رواية متخافيش الفصل الثاني 2 - بقلم منة محمد

 

 رواية متخافيش الفصل الثاني 2 -  بقلم منة محمد 

 

سالي شافتها راقده ع الكنبه احتدت …….:هو انا كام مره قلت لك متنميش كده ع الكنبه الكنبه لونها فاتح هتتوسخ

تمارا اتعدلت بخضه……:عمتو رجعتي امتي

سالي بغيظ ………..:مش الاول تسلمي عليا رغم عارفه الكفت كله

تمارا بابتسامه غصب قالت…….:سوري ازيك

سالي…… : سيده يا سيده هات لي كوبايه ميه الجو حر فين الكل لا ماما ولا بابا ليه مش شايفه حد

تمارا…..: كل واحد قاعد معتكف جوه اوضته

سالي بدهشه ……:جوه الاوض في الحر ده ليه

تمارا ….:اصل حصلت مشكله كبيره

سالي بفضول………..: ايه هي

تمارا …….:حياه جايه

سالي عقدت حاجب ……:مين حياه

تمارا……: بنت عمو ناصر حياه

سالي………….: ليه

تمارا ….:امها ماتت ووالد حياه قصدي جوز امها اسمه كان دكتور

سالي بحقد…: بهاء

تمارا……….: ايوه هو ده اتصل بعمو وطلب منه يروح ياخدها ومراه عمي مش طايقه نفسها حتي جدتي كمان

سالي سابتها ودخلت غرفه الليفنج لقت حليمه بتقول …..:دي مش هتدخل البيت

سالي…. بس دي هتدخل يا حليمه

حليمه بعصبيه….:وانا بقولها ع بلاطه لو دخلت البت دي انا مش هستني دقيقه واحده في البيت

سالي ببرود…..:بس هي هتيجي غصب عنك

حليمه ……:من فضلك يا سالي مش عايزه اتخانق معاكي معقول ياحمايا الراجل الي تجاهلنا سنين اعمل معاه نفس الشئ ومحدش يعبره ولا يروحله

الجد زعق بصوت علي……: بس كفايه دي من لحمنا ودمنا معقول نرمي لحمنا في الشارع

حليمه……: لما هو كده ليه رميت لحمك سنين طويله

الجده…….: لان الوضع كان مختلف قلنا حرام نبعد ام عن بنتها ومكناش عندنا اهتمام بهاجر وحياه كانت طفله محتاجه رعايه من امها

حليمه…: طيب عندك اي فكره عن وضعنا بعد ما تيجي هنا انا وابني

اسعاد…….: انا شايفه انك حاسه بعدم الامان من غير سبب

حليمه بغيظ…..: سلفتي كنت هسالك لو كنتي مكاني تمام

الجد…..: كفايه ومش مهم لو كانت بعيد عننا لكن هي فرد من العايله دي ناصر تروح بكره جيب البنت دي

في الصالون

اسعاد….: مش ملاحظه جدك بقي عصبي جدا انا عمري ما شوفته بيشخط وينطر كده ده هزق حليمه كتير اه البت طول عمرها بعيدة بس هتفضل بنت ابنه وحفيدته واكيد يعني هيدعمها ومراه عمك بقت عصبيه زياده زي ما يكون مكنتش تعرف ان عمك عنده بنت قبل ما تتجوزه

تمارا…….:تفتكري البت دي عامله ازاي

اسعاد…: زي ما تكون هي ايه بالنسبه لنا

تمارا …..:بس اكيد جميله اوي اصل اتفرجت ع اللبوم صور عند جدتي امها كانت فاتنه واكيد هي اخدت من شكل امها فطبيعي تطلع جميله

اسعاد ……:سواء جميله وعاديه احنا ملناش دعوه خالص بيها

تمارا …….:يا ماما في النهايه اسمها بنت عمي وتقريبا قريبه من سني اكيد هبقي فضوليه من ناحيتها شويه

اسعاد بشده….:انا بحذرك تقربي منها فاهمه

تمارا …………:لكن يا ماما

اسعاد……: يا تمارا احنا لا نعرف تربيتها ولا اخلاقها والبنات بياخدوا من امهم وامها كانت ست مش محترمه اكيد واخده طبع امها ووقحه زيها الله وحده العالم بامها والي عملته وبنتها جايه تكمله واحنا مش محتاجين نقرب منها انتي سامعه

تمارا………….. :ايوه

اسعاد…..: يله قومي ناوليني الليمون

……………قصص منه محمد كاتب………………….

