رواية متخافيش الفصل الرابع عشر 14 - بقلم منة محمد
ع السفره في البيت الكبير لعائله حياه
الجده بصتلها…اسعاد امال فين السلطه هاتي منها
نعمان…..ايه الحكايه يا ماما شكلك مبسوطه
الجده…..وهكون مبسوطه اكتر لو عملته الي هقولكم عليه
نعمان….اطلبي واحنا ننفذ
الجده…..العريس الي جاي لتمارا توافق عليه ابن حلال وهي سنها سن جواز ونفسي افرح بيها وبعدها مش عايزه حاجه تانيه
حليمه بضحكه….يا حماتي انتي بس اقنعيها واحنا نمشي الموضوع ع طول
الجده…..هو الجيل الجديد ده بيمشي خلف خلاف ليه انا عايزه اشوف احفادي جوه بيوتهم
اسعا بصت لقاسم وقالت…..والله صدقتي انا نفسي افرح كمان بقاسم الاول هو بس يقول ايوه هيجي دوره هوا
سالي بتوتر….اسعاد هي تمارا فين
اسعاد بزعل….ناديتها عشان تاكل قالت مش جعانه
قاسم قام من مكانه وقال……هقوم اجيبها
سالي قاعده مرعوبه ليجرلها حاجه لحد ما سمعوا صوت قاسم العالي جدا
نعمان…. تمارا عملت ايه خليته يتعصب كدا
سالي قامت…….. هقوم اشوفهم
قاسم فضل يصحي فيها دي مش بتصحا لحد ما لمح شريط برشام فارغ ع الكمديو وفضل يصرخ ويضربها ع وشها
سالي وهي داخله بتصرخ عليه….. انت بتزعقلها ليه عملت ايه
قاسم بذعر….عمتي مش بتقوم وشكلها واخده برشام منوم كتير من فضلك نادي ماما
سالي ضربت صدرها….بتقول ايه( راحت عليها) اتحركي يا تمارا حصلك ايه يابنتي
قاسم …….دي مش بتقوم
سالي…..جرلها ايه
قاسم…..انا لازم اوديها مستشفي حالا
سالي طلعت وفضلت تصرخ……الحقونا
نعمان داخل بيجري…فيه ايه سالي بتصرخي ليه انطقي قلبي هيقف
سالي……تمارا حالتها وحشه جدا معرفش حصلها ايه مغمي عليها يارب ارحمنا
اسعاد بعيون مصدومه….هي بنتي جرلها ايه يا قاسم حد يرد عليا بنتي جرلها ايه
سالي…..مغمي عليها وشكلها واخده علبه برشام لازم ناخدها مستشفي
ناصر….قاسم هاتها بسرعه للعربيه
قاسم بسرعه رفعها ع ايده ونزل بيها زي المجنون والكل وراه بعربيتهم
………….قصص منه محمد كاتب……………
في المستشفي
الدكتور….الحاله جايه ليه
قاسم…معرفش انا دخلت عليها لقتها فاقده وعيها
الدكتور بستفسار….عندها ضغط سكر
قاسم…لآ معندهاش حاولوا تعملولها غسيل معده يمكن اكلت حاجه فاسده
الدكتور….وليه شكيت في كدا
قاسم ارتبك وقال…..يعني لانها مش تعبانه ومكنتش تعبانه فقلت كده
الدكتور …….تمام
سالي قعدت بعيد وجسمها بيرعش وافتكرت كلامهم سوي
تمارا- انتي ازاي عمتي وعايزني اموت
سالي= فيه فرق بين التمثيل والموت وانا مطلبتش منك تموتي انا بقولك انتحري كدا وكدا
فاقت من الي هي فيه ع صوت نعمان بيواسي اسعاد وبيقولها…..ادعلها العياط مش هيفيد بحاجه
اسعاد ببكاء…ازاي بس وانا مش فاهمه حصل ايه مع بنتي
حليمه….الدكتور بيكشف وان شاء الله خير تعالي اقعدي هنا
……………..قصص منه محمد كاتب………..
