رواية متخافيش الفصل السادس عشر 16 - بقلم منة محمد
صفاء……حافظ ماما عزمنا بكره ع بيت اهلنا جاين زياره فانت لازم تيجي تسلم وتقعد مع الرجاله
حافظ وهو بيهز دماغه……اممممم
حياه ……عمتي قهوتك عمي قهوتك
حاافظ ……طفا التلفزيون وسابها وقام وحياه وشها اتغير للحزن
صفاء….حافظ زعلان اوي بسبب قرارك زعلتي منك ناس كتير عشان تسعدي شخص تاني
حياه…..انا زعلت ناس كتير ومنهم نفسي
يونس كان داخل وسمع حوارهم ووجعت قلبه حياه بصتله كتير وهي خارجه وكملت وهو فضل متابعها وهي بتختفي من قدامه
يونس بكسره……ماما لحد امتي هنزود مده عذابها
صفاء…..ممكن اعرف هي تمارا احسن منها منا مش عايزه اخدك بايدي للمأذون لكن لما ببص ع حياه بتأكد ان فيه بنات كتير مظاليم وحياه منهم و ده للاسف قدرها
يونس بصلها بحزن ودخل عند حياه لقاها قاعده بتدور عن شغل في الاب توب بصلها كتير وقعد قدامها ع الكرسي لحد ما سمع صوت رساله قام اخد الموبيل لقاها من تمارا
الرساله مكتوبه= يونس انت فين بعتلك اكتر من رساله وانت لحد دلوقت مقرئتهاش ومش بترد او بتعمل رد فعل في ايه
يونس حط الموبيل ورجع قعد في مكانه يبص لحياه الي سمعت صوت فويس تاني
الرساله= يونس لو كنت هتفضل متجاهلني هفضل وراك مش هسيبك ع الاقل قولي هطلقها امتي ,امتي هتخلص من حياه ولا قلت لعمتي واتعصبت كالعاده عليك
حياه بصتله لما شافت عيونه ع الموبيل وقالت له…..لو امر مهم ممكن تتصل وانا هطلع بره
يونس….لاْ رساله مش مهمه خليكي قاعده
حياه…..انت امتي هطلقني عايزه اعرف رحلتنا مع بعض هتخلص امتي عشان تقدر تفكر في مستقبلك
يونس بصلها ورفض يرد عليها كانه بيفكر في حاجه
حياه بصتله بتعجب…..ع فكره انا بكلمك انت بتفكر في ايه
يونس…..بفكر رغم اتكلمنا في الموضوع المؤلم ده اكتر من مره بس ليه بحس بنفس الالم والوجع كاننا بنتكلم فيه لـ اول مره الاحساس ده حصل معاكي يا حياه
حياه……لاْ لما الانسان بيبقي عارف انه داخل امتحان صعب بيكون مجهز نفسه ذهنيا بس انت مجاوبتش ع سؤالي لسه
يونس….عشان معنديش اجابه حاليا لما يجي وقته هنشوف
حياه بعصبيه خفيفه….هو ايه ده تقدر تقرر زي ما تحب ولا عايزني انزل اقعد في الشوارع انا كمان محتاجه ارتب اموري هعمل ايه
يونس ….حياه ( قام قعد قدامها) مفكره هسيبك في الشارع انتي مش واثقه فيا
حياه ……….مكنتش قصدي كدا
يونس…..سيبك مني طيب ماما هل هتسيبك في الشارع سيبك من ماما معقول بابا الي بيقولك بنتي معتقده يعمل كدا اظن عرفتينا كويس معقول تفكيرك فينا كدا
حياه….لاْ مش بفكر فيهم هما بالطريقه دي
يونس اتقهر انها شيفاه انه ممكن يسيبها في الشارع وده حزنه جدا
………………………………
في الكافيه
قاعده تاكل الايس كريم بالمعلقه وهو في حته تانيه خالص
تمارا بصتله……ها قرت ايه
يونس كان بيفكر وبيقارن شخصيه حياه العاقله المضحيه الصبوره الي بتفكر في سعاده غيرها قبل نفسها وبين شخصيه تمارا المتسرعه الانانيه الي بتفكر بس في نفسها