بهاء دخل وقالها ……..حياه ابوكي جاي ياخدك بكره لمي حاجاتك الخاصه بيكي من بالليل

حياه تعبيراتها وشها اتغيرت للحزن ونطقت بقهر…..قريب كده

بهاء بصلها عادي نظره بارده وسابها وخرج

حياه كلمت نفسها………. المفروض اخد ايه من البيت هو انا ليا اي حق اخد قشايه من هنا ابويا وامي دمروني معاهم انا هنا مجرد تذكير لناصر ولما امشي منه هكون بمثابه تذكير للدكتور بهاء وقت سيئ وذكريات اسوء انا مش محتاجه اي هدوم مهما لبست هفضل زي منا واحده ملهاش اي قيمه

اختها دخلت …………انتي رايحه فين وليه بتلمي هدومك

حياه نزلت دموعها ……….مش عارفه

اخوها …….يعني هتفضلي هنا معانا

حياه بصوت بيبكي وجع ………انا ماشيه

اختها بصدمه……ليه

حياه …….قعدت سنين في البيت هنا وافتكرته ملكي بس مبقاش ملكي ابدا ومقدرش افضل هنا بعد دلوقت

اختها بدموع…….. بتقولي ايه يا ابله لو ده مش بيتك امال فين بيتك

حياه ……جايز معنديش بيت

اختها….. بتقولي ايه يا ابله لا يمكن تسبينا وتمشي

اخوها…… احنا مش هنسمح لك تمشي وتروحي اي مكان انتي اختنا وامنا وهتفضلي معانا هنا

بهاء فتح الباب٠٠٠٠ حصل ايه

اختها بابا اختي ماشيه وبتقول ان ده مبقاش بيتها امنعها دي اختنا

بهاء بجفاء سيبوها تمشي

اخوها …….بابا ازاي تقول كده لو مشت انا همشي معاها

بهاء ………ده مش هيحصل هي راجعه بيت ابوها فسيبوها تمشي

اخوها ………بس انت ابوها

بهاء ………..انا ابوك انت واختك وبس مش اب لحد تاني يله روحوا ع اوضكم

اختها مسكت ايد حياه وبتعيط…….ابله

بهاء بشده ……….قلت يله

حياه بصتله وهو بيعنف اخواتها وشافت وشه الحقيقي وهو طلع راح لولاده

اخوها: ازاي ابله هتسيب بيتها

بهاء بصلهم وقال : ده مش بيتها ده بيتي وملك ليكم ولعمتكم وبس

اخوها ………..بس دي اختنا وده بيتها كمان

بهاء………. اختك مش شقيقه

اخوها ……….ما احنا عارفين

بهاء بتعجب………. ايه عارفين

اخوها………. ايوه ماما قالت لنا

اختها………. لما سالنها ليه اختي اسمها مش ع اسم بابا فقالت لنا ان ابوها واحد تاني

بهاء هز دماغه …يعني فاهمين كل حاجه

اخوها ………بس ده مش هيفرق حتي لو اسم ابوها غيرنا هي اختنا

اختها …………..ومنعرفش نعيش ابدا من غيرها

بهاء زعق ………بس كفايه كفايه بطلوا تتصرفوا كانكم رضع انتم وانا وعمتكم دي بس عيلتنا اما هي عايلتها عند ابوها وهتمشي بكره وده كلام نهائي

…………………………….قصص منه محمد كاتب………………..

