رواية متخافيش الفصل الخامس عشر 15 - بقلم منة محمد

  

 رواية متخافيش الفصل الخامس عشر 15 -  بقلم منة محمد 

سالي بانتصار ……الف الف مبروك يا توتي شوفتي خطتنا نجحت نجاح باهر مبروك عليكي يونس

تمارا بفرحه وسعاد كبيره……الف شكر يا عمتو لو مكنتيش جنبي معرفش ازاي كنت هرجعه ليا انا هطير من السعاده

قاسم دخل ووزعه نظراته عليهم وكلمه انا هطير من السعاده علقت معاه

تمارا برتباك…ابيه دخلت امتي

قاسم…..لسه داخل لما كنتي بتقولي انك طايره من السعاده وجيت اسالك اخدتي علاجك في معاده

سالي….انا هنا هديها العلاج

قاسم……اه ليه بقي انتي في منتهي السعاده

سالي…..اكيد يعني عشان رجعت للدنيا حقها تفرح انها قامت بالسلامه صحيح انت ليه جيت هنا

قاسم رفع حاجب لانه شك فيهم وقال……قلت جيت اسالها اخدت العلاج

سالي بتوتر ملحوظ….اه وانا رديت هدهولها

قاسم هز راسه وطلع وهو الفار بيلعب في عبه انهم مخططين سوا عشان يفركشه الخطوبه

سالي….سيبك متقلقيش منه

تمارا….شكرا

…………..قصص منه محمد كاتب……..

ع السفره

حافظ بصلها وهي بترص الاطباق وسألها….ياتري غضب بنتي هدي شويه

حياه بصتله….الراجل بيطلق مراته في لحظه غضب اما الست بتطلبه بعد ما تفكر كتير

حافظ….يا بنتي مش فاكره حبنا حالا نسيتي ده كمان

حياه…….بسبب حبك مش هدمر حياتي مش كدا يا عمي

حافظ…….تمام ايه الغلط الي عمله ابني او احنا زعلناكي في حاجه من غير قصد منا لازم افهم يابنتي قوليلي ونقاش ونتكلم حوالين المشكله انا هتجنن ازاي تاخدي قرار كبير كدا مره واحده

حياه…….زهقت من العلاقه دي ومش عايزه اقعد في البيت دقيقه

حافظ بص لـ يونس بعصبيه ….عملت لها ايه يا بني خلاها تصمم كدا لما امك تعبت كنت شاكك وقتها ان المشكله بينك وبين امك مش بينك وبين حياه عملت لها ايه عشان تقرر تطلق منك

يونس بحزن…..قدامك ممكن تسالها انا مطلبتش منها تقول كدا

حافظ بغيظ……..ايه الرد الي شبهك ده ,, ده رد ع سؤالي انا بسألك عن حاجه وانت ترد بحاجه تانيه

صفاء…حافظ هتتأخر ع الشركه

حافظ….وانتي ليه ساكته في الموضوع ده

صفاء بقهر….اقول ايه هي هتفرق لو حتي قلت ولا سكت بس انا هعمل الي عليا

حافظ….صفاء انا مش طربوش في البيت انا كبير البيت وطالما الموضوع وصل لخراب يبقي مبقاش سر بينك وبين ابنك وانا مصر اعرف ايه الي بيحصل في بيتي ع الاقل عرفيني مش ابقي اطرش في الزفه

صفاء اتنهدت….حافظ احيانا السكوت حل والوقت كفيل يحل اعظم المشاكل

حافظ…….وبعدين هنعمل ايه نسيبهم ع حالهم ونخليهم يعملوا الي مقررينه

صفاء بصت ليونس بتهديد…..لو عملوا الي مقررينه مش هرحمهم( قامت) نرجس جيب لي فطاري في الاوضه وابعتيلي حياه ضروري

يونس قعد وعقله مشوش اخد نفس وغمض عيونه بألم

………………….قصص منه محمد كاتب……….

