رواية متخافيش الفصل الثامن عشر 18 - بقلم منة محمد
ج قاسم رجع بينادي بعلو حسه……ماما يا ماما سيده فين ماما
سيده…..في المطبخ
قاسم رحلها……ماما
اسعاد…..فيه ايه يابني
قاسم…….عايز اتكلم معاكي تعالي اوضتي حالا
اسعاد ………فيه ايه
قاسم وهو بيقفل عليهم الباب……ادخلي الاول
اسعاد بقلق……يابني مالك
قاسم مسح ع وشه بعصبيه مفرطه…..احنا هنتفضح في البيت بسبب بنتك المصونه
اسعاد…..بعيد الشر بتقول ايه عملت ايه ما تتكلم قلبي وقع من اول ما شوفتك
قاسم……. شوفت بنتك ويونس قاعدين في كافيه مع بعض ومكنوش قاعدين وبس شوفتهم بيتعاملوا مع بعض بحريه كان بيمسح دموعها وبيلمس وشها
اسعاد….ازاي يعني مش ممكن , يمكن فهمت غلط
قاسم…. فهمت غلط ده كان زمان دلوقت مفيش مجال للشك تعرفي القطه وانتي نايمه رغم ربتيها واكلتيها لكن ممكن تغدر بيكي وتخربشك في اي وقت
اسعاد……طيب مسألتهاش اي سؤال
قاسم نزلت دموعه……اسأل انا جالي صدمه من وقاحتها بسببها خسرت حبيبتي مقدرتش اقول حرف وقفت اشرب سم الواقع( عيط بصوت) حياه مهما كانت بتقولنا وتبكي مسمعنهاش لو مره واحده وهي كانت بتقول الحقيقه مكنتش بتكدب بس احنا مصدقناهاش وكذبناها ليه لان ماضي امها واضح للسبب ده سحقناها والاسم اهلها بس بالدم وطعناها في اخلاقها وهي بريئه شريفه وتعرفي مين الي بتحرض بنتك عمتها سالي
اسعاد بذهول اكتر…..نهار اسود
قاسم……اه اسود فعلا طول الوقت بتتكلم عن اخلاق تمارا وانها محافظه ع شرفها ارتكبنا اكبر غلطه في حياتنا وظلمناه حياه ظلم كبير مش هين موتناها وهي بريئه محدش سمع توسلتها ولا رجائها ولا دموعها دبحناها بالحياه من غير رحمه ( بكا) ومازلت بتطلب الطلاق بسبب ضغط من يونس لان بنتك بتجري وري راجل متجوز زي المجنونه وطبعا مش هقف اشرحلك ازاي مسكت نفسي اني اقتلها وبالعافيه سيطرت ع غضبي ,,بسبب اختي دمرت حياه بنت بريئه ولحد امبارح مبهدل فيها وكملت عليها وهي بتعاني لوحدها بسبب انانيه بنتك وحقارتها مش عارف اعمل ايه عايز اموت نفسي
اسعاد بدموع كتير…..اهدأ يا قاسم خد الموضوع بصبر الامور دي مش بتتحل كدا
قاسم شد ع قبضه ايده ……..لو كان الامر تحت سيطرتي كنت جبت بنتك لحد هنا وانا بجرها مقدرتش اعمل حاجه محتقر نفسي
اسعاد…..يابني بلاش تتصرف ع حسب عواطفك شغل عقلك لازم ناخد خطوه بهدوء مش بعصبيه
قاسم……. الي عايزه تعمليه اعمليه حالا وبسرعه وافقي ع جوازها اما لو عايزه تنفذي رغبه بنتك جوزيها ليونس القرار ليكي لكن بلغيني بدري عشان اهاجر من البلد بسرعه
اسعاد……….. انا مش شيطانه انا ام
قاسم ……..اتعاملي ع انك مش ام لان الام بطبيعتها انانيه لما الامور بتتعلق بأولادها والاستهزاء الي وجهنا لحياه احنا دلوقت هنسمعه وهنتعاير اجيال بيه
اسعاد……كفالله الشر
قاسم…..روحي فهميها
اسعاد….ان شاء الله مفيش حاجه هتتعرف اصبر بس ونفكر ننهي الامر بينا
……………………قصص منه محمد كاتب…………
سالي بتعجب……اسعاد ليه واقفه ع البوابه
تمارا ….ماما بتعملي ايه بره ليه مش قاعده جوه
اسعاد بصتلها……كنتي فين
سالي ردت….قلتلك روحنا الجامعه كان فيه حفله واخدتها تتعرف ع البنات وانبسطت مش كدا
تمارا بأبتسامه….ايوه انبسطت كتير
سالي وهي بتتحرك من قدامهم….سيده اعمليلي عصير
تمار….طالعه اوضتي
تمارا طلعت اوضتها ومسكت الموبيل تصور نفسها وتبعتهم ليونس
اسعاد فتحت عليها الباب…..بتبعتيها لمين
تمارا ارتبكت….. لواحده صاحبتي
اسعاد…اي صاحبه
تمارا…..بتشكي فيا
اسعاد قربت وشها جدا منها وقالت….لاء اتأكدت
تمارا…..اتاكدتي من ايه
اسعا….انك واحده انانيه وكدابه
تمارا…..عملت ايه انا دلوقت
اسعاد…..لو شربتي السم المره دي ياريتك تاخدي كميه اكبر لحد ما تموتي وتروحي في ستين داهيه
تمارا…..حصل ايه لكل ده
اسعاد….انتي مش مكسوفه بتسأليني حصل ايه مفكره ايه مهما عملتي مش هعرف
تمارا…..مش فاهمه منك حاجه
