رواية يكفيني منك عقابا الفصل السابع والعشرون 27 - بقلم بقلم عبير سليم

 رواية يكفيني منك عقابا الفصل السابع والعشرون 27 - بقلم بقلم عبير سليم 

الحلقه السابعه و العشرون

يكفيني منك عقابا

عبير سليم

😥😥😥😥😥😥

كلامه يحمل الكثير من الصدق و الحكمه و لكن هي مازالت مشتتة الفكر عقلها لا يستطيع إدراك كل ما يقوله

نديم انت معاك حق بس ده لو احنا الاتنين كنا أحباب و في حد فرق بيننا لكن انا حكتلك كل حاجه يا نديم

نديم انا اذا كنت هربانه من المواجهه فده مش غباء و لا قسوة مني لا و الله ده انا خايفه مرعوبه خايفه اتفاجئ بحاجه انا مش عامله حسابها من الأساس

نديم يحي محبنيش عارف يعني ايه محبنيش انا بالنسبه ليه كنت مجرد صفقه مقايضه يوافق يتجوزني و ابوه يسيبه يعمل اللي هو عاوزه يا ريته كان صارحني يا نديم كان قاللي الحقيقه لكن ده عيشني فجنه خلاني أحس إني ملكه متوجه غدر بية فعز فرحتي طعني بخنجر مسموم في عز ما كنت مدياله الأمان

انا خايفه من المواجهه مش ادها خايفه يقوللي انتي مين انا معرفكيش خايفه يقوللي أنا طلقتك إيه ده هو محدش قالك خايفه من حاجات كتير أوي يا نديم

نديم أنا مش قويه أنا ضعيفه هشه مش قادرة تعبانه اوي

نديم :و حتفضلي تعبانه كده يا عطر و مش حترتاحي غير بالمواجهه صدقيني ده الحل الوحيد عطر متزعليش مني انتي لحد دلوقتي مفهمه غزل إن باباها مسافر طب لحد امتى غزل حتكبر و وقتها غصب عنك لازم تقوليلها الحقيقه و هي نفسها ممكن متسامحكيش ايوة متستغربيش كلامي زي مانتي لما عرفتي إن مامتك عايشه رفضتي تسامحيها و منعتي اختك انها تعرفها أي حاجه عنك بنتك هي كمان ممكن متيامحكيش انك بعدتي بينها و بين باباها و حرمتيها منه و فرقتي بينهم

عطر ببكاء شديد : نديم انا مفرقتهمش الظروف هي اللي اجبرتني على كده انا لحد آخر وقت و حتى بعد اللي سمعته كنت مستنياه يرجع و اواجهه مفكرتش لحظه واحده اني امشي لكن المفروض كنت  اعمل ايه و انا سامعه مراة عمه بتخطط لقتلي و انها عاوزة تخلص مني انا و هيا و لما حاولت استنجدبيه رفض يرد علية و من قسوته قفل التليفون كان لازم امشي و اهرب من نفسي و من الدنيا كلها كنت عاوزة احميها هيا

نديم : اهدي يا عطر و الله العظيم انا مقدر كل اللي انتي فيه و مريتي بيه بس فاتت سنين يا عطر سنين كتير و اكيد في حاجات كتير اتغيرت انا معاكي يا عطر و مستعد اساعدك و اقف جمبك في اي حاجه المهم قلبك يرتاح و ناره تبرد و كمان غزل يا عطر حقها صدقيني فكري و خدي راحتك عالاخر و بعدين خدي قرارك انا يومين و حرجع اسكندريه ان شاء الله لو احتاجتيني في اي وقت كلميني حكون ادامك و معاكي 

عطر : ربنا يخليك لية يا نديم و الله انت لو اخويا من لحمي ودمي مش حيعمل معايا كده ربنا يسعدك و يفرح قلبك يا رب

نديم : و يريح قلبك با ام غزل يا رب

عطر: يا رب يا نديم

😥😥😥😥😥😥😥😥😥

هههههه هههههه مازالا يضحكان بشده من قلبيهما و هو يقود السيارة و هي تجلس بجواره

فهو لم يضحك بهذا الشكل منذ زمن حقا لقد استطاعت ان تبعث السرور في نفسه و ترسم البسمه على وجهه بحكاياتها الجميله : بس بقى يخرب عقلك موتيني من الضحك

