رواية يكفيني منك عقابا الفصل الرابع عشر 14 - بقلم بقلم عبير سليم

 رواية يكفيني منك عقابا الفصل الرابع عشر 14 - بقلم بقلم عبير سليم 

الحلقه الرابعة عشر من رواية

يكفيني منك عقابا

بقلمي : عبير سليم

😢😢😢😢😢😢😢😢

نائمه في فراشها و لكن رائحة ورودها المفضله تخترق انفها و تشتمها مما جعلها تفتح عيناها ليصطدم وجهها به أمامها و هو يضع لها الورود في المزهرية : صباح الخير يا عامر 

عامر : صباح الورد يا عيون عامر

تبتسم عتاب خجلا : إيه الجمال ديه

عامر و هو يجلس أمامها : أصلي انى بجى جلت إيه جلت عايز عتاب مرتي تصحى أكده تلاجي جدام عيونها حاجه بتحبها عشان تفرح و يبجى يوم سعيد عليها جمت فكرت فلجيت إن أكتر حاجه لو شفتيها بتفرحي الورد و خصوصا ديه

عتاب : و اشمعنى ديه بجى

عامر بفخر : عشان ديه الورد بتاعي طبعا

عتاب : يا سلام شوف إزاي بس الصراحه بجى أني في حاجه عندي أكتر من الورد هي اللي لو شفتها الصبح و فتحت عيني عليها هي اللي حتبسطني اكتر بكتير جوي و حبجى عايزة أغمض عيني عليها بسرعه عشان متغيبش عن عينيه لحظه و تفضل جدامي

عامر : طب جوليلي عليها و اني اجيبهالك

عتاب : يعني ما عارفش طب إيه رأيك انك لو معرفتهاش لوحدك اني حزعل منك جوي

عامر : لا و اني مجدرش على زعل الجمر بتاعي واصل

اني عارف بس اني عايز اسمعها منك انتي

عتاب : انت يا عامر معاوزاش أشوف غيرك و لا في حاجه في الدنيا كلها ممكن تدخل على جلبي السرور غير إني اشوفك جدامي

عامر : ربنا يباركلي فيكي يا عتاب يا رب

عتاب : و يخليك لية يا نن عينيه

وريني بجى اكده الورد اللي انت جيبته ديه و بتسحب الفاظه بسرعه من غير ما تركز قامت الفاظه وقعت و اتكسرت و انجرحت ايدها و اول عامر ما عينه وقعت على الدم اللي نزل من ايديها اترعب عليها

ايه ديه يدك انجرحت

عتاب بألم : اه  أني آسفه ماخدتش بالي و الله

عامر : آسفه إيه أني اللي آسف أني اللي غبي اني السبب

يجري على الحمام بسرعه و يجبب علبة الإسعافات الأولية و يطلع الكحول و الشاش و يقعد يطهر الجرح 

و الرعب باين على وشه

عتاب : خلاص يا عامر خلاص مفيش حاجه و الله الدم وجف

عامر : الحمد لله خدي بالك يا عتاب الله يخليكي مينفعش تنجرحي واصل

عتاب : متخافش علية جوي أكده عمر الشجي بجي 

عامر : و هو اني لو مخفتش عليكي حخاف على مين عاد

ديه انتي بجبتي كل عمري

ترفع له عيناها و شعرها الغجري مرفوع لأعلى

فيمسكه لها و يقوم بفكه و نثره على  اكتافها : طول ما احنا لوحدنا مترفعيهوش

عتاب : و اجعد منكوشه أكده

عامر : اني عايزك منكوشه شكلك أكده أحلى

تحس بوخزة في صوباعها فتتالم

يمسكه عامر و ينفخ فيه و يلاقي نفسه بيبوس صوباعها من غير ما يحس و هي تتوه معاه

عيونهم تلتقي بعيون بعض و بيقرب منها و لسه حيبوسها يلاقوا خبط جامد عالباب يفوقهم من اللحظه الجميله ديه

يقوم بسرعه يفتح الباب يلاقيها رحمه و بتعيط جامد

عامر : مالك يا رحمه بتعيطي ليه أكده حوصل ايه

رحمه : هو مصعب صحيح حيسيب البيت و يمشي من اهنيه

عامر ياخدها من ايدها و يقعدها : طب ممكن تهدي شويه

رحمه : لا محهداش أني مش حجدر اعيش من غير مصعب لا مش حجدر استحمل اني مشوفهوش جدامي