اسعاد…انتي مكنتيش في الكليه روحتي تقابلي يونس وعمتك الطيبه راحت معاكي لسه الكره والحقد مالي قلبها ناحيه هاجر وبتنفخ نار الكره دي عليكي وحولتك بنزين وهتحرقي الكل وانتي غبيه مفكرها بتعمل ده عشان بتحبك
تمارا تعبيرات وشها ااختفت……. انتي عرفتي ازاي
اسعاد ………لاني كنت هناك
تمارا مسكت ايدها …….ماما بما انك شوفتي ارجوكي تفهمي انا بحب يونس كتير احنا حبينا بعض من فتره طويله واضطريت اكدب بسبب خوفي من غضب قاسم وحياه وقفت بينا بس احنا لسه بنحب بعض اوي وعايزين نتجوز وانتي امي مش كدا والام بتتفهم مشاعر بنتها وتتمنالها السعاده مش كدا يا ماما
اسعاد بصرخه…..اسكتي
تمارا ببكاء….احنا بنحب بعض وانا بحبه وهو كمان وعايزه اتجوزه يونس هو ليا لوحدي
اسعاد ضربتها بعزم قوتها بالقلم ……….وهو راجل متجوز ولو صممتي هخلص عليكي بأيدي
…………………………..قصص منه محمد كاتب…………….
واقفه تصلي وهو بيكتب ع الموبيل لعميل تلفونه رن طلع الفراند يرد
يونس بتوتر……فيه ايه
تمارا فتحت الكام……….. انا قلت لماما كل حاجه عننا يايونس
يونس بصدمه…..بتقولي ايه حكيتيلها كل حاجه
تمارا….. شافتنا مع بعض خلاص مفيش حاجه تستخبا دلوقت طلق الي عندك وتعالوا اخطبوني بسرعه لو متجوزتنيش هنا هيجوزوني لحد تاني
يونس بص ع حياه ورجعلها وقال…..تمارا لكن انا
تمارا بحده…..انت ايه كدا كدا الحقيقه كانت هتظهر سواء دلوقت ولا بعدين وجه دورك
يونس بص وراه ع حياه بسرعه لقاها بتصلي فكمل وقال…..دوري
تمارا….اه طلقها وحرر نفسك من العلاقه دي ومشي حياه بعيد عن بيتك وحياتك يونس انا بقولك قريب هتحصل مشاكل كتير في البيت ولازم تتحرك قبل ما كل ده يحصل
يونس رجع يشوف حياه ….لكن امي
تمارا…..مالها امك ماهي عارفه بكل حاجه قولها عن الوضع هنا وان ده الوقت المناسب تضرب ع الحديد لحد امتي هنفضل متعلقين كدا
يونس …..ايوه بس
تمارا بغضب……بس ايه انت ايه حكايتك مراتك طالبه منك الطلاق وانا هنا بواجهه عايلتي عشاني وعشانك وانت قاعد في ركن وعمال تتحجج وتقدم اعذار بأمك لو هتعمل مشاكل سيبها تعملها دي حياتنا ومن حقنا نقرر بنفسنا نعيشها ازاي لحد امتي هتفضل فارضه سيطرتها
يونس….تمارا من فضلك اسكتي
تمارا…..لما بيقع العمود البيت كله بينهار منهم الي بيتعور ومنهم الي بيقوم والي يموت عشان كدا سيبها تتجوز قاسم
يونس بيلف يشوف حياه ملقهاش ارتبك وبيدور عليها بعيونه
تمارا….انت روحت فين انا بكلمك
يونس….هكلمك بعدين اوكيه
يونس دخل الغرفه لقاها قاعده تكتب ع الاب توب في هدوء
يونس وشه لتحت…..الموضوع انكشف
حياه نظره استفهام…..اي موضوع
يونس….مراه خالي شافتنا مع بعض انا وبنتها
حياه بدهشه………ايه
يونس….اه كانت موجوده هناك كمان
حياه………. وبعدين
يونس ………ضغطت ع تمارا كتير لدرجه اعترفت لها بكل حاجه واننا عايزين نتجوز
حياه قفلت الجهاز وقالت……مبروك قرب معاد لم شملكم
يونس بغيظ ………ومبروك انتي كمان لانك انتي وقاسم هتقدروا تكملوا سوي
حياه قامت من مكانها……….قلت ايه سمعني
يونس…….. هخاف قلت انتي وقاسم هتبقوا قادرين تبقوا سوي دلوقت
حياه جريت عليه بعصبيه ورفعت صوباعها في وشه بتحذير……اسكت خالص تعرف تسكت مش قادره بجد اصدق اني كنت بضحي عشانكم بس عرفتني كويس فعلا ان الانطباع الاول هو الانطباع الاخير وده صح جدا لا يمكن اخلاص حد ولا تضحيته يغير جبن الشخص حتي دول مقدروش يغيروك
يونس بخوف منها…….. اوزني كلامك
حياه ……….انت الي توزن كلامك انت فاكرني زيك ابقي متجوزه من واحد واقابل واحد تاني واخطط وارسم للطلاق
يونس….حياه اتكلمي بشويه ادب
حياه …….هو انت خليت فيها ادب انا نايمه قايمه قدامك لكن قادر بس تشوف الي بتورهولك عيون تمارا
يونس…..انا بس بتكلم من اهتمامي
حياه بتشوحله وهي خارجه….قال مهتم بيا قال روح يا شيخ
…………………..قصص منه محمد كاتب………………………..
