رواية متخافيش الفصل السابع عشر 17 - بقلم منة محمد

  

 رواية متخافيش الفصل السابع عشر 17 -  بقلم منة محمد 

 حياه حست ان قلبها هيقف من كتر الاهانه ويونس شاف قهرتها وراح وري خاله يسمعه هو كمان كلمتين كانت حياه للاسف دخلت اوضه جدتها ورمت نفسها ع السرير وبعدها انفجرت بنوبة بكاء كانت بتبكي بصوت عالي تسمعه الدنيا وهو كان معدي بالصدفه من جنب الاوضه سمعها زق الباب ودخل ينهي الي فاضل فيها وهي فتحت عينها على وسعها وبصتله بنظرات جامده وسيباه وماشيه

قاسم مسك دراعها……ممكن اعرف ليه بتعيطي

حياه فلتت منه وقالت بصوت مخنوق……مفيش حاجه

قاسم…..لما مفيش ليه بتنزلي دموعك عشان تاخدي التعاطف وتصعبي عليا انتي ليه انانيه للدرجه دي الي مبيبقاش قادر يشوف حد قدامه لا علاقتهم ولا حبههم ولا احترامهم ولا كرامتهم مش بيشوف اي حاجه ابدا غير نفسه وبس

حياه بصتله….. انت عايز تقول ايه

قاسم…..اني مقدرتش اتعرف عليكي وقدرتي تخدعي عنيا انا ازاي غلطت افهم واحده زيك فكرتك محترمه بتحافظ ع احترام العلاقات لكن انتي خونتي ولا اهتميتي

حياه صرخت فيه……اخرس خالص مين انت عشان تقول وجهه نظرك فيا

قاسم…..انتي وباء من اول ما جيتي البيت عملتي حاله فوضه حاصرتي راجلين سوي مين الراجل الثالث الي روحتي وراه

حياه……قبل ما تقولي اي كلمه بص لنفسك انا بسببك بعيش في عذاب ودلوقت واقف تتهمني في شرفي مين انت

قاسم شدها عليه بكل قسوه….انتي ازاي تتكلمي معايا كدا

حياه ضغطت ع اسنانها بحده……ده الي كنا المفروض يحصل من اول يوم حطيت رجلي هنا مش معاك انت وبس مع الكل الي بيلسنوا ع اخلاقي واخلاق امي الميته في كل لحظه بيبقي الود ودي اقتلكم كلكم

قاسم صرخ فيها…..انتي ازاي تعلي صوتك وتقلي ادبك ع عايلتي

حياه……مهما كنت ولا فين ماكنت حصلي بفضلك وبفضل اختك المحترمه

قاسم……متنطقيش اسم اختي سامعه

حياه ضربته ع صدره ……..وجعك اوي لما اتذكر اسم اختك

قاسم مسك ايدها وشد عليها بكل قوته كأنه محتاج يفرغ فيها شحنه الغضب اللي احتلته وقال ……….. لو نطقتي اسم تمارا تاني

حياه ………….وريني هتعمل ايه وسيب دراعي

حليمه دخلت وقفت دقايق وهي بتحاول تستوعب اللي شيفاه ……بيحصل ايه هنا ( وبعدها بصرخه مرعبه.* ……. الحقي يا اسعاد تعالي شوفي بسرعه بعنيكي

اسعاد دخلت مهروله….في ايه

حليمه……فيه ايه مش قلتلك البت دي متقدرش تاخد خطوه كبيره من غير دعم حد وراها

يونس دخل بهدوء…..بيحصل ايه هنا ( لحياه) انتي كويسه

حياه هزت له دماغها بـ لاء وهي منهاره من العياط كان كلامهم بمثايه سكاكين اتغرست ورشقت بقلبها كرهت نفسها وكرهت حياتها كلها