كانت سعادتها كبيرة و هي تراه يضحك هكذا

ينزلان هما الاثنين من السيارة بينما هي تصاب بالدوار فجأة  لتقع بين يديه يشعر بالخوف الشديد عليها يحملها سريعا و يدفع الباب بقدمه

رجال الأمن : كيان باشا خير مالها الاستاذه

كيان : انتوا لسه حتسالوا عاوزين دكتور بسرعه

يدخل بها سريعا إلى إحدى الغرف و يضعها على المقعد يحاول افاقتها دون جدوى يشعر بالقلق يأخذ من العطر الموجود و يجعلها تستنشقه فتفتح عينيها و تفيق

كيان : انتي كويسه

لا ترد عليه فقط تهز رأسها

بعد قليل يدخل الدكتور ليقوم بالكشف عليها و توجيه الاسئله لها يخرج الإبرة و يأخذ منها عينة و يحللها

كيان خير يا دكتور طمني مالها

الدكتور بابتسامه على وجهه : ألف مبروك المدام حامل

كيان: ايه حامل مش معقول بجد يا دكتور حضرتك متأكد

الدكتور : ايوة و الله حامل انا عملتلها اختبار حمل و طلع إيجابي يعني الف مبروك

كيان : الله يبارك فيك يا دكتور

بينما هي كانت غير مصدقه ما سمعته احقا هي حامل و ستصبح اما

يخرج الدكتور و يعود كيان إليها فيجدها تبكي : الف مبروك يا نيللي

نيللي : انا مش مصدقه يا كيان معقوله انا حامل انا حكون أم

كيان : و أحلى ام في الدنيا كلها 

 ربنا يكملك على خير بقولك إيه انتي لازم تاخدي بالك من نفسك كويس عشان عز باشا الصغير يوصل بالسلامه

نيللي : كيان انا مش عاوزة عز يعرف دلوقتى

كيان : ليه يا نيللي

نيللي : انا عاوزة اقولهاله بطريقتي عاوزة افرحه يا كيان 

كيان : اللي يريحك يا نيللي المهم الف مبروك يا حبيبتي

نيللي : الله يبارك فيك يا كيان تعبتك معايا

كيان :، تعبتيني ده ايه انا كفايه عندي الضحكه الجميله اللي نورت وشك من تاني كانت وحشاني اوي بقالها سنين غايبه مكنتش بشوف غير ابتسامه مزيفه بتحاولي  ترسميها عشان تداري وجعك

نيللي : الفضل لربنا سبحانه وتعالى و لعز يا كيان هو اللي قدر يرجعلي ثقتي بنفسي من جديد خلاني أحب الحياه و اعشقها نساني كل اللي حصللي انا مش عارفه ازاي كنت عاميه عن حبه و مشوفتهوش قبل كده بقى معقوله اشوف الكدب و الغش و مشوفش الحب الصادق

كيان : بتحصل كتير يا نيللي كتير مبنشوفش غير اللي احنا عاوزين نشوفه و بس و انا اهو اكبر مثال ادامك مبصتش غير لنفسي و بس مشوفتش الانسانه اللي حبتني بكل كيانها سبتها و مصعبش علية دموعها اللي كنت شايفها بعنيه و هي مغرقه مخدتها ليلة ما سبتها كنت فاكر اني خلاص بدأت طريق السعاده مكنتش اعرف اني نهيت السعاده و بدأت طريق العذاب و ان حلمي بقى نقمه علية و الله يا نيللي لو الزمن يرجع بية تاني لسيب كل حاجه في الدنيا و كفايه علية اني اكون جمبها

نيللي : كيان هو انت محاولتش تتصل على اي حد من أهلها تعرف اي حاجه عنها

كيان : طبعا يا نيللي حاولت و الله كلمت ابن عمها الكبير لكن هو صدني و مرضاش حتى يطمني عليها بكلمه