يوم جديد تحديدا ع السفره
اسعاد بعد ما حكت الحقيقه لنعمان هي وقاسم الي نفسيا ادمر ومرض حرفيا ورقد في السرير لكن قرر يصلح كل حاجه
الجد….. ياولاد طمنوني اتأثرت حفيدتي حياه بعد الميه بأي شكل من الاشكال وعقلت واستهدت بالله واستقرت في بيتها
ناصر…..بابا انا حاسس ان كل ده اتعمل ع الفاضي
الجده…مالك يا ناصر ليه كل شويه تشكك في بنتك بغض النظر عن الي حصل هتفضل بنتك
ناصر……لكن دم امها الي بيلعب دوره
نعمان بنفعال ….. هو انت متعبتش من التجريح والاهانه في سمعه بنتك
ناصر بصله بتعجب…..ايه الي جد يعني يا نعمان عشان تتعصب عليا كده
نعمان…..عشان مضايق منك ومن نفسي وعشان كدا بقولك متعبتش وانت بتتكلم بأهانه عن بنتك انت بتفضل تقول والكل بيسمع منك في منتهي الهدوء مشاكل البنات بالذات بتتحل بالصبر والهدوء لما تفصلها عن امورك الخاصه هتفهم الامور بصوره افضل
الجده….جرالكم ايه يا ولاد ليه هتتخانقوا بس
نعمان …مفيش خناق يا ماما انا قلت الي خطر ع بالي
الجد بحزم……. نعمان الي عايز تقوله قوله بوضوح
نعمان…….. عندك حق يا بابا لازم اتكلم بوضوح بابا ماما جهزوا نفسكم هنروح لبيت اختي صفاء محتاج اتكلم في موضوع مهم قدامكم ومعانا ناصر
الجده….معاك يا حبيبي عايزه اشوف صفاء
نعمان………احنا كلنا لازم نشوفها ضروري
……………..قصص منه محمد كاتب………………….
حياه بتحضر شنطها وبترصهم ع جنب يونس من كتر عصبيته شد زرار القميص وهو بيلبسه
يونس…..حياه
حياه بصتله…..نعم
يونس….اتاخرت ولازم امشي عندي اجتماع مهم ممكن تخيطيلي الزرار ولا البس قميص تاني
حياه راحت جابت ابره وخيط وقعدت جنبه وهو فضل بصصلها لحد ما اخدت بالها من نظراته عليها لحد ما خلصت
يونس……شكرا
حياه مكشره….كنت مجبره
يونس طلع ركب عربيته ومعاه حافظ
حافظ بغيظ منه……..مش مفهمك من امبارح لازم نوصل ع المعاد المحدد
يونس…..ان شاء الله نلحق يا بابا
اثناء كلامهم يونس وصله صوت مسدج فكره من حياه فضل يفتش حواليه وفي جيوبه لحد ما الموبيل وقع منه في الدواسه ونازل يجيبه
حافظ شخط فيه…..مالك بص قدامك وانا هجبهولك ( حافظ شاف المسدج
يونس برتباك…هات التلفون
حافظ وشه اتغير…..هي تمارا ليه بتبعتلك رسايل
يونس اتلجلج وقال…..دي تمارا زميله يعني تمارا واحده تانيه خالص
حافظ….واضح انها مش تمارا بنت نعمان ماهي متقدرش تبعتلك رساله زي دي بس ليه زميلتك تبعتلك قلب وبوسه
يونس …..بابا انت فهمت غلط مفيش حاجه
حافظ…..واحنا الي بقينا عدوانين لحياه من غير سبب طيب انا سيئ ومش محترم ووقح لكن طول عمري زوج مخلص اقول ايه فيك في حالتك مش عارف
استوب واكمل باقي البارت واكشف الحقيقه للكل ونعيش الاحداث الي بجد بقي الي جاي حماده تاني ونربي ابننا يونس يبقي شجاع ونأدب تمارا ونربيها من اول وجديد ونعااقبها هي وسالي والكل كليله ونتفرج ونشمت ونفرح يله
- يتبع الفصل التالي اضغط على (رواية متخافيش) اسم الرواية