رواية يكفيني منك عقابا الفصل الخامس والعشرون 25 - بقلم بقلم عبير سليم

 رواية يكفيني منك عقابا الفصل الخامس والعشرون 25 - بقلم بقلم عبير سليم 

الحلقه الخامسة و العشرون

يكفيني منك عقابا

عبير سليم

😥😥😥😥😥😥

قبل ما ابدا في كتابة  و بعتذر لو في اي أخطاء او تقصير في الحلقه

بسم الله الرحمن الرحيم

بعد مرور عدة أيام يفتح الباب و يتجه ناحية المصعد ليجدها هي الأخرى واقفه أمام المصعد منتظره صعوده فيندهش كلاهما على هيئة الآخر فهي كانت مرتديه إسدال الصلاة و بيدها الصغيرة أيضا مرتديه إسدال مثلها بينما هو كان مرتديا عباءة بيضاء تكاد ان تنطق عليه من جمالها

نديم : صباح الخير يا شيماء

شيماء : صباح النور يا كابتن

نديم :  مش اتفقنا تشيلي الألقاب 

يقبل على الصغيرة و يرفعها إليه و يقبلها صباح الفل يا شوشو

شغف : صباح النور

تضحك شيماء على طريقة ردها عليه

نديم : نازلين فين

شيماء : انت متأكد إنك ظابط

نديم : مش عارف الصراحه

نديم و شيماء : هههههه

شيماء: يعني بذكاءك كده لابسين إسدال و نازلين حنكون نازلين نشحت أكيد نازلين نصللي الجمعه طبعا

نديم : هو انتي بتصلي

شيماء: إيه باين علية الإنحراف و اللا إيه 

نديم : لا و الله ما اقصدش بس

شيماء : عشان مش محجبه صح لا يا سيدي أنا بصللي و الله الحمد لله وبصللي كمان بانتظام وانا متعوده كل جمعه باخد شغف و ننزل نصلي سوا و طبعا واضح إنك انت كمان نازل تصللي صح كده

نديم : اه الصراحه

و بعد ما بتصلوا بتعملوا إيه 

شيماء : بشتري فول و فلافل و اطلع أفطر أنا و شغف و بعد كده اخدها و اخد جيسي و انزل افسحهم في أي مكان لأن طبعا بقية الأسبوع مبكنش فاضيه نهائي

يوصل المصعد و يركبوا

نديم :، طب و لو عرضت عليكي اشارككم في يومكم النهارده تقبلي

شيماء : شكلك كده عاوز تاكل معانا فول و فلافل

نديم : اه  الصراحه أصلي ماكلتش فول و فلافل من زمان ايه رأيك نصلي و بعد كده أخدك انتي و شغف و نفطر و نقضي اليوم عالبحر

شيماء،: ماشي نصلي و نطلع نغير و ننزل

نديم : ماشي حنتظرك تتصلي علية بعد ما تلبسوا

دخلوا يصللوا و الخطبه كانت عن العوض و ان ربنا ممكن ياخد منك حاجه كنت بتحبها و متعلق بيها اوي  عشان يعوضك بحاجه تانيه وقتها شيماء، هي اللي جت في باله و سأل نفسه معقوله يكون ربنا اخد مني عطر و بنتها و عوضني بشيماء و أختها

بعد مرور بعض الوقت

كان نديم و شيماء و شغف و جيسي طبعاً قاعدين على كافيتريا عالبحر و بيفطروا و نديم مصر انه هو اللي يأكل شغف و شغف مبسوطه و عماله تضحك و هوا البحر كان كل شويه يطير شعر شيماء و ييجي على وشها و فمرة كان الأكل في ايدها و مش عارفه تبعد شعرها عن عينيها فنديم بتلقائيه مد ايده و بعد الشعر من على عينها ورجعه لورا و عينه اتقابلت مع عنيها لثواني : أول مره اخد بالي ان عنيكي بني

 شيماء اتكسفت و حاولت تغير الموضوع : هو مش المفروض ان اجازتك تقضيها مع أهلك في القاهرة

نديم : تصدقي ان بقالي شهور طويله منزلتش القاهرة بس بابا جه زارني هنا هو و ماما كذا مرة

شيماء : ربنا يخليهملك يا رب

نديم : و ربنا يخليلك العسل ده

شيماء : شغف دي أحلى حاجه فدنيتي كلها مش عارفه من غير وجودها فحياتي كنت حعمل ايه

نديم : شيماء هو انتي حبيتي قبل كده

شيماء : اه طبعا حبيت بابا و ماما و تيته و شغف بقى دي الحب كله

نديم : طب ماما و تيته ده أكيد طبعا لكن حبيتي باباكي

شيماء : ايوة طبعا حبيته و بحبه

نديم : معقوله أنا الصراحه قلت بعد ما سابك انتي و أختك أكيد مشاعرك ناحيته يعني

شيماء : قصدك أكون بكرهه يعني

نديم : لاء مش للدرجه بس

شيماء : لا يا نديم انا عودت نفسي ما اكرهش حد مهما عمل فية مش مستهله صدقني انا زعلانه منه مش حكدب عليك كفايه انه رامي لحمه ميعرفش حاجه عن بنتين من صلبه سايبهم للدنيا و مش بيسأل فيهم صحيح لما ماما كانت عايشه مكنش معانا اوي يعني و كانت ماما هي كل حياتي لكن بردو وجوده معانا كان محسسنا بالأمان

لكن بعد ما سابنا عند تيته افتقدت الحته دي و خصوصا انه تقريبا نسانا مراته و ولادها و ولاده اللي خلفهم منها بقوا هما كل حياته و احنا خلاص كنا صفحه و اتقفلت تقريبا كده افتكرنا متنا مع ماما ده حتى لما كان بييجي عند تيته عشان يسيبلنا فلوس كان معظم الوقت بيسيبهم و يمشي و انا أكون مثلا نايمه أو برة و ميهونش عليه حتى يقول بنتي وحشتني أستنى عشان اشوفها و اطمن عليها و اعرف أخبارها ايه دي حتى شغف يا حبيبتي اللي اتحرمت من امها من قبل ما تفتح عينيها للدنيا مبيفكرش فيها نهائي عشان كده أنا أول ما اشتغلت رفضت أخد منه حاجه و قلتله شكرا خلاص انا حصرف على نفسي و على أختي و ولا اهتم عادي