عامر : غصب عنينا يا رحمه مش بيدنا اديكي شايفه البيت والع كيف و هو لزمن يبعد من اهنيه لحد الدنيا ما تهدى

رحمه : يجوم يمشي من اهنيه خالص و اتحرم أني من اخويا لا أني مليش صالح بكل اللي بيحصل ديه أني عايزة اخويا و بس يتجوز نورة ميتجوزهاش أني مليش فيه لكن اخويا يفضل جاري و ميمشيش اني محجدرش على بعاده يا عامر مصعب ديه روحي لو خدتوه مني أني حموت حموت يا عامر

عتاب : الف بعد الشر عنك يا رحمه لبه بتجولي اكده هو بعد الشر عنيه حيروح فبن بس و بعدين ما احنا معاكي اهوه و اللا احنا مش عاجبينك

رحمه : مصعب حاجه تانيه يا عتاب

عتاب :" بكرة الجامعه تفتح و حتنشغلي يا حبيبتي و محيبجاش عندك وجت لحاجه واصل

رحمه : لا اني عايزة أخويا خلاص سفروني معاه

عامر : و ديه ينفع يا رحمه مش كفايه مصعب حيسيب البيت حتبجى انتي كمان اكده أمك مش حتستحمل يا رحمه حرام بلاش نبجى جاسيين عليها اكده

رحمه : مش هي السبب في كل اللي بيحصل ديه

 كانت سابتهم يتجوزوا و يفرحوا و خلاص

مالها نورة ما هي نفسها كانت من و احنا صغيرين تجوللنا انتوا اخوات و كانت بتأكلنا في طبج واحد دلوك خلاص بجيت الخدامه اللي مينفعش تتجوز ابن الباشا

اذا كان هو حبها فهي اللي علمته كيف يحبها هي اللي جربت بيناتهم من غير جصد

كانت علمتنا من و احنا صغيرين انهم هما من طينه و احنا من طينه

 لكن بيعمايلها ديه اهي خلته حيسيبلها الدنيا كلها و يمشي

عامر : عيب يا رحمه كيف تتحدتي عن امك اكده هو ديه بردك اللي ربيناكي عليه يا متعلمه

رحمه : مجصدش و الله يا عامر لكن  اني جلبي محروج على فراج اخويا

عامر : اعذريها يا رحمه متزعليش منيها أمك معنديهاش أغلى منينا لكن هي زيها زي ام في الدنيا نفسها تفرح بجوازة ابنها و تتباهى بيها بين الناس كانت متعمشه تجوزه واحده من توبه و تفرح بيه و اي ام في الدنيا تتمنى لولادها أحسن جوازه في الدنيا فتجوم تلاجيه عايز يتجوز واحده بتشتغل عنديه صعبه عليها و الله

رحمه : بس اني محستحملش فراج أخويا طب جوللي انت حتجدر تتحمل غياب مصعب عنك يا عامر

عامر : لا محجدرش و ربنا وحده العالم لكن حنعمل إيه احنا اتحطينا  في موقف صعب و كان لازم نختار حاجه من اتنين و الاختيارين أصعب من بعض

اهدي با رحمه اهدي يا حبيبتي ان شاء الله ربنا حيحلها من عنده و بكرة الأمور تهدى و كل حاجه تتصلح

رحمه : يا رب يا عامر يا رب

😢😢😢😢😢😢😢

بعد مرور بعض الوقت

وحشتيني جوي جوي يا عطر أكده بردك تغيبي عني المده ديه كلها اني جلت ما دمتي مش عايزة تاجي اجيلك اني يا نور عيني

 

عطر : انتي كمان وحشتيني جوي يا حبيبتي حجك علية يا عتاب متزعليش مني

عتاب : يا لهوي اني بردك ازعل منك يا جلب اختك ربنا يريح بالك و جلبك يا رب 

عطر : طمنيني عليكي عامله ايه انتي و عامر

عتاب : الحمد لله بخير و الله

عطر : و علاجتكم دلوك وصلت لفين

عتاب : لسه يا عطر بس جلبي بيجوللي انها هانت خلاص اني كنت فين و بجيت فين اني لحد دلوك و الله ما مصدجه انه بجي لية أني بجوم بالليل أطمن انه نايم جاري و ارجع أنام تاني خايفه أكون بحلم فأني مش حطمع في اكتر من اكده