في المطعم
حافظ بستفهام……الا صحيح ليه رفضتي اختك تيجي معانا يعني كانت هتاكل ايه وزي ما يكون نسيتي لما اهلك مكنوش بيكلموكي كانت هي بتيجي وتتعامل معاكي
صفاء….فاكره كل ده بس هي بتنسي حبي وصداقتي ليها لسه بتكره هاجر حتي بعد ماماتت مش عايزه روحها ترتاح وكل ما تلاقي فرصه تنهش في مراه ابني وتسمعها كلمه
حافظ ….ده حصل اصلي ولا مره شوفتها بتتكلم قدامي
صفاء…..هي اختي ومش هوحش صورتها قدامك بس هي زادت فيها اوي
يونس لما شاف حياه هتعيط ضحك بمرح وقال…..جري ايه يا جماعه احنا خارجين ننبسط في جو عائلي حلو مفيش داعي نذكر حاجه فيها مراره
حافظ ابتسم…..يعني انت قطعت الكلام مع خالتك عشان متقولش كلمه تزعل بيها مراتك
صفاء….هي مش بس مراته هي بنتي وغاليه عندي
حافظ…انتي كدا غلطتي هي بنتي كمان وحبيبتنا كلنا
صفاء…..عندك حق ثانيه ارد ع موبيلي خير يا سالي
سالي مثلت الذعر في نبره صوتها وقالت….شوفتي يا صفاء المصيبه االي صابت بنت اخونا
صفاء……اتكلمي ع طول ايه الي حصل ليه بتخوفيني اتكلمي
سالي….تمارا انتحرت وكلنا في المستشفي قلقانين عليها
صفاء برقت عيونها….ايه
سالي….المعتوه بلعت شريط برشام وجوه بين الحياه والموت
حافظ سألها…..ايه الي حصل
صفاء نزلت الموبيل وقالت….تمارا حاولت تنتحر وهي في المستشفي
حافظ…..معقول
حياه بصت لملامح يونس الي دخل في حاله صدمه وعيونه اتحجرت وبسرعه ركبوا لكن يونس كان حرفيا طاير بالعربيه زي المجنون
حافظ اتعجب منه ……انت بتعمل ايه كدا نعمل حادثه
صفاء …..يونس هدي السرعه
يونس بص لحياه في المرايا ورد قال ……..حاضر
………………………
ناصر…..سالي انتي كنتي بتكلمي مين
سالي……صفاء
ناصر اتعصب……ايه لزوم الغباء الي عملتيه
قاسم…..مكنش فيه لزوم تنفخي النار في العيله كلها وتنشري اخبار تمارا ليه عملتي كده
سالي صرخت فيهم….حصل كتير وانت بتقولي بنفخ في النار دي اختي لو مش هشاركها وجعي اشارك مين هي عمه تمارا
قاسم….مكنش له داعي تتصلي بحد
سالي…..انت مش مهتم بأختك انت السبب لما وصلتها للحاله دي
اسعاد راحت عليها بلوم…..سالي ده وقته يعني
سالي بصوت عالي للجو…..انتي خايفه من المحروس ابنك ومش هامك بنتك بعد ما عملها حاله نفسيه شوفتي بنت في سنها تتربط بسلاسِل من حديد مفكرنها حيوان تحكموا وتتحكموا فيه بنت تعيش باللاسلوب ده عايز ايه تجوزعا ما تسيبها براحتها
قاسم…ماتوطي صوتك احنا واقفين في مستشفي
اسعاد….. بس انتي وهو ادخل يا ناصر سكتهم
قاسم….سكتيها هي
سالي…..خالي ابنك يتلم الكيل منه طفح
قاسم ……….اه وبعدين
ناصر…….. بس انتم الاتنين احنا في مستشفي
قاسم شوحلها ………..دي اختي هي عايلتي مهما حصل مين انتي عشان تدخلي مين انتي , انتي حيالله عمه اهتمي بحياتك الخاصه