حليمه بعصبيه…..المفترض تسال مراتك كانت بتعمل ايه مع قاسم

قاسم ………مراه عمي انتي فاهمه غلط

حليمه حطت ايدها في وسطها…….نعم غلط شوفتها بعيني كانت في حضنك

سالي ………….شوفتي قولت لك يا اسعاد اهي اتمسكوا بالدليل

قاسم بذهول ……….دليل ايه بتقولي ايه مش متخيل حتي افكر فيها

حليمه …….شوفت بنفسي والبت القذره دي الي مش بتتكسف وهي في اوضه حماتي وبتعمل علاقه استغفر الله العظيم

يونس صرخ………. اسكتي يامراه خالي اسكتي مش هسمح لحد فيكم يقول كلمه واحده ع حياه

حليمه …………وليه بقي بقول الي شوفته

سالي بنظرات احتقار لحياه …….كان عندي شك فيهم

قاسم شد شعره بغيظ منهم …..والله كلكم مجانين

يونس بنظره تهديد ووعيد……مراه خالي خالتي سالي كفايه ولا كلمه تانيه ضد حياه سامعين لاني عارف ان حياه مش كدا

سالي بتهكم…..لاء والله البنت الي مش حاسه برضا ناحيه جوزها بنسميها ست اخلاقها منعدمه

قاسم صرخ فيهم……وانا بقولكم سواء كويسه ولا لاء ملهاش مكان في حياتي وعشان كدا بلاش تريطوا اسمها جنب اسمي ده هعتبره عدم احترام لنفسي

يونس شده من ياقته بغضب……. ايه الكلام الفارغ الي بتقوله ع مراتي

قاسم سحب ايده بشده وقاله ……..ده مش كلام فارغ دي الحقيقه كنت متعاطف معاك كتير بس تصدق تستاهل تذلك وتقل منك انا فرحان فيك ورجعنا تاني اعداء نظر للي عملته

يونس مسك ايد حياه تحت نظرات تمارا الغاضبه وخارج

حليمه ……….اه اهرب لم فضحتك وارجع ع البيت

يونس رجعلها وبصوت عالي من قوته هز جدران البيت…… وقفي لان انتي بتغلطي كتير

اسعاد وهي تكتم غيظها …..يعني ايه بتغلط كتير انت بنفسك شوفت وقاحتها بعينك وبتعمل نفسك مشفتش

يونس……احيانا كتير بنشوف عكس الي احنا شوفناه

حليمه……انا زهقت من الحقيقه الغير مرئيه ولوجهه الله مفيش داعي تجيبها هنا وتعمل فضايح في حياتنا

يونس بصلهم نظرات ناريه واخد حياه ومشي بيها تحت نظرات تمارا المصدومه

صفاء لمحتهم ……يونس استني حصل ايه انت واخدها ورايح ع فين وهي ليه بتعيط حصل ايه حد قالها حاجه

يونس بصلها بعتاب كبير….الي حصل معاها انتي السبب فيه اظن قلت لك منجبهاش هنا

حياه ملامحها والدموع اللي مغرقه كل وشها اكدت لصفاء ان الي مرت بيه واقع مدمر مرير

صفاء………. حصل ايه يا حياه فهميني مين زعلك

حياه بصوت يقطع القلب وتشهق من كتر البكاء……قاسم

صفاء ضربت يونس نظره الي اخد حياه معاه ومشي من البيت كله!!!! وطبعا مش هقولكم حاله تمارا ونظراتها الي بتبص لصفاء

…………………………

في غرفه تمارا الي واقفه متغاظه بتعاطف يونس وانه واقف يدافع عن حياه بشكل مستميت

سالي دخلت قعدت وقالت…… شوفتي بطلك ابصم بالعشره ان حياه دخلت قلبه

تمارا…….عمتو انتي بتقولي ايه

سالي……بقول الحقيقه لازم ادخل واعمل حاجه منا مقدرش اشوفك مقهوره كدا العصبيه والغضب مش هيفيدوكي في الوضع ده

