رواية اصبحت جارية (كاملة جميع الفصول) حصريا عبر دليل الروايات بقلم امل حماده
رواية اصبحت جارية الفصل الاول 1 - بقلم امل حماده
تستيقظ رنيم من نومها علي صوت المنبه متحمسة في هذا اليوم لأنها ستناقش موضوع بحثها اليوم ....فهي فتاه جميله عينيها عسلي وشعرها باللون الاسود وشقراء ترتدي ملابس رقيقه وبسيطه برغم من المستوي والغنا التي تعيش به ...الا انها تحب تعمل كل شئ بطبيعتها ولا تتصنع أفعالها ....لذلك قد تعجب كثير وقد لا ......
نهضت من فراشها لكي تتوضئ وتؤدي فرضها....الي أن بدأت تقرأ ورد من القرآن داعيه الله أن يوفقها في بحثها ....
وتتوجه للطابق الاسفل تجلس بجوار والدها علي مائده الطعام .....ويحضر لهم الخدم الفطور ...ومن ثم تبدأ بتناوله ...
وحينما وصلت إلي المائده قامت بإعطاء قبله لوالدها علي يديه وجبينه قائلة :
رنيم :صباح الخير يا احلي من حياتي ...
زهير:صباح النور ياحبيبة بابا ....اقعدي افطري يلا....
رنيم بسعاده :حاضرر......ادعيلي يابابا النهاردة هناقش الرساله .....
زهير :اعملي اللي عليكي والباقي علي ربنا يابنتي .....
كان زهير يبدو عليه التعب وشعرت رنيم بذلك من حديثه فهو ليس من عادته هذا ...
رنيم :بابا.....حضرتك كويس ؟
زهير : الحمدلله يابنتي ....راجي ابن عمك كلمني ولسه مصمم أن عايز يتجوزك ...
رنيم بضيق :هو مابيزهقش ...انا مش عاوزه اتجوزه مش متقبلاه يابابا ....وبعدين دا واحد نقضي حياتي في الشرب والسهر والبنات. ....يعني مفيش في ميزه تخليني حتي أكلمه ....
زهير :معاكي حق يابنتي .....انا والله اتمنالك واحد غير دا ....
رنيم :ياحبيبي ماتقلقش عليا انا قدامي لسه مشوار طويل اوي .....استاذنك بقي عشان ماتأخرش ...ادعيلي ياحبيبي ...
زهير :حاضر ياحبيبتي ....لا اله الا الله ...
رنيم :سيدنا محمد رسول الله...
توجهت رنيم الي الخارج وركبت بالسيارة وبدأ الحارس بقيادتها .....
......صلوا على النبي......
في قصر من اجمل قصور القاهرة تجتمع عائلة الزيني علي الفطور .....وهم ليلي الزيني ووالدتها اريام وابنها زياد والأكبر فارس .....
اتي اليهم فارس وجلس معهم علي المائده ...
بدأت اريام بالحديث قائلة :حمدالله علي السلامه علي الأستاذ اللي مش بنشوفه ....
فارس :معلش ...مشاغل ....
ليلي :فارس انت ليه قاعد لوحدك في الفيلا اللي هناك ....مش بتيجي تقعد معانا ليه ....
زياد :مين دا....انت عايز فارس اخوكي يقعد هنا انتي ماتعرفيش حاجه ..
فارس بضيق :وبعدين معاك يا زياد ....انا مش عاوز كلام في الموضوع دا ....انا اقعد في المكان اللي يريحني ...
ليلي :انا اسفه ياابيه ...بس انا بحبك اوي ونفسي تعيش معانا ...
فارس :وانا كمان ياحبيبتي بحبك ....وبعدين ماانا يجيلك علي طول اهو ....عايزه اي اكتر من كده يابت انتي ياقمر ...
ضحك الجميع علي طريقه فارس .....
اريام :ربنا يخليكم لبعض ياولاد ....وتفضلوا كده سند لبعض ....
