رواية ملح بطعم السكر الفصل السادس والعشرون 26 - بقلم سلمي سمير
سر قاتل
البارت السادس والعشرون
••••••••••••••••••••••••••••••••••••••••••••••••••☆
أن أهبك الثقة فتضيعها أن أنشد في ظلك الأمان فتسلب مني أماني وإستقراري،وتتركني هائما على وجهي وقد فقدت ثقتي بكِ وبنفسي وبكل من حولي،ان أنهض من نومي متألماً،أتحسس ظهري فإذا بطعنتك القاتلة تدمي وجرحي منك ينزف والظهر مشطور نصفين فأي خذلانٍ هذا الذي ألبستني إياه، حتى صار الالم لباس وسادتي وغطائي، أو ما كفاني ظلم الأيام لتكوني أنتِ والأيام ضدي.يا من عشقتك
وقفت ورد تنظر الي رياض دون ان تتكلم مطولاً بعد ما قال ان زواجهم سيكون كم كان سابقا علي الورق فقط لتضحك بتهكم وتشيح بنظره بعيداً عنه تداري دموعها الحبيسة"
برافو عليك يا رياض عندك اصرار عجيب علي انك تكسرني، ليه نفسي اعرف ليه كذبت وقولتي انك اتجوزتني لنفس كنت خليك صريح وقولها ، ان جوازك مني مجرد واجب ، قولي ان حبك وقلبك ووعشقك ليا ميلزمنيش يا ورد لاني مش عايزك
عارف يا رياض لو مكنتش قولتها مكنتش هطلب منك حقوقي لاني عندى من الحياء اللي يمنعني اطلب منك العلاقة ، لكنك حبيت تعرفني انا ايه بالنسبالك وتجرح كرامتي
امسكها رياض من كتفها وادرها اليه ليجذبها الي صدره ويسحقها عليها بتملك "
واه منيكي يا ورد، ليه اكده يا بت عمي لدرجة دي شيفاني خسيس، ما احب علي جلبي تكوني مرتي وتدفي فرشتي
تنزع نفسها من صدره وتصيح فيه"
طب ليه بتقول كلام وتعمل عكسه انا مش قادرة افهمك
انت اتجوزتني ليه يا رياض علشان وصية اخوك ولاخايف ولاده يتربوا بعيد عنك وهو مأمنك عليهم فاهمني ارجوك
ولا اتجوزتني شفقه
يجذبها لحضنه مرة اخري ويحتضنها بقوة ويتنهد "
اه يا منية النفس، الله في سماه انا رايدك انت لنفسك واتجوزتك لاجل تكوني مرتي جبل واجبي اللي مكتوب عليا
بس العيب في انا ،مجدرش مجدرش اخدك مرتي والمسك
ولو حد بيشفج علي التاني يبجي انت اللي بتشفجي عليا بحنانك وحبك الفياض اللي خلي جلبي يحيا من جديد
رفعت راسها عن صدره ونظرت اليه تساله بعيناها الباكية"
طيب ليه اية بمنعك قولي معقول يكون وفائك لخديجة
لسه شابف ان جوزك من غيرها خيانه ليها
اخذ نفس عميق وزفر انفاسه علي صفحة وجهها لتلفحها حرارته ويشعر بنار حامية تتاجج بداخله "
ما جولتلك بلاش سيرة خديجة ، اللي منعني عنيكي جاد
تململت بين احضانه وبعدت عنه وهي تحدق به بشدة"
جاد ازاي وهو موصيك تتجوزني وتعوضني ايام بعدى عنك
اسبل عيناه بألم وتحدث بحرقة "
حوصل وصاني عليكي حتي لو مكنش جال اللي جاله انا مكنتش ، هسمح اهملك تكوني لغيري لكن ما اصعب عليا اعاشر مرت خوي وانام في فرشته
صرخت ورد بحدة"
انا مش مراته انا طليقته وبقيت مراتك
هز راسه بحزن قاتل"
فعلا مرتي لكن خوي حي انت لو ارملته كان خوي ليكي ماضي لكنه حاضر ويا عالم لو ظروفه اتغيرت يعاود لولاده
ارتجفت برعب وصاحت بهلع"
افهم من كده انك اتجوزتني لحد ما ظروف اخوك تتغير وترجعني ليه لما يرجع انت مستوعب كلامك ده بجد
امسكها بقوة من كتفها وهزها بعنف"
لاه يا ورد انت مش هتكوني لغيري، اللي حصل سابج كان نصيب وجوازي منيكي تاني نصيب وهالمرة ما هتنازل عنيكي انت ملكي انا وبس لكني مجدرش اكونلك زوجك دلوج
كل اللي طالبه منيكي فرصة اتجبل انك مرتي ،وخوي لسته حي يرزج لانه صعيب عليا جوي يا ورد والله صعيب علي فوج ما تتخيلي، عندك جدرة تتحملي زوجك المتحكم
ملست علي ذقنه ووقفت علي اصابع اقدامها لتطال فمه ثم لثمت ثغره بقوة ليلتهم رياض شفتاها بقبلة عذبة شغوفه، تنهدت ورد براحه والقت نفسها بعدها علي صدره"
انت مثالي اووي يا رياض زيادة عن اللزوم، لكنك قدري وانا راضية بيه وعندى قدرة علي الاحتمال مدام معاك ،بس ليا طلب و ياريت مترفضش لاني مش هتنازل عنه مهما حصل
