رواية يكفيني منك عقابا الفصل الحادي والعشرون 21 - بقلم بقلم عبير سليم

 رواية يكفيني منك عقابا الفصل الحادي والعشرون 21 - بقلم بقلم عبير سليم 

الحلقه الحاديه و العشرون

يكفيني منك عقابا

😒😒😒😒😒😒

قبل ما أبدا كتابه عاوزة اقولكم ان حلقة النهارده صغيره معلش بس ان شاء الله لو لقيت تفاعل عليها كويس لايكات و تعليقات حكتبلكم حلقة و انزلهالكم بكرة ان شاء الله 

و ياللا نقول

بسم ألله الرحمن الرحيم

كدبه

حياة تقبلتها و تعايشت معها منذ فتحت عيناك للدنيا 

 حمدت الله عليها و تحملتها بكل ما تحمل بداخلها من ألم لم تشتك و لم تقل لما أنا

 قلت الحمد لله على كل ما كتبه الله لنا

و فجأة تدرك أن كل ما عشته لم يكن سوى كدبه حياتك كلها كدبه عمرك كله كدب

كيف ستصدق شيئاً بعد ذلك كيف ستستمع لأي تبرير محاولة للتخفيف عنك كيف لك أن تثق بأي قول يقال لك

هل مهما قيل محاولة لتخفيف الامك سيطيب جراحك أم كلما حاول البعض تطييب جرحك ازداد الألم اكثر

خير يا دكتور طمني الله يخليك

الدكتور : عندها انهيار عصبي و ديه مش كويس عاللي فبطنها و خصوصا ان السكر ارتفع عندها و اكده مينفعش واصل

عامر : و الحل يا دكتور

الدكتور : لازم تبعدوها عن اي توتر عصبي أو ضغط نفسي ديه عشانها و عشان الجنين

عامر : هو حضرتك اديتلها حاجه تهديها

الدكتور : لا مدتهاش حاجه عشان الحمل هيا نايمه عادي لوحدها تجريبا بتهرب من واقع رفضاه و شويه أكده و حتصحى لحالها

اطمن ان شاء الله حتبجى كويسه

ينزل الدكتور و يقعد عامر جمبها يفك الطرحه من على شعرها و يقبلها من جبينها و يقبل يدها و تدمع عيونه من أجلها

في الأسفل

تقف أمامه و تصرخ به بكل قوتها و وجع السنين

هي دي الأمانه اللي انت خفت عليها مني

هي دي أمانة أخوك اللي انت مأتمنتش أمهم عليها بعدت بيني و بينهم سنين حرمتني منهم و حرمتهم مني فهمتهم ان أمهم ميته عشان خايف عليهم مني

أديك أهوه ضيعت واحده فيهم فين بنتي و ديت بنتي فين بنتي عطر راحت فين يا نعمان رحت جوزتها لإبن محمد سلمتها لصفيه بايديك و انت عارف كويس هي كانت بتكرهني ازاي و أكيد كرهها ده حينعكس على بنتي

منك لله يا نعمان منك لله

بينما هو جالس لا يستطيع الرد عليها فلأول مرة يشعر بذاك العجز الذي يشعر به الآن

لم يتوقع يوما حدوث ما حدث لم يتوقع مجيئها كانت صفحه و طويت منذ سنوات او هكذا ظن بركانا انفجر من باطن الأرض يخشى ما يحمله معه هو لا يخشى منها بل كل خوفه على ابنة أخيه تلك التي عاشت حياتها و استيقظت على طوفان سيدمر كل شئ أمامه كيف له أن يبرر لها موقفه و ما حدث هل ستسامحه على حرمانه لها هي و أختها من أمهما طيلة كل هذه الأعوام أم ماذا سيكون رد فعلها 

😥 غائبه عن الوعي تهيم في أحلامها

و بعدين الأرنب مسمعش كلام أمه و خرج جام جابله التعلب

_هو الأرنب عنده أم يا عمتي

_أيوة يا حبيبتي

_أمال اني و عطر معندناش أم زيه ليه

تأخذها في حضنها : يا حبيبتي يا عتاب

عتاب : هي أمي مش حترجع تاني يا عمتي هو اللي بيطلع السما مبيرجعش

تسكت حفصه و متردش عليها

عتاب : يا ريتني كنت أرنب عشان يبجى عندي أم زيه

 تطبطب عليها و هو احنا يعني مننفعش يا عتاب

عتاب : لا يا عمتي أني بحبك جوي بس كان نفسي جوي ييجى عندي أم 

تفتح عيونها ببطء و تلاقي عامر جمبها : عامر

عامر : عتاب حمد الله على سلامتك يا جلبي

عتاب : في ايه مالك انت بتبكي

عامر : لا أني مببكيش و لا حاجه طمنيني عليكي يا غاليه انتي كويسه 

عتاب : اني اه الحمد لله هو إيه اللي حوصل هو اني ايه اللي جابني اهنيه اني كنت تحت بجري ورا بدر عشان ياكل و بعدين و بعدين