بس حقول إيه هو في الأول و الاخر أبويا و مهما يعمل معانا للأسف مش حقدر أكرهه و لا أنسى وجوده و لا حتى أقدر احاسبه لأن مش انا اللي ححاسبه هو ليه ربنا أكيد حيحاسبه لكن أنا بعامله كابويا اللي ربنا حيحاسبني لو كنت بنت عاقه و على فكرة أنا بتصل بيه كل عيد و في المناسبات بعيد عليه و هو مع مراته و ولاده مبروحش لأني عارفه اني أنا و أختي ملناش  مكان بينهم لكن بقول عشان ربنا و الله

نديم : و هو عنده ولاد اد ايه من مراته التانيه

شيماء : هو لما اتجوزها كان عندها ولدين و هيا كانت حجتها مينفعش البنات يقعدوا مع الولاد في بيت واحد قام هو بقى قال صح و الله معاها حق طب نحل ازاي المشكله دي اربيلها ولادها و أرمي بناتي مش مهم و بعد ما اتجوزوا خلف منها بنت و ولد توأم تقريبا عندهم سنتين

نديم : يااه يا شيماء اللي يشوفك و انتي بتضحكي و تهزري و مديه الدنيا طناش يقول إن ولا على بالك و انتي جواكي

شيماء : جوايا عاوزة أكل آيس كريم و حياتك تعزمني و اللا اعزمك انا

نديم : ههههههه مجنونه و ربنا مجنونه انتي إزاي اتحولتي مرة واحده كده ده انا الدمعه كانت حتفر من عيني و الله

شيماء : لا يا عم لا تفر من عينك و لا غيره عادي يا باشا كبر ما احنا زي الفل اهوه و عايشه سني و بغني و بحب الحياه و معايا شغف و جيسي حعوز ايه تاني أكتر من كده ده يبقى طمع الحمد لله و الله أنا راضيه احنا احسن من غيرنا كتير إحنا فنعمه إحنا مش حاسينها اللهم لك الحمد و ربنا بيقدر و يلطف تخيل بقى لو انا مكنتش موجوده شغف دي يا نور عينيه كان حيحصل معاها ايه و اللا لو شغف مش موجودة انا كنت حعمل ايه حتى جيسي العسل دي منورة حياتنا و الله

نديم : هههههه ربنا يخليهملك

شيماء : هههههه ربنا يحفظك يا باشا

نديم : انتي متأكده انك مكنتيش بتشحتي قبل كده في إشارات المرور

شيماء : هههههه طب و ربنا عملتها قبل كده

نديم : شحتي

شيماء : أيوة و الله

نديم : يا نهارك اسود

شيماء : هههههه حقولك  هههههه بص يا سيدي بنات جيراني فقريين قبل ما اجي هنا و انا لسه في القاهرة و كنا بنلعب و قلنا اللي حيخسر حيتحكم عليه حكم

و طبعا انا اللي خسرت كالعاده حكموا علية أقف في إشارة المرور و اشحت قمت ايه بقى دورت على عبايه عند تيته قديمه و لبستها و لبست شغف فستان قديم اوي كان خلص دورته في اللبس و كان داخل ياخد دورته في المطبخ لبستهولها و نزلت بيها إشارة المرور شفت بزمتك هبل اكتر من كده

نديم : لأ مشفتش الصراحه هههههه قلت مجنونه و ربنا و بعدين عملتي ايه 

شيماء : خدت شغف و نزلنا و صحابي متابعيني من بعيد و عمالين يصوروني الجذم و يضحكوا علية و انا كل ما تعدي عربيه اقولهم جنيه يا باشا عاوزة أجيب الرضعه للبت يا بيه ربنا يخليلك المودام يا برنس ربنا يخليلك العسل ده يا هانم و لقيتلك ده يديني خمسه جنيه و ده يديني عشرة و بصراحه اللعبه احلوت فعيني قلت ياللا يا بت كملي اليوم و اطلعيلك بمية جنيه لقيتلك واحد مسك ايدي و شدها من شباك و مصر اني اركب معاه و يقوللي متخافيش عندي شغاله حتقعد بالبنت يالهوي اهو ده آخرة الهبل فضلت اصوت و اشد ايدي و انادي عالمتخلفين اللي معايا و إذ فجأة الاقي عربية بوليس وقفت و نزل منها كام عسكري يا لهوي شديت ايدي جامد و جيت الحق نفسي و اهرب راح العسكري ده ماسكني من قفايا و راميني في البوكس تخيل كل ده حصل في ثواني و انا بقيت اصوت  و انادي على اصحابي يلحقوني و هما يجروا ورا العربيه و يقولواه وقف و النبي دي صاحبتنا اذ فجأة برضو ألاقي نفسي في القسم و الشاويش بيديني بالكف على قفايا و الظابط قاعد حاطط رجل على رجل و يقوللي قولي انتي تبع مين و بتشحتي في أي منطقه و البنت دي خطفتيها من مين و التاني عمال يديني على قفايا كل قفا و قفا

و أنا اعيط و أقوله و حياة ربنا أنا خريجة السن و بنت ناس و دي أختي أنا كنت بلعب مع صحابي و التاني

نديم : عمال يديكى على قفاكي

شيماء : تقولش الراجل كان عليه ندر و عاوز يوفيه

و الظابط مصمم ياخد شغف مني و يدخلني الحجز و يغمز للشاويش و يقولله دخلها عنبر خمسه و الشاويش يقوللي ده الباشا متوصي بيكي أوي