سالي…..عايله! هي دي عيلتك لوحدك دول اهلي انت مخبول واه هي اختك بس مش اسيرتك
اسعاد….اسكتوا بنتي بتموت جوه وانتم بتتخانقوا
قاسم……انا اسف تعالي اقعدي
ناصر بنظره ناريه….اهدي شويه
سالي…..ناصر
ناصر شخط فيها بأمر…بس ولا كلمه اسكتي شويه ايه ده
يونس دخل يجري ع الاستعلامات ويسال بطريقه تلفت النظر وحياه متابعه حالته وخوفه
صفاء راحت عليه بتنبيه….يونس خد بالك من تصرفاتك الكل هنا وقبل ما حد يسال داري خوفك شويه
يونس……حاضر هحاول
صفاء راحت عليهم…..ايه الي حصل
اسعاد بعياط……بنتي يا صفاء
صفاء….متخافيش هتقوم بخير وهتشوفي
اسعاد…..امتي هتبقي بخير ومحدش بيقولنا حاجه عن حالتها
صفاء…..ادعلها
الدكتور طلع …..احنا عملنا غسيل معده لكن لسه الضغط عالي وبينزل بصوره بطيئه وده مؤشر خطير وحاجه مطمنش
حياه شافت قهر يونس وخوفه ودموعه ع تمارا واتأكدت انه بيعشقها
حياه طبطبت عليها…..هتبقي كويسه
سالي جات وقعدت جنبه…..مبسوط بعد الي عملته اهي خاطرت وقتلت نفسها عشان حبك واخدت ايه المقابل جوازك وخيانتك كانت تعمل ايه غير تموت
يونس…خالتي متقوليش كدا
سالي…..اتحملت خيانتك بس مقدرتش تتحمل نوبه غضبك واهانتك هو ايه الي وصلها للحاله دي رفضتها بكل قسوه طردتها من بيتك ده جزاء حبها الا متناهي
يونس بدموع زي المطر….مكنتش اعرف ان كل ده هيحصل
سالي بصت لحياه بحقد …..وانتي هتبقي مبسوطه لما تشوفيها ميته
حياه بدهشه…انا
سالي بتهكم شديد…..اه انتي بس متعشيش كتير في الوهم لو حصل لبنت اخويا حاجه هفضحك قدام العايله كلها وهقول انتحرت بسببك
حياه…..بسببي انا
سالي…..اه بسببك انتي لما ادخلتي بينها وبين حبيبها وفرقتيهم عن بعض
يونس بص لحياه ولسه هيرد ع سالي لمح الدكتور بيبلغهم ان الحاله فاقت وراح بسرعه ينتهز اي فرصه ويدخل يشوفها وحياه رايحه وراه من غير هدف
سالي مسكت دراعها…..انتي رايحه فين
حياه…..ليونس
سالي…..انتي جبله معندكيش دم انتي لسه شايفه الي احنا فيه بسببك البنت بين الحياه والموت وانتي لسه بتلاحقي يونس عمري ما شوفت بنت وقحه زيك في حياتي
حياه…..حلي عني وسبيني في حالي
سالي…..انتي الي تحلي عن يونس وسبيه في حاله
صفاء…حياه انا لازم امشي ابقي جنب امي
سالي…وليه انتي تروحي ما تبعتي الغريبه
صفاء بضيق…….وبعدين معاكي
سالي…..تمارا محتجالك
حياه ………عمتي همشي انا خليكي انتي جنبهم
صفاء…..استني الاول ابلغ يونس ياخدك يوصلك
سالي…..مفيش لزوم ما تروح في تاكسي
صفاء بغيظ….انا مش هسيب بنتي مع راجل غريب جوزها يوصلها( بصوت عالي) يوووونس
يونس راح عليها…..نعم
صفاء…تعال وصل حياه لبيت جدتك لانها تعبانه مقدرش ابعتها في تاكسي
يونس….لكن يا ماما
صفاء بحده….يونس انا قلت وصل مراتك لبيت جدتك