في المطبخ لعائله حياه

اسعاد بصتلها بضجر………جري ايه ياحليمه براحه مش كده

حليمه هبدت الغطاء وقالت ……ما خلاص جري الي جري والسلام

اسعاد…….. انا نفسي افهم انتي ليه قلقانه

حليمه …وهفضل قلقانه لحد ما تيجي بنت الست دي البيت وكلنا هنبقي قلقانين وانتي هتفتكري الكلام الي قلته

اسعاد …….بس هي متقدرش تعمل حاجه

حليمه ……..وانتي متعمليش اي حاجه بس متتوقعيش اي حاجه كويسه من البت دي امها وتاريخها وعلاقتها الغراميه طول حياتها ازاي هتربي بنتها دي هتحط تراب ع وشنا في يوم البدايه امها عملتها ودلوقت بنتها هتخلينا منحترمش بعض وانتي هتفتكري كل كلامي ده لما الايام تثبتلك

ناصر دخل ووزع نظراته عليهم واسعاد سابتهم وخرجت

ناصر نطق وقال ……..حليمه ملهاش حل تاني بعد وفاه امها بقت مسؤليتي ومحدش فينا عايزها تيجي المفروض اروح ارميها في الشارع

حليمه……. بس انت وعدتني لما اتجوزنا وقفلت دفاتر الماضي

ناصر……… وانا لسه ثابت ع موقفي

حليمه…….. لكن الباب ده لسه مفتوح وماضيك بيرجع عشان يضعف علاقتنا ويبوظ حياتنا

ناصر ٠٠٠٠مفيش حاجه من دي وده هو الحال

حليمه بغضب شديد …….وانا مش عجبني الحال ناصر انا مقدرش اي حد يشاركني فيك او في حبك ليا حتي لو كانت بنتك

ناصر بهدوء……… وانا مضطر اجيبها واقسم لك مافيه في قلبي ذره حب ليها او اي عاطفه حب لكن هي من دمي مقدرش ارفضها

حليمه ……لما تكون البت دي قدام عنيك ع مدار 24 ساعه هبقي اسالك وقتها وهشوف قلبك هيحن ولا هيفضل ثابت ع وضعه

ناصر مسك كتافها وابتسملها…….. يا حبيبتي عايزك تصدقيني ان انا وانتي وزين عايله كامله ومفيش مكان فيها لحد تاني اما بالنسبه لها هتقعد في زاويه في البيت وبس وملهاش اي صفه ولا قيمه وهي اكيد زي امها وطالعه ليها لو كان عندي شويه امل مكنتش سيبتها تاخدها معاها وصدقيني لولا خوفي من ربنا كنت رميتها في ملجاء ايتام صدقيني دي الحقيقه ملهاش مكان في قلبي

…………………………قصص منه محمد كاتب……………..

سالي دخلت بعصبيه كبيره٠٠٠٠ ايه الي بسمعه ده ع الاقل كنتم راعوا مشاعري بابا عارفه انك سامعني

الجد حاطط السماعه وقالها ………انتي بتقولي حاجه

سالي همشته وبصت لوداد ………ماما ازاي تسمحي لبنت الست دي تيجي هنا

الجده ………..البنت دي تبقي بنت اخوكي

سالي بغضب………….ملعون ابو البت دي نسيتي الي امها عملته فيا بسببها خطيبي بهاء سابني ووجع قلبي ومين المسؤل عن ده مش امها والي جايه بنتها بتطلب حقها في البيت

الجده…………… وهي ليها حق فيه دي لحمنا ودمنا ولازم تعيش معنا

سالي ٠٠٠بس ده ظلم كبير وانا مش هتسامح مع ده

الجده……… شوفي يا سالي رضيتي ولا رفضتي الحقيقه انك انتي الي جريتي وري بهاء وحبك له كان من طرف واحد واحنا وقتها دعمناكي لانك قلتلنا انه بيحبك لكن هو محبكيش وخطبك لما هاجر طلبت منه ده وبعدين حياه ملهاش ذنب في الي عملته امها بعدين