انا اللي طلع علية فضلت اصوت اصوت و حاضنه شغف و مرعوبه و الحمد لله لقيت اونكل خالد أبو واحده من صحابي داخل أنا اول ما شفته جريت عليه و فضلت اعيط و هو طبعا قام بالواجب و فهم الظابط كل حاجه و الظابط قالله ياخدني و يمشي قمت انا بقى قلتله معلش يا انكل ممكن دقيقه و رحت مديه الشاوش ده و اللا معرف صول حتة قفا و طلعت اجري و لقيتهم كلهم برة مستنيبني و فضوا يضحكوا طول الطريق و انا اضحك و اعيط و احضن شغف و اعيط و اونكل طبعا هزقنا ياااه كانت أيام جميله اوي تصدق وحشوني أوي 

نديم  : هههههه هههههه يخرببيت فقرك ملكيش حل

شيماء : بزمتك مش عسل و مسليه اكتر من روتانا سينيما

نديم :لا روتانا سينما ايه ده انتي بانوراما دراما هههههه عسل و سكر و ربنا

شيماء : الآيس كريم حضرتك انا عاوزة آيس كريم

نديم : حاضر من عيوني

شيماء : تاخد فلوس معايا فكه

نديم : لا كفي نفسك انتي بس

شيماء : متنساش تعمل حساب شغف و جيسي

نديم : هي جيسي بتاكل آيس كريم

شيماء : طبعا امال ايه دي متربيه عالغالي بنت عز 

😊😊أيوة انا عايزة اقعد هنا

_المكان هنا غالي

😊😊خسارة فية

_لاء خسارة لية

😊😊ياسلام أمال عمال تقوللي عيد جوازنا و عاوز افسحك

_مانا كنت حقعدك بس في مكان تاني

😊😊لاء انا عاوزة اقعد هنا روح بقى هات لنا كلنا آيس كريم و متنساش ادهم انا عاوزاه بالمانجا و الفراوله اقعدوا يا ولاد القعده هنا جميله

😊😊ايه ده مش دي شيماء  استنوا يا ولاد انا رايحه لها

😊😊شيمو يا قلبي عامله ايه اسكندريه منورة و ربنا

_حبيبة قلبي منورة بأهلها

_امال فين المز

_بيجيب آيس كريم

😊😊ماشي و ماله ميضرش المهم بقولك سيبك من ذكرياتك المنيله دي اللي عماله تحكيهاله شحاتة ايه و طفوله مشرده إيه و ابوكي مين الله يقطعه يا بت اتسهوكي عليه شويه الواد مز خايفه عليه يطير من ايدك يا هبله و اللا البت توته حتاخده منك و ربنا توته توتا وبراء ومودى 

  بصي مش عاوزة اقولك راسمه عليه و هي اصلا ساكنه هنا يعنى بصي تكتك و تجيله لا تكتك ايه مبيمشيش عالبحر هو أوبر بعشرين جنيه و تجيله جري و هي دمها عسل حتبلفه انتي حرة  و قد اعذر من أنذر

_طيب انتي رايحه فين و سايباني قوليلي اعمل ايه

😊😊سيبك من طفولتك المشرده و متجيبيش سيرة ابوكي الفقر ده خالص اتحركي شويه يا  ماما

_ طب قمتي ليه رايحه فين

😊😊 معلش يا قلبي جوزي رجع بالايس كريم ايه ده ده المز هو كمان رجع سلام يا قمراية عماله تقولله شحاته و الراجل ضربها على قفاها عبيطه دي و اللا ايه اقسم بالله أبطالي هبل شبهي

اتفضلي يا ستي الايس كريم اهوه

شيماء : ميرسي الله و جايبه بالفواكه اللي بحبها

بس انا عاوزة ااكل شوشو الأول 

خدي يا جيسي يا قلبي

تيجي تاكل الآيس كريم و طبعا في ايس كريم ييجي جمب بؤها فيطلع منديل و يمسحهولها و هي قلبها عمال يدق جامد اول مرة حد يقرب منها بالشكل ده ده غير كمان ان البرفيوم اللي حطه ريحته دوختها

مقلتليش حبيتي قبل كده

شيماء : لا و الله ما حصل يا باشا برئ، يا بيه

نديم : ههههه هههههه

شيماء : ححب امتى و فين بس يا نديم و بعدين انا مش عاوزة احب حد و اعلق نفسي بيه و بعد كده يسيبني

نديم : و ايه اللي يخليه يسيبك يا شيمو

شيماء  : يعني تفتكر في واحد عاوز يبدأ حياته يبدأها  بواحده و اختها و كلبها ده و لا فيلم اربعه في مهمه رسميه هو طالع رحله و اللا إيه

نديم : هههههه هههههه لا يا شيماء اللي بيحب بجد مبيهمهوش

شيماء  :بس ده بابا سابنا تفتكر فى واحد حيرضى ياخدنا

نديم : لو بيحبك بجد حياخدك بسلطاتك ببابا غنوجك كلك على بعضك بمحتوياتك

شيماء : هههههه طب ايدي على كتفك

نديم :إيه حتشحتي بية هههههههه 

شيماء : هههههه  لا خلاص توبنا يا باشا

بقولك ايه قومي معايا

شيماء : على فين

نديم : اصل مش معقوله حنفضل قاعدين قدام البحر كده

شيماء : مش فاهمه

نديم : حقولك تعالي بس ياللا يا جيسي و يشيل شغف

يروحوا ناحية المياه و يمسكوا شغف و يحدفوها لبعض و ينزلوا رجلها في المياه و هي تضحك و اخدوا كورة من الولاد اللي كانوا في المياه و لعبوا بيها و شغف بتضحك و بعد شويه اتغدوا و هما بيتكلموا و بيضحكوا سوا و اخدهم السنيما و اتفرجوا على فيلم كوميدي و كان كل ما يلاقيها بتضحك يركز مع ضحكتها اد إيه جميله خصوصا إنها لما بتصحك عينيها بتقفل  كان حاسس انه فرحان انه قدر يسعدها و يبسطها و بعد ما خرجوا من السينما اتمشوا شويه لحد مكان ما ركن العربيه و ركبوا و هما في الإشارة لقوا بنوته بتمد لهم ايدها من العربيه بعلبة مناديل : ربنا يخليلك مراتك و بنتك يا بيه ربنا يكرمك يا رب