عطر : ربنا يجرب البعيد يا حبيبتي يارب 

جوليلي يا عتاب أخبار مصعب و نورة إيه و اما زينب أخبارها إيه

عتاب : لساتها عند موقفها و لولا خوفها من عمك كانت صورت فيها جتيل

طول ما هي جاعده بتندب حظها و ان عشمها في ان مصعب يتجوز واحده من عيلة فلان و اللا عيلة علان راح خلاص و شايفه ان نورة هي اللي ضحكت عليه و بتلعب بيه عشان فلوسهم

عطر : لا حول ولا قوة الا بالله طب دي نورة طول عمرها غلبانه و بعدين مش كفايه انها اديتله حته من جسمها طب و ربنا لو حد تاني ما كان رضي

و مصعب رايدها و عاشجها يبجى حرام خليهم يتهنوا مع بعضهم

عتاب : اهوه عمك خدها هي و نسمه مشاهم من البيت

عطر : مشاهم من البيت كيف يعني

عتاب : ماني بجولك مرت عمك مطايجهمش كيف يعني حيسيبهم جدامها أكده و كمان صممت يا هي يا نورة في البيت فهو اتفج مع جمال ابن عمهم يجعدهم عنديه لحد ما يكتبله عليها و حياخد نورة و نسمه و يسافروا

عطر : يسافروا على فين

عتاب : اتفج مع عمي جمال يمسكوه شغلهم اللي في اسكندريه

عطر : يعني مصعب و نورة حيعيشوا في اسكندرية

عتاب : ايوة و حياخدوا معاهم نسمه

نورة جالت محتمشيش من غير اختها و كده كده مكنش حينفع واصل انها تفضل جاعده في البيت

عطر : يعني مصعب حيمشي خلاص من البيت

عتاب : عمك بيجول وضع مؤقت لحد الدنيا ماتهدى و امه تتجبل الوضع

عطر : و حيجوزهم سكيتي اكده

عتاب : ايوى يا دوب حيكتب كتابهم و ياخدوهم

بس حرام و الله  عمك كان عايز يعمللهم فرح لكن نورة هي اللي مرضيتش  يا عيني كتر كلام مرات عمك عمللها رعب حاسه ان اي حد حيعرف انها اتجوزت مصعب حيجولوا انها طماعه و بصت لاسيادها معوزاش تنجرح و لا حاجه تعكر صفو فرحتها هي اهم حاجه عنديها مصعب و بس

عطر : و حسني يا عتاب طمنيني عليه

عتاب : اهوه غلبان حيعمل ايه اللي رايح و اللي جاي بيصبر فيه الكل اتكلم معاه عمتك و عمك و عامر مسايبهوش ما هو اكتر واحد حاسس بوجيعته ديه حتى مصعب و الله اتحدت معاه و فهمه انهم بيحبوا بعض من و هما صغار و انتي عارفه حسني غلبان و جلبه زي اللبن الحليب و بارك له و دعالهم ربنا عجباله يا رب

عطر : حسني ابن حلال مصفي و ان شاء الله ربنا حيعوصه خير و يرزجه ببت الحلال اللي تريح باله

عتاب : اوعاكي متجيش كتب كتابهم احسن عمك يزعل منك جوي

عطر : لا طبعا حاجي عالجليله اسلم على مصعب و نورة يا عالم الوشوش حتتجابل تاني و اللا لاء

عتاب :  جوليلي بجى انتي عامله ايه يا حبيبتي

عطر : أني زينه الحمد لله

عتاب : بتضحكي على خيتك يا عطر

عطر : ليه بتجولي أكده

عتاب : عشان شكلك مبيجوليش اكده يا خيتي مالك يا عطر فيكي ايه يا غاليه ضحكتك غايبه و وشك دبلان

عطر : لا مفيش حاجة اني زينه

عتاب : شكل سفر جوزك مأثر عليكي جوي بتحبيه للدرجه ديه يا عطر

عطر :.............

