؤية ورد علي هذه الحالة فصرخت بشدة 

مستغيثه بعمتها،

لكن اتي انهيار ورد وصراخها من الم حاد بمعدتها، مما ادي إلي خوفها عليها  فاتصلت برياض كي يحضر وينقلها الي المستشفي، 

لم يتواني رياض  في الحضور واتي مسرعا ليدخل علي ورد النازفة بشدة ظلت تنظر له وتستنجد به لانقاذها مما هي فيه

امسك يدها بقوة وصرخ بالم "

ليه اكده هتكسبي إيه من اللي بتعمليه غير وجعي وخلعت جلبي عليكي لو ده حبك ليا مريدهوش يا ورد 

انت بتموتيني بالبطئ اكده حرام عليكي ارحميني من عذاب ضميري اللي بتعمليه فيا جاسي جوي علي حلبي يا ورد

امسكته امه واخرجته وورد تمسك به لا تريد تركه بعد ان رات حزنه عليها يقتل حبهم المقدس 

خرج رياض وظل بالخارج وظلت ورد تعاني ويسمع صراخ المها ليصيح بوسط الدار بصوت غاضب"

بيكفي يا ورد انتهي الله في سماه ما هيحصل تاتي لو وصلت لاني اطلجك لاطلجك واريحك وارحمك وارحم نفسي

خرجت له حفيظه لتهدائه بعدما سمعت ما قال وقالت له"

اهدى يا ولدى خلاص هي هديت دلوج وبجت زينه،خلاص 

اكده مادام ربنا مش رايد بينتكم ولاد نرضي بامره

ورد ملهاش تحمل تاني ، بيكفي مرار وتعب ليها  وليك

ما ان انتهت الطبيبة من الاطمئنان عليها وانصرفت بعدما اكدت عليهم عدم سعيها للحمل مرة اخري قبل التاكد من عمل فحوصات لمعرفة السبب، غير شكها بشئ لم تصرح به وطلبت من رياض أن يزورها في مكتبها  بالوحدة

دخل رياض الي ورد ونظر اليها بحدة وغضب وكانه مشهد مكرر وقال لها بضيق "

عاجبك اللي عملاه بحالك، بيرضيكي اللي بتعمليه فيا انا بموووت يا ورد اظن بعد.اكده لو اتحددت في الموضوع ده تاني الله في سماه هتكوني كتبتي لحياتك معايا النهاية 

وضعت امه يده علي فمه لتقطع حديثه وقالت بجدية"

اسكت يارياض ربنا ما يفرج بيناتكم، بس حديتي ليكي ياورد انا اهو بجولهالك انا مريداش منيكي ولاد فاهمة ياورد بيكفي وجع ليكي ولولدى ربنا ماريدش هنعانده ولا هنكفر بقضائه

بيكفي لحد اكده  يا بتي وارضي بنصيبكم وربنا يبارك ليكم في اولادكم وتفرحو بيهم وباولادهم

تنفست ورد بقوة وقالت بهدوء عجيب"

حاضر يا عمه مادام كلكم شايفين كده هنفذ امركم، وقبلها امرك يارياض خلاص من النهاردة مش هفكر غير في رضاك وتعويضك عن كل اللي فات  ممكن تسامحيني

تنهد بقوة واخذها بحضنه وقال براحة"

مادام مش هتكرريها تاني خلاص سماح وربنا يباركلنا فيما رزق، يارب بس تكوني مرتاحه بعد ما نفذتي اللي بدماغك

ضحكت واخفت راسها في صدره وقالت بغموض"

علشانك انا مستعدة اضحي بعمري وحياتي مش صحتي بس

ليزيد رياض من ضمته ليها وقال هامسًا لها بحدة"

مش هسمح ليكي تضحي بعد اليوم خلاص اكده كافية وانتهت وكأني شئ لم يكن خلينا نعيش راضين بحياتتا