تمارا……. قوليلي اعمل ايه مشفتيش يونس من شويه ازاي دافع عن حياه

سالي…..شوفت وحياه ضربت عصفورين بسهم واحد

تمارا ضمت حواجبها…..يعني ايه مش فاهمه

سالي…..الي اقصده طلبت الطلاق بنفسها وهي واقفه هنا في نظره ضحيه ويونس قلبه طيب وحساس واحساسه ان الي بتعمله حياه بتضحي عشان تسعده والشعور ده لازم نموته فيه

تمارا ………ازاي

سالي سحبتها من ايدها…….تعالي جنبي بس واقعدي خاليه يحس ان الخطوه الي اخدتها حياه مش عشانه ده عشان ترجع علاقتها القديمه مع قاسم وخليه يصدق كلامك انها لسه بتحب قاسم وعشان كدا هتطلق منه

تمارا ……….ماهو يونس عارف مني ان قاسم كان بيحبها وعايزها

سالي ……..اقلبي الايه انها كمان كانت بتحبه وافضلي زني لحد ما يصدق ويقتنع انها الحقيقه وانها ميته في دبديب قاسم وبتضحك عليه هو وبتستغل طيبته بلغي يونس بكل ده وقتها هيقف ضدها ويطلقها وهيكون طريقك اسهل

تمارا ……لكن ليه اقلبه ضدها وهي طالبه الطلاق

سالي ………لازم تعملي كده لان حاسه ان يونس مشدود ناحيه حياه

تمارا بصعقه………ايه

سالي……… ايوه ده حسيته وشكله غير النيه وقبل ما يتعلق بيها احنا نوقف عواطفه بقصه حب حياه وقاسم لازم ندمر علاقه يونس بيها لو ملحقناش مش هتقف وهما عايشين مع بعض لازم نبعدهم باقصي سرعه والحيله الي بتلعب بيها حياه لايمكن تنتصر فيها نرمي عليها الطوب لحد ما نموتها فهمتي كلامي

تمارا هزت دماغها ومسكت الموبيل بعد خروج سالي تتصل بيه مش بيرد عليها حدفت الموبيل بغل وقالت….. ان شالله تروح في ستين داهيه تاخدها

……………….قصص منه محمد كاتب…………

حياه منكمشه ع نفسها في زاويا وبكائها يعلي ويزيد ويقطع القلب ويونس بيحاول يهديها

صفاء شدته ليها بغل……….مفكر ايه تعاطفك ممكن يخفف وجعها انت كمان طلعت جبان انا معرفكش فيه حد لعدم رد فعلك البنت اتهانت قدامك وخاضوا في شرفها وانت وقفت ساكت جنسك ايه فهمني وقفت جبان لدرجه مقدرتش تحمي ست

يونس…..يعني هما يغلطوا وانا الي اتهزق

صفاء صرخت عليه……عشان لما نهشوا في عرض حياه وطردوها كنت هنا لازم تقول الحقيقه وتتكلم بس كالعاده وقفت جبان طبعا لو قلت الحقيقه الكل هيطردك انت بدل حياه وانت الي وصلتني احسم الوضع واقولهم الحقيقه والي يحصل يحصل لو مش قادر تعتبرها مراتك متعتبرهاش بس ع الاقل كنت كسرت وش قاسم عشان يحرم يقول كلمه عنها لكن لاْ ازاي تعمل كدا انت متقدرش لانك محتاج ست تتخبي وراها قلبي غضبان عليك يا يونس منك لله

يونس ركع قدامها بلمعه دموع …….حياه متعيطيش

حياه بصوت ضاع من كتر البكاء ……….من فضلك طلقني انا عايزه امشي

يونس……… لاْ يا حياه لاْ

حياه بعياط اشد …… ارحمني مش قادره اتحمل اكتر من كدا ابوس ايدك طلقني

يونس سحب ايده منها……حياه بتعملي ايه

حياه.شهقت كذا مره من كتر البكاء …..والله العظيم ما قادره اتحمل ولا اسمع كلمه تانيه عن امي

يونس مسك وشها بين ايديه وعيونه بتحدف في دموع عليها …..حياه من فضلك متعيطيش هتمرضي

حياه…..وانا لو فضلت هنا هتعب واموت والله لموت يا يونس اتوسل اليك حررني من ده كله وطلقني

…………………..قصص منه محمد كاتب……………………….

