رواية متخافيش الفصل الثالث عشر 13 - بقلم منة محمد
تمارا منظر يونس وهو بيضم حياه وكلامه واهانته ليها خلاها تفقد السيطره وهشمت المرايا بكل الي عليها وفضلت تعيط بشكل هستيري
سالي دخلت مفزوعه…..تمارا بس عياط الاهانه الي واجهتيها اياك تنسيها
تمارا بصتلها بغضب……انتي السبب مش عايزه اسمع منك حاجه شجعتيني واخدتيني لحد يونس
سالي شخطت فيها….. ارجعي لوعيك انا مش عدوتك انا عملت كل ده عشانك
تمارا……اهانني قدام حياه بهدلني عشانها ‘مره لوحدنا والمره دي اهانني قدامها هواجها تاني ازاي بعد ما ادعيت الحب اني بملكه سحقني وضيع كرامتي انا خسرت ياعمتو وحبنا انتهي نفسي اموت
سالي بخبث…..بتحبيه كتير
تمارا…..اكتر من الدنيا
سالي……..وعندك استعداد تعملي ايه عشان تاخديه منها
تمارا…..اي حاجه
سالي….يبقي موتي عشانه
تمارا……ايه
سالي….اشربي سم
تمارا بذهول…….بتقولي ايه يا عمتو
سالي…..بقدملك الحل
تمارا……والحل اخد سم وانتحر
سالي……اه لان حياه مصدقت لقت راجل وبيت ومستحيل تطلب الطلاق ويونس معندوش الشجاعه يطلقها ولايمكن تبقي زوجه تانيه في وجود حياه حواليه وبعد ده كله تطلعي ايدك فاضيه لما تخسري حبك خدي السم وموتي
…………………………………………
يونس بيلف ع موبيله بزهق……راح فين ده كان لسه هنا
حياه داخله لقت مخده لزقت في وشها وهو بيحدفها
يونس بأحراج…..انا اسف كنت بحدفها مش فيكي وجعتك
حياه ابتسمت…..لاء مش للدرجه دي فيبر مش زلط
حياه وهي بتطاطي تلم االمخدات وهو في نفس الوقت بيطاطي يلم معاها دماغهم قفشت في بعض
حياه وهي بتسم دماغها……اسفه
يونس مسك دماغه….انتي شعرك الي شتت انباهي
حياه…..افندم
يونس ارتبك وراح يشوف دماغه في المرايا وسألها……ماما بتعمل ايه
حياه….قاعده قدام التلفزيون في اوضتها
يونس……بكره عيد ميلادها
حياه……بجد عيد ميلادها بكره بتفكر تعملها ايه
يونس…..ولا حاجه وهي مضايقه مني
حياه….ممكن تصالحها بالمناسبه دي
يونس…….مش هتتصالح دي امي وحافظها
حياه……هتتصالح قبل اي ام بيبقي زي الشمعه بيدوب بسهوله انت اعملها مفاجأه الليله
يونس……بتنام بدري
حياه…..مش هسيبها تنام انت بس قولي نوع التورته الي بتحبها
يونس…….بالشكولاته
حياه……خلاص روح انت هاتها مع هديه رقيقه ونفاجئها وتصالحها كمان
يونس…..طيب ما تيجي معايا
حياه بتعجب……فين
يونس…..نتشري التورته والهديه معرفش في الاذواق البسي بسرعه ونتحرك
حياه بسعاده انه عايز يشاركها ردت بحماس واضح…….ماشي
تمارا شافتهم بيركبوا سوي العربيه واتجننت ودخلت فتحت الدرج ومسكت ازازه السم
………………………………………
يونس نزل قبل حياه الي وهي بتعدي عربيه زمرت عليها ويونس بسرعه اخدها ناحيته ومسك ايدها لحد ما دخلوا المحل
يونس ها ناخد ايه
حياه واحده بالشكولاته وواحده بالفراوله اصل شكلها حلو اوي
يونس……طيب ما ناخد نصها شكولاته والنص التاني فراوله وتكون كبيره وخلاص
حياه للبائع تمام ورينا دي