لتنتهي مرحله من حياتهم اغلقوا فيها موضوع الانجاب نهائيا

 ••••••••••••••••••••••••••••••••••••••••••••••••••☆

بعد ما تحسنت صحة ورد وعادت إلي طبيعتها، قلت زيارة علي وهداية لدار العيلة وكانت هي تعوض ذلك بزيارتها لهم وذات يوم ذهبت عديلة الي زيارتهم

ما ان عادت عديلة من زيارة ابنها علي، طلبت من رياض ان يحصلها علي غرفتها، استغربت ورد فعل حماتها ليطمئنها رياض بحنان"

متجلجيش مش هتجولي اتجوز عليكي 

تدفع ورد في كتفه بغيظ"

لا والله ابقي اعملها او فكر بس وشوف هيجرالك اية

جذبها الي حضنه ونظر الي عسليتها البرقتان بوميض العشق"

وليه نستني نندر اللي هتعمليه ما انا جدامك اهوه ،اعملي اللي بدك فيه وهيكون علي جبلي كي العسل والشهد المكرر، يلا وريني هتعملي ايه

استكانت بين احضانه الدافئة واخذت تغمره بقوة بين ذراعيه ، ليرفع رياض وجهه اليه ويقبلها بعشق رقيق وعذوبة تاوهت بين يداه طالبة المزيد وتنهد بحرارة "

واه منيكي يا ورد الشام هو ده اخر ما عندك تثيرني 

بجولك ايه خلي الدلع دلوج هروح اندر اماي رايدة ايه وهعود ليكي لاجل توريني  كيف هتودريني يا بنت عمي ؟؟

اخدت نفس عميق وتركت دفى احضانه لتشاغبة قائلة"

انت وبختك  لتلحقني قبل ما انام لاما ليلتك معايا هتبقي قشطة وحليب علي عيونك يا عشق قلبي

غامت عيناه بغموض مثير"

خابره يا ورد لو عاودت ولجيتك نعستي  الله في سماه ......

ولا اجولك خلي كله لوجته الحديت معكي ما بيخلص واماي ريداني وانا مش صغير لاجل اتاخر عليها 

خرج وتركها تحتضن جلبابه بعشق مجنون اسر قلبها الصغير وهامت به حبناً ، ذلك الجلباب  الذي ابدله باخر  عند مجئية 

دلف رياض علي امه الي اشارت له ان يجلس امامها"

اجعد يا ولدى رايدة احددك في موضوع حصل بدار  خوك علي   وانت  الوحيد للي هتجدر تنهيه زين 

جلس رياض امام امه كم طلبت منه وسالها"

جولي يا اماي خير   علي رايد ايه 

هجولك اللي حصل، انا لما وصلت داره سمعت حديته مع هداية وكان غضبان وبيتخانج معاها وبيجولها

انا ما اذنبتش يا هداية من حجي يكون لي ولد يحمل اسمي ولا هعيش مجطوع اكده واربي ولد غيري، مكفاش اللي ضاع من عمري يا بت عمي  سنتين دلوج من يوم ما اتجوزني مفيش حكيم مرحناش ليه ولا جصرت معاكي  ولا رايد اظلمك لكنه امر الله ،

انتِ غالية جوي علي جلبي يا هداية وعشرتك حلوة، بس انا نفسي بالولد  وعلي يدك كشفت والدكتور جال اني زين والمشكله عنديكي 

انا جولتلك اختاري لي عروسة بنفسك وتكون تحت طوعك اعمل اية تاني لاجل ارضيكي ،

وانتِ مصره علي الطلاج لو اتجوزت عليكي ، وانا هجولهالك للمرة المليون انا عاشجك يا هداية لكني مشتاج للذرية وولد يحمل اسمي من بعدى وبصراحة علي ولد خوي  بيشوجني للولاد جوي ، ده رياض اللي عنده هو وورد اربع ولاد مراته حبلت ٤ مرات