قاسم بغضب اسود…….ايه الي عملته ده

اسعاد……. انا الي المفروض اسألك ايه الي عملته معاها ده

قاسم…… ازاي عمتي تتكلم عني وعن اخلاقي بالشكل ده مفكرتش قبل ما تربط اسمي باسم حياه هي متعرفنيش هو انا رخيص اوي كدا في نظرها

اسعاد……مش كدا محدش عايزك تقع في بير

قاسم……يعني ايه

اسعاد ……..الكل مفكرين ان انت وحياه لسه سوي

قاسم بنفاذ صبر………..انتي بتتكلمي بجد ازاي تفكروا بالطريقه دي انا بحب احترم نفسي مقدرش اخسرها عشان حياه ولو كنت معاها كنت هقول ع فكره انا معنديش اي مشاعر ناحيه البت دي وانتي عارفه كدا والي حصل الليله اتحملته لكن قسم بالله لو حصل مره تانيه مش هعمل حساب لحد وهسيب كل حاجه لوسمحتي سبيني لوحدي اتفضلي

……………………………………..

في غرفه حياه الي بتجهز لانها خلاص قررت تسيب كل حاجه وتبعد

صفاء دخلت……حياه

حياه بصتلها وبرغم الابتسامه اللي راسمتها على شفايفها لكن اثار الدموع مازالت واضحه بعيونها……عمتي اتفضلي

صفاء……مطلعتيش من الاوضه من الصبح

حياه…….ماليش مزاج اطلع بتبصيلي ليه كدا

صفاء….. كنت بفكر في الي حصل امبارح

حياه بصدمه وعلامات الاستفهام علي وشها……انتي بتشكي فيا زيهم

صفاء ……لاء طبعا انا مستحيل اشك فيكي اصلا انتي مؤدبه جدا زي امك بالظبط

حياه ضمتها………وانتي الانسانه الوحيده في العالم الي قادره اشوف حبها ليا بعد ما امشي من هنا هيوحشني حضنك

صفاء خرجتها وبصتلها…… يبقي متركبيش دماغك وتسبيني وتمشي

حياه اتنهدت…..مش عايزه امشي لكن لازم امشي حسب الوضع

صفاء ………تقدري تغيري الوضع لصالحك انتي

حياه ابتسمت…..ده صعب جدا

صفاء ……….والقرار الي اخدتيه صعب اكتر انتي لسه صغيره ومتعرفيش يعني ايه ست مطلقه

حياه رفعت كتافها لفوق وقالت…….جايزكلامك صح لكن فيه الي هيبقي سعيد بالقرار ده وعشان كدا مستعده اتحمل كل حاجه

صفاء……. وانتي مش هتعاني بسبب القرار ده

حياه ……..مش مهم هسيب الي يحصل يحصل قررت احارب عشان نفسي عايزه اقف ع رجلي عشان محدش يدوس عليا

صفاء………… انا معاكي

حياه …….كنت عارفه انك مستحيل تسبيني انتي جيشي وانا هاخد اول خطوه مهمه وبعد ساعه رايحه اعمل مقايله لشغل ادعيلي اتوفق

صفاء طبطبت ع ايدها برحمه وقالت…..انا مبسوطه عشانك لانك بتحاولي تخلي نفسك جامده هطلب من السواق ياخدك يوصلك البسي