اخد منها العلبه  و أداها مية جنيه البنت اول ما شافتها فضلت قلبت فيها كانت حتموت من الفرحه و فضلت تدعيله و هو و شيماء بصوا لبعض و فضلوا يضحكوا و شغف تضحك على ضحكهم روحوا و شكرته و هو كمان شكرها عاليوم الجميل اللي قضوه سوى

دخل شقته و هو حاسس باحساس جميل أول مره يحسه مشاعر حلوة لمست قلبه و لسه مش عارف تفسيرها

وقتها جت في باله عطر و بنتها

نديم : وحشتيني اوي يا غزل 

اما شيماء بعد ما غيرت هدومها اتوضت و صلت كل الفروض اللي فاتتها و اخدت شغف في حضنها و جت تنام افتكرت كل اللي حصل طول اليوم مش مصدقه و لا مستوعبه اللي حصل و ازاي هي كانت مطمنه أوي كده و هيا معاه فضلت تضحك اوي و جواها احساس جميل ناحيته خايفه تصدقه او تمشي وراه احسن تنجرح

😥😥😥😥😥😥😥😥

في إحدى الأماكن العامه

نيللي : عز انت بجد بتحبني أوي كده

عز : بحبك انتي لسه بتسألي سؤال زي ده معقوله مش واثقه في حبي ليكي يا نيللي

نيللي : خايفه يا عز

عز : خايفه مني يا نيللي

نيللي : عز أرجوك افهمني انا عمري فحياتي ماحسيت بالحب أو الاهتمام من حد حواليه كله كدب و غش مفيش حب حقيقي لا من أهل و لا من حد

أنا من يوم ما جيت للدنيا لحد دلوقتي تقريبا كل اللي واثقه في مشاعرهم ناحيتي انت و كيان و بوسي لا أهل و لا حد تاني تخيل ان محدش من أهلي اهتم بموضوع طلاقي و لا حتى حسسوني انهم زعلانين عشاني الموضوع بالنسبه لهم عادي جدا

انا تعبانه أوي يا عز أنا جوايا وجع كبير أوي حتى يوم ما افتكرت اني حبيت زي كل البنات وكان أجمل  يوم في حياتي لما اتجوزته طلع كد*اب و غش*اش و خا*ين كان متجوزني عشان فلوسي بس

و على فكرة يا عز الموضوع بالنسبه لي مش فرق سن خالص و الله لأنه مش كبير للدرجه و انت كمان روحك شبابيه اكتر مني أنا شخصيا

عز أنا حسه اني عجزت بدري اوي  عز انا مش حسه بطعم اي حاجه و لا عارفه استمتع بحاجه

انا عمري ما بصيت لحاجه في ايد غيري او طمعت فيها طول عمري راضيه بكل اللي ربنا كاتبهولي يبقى ده جزاتي بشوف زمايلي ماشاء عليهم ربنا يباركلهم في حياتهم يا رب سعدا و عندهم عيله و الله ما بحقد عليهم لكن من جوايا بزعل غصب عني كان نفسي انا كمان يكون عندي عيله افرح معاهم و يفرحوا معايا اشاركهم و يشاركوني افراحي و احزاني كتير علية يا عز

انت فاهمني يا عز حاسس باللي عاوزه اقولهولك 

عز و هو بيمسك ايدها : فاهمك و الله يا نيللي و حاسس بيكي و مقدر كل اللي انتي فيه

و انتي تستاهلي يا نيللي كل خير اوعي تكوني فاكرة اني معرفش حاجه عن المساعدات اللي بتقدميها لزمايلك و للكومبارس انتي جميله اوي يا نيللي و جواكي خير كتير و اللي انتي حسه بيه اي حد في الدنيا بيتعرض له

لكن انا كل اللي عاوز اقولهولك اني محبتش حد في الدنيا دي كلها غيرك انتي من اول مرة شفتك فيها و انتي دخلتي قلبي بس مكنش عندي الشجاعه اني اعترفلك بحبي اولا بسبب فرق السن و ثانيا لما لقيتك دخلتي في قصة حب وقتها كان لازم ابعد خصوصا بعد ما حاولت افهمك انه ميصلحش ليكي و انتي كنتي متمسكه بيه

نيللي أنا عارف انك محسيتيش بالأمان و لا بالدفء طول حياتك لكن أنا كل اللي اقدر اوعدك بيه اني حخليكي اسعد انسانه في الدنيا و اوعدك اني حعوضك عن كل حاجه حننسى كل اللي فات و نبدا من جديد نيللي انا نفسي أوي اكون اب و مش عاوز حد غيرك تكون ام ولادي لأني متأكد ان الحب اللي اتحرمتي منه حتديه لأولادك و لية

نيللي  :تفتكر يا عز اني حقدر ادي اللي انا ماخدتوش مش بيقولوا فاقد الشء، لا يعطيه

عز :لا يا نيللي مش انتي انا متاكد ان جواكي مشاعر جميله مدفونه و اول ما تطلع للدنيا حتتفجر منها كل ينابيع الحب و الحنان

نيللي : توعدني يا عز انك مش حتخليني اندم عاليوم اللي صدقتك فيه و سلمت قلبي لقلبك و امنتك على نفسي و عمري و حياتي

عز : لا هو من ناحية حتندمي فأنتي فعلا حتندمي لكن حتندمي انك عطلتينا و ضيعتي مننا كتير

