رواية متخافيش الفصل الاول 1 - بقلم منة محمد

  رواية متخافيش كاملة بقلم منة محمد عبر مدونة دليل الروايات 

 رواية متخافيش الفصل الاول 1

قاعد حزين وقال : عدوا ثلاثه ايام والحياه بقت مهجوره ازاي هكمل باقيه حياتي من غير هاجر

اخته: بالصير يا بهاء ايه قدامك غيره وبص لـ لاولادك الاتنين لسه صغيرين محتاجالك ملهمش حد غيرك

بهاء اتنهد تنهيده بعمق وقال: عندهم اختهم حياه هي تراعيهم وتهتم بيهم

اخته: بس دي ضيفه دلوقت في بيتك

بهاء اتحرك بنزعاج: انتي بتقولي ايه

اخته : بقولك الحقيقه هي بنت مراتك مش بنتك وانت وافقت تربيها عشان كنت بتحب امها واحنا فضلنا ساكتين رغم خطبت عمتها وسيبتها واتجوزت امها وجبتها هي وبنتها وحطينا فرده جزمه في بؤنا ووافقنا اما دلوقت ولائك يبقي لولادك الاتنين وبس وبعدين هي كبرت ودي هتبقي مسؤليه عليك كبيره وديها لـ ابوها هو يتحمل مسؤليتها احنا معلناش اي مسؤليه ارجوك فوق هي مش بنتك ولا من دمك هي بنت مراتك الي ماتت وابوها لسه عايش اتصل بيه خليه يجي ياخدها امها كانت عايشه وطبيعي تقعد معاها وتعقلها لو غلطت اما دلوقت اي حاجه هتعملها هتبقي في وشك انت , وانت عملت الي عليك لحد كده وهي ليها اب تروح تعيش عنده

حياه هنا دخلت ووزعت نظراتها عليهم ورجعت استقرت نظراتها للاخت بهاء ومشت

اخت بهاء: اتصل بيه خليه يجي ياخدها

………..قصص منه محمد كاتب……………..

في بيت عائله حياه

ناصر بص لابنه وقاله: ممكن تسيب التلفون الي في ايدك ولا قوم اللعب في الجنينه بره

زين كشر : يابابا انا مسمحولي بيوم واحد في الاسبوع بس اللعب وحضرتك بتقولي لاء

ناصر ابتسم : خلاص اللعب

الجده ودادد: يا حليمه

حليمه: نعم يا حماتي

الجده: عبي من الاكياس الي فيها اللحمه لجيرنا متنسيش

حليمه: حاضر يا حماتي

اسعاد: حماتي تحبي نزود حاجه تانيه لحد في الاكياس

الجده: لاْ يابنتي كفايه بس اكتبوا ع كل كيس الاسم لننساه حد

سيده الشغاله: احنا بعتنا لمعظم الناس الا الجيران الي جنبنا

اسعاد شخطت فيها: حطي الطبق ده هنا والكيسه الي هناك اديها للسواق يله

سيده بصتلها: وبتشخطي فيا ليه بس يا ست اسعاد

اسعاد بهمس: ما انتي مش بتفهمي ابدا وبطلي رغي ركزي بس ع شغلك

الجده: ما تسبيها هو بقي فيه احترام ولا ادب بنتي عايشه جنبي ومقدرش ابعتلها كيس لحمه مين يقول كده سيبكم من اللحمه فيه ام متشفش بنتها سنين والله ما عارفه هستحمل الحزن ده لحد امتي من عمري

سالي طلعت لابسه وقالتلها: انا ماشيه يا ماما الطلاب مستنيني الله ليه بتعيطي

اسعاد: ابدا اصل وحشتها اختك

سالي ببرود: ما طبيعي توحشها ماهي بنتها

اسعاد بغيظ : بس لو افتكرت معامله جوزها فينا قلبها هيرتاح

الجده بصتلها بعصبيه وقالت: فعلا كان قلبي هيرتاح لبعد بنتي عني وانتي يا سالي رايحه فين