سالي بصريخ ………ماما ازاي هتعملي كده

الجد شال السماعه وصرخ………. سالي اتكلمي معانا باحترام

الجده …………وانا قلت لك سواء قبلتي او العكس هتعيش هنا ده بيت ابوها وجدها

سالي ٠٠٠هتشوفي هتكون جرح زي امها

الجده ………..يابنتي مش كل الناس شبه بعضها بنختلف وربنا هو المعين ولو حصل ده هنقبله ويبقي قدرنا بس هي هتيجي هنا وهتعيش هنا

سالي بحقد………. تمام بس خليها بعيده عني

……………

حضر ناصر والشغاله دخلت بلغت بهاء والي قالها تطلب من حياه تنزل

بهاء شافها نازاله قرب عليها ……ابوكي جه ياخدك وهو مستنيكي بره

اختها ببكاء …….من فضلك متمشيش يا ابله

اخوها…….. لايمكن نعيش من غيرك

بهاء…….. وبعدين ياولاد قلنا ايه

اخت بهاء ……. دي ليكي ياحياه انتي خدمتينا بضمير ودي هديه بسيطه مني ليكي

حياه لفت وشها وقالت بحسره…….مش عايزه افتكر اي حاجه سلام يا …يا بابا

بهاء ………..عيشي سعيده بس فين شنطك

حياه ……….سبت كل حاجه هنا انت عطتهولي وانا لبست الي يكفيني واكلت الي يكفيني هفتكر الاحسان والعطف الي قدمتهولي

اخوها بيجري وراها ……….ابله

بهاء صرخ عليه …….ولد ارجع مكانك

اما حياه وزعت نظراتها عليهم بكره وفتحت الباب وطلعت تجري بدموعها ع البوابه فتحت باب العربيه وناصر حركها من غير اي كلمه ولا حتي بصلها لحد ما وصلوا ونزل من العربيه ودخل وهي دخلت وراه ومش عارفه تروح فين فضلت واقفه مكانها

قاسم داخل بصلها بستغراب……..انتي ليه واقفه كده

حياه وشها في الارض ……..معرفش المفروض اعمل ايه

قاسم دقق فيها ……….هو انتي حياه بنت عمي ناصر

حياه في سرها ……….بنت عمه هو اصلا شايفني بنته ولا مجرد عبئ جاي عليه لحد هنا

قاسم تابع ………امال فين عمي ناصر

حياه ………طلع فوق

قاسم هز دماغه:………. طيب انتي ليه واقفه هنا اتعدي هبلغ جدتي انك هنا اقعدي من فضلك

حياه قعدت ع اول كرسي قابلها وقاسم بصلها وهو ماشي وطلع السلم جري وخبط يستاذن يدخل

الجده بابتسامه تعال يا حبيبي

قاسم فتح الباب ودخل جدتي عمي ناصر جاب بنته معاه

الجده وهي فين

قاسم عمي طلع اوضته بس هي تحت واقفه لوحدها

الجده ٠٠٠ياحاج البنت جات

الجد اخبار عظيمه قاسم انزل هاتها وابعت لي امك كمان

قاسم حاضر ياجدي

الجده اسمع ياحاج توفيق طالما ناصر جاب بنته لحد هنا المفروض يتقبلها ويعاملها بما يرضي الله مش الابوه انه ياخدها من هناك ويجيبها هنا

سالي دخلت بسخريه لو مبسوطه اوي بحفيدتك اعملي حفله بعد كل الوساخه الي عملتها امها قدرت تحقق انجاز عظيم