يونس بطاعه….حاضر
صفاء…روحي يا بنتي
سالي شاطت غضب من صفاء وحقدت اكتر عليها لما يونس اخد حياه وركبوا العربيه
حياه…..الكل قلقان عليها جدا
يونس….اممم انا السبب
حياه حطت ايدها ع كتفه وقالت…..تحب نقعد في اي كافيه ونشرب شاي ونتكلم
يونس بصلها بحزن…..انتي بتقولي شاي انا مش قادر ابلع بوء الميه حاسس كل جزء فيا مات تعرفي نفسي اروح مكان اخبي نفسي واغمضي عيني لحد ما ترجع كل حاجه وتخلص وتختفي حاسس ان فيه سيف محطوط ع رقبتي والوقت ده لا ينفع يطرح فيه اسأله ولا اجوبه ع حد ولا ع ضميري
……………..قصص منه محمد كاتب……….
في غرفه تمارا
تمارا…..قلتي هيحصل ضجه ومشي من غير ما حتي يشوفني فايقه
سالي…..جدتك تعبت وراح يشوفها والا كان هنا وواقف يعيط عليكي لما عينه ورمت وكان بيدعيلك وحالته وحشه خالص
تمارا بتحكم…….عايزه اشوفه حالا
سالي…..ازاي يعني حالا الكل بره لا يمكن يدخلك
تمارا بنرفزه…..عمتو لو سمحتي اعملي اي حاجه وابعتهولي
سالي….تمام سبيني افكر اجيبه ازاي دايما حطاني في ورطه
تمارا……عمتو
سالي لفت لها….ايه
تمارا……فين حياه
سالي…..راحت معاه
تمارا…..ايه ده فين تأثير الي عملته وهما لسه مع بعض وانا هنا
سالي…..هو التأثير هيحصل كده فجأه الموضوع محتاج وقت وبعدين مين قالك تاخدي الشريط كله لو كان حصلك حاجه افرضي متي بجد
تمارا …….ياريت روحي وابعتيه
سالي…….. اصبري ع الاقل لما الناس الي بره يمشوا وهبعتهولك اول ما يوصل اتكي ع الصبر اتحملتي كتير اتحملي ده كمان
وبالفعل يونس كان وصل المستشفي لما سالي اتصلت بيه ودخل
سالي…..تعال يا يونس اتكلموا براحتكم وانا هقف بره هبلغك لو جه قاسم
يونس قعد قدامها…..عامله ايه
تمارا….كنت بموت عشانك وكنت بعيد عني لما رجعت لوعي
يونس….انا هنا وقدامك
تمارا…..ليه استهترت بنتحاري وكأنه شئ لم يكن
يونس…….انا كان فضلي شويه واخسر حياتي عقلي مكنش متخيل يتحمل فكره ان حد يجازف بحياته عشاني واقف عاجز مش عارف اعمل اي حاجه
تمارا……مش ده الرد الي مستنياه تقوله
يونس….امال اقول ايه
تمارا……تقولي لو جرالك حاجه كنت مت وراكي اعمل ايه من غيرك
يونس….هقولها بالطريقه الي انتي عايزه تسمعيها لكن من فضلك بلاش تؤذي نفسك
تمارا…..قولي حاجه تانيه
يونس…..قوليلي انتي وانا اسمعك
تمارا…..عايزك عاشق مش مجرد انسان بيسمع كلمتين حافظهم
يونس….العاشق ماهو كمان انسان
تمارا…..يس مش انسان عادي بيبقي الافضل ومميزاته اكتر وعشان يوصل للنقطه دي لازم الانسان يمشي ع النار ويخاطر بحياته زي مانا عملت
يونس….ده مش حب ده غباء وكفر اوعديني متكرريش الفعل الغبي ده مره تانيه انك تدمري نفسك وتدمريني كده
تمارا سكتت شويه وقالت ……..اوعدك
…………قصص منه محمد كاتب………..