نيللي: ادعي ربنا يا كيان ادعي ربنا انه يجمعك بيها و ان شاء الله ربنا يستجيب

و على رأي الشاعر

قد يجمع الله الشيتين بعد ما

يظنان كل الظن الا تلاقيا

كيان : يا رب يا نيللي

بس جوزك ده انا عاوز اق*تله

نيللي : اخس  عليك يا كيان ده عز ده عسل

كيان : عسل اه طبعا ما هو حبيب القلب بقى في حد يا ناس يصور الساعه سته الصبح

بس اما اشوف وشك يا عز

بعد مرور بعض الوقت 

تقف نيللي قصاد كيان و المفروض انهم بيمثلوا مشهد سوا و طبعا عز هو المخرج

خلاص يا حبيبتي اطمني انا حاجي اطلب ايدك اول ما باباكي يرجع من السفر

نيللي و عنيها على عز : مينفعش لازم تيجي دلوقتى

كيان مستغرب المفروض ان ده ميكونش ردها عليه بس كمل : ليه مجيش يا حبيبتي

نيللي و عينها فعين عز : عشان انا حامل يا حبيبي

عز و هو في ايده السيناريو : استوووب

ايه يا نيللي مالك انتي بتغيري الكلام ليه انتي نسيتي حتقولي ايه

اتفضلوا كلاكيت تاني مرة

و بردو نيللي تقول نفس الكلام

عز : مالك يا حبيبتي فيكي ايه انتي مالك مش مركزة ليه النهارده

نيللي : بالعكس يا حبيبي انا عمري ما كنت مركزة اد اللحظه دي 

عز : طب عشان خاطري احفظي المشهد كويس عاوزين ندخل عالمشهد اللي بعده

نيللي : حاضر

يعيدوا المشهد للمرة الخامسه بعد ما نيللي وعدت عز انها تركز كويس

المرة دي سابت كيان اللي المفروض يمثل ادامها المشهد و طبعا هو خلاص كان فهم قصدها لكن للأسف عز لسه مش فاهم

و طلبت ان عز هو اللي يمثل المشهد ادامها عشان متتلغبطش

وقف عز ادامها و قال نفس الكلام اللي قال له كيان

بس هنا نيللي مسكت ايده و عيونها كلها حب ليه و قالتله نفس الكلام

و دلوقتى بس عز فهم انها مش بتمثل و انها بتقول الحقيقه

الحقيقه اللي نفسه يعيشها طول عمره

عز و الدموع بتنزل على وشه  : حامل انتي حامل يا نيللي 

نيللي و هي بتهز راسها ليه بفرحه و سعاده : ايوة و تحط ايدها على بطنها انا حامل يا عز 

يشيلها عز و يفضل يلف بيها و يصرخ بأعلى صوته من الفرحه و الكل بيصورهم و فرحانين جدا عشانهم و بيصقفوا

حبقى اب انا حبقى اب يا مانت كريم يا رب

نيللي : هههههه هههههه

عز : نيللي أنا مش قادر أصدق معقوله حلمي يتحقق إني أكون اب و من مين منك انتي الوحيده اللي حبتها فحياتي و اتمنيتها من كل قلبي

نيللي و هي بتحضن وشه بايديها و شايفه الدموع مغرقه وشه : ربنا كريم اوي يا حبيبي

 الخبر اتنشر بسرعه و بالطريقه اللي نيللي عملتها و بقوا حديث للوسط الفني

الفنانه نيللي سليم تعلم زوجها المخرج عز الدين المسيري بخبر حملها أثناء تصويرها لأحد المشاهد

