رواية حب غير معلن الفصل الثاني 2 - بقلم هبة نبيل
حب غير معلن بارت 2
عز الدين: وانتِ مين؟؟
غرام: غرام واحدة من الناس اللي حياتهم كلها هنا واللي مش هيسيبوا السيرك يتباع لأي حد
عز الدين (متوترًا): مين قال إني هبيعه؟
غرام (بثقة): نظرة عنيك.
(يبتسم صابر بتوتر، بينما ينظر عز الدين حوله. يظهر "حمودة"، البلياتشو، يعبر بجانبه مكشرًا، يتمتم لنفسه عن قلة التقدير للفن، يمر بجواره فيدفعه عز الدين عن غير قصد، فيسقط حمودة أرضًا.)
حمودة (غاضبًا): أول يوم ليك، وداخل تضربني؟!
عز الدين (منفعلًا): أنا ما عملتش حاجة!
(يضحك العمال في الخلفية، بينما تقف غرام تراقبه بابتسامة صغيرة، وكأنها تتحداه. ينظر عز الدين إليها بتحدٍّ، يدرك أنه دخل عالمًا لا يشبهه… لكنه لن يخرج منه بسهولة.)
قرر عز الدين بأن يتجول في السيرك
(يدخل عز الدين السيرك للمرة الأولى، يسير وسط الخيام الكبيرة والممرات الضيقة. نظرات العاملين تتابعه بشك. يظهر فاخر وهو يراقبه من بعيد، ثم يقترب منه بحذر.)
فاخر (بخوف مصطنع): "أستاذ عز الدين... أهلاً وسهلاً بيك في بيتك الجديد... السيرك عليه لعنة، عارف؟!"
عز الدين (ينظر له بضيق): "وأنا كمان عليا لعنة الملل... تعرف تمشي من وشي."
(يظهر حمودة البلياتشو وهو يسحب كرسيًا ويجلس عليه، يراقب الموقف بملل.)
حمودة: "ده الباشا اللي ماسك السيرك جديد؟ شكله موهوب في الطيران مش في السحر." ده اداني كتف ياجدعان جبني ارض
(غرام تدخل فجأة، تبدو واثقة وغاضبة، تواجه عز الدين.)
غرام: أنت جاي تهد السيرك؟ ولا عندك نية تفهم إحنا بنعمل إيه هنا؟
عز الدين (ببرود): أنا جاي أخلص كل ده وأبيع المكان ده كفاية تهريج
(تضحك غرام بسخرية، تلتفت للعمال.)
غرام: سمعتوا يا جماعة؟ الراجل قرر يبيعنا زي أي حاجة في مزاد... طيب ما تجرب تشتغل يوم واحد في السيرك لو كملت اليوم ده من غير ما تهرب هنسلمك المكان ونمشي إحنا!
(يضحك العمال، وصابر يصفق بحماس، بينما ينظر عز الدين لها بتحدي.)
عز الدين (بثقة): اتفقنا... بس لما أكسب، هتكوني أول واحدة تخرج من هنا
غرام (تبتسم بثقة): "هنشوف."
المشهد 2 - يوم جديد ملئ بالتحديات
هل سيكون عز فعلا قادرة على هذه التحديات؟؟
هل سينتهي كل شئ قبل أن يبدا؟؟
(يبدأ عز الدين أول يوم له في السيرك، لكنه يواجه سلسلة من المواقف المضحكة والصعبة، بدءًا من التعامل مع الحيوانات وحتى محاولات فاخر في إقناعه بالسحر، بينما غرام تراقبه بسخرية.)
مشهد عز الدين يحاول تنظيف قفص الأسد، لكنه يفشل تمامًا ويهرب في اللحظة الأخيرة.
فاخر يحاول إقناعه بأنه يحتاج لـ"تعويذة حظ" حتى ينجو، لكن التعويذة تسبب له العطس المتكرر.
غرام تطلب منه تقديم فقرة صغيرة أمام الجمهور، لكنه يتوتر وينسى ما عليه فعله، مما يتسبب في سقوطه المضحك أمام الجميع.
(ينتهي المشهد بعز الدين منهكًا تمامًا، بينما العمال يضحكون، وغرام تقف أمامه مبتسمة.)
غرام: "لسه عايز تبيع؟ ولا عرفت إن السيرك مش مجرد مكان؟"
(عز الدين ينظر لها بضيق، لكنه لا يرد، وهو يدرك أن هذه المواجهة لن تكون سهلة.) ثم تسلل عز الدين وذهب لمكتب ابيه وبدأ يفحصه بملل ولكن عندما جلس على مكتب ابيه اخذه الحنين وظرفت دمعة متسلله على خده الايمن ويده ارتعشت فجاة ولكن سرعان ما تمالك نفسه وبدأ يفتح ادراج المكتب بحثا عن اي شئ يفيده ولكن لم يجد اي شئ سوا صندوق قديم ولكن فجاة يسمع صوتا خلفه...