عتاب : الله سكتي ليه متجلجنيش عليكي الله يخليكي

عطر : أني حبله يا عتاب

عتاب بفرحه : يا لهوي عليكي و ساكته من الصبح الف الف مبروك يا حبيبتي ربنا يكملك على خير يا رب ياااه بجي اني حبجى خاله اني الدنيا محتساعنيش من الفرحه 

عطر : عتاب اني معوزاش حد يعرف واصل

عتاب : ليه يا عطر

عطر : معلش اني لولا اني خفت تزعلى مكنتش جلتلك

عتاب : ليه يا عطر متجوليش، ليه هو ديه خبر يستنى بردك

عطر : ريحيني يا عتاب الله يخليكي منجصاش وجع جلب كفاني اللي اني فيه

عتاب : و هو ايه اللي انتي فيه

عطر : مفيش

عتاب : لا فيه و اني ممشياش من اهنيه جبل ما اعرف مالك يا بت امي و بوي

هو انتي ليكي حد غيري تحكيله يا عطر ليكي حد تفضفضيله غيره يا حبيبتي مش انتي دايما تجوليلي انك بتحسي اني أمك مش اختك مفيش بت بتخبي حاجه على امها جوليلي يا حبيبتي ارمي حملك و همك على اختك و توكالك على الله و طلعي اللي فجلبك

تبكي عطر بكاء شديد فتاخدها عتاب في حضنها و تفضل تمسح على شعرها و تهديها

عتاب : أعوذ بالله من الشيطان الرجيم اهدي با حبيبتي

عطر : يحي يا عتاب

عتاب: يحي ماله

عطر : حجولك يا عتاب

في الأسفل

بت يا فرحه

فرحه : ايوة يا اما

فوزيه : هي عطر مالها

فرحه : مالها ازاي يعني

فوزيه : من يوم ما سافر جوزها و هي غريبه أكده يا اما جاعده لحالها يا اما مبتكلمش حد

فرحه : مش زعلانه عشان جوزها سافر يا اما

فوزيه : لا بردك ميكونيش بالمنظر ديه و بعدين شكلها دبلان و شوفتها كذا مرة تدخل عالحمام تجري و تخرج بعد مده كيف ما تكون بترجع بت يا فرحه انتي خابرة حاجه و مخبياها علية

فرحه : واه و اني حخبي عليكي ايه يعني يا اما

فوزيه : علية اني بردك ديه انتي مبتسيبيهاش واصل و متاكده انك عارفه

فرحه :اما الله يخليكي خلينا فلجمة عيشنا

فوزيه : بجي اكده بردك يا فرحة بتخبي على امك

فرحه : اني مبخبيش حاجه

فوزيه : طب جوليلي هي حبله

فرحه : ايه حبله لا مخبراش

فوزيه :  طيب ماشي يا فرحه بس اني زعلانه منك جوي روحي شوفي وراكي إيه

فرحه : طيب اني حجولك بس امانه عليكي ما تنطجي بحرف و خصوصي للست صفيه احسن عطر تزعل مني

فوزيه : محجوليش انطجي بجى

فرحه : ايوة عطر حبله

فوزيه : حبله طيب اني و الله كنت متأكده بس هي مخبيه ليه دول لو عرفوا اهنيه حيفرحوا جوي

فرحه: مخبراش يا اما هي معوزاش حد يعرف ليه معرفش و اني وعدتها اني محجوليش لحد

اما اياكي تفتحي خاشمك بكلمه 

فوزيه : ماشي ماشي يا اللا شوفي وراكي ايه تعمليه

في الأعلى عند عطر و عتاب

عتاب : يا حبيبتي يا اختي كل ديه شايلاه في جلبك و ساكته

عطر : حعمل ايه بس يا عتاب

عتاب : تيجي بيت عمك يا عطر و تحكيله على كل اللي سمعتيه و هو اللي حيجيبلك حجك منيهم مانتي خابرة عمك زين