حياه خبطت ودخلت قالت السلام بصوت خالي من الحياه

صفاء ردت عليها وقالت بعدها ………تعالي يا حياه

حياه قعدت……خير يا عمتي

صفاء…. منا مش هعرف اروحلك هناك بس ممكن اجيبك هنا اعرف اخبارك واسألك لما اخدتي القرارالكبير ده بضغط من حد يونس اجبرك

حياه بدموع….ضميري الي اجبرني

صفاء…..بتقولي كدا عشان محاوله انتحار تمارا شوفي مفيش واحده في الدنيا بتهون عليها نفسها والي عملته تمثليه خايبه منها

حياه ………حتي لو مش بجد هتفضل الحقيقه انهم بيحبوا بعض وجمال يونس انه بجد مضايقنيش ولا زعلني لحد دلوقت حتي لو كان عشانك وحتي لو تمارا عملت تمثليه بس بتمثلها خلتني ادرك مدي اهميتها واد ايه هي مهمه عند الكل امها ابوها اخوها جدتها جدها حتي يونس الي زي دي لازم تعيش حياه طويله وتحافظ ع حياتها الكل عشانها في حاله صدمه وانا مش عايزه حد يحصله صدمه بسببي

صفاء ………وانتي كمان مهمه اوي ياحياه انا بحبك وحافظ

حياه ………وجوزي مش بيحبني انا واحده مش مرغوب فيها في حياته مش عايزه اعيش في حياته بالعافيه يا عمتي عايزه ابعد عن الكل زي زمان

صفاء…..ده كان زمان

حياه….لاْ الوضع زي ما هو الفرق الوحيد اني لجأت لهنا بسبب عاصفه فجائيه لكن لو الواحد بقي عبئ ع الناس الي وفرت له مكان وقتها بيبقي ملوش قيمه انا اتهانت كتير ومش عايزه اتهان بعد كدا اكرم لي اخرج انا من نفسي قبل ما حد يشدني من ايدي ويخرجني من حياته مفيش لزوم اختير شخص تاني واضغط عليه

صفاء……وانا مش هسمحلك تعملي كده ايه رايك بقي دي حياتك مش لعبه

حياه…..عارفه انها مش لعبه بس الحقيقه الي عليا اواجها

صفاء مسحت على شعرها بحنيه………..شوفي يابنتي انا مسمتكيش بنتي عشان مراه ابني انتي فعلا بنتي

حياه ………عارفه انتي قد ايه عظيمه وبحبك لعظمتك دي وهتشجع واطلب منك طلب

صفاء…..مينفعش البنت تطلب طلب من امها قولي هطلب حقي

حياه نزلت دموعها تعبر عن حزنها……….متعودتش اطلب حقوقي من حد هو مجرد طلب من فضلك اوجدي لي مكان انشالله اوضه اعيش فيها وشغل اعرف اصرف منه عايزه اعتمد ع نفسي من غير ما ابقي عبئ ع حد

صفاء ……….انا جبتك هنا عشان اغيرلك قرارك وطالما لسه ع رايك قومي ارجعي اوضتك

حياه ………..عمتي اطلبي من يونس يطلقني مش عايزه اعيش هنا مبقتش قادره اكمل

صفاء بصرامه………وانا قلت لك روحي ع اوضتك روحي

حياه مسكت ايدها برجاء ……..عمتي متتعصبيش ع يونس ولا تقوليله كلمه ده قراري هو مقلش حاجه

صفاء ردت بحزم وعصبية………حياه امشي روحي ع اوضتك امشي

………………………………………..