سالي: قلت لك الطلبه منتظرني طالعين بيهم مشروع تخرج اربعه ايام

الجده: تمام يا بنتي طريق السلامه وخالي بالك من نفسك

سالي مبتسمه : متقلقيش سلام

الجده : بالسلامه

سالي لفت بسؤال : امال فين بابا

الجده: قاعد بيقرء الجورنال

سالي: تمام هسلم عليه

سالي سلمت ع ابوها وهي خارجه قابلته داخل

قاسم: صباح الخير يا عمتي

سالي: صباح النور

قاسم: امال هما فين

سلي: الكل جوه انا رايحه الكليه ومسافره مشروع التخرج

قاسم: ترجعي بالسلامه

سالي: الله يسلمك

قاسم دخلهم وقرب: سلام يا حلوين عمللنا فطار ايه

اسعاد: بيض وجبنه ومربي وفول بالبسطرمه

قاسم بيمد ايده ياخد من الاطباق : حلو اوي ده انا جعان يا ماما

الجده بحزم وصرامه: متلمسش حاجه الاول روح خد شور وتعالي افطر زي ما تحب

قاسم ابتسملها: جدتي انتي تعبانه وركبتك بتوجعك وواقفه تشتغلي

الجده ابتسمتله: يا حبيبي لازم اقف ع كل حاجه بنفسي والتعب موجود اعمل ايه

قاسم : زي ما تحبي يا جدتي

اسعاد: حبيبي انا مطلعالك قميص مكوي خد دش وغير وتعال بسرعه

قاسم : صباح الخير ياعمي

ناصر: صباح النور

قاسم : ازيك ياجدو

الجد: ازيك يا بني

ناصر: قاسم شوفت ملف لونه ازرق محطوط ع المكتب

قاسم: اه كان موجود هطلع اجبهولك

ناصر: ياريت يابني لان فيه امر مهم لازم تشوفه

قاسم: بس النهارده الاحد اجازه

ناصر: بس ضروري تروح

قاسم: تمام امال فين بابا

ناصر: نعمان بيلبس فوق

قاسم : اوكيه انا طالع وراجع

تمارا كانت نازله لتحت و اول ما شافته طالع حاولت تجري منه ع اوضتها

قاسم بحده : شوفتك ع فكره

تمارا وقفت مكانها ولفت بصتله وقالت: اظن اليوم اجازه وعادي جدا لما اصحا متأخر شويه

قاسم : اطلاقا يابنتي انتي محتاجه الانضباط في حياتك

تمار: حاضر يا ابيه ( بهمس) حاجه تخنق

…………………………………..

ندخل بيت تاني من الابطال الي مع رويتنا وتحديدا ع السفره

حافظ: هو فيه مناسبه ولا حاجه عامله فته

صفاء بحزن: امي وزعت النهارده لحمه ع الناس زي كل سنه وكنت انا الي بعمل صنيه الفته بنفسي ورغم عايشه جنبهم بقالي سنين مش بنشوف بعض

حافظ: وليه بتعرفيني ايه غلطي في كده اخواتك الي ضخموا الامور وخربوه العلاقه ده مش ذنبي ولا ليكي رآي تاني

صفاء بقهر: وانا مش بشتكي انا بعبر عن الي في قلبي

يونس: صباح الخير

صفاء: صباح النور يله يا ضنايا اقعد افطر

يونس: لآء انا ماشي مستعجل عندي شغل مهم في المكتب

حافظ بسخريه: اكيد رايح تقابل واحد من صحابك مش مستعجل للمكتب يله امشي

صفاء بغيظ: هو مفيش اسلوب الطف من كده تكلمه بيه بدل التريقه

حافظ: اه فيه يفضل بؤك مقفول

اما يونس طلع حرك العربيه من الجراش وهو ماشي لقاه شخص جاي معاكس ضرب فرامل وشاوره يرجع لكن قاسم شاورله يرجع لوري لكن يونس صمم وشاورله هو الي يرجع وقاسم اتجنن ونزله

صاحب يونس مسك دراعه: قاسم نزل وجاي عليك يا يونس

يونس: سيبه مفيش داعي للخوف ( زعق لقاسم) ارجع بالعربيه لوري

قاسم بتحدي: لاْ انت الي ماشي معاكس مش انا

يونس بعصبيه: بقولك ارجع بالعربيه لوري في ثانيه واحده عربيتي مش متحركه من هتنا ليه متوقفهاش في جراش تاني