عامر : عتاب معاوزكيش تتكلمي الله يخليكي

عتاب و دموعها نازله من عيونها : عامر هو انت كنت عارف  كنت عارف انها عايشه و خبيت علية زيهم

عامر : أني لا و الله يا حبيبتي اني اتفاجئت باللي حوصل ديه زيي زيك بالظبط

عتاب أني معاوزكيش دلوك تفكري في اي حاجه الله يخليكي أني المهم عندي دلوك انتي و بس

عتاب : فين بدر يا عامر

عامر : بدر مع رحمه في اوضتها متجلجيش عليه

عتاب : هي فين راحت فين هي مشيت و اللا لساتها اهنيه

عامر : تحت يا عتاب جاعده معاهم تحت

عتاب : عايزاها عايزة اشوفها

عامر : بلاش دلوك يا حبيبتي الله يخليكي الدكتور جال مش عايزين انفعال لو مش خافي على نفسك و خافي على اللي فبطنك

عتاب : لا يا عامر دلوك أني عايزة أفهم كل حاجه عايزة أفهم هي ليه مشيت و سابتني أنى و اختى ليه يتمتنا و هي عايشه و ليه بعد السنين ديه رجعت من تاني ليه

متخافش علية يا حبيبي انى كويسه بس الله يخليك انى في حاجات كتير عايزة افهمها و محارتاحش غير لما أعرفها ريحني يا عامر اني تعبانه

عامر : حاضر يا عتاب حاضر اني حريحك

اما عندهم تحت كان الموقف صعب و الكلام اللي بيتقال أصعب

انتي ملكيش اي حج إنك تتهمينا بأي تهمه يا ناهد و لا ليكي فيه إنك تجفي جصاد عم ولادك و تعللي صوتك عليه أكده

ناهد: هههههه مليش اي حق صح معاكي حق يا زبنب مليش حق في بناتي مش كده بناتي اللي انتوا حرمتوني منهم سنين طويله عمرهم كله

زينب : محدش حرمك يا ناهد انتي اللي حرمتي نفسك و على رأي المثل ان كنتوا نسيتوا اللي جرى هاتوا الدفاتر تنجرا و إن كانت السنين نستك نفكرك يا ناهد

ناهد : تفكريني بإيه يا زينب هاه انا عملت ايه عشان تعملوا فيا كده أنا عمري ما كنت عاوزة اتخللى عن بناتي عمري ما فكرت اسيبهم إنتم اللي اجبرتوني على كده و جالكم قلب تفهموهم اني ميته و أنا عايشه على وش الدنيا

حفصه : اهدوا با جماعه الكلام ميبجاش اكده

زينب : انتي بتجوليلنا احنا جوليلها هيا اللي داخله علينا و كأنها هي المظلومه هي المجني علينا جال على رأي المثل تبلي الفاجرة تبليك و تجيب اللي فيها فيك

ناهد : أنا فاجرة يا زينب الله يسامحك يا ام عامر ده انا عاشرتكم سنين و عمركم ما شفتوا مني غير كل خير  و انتي ساكته ليه يا حفصه قوليلهم قوليلهم انا عمري نسيت بناتي يا حفصه عمري نسيت عتاب و عطر يا حفصه

قوليلهم يا حفصه عرفيهم فهميهم

عامر من فوق : ست ناهد لو سمحتي تعالي عتاب عايزاكي و محينفعش تنزل عشان تعبانه

تطلع ناهد و هي قلبها بيدق جامد خايفه من مواجهتها

تدخل و تقعد جمبها و وقتها عتاب كانت موديه وشها الناحيه التانيه

ناهد : عتاب بوصيلي يا حبيبتي بوصي لأمك

عتاب : ليه عملتي فينا اكده ازاي هنت عليكي اني و اختي تعملي فينا اكده

ايه عملتي حادثه كيف ما بنشوف في الأفلام و كانتي ناسيه كل حاجه وفقدتي الذاكرة و دلوك رجعتلك و اللا طفشتي من الصعيد و جرفه و جلتي خلاص الراجل مات اجعد ليه اهنيه امشي و ارجع بلدي و اشوف حالي ما اللي سمعته عنك إنك كنتي من مصر و اكيد طبعا بعد ما ابويا مات رجعتي تاني

ناهد : متظلمينيش يا عتاب

عتاب : اني مبظلمش حد كل واحد هو اللي بيظلم نفسه  اني طول عمري يتيمة الام و حفضل يتيمه اني اكل اللي عاوزة افهمه و اظني ان ديه حجي إني أعرف ليه ليه هنا عليكي أكده