اظن من حجي  يكون لي  ولو ولد واحد 

بكت هداية وانهارت بحرقة"

وان ذنبي ايه في ان ربنا حرمني الخلفه، جوزي اخر مرة جالي نفس حديتك عاشجك يا هدايةومرديش اوجعك، ورغم كده اتفج مع خاله يخطب ليه بنت لما يعاود يتجوزها لكن ربنا افتكره جبليها

وحياتي عنديك يا علي ورحمة جاد عندك ما توجعني وتجهرني بزوجه تانية، انا مليش حج احرمك من ان يكون ليك ولاد بس لو مصر ومريدش تصبر عليا ، الله يوفجك ويرزجك الذرية الصالحة من اللي تختارها لكن انا من حجي مجبلش ظلمك ليا وانك تجيب عليا ضرة

ولاجل اكده لو مصر تتجوز طلجني

اخذ علي نفس عميق ليكتم غضبه"

طيب  اهدى وهندر حل في وجتها، بس بالله عليكي بلاش تعيطي 

دموعك بتنزل على جلبي تحرجه يا بت عمي

الي هنا وانتهي ما سمعت عديلة لتعود الي دارها حزين مهمومه

سكتت عديلة وقالت لابنها"

انت خابر ان هداية غالية عليا، لكن سلسال ولدى اغلي لو هداية مجدرش تحمل ليه الولد،  من حج علي  يتجوز لجل يخلف  

وانا رايده منيكي تتحدت مع بوها الشيخ ياسين هو الوحيد اللي هيجدر بجنعها متطلجش من خوك، وتهمله يتجوز اللي تحبل منيه

زفر رياض بضيق "

اه يا هداية وحظك الجليل،  بس انا مجدرش يا اماي اوجع بت عمي حتي لو حج اخوي انه يكون ليه سلسال، بس هي جالت الحج،

مش من حجه يفرض عليها حياة مع ضره

وانا  لو هحكم بناتهم ليطلجها ليرضي بنصيبه معاها لكن يجهرها لاه دي بت عمي وكي خيتي وواجب عليا احافظ علي كرامتها كي سناء

اسف  يا اماي انا لو هتحدتت هيكون حديتي مع علي مش عمي

هملي الموضوع ده انا هحله زين باللي يرضي الكل ، انعسي انت دلوج والصبح انا هندر ليه حل يريحهم  تصبحي علي خير يا اماي

انصرف وتركه امه حزينه علي حال اخيه الذي من اجل عشقه سيحرم نفسه من الانجاب حتي لا يجرح  عشيقة روحه كم يلقبها

••••••••••••••••••••••••••••••••••••••••••••••••••☆

عاد رياض الي غرفته راها تغرق في ضوء الشموع وزوجته الجميلة تنتظره بثوب نوم مثير يطير العقل وتثير حواسه

تنهد رياض وعلت الابتسامة محياه وقال بغموض"

شكل وردتي الجميلة رايده تعوض عليا ايام الجلج وخلعت جلبي عليها وهتدلع زوجها المشتاج ليها ولا ظني خايب

اقتربت منه ولفت ذراعيها علي رقبته وقالت له"

كلي ملك يانور عيني،انا لو فضلت عمري كله اعوضك ما هقدر اوفي حقك عليا من السعادة اللي منحتها لقلبي المسكين الصريع في هوا عشقك وحنانك

حملها رياض وقضم شفتاها بقبله ساخنة وصاح"

اباه عليا وعلي سنيني عاشجك يا وردتي جوي جوي

مدداها علي الفراش وخلع جلبابه ليتمدد بجوارها،وقبل إن يضمها لصدرها بحميمية، سمع طرق عنيف علي غرفته نهض مفزوع وارتدي جلبابه علي عجل و دثر ورد ساترًا جسدها العاري،فتح الباب   ورأى ولده عبد الرحمن الذي قال بجزع "