حملها بين يداه ونظر اليه بعشق مستتر"
انت مش تطلبي يا وردتي انت تجولي امرك وانا انفذ
احتضنته بقوة ولفت ذراعاها حول رقبته وقربت انفاسها من انفاسه لتستنشقها وتاخد منها ما يلزمها لتتنفسه "
عايزاك متحرمنيش من حضنك انا محتاجة حنانك يا رياض
يمددها علي الفراش وينظر اليها براحه "
ليكي حضني وحناني ونفسي لو طلبتيها المهم انك تسامحيني
ابتسمت له بعذوبة ونزعت عنها فستانها لتظل بثيابها الداخلية
غامت عين رياض واخذ نفس عميق وهتف لنفسه"
الله يصبرني عليكي يا ورد الشام
ليبتسم لها ويتمدد بجوارها بالفراش ،لتدفع ورد راسها بجوف صدرها وتاخذ نفس عميق وتغمض عيناها براحة ليضمها بقوة ويحوطها بيدها ليختفي جسدها الصغير بداخل صدره
••••••••••••••••••••••••••••••••••••••••••••••••••☆
قبيل اذان الفجر ينهض رياض من جوار ورد ويقبل شعرها المنثور علي وسادته ،يلبس عباءته ليخرج يصلي الفجر
يعود من الصلاة ليدخل غرفته وينصدم حين يري فراشه خالي يخرج مسرعًا بحثا عنها ليشعر بيد تخبط علي ظهره برفق
يستدير لتقابله ابتسامة ورد العذبة وهي تمد يدها له بكوب من الحليب الدافي وتقول له ببشاشة"
صباح الخير يا زوجي العزيز صلاة مقبوله باذن الله
تناول منها كوب الحليب ومد يده بها الي فمها "
اشربي دي من يدى وبعديها هاتيلي كوب تاتي باوضتي علي ما اغير خلجاتي،واوعاكي ترفضي تشربي من يدى، انت كمان محتاجة تتغذي زين ولا ناسية انك بترضعي ياسين
ارتشفتها منه وهي تنظر اليه بحب الي ان انتهت لتدخل سريعا الي المطبخ ،وتسكب له كوب اخر وتهرع به اليه لتراه ينزع عنه جلبابة الابيض مدت يده له بكوب الحليب تناوله منها ، لتاخد منه جلبابة وتضعه علي الشماعه وتاتي له بثياب عمله وتحرص علي هندامه وجعله في ابهي صورة كم كانت تفعل معه سابقا
انتهي رياض من ارتداءه لثيابه واقترب منها واخذ يدها ولثمها بحب وحنان ثم ضمها لصدره بقوة"
وبعدين معاكي يا ورد كده كتير ، ايه معندكيش الاهم مني تراعية، انت دلوج عنديك خمس اطفال انت الام ليهم
حدقت به وردت بقوة وسالته"
قصدك انك موافق اكون ام لاولادك بتتكلم بجد يا رياض
زاد من قوة احتضانه لها قائلاً "
ايوة بتكلم بجد واعتبريه حاجة بسيطة عن غلطي في حجك
وتجدري من اليوم تجوليلهم يجولوا ليكي يا اماي
وهما بيحبوكي يعني مش هتتعبي معاهم كتير ده غير ان علي بجي يجولك يا اماي من طول جعدته مع خواته الكام شهر اللي فاتوا ، لانك بحنانك كسبتي جلوبهم
ابتسمت له وارحت راسها علي صدره"
وانا امتي كسبت قلبك يا رياض
سكت طويلا وتنهد قائلاً"
جبل ما تكسبي جلبي كسبتي احترامي وده من اول مرة طعتيني فيها لاجل ترضيني بس رغم خوفك وجلجك
يرفعها عن صدره ويقول لها باسماً"
وردتي هتفطرني ولا هنفضل في الدلع المرج ده كتير
هزت راسها ونامت علي صدره بدلال واثقة من نفسها ومن مكانتها في قلبه "
هدلع وادلع لو مرات الكبير ما تدلع اومال مين يدلع
ضحك بصوت عالي ورفع راسها عن صدره بغيظ"
طيب ادلعي براحتك اهني وانا خارج اندر اماي تفطرني
وقفت امامه بتحدى تمنعه من الخروج وهتفت بتصميم"
من النهاردة وعمرك الجاي كله مش هتاكل غير من ايدى ولا حد هايهتم بيك غيري وبكل تفاصيل حياتك ، موافق ولا لاه
يحملها من وسطها ويلف بها وهو يحتضنها"
موافج جوي جوي وكل اللي تجوليه علي جلبي زي العسل
انزلها لتعدل من ثيابها وتقول بغرور وثقه"
اتفضل يا رياض باشا الفطار جاهز عمايل ايديا وحياة عنيا
خرجت ولحقها رياض ليري الفطار كله جاهز ليجلس يفطر معها وكانت تقوم بارضاع ياسين الذي استيقظ بعد مغادرة رياض للصلاة وقبل ان ينتهي رياض من فطاره، استيقظت