عطر : خابرة و عشان أكده معوزاش اجي

عتاب : عطر انتي حبيتيه يا عطر و معوزاش تمشي من اهنيه صوح يا بت ابوي

عطر : اهئ اهئ اهئ صعبان علية نفسي جوي جلبي واجعني منه جوي يا عتاب ليه يعمل فية اكده ليه اني عملتله ايه ديه بجي كل دنيتي نفسي اعرف راح فين كلامه الحلو لية و حنيته علية ديه اني حسيت معاه كأني ملكه طايرة في السما طير ممصدجاش ان كل ديه يكون ثمثيل و كدب  لا لا مش معجوله عارفه يا عتاب ايه اللي وجعني منيه اكتر من اللي سمعته اني كان نفسي يواجهني بدل ما يهرب اكده كان نفسي يطلعلي اللي فجلبه و يجوللي هو عمل معايا اكده ليه يمكن كنت عذرته وجدرت موقفه لكن هو ما عبرنيش بكلمه واحده كل اللي جالهولي حضريلي شنطتي كأني كنت و لا حاجه

خلاص المهمه انتهت لجى واحده حلوة جدامه خد اللي هو عاوزه و لما استكفى منيها جال خلاص كفايه أكده و خد في وشه و مشي و الاكتر من اكده انه من يوم ما مشي تخيللي مفكرش مرة واحده مرة واحده بس يطمن علية يجوللي انتي فين يا اللي اسمك لساته على اسمي

اني محمشيش من اهنيه يا عتاب غير لما اجيب اخره معايا عشان يوم ما حخرج من البيت ديه اني مرجعاهوش واصل و لا حدخله برجلي تاني

عتاب : لساكي عنديكي أمل يرجعلك يا عطر

عطر : ايوة ايوة يا عتاب لساتي جواتي امل يرجعلي يحس انه محتاجني يحس انه اتوحشني مستنياه يفتح علية الباب و يجوللي اني جيت اهوه مجدرتش ابعد عنك يا حبيبتي

حبيبتي الكلمه اللي منطجهاش بلسانه واصل

عتاب : لا يا عطر لا مش عطر العشري اللي تفضل جاعده حاطه ايدها على خدها و مستنيه اكده انتي حتاجي معايا دلوك و تجعدي فبيت عمك معززه مكرمه لحد ما نعرف اوله من اخره نفهم هو راح فين و مين ديه اللي ملهوف عليا ست و لا بت و لا ايه الحكايه بالظبط

عطر : مرجعاش يا عتاب اني مرجعاش البت عند عمك

عتاب : ليه يا عطر ليه

عطر : الله يخليكي يا عتاب منجصاش وجع جلب جلتلك كفاني اللي اني فيه

عتاب : و هو فيه  وجع جلب اكتر من اللي انتي فيه ديه عاد 

عطر: ايوه يا عتاب وجع جلبي عليكي اني معنديش استعداد ادخل البيت ديه تاني

عتاب : اطمني يا حبيبتي اني و عامر بجينا كويسين جوي و ان شاء الله مع الوجت علاجتنا حتتحسن و حنعيش حياه طبيعيه زي كل الناس

عطر : لما ابجى اطمن عليكي الأول ابجى اشوف حعمل ايه و بعدين اني جلتلك اني مستنياه مستنيه ابو ابني يا عتاب

تحاول عتاب تكلمها كتير و لكن عطر مصممه على موقفها و إنها مش حترجع بيت عمها مهما حصل و تأكد على عتاب و تحلفها إنها متجبش سيرة لحد نهائي و اللا حتكون آخر حاجه بينهم حملتها امانه فوق طاقتهاحتتحمل إزاي تعيش و هي مش عارفه أختها مالها

وضع صعب اتحطت فيه لكن هي مفيش في ايدها حاجه 

😴😴😴😴😴😴😴😢

في الاستوديو

انتي بتقولي إيه يا نيللي أنا مش مصدق اللي بسمعه منك انتي واعيه للي بتقوليه ده

نيللي : انا اللي مش فاهمه سبب رد فعل حضرتك ده و إيه وجه اعتراضك في شئ، زي ده هو حرام علية إني احب و اتحب وارتبط زي بقية البنات

عز : لا طبعا يا نيللي أنا اكيد مقصدش كده لكن ملقيتيش غير الشخص ده عشان تحبيه و ترتبطي بيه

نيللي : ماله فهمني فيه إيه مش حضرتك كنت مقتنع بيه و بتقوللي إنه ييجي منه

عز : لا يا نيللي مش هي دي الحقيقه أنا فعلا اديته فرصه إنه يثبت وجوده كممثل و مرضتش أحرجه لكن التجربه أثبتت لي انه ميصلحش للتمثيل