الجده…..ناصر مكنش عايز يجي وجبناه بعد فهمناه ان كل واحد ومراته بتحصل بينهم مشاكل بس احنا الكبار مش هنسيبهم يعملوا الي في دماغهم نقعد ونحل والغلطان يتحاسب

الجد……ده جواز مش لعب عيال

نعمان بهدوء…..حياه قالت ايه يا حافظ

حافظ…نفس الكلام الي قالته المره الي فاتت

الجده……وانت يا يونس قلت ايه

يونس وشه اتخطف……في ايه

نعمان…….ده خايف

الجده…….يابني قلنا انت ليه ده حصل

يونس اتنهد وبصوت مخنوق …..معرفش

حافظ بحده ….ازاي يعني متعرفش وقعتوا في حب بعض وحاربتوا الكل عشان تتجوزه وهي بعد اسبوع تطلب الطلاق ايه دورك في حياتها

نعمان….هاتوا حياه خلونا نسالها

حياه دخلت …………..السلامو عليكم

الجده بعد ما ردوا عليها السلام قالت……حياه اتكلمي ليه يونس يتسال لوحده دي مشكلتك معاه ليه متحافظيش ع بيتك ايه الشكوي الي عندك من ناحيه يونس

حياه…..مش بحبه

حليمه عوجت بوزها…..امال حبتيه شويه وخلصوا

حياه ……متفقتش معاه بعد الجواز الطباع بتظهر ع حقيقتها

الجد بنرفزه…اتكلمي بوضوح يا حياه احنا دمنا اتحرق منك

حياه…..اعذرني مش هتكلم وكل الي اقدر اقوله مش عايزه اكمل معاه في علاقه مش نافعه

الجده……عايزه تثبتي ايه بكلامك انك فعلا بنت هاجر انا قلت لحليمه وراسنا مرفوعه انك من دمنا مش بنت هاجر وبكلامك بتأكدلنا انك بنت هاجر طلعنا غلطانين لما واثقنا فيكي

سالي……اظن كلكم شايفين شبه امها دي الحقيقه والواقع مش هيتغير لانها بنت امها

حافظ بغضب شديد……يونس انت هتفضل ساكت ما تقول حاجه

يونس بتوتر …….انا اه انا

حياه قطعته بسرعه…….انا هبسطها عليه انا من الاخر زهقت من يونس

الكل شهقوا وناصر وقف بعصبيه…..الست المحترمه متزهقش من جوزها مفيش داعي افسر خلونا نمشي

الجد……اعملي حسابك لو اطلقتي من يونس متخلنيش اشوف وشك لحد ما اقابل وجهه كريم مفهوم

الجده قامت وبصتلها بضيق….وانا مش عايزه اشوف وشك ابدا عمري ما كنت اتوقع تكوني وقحه وسافله وجاحده بالنعمه بالشكل ده

صفاء بصت لحياه ويونس بغضب

حافظ …..لما فعلا نروح ننقي حصان نربيه نشوف امه ياخساره قبلت بنت عديمه الادب مراه ابني غلط غلطه كبيره

اما حياه قفلت ع نفسها باب الاوضه وهي مقرره هتعيش حياه بعيده عنهم تماما ويونس حاول يفتح الباب لقاها قافله ع نفسها

…………….قصص منه محمد كاتب…………………

اسعاد…….عايزه اتكلم معاك

قاسم بيكتب ع الجهاز……بس انا مشغول

اسعاد……فيه حاجه مهمه عايزه اتكلم معاك فيها

قاسم قفل الاب وبصلها بهتمام……….مهمه دلوقت

اسعاد…..اه انا قلقانه

قاسم ضم حواجبه….ايه الي قلقك

اسعاد…..روحنا بيت عمتك عشان نسمع شكوي حياه طلعت مصممه

قاسم….اه وبعدين

اسعاد….مين الي مشجعها ومقويها ع الي في دماغها

قاسم عقد حواجبه باستغراب ….وانا هعرف منين

اسعاد …….. تكون انت

قاسم جز علي سنانه بنفعال……وبعدين معاكي

اسعاد رفعت السبابه في وشه……اسمع يا قاسم معرفش ايه الي بيدور في دماغك ناحيه البت دي وهي ليه مصره تطلق من جوزها لو فيه حاجه في عقلك وتقول ترجعها لحياتك متفكرش ان ده ممكن يحصل الاول مكنتش موافقه تبقي مراه ابني ودلوقت بقي مستحيل