قاسم: انا بديلك تحذير اخير يا يونس حرك عربيتك من هتا

صاحب يونس: حركها يا يونس ونشوف احنا جراش تاني

يونس بعناد شديد: لاْ

صاحب قاسم : ماخلاص بقي قاسم ايه التصرفات الصغيره دي خلينا نشوف جراش تاني

قاسم : اسكت احنا الي جينا الاول ومش هنشوف جراش تاني وانت هتحرك عربيتك والا حكسرك انت وعربيتك

يونس: بتهددد مين

قاسم بحقد: انا مش بهدد وبس انا هوريك فلو كانت حياتك غاليه عليك امشي بعيد بعربيتك مش عايز اقهر امك واحزنها ع ابنها الوحيد فوق حزنها ع امها

يونس: مين انت عشان تحذرني ومفيش داعي تسحب امي بينا فاهم

قاسم: دي مشكله عايلتك الاول يسرقونا وفوق كده غطرسه وسرقه ممتلكات حد تاني ويفكر انها ملكه وياخدها لنفسه زي لعبه الاطفال بالنسبه لكم يا عيله شمال

يونس وانا بقولك للمره الاخيره متجبش سيره عايلتي بينا

قاسم بستفزاز: ليه مدخلهمش بالاسلوب الي واقف بيها قصادي بكل غطرسه قدامي لازم كل الناس دي تعرف حقيقه ابوك انه محتال واحنا نتوقع ايه من ابن المحتال

يونس مسكه من ياقته وضربه بالبوكس وقعه وبالتالي قاسم ضربه جامد واصحابهم ادخلوا يفضوا الاشتباك الي كبر جدا لحد ما المسؤل عن الجراش اتصل بالشرطه واخدوهم كلهم ع القسم

………………………………….

حياه: بابا علاجك

بهاء: حياه

حياه: نعم يا بابا

بهاء: تعالي هنا

حياه قربت: نعم

بهاء: بتعملي كل ده عشاني بس فيه شغاله في البيت سبيها تعمله

حياه: بس انا الي طول عمري بجبلك علاجك بالليل والميه وانت مش متعود ع الخدامين

بهاء: وقررت انهي عادتي القديمه

حياه: عاده ايه يا بابا انا بنتك مش انا برضو بنتك مش هترد عليا وتقولي حاجه

بهاء بصلها وفضل ساكت

حياه بدموع: قولها انتي بنتي ليه ساكت وفضلت ساكت حتي لما عمتي قالت كلامها ليه موقفتهاش ليه مقولتلهاش ان حياه بنتي بابا من فضلك قول ايوه انتي بنتي وروح بلغ عمتي ان حياه مش هتروح اي مكان ازاي تمشي من بيتها الي عاشت فيه 18 سنه ده بيتها وهي بنتي انت ليه ساكت كده

بهاء: بس الحقيقه انك مش بنتي ولازم تمشي من هتا

حياه بقهر: ليه بابا انا مش فاهمه انا عمري ما حسيت قبل كده اني مش بنتك او اني مليش مكان في قلبك او في البيت هنا فاليه بتقولي ده دلوقت

بهاء: لان امك كانت محور حياتي وسعادتي كلها كانت مرتبطه بيها وانا وافقت اخدك عشانها وعشان حبي فيها

حياه بدموع كتير: يعني حبك ليا انتهي بعد وفاه امي ولا نسيت اد ايه انت بتحبني

بهاء : فاكر بس الحقيقه بعد فراق هاجر مبقاش فيه اي علاقه بينا

حياه بصدمه: انت بتقول ايه

بهاء : احنا اصلا مكنش فيه بينا اي علاقه ابدا دي الحقيقه يا حياه

حياه حركت دماغها بنفي قطعي: لاء

بهاء: انا اسف حتي لو عايز اخليكي عايشه معانا لا المجتمع ولا الناس هيسمحولنا بكده حاولي تفهمي وجهه نظري واقبلي الحقيقه وكل ما تقبلتيها بدري ده هيفيدك اكتر