غرام (مندهشة): إنت بتدور على إيه هنا؟
عز الدين: وانتي مالك مالكيش دعوة، إنتِ بتعملي إيه هنا؟ ازاي تدخلي اصلا من غير اذن في اختراع اسمه باب بنخبط عليه بلاش شغل الهمج ده؟
غرام (تعقد ذراعيها وترفع حاجبيها): همج؟ …اولا لما تيجي تتكلم معايا تتكلم كويس ومش معني اني بشتغل عندك وانك بقيت مدير المكان و صاحبه وده للأسف ده ميدلكش الحق برضو انك تهني بالشكل ده ثانيه بقي أنا جايه هنا عشان اديك الملف ده اللي شكلي غلط في العنوان وأنك متستهلش اصلا المساعدة وبعدين انت مش عايز تبيع السيرك وتشردنا كلنا مالك بقي مهتم اوي ليه انك تدور في حاجات تخص السيرك.
عز الدين (بتردد واعجاب مخفي من ثقتها وشجاعتها): أنا… بس بحاول أفهم.
غرام( بسخريه) آه تفهم ايه بقي؟
عز الدين (ينظر في عينيها بتوتر): افهم اي سر حب ابويا في المكان ده وسر تعلقه بي بالشكل الغريب ده؟؟
غرام (بتنهيدة وارتباك مخفي من نظرته المُثبته عليها): باباك الله يرحمه كان انسان بجد كان موهوب فعلا وبيحب شغله وهو اللي حببنا كلنا في شغلنا كان ساحر عبقري كان بيعرف يجيب الشخص الصح في المكان الصح
تعرف اي الحاجه الوحيدة اللي عملها غلط
عز الدين (بتسأؤل) ايه؟
غرام (بشجاعه واستفزاز): انه كتب ملكيته لواحد زيك
عز: انتي ليه لسانك متبري منك؟ متحترمي نفسك
غرام(بغيظ): انا همشي قبل مافقد اعصابي
عز (بلهفه): طب والملف
غرام ( بتحدي) : لما تبقي تعرف ازاي تكلم بني ادمين هبقي ساعتها ادهولك
-----
مشهد 3 - مكتب نجوي في مجموعه شركات نصار للعقارات - في الصباح
(نجوي تجلس على مكتبها، تتصفح بعض الأوراق بينما محمود يقف أمامها بوجه متجهم.)
محمود (بغضب مكبوت): إنتِ ليه ما قلتيش لعز الحقيقة؟
نجوي (ببرود): حقيقة ايه بالظبط؟
محمود : عن حادثه زمان… عن اللي حصل فعلاً
نجوي (تبتسم بخبث): إحنا مش محتاجين نفتش في الماضي، يا محمود… أحيانًا الحقيقة مش دايمًا مفيدة.
محمود (بعزم): بس عز مش هيسكت، وهيبدأ يدور بنفسه.
نجوي (تشيح بيدها بلا مبالاة): يدور زي ماهو عايز اصلا مفيش حاجه هيلاقيها الموضوع قديم
(لكن مع ذلك، هناك لمعة قلق في عينيها، تدل على أن الماضي يخفي أسرارًا قد تقلب الأمور رأسًا على عقب)
---
المشهد 4 - داخل السيرك - قرب منصة العروض
(غرام تقف وسط الحلبة، تتدرب على عرضها الجديد، بينما عز الدين يراقبها من بعيد. يرى طريقة تحركها بخفه، كيف تتعلق بالحبال
عز الدين (يتمتم لنفسه): مستحيل تكون مجرد صدفة…ياتيه فجاة شبح ذكري من الماضي من هنا تستيقظ داخله غريزه شك يبدا عز من خلالها بالبحث عن اشياء تخص ما تذكره ويسعي بكل الطرق بأن ياخد من غرام الملف ولكن عندما كان يلتفت رأي شبح شخص يسير مسرعا ذهب خلفه عز ولكن فشل بأن يلحق به
(الكاميرا تنتقل إلى ذلك الشخص المجهول وهو يخرج من السيرك بهدوء، بينما عيناه تعكسان خوفًا من أن يُكشف سره قريبًا…)
يتبع...
ماهي الذكري التي هاجمت عقل عز الدين فجاة؟
هل سيكتشف عز اسرار من الماضي؟
هل غرام ستتنازل وتعطي له الملف؟
•تابع الفصل التالي "رواية حب غير معلن" اضغط على اسم الرواية