حياه ضمتها ………شكرا يا عمتي

صفاء طلعت للسواق الي قالها ان العربيه اتعطلت ووداها تتصلح عند الميكانيكي

حياه…… خلاص يا عمتي هروح بتاكسي

يونس راح عليهم وهو لابس رايح شغله وسألهم بهتمام…..حصل ايه

صفاء لفت وشها عنه وقالت…ولا حاجه امشي انت

يونس…..ماما من فضلك

حياه بهدوء….طلبوني عشان اشتغل في شركه بس العربيه اتعطلت

يونس……طيب تعالي معايا اوصلك

صفاء كشرت…مفيش لزوم هطلب لها تاكسي روح انت شوف شغلك

يونس بقهر…..ماما متخلنيش احتقر نفسي اكتر يله يا حياه

حياه طبطبت ع ايد صفاء وهي مبتسمه وركبت مع يونس

حياه بصتله…..معرفش هاخدها ولا لاء

يونس بصلها ………..هي ايه

حياه نفخت بملل……. بقول معرفش هشتغل ولا لاء

يونس ضحك……هتشتغلي

حياه ……….ازاي عرفت ده

يونس……. لو كنت انا كنت عينتك فورا ومكنتش اطردك ابدا

حياه بقهر……. انت طردتني من حياتك ليه بقي هتشغلني

يونس وشه اتغير وكشر جدا

حياه حطت ايدها ع بؤها وقالت…… اسفه مش بشتكي معرفش ليه قلت كدا شكلي خرفت

يونس………. مفيش حاجه تقدري تشتكي وبراحتك

حياه……… لاء مليش الحق اقف هنا ومعرفش هغيب اد ايه هتصل بيك لو تقدر ترجعلي

يونس….انا هستناكي هنا اروح الشركه وارجع هيكون مرهق جدا عليا

حياه ………اوكيه

يونس رجع دماغه لوري وغمض عنيه وفضل يفكر معقول هيسيبها كدا تمشي وتختفي لازم يتحرك بس ازاي وهي بتصد فيه غير تمارا الي عشمها بالجواز لحد ما حس بيها

حياه بفرحه كبيره…….اخدتها

يونس بصلها بعدم فهم…..اخدتي ايه

حياه…..الوظيفه اخدتها

يونس ……..بجد مبروك

حياه ………..متشكره

يونس ……… ما تيجي نتغداه سوي

حياه ………مش جعانه انا عايزه اروح افرح عمتي اني استلمت جواب التعين

يونس بدهشه ………معقول اتعيتني في نفس اليوم

حياه …….اه حتي شوف

يونس قرء الجواب ….انتي هتشتغلي مع الراجل ده

حياه بسعاده………..هممم

يونس ………هتشتغلي ايه

حياه ……..سكرتيره لمكتبه

يونس ……..هتكوني سكرتيره للراجل ده

حياه ………ايوه ليه

يونس ضرب فرامل ورماه الجواب ……….انسي مش هتشتغلي عند الراجل ده

حياه ………الله ليه تمنعني وبعدين انا ماصدقت القي الشغل ده

يونس انفعل……تغور في ستين داهيه وانا بقول ازاي قبل بنت معاها ثانويه عامه تتقبل سكرتيره لشركه كبيره وتتعين في يوم واحد

حياه ……….انت بتسهين بيا

يونس….. انا مش بستهين بيكي انا بقولك الصراحه تشتغلي ايه سكرتيره شخصيه

حياه……… معلش منا مينفعش اشتغل المديره انا حيالله ثانويه عامه ع رايك

يونس …….حياه كملي الاول كليتك وبعدها هيقبلوكي مديره تنفيذ والراجل ده قبلك عشان انتي بس جميله

حياه ………. انت بتخوفني

يونس…… انا مش بخوفك ده راجل قذر بتاع ستات وكل يوم مع بنت شكل وخصوصا الحلوين

حياه …….انا كان عندي شك وقت المقابله معاه

يونس ……شوفتي ده الي بحاول اخليكي تفهميه وانتي مش عايزه تفهمي

حياه ……… اسلوبك قليل الذوق وزفت الصراحه

يونس………. ماهو انتي برميل غباء والله

حياه …….. طيب القي فين شغل تاني

يونس ……..ازاي اخليكي تصدقيني انا مش هسيبك هوفرلك بيت عربيه فلوس كل الي محتجاله دي مسؤليتي عشان حياه كريمه بس انتي مش واثقه في كلامي بالمناسبه

قطع حديثهم رن موبيله وهو ارتبك وبصلها وهو بيفتح الخط ….نعم يا تمارا …قولي.