حياه: المشاعر الي كانت ناحيتك ليا من سنين طويله والحب الي كنت بتظهره ليا كان مزيف مجرد استعراض قدام امي انا مش قادره اصدق ان حد يقدر يتظاهر سنين طويله بالشكل ده ويحط قناع الحب سنين ازاي عايزني اقبل ده مقدرش وعشان كده هسالك في اي وقت حتي لو كانت لحظه واحده حسيت في يوم حب اتجاهي زي حب الاب لبنته حسيت لحظه اني بننتك

بهاء: لاء

حياه: انت بتكدب

بهاء : حياه افهمي ده شئ طبيعي لايمكن للراجل انه يحب بنت راجل تاني وخاصا الراجل الي بينافسني طول حياتي وابوكي طلب من امك تاخدك معاها وقت طلاقها من وجهه نظره انك لو فضلتي معاه هتفكريه بخيانه امك وهيفتكرني بوجودك

حياه بكاء: بس انا حبيتك زي ما كل بنت بتحب ابوها فاليه بتعمل معايا كده

بهاء :عشان احيانا قلب الراجل بيكون قاسي بعض الشئ

حياه : ماهو راجل زيك وانا قضيت كل حياتي معاك وحبيتك لو فضل قلبك قاسي الحد التاني انا حتي معرفوش ومحاولش يشوفني لو مره واحده ياتري فكرت لما ادخل حياته وهو مش رغبني ايه هي قيمتي عنده

بهاء: هو مش حد ده ابوكي ورغم كل شئ الدم مسيره يحن لما يشوفك قدامه وتكوني قريبه منه الحب هيتولد في قلبه هو حقيقتك وهتعيشي هناك بكامل حقك وطول السنين دي كنت كل ما اشوفك قدامي افتكره دلوقت لما تكوني عنده هيبصلك ويفتكرني ويفتكر الوقت الي عشناه انا وامك سوي

حياه :وايه عن اخواتي

بهاء : هما اخواتك تقدري تشوفيهم وقت ما تحبي محدش يقدر يمنعك

حياه : وهتقولهم ايه

بهاء :واجبي اتعامل معاهم

حياه عيطت بقهر وهو تابع وقال : ده رقم ابوكي اتصلي بيه وبلغيه عن وفاه امك وخليه يجي ياخدك معاه مش مناسب ابلغه انا

حياه مسحت دموعها: لما ده قرارك اتصل بيه وهمشي بمجرد ما يجي ياخدني

…………………..

قاعده تبكي ع حياتها وسنين عمرها الي راحت كلها في صراع ومشاكل وقطيعه رحم

حافظ دخل وبصلها واتعصب: حاولي تركزي ع حاجه تانيه غير العياط ع اهلك ليل ونهار

صفاء قامت ولفت بصتله: في ايه

حافظ شاورلها: بصي له هناك واسأليه هو ايه الي حصل ابنك المحترم دخلني انا القسم

صفاء: انت ليه عصبي ومنفعل دايما

حافظ: اساليه الاول هو اتخانق مع مين

صفاء: مين

يونس: مع قاسم

صفاء بقهر: ليه كده يابني هو انا ناقصه مشاكل معاهم

حافظ: فعلا مهما قلبهم قاسي

صفاء بصتله نظره كلها لوم وقالت: انت الي بتقول عليهم كده

حافظ بغضب: هو انا بقول حاجه غلط عملت فيهم ايه استوليت ع ممتلكاتك من ابوكي ولا هما البنات ملهمش حق في الممتلكات

صفاء: بس الي عملته اسمه احتيال ونصب اخويا وثق فيا وعطاني الارض امانه عشان احافظ له عليها والارض دي تساوي ملايين مش بتاعه ابويا عشان كدا مليش اي حق فيها

حافظ: هو انا اخدتها عشان ست تانيه من حقك تعيشي في رفاهيه زيك زيهم وبعدين هو انتي عيله صغيره تفضلي كل شويه تنوحي ع ابوكي وامك فكري في ابنك اعملي اي حاجه ورجعيله عقله الي مش متحمل غير الجنون هو وافعاله احيانا يرجع البيت بعد خناقه واحيانا يدخل الحبس مع المجرمين لكن ولا ده يفرق معاكي يغور ابنك وجوزك في داهيه