تمارا حركت ايدها قدامه…….يونس
يونس انتبه……ها
تمارا……انا بتكلم معاك قررت ايه
يونس……..عن ايه
تمارا بتعجب……طلاق حياه امتي هطلقها وبعدين ليه امبارح رفضت ترد عليا بعتلك اكتر من مسدج في ايه مالك
يونس…….انا مزعوج
تمارا….طبعا ده من يوم ما اتجوزت حياه وانا بقولك ان جاتلك الفرصه تتخلص منها لكن معرفش انت مستني ايه زمان كانت عمتي هي الي بتضغط عليك تكمل بس دلوقت حياه نفسها الي طلبت بنفسها الطلاق وانا مش فاهمه ليه مأخر الموضوع
يونس…….انا كنت هنفذ بس ماما طلبت مني استني شويه
تمارا…….تقصد ايه
يونس……يعني ماما طلبت ائجل شويه لحد امتي معرفش
تمارا……لحد امتي هتفضل ابن امك
يونس…..دايما لحد ما اموت حتي يوم القيامه هتنادي بأسمها ولو عندك اي مشكله في ده قدامك القرار تقدري تنسحبي
تمارا…….ماتقولها صريحه انك عايز تتخلص مني
يونس بضيق…..لو كنتي مكاني كنتي فهمتي
تمارا……انت كمان مش في مكاني لو كنت ,,كنت هتفهم لو جه حد اتقدم لي تاني الموضوع مش هيطول ويجوزوني لكن انت دايما تقولي امي امي وانا اغور في داهيه
يونس…… حاولي تفهمي الوقت هيصلح كل حاجه
تمارا……. الله اعلم امتي هيكون ده
اثناء كلامهم تلفون يونس رن بأسم حياه ويونس بصلها وقالها…..انا لازم امشي عندي اجتماع مهم
تمارا…..مفيش داعي تقدم اعذار انا الغبيه الي مجنونه بيك وبتحمل اخاطر بنفسي عشان اقابلك فعلا صدق الي قال الراجل بيقع في الحب لكن الست بتغذيه( قامت مشت )
………………….قصص منه محمد كاتب………….
في المطيخ لبيت العايله
اسعاد…..سيده افرمي الخضره بعد ما تخلصي الي في ايدك
سالي دخلت…..سيده اعمليلي فنجان قهوه وسيبي الي في ايدك دلوقت
سيده….حاضر
سالي……بتعملي ايه يا اسعاد عندنا عزومه
اسعاد بأبتسامه…..لاْ ده قاسم نفسه ياكل كفته بيحبها
سالي بخبث……انتي بتهتمي بطلبات قاسم اتاكدي انه مش بيلعب من وراكي
اسعاد…..قصدك ايه
سالي…..قصدي حياه اعلنت قرارها بقلب جامد تطلق من يونس
اسعاد بحده…..ومال قاسم بقرارها
سالي…..بقول افرضي ظهرت شعله بينهم مره تانيه
اسعاد…سالي اسكتي وبحذرك تربطي اسم حياه بابني انا سألته ومش مهتم بيها ابدا
سالي رفعت حاجب……بجد! وفعلا صدقتي
حليمه دخلت…….سالي انت صح مش غلط
اسعاد بغيظ…..حتي انتي كمان
حليمه…..الحقيقه قدامك ان البنت دي حد مقويها وبدئت تزهق من جوزها وطلبت منه الطلاق رغم ناصر وكلهم قالولها ملهاش مكان في الييت الا انها متمسكه بقرارها وهي ملهاش حد هتروح فين اكيد حد مجمد قلبها
اسعاد…..بس مش قاسم
حليمه ……..وجايز يطلع هو
سالي………. انتي خدي بالك الي زيها تتجوز مره تانيه في لحظه والي زينا يقعدوا يتفرجوا
حليمه ……..حذري يا اسعاد قاسم الف بنت تتمناه ليه نسلمه لبنت زي حياه انتي امه تقدري تقومي بالازم سيده اعمليلي شاي
سيده ……..حاضر
…………………..قصص منه محمد كاتب………..