ياسمينا التي هرعت مسرعة الي رياض ليحملها ويجلسها
علي ساقه ويقول لها بتعحب"
حبيبة جلبي صاحية بكير ليه وراه اشغال كي عمها
هزت راسها بقوة "
لاء بس ياسين لما ثحي فضل يعيط لحد ماثحيت خلي ماما تاخده بحضنها علسان اعرف انام
قبلها رياض من جبينها "
حاضر يا جلب رياض من النهاردة هينام في حضن امايتك
لاجل حبيبة جلبي تنام زين
نظرت اليه وردد وقبلت خده بحب"
ربنا ما يحرمني منك بس ماما وخالتو هيهتموا بيه مش تشيل همه
امسك يدها وتعنق في عيناه"
ولدك ولدي يا ورد وهو لسته صغير ليبعد عن حضنك ، هو محتاج رعايتك واهتمامك بيه اكتر مني، خليه ينام جارنا
لحد ما يتم سنة علي الاجل لكن دلوج مينفعش زي ما لي حج عليكي ولادك كمان ليهم نفس الحج
اؤمات له عن اقتناع وراحة لان زوجها يقدر جيدا انها ام
قبل ما تكون زوجه له
وتمر بهم الايام علي نفس الوضع شهر وراه الاخر في هذا الاثناء اصيب هداية بصدمة عنيفه جراء وفاة زوجها
وكان مرافقة ورد له سبب في تقبلها لخسارتها لاقتناعها ان ورد مرت بما مرت به بسبب موت زوجها قبلها
••••••••••••••••••••••••••••••••••••••••••••••••••☆
خلال تلك الشهور لم ينقطع الاتصال بين جاد ورياض وباستمرار كان يطمئنه علي اولاده واخبره انه نفذ وصيته وتزوج من ورد حتي يطمئن قلبه علي اولاده بينهم
بعد مرور اربع شهور علي زواجه من ورد التي كانت لاتزال زوجة بالاسم فقط لكن علاقتهم كنت عبارة عن مودة وحب كبير يختفي خلف ستار الواجب والصح
اتاه اتصال من مامور المركز بيطلب حضوره علي وجه السرعة
هو وعمه الشيخ ياسين وقتها شعر رياض بالسوء
ما ان وصل الي المركز ودخل علي المامور الذي رحب به بحفاوة شديدة وطلب منه الجلوس هو وعمه مع تقديم واجب الضيافة الذي رفضه رياض وعمه بشدة قبل ان يعرفوا سبب استدعائهم الي مكتبة ولماذا؟؟؟
قبل ان يبدا المامور لقول سبب استدعائه لهم يعرفهم علي ضيف كان عندها "
احب اعرفكم علي العقيد اركان حرب صفوت المنشاوى من المخابرات الحربية وهو ده سبب استدعائي ليكم
ليقول رياض بلهفة ناسيا نفسه بان عمه لا يعرف بان اخيه جاد مازال علي قيد الحياة"
هو جاد جراله حاجه
حدق به عمه بقوة وساله"
جاد ايه يا ولدى مالك يا رياض انت لستك عنديك امل ان خوك جاد حي
ابتلع رياض ارياقه بصعوبة وقال"
لا يا عمي كنت بتمني ان خويا يكون بخير المهم يا حضرت المامور سيادة العجيد رايدنا في ايه .
مد العقيد يده يصافحهم باحترام "
انا هقول ليكم عايزاكم في ايه ، بس قبل ما ابدا كلامي انا بقدم اعتذاري باسم القيادة العالية للجيش
نظر اليه رياض بتعجب وساله"
الجيش انا مفهمش،حاجه ما تجول يا سيادة العجيد في ايه
تنهد العقيد صفوت واعطي ظرف به بعض الاورق وقال"
ده طلب من وزارة الدفاع باسترداد رفات جثمان الشهيد علي وجدى الاسناوى
انتفض رياض بعنف وغضب وهب واقفاً، ليقول بحدة"
يعني ايه تستردوا جثة خوي هو من حج الجيش ياخد عضم ولادنا انت بتجول ايه يا حضرت العجيد لا ممكن يحصل ابدا
اشار اليه العقيد بالجلوس واكمل حديثه"
با باشمهندس رياض اسمع ايه سبب الطلب وانت هتفهمنا سبب استردنا لرفات جثمان اخوك مش شئ يخص الجيش بس غلطت الجيش ولازم نسعي لاصلاحها
للاسف اترفع علينا قضية منظورة حاليا امام القضاء
بسبب اكتشاف اسرة احد الشهداء اللي كانوا مع اخوك
بانهم لم يستلموا جثة ابنهم وانها اتبدلت مع جثه اخري
طبعا هستغرب ازاي بعد ٩ سنين عرفوا الخطاء ده ، هقولك الموضوع ظهر ازاي كان بالصدفة البحته
الشهيد اللي كان سبب اكتشاف الموضوع كان تزوج في السر من واحدة،ماتت وهي بتولد وبسبب مرض الولد بمرض وراثي
رفعو اهل البنت قضية اثبات نسب
في الاول لنظر القضية تم عمل تحليلDNA للجد واتاكد النسب لكن الاخوة رفضوا انتساب الطفل ليهم مكنش في