يونس برجاء: ماما ارجوكي متعيطيش

صفاء ببكاء: هو انا غاويه يعني اعيط يابني ارجوك اتحكم في نفسك امسك اعصابك انا نفسي قلبي يبقي حجر زي قلوب الناس بس مليش اي سيطره ع نفسي غصب عني

يونس: ماما انا عايزك تنسي

صفاء: ازاي انسي ان عندي اب وام واخوات بس اكيد انا كمان وحشتهم ومفتفدين وجودي وسطيهم مش كده

يونس: انا هنا معاكي

صفاء: اه بس بعملتك اكيد زادت العداوه

يونس: ايوه وعارف وفاهم ان كل علاقه ليها اهميتها

صفاء: لان مفيش حد فينا يقدر يعيش من غير اهله ولا عايلته الحياه بتبقي ناقصه كتير الروح بتتغذي ع العلاقات الي قوه نادره وابوك بطمعه وجشعه اخد علاقتي الغاليه مني عشان حته ارض

……………………………………

الجده وداد: ياربي هو الواحد بقي تقيل كده ليه

تمارا: يا تيته نفسي افهم بتعملي كل حاجه ليه بنفسك اجيب سيده

الجده: لاء يا حبيبتي مش بحب حد من الشغالين يلمسوه حاجه من هدومي

تمارا: خلاص كنتي ع الاقل ناديني انا ارتبلك الدولاب

الجده بصتلها وبسخريه: ليه هو سيق ورتبتي دولابك لما هتيجي تنظميلي دولابي اتوكسي

تمارا ابتسمت: اه انا مش بحب اروق اساسا دولابي ولا اروق من اساسه بس ليكي غير يله قوليلي اعمل يه

الجده وهي بتشاورلها: افتحي الدرفه دي

تمارا: فتحت ها اعمل ايه بقي

الجده: افصلي الشتوي وحطي كل لون مناسب تحت بعضه والكيسه دي فيها هدوم هطلعها لله

تمارا: فيه هنا الليوم صور هتفرج

الجده: هو انتي جايه تساعديني ولا تتفرجي ع صور

تمارا ضحكت: خمس دقايق ارمي نظره

الجده: خلاص انا قايمه

تمارا: الله ليا صور في عيد ميلادي وانا عندي سنه شوفتي كنت قد ايه جميله جدا

الجده: شوفت والحمد لله وجميله مش بس وانتي طفله انتي لسه جميله زي ما انتي

تمارا: وشوفتي اخويا قاسم ياساتر عليه حتي وهو طفل مكشر

الجده ضربتها في جنبها بزعل مصطنع وقالت: ليه هو حفيدي طفل مش طبيعي عشان تقولي عنه كده

تمارا: مش دي حياه بنت عمي ناصر ودي امها الي سابت عمي

الجده بقهر: اه خانت ابني ورفضت حبه وخربت حياته كلها وهربت بعد ما سرقت خطيب بنتي

تمار بستفسار: بس مراه عمي هاجر

الجده بحزم: بس اسكتي متقوليش اسمها قدامي لو عمك ناصر سمعك هتكون نهايه الدنيا

تمارا بصوت واطي: طيب احكيلي ايه الي حصل

الجده بنهر : محصلش حاجه اطلعي من هنا انا هكمل شغلي بنفسي امشي واديني الالبوم ده

تمارا: طيب سبيني اساعدك

الجده زقتها ع بره بعصبيه : اعملي زي ما قلت لك امشي من هنا متاكليش دماغي يله اطلعي

…………………………………..