الحج يا بوي عمي علي عمل حادثة  ونجلوه المستشفي بحالة خطير وجدتي عم تولول عليه 

ارتبك رياض وخرج مسرعًا من غرفته وصاح في امه"

في إيه يا اماي اهدى وادعيله له العويل، إن شاء الله هيكون بخير، اكيد ربنا مردهوش لينا وهيحرمني منيه اكده بالساهل

ونظر إلي ولده وقال موجها حديثه له "

خليك  مع الحريم  واوعاك تهمل الدار لحد ما اعاود، وانا هغير خلجاتي واروح اندر خوي حصل فيه إيه

دخل علي ورد التي نهضت وارتدت ثيابها وسالته"

حصل إيه يا رياض ماله علي جراله إيه ، مش لسه عمتي راجعه من عندها 

تنهد رياض واكمل ارتداء ثيابه علي عجل وقال"

مخبرش إيه حوصل، بس اماي مدخلتش ورجعت لما سمعته بيتخانج مع هداية لكن اللي هيجنني كان رايح فين دلوج

اكيد حصل بيناتهم حاجه خلته خرج وحوصل اللي حوصل

اخرجي هدى اماي و أول ما اطمن عليه هتصل اطمنكم

خرج مسرعا ،وترك ورد مع امه وعمته، وصل الي المستشفي  وسال عن اخيه ابلغه موظف الاستعلامات انه بغرفة العمليات ذهب اليها مهرولًا ، رأي هداية ومعها اخيها سويلم يواسيها امام الغرفة ينتظرون بترقب وقلق ، اقترب منها وسالها

بحدة وعصبية"

ماله خوي يا بت عمي، إيه جري بيناتكم خلاه خرج في وجت متاخر كي دلوج

انتحبت هداية وردت عليه من بين دموعها "

محصلش بيناتنا حاجه هو كان مضايج لما اصريت علي الطلاج لو اتجوز، وجي سويلم خرج معاه خمس دجايج لجيت سويلم بيخبط عليا وبيجولي اجيب مفاتيح عربية علي لاجل  ينجله  المستشفي ،

ولما سالته قالي  ان كان ماشي معاها  علي الزراعية وعربية فجاة طلعت  ليهم خبطته وهربت،  

طالع رياض هداية بعصبية وظل ينظر اليها والي اخيها وساله بتوتر وقلق"

جولي يا سويلم العربية اللي خبطته مكنش ليه نمر

هز سويلم راسه بالنفي وقال"

ملحجتش ياكبير اخد ارقامها،والدنيا كانت ضلمه وهي جريت بسرعة كل همي كان اطمن على علي

عاد رياض وساله"

طيب وحالته كانت إيه طمني  عليه 

ارتبك سويلم ونظر إلي هداية المكلومة في زوجها، ابتعد عنها واشار للرياض لياتي وراء، اقترب منه رياض وساله"

في إيه ياسويلم جلجتني واصل

ابتلع ريقه بصعوبة وقال بقلق"

حالته مطمنش  دماغه كان بينزف بشدة ربنا يسترها

رفع رياض يدها الي السماء  متضرعًا إلي الله بالدعاء لاخيه، بعد وقت ليس بالقليل خرج الطبيب من غرفة العمليات ، نظر الي هداية ورياض وسويلم وقال سائلًا"

انتو اهلا المريض

اقترب رياض ووقف امامه وقال بجدية"

ايوة احنا اهله وانا خوه الكبير طمني عليه يا دكتور

اخذ الطبيب نفس عميق وقال "

الحمد لله اوقفنًا النزيف، لكن مضاعفات الاصابة مش هتظهر غير بعد فترة، لانه اصيب في راسه بشدة واصيب بارتجاج شديد بالمخ، حاليا تم نقله لغرفة الرعاية وهيفضل تحت الملاحظة لحد ما تتحسن حالته ونشوف مدى اضرار الاصابة

