رواية يكفيني منك عقابا الفصل الثالث والعشرون 23 - بقلم بقلم عبير سليم

 رواية يكفيني منك عقابا الفصل الثالث والعشرون 23 - بقلم بقلم عبير سليم 

الحلقه الثالثه و العشرون

يكفيني منك عقابا

😥😥😥😥😥😥

قبل بداية الحلقه متنسوش التفاعل 

يقول الناس إنك خنت عهدي

ولم تحفظ هواي ولم تصن

يكذب فيك كل الناس قلبي

وتسمع فيك كل الناس أذني

وكم طافت علي ظلال شك

وكم طافت علي ظلال شك

أقضت مضجعي وإستعبدتني

يكذب فيك كل الناس قلبي

على أني أغالط فيك سمعي وتبصر فيك غير الشك عيني

 وما أنا بالمصدق فيك قولا

وما أنا بالمصدق فيك قولا

ولكني شقيت، شقيت بحسن ظن

يقتحم عليه مكتبه و عيناه تشعان شرارا تكاد أن تحرق العالم باجمعه

مالك في ايه حصل حاجه يا كيان كيان و هو يضرب على مكتبه بكل قوته : يعني مش عارف مالي

عز : لا مش عارف يا كيان في ايه و ايه اللي حصل يخليك تدخل علية بالشكل ده

كيان : ليه مشفتش الأخبار النهارده مفتحتش الزفت التليفون ده و لا اللاب و شفت اللي منشور 

عز : كيان انا يا دوب لسه داخل المكتب من مفيش و مالحقتش أعرف و لا أشوف حاجه قللي في إيه و خلصني

كيان : افتح أي حاجه ادامك و انت تشوف بنفسك 

يفتح عز اللاب و يشوف 

صور الحفله كلها اللي سهروها و معاها صور من مشاهد الفيلم اللي بتجمع بين أبطال الفيلم

و مع الصور تعليقات من الصحفيين و الإعلاميين مسموعه و مقروءه

و كانت بعضها كالتالي

 

🌹ارتباط الفنان المشهور كيان عزالدين و الممثله الشابه كارما السعيد

🌹تؤكد الأنباء على وجود علاقة حب تجمع بين الممثل الشاب كيان عزالدين و الممثله الشابه الواعدة كارما السعيد

🌹ميلاد حب يجمع بين كيان عز الدين و كارما السعيد

🌹سهرة خاصه يحضرها كيان و كارما و كأنهما يتفقان على موعد خطبتهما

🌹هل سيحتفل الوسط الفني قريبا بأجمل مناسبه لهذا العام بارتباط كيان عز الدين و كارما السعيد

🌹ما سر العلاقه بين كيان و كارما 🌹هل أول عمل بينهما يولد بينهما الحب و هي سيكلل هذا الحب بالزواج؟ 

عبارات كثيرة ترفق صور عدة تؤكد على صحة كل ما تم تداوله عبر الميديا و الأخبار

يغلق عز اللاب و ينظر لذاك الذي يود لو يحطم كل ما تقع عليه عينه

كيان ممكن تقعد و تهدى شويه

كيان : عاوز كل اللي نزل يتمسح يتمحى ميبقالوش أثر عاوز تكذيب ينزل حالا لكل كلمه اتقالت و قبل ده كله عاوز أعرف مين اللي ورا كل اللي حصل ده و إزاي حاجه زي دي تنزل من غير إذن مني

عز : كيان من فضلك اهدى عشان نعرف نتكلم

كيان : مش، حتكلم في حاجه غير لما اللي طلبته يحصل حالا 

عز : ليه ده كله

كيان : انت اللي بتسأل ليه يا عز معقوله انت اللي بتسأل

عز : كيان كفايه بقى لحد كده انت عاوز إيه و عاوز توصل لفين أكتر من كده

 أربع سنين عدوا و انت دافن نفسك في الشغل و بس فين حياتك اللي انت عايشها فين شبابك اللي انت بتضيعه بايديك

 حتفضل لحد امتى كده دي مش عيشه اللي انت عايشها دي

كيان : عز انا معنديش استعداد أتكلم في أي حاجه و لا عاوز اسمع اي كلام غير بعد ما اشوف كل حاجه اتمسحت 

عز : و لو كانت هيا  شافتها خلاص يبقى إيه الفايده مسحها مش حيفيد  بشئ

كيان : معقوله يا عز تكون انت اللي عملت فية كده انت يا عز انت اللي ورا كل اتنشر ده

عز : انت بتقول إيه انت تعرف عني كده انا لو عاوز انشر حاجه زي دي منشرتش ليه قبل كده

انا بنصحك يا كيان بنصحك مش أكتر عشان خايف عليك لكن انت حر و دي حياتك انت الشخصيه اعمل اللي انت عاوزه و اللي يريحك لكن إياك تتهمني بالباطل 

كيان : و انا مش عاوز حد يخاف علية انا عايز اللي طلبته يتنفذ حالا و بس

ميردش عز عليه كل اللي يعمله إنه يقوم و يتصل بكل اللي يعرفهم عشان اللي نزل يتمسح و يتحذف من على الميديا و كمان يعرف مين اللي ورا كل اللي اتنشر ده

عز برسميه : أنا عملتلك اللي أقدر عليه و اللي في ايدي إني أعمله أكتر من كده مقدرش و اتفضل حضرتك عندي شغل