حياه وهي بتلبس يونس عيونه حرفيا عليها لحد ما صرخت بصوت مكتوب
يونس جري عليها مذعور……ايه الي حصل
حياه مكشره……ولا حاجه
يونس مسك ايدها….ازاي ولا حاجه ايدك بتنزف
حياه شدت ايدها منه بعنف……سيبها
يونس مسكها تاني …….ازاي اسيبها احطلك مرهم يلم الجرح
حياه …..انا اتحملت جروح اكتر من كدا ده ولا حاجه
صفاء شافتهم نازلين ……اتاخرتم كتير نمشي دلوقت
يونس……ماما هو لازم نروح
صفاء بعصبيه…….انتم ناوين تختبروني ولا عايزين تموتوني انتم عايزني تعملوا فيا ايه
يونس برتباك……كنت بس
حافظ شخط فيه…..يونس عيب نرفض عزومه جدتك وهتزعل لو مروحتوش وانتم لسه زوجه وزوجه قدام الناس عايز ايه تعرف الكل ونتعرض للاهانه
يونس….مش عايز حاجه من دي خلونا نمشي اتاخرنا
………..قصص منه محمد كاتب…………
وقت العزومه
حليمه……سالي هروح اشوف الاكل جهز
سالي مسكتها……تفتكري حياه هتيجي فعلا
حليمه بحقد….وليه تيجي اظن بعد الي عملته ميبقاش عندها دم تواجهه حد
سالي….انا مش متفقه معاكي اكيد هتيجي وفي قمه جمالها وبكامل اناقتها الي زيها لحمهم طخين انا قلقانه لتحاصر قاسم
اسعاد بحده……هو انتي ليه كل دقيقه تجري قاسم حتي لو وزنوها بالدهب مش هيبصلها بأي نيه تانيه
سالي…احنا عارفين بس برضو خدي بالك راقبيهم
حليمه سحبتها من ايدها….يله يا اسعاد نخلص زمان الضيوف ع وصول
اثناء كلامهم دخل حافظ مع عايلته لحد ما اسعاد شافت حياه وراقبتها
حليمه…..سمعت كتير عن امها بس لما ببصلها بلقيها مفهاش ميزه عدله
اسعاد…..انا زيك مستغربه رغم الي حصل لسه عندها الجرئه تيجي لحد هنا
سالي……صدقتي كلامي يا اسعاد قلت لك دي بجحه وجريئه وتقدر تعمل اي حاجه واظن عرفتي كمان هي هنا ليه بصي هناك
حياه كانت فعلا بتبص بالفعل ع قاسم بس بغيظ منه لانه السبب في الوضع الي هي فيه
سالي…..شوفتي
اسعاد…..طنشيها يا سالي ليه غاويه تفوري دمي ع حاجات تافهه انا عارفه ابني هي مش في دماغه ولا قلبه
سالي….بجد لكن عينه عليها بتقول حاجه تانيه
ناصر ….اسعاد روحي بلغي صفاء تاخد حياه وتمشي من هنا
اسعاد…ازاي اقولها كدا دلوقت وهما خلاص هنا بعدين حماتي عزمتها ع الغداء وبعدها هتقعد مع ست الشيخه
ناصر….. هي دي كلام ربنا هيبقي له اي تأثير عليها مفيش لزوم نضيع وقتنا عشان علاقه مش هتتصلح ابدا
حليم…..اختك لسه عندها شويه امل ان حياه تتعامل برحمه وتحاول تنقذ شرف العيله
سالي……غريبه ازاي صفاء نسيت عمايل امها
ناصر……ارجوكي ياسالي متعصبنيش وتخلي صوتي يعلي بسبب هاجر ودلوقت
سالي…..وانت تتعصب ليه انت ذنبك ايه هي الي كانت خاينه
ناصر….اسكتي خالص وانتي يا اسعاد قوللها تاخدها وتمشي من هنا قبل ما اسحبها للبوابه بنفسي
يونس بتريقه….اوه ممتاز كل الاهتمام ده والعلاقه المميته مع بنتك
ناصر….عايز تقول ايه
يونس…..رغم رافض تتعامل مع بنتك بس قلقت كتير انها هنا
ناصر……لاني مش طايق اشوفها ابدا
حليمه……وليه يبصلها وانت الي فرضت علينا وجودها
يونس بصلها…..برغم كدا مش من حق خالي يتكلم عنها
حليمه….ليه برغم الي عملته هي لسه بنته
يونس….فيه فرق كبير بين كونها مجرد بنته وبين يعتبرها انها فعلا بنته يامراه خالي العلاقه بتمنح بالفطره والانسان بيحافظ عليها بطبيعته والا تبقي علاقه بالورق بس
سالي……انت بتتمايل كتير عشانها وهي اعلنت هتسيبك
يونس تجاهلها وبصله….خالي بنتك مش وحشه زي ما معتقد
حليمه ………فعلا لو هي كدا اقنعها والحق انهيار بيتك من الخراب مفيش داعي تشركنا ناصر حاسه ان فيه لغز غريب يله بينا من هنا
يونس ضرب سالي واسعاد نظره وسابهم ومشي
………………….قصص منه محمد كاتب…………….