حل غير طلب فحص DNAللاب اللي هو الشهيد ولما اتعمل التحليل مكنش في اي تطابق وده فتح الباب للشك وعمل الاب والاخوة تحليل ليتاكدوا ان للجثه ليست جثه ابنهم
ورفعوا قضية بطلب جثة ابنهم الحقيقة وده حقهم وحقكم
حدق رياض والشيخ ياسين في العقيد صفوت بذهول
وصرخ رياض بغصب"
يعني ايه ولدنا مدفون بأرض غريبة بجاله تسع سنين، كيف حصل اللي حوصل وازاي متوكدتوش من الجثث، مش في سلسلة بيلبسها المجند برجبته و ورجم فرجته بالجيش
ارتبك العقيد وقال بحزن"
فعلا بس المهمه اللي اخوك استشهد فيها كانت مهمه سرية مكنش ينفع يكون معاه حاجه تدل علي شخصيته ولما استلمنا اشلاءهم كان صعب نعرفهم من بعضهم وبالذات ان الانفحار غير ملامحم ، ومكنش تحليل DNA معروف زي دلوقتي
احنا بنقدم اعتذارنا بشدة وحاليا مطلوبةمنك عينه دم ليك ولعمك لعمل فحص DNA ليكم ومطابقته مع الجثث الاخري للمعرفة مين فيهم جثة اخوك وطبعا تسليم رفاته
الجمت الصدمة لسان رياض وعمه الذي وضع راسه بين يداه بحزن وقال"
لللاسف معنديش اي حاجة اجولها غير حسبي الله ونعمة الوكيل ، اندر الوجت اللي يناسبكم لعمل التحليل واستلام الرفات، لكن جبل اي اجراء انا مربدش الخبر يوصل البلد
اماي لوعلمت باللي بتجولوه ده هتموت فيها
وكمان رايد اعرف ميتى هستلم رفات خوي لاجل ادفنه
تنهد العقيد وشكره وقال"
متقلقش احنا بنجمع رفات الشهداء اللي كانوا معاه ومجرد ما نبدا عمليات الفحص وتظهر النتيجة هنبلغك
واكيد الخبر هيكون في طى الكتمان لان نشر الخبر هيفضح سرية عملياتنا وهيتسبب في التشويش علي سمعتنا
يضغط رياض قبضة يده بقوة لينفس عن غضبة".
يعني ميتي هتسلم رفات اخويا بيكفي جاد اللي مجدرتش ادفنه صعيب علينا جوي يكون علي كمان
قال العقيد صفوت مطمئناً له "
متقلقش الموضع مش هيستغرق الشهرين ويمكن قبل كده
اتفضل ده الكارت الخاص بتاعي تقدري تتواصل معايا لمعرفة كل المستجدات اول باول
تناول رياض الكارت الخاص للعقيد صفوت،واتفق علي استلام الرفات بعد صلاة الفجر واخذ عينة الدم في اليوم التالي
كان نقل رفات جثمان اخية اصعب مما كان يتوقع رياض
لهذا لجاء الي الاتصال لجاد وابلاغه ما حدث
استغرب جاد ما حدث وكانت صدمته كبيرة"
مش ممكن يعني ايه الجثه اللي استلمناها مش جثه علي
ده ظلم لينا ولعلي ولذكراه
امانة عليك يا رياض لما تدفنه تاني اقراء ليه الفاتحة بالنيابه عني وقول ليه ان اخوك مشتاق ليك والي لقاء قريب
اغلق رياض مع اخية الاتصال كان صعب عليه حرقت جاد علي اخيه وحرمانه من وداعه الي مثواه الاخير
اكد عليه رياض انه سيفعل ما طلب ليساله عن احوال وعن رده مقلق "
انا عايش بس مش عارف لامتي، من يوم ما اخدت علي وبدا يشكو فيا وفي ملك وعاملين علينا كماشة ادعيلي يا رياض ربنا يخلصني منهم ليريحني
ليدعي له رياض من قلبه لعل الله يجعل لها مخرجا
بلغ رياض ورد بما حدث لتسانده وتخفف عنه وطئ الاحداث
ومرت الايام واتم ياسين عامه الاول وليلة عيد ميلاده اتصل جاد باخيه واصر ان يحدث ورد
وكان اتصاله غريب كان يؤمنها علي اولاده وتمنى لها السعادة
••••••••••••••••••••••••••••••••••••••••••••••••••☆
بعد ثلاث ايام اتي لرياض اتصال غريب بيطلب حضوره الي مصر ، ظن ان الامر يخص رفات اخيه فذهب مسرعا دون الرجوع لعمه وبلغ امه وورد انه سيتاخر في الحضور
ظل الخوف يراود قلب ورد من القلق علي رياض الذي لم يعود الي الان وقد انتصف الليل ولم تظهر بادرة لعودته
جلست في وسط الدار تترقب وصوله، هذا ولم تتواني علي الاتصال به كل خمس دقائق لكن هاتفه دائما مغلق
حتي ان ولدها الصغير ياسين استيقظ مرتان وارضعته لتعطيها الي امها التي تصر ان تاخذه في حضنها هو وياسمينا كل يوم من يوم زواجها برياض الذي عوضهم حنانه فقدهم لابيهم