🌹🌹🌹🌹🌹🌹🌹

يعود إلى الإسكندرية و قلبه يكاد ان يخترق اضلعه ليعبر عن شدة شوقه  إليها

يصعد بالمصعد و يضرب الجرس فلا يجدها يكاد أن يجن أين هي و إلى أين ذهبت الآن

يتصل عليها هاتفها غير متاح

يدخل شقته و يظل يتحرك بها و هو قلق بشده يحاول الاتصال مرارا حتى أعطاه هاتفها جرس

انتي فين مبترديش ليه

شيماء : كنت بشغف عند الدكتور

نديم : انهي دكتور اللي كنتي عنده 

شيماء : حبيبك اللي عمللها العمليه

نديم : حبيبي هاه انتي عاوزة تفرسيني

شيماء : ليه بس يا نديم انا بجد مش عارفه انت ليه واخد منه موقف ده حتى كيوت أوي 

نديم : تصدقي انتي لو ادامي

شيماء، : حتعمل ايه

نديم بعصبيه : انتي فين دلوقتي

شيماء  : اهوه حطلع بالعربيه و راجعه على طول 

نديم : بس انا مش سامع صوت جيسي في الشقه هي معاكم 

شيماء : مش سامع صوت جيسي انت قصدك ايه نديم انت رجعت

نديم و قد شعر بالسعاده تملاء، قلبها : ايوة يا هانم رجعت

شيماء بسعاده لا توصف : حالا حكون عندك

نديم : سوقي بالراحه  يا مجنونه انا قاعدلك  اهو

بعد مرور حوالي نصف ساعة 

تفتح باب الاسانسير تلاقيه حاطط كرسي و قاعد أدام باب شقته

شيماء آول ما شافته اتنهدت و شغف رمت نفسها عليه و نديم قعد يبوسها و شال جيسي هيا كمان اللي فضلت معاه

نديم : تصدقي يا جيسي انك انتي كمان وحشتيني اوي

شيماء : و انا مش حتسلم علية

نديم و هو بيمد لها ايده : وحشتيني اوي

ممكن تقبلي عزومتي عالعشا الليلادي

شيماء : هههههههه هههههههه

نديم : اقسم بالله هبله انتي بتضحكي على ايه

شيماء : اصلك داخل عالاكل على طول انت جعان

نديم بينه وبين نفسه : انا جعان من حبك و شكلي عمري ما حشبع منه ابدا بجنانك و هبلك ده انا مش عارف انتي وقعتي علية منين ده لو كنت مرتبها مكنتش حتبقى مترتبه كده

 

و بعدين يرجع يكلمها : ايوة يا ستي مانا أصلي اتعاديت منك كل ما اشوفك او اكلمك الاقيكي بتاكلي و يا ريته باين عليكي ده انتي زي العصايه

شيماء : اسمها عود فرنساوي يا كابتن

نديم : فرنساوي ايه و صيني ايه مفيش أحلى من الملبن

شيماء : ملبن

نديم : اه الملبن تعرفي انا بحب اوي الكحك المحشي بالملبن بس بص يبقى معاه عجميه ماشي

شيماء : هههههه هههههه

في المساء في إحدى المطاعم على البحر يجلسون جميعهم هو بمفرده و لكنها هي تأتي معه بصحبة عائلتها الكريمه

مش عارف يبدأ الكلام ازاي و لا منين و يعلن هاتفه عن اتصال يروح يرد و هي قلبها بيدق من فرحته نفسها ينطق بقى

فجاة تلاقي اللي بيكلمها : مش معقوله آنسه شيماء

شيماء بينها و بين نفسها :يا دي الليله اللي ما يعلم بيها غير ربنا يا لهوي لو نديم جه و شافك حيعمل منك بطاطس محمرة

دكتور وائل اهلا بحضرتك

وائل : اهلا بيكى يا شيماء ايه الصدفه الحلوة دي مش معقول

شيماء : مش معقول ايه مش فاهمه

وائل  : أصلي كنت بفكر فيكي دلوقتى و بقول عاوز اكلمك

شيماء : خير يا دكتور في حاجه

وائل : بصراحه كده عاوز اخد معاد من باباكي او اي حد من أهلك

شيماء : ليه يا دكتور هي شغف فيها حاجه انت مقولتهاش لية

وائل : هههههه لا خالص ماهي ادامك زي القمر اهيه

انا  بصراحه كده اصلي معجب بيكي من اول لحظه شفتك فيها و كل مرة بشوفك فيها بتدخلي قلبي و انا بحب ادخل البيت من بابه

كل ده بيقوله و ميعرفش ان نديم وراه و شيماء متنحه

و الدكتور مكمل : من الآخر كده انا عاوز اتقدملك

يلاقي اللي بيكلمه و ماله يا دكتور اتقدملها و ماله ميجراش حاجه

طبعا وائل عارفه ما هو شافه معاها يوم الكشف و العمليه و اخد باله انه مكنش طايقه

خير يا كابتن هو انا قلت حاجه غلط

افتكر ان دي حاجه شخصيه

نديم : قلت حاجه غلط ايه بس يا دكتور لا طبعا ده انت راجل داخل البيت من بابه

و هي فعلا زي ما قلت حاجه شخصيه  بس الشخصيه دي حتكون بيننا احنا التلاته

عارف ليه لأن أظن انه مينفعش

اللا قللي صحيح هو حضرتك مسالتش قبل كده انا ليه موجود هنا معاها و ليه كنت معاه وقت ما شغف كانت تعبانه