قاسم …….وانا ليه ابقي عايز واحده سابتني وراحت لواحد تاني انا مش عبيط اه حبيتها بس حبي انتهي لما اتجوزت يونس وانتي عارفه انا قفلت في الموضوع ده

اسعاد…….. امال ايه الي محزنك عليها

قاسم …….انا مش حزين ع حد انا واحد مش مستعد ادخل فيه حياتي حد ولا بقيت بثق في حد ليه مش عايزه تفهمي ليه كل شويه تحرقي كلام في الموضوع ده روحي نامي انا مش مهتم بحياه

……………………………………………

في غرفه النوم

يونس رجع بصلها…..انتي غيرتي ملايا السرير مش لسه مغيراها الصبح

حياه بتكتب ع الموبيل بهتمام…… لقيت عليها بقعه شاي

يونس….اه اسف وقع مني الصبح

حياه …….مفيش لزوم تتاسف دي اوضتك من حقك تعمل فيها زي ما تحب ولما تيجي تمارا هتغير عادتك انا بس اقدر اغير ملايا سرير

يونس حس بقهر مالي قلبه من شكلها ومنظرها وراح غير هدومه وخارج لقاها متعصبه

حياه………. ليه بس كدا ,,يونس

يونس ……..نعم

حياه ……..ممكن استلف لابك شويه

يونس ………..اه عندك

حياه………… شكرا

يونس……….. بس ليه عايزه

حياه ………ابدا كنت بشوف شغل وانا بتكلم معاهم وتلفوني الظريف فصل

يونس رحلها ………طيب استني احط كلمه السر الخاصه بيا عشان تعرفي تستعمليه

حياه ارتكبت لما فضل يبصلها وهو بيكتب كلمه السر نزلت نظرها للارض مش عاوزه تيجي عيونها في عينه بس غصب رفعت عيونها لما حست انه لسه بصصلها وزي ما توقعت بصصلها وبسرعه رفع نظره عنها وقام استغربت موقفه بس طنشت ورجعت اندمجت في الكتابه

……………………………………

في الشركه وتحديدآ في المكتب ع الكام

تمارا…..لو كنت اعرف ان عمليه انتحاري هتبعد الزقه حياه عنك كنت عملتها من زمان واخدت السم من مده ها مبسوط

يونس رجع بدهره لوري مش هيقدر يشوفها بتصارع بين الحياه والموت مش هيقدر والابشع القاتل هو !!!

تمارا….الو يونس ليه مش بترد

يونس اندفع بجسمه لقدام وقال…… لان ارتباطنا مش بالسهوله دي

تمارا……انت بتقول ايه ما خلاص هي بنفسها طلبت الطلاق ولا ممكن عمتي تلومك ع كده ايه العقبه دلوقت

يونس قفل ملامحه وكشر………ايه الضمان الي عندك ان لو طلقت حياه اتجوزك

تمارا ……………انت بتقول ايه

يونس………. بقول الحقيقه طلاقي من حياه كوم وجوازي منك كوم تاني

تمارا ………..دي مش مساله كبيره اطلب من امك تخطبني وانت هتاخد تعاطف الكل بسبب حياه هيكون الطلب سهل انا واثقه من كده

يونس……. هفكر في الموضوع

تمارا……….يونس انت بقيت ممل كدا ليه ع الاقل ابتسم في وشي كل الي احنا عايزينه بيحصل دلوقت هنعيش حياتنا مبسوطين

يونس اتفاجئ من دخولها عليه المكتب قال بعجاله ………هتكلم معاكي بعدين

تمارا ……….امتي يعني

صفاء ظهرت في الشاشه وتمارا قالت مبتسمه…….عمتو هاي ازيك

صفاء قفلت في وشها الجهاز وتمارا اتغاظت جدا وقالت بحقد……امتي ربنا يخلصه من العقربه امه كنت عايزه لسه اتكلم معاه طبت علينا زي القضاء المستعجل

………………………قصص منه محمد كاتب…………………..