كيان : يعني حيتمسح و اللا مش حيتمسح

عز : معرفش يتمسح ما يتمسحش معرفش أنا عملت ادامك اللي أقدر عليه و من فضلك يا كيان الزم حدودك معايا و انت بتكلمني و اتفضل أخرج انا ورايا شغل كتير و مش فاضيلك 

يخرج كيان من عنده و هو مازال غضبان و منتظر يشوف اللي وعده بيه حصل و اللا لسه

فضل يتمشى بعربيته مش عارف يروح فين حاسس ان الدنيا فعنيه صغيرة و ضيقه أوي ركن بعربيته و سند براسه على شباك العربيه و راح لذكريات أكتر من أربع سنين مروا عليه

هي والدتك و والدك اتوفوا امتى يا عطر

عطر : معارفاش يا يحي إحنا من يوم ما وعينا عالدنيا و احنا نعرف انهم اتوفوا و عمي و مرته و عمتي مبيحبيوناش نتكلم في السيرة ديه خالص

يحي : بس اني شفت عمك عينيه كلها حب ليكي و أكيد عوضك عن غياب أبوكي و أمك 

عطر : مفيش حاجه في الدنيا كلها ممكن تعوض غياب الأم و الأب صحيح هما عمرهم ما جصروا معانا و بيعاملونا زي ولادهم و أكتر كمان لكن إحساس اليتم ديه صعب جوي و مهما حكتلك يا يحي محتفهمنيش طعمها مر جوي غيابهم بيخللي كل حاجه حلوة فرحتها ناجصه ربنا ما يحرمك من أبوك و أمك و يخليهملك

يحي : طيب و أني يا عطر 

عطر : انت أحلى حاجه فحياتي يا يحي انت دنيتي الجميله اللي كان نفسي اعيشها انت امنيتي اللي اتمنيتها و ربنا حججهالي أني بحبك جوي يا يحي و نفسي اعيش معاك عمري كله 

 دموعه بتنزل على خده و بيمسحها و هو الندم بياكل في قلبه فضل يضرب بايديه على دريكسيون العربيه و هو بيصرخ بأعلى صوته من الوجع : ااااه ااااه انتي فين يا عطر انتي فين رحتي فين أراضيكي فين يا ترى حشوفك تاني و اللا لاء

يمسك التليفون و يفتحه تاني يلاقي كل المنشورات ما زالت موجوده يرميه جمبه تاني و بيدعي ربنا من قلبه : يا رب يا رب انت العالم بية و بحالي يا ترى يا عطر شفتي اللي مكتوب و اتنشر و يا ترى لو شفتيه حتصدقيه

أكيد طبعا حتصدقيه إذا كنتي ماشيه و انتي مقتنعه اني مش عاوزك في حياتي إنتي فين يا عطر فين فين

😥تقلب في الأخبار و ترى كل ما تم نشره و هي تضع يدها على فمها من الصدمه لم تسمع عنه شيئا منذ وجد في ذاك المجال لم تنتشر عنه أخبارا لا تدري ماذا تفعل تنظر إليها و هي نائمه و تخشى من رؤيتها لما تم نشره فكفاها ما هي فيه

تطفئ عليها النور و تخرج لتجد أمها تطعم الصغيرة : مين حياكل دي كمان

غزل : خياص ثبعت يا تيته

مشيرة و هي تحتضنها : قلب تيته يا ناس عارفه يا غزل كلمة تيته دي بتاخدي بيها قلبي

بقولك إيه تيجي ننام شويه

تقعد ندى

مشيرة : لسه نايمه

ندى : خليها تنام يا ماما أحسن من تعب القلب اللي هيا فيه 

مشيرة : ربنا يريح قلبها ندى انا حاخد غزل و ننام شويه

ندى : اتفضلي يا ماما

تفتح ندى الموبيل و تسمع كل الأخبار و هي مش عارفه حتمنعها انها تشوف الكلام ده ازاي

جرس الباب يرن و تفتح الخادمه و يلقي عليها السلام

عامله ايه دلوقتي يا ندى

ندى : و الله ما عارفه يا بابا اهي فضلت تعيط و تصرخ و تفتكر كل اللي مرت بيه في حياتها لحد ما نامت من التعب و لما تصحى حنشوف

مجدي : لا حول ولا قوة الا بالله و الله الواحد مش عارف يقول إيه

ندى : صعبانه علية اوي يا بابا

مجدي : عارفه يا ندى مفيش حاجه ممكن تبرد نارها و لا تهديها و ترجعها لحياتها غير حاجه واحده بس

ندى : حاجه حاجة إيه دي يا بابا

مجدي : المواجهه يا ندى لازم تواجه كل اللي اذوها و كل اللي اتسببوا في جرحها حتى لو كان بشكل غير مباشر لازم تخرج الشحنه اللي جواها وقتها بس عطر ممكن ترتاح

ندى : حضرتك عندك حق يا بابا لكن انا مقدرش اقول لها حاجه زي دي عطر حساسه أوي و بقت أي كلمه بتفسرها بمحمل تاني و اخاف اقوللها حاجه زي دي احسن تفهمها اننا عاوزينها تمشي

مجدي : عارف يا ندى عارف و اخدت بالي اكتر من مرة و الله يا ندى انا لو عطر قعدت معانا العمر كله ما حنضايق من وجودها معانا دي هي و غزل ملوا علينا حياتنا مامتك اللي كانت كل ما اتأخر شويه برة او اقعد كام يوم ما اخرجهاش كانت تشتكي دلوقتى غزل شغلتها و اخدت كل وقتها و بقت تاخدها هيا و ينزلوا مع بعض و فكت عني الصراحه