يونس ساب حياه وراح يشوف الحلويات التانيه وسابها مع الحلواني لحد ما لمح شاب داخل ومع صاحبه وفضلوا يتكلموا عن شده جمال حياه لحد ما فيهم واحد اتحرك
الشاب راح ناحيه حياه وكلمها…سوري عيد ميلاد خطيبه صاحبي ممكن تساعديني اختار واحده
حياه بتلقائيه …….. اظن فيه في العرض كذا واحده كلهم حلوين
يونس قرب بغيره……فيه حاجه يا كابتن
الشاب ارتبك وقال……ابدا بس كنت بسال الانسه تخارلي ع ذوقها تورته لخطيبه صاحبي
يونس…..غريبه يعني صاحبك مش عارف ذوق خطيبته وجيت تسال مراتي وتاخد ع ذوقها
الشاب…..اسف معرفش انها مراتك انا بجد اسف بعتذر
يونس بصلها…..وانتي ليه اخدتي واديتي معاه
حياه……امال اشتمه
يونس……… ايوه عشان ده جاي يلطف
حياه…….يعني اي يلطف
يونس……وكمان غبيه مش فاهمه يعني يعاكس ويستظرف انها شوفته كان داخل مع صاحبه وفضلوا يبصولك ويتكلموا عنك وانتي عادي تردي عليه
حياه…..شوفت وعشان انا ساذجه وطيبه ربنا بعتك ليا
يونس شاورلها……..اختارتي التورته احنا نكتب عليها عيد ميلاد سعيد يا ماما
حياه بعناد……عيد ميلاد سعيد ياعمتي لوسمحت اكتب
يونس راح وقف قدام فاترينا للعطر النسائي وقال……ماما بتحب البرفن اوي هتفرح بيه
حياه……عارفه التسريحه كلها برفان وكلهم حلوين اوي الله شم دي ريحتها وهم بس ليه حطنها فاضيه بس رغم كده الريحه موجوده شوف
يونس شمها……لاء مش هتعجب ماما شوفي دي كدا
حياه رشت حواليها ………..الله حلوه دي وريحتها تجنن
يونس…..ناخدها وممكن تشتري واحد لنفسك
حياه …….لا شكرا
يونس ………..اعتبريها هديه مقدما لاقناع ماما ومساعدتي خديها هي حتي شبه فستانك روز
حياه رشت منها حواليها وهو سالها ………ها عجبتك
حياه ………ايوه
يونس …….يبقي هناخدهم الاتنين يله نحاسب
…………………قصص منه محمد كاتب………..
ع السفره يونس شاورلها بدماغه انها تبدء
صفاء سابت الشوكه ……الحمد لله
حياه عمتي
صفاء ……..نعم
حياه ………مش بعد ما كنتي بتتعشي بتحبي تشربي قهوه
صفاء….كنت بس الساعه عدت 11 ونعسانه جدا هروح انام
حياه ……….بس يا عمتي مش عايزه اشربها لوحدي عشان خاطري اكسري القاعده الليله
حافظ ابتسم ………..لو عملتوا اعملوا حسابي هشرب معاكم
حياه …….حاضر يله يا عمتي
صفاء ………امري لله بس اعملها بسرعه
حياه …….عنيا يونس هعمل قهوه تحب تشرب
يونس غمزها ………..اشرب
صفاء دخلت الصالون وقعدت ومددت جسمها ع الكنبه وحست بخطوات اعتقدت حياه خلصت القهوه بسرعه بتلف شافته كشرت
يونس مسك ايدها وباسها……..ماما
صفاء ………….دفعته ابعد عني
يونس ……….اسمعيني لان انا مش منقول من هنا لحد ما تتكلمي معايا وتسامحيني
صفاء ……….لو كنت مهتم بزعلي مكنتش عملت الي عملته
يونس ……..ماما انتي عارفه مقدرش اتحمل زعلك مش تخاصميني ومتتكلميش معايا انتي مش عارفه الوجع الي بعيشه من غيرك
صفاء ……..وانت عندك اي فكره عن وجعي وفوق ده كله عندك علم وحجم الوجع والقهر الي حياه بتعيشه
يونس ……….انا اسف انا غلطان
صفاء ………وايه الفايده لما تعتذر بعد ما روحت اتفقت مع سالي وتمارا ع حياه
يونس ………والله العظيم ده ماحصل اسالي حياه خالتي عملت ده من تلقاء نفسها