بعد عمل الاشاعة المقطعية والافاقة من الغيبوبة باذن الله

تركهم بعدما اوضح ليهم حالة علي بالتفصيل، وحين طلب رياض بزيارته ابلغه ان الزيارة ممنوعه

بعد اسبوع فاق علي من الغيبوبة ليصاب الجميع بصدمة فقدانه للذاكرة بعد ان اكد الطبيب انه تعرض لاصابة شديدة في مركز الذاكرة مع بعض الضغوط النفسية هيئته للاصابة بفقدان كلي

هناك أنواع مختلفة لفقدان الذاكرة التى تختلف حسب حالة الشخص، فهناك أشخاص يفقدون الذاكرة كلياً وهناك من ينسى الأحداث الماضية..

نادراً ما ينسى الشخص ليس ماضيه فحسب، بل هويته،  قد يستيقظون وفجأة ليس لديهم شعور بمن هم، حتى لو نظروا إلى المرآة ، فهم لا يتعرفون على أنفسهم، وعادة ما يكون سببها حدث لا يستطيع عقل الشخص التعامل معه بشكل صحيح، عادةً ما تعود القدرة على التذكر ببطء أو فجأة في غضون بضعة أيام، ولكن قد لا تعود ذاكرة الحدث المروع تمامًا.او تعرضه لظروف يكره الشخص العودة لذاكرته 

____حقائق علمية

كانت الصدمة عنيفه علي هداية لم تتحمل ان زوجها ، الذي عوضها بها الله عم قاسته في حياتها هيعش معها كالغريب

فانهارت ووقعت مغشيا عليها امام اخيها واخيه

فاقت بعد فترة لتري رياض ينظر اليه بابتسامة عذبة وبجواره ورد وحماتها التي جرت عليها واحتضانتها بحب وقالت"مبارك يا مرت الغالي ربنا عوضنا بعد اللي حصل لعلي وطلعتي حبله بولده وان شاء الله يكون سبب ليرجع لحاله

هزت هداية بذهول وقالت بتردد غير مصدقه"

انا حامل بتحكي جد يا مرت عمي انا حامل يا ورد جد

جلست ورد بجورها وربتت علي ظهرها بعد ان رات ملامح الذهول التي تكسي ملامحها وقالت لها مؤكدة"

ايوة يا هداية انت حمل لما خوفك اختفي حصل الحمل والحمد لله الدكتور طمنا عليكي وعلي علي، وقال انه ممكن يخرج ولو ربنا ماردش ورجعت ذاكرته ابني معاه ذاكرة جديدة انتى وولادك منه الاساس والحمد لله ان الحمل حصل في وقته يمكن يكون العوض فيه

بكت هداية بحرق  وضمتها اليها ورد بقوة "

يا هداية ده امر الله علي هيفضل علي بذاكرة جديدة انتِ واللي في بطنك هيكون اساسها، وكل ذكرياتكم الجاية هتكون كانها دنيا جديدة بتعشوها مع بعض بحلوها ومرها

هزت هداية ورفعت يده الي السماء شاكرة ربها علي فيض كرمه وعطفه عليها وعلي زوجها الذي منحهم فرصه جديدة للحياة ويبداو صفحة جديدة مع اولادهم

خرج علي من المستشفي بعد شهر، وعاش في دار العيله ليكون قريب من الجميع ويتعرف عليهم جيدًا،

كان في بادى الامر يتجنب الحديث مع الجميع إلي ان بدات هداية تتودد إليه وتاكد عليه انها زوجته، وحين بدا حملها يتحرك في احشائها، كانت تاخذ يده وتضعها عليها ليشعر بجننيها ،

هذا ما جعله يرتبط بها دون غيرها، ومرت الشهور وبدا علي يعتاد علي حياته الجديدة بينهم، موطلبت هداية ان تعود معه الي دارهم حتي يشعروا بالاستقاليه