صفاء ………عايزه اتكلم معاك بعيد عن البيت معلش جيت مكتبك ع غفله

يونس ………..ياماما انا كلي ملكك

صفاء قعدت وبصتله……… كنت اغلي حاجه عندي يايونس

يونس ………ماما والله ما طلبت منها تطلب الطلاق

صفاء ………..وانت هيئتلها الظروف تطلب

يونس ………اقسم لك ما حصل كانت فعلا هتموت

صفاء ……..مين

يونس ………..بتكلم عن تمارا وانتحارها

صفاء ……..اممم انتحارها خوفك كتير لدرجه مستعد تموت حياه لان البنت المسكينه ملهاش حد يسال عنها

يونس…….. انتي بتقولي اي يا ماما بقسم لك مقلتش حاجه انا متعلق في الوضع ده

صفاء …….انت فلت وخلتها رمت ع نفسها التهمه واتعرضت للاهانه كنت عايزه اشق الارض واندفن تحتها

يونس………. انا كمان حسيت اني معنديش ضمير

صفاء……وليه لسه واقف جنب معدومه الضمير

يونس ……….كانت هتموت

صفاء……….اوكيه انسي الفعل القذر ده , وانتحار حياه هتعمل ايه هطلقها وتسيبها تروح تعيش في بنسيون وتشتغل اي شغلانه عايز كده انت ليه بقت قاسي كده هطلق مراتك وتسيبها تعاني عشان خايف بنت تانيه تنتحر هتقدر تهزر وتضحك بعد كدا هتكون قادر تنام لما ضميرك ينام انت قاسي اوي يا بني

يونس بحيره………اعمل ايه يا ماما قلبي مقسوم نصين

صفاء بسياسه……..ترضا بالي هقوله

يونس اتنهد……..انا عارف الي هتقوليه

صفاء……يونس انا مش بس امك انا صاحبتك اسمع وكون هادي خالي حياه معاك فتره قصيره ومطلقهاش حتي لو تمارا اصرت مطلقهاش ساعات الوقت بيكون عامل مهم اننا نراجع قررتنا واوعدك بعد كدا لا هعترض ولا اشتكي وتقدر تطلقها لكن دلوقت اصبر وفكر سيب كل ردود الفعل تعدي والتراب يستقر وبعدها لو فضل قلبك زي ما هو اقسم لك ما هتكلم

………………………………………

صفاء…..حياه اهلنا من البلد جاين زياره لبيت ماما وفيه واحده فيهم شيخه جليله وبتقرء ميه ع القران وبتقول هاتي حياه لعل وعسي عقلك يرجع مكانه لازم تروحي

حياه…..روحي انتي ياعمتي

صفاء…..ليه

حياه…….انا علاقتي انتهت بالبيت ده مفضليش حاجه هناك وبصراحه اكتر معنديش القوه ولا الشجاعه اروح

صفاء…..ناصر عامل زيك كدا لما ياخد قرار ميترجعش عنه ويفضل ثابت ع قراره

حياه……متقوليش اسمي قدامه ليقطع علاقته معاكي تاني

صفاء…..مش ذنبه يا حياه مشفش الجانب التاني من الصوره

حياه……عمتي في حكايتي الجميع مساكين وفي صوره حياتي انا الشريره

صفاء….بس انتي بنتي الطيبه الاصيله ولازم تروحي

حياه باعتراض……مش هقدر

صفاء…..تعرفي بقيتي عنديه

حياه ابتسمت………. بقي انا الي عنديه

صفاء ………تعالي معايا مره واحده خدي الخطوه الكبيره دي وجمدي قلبك ليه خايفه

حياه ……….انتي مش فهماني

صفاء……وانتي مش فاهمه الي بقوله لما حد فيهم يسالني فين مراه ابنك جهزي نفسك انا عايزه ادخل بيكم قدامهم انا وحافظ اظن عطناكي الحب والاحترام والاحتواء نقصناكي حاجه