وانا اوعدك يا نيللي انك حتلاقي معايا كل اللي تتمنيه

تبتسم نيللي له و كأنها بتعلن عن موافقتها بهذا الارتباط

يمسك عز يدها و يقبلها و الدنيا مش سايعاه من الفرحه مش مصدق انه أخيراً حيتجوز الوحيده اللي قلبه حبها 

يعلن للكل ارتباطه بنيللي و طبعا يتصدر هذا الإعلان كل الأخبار و الكل بيبارك و يهني

الف الف مبروك يا صاحبي

عز : الله يبارك فيك يا مراد انا و الله ما قادر أصدق اني خلاص حتجوز نيللي

مراد : كل شئ بأوان يا عز

عز : المهم متنساش يوم الخميس الجاي ان شاء الله

حنعمل حفله صغيره كده حيكون فيها أصحابنا و المقربين مننا

مراد : و ليه متعملش فرح كبير و تفرح عز انت كل اللي عندك خمسه و اربعين سنه و اللا انت ناسي انك أصغر مني بعشر سنين يبقى ليه متفرحش

عز : و الله دي رغبتها هي انا عرضت عليها هي اللي مش راضيه و قالتلي كده كويس و انا ان شاء الله حاخدها عالملديف نقضي شهر العسل

مراد : ربنا يجعل أيامكم كلها عسل

عز : حبيبي يا مراد ربنا يخليك لية متنساش بقى انا قلتلك اهوه

عيب عليك يا عز و انا يعني محتاج عزومه ان شاء الله انا و ناهد حنكون موجودين و الف الف مبروك يا حبيبي

بعد مرور أسبوع في إحدى الفنادق يقام حفل عقد القران و الذي حضره  الأقربون و الأصدقاء و بعض من الوسط

كانت فرحته ليست لها حدود و كان كيان سعيد لهما بدرجه لا توصف يقوم بكل شئ و جلس بجوارهما و شهدا على عقد قرانهما هو و مراد

كانت نيللي جميله جمال هادئ يأخذ العقل و عز أيضا فهو جميل الطله يتراقصون سويا و كيان يشاركهم رقصهم و كانت كارما تحاول أن تكون قريبه منه على قدر المستطاع حتى لا تسبب له ضيفا و حتى لا تكون بعيده في نفس الوقت كان عز يرقص مع نيللي و جميعهم يحاوطونهم و كارما تقف بجوار كيان و كيان يحاول ان بتجنبها و يبتعد عنها

ليله جميله سعدا بها و رفرف الحب على قلوبهما

و أصر مراد على أن يقوم بتوصيلهما هو و ناهد إلى المطار

بينما كيان و هو يتحرك بسيارته بعد أن سلم عليهما

يجد كارما واقفه و قد كان الوقت قد تأخر

انتي واقفه كده ليه مش حتروحي

كارما : لا حروح حاخد تاكسي و اروح

كيان : تاكسي ليه فين عربيتك

كارما :بتتصلح بقالها يومين

كيان : و هو ينفع تركبي تاكسي في الوقت ده و كمان بالفستان اللي انتي لابساه ده

كارما : مش كنا في فرح و لازم البس حاجه سواريه

كيان : سواريه هو فين السواريه ده انا اسف بس انا اللي شايفه ادامي ملوش علاقه بالسهرة ده سوري يعني قميص نوم هو انتوا ليه دايما شايفين إن السواريه و الفرحه مينفعش تكون غير بالعري ما ممكن تلبسي حاجه شيك و جميله و تكون محترمه اكتر من كده

إذا كانت نيللي اللي هيا العروسه و اللي كانت الاضواء كلها عليها فستانها كان في منتهى الاحترام مكنش ناقصه غير الحجاب

معلش يا كارما اسف لو كلامي ضايقك بس انا راجل صعيدي و مبحبش كده

كارما :لا ابدا بالعكس انت عندك حق و ده شئ ميزعلنيش ابدا كونك تلفت نظري لحاجه زي دي فده شئ يفرحني و ياكدلي حاجات كتير

كيان الصحافه جايين ناحيتنا و انا مش عاوزة حد يكلمني معلش ممكن تاخدني في سكتك و نمشي من هنا بسرعه

كيان : اتفضلي يفتح لها باب العربيه و تركب بجواره

و هو يلف يركب و يسوق يسود الصمت فتحاول تفتح معاه مجال للكلام 

واضح انك بتحب استاذ عز اوي

كيان : عز ده صاحبي و حبيبي و انا كان نفسي اوي يفرح و يتجوز اللي بيحبها

عقبالك أن شاء الله

كارما : يارب بس اكون مع حد يشوفني بنفس النظرات اللي كنت شايفاها الليلادي من عز لنيللي 

كيان : مامتك عامله ايه دلوقتي

كارما : تعبانه و الله يا كيان انت عارف المرض ده بيتعب اوي و التعب مش بيكون للمريض بس ده لكل اللي حواليه

كيان  :"*ر بنا معاها و ربنا يشفيها كارما لو احتاجتي اي حاجه قوليلي

كارما : ميرسي اوي ليك يا كيان انا الحمد لله مش مخلياها محتاجه حاجه و ربنا يقدرني عاللي انا فيه

كيان : و باباكي

كارما :، هههههه بابا لا انساه خالص و لا يعرف حاجه عننا  ربنا ميحوجنا ليه مش عاوزين منه حاجه

المهم قللي بقى انت صحيح صعيدي

كيان : ايوة

كارما: معقوله في حد حلو كده و يبقي صعيدي

كيان :و احلى من كده كمان انتوا ليه واخدين فكرة عن الصعيد انه معنى الصعيد جهل و غباء و شكل مش حلو بالعكس بقى احنا عندنا كل حاجه حلوة

كارما : أكيد طبعا و الدليل قدامي اهوه

كيان : شكرا يا كارما

كارما : كيان هو انت ليه واخد الدنيا جد اوي كده ليه مش عايش حياتك زي كل زمايلك

كيان : أنا عايش الحمد لله

كارما : بس انا مش شايفه كده كيان ممكن تديني فرصه أقرب منك و نبقى صحاب

كيان : صحاب ازاي يعني اصل الكلمه دي مفهومها اتغير زمان كان ليها معنى و دلوقتى بقى ليها معاني تانيه خالص