نظر فارس في ساعته قائلا :انا اتاخرت لازم امشي ...سلام
توجه فارس للخارج ...
بينما تحدثت ليلي قائلة :يخربيت جمالك ياابيه ....يابخت اللي هتجوزك ...
اريام بضحك : ماانتي هتجوزي انتي كمان ....
ليلي :لا يامامي انا هتجوز اه ....بس لازم يكون شبه أبيه فارس ....
ضحك زياد عاليا قائلا :افتكري أن قولتلك بلاش ....
ليلي بطفوليه :انت رخم اصلا ....انا راحه الكلية ...سلام ...
.......وحدوا الله.......
وصل فارس الي شركته ....فكان الجميع يحترمه لأنهم يهابونه وليس حبا به .....
وعندما وصل وجد وجه جديد في الشركه فاستعجب قليلا ...فتوجه إليه قائلا لمساعده :مين دي ؟؟
المساعد :دي السكرتيرة الجديده يافندم ....
نظر إليها فارس من أسفلها لاعلاها ....منبهرا بجسدها ....
مما جعل الفتاه كادت تسقط من نظراته ....فهي حقا منبهره بجماله وجاذبيته...
فارس :تعالي علي المكتب .....ومن ثم توجه إلي مكتبه ....
وضعت البنت يدها علي قلبها قائلة :ياخرابي هو في كده ....كنت هموت ....اي الجمال دا ...
السكرتيرة الأخري :بقولك اي ....هنا لازم تكوني في غاية الثبات ....مينفعش السهوكه دي ....لان دي اقل حاجه عند فارس باشا ....فاهمه ...
رانيا :فاهمه....اروحله ولا اي ...
اسماء:ايوه ادخلي ....وزي مافهمتك....
دلفت رانيا إليه والخوف يمتلكها قائلة بتلعثم :تحت امرك يافندم ....
أدار فارس الكرسي ناظرا إليها بكل غرور وكبرياء....
فارس :اسمك اي ؟
رانيا :اسمي رانيا محمد حسين ...
فارس :عندك كام سنه ومؤهلك اي ؟؟
رانيا :٢٥ تجارة انجلش ...
فارس : أسماء فهمتك طبيعه الشغل هنا .....انت عارفه الغلطه عندي بجون علي طول ....
رانيا :مفهوم يافندم ...مفهوم ...
نهض فارس من مجلسه متوجها نحوها الي أن كاد أن يلتصق بها مما جعل قلبها ينبض بشده ....
فارس :اللي تشتغل هنا ...لازم تكون جاده في عملها ومخلصة ....واقترب من أذنها قائلا برفق ...ومطيعه ....
حاولت رانيا أن تأخذ نفسها قائلة :مفهوم ....
فارس :اتفضلي علي مكتبك ....ولازم تكوني علي استعداد أن ممكن اخليكي تيجي في اي وقت حتي لو في بيتك .....فاهمه ...
رانيا :فاهمه .....
توجهت رانيا للخارج .....بينما عاد فارس الي مكتبه وبدا يباشر عمله ....
.........اذكروا الله.........
في منزل راجي ....
راجي :ورحمه ابويا لاندمها .....مش موافقه بيا انا .....هي فاكرة نفسها اي ....
سعاد:يابني ....اهدي مش كده ....هي مستقوية بابوها لكن لما ابوهت يموت ....هتترجاك عشان تجوزها....
راجي :ماانا مش هسيبها الا لما اخليها تقول حقي برقبتي .....
سعاد :طب أفطر ...عشان تروح شغلك ......
بدأ راجي ينادي علي أحد من العاملين بغضب لكي يفعل له قهوه ....
سعاد. :هتشرب قهوه من غير ماتفطر ...
نهض راجي من مجلسه :مش عاوزه اكل حاجه ...انا رايح الشغل .....
سعاد في نفسها :ماشي يارنيم أن ماكنت اعرفك مقامك مبقاش انا سعاد .....