ندى هههههههه اه ما هو مصائب قوم عند قوم فوائدهم

مجدي : هههههه لا مش للدرجه دي و الله بس فعلا وجودها فرق في حياة مامتك اللا هيا فين صحيح

ندى : أخدت غزل و دخلوا يناموا شويه

مجدي : ماشي أنا داخل لها

يفتح الباب ويقعد جمبهم عالسرير و يتأملهم و هي واخده غزل في حضنها و نايمه و كأنها فعلا من دمها و تخيل لو كانت غزل حفيدتها فعلا

و ييجي فباله نديم

ربنا يريح قلبك يا بني يا رب و تقع في بنت الحلال اللي ربنا يعوضك بيها

😥😥😥😥😥😥😥😥

في الجامعه

جومي يا رحمه جاوبي

رحمه و هي بتبرطم : طيب هو ينفع حضرتك تعيد الشرح تاني و بعد اكده أجاوب

الدكتور : أعيد إيه تاني هو احنا في فصل أني أشرح مرة واحده بس و انتي تركزي و أسألك تجاوبي علطول

رحمه : معلش يا دكتور أصلي سرحت و حضرتك بتشرح

الدكتور : و سرحتي في إيه إن شاء الله اللي اخد عاجلك يا ست رحمه إيه هو الراجل سايبك و محتاسه بالعيال إياك بس الصراحه لو عملها محدش حيلومه مانتي اللي زيك يتفاتله بلاد 

زياد يضحك أوي على كلامه

رحمه : بتضحك ماشي أني حوريك

الدكتور : يا للا يا ست الدكتورة اتفضلي جاوبي

رحمه :..................

الدكتور بصوت عالي : جاوبي

رحمه : و حضرتك معصب نفسك ليه أكده

الدكتور :  حتجاوبي و اللا احطلك صفر

رحمه : صفر إيه يا دكتور حرام عليك حضرتك عايز تضيع مستجبلي

الدكتور : مستجبل إيه يا بنتي انى عايز أعرف انتي إيه اللي دخلك طب بجي انتي حتبجي دكتورة و مسئوله عن أرواح إزاي أني عايز أفهم 

رحمه : استغفر الله العظيم يا ربي ليه بس يا دكتور اكده ماني بنجح كل سنه

الدكتور : ديه بدعا الوالدين و غلاوتك واضح انهم مبيعملوش حاجه غير انهم بيدعولك

هاه حتجاوبي و اللا احطلك الصفر

رحمه : صفر صفر هو اني بلعب في المنتخب

يا دكتور هو حضرتك نفسك تحط صفر لحد فملجتش غيري جدامك عشان تحطهوله يا دكتور خلاص اذا كانت ديه أمنيتك اني محزعلكش واصل و لا حكسرلك كلمه حط الصفر يا دكتور عشان ترتاح

الدكتور : ربنا يريحني منك يا شيخه اجعدي اتلجحي

رحمه : يا باي

هنا : هههههههه

رحمه : انتي بتضحكي على إيه انتي كمان و اني اللي كنت بجول دكتور أحمد مستجصدني أمال ديه إيه أني معارفاش أني عاملالهم إيه زي ما يكون مفيش غيري اهنيه

زياد : اخرسي عمال يبص عليكي و حيجومك يهزجك

رحمه : حاضر أديني اتخرست أهوه

بعد المحاضره

اطلعي جدامي يا همي الكبير

رحمه : حاضر ماني مكتوب علية الهم امتى يا رب السنتين اللي فاضلين يعدوا ديه أني كرهت نفسي

زياد : خليني اني اكده سارح بيكي عالدكاترة ما لحجتش اصالحك على دكتور أحمد الاجيكي تتخانجي مع دكتور صالح

رحمه : الله و اني مالي و بعدين  هو لو انت مجريتش، بية امال مين اللي حيجري بية يا فالح

زياد : مانتي خليتي وشي في الأرض مع كل الدكاترة

رحمه : يعني تطلع معايا بالذوج و اللا اشوف حد غيرك يطلع

زياد : اه ابجي اعمليها يا رحمه عشان أطلع روحك في يدي

رحمه : بتغير علية يا زياد

زياد : تصدجي بالله اني عايزك تخلصي الكليه عشان اطمن ان محدش، حيجرب منك تاني

رحمه : ليه ان شاء الله ماني حشتغل و حتعامل مع دكاترة و عيانين و اهاليهم

زياد : حيلك حيلك في إيه هو انتي فاكرة نفسك حتشتغلي ممثله انتي حتتخصصي دكتورة طب شرعي

رحمه : ايه طب شرعي كيف يعني

يعني عايزني ليل و نهار يبجى وشي فوش الميتين و اعيش بين الجثث يا لهوي أني اكده عمري ما حتشهر و لا حد حيصدج اني دكتورة من أساسه

زياد : ليه حتبجي دكتورة و اللا مش دكتورة

رحمه : دكتورة ميتين يا زياد بزمتك عمرك سمعت عن دكتور في الطب الشرعي مشهور أني اخري يستشهدوا بية في المحكمه ديه اذا عرفت هو مات ازاي من أصله