يونس رجع متاخر لقاها نايمه ع الكنبه قاعده جه يحط الموبيل وقع منه ع الارض عمل صوت وهي فاقت
يونس علامات الضيق واضحه على ملامحه ….اسف
حياه فركت في عنيها وقامت….مفيش مشكله تمارا عامله ايه عارفه انك روحتلها بعد ما وصلتني مش كدا عمتي وعمي سألوني عنك قلت لهم معرفش كنت نايمه
يونس ……ارجوكي بلاش تحرجيني الناس ممكن تموت من العار
حياه….متقلقش هتقوم هي اصلا قامت دلوقت
يونس…..حتي لو اتحسنت مفيش حاجه هتتغير
حياه….اطمن
يونس حاسس نفسه مضغوط وكل شيء فوق راسه…..هو لما الواحد يبقي عاجز ومتكتف يقدر يعمل ايه غير انه يقلق ويضايق الراجل الجبان ميستخباش وري البنات وانا اوقات بخدك قدامي عشان انقذ نفسي واحيانا بخليها تواجهه الموت وابعد نفسي كل الي قلتيه عليا لحظه غضبك كانت صح يا حياه بتكرهيني وانتي صاحبه حق مائه في المائه انا واحد جبان ومليش اي فايده لما دخلت الشغل معرفتش اعمل حاجه نافعه هناك ولا قدرت ابقي مخلص لحبي ولما اتجوزت مقدرتش ارعيه انا بخسر كتير
حياه …………..يونس انت ملكش غلط في كده
يونس من بين دموعه….وقفي يا حياه انا عارف نفسي غلطان دمرت كل حاجه وبتكلم دلوقت عشان قلبي اتمناه يلاقي كل حاجه تمام حياه قوليلي اعمل ايه ساعديني وقوليلي اعمل ايه
حياه كانت ساكته بتسمعله وللاسف فهمت معني كلامه انه بيقولها حرريني من طوقك الي ملفوف حوالين رقبتي لحد ما خنقتيني بيه وابعدي وارحلي وكفايه لحد كدا
مسحت دموعها ودخلت للحمام وغسلت وشها اكتر من مره واخدت نفس علشان تروح اثار الدموع
………………قصص منه محمد كاتب……………….
بعد يومين من الاحداث الكل متجمعين في البيت الكبير
صفاء……تمارا عامله ايه دلوقت
اسعاد…..احسن من الاول بس ملامحها اختفت ولونها مصفر
سالي…..معرفش مين غلط في حق بنتنا وقهر قلبها وصلها للموت
الجده بعصبيه…..بتقولي ايه مين يقدر يزعلها فكري قبل ما تتكلمي
سالي….ماما ليه بتعلقي ع كلامي اقلقي ع حفيدتك ايش عرفك انها مش هتكرر الفعل ده تاني
نعمان …………اسكتي يا سالي متخلناش قلقانين
ناصر ….يمكن احنا السبب لما اجبرناها ع الخطوبه دي
سالي…….سألتوها في يوم هي عايزه ايه حد اتكلم معاها وانا بقول ده عشان ميتكررش تاني هي عندها اكتئاب وممكن تعملها تاني لازم ناخد بالنا
اسعاد….هي فعلا هاديه دلوقت لكن كلام سالي صح حتي لو بنسبه واحد في المائه حصل نعمل ايه ساعتها
صفاء بصتلها بحده….سالي بتحب تهول الامور
سالي ………….انا صح
صفاء ……………سيبي الدنيا زي ماهي
حياه شافت قلق وقهر يونس حست بالدموع هتخنقها فقررت الانسحاب وقامت طلعت عندها تنهي رحله العذاب وخبطت ع الباب…. ممكن ادخل
تمارا كشرت……تعالي
حياه ………عامله ايه