ظلت ورد تردد الدعاء الي الله، بان يعود اليها بالسلامه
متوجسا خيفة ان يكون اصابه سوء لانه ليس من طبعه ان يتركهم هكذا دون ان يطمئنهم عليه، ويشغل بالهم من القلق
وهو دائما ما يراعي الا يقلق احد عليه "
وبعد اكثر من ثلاث ساعات بالانتظار دخل رياض من باب الدار واغلقها خلفها كانت عيونه حمراء ككاسات الدم ، ودموعه حبيسه في مقلاتاه
لم يلاحظها لكنها كانت تتفرس ملامحه الحادة التي تعشقها
القي عباءته علي احد المقاعد وجلس علي الاخر ، ليضع وجهه بين يداه ويزفر بحرقه انفاس ساخنه تعبر عن بركان مشتعل بداخله
جلست بجواره لينتفض وينظر اليها بغضب"
ايه مصحيكي لدلوج يا ورد انا جولتلك اني هتاخر ليه منعستيش
ملست علي خده الخشن الذي نبتت فيه بضع شعيرات وتنهدت"
مقدرتش انام قبل ما اطمن عليك وتاخدنى بحضنك زي كل يوم
ممكن تقولي كنت في مصر بتعمل ايه،
ومالك كده حزين ومخنوق كان في مصيبه حصلت طمني يا رياض
ابعد.يدها عن خده ونظر اليها بحزن ثم انكس راسه"
مليش خلج اتحدت دلوج جومي انعسي والصباح رباح
ووحياة الغالي عنديكي ما تطولي في الحديت انا محتاج الهدوء ومريدش اسمع حسك دلوج نهائي
هدات نفس ورد بعض الشئ رغم شدة قلقها عليه ، لكن يكفيها انه امامه بخير وسياخذها بحضنه مثل كل ليلة
لتنهض من جواره وتقول "
حاضر هسكت خالص بس ممكن تسمحي ليا اخفف عنك بعض الضغط هعملك تدليك هيريح جسدك التشنج وهيروقك حالك
تنهد وابتسم له "
لو واثجه انه هيريحني ماشي لاني نفسي النار اللي جواتي تهدى
طلبت منه ورد خلع جاكت بدلته وفك ازرار قميصه وبدات تدلك رقبته برقة ونعومة الي ان بدا جسده يسترخي ويستجيب للمساتها الرقيقة
فاغمض عينه كي يستمتع بما تقوم به وارجع راسه للوراء
نظرت اليه ورد والي ملامحه الوسيمة لتنحني وتطبع قبلة علي شفتاه برومانسية وشوق
فتح رياض عينه وغامت بشكل خطر ليسحبها ويجلسها علي قدمه بتملك
ثم التهم شفتاها بقبلة ساخنه شغوفه لتتاوه ورد بين يداه بلهفة وشوق وحنين جارف
مما جعل رياض ينتفض ويهب واقفا ويحملها بين يداه
واستمر في تقبل وجهه وثغرها سلسلة من القبلات لا تنتهي
الي ان وصل الي غرفتهم ومددها علي الفراش واغلق الباب خلفه وشرع في نزع باقي ملابسه، وهو ياكلها بعيناه ويفترسها بنظراته التي تملاءها الرغبة والاشتياق
لتقول له ورد بدلال واشتياق احرق قلبها الملتاع بنار العشق "
رياض وحشتني .....
••••••••••••••••••••••••••••••••••••••••••••••••••☆
كانت كلمة وحشتني له كجرس انذار اوقفه عن التمادى فما كان سيفعل وتمدد بجوارها وضمها الي صدره وتنهد بحرقة"
تصبحي علي خير يا ورد
كان رفضه لمشاعرها مرة اخري صدمة لم تستطيع احتمالها وكادت ان تثور عليه لولا انها راته قد اغمض عيناه بشدة لتهرب دمعة محبوسة من بين مقلاتها علي وجنتيه
ظلت طول الليل النوم مجافيها لم تستطيع النوم وظلت تتسال عن سبب حزنه وبكاءه
قبيل الفجر كعادته استيقظ وقد هدات ملامحه الحزينة نهض من جواره بهدوء حتي لا تستيقظ الا انها كانت مستيقظة
لكنها تركته يذهب للصلاة لعلها تفرج همه علي ان تحدثه عند عودته وتفهم منه الي متي سيظل يرفضها
عاد رياض بعد الصلاة ودخل غرفته لتلحقه بكوب الحليب
اخذه منه وارتشفه علي مهل ولاحظ شرودها ليساله "
مالك يا ورد فينك شاردة
اجابته بحزن"
معاك يا رياض بس نفسي اعرف انت اللي فينك ولامتي هصبر علي زواجنا الابيض مدام ريدني زوجة ليك ليه بترفض بينا الوصال حسيت بك امبارح مشتاق ليا لكن ايه اللي حصل
وبعدك عني
اخذ نفس عميق وهرب من عيناه وقال بحزن"
سامحيني يا ورد بس اللي كنت فيه عشيا كان صعب عليا
استدارت له لتقف امامه وتساله بتحدى "