صفاء……ماما
الجده…..بنتي تعالي يا ضنايا
صفاء سلمت…..ازيك يا بابا عامل ايه يا حبيبي
الجد…..اهلا يا بنتي الحمد لله انا زي الفل
حياه راحت تبوس ايده….ازيك يا جدي
الجد…..زعلان منك كتير ومش عايز اسلم عليكي
صفاء…..بابا انت مش عارف حاجه
الجد بنرفزه….انا اطرش بس مش لدرجه مسمعتش الي قالته امبارح
صفاء…..الكلام لما يتقال بيكون له معني واحد لكن لو اتعمقنا نلاقيه اخد اكتر من معناه
الجد وهو بيقوم بزعل….هفضل زعلان منها لحد ما ترجع في قرارها
الجده….استني بس يا توفيق استغفر الله ,,حياه
حياه ………نعم
الجده…….تعالي يا بنتي اقعدي جنبي سيده فيه ازازه في اوضتي مليانه ميه هاتيها
سيده راحت جابت الميه ومشت
الجده ……….خدي يا حبيبتي اشربيها دي حلوه ومقروء عليها كلام ربنا تقدر تلين قلبك وتطريه زي الشمعه
يونس بهزار…جدتي ممكن اشرب منها انا كمان
الجده ابتسمت له….انت عاقل وراسي
صفاء مدت بوزها بسخريه….اه كتير
الجده بضحكه……..يظهر الجن استحوذ ع حياه لوحدها لانها جميله جدا وجايز عين حسدتها لكن اطمن كله هيبقي بخير دلوقت تقعد مع الشيخه وتقول كلام ربنا الي كله بركه وعظمه تعرفي يا حياه ايه هو الي ابغض عند الله الطلاق اه حلال لكن ربنا مش بيحب يفرق بين الزوجين
حياه…..بس احله
الجده…..اه بس دي مرحله اخيره
حياه……وجات المحطه الاخيره
الجده بتعجب…..معقول بعد الحب والعشق ده ليه مصممه كدا فيكي ايه يخليكي مصره
حياه…تعرفي سؤلك كأنه بيتسئل ع النبي خضر عليه السلام
الجده…اه يا بنتي لكن ممكن يبقي فيه فرصه تانيه
حياه…..ده مينفعش فيه فرصه تانيه
الجده…..يعني مصممه وعايزه الخراب والدمار وهتتحملي
حياه……طول عمري بتحمل
الجده…. بس الامور راقت وانا شايفه انتي الي عايزه تعملي كدا في نفسك
حياه…….مش يمكن الي بعمله رد فعل ع الي اتعمل فيا
الجده بصتله بعصبيه…..عملت لها ايه بالظبط عشان تشمئز منك كده
صفاء…..ايوه استجوبيه عمل فيها ايه والله مدهش لما الراجل يطلق الست تطلع هي الظالمه ولو طلبت الطلاق برضو يطلعوها ظالمه
الجده…..هو فيه حد فيكم هيقولي في ايه
صفاء……انا هقولك الي محتاج يحافظ ع البيت ومحتاج للشرح
يونس حط ايده ع كتفها بتحذير…..ماما لو سمحتي
الجده بشك…….هو فيه ايه بالظبط
صفاء لسه هتكلم قاسم دخل…..جدتي الضيوف بيسالوا عنك
الجده بصتله….يونس لسه مخلصناش هتحكيلي كل حاجه كلمه بكلمه وايه الي بينكم بالظبط وليه هي مصممه تبعد عنك بالسرعه دي وانتي اعقلي مفيش واحده عايزه تخرب بيتها وتدمره
حياه ….. ربنا عالم اني معملتش حاجه
صفاء…..يونس هيجيلك بنفسه كمان يومين ويقولك يله يا حياه نسلم ع الناس وتقعدي مع الشيخه
الجده طبطبت ع حياه بعطف وقالت……..وان شاء الله كلامها يأثر فيكي وينور بصيرتك ويزيل غضبك ناحيه جوزك من قلبك ده واجبنا اننا نصالحكم ع بعض يابنتي المشاكل والعناد بيخربوا البيوت متئهديش نفسك كل مشكله تاخديها ع اعصابك يله بينا
…………………………………….