كارما : لاء انا قصدي صحاب بمعنى أصدقاء يعني نسأل عن بعض نهتم بأخبار بعض لو حد فينا مضايق من حاجه يقولها للتاني مش انت كده مع نيللي

اعتبرني زي نيللي

كيان  : نيللي عشرة عمر اللي بيننا أكبر بكتير من كده بدأنا مع بعض من الصفر انا مبعتبرش نيللي صديقه نيللي اخت و لو عندي اخت كانت نيللي حتبقى من غلاوتها

كارما : اخت

كيان : أيوة هاه تحبي تبقي أختي زي نيللي و الله دي حاحه تشرفني

كارما : لاء هو انا الصراحه 

كيان : كارما احنا زمايل شغل خلينا كده أفضل لية و ليكي و اكيد لو حصل معاكي حاجه او احتاجتي أي شئ مش حبخل عليكي لكن اكتر من كده مش حقدر و مش حينفع

كارما : كيان هو انت ليه بتتكلم معايا كده ليه ده على اساس اني شحاته هو انت

كل شويه تقوللى لو احتاجتي و مش حبخل و اديكي هو انت كنت عرفت عني حاجه زي دي قبل كده أو سمعت من حد اني اخدت منه حاجه انا عمري ما اخدت حاجه من حد و كل فلوسي بتعبي انا و من شغلي انا و انا اذا كنت فتحت لك قلبي قبل كده و حكتلك ظروفي فده لأني فعلا ارتحت لك و حسيت فيك بالشهامه لكن مش معنى كده اني بطلب الاحسان منك ده ابويا اللي هو ابويا مبطلبش منه حاجه يبقى حطلبها من حد تاني ليه

بس انت معاك حق تفكر فية كده لأن واضح اني فرضت نفسي عليك بزياده و الحمد لله انك بتعرفني مقامي و المكانه اللي استحقها انا بعتذر منك يا كيان و اسفه لو كنت ضايقتك بجد و اوعدك من دلوقتى اني مش ححاول اتكلم معاك نهائي و مش حفرض نفسي عليك في اي عمل بعد ما نخلص الشغل  ده

ممكن تركن على أي جنب و انا حكمل بتاكسي انا قربت من بيتي خلاص و اسفه ليك مرة تانيه

يركن كيان بالعربيه : كارما انا بجد مقصدتش المعنى اللي وصلك ده خالص انا آسف بجد أنا عمري ما قللت من حد و لا هنت حد و انا اذا كنت قبلت الشغل معاكي فده لأنك فعلا ممثله موهوبه و ليكي حضور و الجمهور حبك انا ممكن يكون التعبير خاني مش اكتر لكن انا اتعودت احط حدودي مع الكل عشان ارتاح و اريح اللي حوالي مش اكتر من كده و انا بعتذر و ياريت تقبلي أسفي

كارما : لا يا كيان متعتذرش خلاص محصلش حاجه

يطلع مرة تانيه بالعربيه من غير ما حد فيهم يتكلم تاني 

بعد شويه يقف بالعربيه ادام بيتها و تنزل و هو يطلع بالعربيه 

 بعد مرور بعض الوقت يصلان إلى ذلك المكان الذي دائما ما يجمع الاحباب

يقف أمامها و هو غير مصدق نفسه أيعقل بعد ان فقد الأمل ان تكون له و تصبح الآن بين يديه

مبسوط يا عز

عز : انا مش مبسوط انا الدنيا كلها مش ممكن تساعها فرحتي لكن صدقيني لو قلتلك اني كل اللي بتمناه اشوفك انتي سعيده

تعرفي انك الليلادي كنتي زي زي القمر

نيللي : شكرا يا عز

عز: شكرا ده ايه هيا شكرا تتقال كده

نيللي :عز بس بقى

عز :بس ده ايه هو انا لسه اتكلمت ده انا حقول كلاك كل الكلام اللي شلته فقلبي من سنين

نيللي : مكنتش متخيله انك بتحبني اوي كده

عز : نيللي أنا مش بس بحبك انا بعشقك انتي الهوى اللي انا بتنفسه انتي عمري كله اللي راح و اللي نفسي اعيشه و انا فحضنك

نيللي : ربناىقدرني و اسعدك يا حبيبي 

عز : ياااه عشت طول عمري و انا نفسي اسمعها منك عارفه يا نيللي لما كنتي بتصوري مشهد و تبقي واقفه ادام البطل و تقوليله كلام حب برغم اني عارف انه تمثيل بس الغيرة كانت بتاكل قلبي بيبقى نفسي أبعد اللي واقف و أقف انا مكانه و تقوليلي انا كل كلام الحب اللي بتقوليه له

نيللي : طب و اما ده يحصل تاني بعد كده حتغير بردو

عز :هو ايه ده اللي يحصل حبيبتي انتي من اللحظه دي كل ادوارك انا اللي حختارها مش مراتي اللي ممكن حد يلمسها و لا يحط ايده عليها و لا حتى يقرب منها انا عارف ان ده ممكن يضايقك لكن انتي مراتي يا نيللي و انا مش حقدر اشوفك في اي وضع المفروض ميحصلش غير بيني انا و انتي و بس حتى و لو بالنظرات

نيللي : ومين قالك انى زعلانه بالعكس دي حاجه تفرحني اوي خلاص خلينا في المسلسلات ايه رايك

عز : رأيى اني بحبك و بموت فيكي  و نفسي  ربنا يقدرني و اخليكي اسعد واحده في الدنيا كلها