كان فيك ايه وكنت فين وليه حالك كان كده فهمني انا مراتك ليا حق اعرف ، أيه لسه مش عرفين يعثروا علي جثمان علي
طالعها بالم والحزن يسكن عيناه"
كنت بمصر في وزارة الخارجية بيلغوني ان جاد اخوي مات
اخويا مات يا ورد واتحرمت اودعه او ادفنه جار اهله
مكفنيش جتة علي اللي منعرفش فينه او امتي هترجع كمان جاد مات هو ومرته جتلوهم يا ورد
دون ان تشعر سالت دموعها علي خذها تبكيه "
مش عارفة اقولك اية يارياض
كفكف دموعها وضمها لصدره بقوة"
قوليلي الباجية في حياتك لان محدش هيعزبني غيرك يا ورد
حوطت ظهره بذراعيها وتشبثت به بقوة"
هو ده نصيبه يا رياض وقدره اللي مكنش هيقدر يهرب منه
بس ازاي عرفوا انه مات ومين بلغهم
تنهد رياض وجلس وجذبها لتجلس امامه"
اول ما دخلت علي مسؤول وزارة الخارجية جالي"
البقاء،لله يا باشمهندس رياض انتو قدمتوا شهيدين للوطن
واحد في سبيل تراب بلده والتاني في سبيل رفعة الوطن
لينهار رياض ويهتف بحزن"
يعني ايه يا حضرت خوي جاد مات
هز المسؤول راسها مؤكدا له ظنه، ثم اعطاه شهادة وفاة صادرة من ثلاثة ايام علي وعد بنقل جثمانه بعد انتهاء الاجراءات ، و بدا يحكي له كيف كان جاد شهيد
اخوك من ٤ شهور تقريبا لجا لينا عن طريق زوجته مدام ناتالي التي اطلق عليها ملك بعد اسلامها
ولاظهار حسن النية وانهم دبسوه في عملية تخابر علي امريكا في قضية تجسس لاجل تضعه تحت رحمتهم
كان صعب نحميه لانه جريمة كانت تخص امريكا هو مجرد مواطن مصري لكن زوجته بدات تقدم لينا سبب كل االي حصل وتدبيسه في قضية التخابر البرئ منها
وازاي هي كانت الفخ اللي وقع فيها وانها بزواجه منها وحبه له غسلها من الخيانه وكل ما يهمها حاليا هو انقاذه
وفعلا بدءنا نضع خطه للانقاذ اننا نخرجهم من امريكا باسماء مستعارة لبلد ممنوع فيها تسليم مطلوبين
ومن اسبوع تقريبا كان يوم التنفيذ وهما خارجين لياتوا لينا مع وعد من ناتالي بتقديم اسماء عملاء يهود في مصر وامريكا ، كان واجب علينا حمايتهم وللاسف اطلقوا عليهم النار وماتت ناتالي بطلقة غادرة
وكان جاد في طريقه للسفارة وكان في قناص بانتظاره اللي منتظرش نزوله وفجر تنك السيارة لتنفجر بيهم السيارة
وتحوله الي اشلاء متفحمه لم نستطع تجميعها بسهولة
لكن بعد الفحص اتاكد من وفاة اخيك وتم اصدار شهادة الوفاء وتقديم التعازي ليك وخلال ايام سيتم تسليم بقايا جثته اسف ليك ولفقيدك ، ونحتسبه عند الله من الشهداء
قامت ورد من مجلسها وواحتضنت راسه بقوة وقالت له"
احتسبه من الشهداء يا رياض والحمد لله انه مات كشهيد في نظر بلده واهل وهتقدر تدفنه
اؤما لها بحزن وتنهد"
هو ده اللي مبرد جلبي عليه اني هدفنه عجبال ما ادفن خوه
وبعد اسبوع اتاه اتصال بتسلم البقايا من جثمان اخيه وكان يوم حزين وكئيب علي رياض وورد
الا ان وعد الله للصابرين بالبشارة كان لهم فيه نصيب
بعد اسبوع اخر مر عليهم تلقوا اتصال من العقيد صفوت يبلغ رياض انه سياتي مع جثمان اخيه لتسليمه بطريقة رسمية
استغرب رياض من طريقة العقيد بانه سيسلمه جثمان اخيه بطريقة رسمية ولماذا وهو وعده بكتمان امر ما حدث
في صباح اليوم التالي كانت البلد تقف علي قدم وساق
والمامور والعمدة طلبوا حضور رياض الي دوار العمدة لمقابلة العقيد صفوت ومن معه لتكريم اخيه
وكان يوم مشهور ملاء قلب رياض بالفخر "
واتت سيارة سوداء تحمل شعار جهة سيادية ووقفت امام رياض وضيوف العمدة ونزل منها العقيد صفوت
الذي تقدم منه صافحه بحرارة وشد علي يده وقال بفخر"
انت من الرجال اللي تفخر البلد بيهم وباولادهم ولانك رجل صبور وشجاع بعد تقديمك لاخيك الشهيد جاد ربنا اراد انه يعوضك خير عن فقيدك ويرد ليك اخيك علي
نظر اليه رياض باستغراب "
فينه علي معجول رفاته في السيارة دي يا سيادة العقيد