ديه الحيوانات مبيهنش عليهم ولادهم نجوموا احنا نهون عليكي

ناهد : حاضر يا حبيبتي انا حقولك على كل حاجه

ابوكي الله يرحمه لما نزل القاهرة زمان عشان يشتغل انا وقتها اتقابلت معاه و عرفته و حبينا بعض و هو جه اتقدملي و أهلي في الأول كانوا رافضين اني اجي و اعيش هنا و ابعد عنهم لكن انا اللي اصريت على ده و ابوكي الله يرحمه كتب علية و عمللي فرح عند اهلي و جينا على هنا وقتها كنت مخلصه الجامعه و كانت أمنيتي إني أكمل دراستي لكن أبوكي رفض و انا احترمت رغبته عشت معاه سنين حلوة و جميله و قعدنا فترة و بعد كده ربنا رزقنا بيكم و انتم عندكم سنتين الله يرحمه عمل حادثه و مات  و انا كنت هنا ممشتش قاعده بيكم كنت طول الوقت بفكر فيه و ذكرياتي معاه مبتفارقنيش فكرت بعديها بفترة طويله أسافر عشان أكمل دراستي و لما فاتحت عمك في الموضوع رفض و انا دافعت عن حقي في إني أكمل حلمي اللي كنت بحلم بيه و صممت إني اخدكم و اسافر مخطرش في بالي لحظه واحده اني ممكن اسيبكم و امشي لكن عمكم رفض ده

😥أيوة رفضت يا عامر مكنش ينفع ابدا إني اوافج على حاجه زي أكده مكنش ينفع اني اوافج إن عيال أخويا يهملونا و يمشوا و يخرجوا من حضننا دي كانت وصية بدر جبل ما يموت هو أمني عليهم و كان لازمن أكون جد الأمانه

أني ممنعتهاش منيهم أني جلتلها وجتها عايزة تكملي دراستك كيف ما بتجولي روحي لحالك لكن بنات اخوي ما حيتحركوش من اهنيه سافري و روحي مكان مانتي عايزة و لما تخلصي ابجي ارجعيلهم

😥و حضرتك ما صدجتي و سيبتينا سيبتي عيال صغيرة لوحديهم من غير ام يعني مش كفايه علينا إن ابونا مات كمان تحرمينا منك انتي كمان هما اهنيه محرموناش من حاجه و طول عمرهم بيعاملونا أحسن معامله كيف ولادهم و اكتر كمان لكن الأم حاجه تانيه خالص

ناهد : انا ممكن فعلا أكون غلطت بس انا كنت فاكرة ان الموضوع مش حيكون بالصعوبه دي كنت فاكرة اني بمجرد رجوعي حاخدكم تاني لحضني انا سافرت بعد وفاة ابوكم ما مات بسنتين يعني مش بعد وفاته علطول زي ما نتي فاكرة وقتها كان عندكم أربع سنين

😒و بعدين يا بوي حوصل إيه

نعمان : اتجوزت

😥اتجوزتي

ناهد : اتجابلت معاه في السفر انسان كويس حبني و 

عتاب : و ايه كمان  حبتيه انتي كمان مش اكده  حبتيه و نسيتي أبويا و جلتي الحى ابجى من الميت

ناهد : كنت محتاجاه محتاجاه فحياتي يا عتاب انا كنت لوحدي و هو اللي قدر يحتويني و يحسسني بالأمان و انا في الغربه

عتاب : أنهى غربه ديه الغربه اللي انتي اخترتيها بكيفك محدش غصبك عليها انتي لو كنتي فضلتي عايشه معانا كان حيكون ناجصك ايه جوليلي و اللا اجولك اني انتي كنتي عايزة راجل في حياتك مش أكده كنتي محتاجه حضن راجل يحسسك بحلاوتك و جمالك اللي طول عمري بسمع الناس بيحكوا و يتحاكوا بيه جلتي بنات ايه دول اللي اضيع شبابي عليهم لا اني لزمن اعيش و مدفنش نفسي بالحيا مش اكده يا ناهد هانم 

ناهد : عتاب الله يخليكي متجرحينيش بالكلام ده اني أمك 

عتاب : و اني جلتلك اني امي ماتت ماتت

خلاص معاوزاش اسمع حاجه تاني اكتر من اكده اني فهمت وعرفت خلاص كل حاجه

حضرتك عشجتي و نسيتي ابويا و نسيت معاه عياله و اتجوزتي واحد تاني و خلاص خلصت الحدوته على اكده

😥لا يا عامر مخلصتش على اكده هي رجعت من تاني و كانت جايه عايزة تاخدهم و يسافروا و يعيشوا معاها هي و جوزها

هي جالت مسافرة تعمل دراسات عليا رجعتلنا براجل لا و كمان عايزة البنات يتربوا فحضنه فحضن راجل غريب كنت عايزني اتصرف كيف اجولها خديهم اهم بالسلامه و ارمي وصية اخويا على الأرض و اللا اعمل ايه لا اني الموت عندي كان أرحم من إني منفذش وصية اخويا او اسيبهم يتربوا فحضن راجل غريب

😥لاء انتي لازم تسمعيني انا اتحايلت عليه و الله العظيم عشان يخليني اخدكم  و قلتله بناتي اديهملي انا عاوزة بناتي و كلهم في البيت هنا شاهدين على اللي حصل زينب و حفصه لكن هو رفض و طردني و قفل الباب فوشي و قاللي انسي ان ليكي بنات هنا اللي تسيب بناتها و ترجعلهم براجل غريب تبقى متستحقش انها تكون ام  و قاللي اياكي تيجي هنا تاني و انسي ان ليكي بنات عندنا و من النهارده امهم ماتت