حياه……. عمتي يونس حاسس بالذنب وندمان
صفاء ……..ابعد عني
يونس ………ماما انا مقدرش ازعلك ده انتي روحي وحياتي وانتي عارفه انا مقهور انك زعلانه مني
صفاء……… خلاص مفيش حاجه
يونس….. لاء لحد ما تقوليلي سامحتك يا يونس ومش زعلانه منك زي ما اتعودت من صغري صفاء بصت لحياه الي بتشجعها تسامحه وقالت…….: سامحتك ومش زعلانه منك يله قوم اقعد جنبي
يونس بسعاده متاكده
صفاء ……ايوه
يونس قعد ع حجرها……..يعني بجد مش زعلانه مني
صفاء ………قلت مش زعلانه قوم بقي
يونس ……………لاء
صفاء ………….ياواد انت تقيل
مره واحده الدنيا ضلمت وصفاء قالت……حصل ايه النور قطع
يونس ………….معرفش هقوم اشوف انتي خليكي
صفاء ……….طيب روح شوف في ايه بس بسرعه
الكل غاب وصفاء فضلت تنادي مفيش حد بيرد عليها طلعت الهول وقالت بصوت مسموع……هو ليه محدش بيرد عليا ياولاد روحتوا فين يونس حياه انتم فين ياولاد
حياه ويونس ولعوا النور ومعاهم تورته وبيغنوا……كل سنه وانتي طيبه
صفاء ضمت ايدها تحت دقنها بسعاده كبيره…. اه ياولاد الذينا والله ما كنت فاكره عيد ميلادي خالص متشكره
حافظ وهو نازل من ع السلم…..اقول والحق انا كمان كنت ناسي لكن الولاد فكروني
يونس بغمزه ……..شوفتي انا مش نسيكي
حافظ ضمها ……..بس اوعي تزعلي بكره هاخدكم ونخرج كلنا ونحتفل ع حسابي وهقدملك هديه
يونس مسك بوكيه رائع………اتفضلي يا اجمل ام
صفاء ………..الله الورد حلو اوي
يونس جاب علبه مخمليه شيك جدا……..ماما دي هديتك خمني تطلع ايه
صفاء………. البرفان الي بحبه صح
يونس……….. بالظبط واشتريت واحده زيها لحياه
صفاء ……..بجد
حياه ……….ايوه صمم
يونس ……..يله نقطع التورته بابا قرب
حافظ …………. جاي
صفاء ضمت يونس وضمت حياه وحافظ اخدلهم صوره تذكاريه
………………قصص منه محمد كاتب……….
في غرفه النوم نايمين جنب بعض ع نفس السرير ومفيش اي حاجز بينهم
حياه…..ماما وبابا كانوا مبسوطين
يونس …….اممم وانا كمان
حياه ……مبسوط شويه ولا كتير
يونس…..شويه
حياه…..تصبح ع خير
يونس……وانتي من اهله بس هو انتي فعلابتعرفي تسحري
حياه ………..اه مش انا بشتغل دجاله
يونس ضحك ……….. اصل البيت بقي بيت من اول ما دخلتيه ماما لقت بنت مش مراه ابن واخدت حب وعطف جوزها عارفه عمري ما شوفت بابا بالحب ده او بالموده دي اتجاه امي
حياه ……..انا مبعرفش اعمل سحر بس بعرف اعمل دوشه وازعاج
يونس…هو انتي ليه بتقللي وتتريقي ع نفسك
حياه….عايزني ادعي لنفسي بطوله العمر عشان ابقي عبئ فتره اطول
يونس….هو مش ممكن نبقي مبسوطين يوم ممكن يا نكدوا ننسي الماضي من غير ما نفكر في الستقب تعالي نتكلم عن اللحظه الحاليه دي
حياه….. نتكلم نقول ايه مثلا
يونس…….مثلا اد ايه انا لطيف
حياه…….لاْطبعا
يونس كشر فيها……ليه هو انا دمي تقيل بالعكس بقي انا مي خفيف ووسيم
حياه……. لاْ
يونس….. لو قلبتي في صفاتي مش هتلاقي فيا ولا غلطه
حياه…..قلت مش هنتكلم في الماضي
يونس……عشان كدا قلتي اني مش لطيف بس انا مش شايف فيا اي صفه وحشه