يونس دخل …..لما مش عايزه تروح ليه تجبريها زائد مش حيحصل فرق لو مرحتش

صفاء ……..انا عندي بقي هيحصل انتم الاتنين مش فاهمين حاجه

يونس….واحنا من امتي كنا بندخل اقاربنا في مشاكلنا عشان نديهم الحق دلوقت

صفاء بنرفزه……..وانت مين اداك الحق تأذي واحده عشان واحده تانيه لو شجاع اوي ليه ممنعتهاش ولا خايف من كلام الناس لاء يايونس لو كنت خايف مكنتش وصلتها لمرحله تطلب الطلاق لما تقرر تدمر شخص هتفرق ايه بقي لو قتلتها بسكينه ولا بمسدس وانت هتتحمل نتيجه القرار الي اخدته وهتواجهه بيها اي حد

يونس…مفيش داعي حياه تروح وتبقي فرجه

صفاء…….رغم كل ده ضروري تروح وانت الي هتخليها فرجه لو مرحتش معاك اتفضل فكر تنقذ سمعتنا اسمع العلاقه بينكم مستمره حتي بعد ما دفنتوها ولحد ما تنته العلاقه دي انت لسه جوزها وهي مراتك وانتي مراه ابننا مش هتحسي بالحزن لما تشوفينا محرجين عشان خاطرنا ارسموا قدام الناس لحد ما يتم الطلاق وقتها ابقوا اقطعوا العلاقات وانا مش هتكلم هرفع ايدي واسلم لقراركم

حياه ……..عمتي انتي غاليه عندي ومستحيل ازعلك او احرجك

يونس بتوسل…..ماما راعي حالتها ليه تطلبي منها تشيل فوق طاقتها وتروح وسط الناس الي مش عايزين يشوفه حتي وشها ليه تحطيها في وضع زي ده

صفاء……احنا في وضع زي الزفت ولا انت مش مدرك ولو فعلا اهلها مش عايزين يشوفه وشها امال هتعمل ايه مع الناس الغريبه

حياه عمتي انا مش بضايق من تصرفات الغرب معايا

صفاء بهدوء…….. الاذي النفسي هو الاذي ياحياه سواء جه من الاهل ولا الغرب الوجع بيبقي نفس الوجع

حياه ……….عمتي من فضلك اعفيني

صفاء قامت بعصبيه……. بس كفايه مش هتحايل عليكي اكتر من كده قلت هتروحي معانا يعني هتروحي

………………………………………………..

حياه طلعت قعدت قدام البسين ع الارض وضمت ركبها لحضنها وحطت دماغها عليهم ويونس راح وراها وقعد جنبها وبصلها

يونس….عارف مش عايزه تروحي وسطيهم هيكون اللامر صعب عليكي وهتواجهي الكل متحطيش نفسك في اهانه هفهم ماما

حياه بصتله……متقولش حاجه لعمتي لاني رايحه هناك

يونس…..لكن

حياه قطعته ….ملكنش مش هستخبا من الناس طول حياتي هفضل اتعامل واتصدم بيهم والحياه رغم الي هشوفه او اسمعه هتستمر لحد امتي هستخبا لازم اواجهه البدايه هتبقي صعبه بس بعدها هتعود عليها عادي

يونس رفع راسها بهدوء وانصعق من الدموع حس بنغزه بصدره لما شاف دموعها وكأنها قسمته نصين

استوب ومنتظره رايكم ونشوف هيحصل ايه هناك نقهر تمارا وسالي ويونس يمسك في الكل عشان حياه ويقف وقفه الاسد الي بيهاجم الي عايزين يفترسوا حياه

 

• يتبع الفصل التالي اضغط على (رواية متخافيش) اسم الرواية