نيللي : أنا حفضل جمبه و حساعده و مش حسيبه و اوعدك انه حيكون كويس بس عشان خاطري اديله فرصه كمان

عز : ياااه للدرجه ديه بتحبيه يا نيللي

نيللي : أيوة بحبه يا عز و هو خلاص جه أتقدم لأهلى

عز بسخريه : كمان

نيللي : أيوة و حنتجوز الشهر الجاي

عز : بسرعه كده

نيللي : و نستنى ليه

عز : ما تستعجليش يا نيللي ده مستقبلك و دي حياتك متفرطيش فبها بسهوله كده انتي لسه على أول السلم و محتاجه تركزي في شغلك و اللا ممكن تضيعي نفسك و تنتهي قبل ما تبتدي

نيللي : ماتخافش علية يا أستاذ عز أنا إن شاء الله حوفق ما بين شغلي و بيتي بس و احنا مع بعض

عز : ربنا يوفقك يا نيللي

نيللي : ميرسي أوي ليك يا أستاذ عز

تترك عز و تمشي بينما هو يتعقب خطاها بقلب حزين و فؤاد محطم

بينما كان يحي يقوم بتصوير أحد المشاهد و بعد 

الإنتهاء من التصوير يجلس مع عز 

حعمل إيه دلوقتي في مشكلتي ديه يا استاذ عز

عز : مش اتفقنا بلاش أستاذ ديه مالك محسسني إني اد أبوك كده ليه

يحي : لا و الله ده احترام ليك

عز : لا يا سيدي أنا عاوزك تقول عز من غير اى القاب

يحي : ماشي يا عز قوللي بقى احل مشكلتي ازاي

عز : أنا مش شايف مشكله و لا حاجه أنت اللي مكبرها أوي ما يا ما فنانين كتير غيروا أسماءهم ما نت عندك الفنان نور الشريف ما هو اسمه الحقيقي محمد جابر و غيره و غيره ستات و رجاله يبقى فين المشكله 

يحي : طب و انا ان شاء الله حسمي نفسي إيه ده مش عاوز يسمع اسمي و لا اسمه نهائي

عز و هو بيفكر : كيان

كيان عز الدين  ايه رايك

يحي : كيان عز الدين

عز : أيوة كيان اسم مش موجود عالساحه نهائي و حيلفت الانطار ليك و عز ده اسمي يا معلم مش انا اللي اكتشفتك و اللا ايه

يحي : يا حبيبي يا عز ربنا يخليك لية بجد أنا مش عارف لولا وقفتك معايا انا و نيللي كنا عملنا إيه 

عز : نيللي

يحي : عز احنا اتفقنا نبقى صحاب مش كده

عز : طبعا يا يحي أكيد

يحي : انت بتحب نيللي يا عز؟ 

عز : أيوة يا يحي بحبها بس ايه الفايده

يحي : المفروض كنت صارحتها بمشاعرك ناحيتها

عز : مينفعش يا يحي مينفعش

يحي : ليه يا عز على فكرة لو باصص لموضوع السن فده مش دافع انك تخبي مشاعرك تجاهها و بعدين انت ما شاء الله عليك اللي يشوفك يديك أصغر من سنك بكتير

انت لسه فعز شبابك يا عز و حرام تدفن نفسك كده

عز :  : الموضوع مش فرق سن و بس يا يحي انت بعدت عننا فترة حصلت فيها حاجات كتيرة اوي اكدتلي إن قلبها مش معايا خالص و أنا مش حقدر افرض نفسي و لا مشاعري عليها

يحي : انت قصدك على جاسر مش كده

عز : فاشل و الله العظيم ممثل فاشل بمعنى الكلمه مفيش حد قال في حقه كلمه واحده حلوة و هي مقتنعه بيه اقتناع رهيب و عشان خاطرها اديتله فرصه مرة و اتنين لكن هو ميصلحش للتمثيل نهائي

لا و البيه مفهمها ان الكل بيغير منه و مش عاوزينه ياكل الجو منهم فرحان بجماله هو اخره يشتغل موديل يبقى كفايه عليه اوي كده

لكن التمثيل ده مش شغلته نهائي

يحي : اعذرها يا عز نيللي حياتها متلغبطه عايشه في أسرة مفككه صحيح كلهم عايشين تحت سقف واحد لكن مفيش حد ليه علاقه بالتاني و لا حد بيهتم يعرف حاجه عن حد