الدكتور : مانا عارف انكم معارف نديم : معارف اه قلتلي ماشي تمام بس افتكر ان مينفعش تخطب واحده مخطوبه و كمان في حضور خطيبها و تقول حاجه شخصيه

وائل : مخطوبه يعني انت و شيماء

نديم : آنسه شيماء لو سمحت يا دكتور

وائل : تمام انا اسف عن اذنكم

يقعد نديم و شيماء مش عارفه هو ليه قال كده فحبت تغيظه

ممكن افهم انت ليه قلتله حاجه مش  حقيقيه 

نديم : نعم

شيماء : يعني ينفع كده توقف حالي الراجل كان عاوز يتقدملي و دي اول مره يتقدملي دكتور

نديم : و انتي كان في حد اتقدملك اصلا

شيماء : ايوة طبعا كتييييير بس انا مبحبش اتكلم عن نفسي و لا عن انجازاتي

بس الصراحه محدش فيهم كان دكتور تقوم تقولله كده حرام عليك يا نديم دي كانت فرصة عمري

نديم : و شكلك كده عمرك حينتهي دلوقتى

شيماء: ليه بس ده الراجل داخل البيت من بابه

نديم :شيماااااااء

شيماء : في ايه يا كابتن هي الواحده متعرفش تهزر شويه يا لهوي عليك عصبي أوي يا نتيم

نديم : انا عاوز افهم ايه اللي خلاه يفكر في حاجه زي دي من أساسه

شيماء :  و انا مالي يا لمبي روح اسأله الله

نديم : لمبي ماشي يا شيماء

طبعا مانتي تلاقيكي فضلتي هيئ و ميئ معاه مش كده

و هو طبعا قال بس هي دي اللي حتبسطك و تسعدك و ترجعلك ضحكتك مش كده يا هانم 

شيماء : انت تعرف عني كده

نديم : و هو انا عرفتك و اتنيلت على عيني حبيتك غير من كده اللهم طولك يا روح يعني يا ربي يوم ما اقول احب احب واحده هبله و مجنونه انا عملت فدنيتي عشان تكون دي نهايتي

شيماء : نديم انت قلت ايه نديم قلها تاني الله يخليك بص انا قلبي حيقف وربنا

 

نديم : قلت بحبك بحبك يا هبله يا عبيطه يا ام بدوي

بموت فيكي يا مجنونه بعشقك يا اخرة صبري

و انتي يا شيمو

شيماء : اه

نديم : اه ايه

شيماء : بحبك

نديم : يعني موافقه تتجوزيني

شيماء : بحبك و موافقه اتجوزك كده مرة واحده لا كده حرام خبطتين في الرأس بتوجع

نديم : خبطتين انتي ناويه على شللي

شيماء : يعني مش حتجوز الدكتور وائل

نديم : تصدقي انا مبحبش اصلا اسم وائل ده و بسبب الدكتور ده انا كرهته و شكلي كده حغزك و اوديكي عنده يفرح بجمالك ما تتهدي الله يهدك

شيماء: هههههه هههههه 

نديم : كنتي فين يا لاءة لما قلت اه اه 

خدي جتك الهم يطلع من جيبه علبه قطيفه فيها خاتم شيك اوي

هاتي صوباعك ده

اول ما يلبسهولها في صوباعها متصدقش نفسها من الفرحه

شيماء احنا حنتخطب ان شاء الله و حنتجوز و حاخدك انتي و عيلتك كلها و نعيش في القاهرة مع أهلي انا حنقل شغلي القاهرة و نستقر هناك

شيماء : و شغلي

نديم : مفيش شغل انتي حتقعدي تربي شغف و جيسي و ولادنا ان شاء الله

شيماء : و لادنا

نديم : ايوة ان شاء الله بس متنقيش المهم كلميلي باباكي عاوز اخد بابا و ماما و نروح نتقدم رسمي