هذ راسه وقال بثقه وفخر"
لا مش رفاته جسده نفسه اتفضل يا حضرت المقدم علي
نزل علي من السيارة ونظر الي اخيه بلهفة والقي نفسه عليه"
خوي رياض ابن بوي رجعت ليكم الحمد لله احمدك يارب
وقف رياض مبهوتا غير مصدقا ان اخيه الذي فقده من تسع سنوات قد عاد للحياة وسيعوضه حزنه علي اخيه
لكن علي كان غير جاد لقد اطلق لحيته وظهر بعض الشيب علي جوانبه جعله كبيرا عن عمره عمر اخر
اجتذبه رياض وضمه بقوة الي صدره ليشعر بالحنين له
تالم علي من حضن اخيه القوى وقال له بالم"
اباه عليك يا رياض لستك بتتعافي عليا واحدة واحدة علي يا ابن بوي خوك اتمرمط من يوم غيابه عنكم واصل
انطلقت الاعيرة النارية وعلي صوت الزغاريط والكل رحب بعودة الشهيد علي الي الحياة من جديد
ظلت الافراح والتهاني لاسبوع متواصل، وقد طلب علي الاقامة في غرفة اخيه جاد حتي يشعر بوجوده معه
وفي المساء بعد ان هدأت الدار من الزوار طلب رياض من اخيه توضيح سبب غيابه واين كان كل هذه السنوات
كان رد علي انه محتاج الي وقت اطول حتي يستوعب عودته وان يشعر بالامان الذي افتقده طول تسع سنوات
امهله رياض الوقت الكافي الذي يريده يكفيه ان اخيه عاد اليهم واصبح معهم تحت سقف واحد
لكن الغريب كان موقف علي الصغير الذي ظن انه ابيه وظل ملازما له لا يريد تركه حتي ان علي استغرب ذلك وسال"
ليه الولد ده مش كي ولادك يا ورد شكله كي الاجانب
ضحك رياض وقال له"
هو فعلا من الاجانب ويحمل الجنسية الامريكية لانه ابن جاد من مرته الامريكية والولد مش متعود علي كي ولاد جاد
ولما شافك ظنك بوه لو تحلج دقنك وتهندم حالك كيف خوك هتكون انت هو واحد ولا ناسي انك تؤامه
احتضنه علي بقوة "
واه يا واد خوي لو يرضيك جولي بوي ما احب علي جلبي يكون لي ولد جميل كي الملايكة زيك
وبعد وقت طويل من سهرتهم التي كانت فيها عديلة تجلس بجوار علي تريد ان تتاكد انه ابنها عاد اليها
وبعودته رد الروح لقلبها وعوضها حرمانها من اخيه جاد
اخذ علي الطفل علي الصغير لينام معه بعد اصراره علي ذلك
وذهبت عديلة لغرفته واخذت بحضنها ياسين الصغير ام حفيظة فاخدت ياسمين الغلباوية التي كنت تصر علي المبيت مع امها ورياض الا ان جدتها منعتها عن هذا
دخل رياض غرفته مع ورد والفرحة تتراقص علي محياه وقال لورد بسعادة"
خابرة يا ورد انا لحد دلوج مش مصدج سبوع علي رجوع علي مر كانه حلم كل شويا احضنه لجل اتوكد انه حجيجي ومعانا ، مفيش مره حضنته غير وبحس ان روح جاد فيه
ابتسمت له علي مضض "
حمدلله علي سلامتة وفرحانة ان علي الصغير بيحبه علي الاقل يعوض بيه فراقه عن تؤامه
خلع ثيابه وكذلك ورد ليتهيا للنوم ليسالها فجاءة"
ايه رايك في علي يا ورد غلبان كتير عن جاد رغم انه كان الشجي اللي فين شكله ندر شجي كتير في غيابه عنينا
سالته ورد بجفاء"
مش فاهمه راى من ناحية ايه شخصيته يعني ولا شكله
استغرب رياض حدتها في الرد عليه "
مالك يا ورد انا بسالك سؤال عادى ليه محسساني انه بجولك ده عريس ليكي
انتفضت ورد بشدة وصاحت فيه"
لاه والله ما هو ده اللي ناقص ،في ايه يارياض هو انا لعبة في ايدك ومشاعري ملهاش حساب عندك ، ودلوقتي عايز تعوض اخوك بيا ولا غرضك ايه من السؤال
كان اندفاع ورد في رياض بهذا الشكل صادم ليقطب ما بين حجباه بضيق"
طيب نامي يا ورد مريدش،اجول حاجه تزعلك وانا مش رايد انكد علي حالي ما صدجت الفرحة دخلت جلبي من تاني
ثارت ثائرة ورد لعدم مبالاة رياض لها لتغلط غلطت عمرها وقال لها بغضب اعماها "
رياض هو انت راجل بجد ، انا بقيت اشك انك راجل زي الرجالة بتحس وتشعر وليك متطلبات
انتفض رياض وهب من جوارها وصرخ فيها"
همي يا ورد البس خلجاتك وطرحتك وانا هخبرك انا راجل ولا لاه هما يا مره لاودرك