 عمري ما تخيلت انه ممكن يكون بالقسوة و الجبروت ده قلتله دول بناتي حاخدهم بالقانون لكن هو قاللي اعلى ما فخيلك اركبيه و ابعدي احسن لك

و طردني و رفض انه حتى يخليني اشوفكم  أو احضنكم

مكنتش عارفه أعمل إيه قلت أكيد هو بيقوللي كده عشان بس يخوفني و يهددني و مش ممكن حهون عليه يعمل كده فية مش ممكن يكون بالقسوة دي و يمنعني من إني اشوفكم أو يقولكم إني ميته زي ما قال و يحرمني منكم و يحرمكم مني

بعدها بكام يوم وربنا وحده العالم بية مروا علية ازاي اتصلت على حفصه هي الوحيده اللي كنت ممكن اتكلم معاها و سألتها و قلتلها لو طلاقي من جوزي حيكون هو الحل خلاص انا مستعده اطلق انا حقولله يطلقني بس ارجع لبناتي اخدهم فحضني و ارجع اعيش معاكم تاني زي الاول بس اكون مع بناتي لكن هي فاجئتني لما قالتلي معدش ليه لزوم نعمان قال للبنات انك موتي خلاص و مش بس كده ده فهم كل اللي كان بيسأل علية اني مت

وقتها مسكتش و جيت هنا و فضلت اخبط عالباب لسه فاكرة كل حاجه كأنها كانت امبارح

افتح يا نعمان افتح الباب يا نعمان

نعمان : عايزة ايه يا ناهد و ايه اللي رجعك

ناهد : راجعه اخد بناتي يا نعمان و حاخدهم و مفيش قوة في الأرض حتمنعني من اني اخدهم انا مش حمشي من هنا غير بيهم انا رجعت و مش ماشيه غير بيهم

نعمان : مفيش ميت بيرجع من تربته يا ناهد انتي خلاص بجيتي في نظرهم ميته روحي لحالك و سيبيهم فحالهم بنات بدر محيتربوش في حضن راجل غريب و اني على وش الدنيا

ناهد : طب لو ده اللي مضايقكم خلاص انا حسيبه حخليه يطلقني بس اخدهم أو ارجع تاني اعيش معاهم زي الاول بس متبعدونيش عنهم الله يخليكم متحرمونيش من بناتي حرام عليكم 

عتاب و عطر وقتها كانوا صغيرين و  ماسكين في ايد بعض و نازلين عالسلم

شافتهم ناهد و طلعت تجري عليهم و فضلت تبوس في ايدهم : حبايبي حبايب امكم وحشتوني اوي

عتاب و عطر خايفين مش عارفين دي مين مرضوش يروحولها و فضلوا يعيطوا و اترموا فحضن زينب

نعمان : شفتي بعنيكي البنات مش عاوزينك ميعرفوكيش انتي اللي حكمتي على نفسك باكده يا ناهد روح كملي حياتك زي ما اختارتي و اياكي تعتبي برجلك اهنيه مرة تانيه انتي موتي و أخدنا عزاكي خلاص

ناهد : حرام عليك يا نعمان حرام عليك اتقي ربنا متحرمنيش من بناتي يا نعمان متيتمهمش و انا عايشه انت و مراتك عمركم ما حتعوضوهم عن غيابي

نعمان : هو اني اللي جلتلك تسيبيهم و اللا انتي اللي سيبتيهم و مشيتي انتي اللي غلطتي يا ناهد و اتحملي نتيجة غلطك

ناهد : ده ظلم و انا مش حسكتلك بناتي حاخدهم غصب عنك يا نعمان

نعمان : ابجي وريني حتاخديهم ازاي يا ناهد

😥ليه يا بوي بس ليه اكده ما دامت رجعت و عايزة تجعد في وسط بناتها ليه حكمت راسك اكده و مرحمتهاش

نعمان : خفت يا عامر خفت تكون بتلعب بينا و تاخد البنات و تمشي من غير ما نحس جلت ممكن تخطفهم و منعرفوش طريجهم

عامر : كان فيه الف طريجه غير انك تجول ان أمهم ماتت ديه انت لو كنت حكيتلهم اللي حوصل كان حيبجى أهون و الله و مستغرب عطر جايبه الجسوة ديه منين و منشفه راسها و معاوزاش ترجع منك يا بوي ورثت الطبع منك

نعمان : عرفت غلطي بعد اكده و الله و حسيت ان السك*ينه كانت سرجاني و فجت حاولت اوصللها دورت عليها في كل مكان و سألت عنها اللي اعرفهم لأن ابوها كان مات البنات كانوا صعبانين علية و هي منظرها و هي بتعيط و بتصرخ مكانش بيفارجني لكن ملجتهاش و لا عرفتلها طريج واصل وجتها جلت خلاص لكن ضميري عمره ما ارتاح و الله يا بني و طول الوجت و اني بلوم روحي 