نايم ع رجلها وبقلب في اللبوم صور وبيضحك

صفاء: ياه يايونس قلبت عليا الي فات

يونس بصلها وقالها: كنا مبسوطين وقتها متقلقيش يا امي صدقيني مسيرنا نرجع مبسوطين معاهم مره تانيه

صفاء بتنهيده طويله : اتمني بس يظهر ده كأنه حلم صعب يتحقق

يونس: وانا بتمني الصلح يحصل بس حتي لو حصل واتصالحنا انا مش عايز اشوف وش الي اسمه قاسم قدامي ابدا

صفاء: انتم كنتم اصحاب وانتم اطفال

يونس: ايوه بس كنت بحسه انه مريض نفسي تعرفي مره واحنا صغيرين مسكت ايد تمارا وزعقلي وقالي اسيبها مجنون دي مجرد طفله

صفاء…. فاكره في مره بابا قال ان قاسم بغير ع تمارا من يونس ايه رايك نخطوبهم

يونس ضحك: بصي كان بيبصلي بحقد ازاي البغل

صفاء :بس اكيد دلوقت اتغير

يونس …….ماما مهما حصل ده بيصب في مصلحتنا

صفاء……. امتي يابني هتحسن واحس بالراحه

يونس مسك كيس الشيبسي بعد ما اكله وكرمشه في ايده وطوحه ع الارض

صفاء بشخط فيه……. ايه القرف ده ارميها في الباسكت

يونس زعق ……..يا نرجس

نرجس دخلت بعجاله…. نعم يا يونس بيه

يونس…… تعالي خدي كيس الشيبسي وحطيه في الزباله لو سمحتي

صفاء ……. شكلي كده همنعك تدخل اوضتي

يونس ضحك وقالها …….ماما سبيني اشوف الالبوم التاني وامشي

صفاء سحبته منه بغيظ ………لاْ مش هتشوف حاجه كفايه يله روح ع اوضتك

يونس برجاء……… وريني الالبوم التاني

صفاء: قلت لاْ

يونس: يعني امشي

صفاء: امشي

يونس :همشي

صفاء بضحكه: متخوتش دماغي

يونس وهو رايح في اتجاه الباب ويبتسم : انا مشيت

…………………………………….

قاسم بصوت عبي جدا: يا سيده انتي يا سيده

سيده دخلت: نعم يا بيه

قاسم: انتي نضفتي اوضتي

سيده ايوه بعد ما سالت الست اسعاد

قسم بنفعال عليها : نفضتي اوضتي اه ولا لاْ

سيده بخوف منه :ايوه

قاسم: كان فيه هنا قميص ابيض جوه الحمام راح فين

سيده …….حطيته في الغساله

قاسم وسع عنيه……. ايه غساله هو انا طلبت منك تغسليه انا طلبت يا ماما

اسعاد: ايه في ايه

قاسم: كم مره قلت لك متبعتيش حد اوضتي لما مكنش فيها وقلت انا هنضفها بنفسي لما ارجع بالليل بس مصممه تبوظي حاجاتي

اسعاد …….متزعقش وقولي ايه المشكله

قاسم مسح وشه وقال…… قلعت قميص ع الشماعه وكنت هغسله بالبخار لان رايح بيه فرح واحد صاحبي بس سيده حطته في الغساله

سيده :منا والله ما كنت اعرف

قاسم بشخط: اسكتي يا سيده كلامك مش هيغير حاجه

اسعاد: اهدء ممكن انت لسه راجع من شغلك سيده روحي هاتي كوبايه ميه ساقعه حبيبي الامور دي وارد تحصل

قاسم بنفعال: وانا كام مره قلت لك بس عارفه انا هقفل اوضتي المره الجايه قبل ما امشي

اسعاد بهدوء: تمام اعمل الي انت عايز تعمله

قاسم وهو خارج من الباب قال: وضحتلك الف مره

اسعاد هزت دماغها من اسلوبه الصعب معاهم وقالت: ع طول متعصب ايه ده

قاسم لمحها بتتسحب وخارجه من الباب قال: تماااارا

تمارا بهمس: اه اتحاصرت من ابو لهب ( لفت له) نعم يا ابيه

قاسم: رايحه ع فين

تمارا: عيد ميلاد واحده صحبتي واخدت الاذن من بابا

قاسم بتحقيق: اي صاحبه

تمارا بقلق :هايدي

قاسم :مفيش لزوم خليكي في البيت

تمارا: يا ماما اتكلمي

اسعاد : في ايه يا قاسم سيبها تروح

قاسم :هايدي دي بنت مش متربيه وانا مش عايز اختي تعرفها وهي مش هتروح اي مكان ارجعي ع اوضتك ارجعي