الجده اسمعي يا سالي لو كان فيه مشاكل في البيت ده كله حصل بسببك

سالي وانا قلت لك سبيني امشي خالص من البيت وهكون بعمل فيكم خدمه كبيره

الجد وفخوره اوي باسلوبك الوقح

سالي انا هقعد اتفرج بنت الشمال ازاي هتحترمكم

الجده٠٠٠ بس يا سالي ولا كلمه زياده

قاسم دخل جدتي دي حياه

حياه بكسوف السلامو عليكم

الجده بترحاب وعليكم السلام اهلا يا حبيبتي اهلا وسهلا تعالي في حضن جدتك وده توفيق جدك

الجد فتح درعاته ٠٠٠تعالي يابنتي ماشاء الله جميله اوي اعتبري ده بيتك من دلوقت

الجده البقاء لله زعلت لما سمعت الخبر

سالي بصت لحياه بحقد وقالت بكره ……….انا بقي فرحت لما سمعت الخبر

حياه لفت وبصتلها والجده نطقت بحزم……… حياه دي عمتك سالي

سالي ربعت ايدها ………….والراجل الي جايه من بيته كان خطيبي وامك سرقته مني طبعا عارفه

قاسم …………عمتي من فضلك

الجد بغضب……….سالي قومي روحي اوضتك يله

سالي ……….ماشيه وهتفرج واشوف لما البت دي تظهر وشها الحقيقي

قاسم باحراج لحياه ……..عمتنا مزاجها متقلب احيانا

اسعاد دخلت ……..خير طلبتوني

الجد……. اه عشان اعرفك ع حياه بنت ناصر

اسعاد…… ازيك

حياه ………….الحمد لله

الجده ………..دي اسعاد مراه عمك نعمان وام قاسم وفيه تمارا اخته هتقبيلها بعدين اكيد قاعده في اوضتها ونعمان مش في البيت بس اكيد هتشوفيه ع العشاء اسعاد ابعتي سيده بعصير اكيد حياه تعبانه من الحر

اسعاد ……..حاضر ياحماتي اي حاجه تانيه

الجده ……….لاء مفيش انا بس حبيتك تسلمي عليها

اسعاد ………حاضر هبعت

الجده ……….اقعدي ياحياه

حياه قعدت وهي مش متفائله خير وحاسه انها هتشوف العجب العجاب

…………………..

ع السفره

الجده ……..امال فين حليمه

ناصر……… في اوضتها

الجد توفيق……..وزين مش هيتعشا

ناصر………. هو اكل

الجده ……….حياه حليمه تبقي مراه ابوكي واعتبريها من اللحظه امك

حياه سهمت وقالت في سرها……. امي ده انا قضيت حياتي كلها مع جوز امي ورغم كده متقبلنيش هتقبلني مراه ابويا

قاسم بخبث …….عمتي عايزه تقولي حاجه

سالي بصتله اوي……: اقول ايه

قاسم اي حاجه اصل من ساعه ما قعدتي عماله تبحلقي في حياه من وقت طويل اعتقدت عايزه تقوللها حاجه

سالي بغرور ………..مش محتاجه اذن عشان اقولها حاجه كلنا عارفين عنها

الجده بحزم………..اسكتوا وكلوا من سكات

قاسم شاف حياه مش بتاكل اخد طبق وقالها بحنان ………ممكن تاكلي

حياه اخدته منه بكسوف…….شكرا

…………..قصص منه محمد كاتب………..

في غرفه تمارا الي قاعده ع الموبيل

اسعاد دخلت………تمارا

تمارا رفعت عينها وبصتلها…….. نعم يا ماما

اسعاد ……….جدك قال حياه هتشاركك الاوضه

تمارا ……….ايه ده هو مفيش خصوصيه عند الواحد انا مش بحب حد يشركني اوضتي وانتي عارفه

اسعاد ………..اتكلمي براحه لجدك يسمعك

تمارا ……..كان فكر قبل ما يطلب هو انا عيله عندها سبع سنين اقبل اشارك اوضتي مع حد ما يطلب من زين يسيبلها اوضته هو اصغر منها بكتير واخوها صح