حرام عليك ديه انى بنام و اني مرعوبه من الجماجم و الدراعات والرجلين اللي بيناموا معايا في الأوضة و بيتهيجلي انهم ببتحركوا في الأوضة تجوم عايزني اجعد مع الميتين المجتول و المحروج و اللي انتحر كل ديه ليه ان شاء الله

زياد :" عشان محدش يشوفك غيري يا إما اكده يا اما تجعدي في البيت و مفيش شغل

رحمه : يا سلام بجي بعد العذاب ديه كله و سيرتي اللي بجيت على كل لسان في الجامعه و تجوللي اجعد لا ديه على جثتي

زياد : شفتي اديكي جلتي جثه اهوه بلسانك يبجى انتي اللي حكمتي على نفسك

رحمه : لا لو حترسى على اكده يبجى اجعد بكرامتي جال جثث جال اهو ديه اللي كان ناجص ابجى دكتورة الميتين

زياد : طب بس بجى يخرببيت فجرك أني حدخل الاول و بعد اكده حناديكي

رحمه : ماشي بس استحمل عشان

زياد : عارف عشان خاطرك ما هو خاطرك ديه اللي موديني فداهيه

 

يطرق الباب : مساء الخير يا دكتور 

الدكتور : خير يا زياد عايز ايه انجز اني عايز امشي

زياد :، معلش يا دكتور اني مش حاخد من وجتك غير دجيجه

الدكتور يلمح رحمه و هي بتبص عليهم من برة : من غير ما تجول أني خابر انت جاي ليه بص يا زياد اللي اسمها رحمه ديه انى تعبت منها و حلال فيها انها تطلع بالماده

رحمه : يا لهوي ليه يا دكتور عايز تطلعني بالماده كل ديه عشان سؤال معرفتوش ديه يبجى ظلم و الله

الدكتور : أني ظالم يا رحمه انتي عارفه كلمه زي دي تخليني ممكن اعمل فيكي ايه

زياد : انتي ايه اللي دخلك يا زفته

دكتور هي متجصدش و الله دي رحمه طيبه و بتطلع الكلام من غير ما تجصد

رحمه : ايوة و الله يا دكتور صالح اللي فجلبي على لساني

الدكتور : اللي فجلبك على لسانك طب كويس انك جلتيها بنفسك

رحمه لزياد بهمس: هو يجصد ايه ديه

زياد : أبوس ايدك اسكتي انتي بتيجي تكحليها بتعميها اخرسي خالص

رحمه و هي بتحط ايدها على بؤها : حاضر اديني خرست اهوه

زياد : اوعدك و الله يا دكتور انها حتذاكر و تعوض السؤال اللي اتسالته النهارده بس بلاش الصفر ديه عشان خاطري أني

الدكتور يبصلها و هي واقفه و باصه في الأرض : و الله اني معارفش انت بتدافع عنها بجلب أكده ليه ديه انت ماشاء الله عليك متفوق

رحمه : جصد حضرتك ان هو متفوق و اني فاشله مش أكده

الدكتور : بتجنى عليكي إياك شايف يا دكتور ردها كيف

رحمه : اني اسفه حجك علية و غلاوتك ما اجصد خلاص بجى يا دكتور سماح المره دي الله يخليك بس بلاش الصفر ديه

ديه اني بجول يا رب درجه اجوم اخد صفر ربنا يكرمك و يخليلك ولادك و اشوفك عميد الجامعه

الدكتور : خلاص هو انتي واجفه على باب السيده حسالك المحاضره الجايه و اشوف حتهببي إيه

يطرق الباب : ممكن أدخل يا دكتور

الدكتور : اهلا يا مازن تعالى يا حبيبي اقعد

طمني عليك عامل ايه و ازي والدتك و والدك طمني عليهم 

مازن : الحمد لله بخير و الله يا دكتور ديه حتى والدي بيجول لحضرتك متنساش الحفله اللي عازم حضرتك و الولاد عليها

الدكتور : لا و دي معجوله حاجه تتنسى ان شاء الله طبعا حاجي احنا معنديناش اغلى من زين اخوك و عجبال ما نفرح بيك انت كمان

مازن و هو بيبص على رحمه : ان شاء الله يا دكتور حتفرح بية

زياد يشوفه و هو بيبص على رحمه و عينه عليها

حنستئذن حضرتك يا دكتور

الدكتور : اتفضلوا

ياخدها و يخرجوا من المكتب

رحمه : مالك يا زياد

زياد : الزفت ديه لما بشوفه ببجى عايز أجيبه من رجبته

رحمه : متحطهوش في رأسك

زياد : مشوفتيهوش بيبص ليكي كيف

رحمه : جلتلك سيبك منه يا زياد

زياد : ماشي اتفضلي جدامي يا للا اركبي عربيتك عشان أركب أني كمان و امشي

تركب رحمه عربيتها و هو يركب عربيته و يمشوا

في الطريق عربيتها تعطل منها و ماتعرفش تعمل ايه

تنزل و تفتحها و هي مش فاهمه حاجه تتصل على زياد تلاقي تليفونه غير متاح : حعمل ايه اني  دلوك يا ربي بس

اتصل على عامر اخويا و لسه حتتصل تلاقي اللي بيقف و بيعرض عليها المساعده لكن هيا طبعا بترفض مساعدته لكن هو بيصر عليها فابتضطر انها تقبل و اللا حتفضل واقفه في الطريق و هي اصلا بتخاف من خيالها يظبطلها العربيه : خلاص يا ستي العربيه بجت تمام