ابتلعت ورد ارياقها بخوف بعد ان رات شياطين الغضب تتجسد على محياه الوسيم وصاحت بخوف"
لاء يا رياض مس هقبل فاهم مش هقبل تاخد اندفاعي وتهوري ذريعة لطلاقي انا مش هقبل طلاقك يارياض وهدفع عن حقي فيك كفاية راضية وصبري علي وضعي بالشهور معاك واستغنيت عن كل حقوقي لارضاك
اقترب منها رياض والبسها ثيابها بالعافيةوقال بحدة"
لفي طرحتك علي ما اتوضي وارجعلك وانت كمان اتوضي
ماريدش ابدا حياتي معاك الا وربنا راضي عنا وعن علاجتنا
وبعد ما نصلي سوا هعرفك انا راجل صوح ولا لاه يا ورد
ارتعدت ورد من نظرة الرغبة الممزوجة بالاشتهاء والاشتياق التي راته في عيناه لاول مرة بحياتها معه خرج ليتركها تهوي الي بحر الرومانسية وتنتظر اخذه لها بين ذراعاه غير مصدقة ان الليلة ستكون زوجته فعليا
••••••
عاد رياض وسحبها لتصلي وراءه وهي كانت الهائمة لا تشعر ان اقدامها تلامس الارض ،بل كانت تشعر بانها سابحة في الهواء انتهي رياض من الصلاة والتف اليها
ونظراته تلتهمها التهاما وامسك يدها التي ترتجف بشدة وقال لها بحنان ورومانسية يطمئنها "
خايفة مني ولا من لجاءنا وعشجي ليكي يا ورد ،
يا وردتي انت مني ودجات جلبك جوتي مش جواتك وامتزاج جسدي بجسد ما هو الا امتزاج روحين خلجهم الله لبعض
اسبلت جفناها برومانسية حالمة اثارته ليضع يده فوق راسها
بسم الله.. اللهم جنبنا الشيطان، وجنب الشيطان منا
لينهض ويحملها بين يداه كطفلة وديعة سلمت له امرها
خلع عنها ثيابها واقترب منها لتتزلزل الارض من تحتهم
ويثور السكون من حولهم من فورة عشقهم وترانيم اهاتهم
اخذ رياض نفس عميق وجذب راس ورد علي صدره لتمتزج خصلات شعرها الحريري بقطرات عرقه السائل
وفجاة شعر بدموعها تسيل علي صدره رفع راسها لكنها ابت ان تلتقي عيناه بعيناها ليقول له بقلق"
ورد ورد اذيتك يا عشجي ، سامحيني لو كنت عنيف معاكي لكن عشجك كي البلسم اللي دواني وروي ارضي الشرجانه
هزت ورد راسه بقوة ترفض احساسه له بانه اذاه لتقول"
بالعكس يا رياض اللي عشته بين احضانك عمري ما اتخيلته
ولا اتوقعت ان في عشق بالشكل ده
انت كنت بتعاملني كاني شى هش خايف عليه من الكسر
انت ازاي كده يا رياض ازاي بتعشقني العشق ده كله وطلقتتي علشان اتجوز اخوك
صاح رياض بضيق"
بيكفي يا ورد بالله عليكي ما تجيبي سيرة جاد كلامك عنيه كي الحنضل ومر علجم بحنكي، خليكي انت السكر اللي بيضع طعم المرار بفمي من ظلم الايام
رفعت راسها ونظرت الي عيناه العاشقه"
اللي نفس افهمه ازاي بتحبني وكنت بتعشقني ومازالت وازاي قدرت تطلقني وسبتني لغيرك
ازاح خصلات شعرها الممزوجة بعرقه عن صدره وقال"
مين جال ان عاشجك من زمان، انا عاشجك دلوجك لانك مرتي جبل اكده لاه
هزت راسها بقوة وصاحت فيه"
لاء يا رياض انا سمعت بوداني كلامك لياسمينا عن شدة عشقك وشوقك ليا وحرمانك مني
ليه ظلمتني وبعدتني عنك وانت الراجل الوحيد اللي متمنتش اوهب نفسي غير ليه
انطق يارباض وريحني عملت كده ليه وانت كنت واثق من عشقي ليك ، قولي سبب يخليني اغفر ليك انك وهبتني لغيرك
لاني مش هسامحك، بعد ما عيشتني عشق مزيف مع اخوك ومعاك حسيت قد ايه انت ظلمتني معاه انطق ارجوك
شدها الي صدره واحتصنها بقوة وصاح"
هجولك يا ورد هجولك ليه هملتك لحياتك ودنيتك لاجل تعشيها صح مع اللي يعطيكي كل اللي تستحجية
هجواك سري واللي ما يعرفه غير خديجة لانها كانت مرتي
انا طلجتك يا ورد مش بسبب اني ما عشجتك كي ما انت عشجتيتي لاه طلجتك لاني معنديش اللي اجدر ادهولك
طلجتك لاني عجيم يا ورد انا راجل عجيم يا ورد
الجمت الصدمة ورد وصرخت بهلع"
عقيم ......
••••••••••••••••••••••••••••••••••••••••••••••••••☆
يتبع.....
• يتبع الفصل التالي اضغط على ( رواية ملح بطعم السكر ) اسم الرواية