ومرت الشهور وتوطدت العلاقه بين علي وهداية وعاشو قصة حبهم من جديد كان يغار عليها بجنون ويعشقها عشق

وبعد مرور ٨ شهور من يوم الحادث تفاجى رياض بدخول علي عليه وهو يصيح بعصبية "

الحجنا يا رياض هداية بتولد ومخبرش اعمل إيه

خرجت امه وورد علي صوته وهدأه رياض وطمئنه"

متجلجش يا واد ابوي إن شاء الله هتجوم ليك بالسلامة

واخذهم جميعا في سيارته وذهبا الي هداية التي كانت في مرحلة المخاض وبعدما اوصلهم ذهب واتي بالطبيبة التي اشرفت علي ولادتها لتخرج إليهم وتزف البشرة"

مبروك  عليكم ربنا رزقكم ببنت زي القمر ربنا يبارك ليكم فيها

دخل علي عليها مسرعًا وحملها من يد امه وهي مازالت تصرخ وضمها إلي قلبه بقوة وقال بفرح"

بتي حبيبتي انا عندى بنت احمدك يارب احمدك يارب

وخرج بها من الغرفة واعطاها لرياض وقال له"

خد سمي عليها  واعمل ليها كي ما بتعملوا وسميها لاني مخبرش اسميها ايه ورد ولا هداية ولا ياسمينا

ربتت ورد علي كتفه بعطف وهي تشعر بارتباكه وقالت"

لاء سميها دنيا لانها دنيتك انت وهداية وباذن الله هتبقي احلي دنيا ربنا يباركلك فيها

هز رياض راسه موافقًا وقال"

زين اسم دنيا زين جوي جوي لها مبارك يا خوي

اذن في اذنها وكبر وقال لها اسمك باذن الله دنيا ربنا يبارك فيكي ويفرح ابوكي واماتيك بيكي 

بعدها اعطاها لاخيه الذي حملها بخوف وهرع بها ثانيا الي غرفة زوجته التي كانت رغم حالة الاعياء التي فيها كان قلبها يرقص فرحًا لسعادة زوجها وتاكيد ارتباطها به مدي الحياة

ام باالخارج لاحظ رياض دموع ورد  التي حاولت اخفاءها  عنه، بسبب رغبته في طفل منه، والذي لم يكن لها فيه نصيب وتصور لو كانت ورد لم تحمل الي الان  ولم يكن لدية اولاد كيف كان سيكون حالها

راته ورد ينظر اليها فهمت انها حس بها، اقتربت منه والقت نفسها في حضنه وقالت باكية"

ياما كان نفسي احمل في طفل منك يا رياض

رد عليها رياض بحزن يماثل حزنها"

ربنا مش رياد تحملي في حشاكي طفلي يا ورد ومفيش رد لقضاء الله والحمد لله ان ربنا جمعًا علي خير

تنهدت بقوة وسكتت وهي تتذكر حديث الطبيب الاخير الذي قامت بفحوصات عدة وكان قراره الاخير حين اجتمع بهم

بعد ان طلب منهم الجلوس وقال بابتسامه تبعث علي الامل"

للاسف كنت نفسي اطمنكم واقولك إن في امل وممكن زوحتك تحمل منك ، لكن حالتك يا باشمهندس رياض ميؤوس منها وللاسف من المستحيل يحصل حمل باي طريقة

وقعت الكلمات علي مسمع ورد قتلتها، واصابة رياض بخيبة امل جديدة ،فما كان من ورد ان اقترحت علي رياض ما جعله يصاب بالجنون من اقتراحها المعيب في حقه كرجل حر 

ذلك حين اقترحت عليه ان تحمل بطريقة شائعة .......!!

وهذا ما جعله لا يصدق ما طلبت منه.....؟؟!

 ••••••••••••••••••••••••••••••••••••••••••••••••••☆

يتبع....

• يتبع الفصل التالي اضغط على ( رواية ملح بطعم السكر ) اسم الرواية