رحمه : شكرا 

مازن : مفيش شكر يا رحمه ديه اني نفسي اعملك اي حاجه في الدنيا تطلبيها مني

رحمه ممكن تديني فرصه نفسي اتكلم معاكي

رحمه : و تتكلم معايا ليه كل ديه عشان ساعدتني

مازن : رحمه افهميني أني جوايا حاجات كتير جوي و نفسي اجولك عليها لكن انتى دايما بتصديني ليه يا رحمه اكده

رحمه : مازن الله يخليك مينفعش اكده أني لزمن امشي تيجي تفتح باب العربيه

يقف قدامها : رحمه اني بحبك و عايز اتجدملك

رحمه : انت بتجول ايه انت اتجنيت و اللا ايه

مازن : اتجنيت عشان بجولك اني بحبك يا رحمه

انتي معارفاش اني ابجى مين و اللا اهلي مين

رحمه :، و اللا لما تكون ابن مين ما يهمني و متشكرة يا دكتور على وجفتك نردوهالك في الأفراح ان شاء الله

مازن: و اني فرحي محيكونش غير معاكي

رحمه : لا حول ولا قوة الا بالله يا ربي بعد عن طريجي يا مازن

مازن : كل ديه عشان خاطره مش أكده زياد صوح ما هو اني عارف زي ما كل الكليه عارفه بس يكون في علمك اني بكلمه مني واحده لدكتور صالح حتشيلي الماده و مش مادته بس لا ديه اني ممكن اعمل كتر جوي

رحمه : و معملتش جبل اكده ليه لما انت واصل اكده

مازن : عشان بحبك و محتهونيش علية

رحمه : أعلى ما فخيلك اركبه يا مازن و يكون في علمك نجوم السما اجربلك مني

مازن : و لو حوصل

رحمه : ديه لما تشوف حلمة ودنك عن اذنك

تركب عربيتها اما هو يكلم نفسه : كل ما بتصديني اكتر كل ما بصر عليكي اكتر و حياتك يا رحمه ما حتكوني لحد غيري و حوصلك بأي طريجه و بأي تمن واني و انتي و الزمن طويل 

بعد قليل من الوقت يوصل زياد البيت و يلاقيهم قاعدين بيتعشوا يسلم عليهم و يبوس ايد والدته و يطمن على صحتها

تحط فوزيه الاكل قدامهم

زياد : فرحه كيفها و أخبارها ايه يا خالتي

فوزيه : الحمد لله والله بخير يا حبيبي

محمد : جدامها كتير لسه يا ام فرحه

فوزيه : لا شهرها ديه

زياد : و ربنا حيرزجها بولد و اللا بت

ان شاء الله

فوزيه : بت ان شاء الله يا ابني

محمد : ربنا يجومها بالسلامه البنات دول نعمه من ربنا

فوزيه : ديه هي و جوزها فرحانين جوي ديه هي كمان ناويه تسميها عطر

يبصوا كلهم لبعض محمد و عائشه و زياد و أمه

فوزيه بعد ما حست انهم افتكروا عطر تحط الأكل و تدخل

محمد : يا ترى انتي فين و اراضيكي فين يا عطر

عائشه :، يا ترى تكون جابت بت و اللا ولد

يسكت زياد و ميعلقش لأنه وعد رحمه انه مش حيجيب لحد فيهم سيرة عن حاجه خالص يستئذن منهم و يطلع يطمن على زينه يلاقيها نايمه على ضهرها زي ما الدكتور طلب منها

الجمر بتاعنا عامل ايه

يدخل و يقعد جمبها : طمنيني عليكي يا حبيبتي

زينه : الحمد لله يا حبيبي بس اني زهجت جوي من الرجده يا زياد 

زياد : معلش يا زينه عشان ربنا يكرمك يا حبيبتي

زينه : خايفه جوي يا زياد العمليه ماتنفعش و بعد الأسبوعين ما يعدوا ميحصلش بردك

زياد : احنا جلنا إيه مش جلنا نسيبها على ربنا

زينه : و نعمه بالله بس اني خايفه جوي 

زياد : ان شاء الله ربنا حيكرمك سيبيها على الله و جولي يا رب كلها كام يوم و نعرف و ان شاء الله تفرحي و كلنا نفرح

زينه : يا رب يا زياد يا رب

طمني عليك انت عامل ايه و ازي المجنونه بتاعتك

زياد : رحمه هههههه اديكي جلتي اهوه مجنونه  و حتجنني معاها بس أجمل مجنونه في الدنيا كلها

بجولك ايه اعملي حسابك لو جبتي بت حتسميها رحمه

زينه : هههههه ماشي يا سيدي تاجي هيا بس و نسميها رحمه و لا يهمك يا نور عينيه 

🌹🌹🌹🌹🌹🌹🌹🌹🌹

يمر الليل عليهم كلهم ما بين عاشق بيفكر في حبيبه و محروم من حبيبه بيحلم باليوم اللي يتجمع فيه بحبيبه و عشاق عايشين الحياه و بيستمتعوا بكل لحظه فيها