واقف يتكلم مع عميل ع الموبيل لقاه الي بتشده من ايده في مكان بعيد
يونس بعد ايدها …..ايه ده يا تمارا
تمارا…..كنت خايفه لو عمتي قالت لجدتي الحقيقه
يونس……حتي انا كنت خايف معرفش حصل ايه لماما
تمارا…..اكيد حياه عملت لها عمل
يونس بضيق….مش عمل دي دموعها الي بتنزل بسبب الظلم الي اتعرضت له مننا
تمارا بصتله بدهشه…..مش شايف انك متعاطف معاها كتير ع اي حال قولي طالعه ازاي
يونس بصلها وعيونه ع حياه لتشوفه واقف معاها
تمارا…..ما تقول
يونس….. شكلك حلو
تمارا….طبعا حلوه ولابسه اللون الي بتحبه كل ده عملاه عشانك( مسكت ايده ) مالك يايونس شكلك قلقان
يونس بيلف شمال ويمين وبيحاول يفلت ايده من ايدها
تمارا …..بصلي واتغزل فيا ولا كل تعبي هيروح هدر
يونس بصلها….قلت لك حلوه ( وسيبي ايدي لو سمحتي سحب ايده منها) سيبي ايدي
تمارا مسكت ايده بعناد وتملك وهو شدها منها ومشي بسرعه وطلع وقف بره وربع ايده ورفع عينه للسماء حاسس انه تايهه مش عارف ايه الي حصله
قاسم راح عليه…..واقف ليه هنا
يونس بصله……كدا
قاسم…..شكلك قلقان
يونس……شويه مش كتير
قاسم ابتسم…كتير اه احنا مش قريبين من بعض وعلاقتنا مش اد كدا ولا عمرنا هنبقي اصحاب ابدا اني اتقدمت لحياه لكن لو عايز تفضفض مستعد اسمعك تخفف حمل من ع قلبك
يونس بصله بغيره واضحه عليه……علاقتك بيها كانت ماضي وانتهي
قاسم……شكلك قلقان مني
يونس…..لاْ
قاسم…شوف لو قلقان تتكلم معايا حقك مش هزعل منك والي حصلك يهز اي راجل يحوله لحجر والي حصل معاك مزعلني تعرف كنت اوقات ادخل القي عمي ومراته بيتكلموا وحش ع بنته كنت بقوله مستهدفناها لكن مع الوقت قلت مفيش دخان من غير نار ماهو مش سهل تتكلم عن حد من غير سبب
يونس…..اوقات المواقف الغلط بتوجهه اتهام وهي الي بتخالي الناس تتكلم وبعد الي بيقوله بتتجسد ع انها الحقيقه وهي مختلفه تماما
قاسم ………وضح
يونس ……..مش هتفهم يا قاسم قدر ناس تفضل تواجهه وتصد من كل الجهات وده الي بيحصل مع حياه
قاسم بهتمام……..وضح اذا سمحت
نعمان قطع كلام يونس لما قال…… يابني انت فين عايزين نعشي الضيوف
قاسم مسد ع كتف يونس بمواساه وهو راح يشوف فين حياه
…………………………………..
في المطبخ
سالي لمحتها داخله راحتت وراها…….بتعملي ايه هنا
حياه….جدتي طلبت مني اجيب المعالق
سالي بنبره كلها احتقار ..انتي هنا مجرد ضيفه وبس اقعدي في مكان مش تلفي في البيت وتدي الاوامر لو هما هنا سكتوا بعد ما شافوكي مش معني انهم نسيوا ماضيكي ولا الحاضر والمستقبل الي مستنيكي
حياه …….لازم تكوني مبسوطه حصل الي عوزتيه
سالي بغرور……. ثانكيو انك وهبتي السعاده لتمارا وجبتلنا الفضيحه
حياه ………انتم الي عملتوا الفضيحه دي فضلتوا تصرخوا انتي وهي اتسرقنا اتسرقنا
سالي تابعتها وقالت بغل ……الحبل المحروق صعب نفكه بسهوله
حياه طلعت قعدت في زاويا تبكي ع حظها التعيس لمحها راحلها
يونس ………حياه ليه قاعده لوحدك
حياه ردت كأن مسلوب منها الحياه………كدا
يونس بشك من دموع عيونها……… حد قالك حاجه
حياه اتنهدت بزهق….. جاي هنا ليه
يونس…..بابا وماما عايزينك لان قريبتنا جات وعايزه تشوفك اسف بس مصره
حياه قامت نزلت قبله ع السلم سلمت وهو راح وقف جنب امه