حياه …………تمام انت لطيف وانا الي وحشه
يونس……… لآء احنا الاتنين لطاف
حياه ضحكت اوي……طريقه كلامك رجعتني لايامي في ثانوي
يونس…ليه
حياه….كان ليا واحده صاحبتي دايما وابدا تقولي تعال نمدح ونشكر في بعض انت عامل زيها
يونس ضحك اوي وحياه كمان الي تاهت في جمال ضحكته وهو بصلها وارتبك
……………………..قصص منه محمد كاتب…………
اسعاد…..تمارا
تمارا…..خير يا ماما
اسعاد……… يابنتي هو انتي ع طول حابسه نفسك في اوضتك
تمارا ………امال اعمل ايه غير كدا
اسعاد…..اخرجي عايزه افهم ليه بطلتي تروحي الكليه ركزي ع مستقبلك شويه عشان حماتك تحبك هي طبعا هتحبك اصل بنتي جميله
تمارا……دقيقه حماتي مين انتي بتتكلمي عن ايه
اسعاد….مش جالك عريس تعرفي ابن مين زميل ابوكي واتكلمت انا وامه اه منا لازم اعرف طبعهم بس الشهاده لله طلعت ست محترمه جدا وطلبت مني صورتك تشوفك لما ابنها كلمها عنك وانا بعتهالها
تمارا بنرفزه…..من غير ما تسأليني بعتي صورتي
اسعاد بتعجب….منا جيت اسألك اهو
تمارا…..مش عايزه اتجوز
اسعاد ……يابنتي الفرصه مبتجيش غير مره واحده والناس هايلين والا عايزه تقلدي عمتك الي لسه قاعده من غير جواز
تمارا بصراخ حاد……ممكن تقفلي خالص وتنهي الموضوع قلتها مره انا مش عايزه اتجوز يبقي مش عايزه اتجوز ومتعاملنيش زي البهيمه الي ممكن تضحي بيها وتحاولي دايما تخليني انساق
اسعاد كتمت غضبها………انتي بقيتي لا تطاقي
تمارا ………وبلغي العريس كده يمكن اتخلص منه بالطريقه دي
اسعاد مسكت دراعها ………انتي حصلك ايه في ايه مالك
تمارا فلتت دراعها بقوه……..لما بقول مش عايزه اتجوز يبقي مش عايزه ليه مش بتفهمي
قاسم دخل ع صوتها العالي واتعصب…….. ايه الاسلوب المنحدر الي بتتكلمي بيه مع امك انا سامع صوتك العالي من تحت صوتك عالي جدا
اسعاد بتشده من قدامها…….سيبها يابني احنا بس بنتكلم
قاسم بص لاسعاد بغضب……وهي بقت بالاسلوب المنحدر ده بسببك ولا بتذاكر ولا بتروح كليه ودلوقت بتطاول عليكي وبتكلمك بقله احترام قوليلي مالك ليه بتصرخي
تمارا …….امك عايزه تجوزني وانا مش عايزه اتجوز
قاسم …….شوفتي اهي لا عايزه تتعلم ولا عايزه تتجوز ( لف بصلها) ممكن افهم ليه الشاب محترم وابن ناس وانا بنفسي قابلته واتكلمت معاه ع الاقل قبل ما ترفضيه قبليه مره واحده وبعدها ابقي احكمي
تمارا بعناد وتصميم…..مش هقابل حد ولاهتجوز قابلتوه من غير ما تسالوني وكمان بعته صورتي مين عطاكم الحق ده
قاسم ……..ده واجبنا
تمارا ………لله سبوني في حالي ولا روح انت واتجوز ولا لسه حياه جواك
قاسم. بص لامه بقسوه ….بقت كدا تمام راقبيها قبل ما تبقي انيل في تصرفاتها واتصلي بأم الولد وخلينا نقرء فاتحتهم ع اخر الاسبوع وانتي مش عايز اشوفك بتتكلمي باللهجه دي وخصوصا مع امك انتي سامعه
اسعاد…… قاسم اطلع انت وانا هتكلم معاها
قاسم بصلها بنظره حاده وطلع واسعاد قالت لها…..وانتي فكري بعقل هادي
تمارا…..هيفضل قراري زي ما هو
اسعاد…..مش هيحصل انتي بس فكري