تفتح عينيها على آذان الفجر مش مصدقه نفسها انها نامت الوقت ده كله 

و تلاقي نفسها نايمه تحت عندهم في أوضة ندى تفتح الباب تسمع صوتها بتكلم يونس تبتسم و تدعي ربنا ليها بالسعاده تتحرك بالراحه عشان متزعجهاش تدخل الحمام و تتوضى و تخرج تصلي الفجر و تروح عشان تجيب المصحف تقرأ فيه و من غير ما تقصد تسمع ندى : خايفه عليها لما تعرف حاجه زي دي يا يونس حتتصدم صدمه كبيرة أوي ده انا كنت بصبرها و بقول لها انتي متعرفيش حياته عامله ازاي و ممكن يكون لسه بيحبك و بيدور عليكي كمان لكن لو عرفت اللي اتنشر امبارح انا مش عارفه رد فعلها حيكون ايه مش كفايه عليها صدمتها في أمها اللي اكتشفت انها عايشه بعد السنين دي كلها كمان تصحى على صدمه زي دي كمان

كده كتير عليها اوي

مش حيحصللي اكتر من اللي حصل قولي يا ندى قوليلي يحي عمل إيه اتجوز يا ندى صح

ندى و هي بتلتفت لها بصدمه : عطر 

🌹🌹🌹🌹🌹🌹🌹🌹

بعد مرور يومين

يتأكد يحي إن خلاص كل اللي اتنشر تم حذفه بس بعد فوات الأوان و طول اليومين دول و التصوير واقف و مفيش اي اتصال تم بين يحي و عز لكن نيللي كانت على اتصال بيه و فهمته ان اللي حصل بينه وبين عز مينفعش و ان لولا عز و كل اللي عمله مكنش في حاجه اتحذفت

عز و هو في مكتبه يتفاجئ بيحي

يحي : صباح الخير يا عز

عز : صباح النور يا كيان

كيان : اولا انا متشكر عاللي عملته يا عز

عز : مفيش شكر و لا حاجه

كيان : معرفتش مين اللي ورا اللي اتنشر

عز : اطمن يا كيان كارما ملهاش علاقه بحاجه من اللي اتنشرت انا اتأكدت بنفسي

كيان : أمال مين اللي ليه مصلحه انه ينشر عني حاجه زي دي ما نا بقالي سنين بمثل افلام و مسلسلات عمر ما في حاجه اتنشرت عني زي دي قبل كده اشمعنى دلوقتى

عز : صدفه ياكيان صدفه مش أكتر

كيان : تمام يا عز بس بعد اذنك انا مش حكمل الفيلم ده

عز : براحتك كلم المنتج و اتفق معاه دي فلوسه هو و مشكلتك معاه مش معايا و حتى يبقى إثبات ان كل اللي اتنشر كدب كويس مش وحش و كمان عشان كارما متحطش امالها على حاجه او تفتكر انها ممكن ترتبط بيك تمام كده

كيان : انت بتتكلم معايا ببرود كده ليه يا عز

عز : انا بتكلم معاك عادي يا كيان انت بتتكلم و أنا برد انت إيه مشكلتك دلوقتى قلت عاوز توقف الفيلم و انا لا قلتلك ان ده خراب بيوت و لا قلتلك ان ده حيعرض سمعتك في الوسط للخطر و لا قلتلك إنك مش عامل اعتبار لأي حاجه و لا قلتلك ذنبها ايه كارما اللي دي تعتبر أول بطوله ليها إنها تحبط بالشكل ده قلتلك اعمل اللي انت عاوزه يبقى إيه اللي مش عاجبك في كلامى

كيان و هو بيمسح على جبينه : عز انا فاهم كويس انك زعلان مني و من كلامي

عز : لا يا كيان انا مش زعلان منك و لا زعلان من حاجه انت اتهمتني بتهمه عادي مفيش مشكله بتحصل  بس مسالتش نفسك أنا ايه مصلحتي في اني اعمل حاجه زي دي

كيان : انا اسف يا عز حقك علية يا صاحبي

عز : صاحبك

كيان : صاحبي و أغلى صاحب كمان يا عم هو انا عندي مين غيرك اشتكيله همي و ارمي حمولي عليه

عز : مصلحه يعني

كيان : عز الله يخليك انت اكتر واحد في الدنيا كلها عارف اللي،انا فيه متزودهاش علية الله يخليك

حقك علية يا عز انا اسف والله اسف

عز فعلا بيحب كيان أوي و هو زعل منه عشان يحي اتهمه فحاجه هو فعلا معملهاش لكن ده عمره ما يقدر يأثر على علاقته بيه أبدا

كيان : انا ماشي يا عز و انا اسف مرة

عز : كيان

كيان : نعم يا عز 

عز : تعالى اتنيل اقعد

كيان : مادام فيها اتنيل اقعد يبقى تفطرني لأني بقالي يومين ماكلتش حاجه و ميت من الجوع

عز : لا يا فالح ده انت اللي حتفطرني مش كفايه علية اللي دفعتوا عشان اللي اتنشر يتحذف

كيان : بقيت بخيل اوي عالعموم حقك يا سيدي يا للا بينا

في أحد المطاعم

تفتكر ان المنتج هو اللي ورا اللي اتنشر

عز و هو بيشعل السيجار : عماد ما اظنش

كيان : ليه دي حتى حتكون دعايا حلوة للفيلم و ارباحه حتزيد

عز : مش أخلاقه يا كيان عماد مبيحبش اللعب من تحت التربيزة ده عشرة عمر و انا عارف بيفكر ازاي