حافظ…دي حياه ودي اختي في الرضاعه وعمه جوزك عايشه في امريكا وجايه بس زياره يومين هنا
السيده…..انتي جميله اوي يابختك يا صفاء انا كنت زعلانه جدا لانكم معزمتنيش ع الفرح لكن بعد ما شوفت حياه الزعل منكم راح خلاص في لحظه بجد حماتك بتقول انك نورتي بيتهم بهجه وبتحبك اوي ياحياه
صفاء ……..طبعا بحبها هي قبل ما تبقي مراه ابني بنت اخويا
الست……. ربنا يخالهالكم ولايقه ع يونس ربنا يهدي سرهم ويسعدهم
صفاء بتنهيده عميقه….يارب احنا فعلا محتاجين الدعوات عشان يفضل بيت ولادي مستور ومفتوح
الست….حياه شكلها طيبه وحبوبه ومهمه عندكم واكيد بالحب ده هتخلي البيت جنه بس ليا طلب يا حافظ معزمتناش ع الفرح لكن تعملنا عزومه كبيره والعايله كلها تحضر ونعمل ليله كبيره
حافظ وشه كشر واتغير وحياه كشرت جدا لان كدا الفتره مع يونس هطول وهي عايزه تختفي من حياته للابد لكن يونس انبسط ان الفتره معاها هطول ومش قادر يحدد هو مبسوط ولا حزين
الست….مالك يا حافظ انا قلت حاجه غلط
حافظ…..لاْ طبعا انتي ع عيني وراسي وده حقك هو ابن اخوكي
الست بضحكه…كدا هستني العزومه
حافظ…اكيد طبعا
الست…همشي دلوقت يا خويا ونتقامل مره تانيه
حافظ ……….تعالي اوصلك للبوابه
صفاء ضمتها بشده………مع السلامه
الست باستها……..مع السلامه يا حياه
حافظ….هوصلها وهرجع ع البيت وانتم تعالوا براحتكم
حياه……عمتي مش يله بينا
صفاء برجاء…..استني بس شويه الناس هتفضل تسال معلش حياه
حياه بصت ليونس بغضب وسابتهم ودخلت قعدت لوحدها في مكان ضلمه لحد ما سمعت ابشع كلام عن امها
حليمه……شوفتي اخت حافظ طالبه عزومه بمناسبه جواز يونس ماهي متعرفش ان مراته طالبه منه الطلاق
واحده معاهم……ياختي سمعت قصص كتير عن قذاره امها لكن بعد الي حكتهوله طلعت بنتها اقذر منها
سالي…طبعا طالعه نفس امها مش من دمنا ولا تربيتنا تربيه هاجر وهي هتربي ايه غير كدا هي كانت فاضيه غير لنزواتها بعد ما اتجوزت اخويا حاصرت خطيبي واكيد بنتها بتلف زي امها ع واحد غير جوزها دلوقت
حليمه بصتله….مالك يا يونس زعلان كدا ليه احمد ربنا انك اتخلصت منها البت دي نفس امها متزعلش انت الف بنت غيرها تتمناك دورلك ع غيرها هتلاقي كتير
يونس بدئت علامات العصبيه تبان عليه ….من فضلك يامراه خالي انا بضايق لما بتقولي كدا عن حياه
حليمه……هو انا غريبه
يونس بحده هو بيشاور ع نفسه……بقولك انا بتأذي هي بنت خالي ومراتي ولسه مراتي وامها ماتت والي بينا مسأله شخصيه خاصه بينا واحنا بنحلها
حليمه……بنفسكم
يونس…ايوه لانها تخصنا احنا الاتنين وبس
حياه وهي بتجري ع فوق تهرب من جحيم كلامهم خبطت جامد في ناصر الي التلفون كان هيقع من ايده
حياه ….اسفه اسفه
ناصر بهجوم بشع….هو انتي عاميه ولا ايه
حياه ببكاء….اسفه
ناصر ………مش قلت لك متجيش قدامي ليه جيتي خدي جنب
حياه حست ان قلبها هيقف من كتر الاهانه ويونس شاف قهرتها وراح وري خاله يسمعه هو كمان كلمتين كانت حياه للاسف دخلت اوضه جدتها ورمت نفسها ع السرير وبعدها انفجرت بنوبة بكاء كانت بتبكي بصوت عالي تسمعه الدنيا وهو كان معدي بالصدفه من جنب الاوضه سمعها زق الباب ودخل ينهي الي فاضل فيها وهي فتحت عينها على وسعها وبصتله بنظرات جامده
- يتبع الفصل التالي اضغط على (رواية متخافيش) اسم الرواية