تمارا …………احسن
حياه ابتسمت ابتسامه خفيفة بغصه……ياتري هتحاولي نتنحري تاني
تمارا ……لما تلاقي الانسان الي بتحبيه راح لغيرك هتكوني في نفس الحاله وقتها من قهرتك وغيرتك مش بتحسي انك بتأذي نفسك معقول حد يؤذي نفسه عشان كدا المسأله مش عويصه اني اذي حد
حياه….تعرفي انا متشوقه يبقي عندي عايله وكان في يوم عندي ام وسابتني هي كمان وكان ليا اب واتخلص مني بسرعه اول ما سمحت له الفرصه وبابا الحقيقي موجود وانا قدامه هواء موجود مش متشاف
تمارا حبت تضغط عليها وتقهرها …..مش هتفهمي حبي ليونس اهم من اهلي نفسهم
حياه ……..بتعشقيه كتير
تمارا…..هو شخص طيب ونقطه ضعف الانسان طيبته مش بيأذي حد ومن حظنا احنا الاتنين وقعنا في حب رجاله طيببين
الباب خبط وتمارا قالت………ادخل
سيده ….مدام حياه الكل عايزك تحت عشان العشاء اتحط
حياه سألتها…….مش نازله ع العشاء
تمارا ……..مش جعانه
حياه……… بس مش هتجوعي بعد ما تنزلي معايا وهتفضلي شبعانه
بالفعل الكل قعد ع السفره ويونس قعد بينه وبينهم تمارا وحياه وملامحه كلها فرحه
حياه بصتله وبعد دقايق قالت بصوت مخنوق …..جدي جدتي عايزه اتكلم معاكم في موضوع او بالادق عايزه اتكلم مع الكل
كل الموجوين بصولها وعلى راسهم علامه استفهام بما فيهم يونس!
الجد…..اتكلمي يا بنتي عايزه ايه
الجده….قولي اتكلمي
صفاء اتكت ع اسنانها……حياه
حياه…..لاْ يا عمتي انا هتكلم لو متكلمتش دلوقت مش هقدر اتكلم بعدين ومش عايزه حد يشتكي مني
الجد…..اتكلمي بوضوح يا بنتي فيه ايه
حياه….انا غلطت مكنش ينفع اتجوز يونس وقررت انفصل عنه عشان كدا بطلب منكم يطلقني
يونس بصلها بذهول وتمارا حاسه بالانتصار انها صممت على رايها ووصلت للي هي عايزاه من غير ما تفكر في العواقب اهم شئ عندها تنتصر
الجد اتفاجئ وبعدها سألها……كرري انا شكلي مسمعتش كويس
سالي بسعاده…..لاء انت سمعت يا بابا عايزه تطلق من يونس
صفاء…..ساااالي
سالي …..ايه انا بقوله الي قالته يا صفاء
نعمان بصلها بهدوء ……..حياه احنا عايزين نفهم ايه السبب وري الانفصال
حياه حابسه دموعها ……غلطت وبعد الجواز عرفت اني ارتكبت غلطه كبيره الجوازه دي فاشله مش هتنجح
ناصر عطاها نظره ناريه …..والحب والعشق الي مسبتيش اي احترام لينا ايه الي حصل كان حب وخلص وانتهي
سالي بحتقار ….الي زيها علاقتهم بالحب يومين وينتهي احسن انها تخرج من حياته والا كانت هتدمره
صفاء. ….اقعدي ساكته
سالي بتوتر لما شافت نظرات صفاء الناريه قالت بتبرير…..انا
صفاء قطعتها بنظره تهديد….بقولك اسكتي ( سحبت حياه من ايدها) حياه قومي نرجع البيت ونتكلم هناك