حياه بصتله بذدراء ورجعت دماغها لوري وهو اخد باله

يونس قال…. تمام هتصل بيكي بعد شويه

……………….قصص منه محمد كاتب…………………..

في الكافيه

يونس بصلها….ها قولي ليه كنتي قلقانه كدا في المكالمه

تمارا…….فيه حاجه رآي لازم تعرفها

يونس……قولي

تمارا…..انت حاسس بالذنب طول الوقت ومش قادره استحمل اشوفك كدا يا يونس

يونس …..في ايه يا تمارا اتكلمي

تمارا……انت مفكر ان حياه بتعاني بسببنا وصورتها بتضرر بسبب طلبها للطلاق

يونس….مش هي دي الحقيقه

تمارا……لاء

يونس…….امال

تمارا……الحقيقه ان حياه بتحب قاسم زي ما هو بيحبها

يوتس……. وقفي وبلاش تسمعيني كفايه شككوا في اخلاقها بسببنا

تمارا…….مش بسببنا الكل عارفين انهم بيحبوا بعض قاسم كان مضايق منها بعد الي حصل اما دلوقت اتغير بعد ما اعترفت له بحبها عشان كدا طلبت الطلاق واضح انه عطته امل لو كانت مهتمه بيك مكنتش طلبت الطلاق يعني قرارها لا عشانك ولا عشان سعادتك

يونس…..لاْ لاْ انتي غلطانه مفيش حاجه له في قلبه لحياه

تمارا والدموع خانقتها …..وانت ازاي عرفت بالي في قلبه

يونس…..كل الكلام الي قاله امبارح قاسم قدامكم مسمعتهوش

تمارا……..ده عشان محدش يشك فيهم دي الحقيقه هي بتعمل كل حاجه عشان سعادتها مع قاسم فكر شويه مع نفسك عمو ناصر مش عايزها وجوز امها طردتها يبقي ع اي اساس اخدت القرار وقاسم اليومين دول هيطير في الهواء يونس دي بتعمل كل ده عشان نفسها من فضلك خرج شعورك بالذنب والاحسن تطلقها عشان تبدء حربها الجديده وتاخد قاسم تعرف يوم ما اتجوزته انت وهي كان قاسم بيخطبها لو مش مصدقني اسأل جدو وجدتي ولما اتجوزته الامور سكتت ومحدش فتح السيره تاني لكن لسه كلهم فاكرين ده ماشفتش ازاي مراه عمي حليمه مسكتهم مع بعض

يونس الشك بدء يهاجمه من توتر تمارا الواضح واتكلم …..شوفي يا تمارا حياه ممكن كانت معجبه بقاسم لكن مكنتش بتحبه وفيه فرق كبير في المعني

تمارا…….. ليه مش مصدقني

يونس ……..عشان مؤمن بالمثل تعرف فلان اه عشرته لاْ يبقي متعرفوش ( بيلم حاجته من ع التربيزه) وانا عشت معاها وعرفتها كويس

تمارا والدموع تملا عيونها ……حصل ايه

يونس….لازم امشي

تمارا مسكت دراعه…….فيه حاجه كمان لازم اقولهالك

يونس قعد وهو ملاحظ توترها وترددها ……قولي

تمارا ………انت بتحبها

يونس ……..مين قالك كدا

تمارا……امال ازاي واثق فيها بشكل اعمي

يونس…..شوفي الحب حاجه والثقه حاجه تانيه مش عشان عايزك في حياتي انتهك اخلاق واحده تانيه وانتي روحتي لبعيد بخيالك لدرجه رخصتي نفسك اوي متعمليش كدا لما تفكري توقعي واحده مسير هيحصل نفس الشئ معاكي

تمارا دموعها بدئت تنزل

يونس بيجاهد يتصنع الابتسامه بالعافيه ….. اهدي لو مكتوب نكون سوي هنكون تمارا هي انسانه مش حجر ممكن ندمره ونكمل من فضلك متعيطيش انا مسلمتش ولسه بحارب تمارا ( مسح دموعها) وقفي عياط شوفي انا لسه قاعد معاكي