……………قصص منه محمد كاتب………………
حياه واقفه في المرايا بتلولو شعرها بالمكواه وهو عينه مش عارف يشيلها من عليها وع شده جمالها
حياه بصتله….مش هنمشي
يونس فاق….اه منا ببصلك عشان اقولك يله بينا
يونس اخد حياه ونزلوا تحت شافه سالي موجود والاتنين كشروا
سالي لصفاء….كل سنه وانتي طيبه ماما بعتالك الهديه دي
صفاء…..شكرا
سالي…….وناويه تعملي ايه لليوم
صفاء بكيد……اتفرجي الاول ع العسلات الي نازلين
حافظ بص بأعجاب…… ماشاء الله زي القمر والشمس
صفاء…….. فعلا حياه خلت حياتنا كلها شروق بعد ليل طويل
سالي …….انتي ليه بتقلبي عليا المواجع وتفكريني بزمان
صفاء تجاهلتها وقالت ………حياه دوقي التورته لعمتك
سالي …….شكرا عامله حميه
حافظ ………تعالي معانا اتغدي
سالي ……رايحين فين
صفاء ………اي مكان تقولنا عليه حياه
يونس…….. حياه عايزه تاكل سمك بالزيت المقلي
سالي بنظرات بحقد……. ما تقولها بصراحه انك مش عايز تاخدني معاك
حافظ بعصبيه…….يونس ايه الاسلوب ده مع خالتك الي بتحبك
يونس …..وانا مقلتش حاجه كنت بوضح اختيار حياه مش انتي قلتي كدا ياحياه
حياه ايدته………..ها اه فعلا انا بحب الاكل المقلي بالزيت
سالي….صفاء ماما بتقولك لو الهديه مش عجباكلي تقدري تروحي تبدليها
صفاء …….مش هغيرها دي من امي هتعجبني حياه يونس وصل سالي للباب وانتي ياحياه حطي العلبه دي جوه اوضتي روح يايونس
سالي كشرت جدا …….كدا سلام
يونس بصلها……… نمشي
سالي وهي ماشيه جنبه ………يظهر نسيت حبك الاول
يونس….حبي ده يخصني ومحبش حد يدخل فيه عانيت كتير بسبب تدخل الغير
صفاء…… يونس ابوك بيقولك هنروح بعربيتك هاتها من الجراش
يونس ………حاضر
سالي قررت تنفذ الخطه هي وتمارا لازم تكسر شوكه حياه وصفاء بالقوه
……………….قصص منه محمد كاتب………………
سالي دخلت لها……انتي خليكي راكنه والتانيه بتسوق كنت مفكره ان جيلي هو الجيل الوحيد الي ممكن يقدر يخدع لكن العصر دلوقت حتي المزيفين وبيرسموا ع الناس بالراءه وهما خادعين مكارين الدنيا بتلف حواليهم وده الي حصل حبيبك راح يتغداه مع امه ومراته عايزين يعملوا اسره وانتي خليكي قاعده وهو عمال يلعب بيكي بس لو انتي استسلمتي اتجوزي وامشي والا هتفضلي تتحرفي زي وانتي بتراقبيهم زي ما عملت انا
تمارا……..انتي عايزني اعمل ايه
تمارا…..دي فيها اعمل ايه تموتي
تمارا…..طيب افرضي محدش لحقني
سالي….متقلقيش خدي برشامتين اربعه حاجه بسيطه وقتها مش هيجرالك حاجه وانا هتفضل عيني عليكي واول ما تقوليلي حصل هبلغ الكل وينقلوكي ع المستشفي في الوقت المظبوط
تمارا بخوف…افرضي محدش فيكم لحقني
سالي….جري ايه يا بت مش واثقه فيا معقول اسيب حاجه تحصلك
تمارا…..عمتو ما نجرب خطه تانيه
سالي….لاء دي الطريقه الوحيده الي هتعمل ضجه وغير كدا فعاله اكتر عايزه يونس ولا لاْ
تمارا…. ايوه
سالي…… يبقي متقلقيش من حاجه صدقيني
تمارا خلت سالي طلعت وجابت علبه البرشام ونفذت واخدت الشريط كله
- يتبع الفصل التالي اضغط على (رواية متخافيش) اسم الرواية