كيان : أمال مين اللي ليه مصلحه

عز : الموضع مش شرط يكون ليه علاقه بالمصلحة خالص يا كيان متنساش انك ممثل شخصيه عامه و اخبارك حتزود أرباح اليوتيوبرز و بس هي دي الحكايه مش اكتر و بعدين مانت بتشوف كل يوم بيجوزوا و بيطلقوا و بيموتوا طب ده في فنانين موتوهم مية مرة و حضرنا جنازاتهم ستين مرة و هما ربنا يديهم الصحه

متشغلش بالك يا كيان دي عشان أول مرة تطلع عليك اشاعه بكرة تتعود

كيان : تفتكر تكون شافت اللي اتنشر

عز : كيان انت متعرفش اي حاجه عنها متعرفش هي فين و لا عايشه إزاي انت متعرفش إذا كانت عايشه و اللا لاء

كيان : لاء يا عز الله يخليك متقولش كده عطر عايشه و ان شاء الله حترجع لي انا حاسس بده يا عز في حاجه جوايا بتاكدلي احساسي ده و هو ده الأمل اللي انا عايش عليه

عز : لحد امتى يا كيان

كيان : طول العمر

عز : وحياتك و شبابك اللي بيروح

كيان : مش كتير عليها انها تضيع عمري كله و انا منتظرها

عز : لا يا يحي مش صح كيان انا عاوزك تعيش حياتك تحب و تتحب تنسى و تبدا من اول و جديد كارما كويسه يا كيان و بتحبك

كيان : عز انت بتقول ايه كارما ايه و ارتباط ايه انا عمري ما حرتبط بحد غير عطر مفيش واحده اسمها حيرتبط باسمي غيرها هيا  عطر و بس 

عز : حنشوف يا كيان بكرة الأيام تعدي و السنين تجري و وقتها حنشوف

🌹🌹🌹🌹🌹🌹

أمواج البحر تضرب بعضها بعضا و رائحته الجميله تبعث السعاده في النفوس

يدقون عليهم الجرس دون اخبارهم بتلك الزيارة لمفاجئتهم تلك المفاجأة التي لم يتوقعوها يوما 

يذهب ليفتح لهم الباب فالوقت مبكر لم يذهب للعمل بعد

يفتح ليتفاجا باخيه أمامه يحتضنان بعض بشده : ألف حمد الله على السلامة يا عامر

عامر : الله يسلمك يا مصعب الف مبروك يا حبيبي مبروك ما جالك تتربى فعزك ان شاء الله

مصعب : الله يبارك فيك يا عامر

عامر : افتح الباب متجفلهوش

مصعب : خير في حاجه 

عامر : خير و كل الخير ان شاء الله 

يتفاجئ مصعب بباب الاسانسير بيتفتح و يخرج منه أبوه و ماسك زينب في ايده 

المفاجأة خلت مصعب مش قادر يصدق اللي شايفه لا أني ممصدجش معجوله اللي اني شايفه ديه يجري على أمه و من كتر فرحته إنها ادامه و انه مبيحلمش يشيلها و يدخل بيها و يقعد يبوس في وشها و ايديها و رجليها و يحضنها و يعيط و هي تعيط و انا كمان حعيط و الله خلصوني بقى دراعي واجعني عاوزة اخلص الحلقه و ادخل انام عندي مدرسه الصبح

مصعب : ماتصبري بقى يا عبير امال لو مكنتيش عايشه معانا في إسكندرية اهوه لا شحططناكي و لا سفرناكي زي ما بتسافري للباقيين و اللا احنا ولاد البطه السوده

لا يا سي مصعب و لا تزعل هيا جت عليك انت كمان اتفضل احضن و بوس و انا قاعدالكم اهوه اما اشوف حخلص امتى الصبر من عندك يا رب 

نعمان : و اني مليش في الحب نصيب

مصعب : هههههه

نعمان : بتضحك على ايه

مصعب : عبير حتجتلنا بص شايفها بتبصلنا كيف

نعمان : مين عبير ديه كمان

مصعب : و النبي مانتي مزعله نفسك هو مش واخد باله اني حفهمه

خلصوني اخلص يا للا

يسلم عليه مصعب و يحضنه

يلاقوا حفصه هي كمان داخله و في ايدها بدر و معاها عتاب و رحمه 

مصعب يسلم عليهم كلهم مش مصدق نفسه من الفرحه ان اهله كلهم حواليه بيشاركوه فرحته ببنته اللي ربنا رزقه بيها من حبيبته

تتعلق رحمه في رقبة مصعب و مش عاوزة تسيبه

زينب بلهفه : فين زينب عاوزة اشوفها

مصعب : يعني انتي جايه عشان خاطر زينب بس

زينب : امال حاجي عشانك اياك ايوة طبعا اني جايه عشانها هيا

مصعب : ماشي و اني راضي المهم انك جيتي يا ست الكل

عتاب تعبتي نفسك يا عتاب

عتاب : بصراحه اكده نورة و نسمه وحشوني جوي هما فين اني مسمعاش صوت حد

مصعب : زمانهم جايين

عامر : جايين ليه راحوا فين عالصبح اكده

مصعب : راحوا يطعموا زينب في الوحده الصحيه و زمانهم جايين

و فعلا شويه و تفتح نسمه الباب و يدخلوا و بتفاجئوا بيهم و يسلموا عليهم كلهم و نورة كانت خايفه اوي تسلم على زينب