شيماء : حاضر حكلمه ان شاء الله

يمسك ايدها : بحبك يا مجنونه

شيماء : هههههه و انا كمان بحبك اوي ياقلب المجنونه 

🌹🌹🌹🌹🌹🌹🌹🌹🌹 

في بيت نعمان

شرحك حلو جوي يا ابله رحمه أني بفهم منك اكتر ما بفهم من الأستاذ اللي بيديني

رحمه : اي خدمه يا ست ضحى

ضحى : تعرفى اني نفسي جوي ادخل كلية الطب و ابجى شاطرة أكده زيك

 رحمه : لا بلاش تبجي شبهي يا ضحى

ضحى : ليه يا أبله رحمه ديه اني بحبك

رحمه :و اني كمان بحبك جوي و عشان أكده عاوزاكي تبجي احسن مني كمان

ضحى : جوليلي يا ابله رحمه هو انتي بتشرحي لزمايلك في الكليه زي ما بتشرحيلي أكده

رحمه : اللا بشرح ديه اني بشرح شرح

ضحى : و تلاجي الدكاترة بيحبوكي جوي و بيحترموكي كمان

ضحى : اللا بيحترموني دول بيحترموني احترام يا لهوي مش عاوزة اجولك ديه مناجصش غير يحطوا صورتي في كل المدرجات عشان ابجى عبرة جصدي ابجى قدوة للدكاترة زمايلي 

حفصه : ضحى يا حبيبتي يا للا عشان تتعشي مع رحمه ياللا يا رحمه جومي عشان تتعشوا سوى

ضحى : لا يا عمتي اني حتعشى مع ابويا هو لو ماكلتش معاه مبيرضاش ياكل

حفصه : ايوة يا حبيبتي بس هو يمكن ميجيش دلوك و انتي ماكلتيش من بدري

ضحى : لا هو كلمني من شويه و جاللي انه حياجي ياخدني و مش، حيتاخر

حفصه : طيب بصي حجولك انتي تاكلي نص بطن و خللي النص التاني كليه مع ابوكي

رحمه : بجولك ايه اني جعانه و محاكلش من غيرك هاه تاكلي معايا و لا انام من غير ما اكل

ضحى : حاضر خلاص حاكل معاكي لجمه 

تقعد جمبها صفيه و تأكلها بنفسها و تفضل تتحايل عليها لحد ما ضحى تاكل الأكل كله : ديه اني كلت كتير جوي

حفصه : انتي حتعدي على نفسك اللجمه ألف هنا و شفا على جلبك يا حبيبتي

ييجي جمال و يشوفهم و هما بيضحكوا مع بعض و بعد ما يسلم عليهم

ضحى معلش يا حبيبتي في بضاعه جايه دلوك و لزمن اجعد لحد ما استلمها بنفسي و اخوكي بايت عند خاله ممكن تباتي اهنيه الليله و اوعدك حخلص شغل و اجيلك على طول

ضحى بفرحه  : بجد يا ابوي اني حبات اهنيه

جمال : انتي فرحانه يعني انتي مش زعلانه يا ضحى

ضحى : لا أني مش زعلانه اني حبات في حضن عمتي حفصه

تاخدها حفصه فحضنها و تبوسها ديه احنا حنسهر مع بعض سهرة جميله

رحمه :و اني كمان حسهر معاكم بكرة الحمد لله بكرة الجمعه و معنديش جامعه

عتاب :يعني هي جت علية و اني كمان حسهر معاكم

تفرح ضحى أوي و جمال قلبه يرتاح من ناحية بنته اللي بفضل ربنا ثم عيلة نعمان قدرت تخرج من حزنها و بقت نفسيتها أحسن بكتير

زينب : جمال انت اهنيه تعالى يا واد عمي ادخل

جمال : محينفعش و الله اني لزمن امشي دلوك

يبص لحفصه اللي بنته متشعلقه فرقبتها و يبتسم و يشكرهم على اللي بيعملوه مع ضحى

زينب :عيب يا جمال اللي بتجوله ديه ضحى دي بتنا و زيها زي رحمه و عيال عامر و هي اسم الله عليها زي السمه ادب و اخلاج ىبنا يحميها و يفرح جلبك بيها هيا و اخوها يا رب

جمال : يا رب يا ام عامر

ضحى محتسلميش على ابوكي جبل ما يمشي و اللا من لجي احبابه نسي أصحابه

تقوم ضحى و ترمي نفسها فحضن ابوها : انت مش صاحبي انت ابويا و حبيبي و كل دنيتي اني بحبك جوي يا ابويا

