رواية اوقعتني في عشقها الفصل السادس عشر 16 - بقلم فاتن جمال
مازن بابتسامه: شكرا
حمدان : جولي يا بتي اسم الدكتوره اي
زمرد بتوتر : اسمها اسمها صفا
مازن قرب من زمرد وقال: مين صفا دي
زمرد بصوت هادئ: دي زملتي
عرفان : طب هاتي رقمها
زمرد : انا هكلمها وهي هتيجي اكيد
مازن : طيب بعد اذنكم هاخد زمرد ترتاح شويه
عرفان بخبث: اتفضلوا
حمدان : اتفضل يا ابني
زمرد بصوت هادئ: انا مستحيل اقعد من غيرك
مازن بابتسامه: خايفه عليا
زمرد بدموع : حياتي ملهاش معني من غيرك
مازن : طب ممكن نتكلم فوق
مازن وزمرد طلعوا علي السلم
عرفان بعصبيه : كيف يا ابوي تخلي حد غريب عندينا
حمدان : خليك في شغلك ي ولدي
عرفان بخبث: يا بوي انا خايف عليك
حمدان بعصبيه : انا عارف يا عرفان انا بعمل اي
عرفان سكت وبدأ يجهز نهاية أبوه
زمرد بعصبيه: ممكن اعرف بق هنعمل اي ؟
مازن : ولا حاجه انتي هتكلمي صحبتك تيجي تقعد معاكي وقولي ليها أنها تقول انك حامل ولما نرجع مصر هتقولي ليها كل حاجه بس خدي بالك وانتي بتكلميها احنا هنا في عش التعابين
زمرد بقلق: مازن انا خايفه
مازن بابتسامه وقرب مسك وجهها بين أيديه وقال : طول مانا معاكي مش عايزك تخافي
زمرد : انت هتمشي الفجر
مازن : متخافيش هرجع ليكي وكمل بمشاكسة علشان نخلي الحمل حقيقه
زمرد بكسوف: انت قليل الادب
مازن بابتسامه: طب مانا عارف
في الجبل
يوسف : كدا الرجاله جاهزه
ساهر : مازن قدامه ساعتين ويكون هنا
خالد : يوسف باشا انا عايز اخد اجازه
ساهر بصدمه : نعم !!!!!
يوسف : لي يا استاذ خالد
خالد : انا عايز اتجوز مش عايز اموت دلوقتي
ساهر : خالد قدامك دقيقه لو مسكتش هفرغ الرصاص في دماغك
يوسف بضحكه: يا عم ساهر سيبه يقول الا في نفسه قبل مازن ما يجي يقتله بايده
خالد بسرعه : لا لا لا خلاص مش عايز اجازه ولا حاجه دانا حتي جاهز للماموريه وبعدين جواز اي وكلام فاضي
ساهر : ايو كدا
ساهر : يوسف انا خايف علي مازن
يوسف : مازن عارف هو بيعمل اي هو اه متهور بس في الشغل انت عارفه
ساهر : ربنا يستر
«هناك من قد قام بخلع قلبي ليتركني اعيش فقد بجسد خالي من النبض »
مازن بتنهيده : يعني هتفضلي قاعده ساكته
زمرد بزعل ودموع تفر من عينيها : مش هقدر اقعد هنا وانت بعيد عني لا وكمان عايزني اضحك وهزر عادي مع الموجودين وكملت بصوت كله عصبيه وصوت عالي اااانت اي حجر مش حاسس اني بموت بمجرد ما بفكر أن ممكن يجر ليك حاجه
مازن قرب منها ومسك ايديها وهي واقفه مش عارفه ازاي اتكلمت كدا وازاي قدرت تعلي صوتها
مازن بابتسامه: طب ممكن تهدي شويه وتيجي نقعد في البلكونه شويه
زمرد باستسلام مشيت معا
مازن : اولا مقدرش اموت واسيبك
زمرد بسرعه : بعد الشر عنك
مازن مسك كف ايديها وطبع بوسه عليه
مازن بابتسامه: والنبي دا كف دكتوره ازاي دا كف بنوته صغيره
زمرد بعصبيه طفوليه: بق كدا انا صغيره
مازن بحب: انتي اجمل فراشه صغيره دخلت حياتي
زمرد بكسوف: كدا هتغر في نفسي
مازن بابتسامه: انتي تعملي الا انتي عايزه
حست بكسوف كسر كل حواجزها
مازن : تعرفي اني كنت بحب اكتب شعر
زمرد بابتسامه: عرفت بالصدفه
مازن :ازاي
•تابع الفصل التالي "رواية اوقعتني في عشقها" اضغط على اسم الرواية