سالي دخلت ……..حصل ايه ليه خليت بنت اخويا تعيط

تمارا ببكاء…………عشان مش مصدقني مفكرني بفتري ع حياه

سالي بغرور ………وليه تفتري ع واحده مش محترمه ما يروح يسالها بنفسه

يونس قام وقف قبل ما ينهار عليها ….. هسألها بس متتكلميش عليها كدا

سالي…..وانت ليه محموق عليها كده

يونس بنبره حاده صارمه….عشان مشفتش عليها حاجه وحشه

تمارا تابعته وهو ماشي وعيطت اكتر…..الكدبه جات من غير فايده

سالي …….هنكبر بذره الشك عنده ماهو مش هيظهر انه شك قدامنا انا عارفه اكيد جواه بركان وهيواجهها بنفسه ويرجع يقولك انك صح اصبري

لكن ميعرفوش ان فيه شخص كان قريب منهم وواقف سامع كل كلامهم وعرف الحقيقه

……………..قصص منه محمد كاتب…………………

يونس دخل ع اخره وحدف الساعه والموبيل وقعد ع السرير وخلع الجزمه وحدفها بعيد

حياه دخلت ……..رجعت امتي

يونس نظراته لقدام ……. من شويه

حياه ……..تاكل

يونس ………..لاء

حياه اخدت الجزمه عدلتها وحطتها في مكانها وفضلت تعبي هدومها الي فاضله

يونس وقف وراها……..هو انا ممكن اسالك سؤال

حياه وهي بتلف في الغرفه ………اه اتفضل

يونس………. لما تطلقي هتتجوزي مره تانيه

حياه بصتله……وليه بتسالني السؤال ده

يونس ……… انتي عايزه تفهميني ان دي الاجابه تمام لو مش عايزه تجاوبي براحتك مفيش مشكله

حياه……… لاء ليه اه لو قابلني شخص مخلص اه هتجوز تاني ليه عايز ايه متجوزش تاني واعيش حياتي كلها وحيده واحتفظ بحزنك في قلبي ع فراقك مثلا

يونس………. وليه اعوز كدا طيب سبق وحبيتي حد

حياه ……..وليه اقولك

يونس ……..عشان عايز اعرف

حياه ………..انت بتسال ده لانك قابلت تمارا لسه حالا

يونس………….. لا مش كدا

حياه ………..هو كده شوفت الغضب امبارح في عينها اكيد قالت لك حاجه

يونس وشه متعصب جدا ……… تمام لو فيه حاجه زي كدا عرفيني

حياه ….اولا مش من حقك تسالني السؤال ده

يونس……… ليه مش من حقي انتي اتجوزتيني

حياه….وخلاص هنطلق وهنخلص من بعض

يونس…..لحد دلوقت لسه

حياه…. انا لميت حاجاتي

يونس……… انتي ليه مستعجله كدا

حياه …….مستعجله ع ايه بالظبط

يونس ……..انك تتخلصي مني

حياه ………وليه استني

يونس ……تستني ايه

حياه ………اتخلص منك

يونس……. لو عايزه ترجعي لحبيبك ممكن تصارحيني وصدقيني هريحك

حياه بصتله بهدوء…….ياريت انت وهي ترفعوا عبئ حبكم عن كتافي وجعتني ركزوا ع مستقبلكم سوي اما انا سواء الماضي ولا الحاضر ده يخصني عشان كدا سيبه عليا من فضلك

استوب رايكم رايكم واكمل ونعرف مين الي كشف الحقيقه وهيحصل ايه

يونس قرر يعرف حياه بتحبه ولا فعلا هو مش في دماغها وهيفضل يلف ويدور حواليها لكن هي بغبائه هتفكر عشان كلام تمارا عن حبها لقاسم ابننا يونس برطمان غباء

 

• يتبع الفصل التالي اضغط على (رواية متخافيش) اسم الرواية