ناهد : انا بعد اللي حصل في آخر مرة جيت فيها هنا جالي انهيار عصبي و دخلت مستشفي الأمراض النفسيه و العصبيه فترة مكنتش قادرة استوعب اني اكون موت في نظر بناتي و جوزي اللي المفروض كنت عاوزة اطلق منه هو اللي وقف جمبي و مسابنيش اخدني و انا مش حسه بالدنيا و سفرني برة عشان حالتي تتحسن و بعد فترة ابتديت افوق و اول ما فوقت اتصلت على حفصه و ردت علية و فضلت على اتصال بيها السنين دي كلها عمري ما نسيتكم و لا غبتوا عن بالي لحظه واحده و هي كانت بتطمني عليكم دايما و بتبلغني بكل اخباركم بجوازك انتي و عطر لكن الفترة الأخيرة كنت كل ما اسألها عن عطر تتهرب حسيت ان في حاجه خفت يكون حصللها حاجه او صفيه تكون عملت فيها حاجه قررت اني لازم ارجع و اتحمل أي حاجه المهم اطمن عليكي و عليها 

السلسله اللي فرقبتك دي انا عملتها مخصوص ليكي انتي و عطر و بعتها لحفصه عشان تديهالكم يوم فرحكم

😥عشان اكده يا بوي انت دايما كنت بتخاف على زعلهم و بتراعيهم و كانوا عنديك بالدنيا و ما فيها يعني مكنش عشان هما أمانة أخوك و بس لاء عشان إحساسك بالذنب من ناحيتهم مش اكده يا بوي و انتي كمان يا  عمتي ليه مجلتيش لأمها إن أبويا ندم و عايزك ترجعي

حفصه : مكنتش أعرف و الله يا عامر اني وجتها كنت لسه متجوزة جمال مكنتش لسه جيت اهنيه

كل اللي فاكراه إن أبوك جعدني اني و امك و حلفنا إن محدش، يجيب سيرة الماضي و لا يلمح بأي حاجه جدام حد و انها صفحه و انجفلت ديه حتى جمال نفسه ميعرفش إنها عايشه اني احترمت رغبة اخويا و كبرته و سكت 

و معرفتش انه ندم غير بعد فترة طويله جوي كنت بتكلم مع امك و هيا اللي جالتلي بس خلاص كان الوجت فات و اني طول الوجت كنت بطمنها عالبنات و بعد ما اتطلجت و رجعت اهنيه بجيوا كل حياتي و الشهاده لله ان امك عمرها ما فرجت بينهم و بينكم في حاجه و عاملتهم احسن معامله

يلتفتوا ليها و هي نازله عالسلم و ماسكه في السلم خايفه تقع و رافضه ان امها تمسكها : أيوة صوح حوصل و محجدرش انكر و جميلها في رجبتي العمر كله لكن اني في حاجات كنت محتاجاها و مينفعش حد يديهالي غيرها هيا اوجات كتير كان بيبجى جواتي حاجات مينفعش اجولها لحد لكن لو معايا امي كنت حجولهالها اني كان بيبجى جوايا وجع كبير جوي لما كنت بشوف البنات في المدرسه أمهم بتاجي تسأل عليهم و تاخدهم في حضنها و اني لأ كل عيد ام كان بياجي علينا كنت اني و عطر بنحضن بعض و احنا جوانا وجع الدنيا كله مكناش بنبين لحد عشان متزعلوش مننا لكن غصب عننا كنا بنتمنى ان أمنا تكون عايشه معانا

يا ترى لو كنتي معانا كانت عطر حصللها اللي حوصل كانت حتسيبنا و تمشي اكده و اللا كانت حترمي نفسها فحضنك عشان تحميها من اي حاجه

اني معارفاش ازعل من مين و اسامح مين

ازعل منك انتي و اجولك انتي السبب في كل اللي حوصل و انك كنتي انانيه و فضلتي نفسك علينا و انك لو فضلتي معانا مكناش اتحرمنا منك و لا عطر كانت مشيت و اللا اعذرك مانتي بردك كنتي صغيرة و من حجك تكملي حياتك بس ما احنا المفروض كنا نبجى كل حياتك و اهم حاجه عندك و دنيتك كلها معارفاش اجولك ايه اتهمك و اللا اعذرك اسامحك و اللا اكرهك