.....صلوا على النبي.....
عادت رنيم الي الفيلا سعيده بنجاح بحثها .....متوجهه سريعا الي غرفه والدها لكي تخبره ....إلي أن وجدت والدها ملقيا علي الارض ....
وقع كل شئ من يديها وصرخت بصوت عال :باباااا.....الحقوني .....حد يتصل بالاسعاف بسرعه ...
إلي أن آتي إليها الخادمين وبدأوا الاتصال بالاسعاف ....واتت الإسعاف علي الفور وحملته الي المشفي .....وكانت رنيم جالسه معه في الاسعاف تبكي بشده .....
الي حين وصلت الإسعاف .....وتم نقل والدها الي العمليات ....
وظلت تنتظر في الخارج .....
علي الجانب الآخر ....
كانت الساعه السابعه مساءا.....ومازال فارس بمفرده بالشركه ....وبمجرد وصول رانيا للي بيتها قام بالاتصال بها فخافت رانيا كثيرا وأجابت عليه قائلا بتلعثم :ا...ايوه يافندم ...
فارس :تعالي الوقتي ....
رانيا :دلوقتي ......ح ...حاضر بس في حاجه حصلت يافندم ....
اغلق فارس الهاتف دون أن ينتظر اجابتها ....
فعادت رانيا الي الشركه .....لانها ماصدقت أن تجد وظيفه ....
وحينما وصلت تركت باب مكتبه عده طرقات .....
فارس :ادخلي ....
دخلت رانيا وجدت فارس نائما علي الاستراحه ....
رانيا :تحت امرك يافندم ....حضرتك كلمتني هو حاجه حصلت ....
فارس يشاور لها بأصابعه قائلا :تعالي ....
توجهت رانيا نحوه ....فجلس فارس قائلا ...
فارس :قوليلي انتي مرتبك كام هنا...
رانيا باستغراب :٥٠٠٠يافندم ....
فارس :انا هخليهم ١٠٠٠ ....
رانيا :معقوله يافندم ...ليه كل دا ...
فارس :اكيد في مقابل ....بس مش هتعرفيه دلوقتي ....بكرة الساعه ٧ زي دلوقتي في العنوان دا ....
رانيا :عنوان اي ....انا مش فاهمه حاجه .....
فارس :والله لو حابه تتمسكي بالشغل ....تعالي بكرة العنوان دا ....وساعتها هعرف إذا كنت فعلا محتاجه للشغل ولا لا ......
فارس :اتفضلي ....اخدت من وقتك ...
نهضت رانيا من مجلسها متوجهه للخارج ....وعقلها يدور ....مالشئ الذي يريده هذا الشخص ....
........وحدوا الله.......
في المشفي دقت الساعه العاشرة ولا احد يخرج من العمليات مما ازداد الخوف في قلب رنيم .....واتت لها صديقتها بمجرد سماعها هذا ....
فقامت سهيلة باخذها في أحضانها .....
سهيلة :اهدي يارنيم ...أن شاء الله عمي هيخرج بالسلامه. ..
رنيم :بقالهم ٣ساعات جوه ....محدش بيطمني. .....لا لا انا حاسه أن بابا حصله حاجه ...انا هدخلهم ....
امسكتها سهيلة :استني ....تدخلي فين ....مينفعش. ....
رنيم :معتش قادرة اصبر ......
إلي أن خرج الطبيب في ذلك الوقت .....
فأسرعت رنيم إليه قائلة :خير يادكتور ....من فضلك طمني ...بابا كويس .....
الطبيب : البقاء لله....
لم تستطع رنيم تحمل هذا إلي أن فقدت وعيها.....
..........................................
وهنا الفصل الاول انتهي 😍
ماتنسوش تفاعلكم ورايكم 😍
اذا أتممت القراءة ضع لايك وكومنت 💜
دمتم سند❤️
•تابع الفصل التالي "رواية اصبحت جارية" اضغط على اسم الرواية