جمال :و اني بحبك و بموت فيكي و وعمري كله فداكي يا جلب ابوكي

بعد ما يسهروا كلهم مع بعض و عتاب تنيم ولادها و تروح لعامر و رحمه تدخل اوضتها عشان تنام

تفضل ضحى مع حفصه في اوضتها و على سريرها

ضحى : اني بحبك جوي يا عمتي

حفصه : و اني كمان بحبك جوي يا ضحى انتي وجودك معانا منور حياتنا كلها يا حبيبتي

ضحى : اني نفسي فحاجه جوي يا عمتي و نفسي تحججيهالي

حفصه : جولي يا ضحى جوليلي نفسك في ايه و اني اجيلهولك يا حبيبتي

ضحى : أني نفسي تيجي معايا البيت و تعيشي معايا على طول أني بحبك جوي و بكون زعلانه في اليوم اللي مبجيش فيه اهنيه عشان مبشوفكيش كمان ببجى فرحانه جوي و اني نايمه فحضنك تعالي معايا و النبي و لو بتحبيني كيف ما بتجولي تعالي عيشي معايا و متخافيش محدش حيضايج اصلا كلنا بنحبك أني و أحمد أخويا  جوي دايما بيجوللي عمتي حفصه حنينه جوي زي حنية أمي الله يرحمها هاه جلتي ايه

حفصه : جلت في ايه بس يا حبيبتي

ضحى: تيجي تعيشي معانا جولي أيوة لو بتحبيني كيف ما بتجولي جولي أيوة و غلاوتي عندك 

حفصه : مينفعش يا حبيبتي انتي مش صغيرة يا ضحى و عارفه ان مينفعش اعيش معاكم كيف يعني أعيش في بيت مش بيتي انتي يا حبيبتي تيجي و تجعدي معايا على راحتك و ممكن اخدك و نخرجوا كمان لكن اكتر من أكده مينفعش

بجولك ايه تيجي بكرة ننزلوا نتمشوا شويه و ناخدوا معانا رحمه

ضحى : ياريت يا عمتي

حفصه : إلا جوليلي صحيح رحمه اتحايلت عليكي كتير تنامي معاها مرضيتيش ليه يا حبيبتي ديه بتحبك جوي

ضحى : و اني كمان بحبها جوي لكن ابات معاها لا ديه اني أموت

حفصه : بعد الشر عليكي يا حبيبتي ليه بتجولي أكده

ضحى : مجدرش انام و الجمجمه و االدراع و الرجل دول نايمين معاي اخاف عفريتهم يطلعلي

اني معارفاش هيا بتنام كيف معاهم في أوضة واحده

حفصه : اتعودت يا ضحى و بعدين مش انتي بتجولي عايزة تبجي دكتورة زيها يبجى لزمن متخافيش

ضحى : وجتها حكون كبرت لكن اني بخاف منهم جوي

حفصه : طب تعالي بجى فحضني عشان ننام 

تاخدها حفصه فحضنها و يناموا

🌹🌹🌹🌹🌹🌹🌹🌹🌹

في الصباح في المدرسه تتحدث ناهد إلى إحدى المدرسات : عملتي ايه يا نهى في اللي طلبته منك

نهى : كله تمام يا دكتورة ناهد اطمني حضرتك انا لفيت على كل المدرسين اللي مسئولين عن الانشطه و طلبت منهم يحضروالي اسماء كل الولاد الموهوبين و موهبة كل واحد