و حضرتك يا عمي اني محجدرش أزعل منك واصل محجدرش اجف جدامك و لا أجدر اعاتبك على انك حرمتنا من أمنا محجدرش اللي عملته معانا اني و اختي يخليني ماجدرش انطج بحرف و ينجطع لساني جبل ما انطج بكلمه و ازعلك مني بس أني جلبي واجعني جوي يا عمي اعذرني غصب عني والله مش بيدي إزاي هونت عليك تحرمني أني و أختي من أمنا ترضاها لرحمه ترضى تحرمها من امها زي ما حرمتني من امي و حضنها مش كفايه علينا ابونا اللي مات و احنا عندنا سنتين يعني يا دوب كنا لسه مفطومين تيجى تحرمنا من أمنا كمان طب هي كانت فطمتنا من صدرها لكن مكناش لسه اتفطمنا من حضنها و حنانها خابرة و الله يا اما انك مجصرتيش معانا واصل و اديتينا حبك و حنانك و عمرك ما فرجتي بيننا و بين رحمه لكن في حاجات مكنتيش تعرفيها عننا و ابسطها حبي لعامر ماخدتيش بالك و لا حسيتي بحبي ليه مع ان عمي حس بده

حتى انتي كمان يا عمتي كنتي عارفه و خبيتي علينا و كل ديه عشان توفي بوعدك مع عمي طب احنا مكناش بنصعب عليكي و انتي شايفانا محرومين من حضن أمنا

عامر :عتاب كفايه عليكي اكده اني خايف عليكي

عتاب : متخافش علية يا عامر محيحصليش اكتر من اللي حوصل ديه اللا هو اني في حلم و اللا علم معجوله يكون ديه حجيجه هو اني عملت ايه في دنيتي عشان اتحمل كل ديه لحالي فينك يا عطر فينك يا اختي انتي مشيتي و سيبتيني للهم لحالي تعالي و اللا اجولك لا تاجي فين كفايا كي اللي انتي فيه حتستحملي ايه و اللا ايه مش كفايه عليكي وكستك في جوزك كمان تعرفي ان امك عايشه يعني مش كفايه حياتك مع جوزك اللي طلعت كدبه تلاجي  عمرك اللي عيشتيه كله هو كمان كدبه

يتركونها تخرج كل ما بداخلها حتى يستريح قلبها مما به من وجع و يحاولون التخفيف عنها خوفا عليها من اصابتها بمكروه

😥😥😥😥😥😥😥😥

في اليوم التالي

😥😥😥😥😥😥

امضي خلص

يمضي جاسر و يلقي عليها يمين الطلاق

عز : انت قاعد ليه مش خلاص كده اتفضل ياللا و إياك المحك بعنيه وقتها متلومش غير نفسك

جاسر : ماشي خلاص اتطلقتي و ارتحتي يا نيللي بس يكون في علمك اني مش حسيبك و انا وانتي و الزمن طويل

يمشي جاسر و عز يوصل المأذون و بوسي تاخدها في حضنها و تقعد تعيط :، خلاص بقى يا حبيبتي الحمد لله اننا خلصنا منه

عز : انتي لبه بتعيطي يا نيللي اياكي تكوني زعلانه عشانه

نيللي : أنا زعلانه على نفسي يا عز زعلانه على حبي ليه واللي طلع وهم زعلانه على السنين اللي ضيعتها معاه في غش و خداع

عز : انسي يا نيللي انسيه خالص أنا عاوزك من النهارده تبدأي حياتك من اول و جديد انتي ممثله شاطرة و موهوبه و المستقبل قدامك و تقدري  تعوضي كل اللي فات مش عاوزك تفكري في اللي فات عاوزك تبصي لادام و بس

نيللي : عز أنا مش عارفه أشكرك إزاي 

عز :تشكريني على إيه يا نيللي

نيللي : لولاك و لولا وقفتك معايا مكنتش عرفت اخلص منه و لولا انك هددته اننا نبلغ عنه كان فضل يبتزني

عز المبلغ اللي دفعتهوله عشان يوافق يطلقني من غير شوشرة انا حكتبلك بيه وصل أمانه و ان شاء الله حردهولك في أقرب وقت

عز : مبلغ ايه اللي بتتكلمي عنه يا نيللي انا لو اقدر اديكي عمري كله مكنتش حتاخر انتي غاليه عندي اوي يا نيللي

نيللي : ربنا يخليك لية يا عز و ربنا ميحرمنيش منك

عز : بقولك ايه انا الليلادي عاوزك تسهري و تنبسطي و تنسي كل اللي فات

نيللي : بدراعي ده

عز : اه بدراعك ده 

بوسي اعملي حسابك تقولي لكريم جوزك اني عازمكم الليلادي و انا حبلغ كيان 

بوسي : و بالنسبه لكارما مش حتعزمها

عز : مش عارف إيه رأيك يا نيللي

نيللي : أنا من رأيي تعزمها عالاقل تكون دعايا حلوة للفيلم

عز : خلاص ماشي نقوللها

بوسي : هههههه هههههه

عز : بتضحكي على إيه يا سوسه

بوسي : يعني مش عارف و الله تلاقيك عارف بس عامل نفسك مش عارف هو انت في حاجه بتعدي كده من تحت ايدك