فجاة تلاقي نفسها على دراعه

بتعمل ابه يا عز

عز :دلوقتى حتعرفي يا روحي

نيللي :هههههه مجنون 

عز: مجنون بحبك يا حبيبة القلب 

و تسكت شهر زاد عن الكلام المباح

😥😥😥😥😥😥😥

بعد مرور عدة أيام يقفون جميعهم منتظرين لحظة اعلان ميلاد جديد

تخرج الممرضه و تبشرهم بأن الله رزقهم بثلاثة اطفال و ان الأم في حاله جيده

يسجد زكريا شكرا لله و الكل يهنئه و يبارك له غير مصدقين ان بعد العسر يسر و و بعد كل المعاناه التي عاناها من علاج و عمليات يرزقهم الله ذاك الرزق تعلو الزغاريد في المستشفى لتعبر عن فرحتهم

و بعد مرور بعض الوقت يقف في الحضانه يحمل واحدا تلو الاخر و هو يبكي و تقوم الممرضه باخراجه و يظل بالخارج ينظر لهم من وراء ذاك الزجاج

تفتكر حيعيشوا كلهم يا زياد 

زياد : ان شاء الله حيعيشوا و يكبروا و تفرحوا بيهم

زكريا :" بس، دول صغيرين جوي اني خايف حد فيهم يحصلله حاجه

زياد : بشروا و لا تنفروا ان شاء الله حيبجوا زي الفل

كلهم يقعدوا مع زينه و يباركولها مش مصدقين ان اخيرا البيت حيتملى بالولاد يزعقوا و يتخانقوا و يعملوا دوشه و كل واحد بطلب

زينه :امي مجاتش

الكل يبصوا  لبعضهم

عائشه :، اني جلت لخالك يبلغها يا حبيبتي و ان شاء الله زمانها جايه تدخل صفيه و الكل يديها ضهره محدش طايقها و لا حد عاوز 

يشوفها تقعد جمب بنتها و عينها على زياد و كلها شر و حقد عليه و تحدث نفسها : لسه دورك مجاش شايلالك التجيله يا حبيب امك و الله لخللي الكل ينجهر عليك و اولهم عمك اللي طفشني من البيت

زكريا بعد ما حس ان الجو مشحون بسبب وجودها يجلس بجوار زوجته : حنسميهم ايه يا حبيبتي

صفيه : تسموا البت صفيه طبعا على اسمي 

زكريا : صفيه ديه ايه لا طبعا

صفيه : ليه اسمي وحش

محمد :يغور الاسم بصاحبته

صفيه: كتر خيرك يا جوز اختي

محمد :لا خيري و لا خيرك اني جايم

زكريا : إيه رأيك يا غاليه

زينه بتعب : اني نفسي اسميها مريم

زكريا : و اني حسمي أخواتها محمد و مروان ايه رايكم يا جماعه

زياد: اسماءهم جميله يتربوا فعزكم

زينه : اني ممصدجاش معجولةاني بجيت ام

زكريا :و احلى ام في الدنيا كلها

زينه : نفسي اشوفهم و اخدهم في حضني

زكريا :، بكرة تاخديهم في حضنك و تنيميني اني برة مانتوا يادوب السرير على جدكم انتوا التلاته تلاته ايه جصدى اربعه

عائشه : الله اكبر في عينيك ما يحسد المال الا صحابه  هما عنديهم سرايرهم ديه أبوك عامل لهم اوضه و لا اوضة العرسان

ربنا يبارك فيهم و يحميهم من شر العين

زكريا : و هو بيبص لصفيه:  يارب بعد الشر عننا 

زياد : عامله ايه يا حبيبتي

زينه : تعبانه جوي يا اخويا 

زياد : معلش أن شاء الله كلها كام يوم و تيجي زي الفل

زينه : ربنا يخليك ليا يا حبيبي و منحرمش منك يا رب و يسعد جلبك زي ما سعدتني

صفيه بتبصىلهم و هي بتمصمص في شفايفها و مش عاجبها الكلام لكن هيا مش عاوزة تظهر حاجه من اللي جواها و بتحاول تخفيها منتظرة الوقت اللي حتعلن فيه عن شرها

زياد :" يا حبيبتي اني معملتش حاجه أني دليتكم بس عالصح و اللي انتوا اتاخرتوا فيه كتير لكن حنجول كل شئ باوان

زكريا : و الله اني كنت خايف من الحرمانيه لحد انت ما طمنتنا ان مفيهاش حاجه

و كمان سمعت عن كتير عملوها جبل اكده و منفعتش

زياد :العلم كل يوم فيه جديد يا زكريا و ما دامت العمليه بتم بين الراجل و مرته يبجى فيها ايه ديه ربنا يخليهم و يباركلكم فيهم يارب

زكريا : كنتي مبسوطه و هو معاكي جوة في العمليات 

زينه : كنت مطمنه بوجوده معايا جوي يا حبيبي و هو ماسك يدي كنت حسه اني مفيش حاجه وحشه حتحصللي وجوده معايا كان مخليني مسلمه أمري لله و مطمنه

زكريا : طبعا ما هو حبيب الجلب

كان بيتكلم و كأنه قاصد يغيظ صفيه و هي بتسمع من غير ما تتكلم

😘😘😘😘😘😘😘😘😘 

في صباح يوم من الأيام

جمال بعد ان ارتدى ملابسه و ساعد زوجته على ارتداء ملابسها : يا للا يا حبيبتي

تنظر له و الدموع تملاء عينيها : اني حبيبتك يا جمال 

جمال : حبيبتي و ام عيالي و عشرة عمري الحلوة ربنا يخليكي لينا ياللا يا حنان عشان منتاخرش عالمستشفى

 حنان : جمال

جمال : نعم

حنان : أني معاوزاش اروح المستشفى معاوزاش اتبهدل

جمال : سلامتك من البهدله هو أني موديكي مستشفى اي كلام ديه أحسن مستشفى في البلد كلها

حنان : عارفه و الله يا جمال ربنا يخليك ليا لكن أني معاوزاش اخد العلاج الكيماوي ديه ممنوش لزوم