اسعاد ………حياه بنت عمك ولو جدك امر انها تفضل معاكي يبقي هتفضل معاكي مفهوم

تمارا ………اوف بقي

اسعاد……… اه وفضلها مكان في الدولاب تحط هدومها فيه يله

حياه دخلت ……..انا اسفه انزعجتي بسببي

تمارا بغيظ……… وايه فايده للاسف انا مضايقه جدا

حياه: هحاول مضايقكيش مني خالص

تمارا ……….والمفروض افرح بكلامك مثلا وبحذرك متلمسيش اي حاجه ولا تحركيها من مكانها

حياه ……..حاضر

تمارا ……….هتقفي كده ولا هتنامي

حياه ……….هنام جنبك ع السرير

تمارا بسخريه لاذعه………اه امال ع الارض ما بعد ما شاركتيني اوضتي طبيعي تشاركيني كمان السرير

……………………

عمال يفتح ويقفل في كل الادراج ومبهدل الدنيا وبيزعق

صفاء دخلت : ……….في ايه عمال تصرخ كام مره قلت لك متصرخش زي المجنون مش بحب الصوت العالي

يونس لعب حواجبه وهو بيغمزها بعنيه……امال بتحبي ايه

صفاء ضربته ع كتفه بمرح ……..اتكلم بادب وقولي عايز ايه بتصرخ ليه

يونس……… فين شرباتي

صفاء……. اكيد يعني في الدرج

يونس باس خدها وقالها……. يا حته من قلبي وفشتي وكليتي هات لي واحد

صفاء ……..يا الله كسول جدا وبعدين ايه ده الي عملته في الدولاب انا كام مره رتبتبلك الدولاب وعملت درج للشربات ودرج للجرفتات بس انت كل شويه تلخبطهم امتي هتتغير

يونس ………….عمري

صفاء مسكته من شعره …………..يونس

يونس بيضحك ……….يا صفاء سيبي شعري وهقولك حاجه مهمه عن اخواتك

صفاء ……….في ايه

يونس………… امبارح جات بنت مع خالي ناصر لبيتهم

صفاء………. بنت ايه

يونس………… بنت زي القمر جميله اوي اوي

صفاء بغيظ…………هو انا بسالك عن شكلها مين هي

يونس …….وانا ايش عرفني كل الي اعرفه جات بنت مع خالي

صفاء بحيره……… تطلع مين دي

يونس ………بالمناسبه انتي محتاجه دايما تجمعي معلومات حوالين بيت ابوكي دايما حتي لو كان غريب

صفاء ده بيت ابويا لكن شوف مقدرش ادخله بس لازم اعرف الاوضاع الي بتحصل هناك

يونس……… اقعدي واتفرجي وبكره اخليكي تتصالحي مع اهلك وهتشوفي

صفاء بدموع……..قلبهم قاسي عليا اوي يايونس سواء اهلي ولا ابوك

يونس قرر ينفذ حاجه في دماغه اهم حاجه يفرح امه ومش مهم العقبات المهم عنده راحه صفاء الي اغلي من الكون عنده

…………………..

قاعده بتفر في التلفون وهو فتح الباب ودخل من فرحته بوجودها من غير احم ولا دستور

تمارا بشخط ……..ايه الطريقه الهمجيه الي داخل عليها بيها دي مش تخبط قبل ما تدخل

زين بلهفه……. هي فين

تمارا بتعجب…….هي مين

زين ……….جدتي قالت لي اختي هنا هي فين

تمارا شدت حياه من البلكونه وقالت له …………دي اختك شوفتها يله امشي من هنا

زين………….. انتي جميله اوي

تمارا………. ده بسلامته زين اخوكي في اعداديه السنه دي

زين ……….جدتي قالت لي روح سلم ع اختك

حليمه دخلت تسحبه بغل…….دي مش اختك امشي اجهز اتاخرت ع مدرستك

حياه مش مستوعبه كميه الكره والحقد الي ليهم في قلبها

تمارا…….. دي بسلامتها مراه ابوكي وهي مش مرحبه بوجودك هنا وعشان كدا حبست نفسها في الاوضه امبارح مع ابنها يله جهزي نفسك عشان نروح خطوبه بنت الجيران

.حياه……..: مش عايزه اروح في حته

تمارا …….. ليه روحي فرفشي محدش واخد منها حاجه كلها واحده

……………………..