عز : بصراحه عارف بس عامل نفسي مش عارف لحد ما هو يعرف

بوسي : يعني تفتكر هو مش عارف

عز : معتقدش انه عارف انتي عارفه انه هو في مكان تاني خالص

نيللي  و هي بتبصلهم : هو إيه اللي عارف و مش عارف هو في إيه متفهموني

عز و هو بيقوم صاحبتك حتعرفك كل حاجه ياللا اشوفكم بالليل سلام يا بنات

نيللي انا عاوزك الليلادي تبقي قمر بصرف النظر عن دراعك عاوز اشوف نيللي اللي في نفس صورتها شفتها اول مرة اتقابلنا فيها 

نيللي : تفتكر حقدر أرجع تاني

عز : ايوة و انا معاكي مش حسيبك

بمشي عز

نيللي :في ايه يا بوسي

بوسي :انا حقولك يا ستي

😥😥😥😥😥😥😥😥😥 

تدخل عليها المكتب : خلصتي الشغل يا بطوطتي

عطر : لسه يا نودي قدامي شويه عاوزة تمشي امشي انتي يا قلبي متعطليش نفسك

ندى : لا يا حبي بس اصل يونس عزمني عالغدا و كنت عاوزة اروحك في طريقنا

عطر : يا سلام و اقعد انا عزول مش كده لا يا ستي روحي انتي مع خطيبك و انا حخلص و اروح مع نفسي

ندى : طب اقول لبابا ياخدك على طريقه

عطر : لا و الله مفيش داعي اصلا انا عاوزة أتمشى شويه اتفرج على المحلات و اشوف حاجه لغزل

ندى : ماشي يا ستي يا للا اشوفك بالليل

عطر : خللي بالك من نفسك و من يونس 

ندى : هههههه حاضر يا روحي يونس ده فعينيه

عطر : ربنا يسعدكم يا حبيبتي يارب

بعد قليل من الوقت

تدق الجرس و تفتحلها الخادمه تلاقي الشاشه صوتها عالي على أغاني الأطفال و نديم بيلعب مع غزل ماشي على ايديه و رجليه و غزل قاعده على ضهره و عماله تضحك

عطر : غزل

تنزل غزل من على ضهر نديم و تجري على عطر : مامي مامي

تحتضنها عطر بقوة و تسلم على نديم

حمد الله على السلامة يا نديم

نديم : الله يسلمك يا عطر عامله ايه

عطر : الحمد لله والله بخير

انت اللي عامل ايه و ايه اخبارك

نديم : انا كويس الحمد لله والله

عطر : و انتي يا غزل كده برد تتعبي عمو نديم

نديم : بقولك إيه انا مبجبش حد يتدخل بيني و بين غزل

عطر : يعني اطلع منها انا

نديم : اه

عطر : ماشي يا سيدي أمال فين طنط

نديم : خرجت يا ستي تشتري حاجات و زمانها جايه

عطر : طيب أنا حاخد غزل و نطلع

نديم : ايه ده حتطلعي و تسيبيني قصدي يعني اني قاعد مستنيكي تيجي عشان نتغدى سوا

عطر : معلش و الله يا نديم بس اصلي جايه من الشغل تعبانه و الله و محتاجه اطلع استريح

نديم : طب قوليلي بصراحه حصلت حاجه ضايقتك صوتك فيه حاجه

عطر : عتاب رنيت عليها اكتر من مرة و مردتش علية و دي أول مره تحصل خايفه عليها تكون تعبانه و اللا يكون حصل حاجه

نديم : يا ستي بشروا و لا تنفروا جايز تكون نايمه شوبه او تكون مسمعتش ظني خير

عطر : مش متعوده منها على كده هي حامل و أنا بقلق عليها

نديم : اطمني إن شاء الله خير و الله

تفتح الباب و تدخل سلام عليكم يا ولاد

عطر و نديم و عليكم السلام ورحمة الله وبركاته

يروحلها نديم و يشبل منها الحاجه

عطر : طب كنت استنيتيني يا طنط و انا كنت نزلت معاكي

مشيرة : لا يا حبيبتي انا عارفه انك بترجعي تعبانه و بعدين انا راجعه ميته من الجوع و بابا مش حييجي دلوقتى ياللا عشان ناكل

عطر : معلش يا طنط انا حطلع دلوقتى و حبقى انزل بالليل شويه

مشيرة : ليه يا عطر حصل حاجه

نديم : قلقانه عشان رنت على أختها كتير و مبتردش

مشيرة : معلش حبيبتى متقلقيش نفسك ان شاء الله خير و أكيد حترد عليكي حتاكلي معانا الأول و بعد كده ربنا يحللها

عطر : و الله ما حقدر مش حعرف اكل و انا قلقانه كده معلش يا طنط حقك علية انا حطلع استريح شويه و أحاول اتصل عليها تاني و حبقى انزل شويه بالليل

مشيرة : حتاخدي غزل

عطر : حاخدها تنام في حضني شويه

مشيرة : ماشي حبيبتى اللي يريحك و ربنا يطمن قلبك عليها يا رب

تاخد عطر بنتها و تطلع الشقه و تطلب مشيرة من الخادمه تحضر الغدا و تقعد مع نديم عشان يتغدوا سوا لكن هو تقريبا مكنش بياكل كان بيلعب بالمعلقه في الطبق و سرحان و مشيرة واخده بالها و ساكته  لحد ما قاموا و قال لمامته انه داخل اوضته يستريح شويه