نيللي مفيش حد عمره قاللها ده صح و ده غلط و لولا انها هي من نفسها و جواها بنت كويسه كان زمانها ضاعت من زمان

 وللأسف الشديد اللي اسمه جاسر ده عرف يلعبها صح و يحسسها بالاحتواء و الأمان اللي هي مفتقداه في حياتها تقدر تقول عمللها غسيل مخ لدرجة إنها مبقتش شايفه غيره

و انت اهوه خفت تصارحها بمشاعرك ناحيتها او تحتويها فضلت تحتفظ بمشاعرك ناحيتها لنفسك

 لكن أنا مش حسيبها لازم افوقها من اللي هيا فيه

انا فعلا بعدت عنها فترة و تقريبا أخبارها انقطعت عني لكن انا مش، حسمح لها تدمر نفسها مع إنسان فاشل زي اللي اسمه جاسر ده 

عز : خلاص يا يحي هي قالتلي من شويه ان هو خلاص أتقدم لها و حيتجوزوا بعد شهر

يحي : ايه ازاي المجنونه دي تقرر حاجه خطيره زي ديه من غير ما تقوللي

عز : انت كنت مختفي يا يحي و احنا كلنا مكناش عارفين نتلم عليك نهائي طول الفترة اللي كنت فيها مسافر عشان تتجوز

يحي : ايوة عشان اتجوز 

عز و هو بيحاول يخرج نفسه من احساسه بيها : مالك يا يحي شكلها وحشتك مش كده 

يحي : عطر 

عز : هي اسمها عطر

يحي : اول مرة اسمع الاسم ده مميز اوي

يحي : و هي كل حاجه فيها مميزة و مختلفه

عز : يبقى شكلها وحشتك زي ما قلت 

يحي : ايوة يا عز حكدب عليك لو فلتلك انها موحشتنيش وحشتني اوي و حاسس اني مفتقد وجودها في حياتي

عز : يااه مكنش ده حالك يوم ما قلتلي على قرار والدك انك تتجوزها

يحي : مفيش شئ بيدوم على حاله يا عز

عز : انت حبتها يا يحي

يحي : صدقني لو قلتلك اني مديتش لنفسي الفرصه قبل كده اني اسأل نفسي اذا كنت حبتها و اللا لاء 

كان كل اللي شاغلني ان اؤدي المهمه اللي انطلبت مني عشان اقدر احصل على موافقة بابا بشغلي و بس

لكن انا كنت مبسوط معاها اوي معرفش عشان هي جميله و اللا عشان حنيتها علية و اللا ايه بالظبط مشاعري ناحيتها متلغبطه أوي بس كل اللي انا حاسس بيه دلوقتى انها وحشتني وحشتني اوي يا عز انت مكلمتهاش يا يحي

يحي : لاء

عز: ليه يا يحي

يحي: خايف اضعف قصاد صوتها خايف أرجع و مقدرش اكمل طريقي و لا أحقق حلمي اللي رسمته

محتاج اقف على اول الطريق و بعد كده اروحلها و حفهمها حفهمها كل حاجه و حعرفها الحكايه من اولها و يا رب تفهمني و تفهم وضعي و انها مينفعش تظهر دلوقتى

عز : لو بتحبك حتقدر و حتفهم

يحي : معرفش يا عز معرفش رد فعلها حيكون إيه متنساش اننا صعايده دماغنا ناشفه و انا متعرضتش معاها لموقف يخليني اقدر اخمن رد فعلها ممكن يكون ازاي

عز : اعمل اللي يريحك يا يحي بس نصيحه مني لو قلبك أتأكد من مشاعره ناحيتها اوعى تفرط فالحب ده اي حاجه في الدنيا ليها فرصه تانيه الا الحب يا يحي

يحي : و انا مش حفرط فيها يا عز و لا عمري حسيبها و في أقرب وقت حنزل الصعيد و وقت ما اتقابل معاها انا حقوللها على كل حاجه و انا و نصيبي 

😘😘😘

🌿🌿🌿🌿🌿🌿🌿🌿🌿

 •تابع الفصل التالي "رواية يكفيني منك عقابا" اضغط على اسم الرواية