في الخطوبه تمارا بتعشق الرقص وعملت فقره هي ومجموعه بنات ويونس راح يشجعها ويصقفلها لحد ما لمحت قاسم داخل وعيونه بتضخ نار وهيجيبها من شعرها هربت بسرعه ويونس راح وراها

تمارا……. انت يعني جاي ورايا مش كفايه عليا مشكله واحده

يونس……… استني بس يا تمارا

تمارا……….. لو شافنا حد بنتكلم هتحصل مصيبه

يونس ……….اقفي اسمعيني

بس تمارا جريت ع البيت وشدت حياه معاها وقاسم دخل وراها

تمارا بخوف….: يا ابيه بصراحه

قاسم مسكها من ايدها بقوه ……… الصراحه انك متربتيش انا كام مره حاولت افهمك بس انتي مصممه متفهميش انتي بنت نعمان توفيق بس انتي ولا مهتمه ابدا

قاسم وهو بيزق تمارا حياه وقعت ع الارض جامد واتالمت

نعمان وهو داخل شافه ……….قاسم انت بتعمل ايه

حليمه ………….زين خلينا ندخل يله

سالي ……………….حالا عملتي مشكله

نعمان بضيق……..افصلي انتي يا سالي مش وقتك قاسم انا بسالك في ايه

قاسم …………..انا معملتش حاجه لحياه كنت بفهم تمارا وهي وقعت غصب عني وده حصل بفضل اختي المحترمه وانا مش هسيبها

نعمان مسكه بشده ……..ارجع لوعيك هتعمل ايه

اسعاد……. ناوي تضرب اختك

قاسم……….. اه هعلمها الاحترام والادب وهتتعلم انتي مشفتهاش ازاي بترقص

نعمان…….. انت اتجننت

قاسم…….. اه اتجننت عمال تتهز قدام الناس ولا الرقاصه والشباب الرخيصه عماله تصورها وممكن اي حد يشير الفيديو ع النت بس هي ولا مدركه لده هي اصلا تهتم بسمعتنا الناس المقرقه الي بيعمله كده ما كانت حياه هي كمان موجوده هناك ليه مرقصتش بس بنتك بتحب تلف وتدور ع حل شعرها

الجده تدخلت……. يابني كل البنات كانوا بيرقصوا

قاسم …….مين سمحلها ترقص والرجاله تصقف وليه هي ترقص

اسعاد……. طيب خلاص انا هفهمها

قاسم……. كام مره هتفهميها وامتي اصلا هي هتستوعب وتفهم فهمتك يا ماما تبقي شديده معاها شدي عليها

نعمان …………قاسم امك قالت لك هتفهمها لم الدور خلاص مفيش داعي تتعصب وارتاح شويه والكل يطلع يله

قاسم فضل واقف عشان يطمن ع حياه الي ماسكه ايدها وعيونها كلها وجع ودموع

نعمان شخط فيه: مش قلت اطلع حالا

اسعاد شدت تمارا ع جنب: وانتي كام مره قلت لك مترقصيش كده انتي مصممه تهنينا امشي ع اوضتك امشي

الجده لحياه: انتي اتأذيتي يا حبيبتي

حياه بصوت مكتوم بالدموع: لاء يا جدتي

الجده: هو مكنش قصده يزقك

حياه: محصلش حاجه

الجده: اطلعي ارتاحي ولو ايدك بتوجعك عندي مرهم للمزق

حياه هنا ادركت ان الحياه هتبقي مستحيله بس ياتري هتفضل كده مستسلمه ولا هيشوفه منها الوش التاني

  

• يتبع الفصل التالي اضغط على (رواية متخافيش) اسم الرواية