مشيرة : استنى انا عاوزة اتكلم معاك يا نديم

نديم : خير يا ماما

مشيرة : أكيد خير طبعا ان شاء الله ايه يا حبيبي مش ناوي بقى

نديم : يا ربي حنتكلم تاني في الموضوع ده

مشيرة : نديم مينفعش كده ممكن تفهمني حتفضل كده لحد امتى انت مش واخد بالك انك كبرت و كل اللي فسنك ارتبطوا و بقى عندهم ولاد حرام عليك يا نديم أنا و باباك عاوزين نفرح بيك يا بني نفسي تتجوز و تخلف و تملى البيت علية ولاد

نديم : مانتي عندك غزل اهيه يا ستي ماليه عليكي حياتك

مشيرة : نديم احنا هنا كلنا بنحب غزل و ربنا العالم اني فعلا بحسها حفيدتي و غلاوتها عندي ملهاش حدود لكن هل ده يغني عن إني أكون جده لولاد ولادي انا

غزل مش حتعيش معانا العمر كله يا نديم و مسير حيبجي اليوم اللي تمشي فيه و ربنا يعيننا عاليوم ده

 لأنه حيكون صعب علينا أوي لكن

يا نديم

نديم : لكن إيه يا ماما و مين قالك ان غزل حتمشي غزل ان شاء الله حتفصل موجوده معانا و مش حتمشي من هنا و انا مش حسمح بده انه يحصل

مشيره : لا أكيد حتمشي فيوم يا نديم مسير عطر ترجع لأهلها و بعدين إيه اللي مش حتسمح دي و انت مش حتمسمح بصفتك إيه إن شاء الله

نديم:  قصدي يعني ان احنا اللي ربيناها و لينا حق فيها

مشيرة : ده كلام العاطفه يا نديم لكن بالحق و الدين و القانون احنا ملناش فيها أي حق و أي وقت عطر حتقرر إنها تمشي من هنا إحنا مش حنقدر نتكلم

نديم بينه و بين نفسه : عطر تمشي لا استحاله ده يحصل

مشيرة : حبيبي ايه رأيك نخطبلك صفا بنت اونكل معتز البنت جميله و محترمه و طول عمرها بتحبك و كل ما يجيلها عريس ترفضه

نديم : تاني صفا يا ماما من فضلك أنا صفا بالنسبه لي زي ندى أنا مش بحبها يا ماما و محدش قاللها انها  ترفص كل عريس يتقدملها أنا لا عمري وعدتها بحاجه و لا لمحتلها حتى اني معجب بيها 

مشيرة : بتحبك يا بني آدم

نديم : و انا مبحبهاش

مشيرة : أمال بتحب مين يا نديم

نديم : إيه

مشيرة : إيه فاجئتك بالسؤال و اللا صعب اوى كده لدرجة إنك مش قادر ترد قللي يا نديم قللي بتحب مين و انا اخطبهالك بس فرحني أنا و باباك يا بني نديم باباك خلاص جاب آخره منك و كلمني في الموضوع ده و قاللي لو مكنش يحدد اختياره هو حيخطبلك

ندبم : لا و الله على أساس إني بنت حتجبروني عالجواز و اللا إيه يا ماما من فضلك سيبوني على راحتي و اللا حقعد في اسكندريه و مش حاجي هنا تاني عشان ترتاحوا

يسيبها و يدخل اوضته و هي تقعد متضايقه و مش عارفه تعمل ايه معاه لحد ما الوقت يجري و يرجع باباه و مشيرة تحكيله اللي حصل

مجدي : أنا خايف يكون احساسي صح يا مشيرة

مشيرة : لاء يا مجدي دي تبقى مصيبه حنعمل إيه وقتها و نحللها إزاي 

مجدي : مش عارف يا مشيرة دي مشكله ملهاش حل

مشيرة : أنا مرضتش ألمح له بحاجه إتكلم معاه انت يا مجدي انت راجل زيه و طول عمركم صحاب انا مش بعرف اتحكم في انفعالاتي لكن انت غيري افهم منه و اسمعه و أنا متأكده انه حيصارحك بكل حاجه 

مجدي : حتكلم معاه يا مشيرة حتكلم معاه حاضر

مشيرة : و لو طلع ظننا فمحله

مجدي : وقتها حيبقى في كلام تاني يا مشيرة

يا ترى ظنهم فعلا في محله و يا ترى رد فعلهم حيكون ازاي لو اتاكدوا من حاجه زي دي

و يا ترى ايه اللي عارفه عز

و يا ترى رد فعل عطر حيكون ايه لما تعرف ان امها عايشه

اراءكم و توقعاتكم للأحداث الجايه

😥😥😥😥😥😥😥😥😥

 •تابع الفصل التالي "رواية يكفيني منك عقابا" اضغط على اسم الرواية