ناهد : تمام يا نهى يومين و يكون عندي أسماء كل الموهوبين

نهى : حاضر يا دكتورة

تطرق الباب كعادتها و تدخل

اهلا اهلا بام العروسه

مشيرة : هههههههه هو انا حفضل ام العروسه كده كتير

ناهد : لحد ما تقوليلي ان مشيرة الصغيره جايه في السكه

مشيرة : حبيبتي يا ناهد و الله كان نفسي اوي تحضري فرحها

ناهد : حقك علية والله انا لولا تعب مراد اللي جه فجأة مكنتش اتاخرت عنك و الله

مشيرة : خلاص و لا يهمك يا ستي تتعوض في فرح نديم ان شاء الله

ناهد : ان شاء الله يا حبيبتي ربنا يفرحك بيهم يارب 

بعد مرور يومين و بعد ما عرفت ناهد اسماء كل الموهوبين اتفاجئت ان اسم غزل بين الولاد و انها موهوبه في التمثيل و لما سألت مدرسات فصلها قالولها انها شاطرة اوي في التمثيل و اصحابها بيحبوا يتفرجوا عليها و هي بتقلد حركات الممثلين و لما ناهد سألت مشيرة قالتلها ايوة فعلا اوقات بتمثل في البيت مشهد شافته في فيلم او مسلسل و انا و جدها  بنصقف لها كمان

و طبعا استئذنتها في انها حتتدرب مع الولاد و لما مشيرة بلغت عطر

عطر كانت مبسوطه ببنتها و لما حكت لندى

ندى : البنت طلعت موهوبه زي باباها يا عطر سبحان الله ورثت منه حبه للتمثيل

عطر : أيوة يا ندى مورثتش منه غير الحاجه اللي اتوجعت بسببها

ندى : ربنا يريح قلبك يا قلبي يارب

بدأت ممارسة الانشطه في المدرسه و غزل بدأت تتمرن على التمثيل في مسرحيه من المسرحيات اللي حتتعرض في نهاية العام الدراسي و الكل كان مبهور بيها و بادائها المتميز رغم سنها الصغير

🌹🌹🌹🌹🌹🌹🌹🌹🌹

بعد مرور فترة من الوقت

مالك يا جمال انت عايز تجول حاجه

جمال : أني مش عارف اجول ايه و لا ابدا منين يا نعمان

نعمان : ليه يا جمال هو الموضوع صعب أكده

جمال : نعمان انت عارف اني زمان لما اتجوزت حفصه متجوزتهاش جوازة و السلام لا اني كنت بحبها و اختارتها من بين كل البنات

نعمان : عارف يا جمال و عارف كمان ان لولا انها هيا اللي صممت عالطلاج انت مكنتش سبتها واصل

جمال : و عمري ما نسيتها يا نعمان عمري ما بطلت أحبها و دايما كانت فبالي و عجلي

نعمان: و دلوك انت عايز ترجعلها صوح يا جمال

جمال : انا محتاج حفصه يا نعمان محتاجها جوي

نعمان : عشان ضحى مش أكده

جمال : حكون كداب لو جت لا

ايوة صحيح ضحى بتحبها جوي و كل شويه تجوللي انها نفسها تعيش معانا و اني اتمنى ان حفصه تاخدها فحضنها و تراعيها لأني مش حطمن على بتي غير معاها هيا

لكن مش ضحى بس اللي محتاجاها يا نعمان اني كمان محتاجها جوي أني اتوحشتها جوي يا ابن عمي نفسي يتجفل علينا باب واحد زي زمان

نعمان : شوف يا جمال اني لو علية حجول يا ريت لأن زي مانت بتجول انك عمرك ما نسيتها هيا كمان عمرها ما نسيتك و لا حبت غيرك و بعد ما سبتوا بعض جالها ناس ملهاش اول من اخر كانوا يتمنوها

لكن هيا مرضتش واصل و اني خابر انها رفصت تتجوز تاني لأنها صعب جوي تتجبل حد غيرك في حياتها

اني حجولها يا جمال و اللي عايزه ربنا هو اللي حيكون

لا يا نعمان اني مموافجاش

نعمان :مش عايزة ترجعي لجمال يا حفصه جمال حبيب عمرك كله و اللي اني متأكد انك عمرك ما نسيتيه و لساكي بتحبيه

حفصه :ديه حكايه و راحت لحالها يا نعمان

نعمان : و ربنا اراد انها تحيا من جديد حفصه اني عمري ما حغصبك على حاجه انتي كبيرة و عاجله و تجدري تقرري اللي انتي عاوزاه

لكن اني حجولك ان جمال تعبان و تايه و محتاجك جوي و عياله محتاجينك يا حفصه

فكري يا حبيبتي و خدي راحتك و اللي حتجولي عليه حيتنفذ

😥😥😥😥😥😥😥😥😥😥

 •تابع الفصل التالي "رواية يكفيني منك عقابا" اضغط على اسم الرواية