جمال : ازاي ممنوش لزوم احنا الحمد لله عملنا العمليه و عدت على خير و الدكاترة جالوا لزمن  العلاج الكيماوي عشان المرض ديه ميرجعش تاني

حنان : اني شفت خالتي لما اخدته كان شكلها كيف شعرها وجع و خست جوي و كانت كيف الأموات و في الآخر ماتت يبجى ليه اعذب نفسي و اعذبك معايا اكده و اني عارفه اخرتها ذنبك ايه تشوفني بالمنظر ديه تشوفني و اني تعبانه و شعري بيوجع و مجدراش حتى اصلب طولي

جمال : ايه الكلام اللي بتجوليه ديه يا حنان انتي مرتي و اني جوزك اشيلك على دراعي و الف بيكي البلاد كلها لحد ما ترجعي تاني تجفي على رجلك و تخفي

و انتي لزمن تخفي يا حنان خفي عشاني و عشان ولادك يا حنان احنا محتاجينك جوي

عايزك يبجى عندك اراده جويه تخليكي تجدري تجفي جدام المرض و تتحديه بصي في عينين عيالك و جولي لزمن اخف عشان اربيهم و اكبرهم و افرح بيهم

حنان : اني بحبك جوي يا جمال انت دنيتي كلها

جمال و هو يقبل جبينها: و اني بحب جلبك الأبيض و حنيتك ربنا يخليكي لينا يا ام الولاد يا رب 

حنان : تفتكر ممكن اخف يا جمال

جمال : ان شاء الله يا حبيبتي حتخفي و ترجعي زي الأول و احسن كمان ياللا بجى خلينا نلحج وجتنا بدري

حنان : حاضر 

😥😥😥😥😥😥

تمر الأيام و يبدا العام الدراسي الجديد

تنزل غزل و هي لابسه لبس المدرسه و الشنطه على ضهرها و عطر الدنيا مش سايعاها من الفرحه 

و طبعا مجدي و مشيرة مش مصدقين ان غزل كبرت كده يشيلوها و يحضنوها و مجدي يديها مصروفها و لما تيجي عطر تتكلم مجدي طبعا يقول لها غزل دي حفيدتي اول العين ما شافت و يصوروها صور جميله و هي أول يوم ليها في المدرسه

عطر :أيوة يا طنط بس انتي كده حتتعبي

مشيرة : و انا ايه اللي حيتعبني و انا ورايا ابه انتي عندك شغل و انا مش حامن عليها فى الباص انا حاخدها كل يوم أوديها المدرسه و ارجع اخدها آخر النهار

عطر : بس عالاقل أوديها النهارده ده أول يوم ليها و نفسب أوي اروح اوديها

مشيرة : ماشي يا ستي حاخدك معانا و اروح اوديكي الشركه و بعد كده اروح اجيبها اخر النهار

 يودوها و يدخلوا معاها الفصل بتاعها و يصوروها و هي بين الولاد وقتها كان في زحمه كتير و مراد هو و ناهد كانوا مشغولين جدا مش مركزبن مع حد بالتحديد مسئوليه كبيرة و اولاد في امانتهم

يطمنوا عليها و تروح مشيرة توديها الشركه و ترجع عالبيت و بعد كده تروح مشيرة عشان تجيبها و تلاقي ناهد واقفه جمب البوابه بتكلم الأمن

ايوة : مين حضرتك

مشيرة: انا جدة غزل يحي و جايه اخدها

و احنا سايبين خبر الصبح مع الميس اني انا اللي حجيبها و حستلمها كل يوم

ناهد : طيب ممكن تتفضلي جوة لحد ما نجيب البنت

مشيرة تدخل و ناهد تستقبلها في مكتبها و تطلب من العامله تجيب غزل من الفصل و غزل أول ما تشوف مشيرة تجري عليها و مشيرة تحضنها و تقعد تبوس فيها

ناهد : طب و ميس ناهد مش حتديها حضن

تبص غزل لمشيرة و مش عارفه ترد

مشيرة : روحي يا حبيبتي ادي لميس ناهد حضن كبير أوي 

تروح غزل و تحضن ناهد 

وقتها ناهد حست إحساس غريب أوي و هي حضناها و حبها اتزرع في قلبها

بسم الله ماشاء أمورة و عسوله ربنا يحميها يارب

مشيرة : و حضرتك كمان و الله يا ميس ناهد أمورة أوي تعرفي ان في شبه كبير اوي بينك و بين مامتها

ناهد : مامتها ايوة انا فاكراها هي منتقبه مش كده

مشيرة : أيوة فعلا مامتها منتقبه

ناهد: انا ملحقتش اقعد و لا اتكلم معاها يوم ما جت كانت الدنيا مقلوبه و اولياء الامور كانوا ماليين المدرسه و كنت متوترة جدا و كمان عينيه كانت وجعاني أوي لدرجة اني استئذنت و مشيت من غير ما اكمل مقابلاتي لكن أنا يمكن فاكراها عشان اسم غزل علق معايا 

تقعد تتكلم معاها و يرتاحوا لبعض جدا و بتاخدها مشيرة و ترجع و طول ما هما بياكلوا و مشيرة بتحكي عن ناهد لكنها نست تقول ادام عطر ان في شبه كبير بينهم

و عطر قالتلها انها فعلا كانت لابسه نضارة كبيرة اوي على عينيها خافيه كل ملامحها و انها هيا نفسها كانت متوترة دي أول مرة ليها تقدم في مدرسه و متكلمتش معاها أكتر من خمس دقايق

😘😘😘😘😘😘😘😘😘😘

بعد مرور أشهر قليله

مع بداية يوم جديد يقوم من نومه على صوت هاتفه يعلن عن إتصال : صباح الخير

ينتفض من نومه إثر ما سمعه إيه ............ 

😥😥😥😥😥😥😥😥😥

 •تابع الفصل التالي "رواية يكفيني منك عقابا" اضغط على اسم الرواية