تمارا: ابيه انا بلغت بابا وهرجع بدري

قاسم حط ايده الاتنين في وسطه: وياتري ابوكي عارف عن اخلاق صاحبتك انا قلت لاْ وده كفايه عشان كدا خليكي في البيت

تمارا بدموع : ماما من فضلك قولي حاجه

اسعاد بهدوء وسياسه: قاسم مش صح تبقي شديد كده مع اختك الصغيره وهما زمايل وهيحضروا عيد ميلادها وهبعتها مع السواق وهترجع كمان ساعتين

قاسم…..اوكيه وانا وهتحقق من الساعه وبلاش تتصوري وتنزليها ع التيك توك انا عارفك

تمارا بسعاده …..حاضر ثانكيو

قاسم ……ساعتين يا تمارا

اسعاد طبطبت ع كتفه…..خلاص هترجع بعد ساعتين

قاسم بصلها وقال….. اتمني

………………………………………..

في الحفله واقفين بياخدوه سلفي

تمارا…… متحطيش اشاره ليا

صاحبتها …….ليه بقي

تمارا ……اخويا مش بيحب كده ده انا اخدت موافقته بالعافيه

صاحبتها ……اوه اخوكي ده عايش دور مش سنه مش بيستمتع بالحياه ولا بيسيب غيره يستمتع مكلكع ومعقد

تمارا ……هو مش معقد ولا مكلكع هو متحفظ شويه هو مش بيحب الامور دي شايفها هلس ومينفعش تحصل

صاحبتها ….. وهو عشان مش بيحب كده تضحي بسعادتك عشان تسعديه

صاحبه اخري تدخلت…… خلاص طالما طلبت متعمليش اشاره عليها يبقي تنفذي

صاحبتها……..: تمام زي ما تحبي

قاسم كان رجع بعد ساعتين ولقاه العربيه بالسواق واقفه وعرف ان تمارا بعتته وطلبت منه يرجعلها كمان ساعه وده اتعفرت وراح يجيبها من الحفله بنفسه

قاسم نزل من العربيه وراح للحارس ع بوابه الفيلا وقاله يدخل ينادي تمارا ويقولها ان السواق جه ياخدها لكن هي قالت له يجيلها كمان ساعه

قاسم طلع موبيله وسالها…..انتي فين يا تمارا

تمارا وهي طالعه من البوابه ردت بكدب ……انا في السكه

نزلت الموبيل لما شافت قاسم واقف قدامها بهيئته المخيفه

تمارا بخوف ورعشه…… ابيه انا في الحقيقه انا

قاسم بصلها بغضب ومشي ركب عربيته وهي ركبت جنبه مرعوبه

تمارا بصتله بخوف….. ابيه مكنتش اعرف انك جيت بدل السواق

قاسم ماسك اعصابه…..هنتكلم بعد ما نرجع البيت

اما في البيت اسعاد رايحه جايه وعيونها ع البوابه

الجده….: ليه تمارا مرجعتش لحد دلوقت

اسعاد…..اكيد السكه زحمه

الجده بقلق……: ايوه بس اتاخرت كتير وهي عارفه لو وصلت بعد قاسم هيخلي ليلتها طين

اسعاد شافتها زعقتلها…..كل ده كنتي فين عارفه الساعه كام ده اخوكي سمحلك تروحي بصعوبه كبيره

قاسم دخل وزعق ……..وهي مستمره في استغلال الاذن وانا للاسف وثقت فيها ودلوقت عماله تلعب بينا

الجده….ايه الاسلوب الي بتتكلم بيه ده يا قاسم

قاسم…….. اسأليها يا جدتي عن الشله الي كانت معاهم ومكنش بنات بس وسطيهم شباب

تمارا ….لاْ دول زمايلي في الكليه

قاسم بغضب…….. الصيع دول زمايلك قولت لك يا ماما البت صاحبتها شمال عزمت شله ضايعه ورغم بنتك عارفه كل ده راحت معاهم العيد الميلاد