زينب : محتسلميش علية اياك يا نورة ديه أني حتى  جدة زينب بتك

تجري نورة عليها و تسلم عليها و تبوس ايدها : ديه مجيتك عندي بالدنيا كلها

يفرحوا جدا بزيارتهم و يلاقيهم جايبين معاهم حاجات كتير اوي و قضوا اليوم و مصعب نادى على محمود و والدته و عرفهم باهله و انه خاطب نسمه و قريب اوي حيكون الفرح

الفرحه مكنتش، سايعاهم انهم كلهم حواليه و زينب شايله زينب الصغيره مش عاوزة حد ياخدها منها و اتخانقت هي و رحمه عليها

رحمه : اني مليش دعوه عايزه اشيلها

زينب : بالراحه عليها البت لحمها طري

رحمه : طبعا ما هي بت الغالي

 احتفلوا بزينب و عملولها سبوع جميل

عامر و هو بيقدم هديته اللي كانت عبارة عن علبة فيها خاتم و اسورة صغيرة و سلسله

مصعب : ايه ديه يا عامر

عامر : ديه الشبكه اني خطبت زينب لبدر ايه جولك

يضحكوا كلهم

زينب : اه بس ياخد باله منيها و الا اني اللي حجفله

 قضوا عندهم يومين و سافروا و مصعب وعدهم انه حيزورهم باستمرار لأن هو خلاص استقر في الشغل اللي في اسكندريه و كمان نورة مش حتقدر تبعد عن اختها

و سافروا كلهم بعد ما قضوا احلى يومين مع مصعب و بنته و فرحة مصعب بحضور أمه كانت ملهاش حدود 

🌹🌹🌹🌹🌹🌹🌹🌹

لوووولي لووووولي لووووولي

الفرحه تملاء البيت غير مصدقين انهم سمعوا الخبر الذي طالما حلموا بسماعه

الكل يهنئهم غير مصدقين أيعقل ذلك

يجلس بجوارها و هي تبكي بشده يقبل يدها : ألف مبروك يا حبيبتي الف مبروك يا زينه

زينه ببكاء : أني ممصدجاش يا زكريا اني خايفه أكون بحلم

زكريا : لا مبتحلميش يا حبيبتي الحمد لله اخيرا ربنا حيرزجنا بالذريه ياااه يا زينه بجي اني حبجى اب اللهم لك الحمد

زينه : ربنا يخليك لية يا اخويا يا رب ربنا ميحرمنيش منك يا حبيبي ربنا يسعد جلبك و يفرحك زي ما فرحتنا كلنا

محمد : زياد وش السعد علينا كلنا

زياد: اني معملتش حاجه ديه ارادة ربنا

زينه : معملتش حاجه ديه انت عملت كل حاجه لولاك لا كونت عملت العمليه و لا كان زماني حبلت لغاية دلوك

زياد : الحمد لله يا حبيبتي

المهم دلوك عايزك تسمعي كلام الدكتور مفيش حركه خالص تنامي على ضهرك متجوميش غير للحمام بس

زينه : حاضر 

زكريا : متجلجش البيت كله حيكون تحت أمرها المهم تجوم بالسلامه

زكريا : بس هو صحيح الكلام اللي جاله الدكتور ديه اني ممصدجش الصراحه

زياد : هههههه لا صدج يا زكريا

زكريا :" يعني زينه دلوك حبله فتلاته تلاته يا زياد

عائشه : الله أكبر في عينك

زياد : ايوة يا زكريا ما هو الحجن بيكون اكده احنا بنلقح البويضه بعدد كبير من الحيوانات المنويه لاننا منعرفش مين حيعيش و مين حيموت 

زهيرة ام زياد : ان شاء الله كلهم حيعيشوا و حتجوم هي و لادها بالف سلامه

زينه : تسلمي يا خالتي و تعيشي يا رب

هو اني ممكن اجول لأمي عشان افرحها

زكريا : طب و ليه العكننه ديه دلوك

زينه.....

خلاص يا ستي حجك علية ابجي كلميها و جوليلها مع اني خايف من عينيها ربنا يستر 

🌹🌹🌹🌹🌹🌹🌹🌹🌹

بعد مرور فترة من الوقت 

تدخل السكرتيرة و تخبر عز برغبة أحد الأشخاص في زيارته و بمجرد ذكر اسمه يقوم عز بنفسه لاستقباله غير مصدق برجوعه من الخارج

حبيب قلبي وحشتني أوي يا مراد

مراد : انت اللي وحشتني أوي يا عز

عز : ياااه يا مراد كل دي غيبه

مراد : اديني رجعت اهو يا سيدي و خلاص مش حسافر تاني

عز :بجد يعني استقريت هنا خلاص

مراد :ايوة خلاص

عز : يااه فرحتني اوي بجد و الدكتورة أخبارها ايه

مراد : الحمد لله والله بخير ياعز بتسلم عليك على فكرة

و بتقولك اعمل حسابك انت معزوم عندنا عالغدا و طبعا لأني عارف مشغولياتك الكتيرة اختار اليوم اللي يناسبك

عز : يا خبر و انا اقدر ارفض لدكتورة ناهد طلب دي غاليه علينا أوي 

خلاص لحد هنا  يا رب تكون الحلقه عجبتكم منتظرة رايكم و تعليقاتكم و توقعاتكم متنسوش هاه اديني بقول اهوه اما اشوف بقى

🌹🌹🌹🌹🌹🌹🌹

 •تابع الفصل التالي "رواية يكفيني منك عقابا" اضغط على اسم الرواية