ناصر شد على اسنانه بتهديد…….خديها بيتك ولو صممت مش عايزه ابنك مترجعش هنا تاني تروح ملجاء او بنسيون لاني مش هدخلها هنا تاني
الجده…ناصر خد نفس حصلك ايه
ناصر كأنه جن جنونه بنرفزه شديده…….مش عايز اتنفس لاني هاخد انفاسها لو رجعت البيت
حليمه….بدئت الدراما من جديد تاني
اسعاد…..مين هيبص لمشاكل ولادي و البت دي مش عايزنا نبص غير لمشاكلها عايزه تطلق بعد اسبوع من جوازها
صفاء……… حياه مسمعتيش قومي نرجع البيت يونس تعال وانت كمان يا حافظ
…………………………………………
حافظ………..والله ما بقيت فاهم حاجه ايه غرضك من الي قلتيه حصل ايه .لحد امبارح كنا كويسين حصل ايه سواد الليل عشان تطلبي الطلب الغريب ده حتي لو حصل خلاف تيجي تقوللنا احنا الاول ده انا قلت عليكي عاقله عن كدا مش تروحي تنشريها ع الملاء احنا كنا حلينا المشكله وجبنالكً حقك لو ليكي حق لو ابني زعلك تجيني وانا اشدلك عليه مش تطلبي الطلاق هو خراب البيت عندك كدا بالساهل والله ما قادر اوري وشي لحد
حياه ………مال طلبي بوشك يا عمي انا الي طلبت الطلاق انت ذنبك ايه
حافظ ……….متكرريش الكلمه دي تاني قدامي يابنتي الكلمه دي متطلعش من بوء بنت محترمه قًوليلي عمل ايه يونس معاكي
حياه ……..معمليش حاجه انا شايفه الجوازه دي مش هتنجح ومش عايزه اعيش مع يونس في بيت واحد من فضلك متجبرنيش اغير قراري
صفاء بغيظ ………مسمعتيش قرار ابوكي والكلام الي قاله
حياه .وهي تمسح دموعها…… هروح اي ملجاء والمعروف تشوفولي مكان امان
حافظ ……يابنتي ااستعيذي من الشيطان ودلوقت ادخلي اوضتك ونتكلم عن ده بعدين
حياه برجاء……عمي
صفاء شخطت فيها….مسمعتيش الي قاله حافظ امشي دلوقت يله
حافظ بصله بغيظ……عملت لها ايه
صفاء تنهي الموضوع……..حافظ شايفه نقفل ع الكلام ده دلوقت ونتكلم فيه بعدين ( ليونس نظره حاده ) وانت امشي من قدامي
يونس دخل وقعد جنبها وهو باصص لقدام…..انا لحد دلوقت مصدوم ليه اخدتي قرار مفاجئ كدا ع الاقل كنتي تقوليلي
حياه ………كنت هتغير قراري لاْ
يونس بصلها…..اعرف حقي اعرف
حياه …….كنت هتعمل ايه ادخل نام مرتاح دلوقت اتخلصت من همومك وحمل قلبك خف
يونس ………..انا مندهش بدل ما يخف العبي زاد
حياه ……….حاسس بايه
يونس ………..سكوت جوايا عميق’ حياه
حياه ……..نعم
يونس……حاسه بأيه
حياه ابتسمت وعيونها فيضان دموع……..زي ماكون جثه بتتجهز للدفن
يونس عيونه دمعت……..لما بتعاني كدا من الوجع كنتي لازم توقفي
حياه ……..كنت عايشه معاك كل يوم بنفس الوجع مقدرتش تشوفه انا متعوده ع الوجع يونس شكرا
يونس بصلها وهو حاسس حاله محطم من الداخل
حياه ……….ممكن ترد عليا وتشكرني
يونس ……..شكرا
حياه ………….العفو
- يتبع الفصل التالي اضغط على (رواية متخافيش) اسم الرواية