الجده…… وقف يا قاسم اختك لسه صغيره وساذجه ومش هتعمل كده تاني سامحها ومش هتكرر الي حصل تاني مش كده يا تمارا

تمار…….. ايوه

الجده …قومي اعتذري لـ اخوكي

تمارا ..انا اسفه يا ابيه

قاسم …….لو شفت صاحبتك هنا في البيت تاني او عرفت انك روحتها في بيتها هيبقي فيه معامله وحشه جدا اظن انتي عارفه طبع بيتنا مش بنسمح بالشباب يحضروا عيد ميلادك ولا بنحب الاختلاط من اصله

تمارا ………عارفه

قاسم ………يبقي ممنوش فايده تحضري التجمع الي زي ده اطلاقا كفايه تبقي معاهم في الكليه وده كفايه لكن لا هنسمحلك بالصرمحه والاحتفال معاهم مش هنسمح بكده فاهمه

الجده …هو انتي مش عارفه اسلوب اخوكي ليه تعصبيه عليكي

حليمه ………يعني ياحماتي بدل ما يغير اسلوبه تلوميها هي . هي كانت عملت ايه ومين قال ممنوع البنات والاولاد يبقوا اصحاب لو كان كده ليه دخلناها كليه مختلطه من الاول كنتم دخلتوها كليه خاصه تقوللها اقفي في البحر ومتتبليش هو ده عدل

الجده بشده……حليمه قاسم اخو تمارا وهو مش بيحب الحال المايل ابدا

حليمه…… الحمد لله اني معنديش بنت والاكان خلاه حياتها جحيم لا يطاق

الجده ……خلاص اسكتي قاسم معملش حاجه غلط ابدا هو راجل وفاهم العالم الي بره وخايف ع اخته

……………………..قصص منه محمد كاتب……………

قاعدين في جو عائلي بيتكلموا عن اشياء في حياتهم اليوميه لحد ما تلفون ناصر رن قطع عليهم الحديث وقام فتح الخط ورد

بهاء : انا دكتور بهاء امانتك عندي ورعيتها سنين طويله واعتبرتها مسؤليتي بس ان الاوان تاخد امانتك امها ماتت وبعد موتها مش مناسب تعيش معايا في نفس البيت اظن الاصول بتقول بنتك تعيش معاك لانك ولي امرها هبعتلك العنوان سلام

اما ناصر واقف و شكله اترسم عليه عنصر الصدمه

حليمه قامت تستفسر وسألته……. مين الي اتصل بيك

ناصر بصلها بصدمه………..: هاجر ماتت

الجد حط السماعه وقال…..: ايه الي حصل يا ولاد

الجده……..: بيقول هاجر ماتت

الجد بحزن: ان لله وان اليه راجعون

نعمان بسؤال…..: بس ازاي

ناصر بقهروانغعال……: هو انا يحق لي اعرف ازاي

حليمه……….: وايه الداعي انه يقولك بوفاتها

ناصر اتنهد تنهيده طويله وجاوب: بيقولي تعال خد بنتك

حليمه بغضب……. : وليه بقي ناخدها ايه علاقتك بيها

الجده……: يعني ايه , ايه علاقته بيها دي بنته

حليمه …….: اي بنت دي ياحماتي ما طول التمنتاشر سنه محدش كان فاكرها حاول حد فيكم مره يعرف عايشه فين وعامله ايه وبعدين جواز امها من الدكتور المبجل المحترم بهاء حصل لما خان ناصر وطعنه في دهره واخد بنته وكان الحب مولع للجو دلوقت افتكر انها بنت راجل غيره وفجاه حس انها لازم ترجع لحضن ابوها ليه هو الحب بقي دلوقت عابر

ناصر : ممكن نتكلم بعدين

حليمه بزعيق: لاء احنا هنتكلم في الموضوع ده قدام الكل وبقولهالكم بصريحه العباره البنت دي مش هتدخل البيت هنا وملهاش اي صله بينا ابدا

ياتري لما البنت دي تدخل البيت ايه الي هيحصل فيها

 

• يتبع الفصل التالي اضغط على (رواية متخافيش) اسم الرواية