رواية متخافيش الفصل الثاني عشر 12 - بقلم منة محمد
كان راجع متأخر من شغله وهو بيركن لمح دكتور خارج ووراه ممرضه وحافظ بيوصلهم
يونس راح عليه بقلق……ليه الدكتور هنا
حافظ…..انت عارف ان امك تعبانه ليه تزعلها احنا ما صدقنا وقفت وبدئت انت تتعبها ايه ناوي تموتها
يونس….الاول فهمني ايه الي حصل
حافظ…..ادخلها هي جوه
يونس دخلها مفزوع…..ماما حاسه بأيه دلوقت
صفاء….لفت وشها منه وحياه قامت متكدره!
صفاء علامات التعب واضحة على وشها ….حياه اطفي النور
الصبح بدري يونس صحا يطمن ع امه لقاها قاعده بتفطر ع السفره
يونس…..صباح الخير يا ماما
صفاء…..نرجس حطي التونه في طبق ومتزوديش الزيت
يونس تابع…..طيب عامله ايه دلوقت تعرفي اني كنت خايف عليكي امبارح
صفاء بصوت عالي…..نرجس ابعتيلي فطاري في الاوضه
نرجس ……تحب تفطر ايه يا يونس يابني
يونس مكشر ومضايق من خصام صفاء رد من غير نفس ……اي حاجه
يونس قعد بيأس انه يلين قلب امه ورفض يفطر ودخل عشان يلبس ويجهز يروح الشغل لقاها متغطيه بجسمها كله نداها مردتش عليه
يونس راح قعد جنبها ورفع الغطاء لقاه جسمها سخن جدا حط ايده على جبهتها كانت درجة حرارتها عاليه قال بقلق….حياه انتي سخنه اكيد فضلتي تعيطي طول الليل قومي كلي لقمه وخدي علاج ركبتي نفسك التعب وماما عيانه لو شافتك بالمنظر ده هتزعل وتتعب اكتر
حياه بصوت مبحوح من البكاء ….مش عايزه علاج اصل انا عبئ كبير ع الكل ايه الي هيفرق سواء عشت ولا مت بالعكس الكل هيرتاح مني
يونس…..فهمتك انا معملتش حاجه ليه مش عايزه تصدقي ليه تفكري بالغباء وتقلقي نفسك قومي عشان افطرك واديكي الدواء يله عشان خاطري
حياه بدموع….هو انا ليه ماليش مكان في حياه حد لا جوز امي ولا ابويا ولا حتي جوزي العالم صغير جدا بالنسبه لي اقف مكاني وشوف الكل بيدفعني عشان متعتهم الخاصه وانا دايما قلقانه وخايفه من السقوط
يونس بوجع لوجعها…حياه انتي تعبانه استريحي
حياه …..كل مره بعد ما بعاني بحس اني هموت المره الي بعدها بس ده مش بيحصل حتي الموت رافضني
يونس عيونه رغرغت ع وجعها وقربها منه ومسح دموعها وحضنها و مسح على راسها وفضل يطبطب عليها لحد ما هي خرجت نفسها من حضنه بهدوء وفضلت تبصله وهو رفع ايده من عليها لما قامت اتعدلت ومشت من قدامه
يونس مع نفسه…….ايه الي بتفكر فيه اتجننت انا ليه قلقت بالفكره الي هتاخدها عني انا كل همي اواسيها لاْ دلوقت مفيش وقت افكر في حاجات مفيش منها فايده انا استعد واروح شغلي واتحمل تقطيم السيد حافظ حتي هو مش مراعي اني متجوز ياربي ايه المشاكل دي
…………….قصص منه محمد كاتب………..
في المكتب ع الموبيل
تمارا…انت ليه من امبارح مش بترد عليا
يونس…..ارد اقولك ايه
تمارا…..قول اي حاجه
يونس……انتي سيبت لي حاجه عشان اقولها
تمارا مدت شفتها بستهتار……….اوكيه انا اسفه مكنش اللامر كبير يعني
يونس…..بجد فعلا مكنش كبير للدرجه انتي بتهزري لآء هو كبير وولدرجه انتي متعرفيش حاجه عن الناس الي عانت بعد الي حصل والفعل الي عملتيه ده غير الي انا واجهته
تمارا…..مكنش قصدي وعملت الي عملته عشان مصلحتنا احنا الاتنين
يونس…..وانتي عارفه كويس نقطه ضعفي ودوستي عليها
تمارا….. لاْ عمري ما اتمني اؤذيك انا بحبك واسفه حقيقي معنديش اي فكره ان كل ده هيحصل سيبك من ده وفك بقي
يونس…..الوضع مش سهل واسفك مش هيصلح اي حاجه
تمارا…..يونس من فضلك قابلني تعال نقعد في مكان ونتكلم بهدوء عايزه بجد اشوفك
يونس…..تمام خلينا نتقابل
تمارا بسعاده….اوكيه نتقابل كمان ساعه هستناك
يونس ضيق عينه ….تمام
تمارا….سلام يا حبيبي
……………….قصص منه محمد كاتب…….
في الكافيه
يونس وصل وراح لقاها قاعده……هاي تمارا
تمارا لفت وابتسمت…..هاي عامل ايه نطلب حاجه انا عن نفسي هاكل واظن انت بتحب اللحمه ستيك متر
المتر…..امرك يا هانم
تمارا…..واحد ه بيتزا بالبسطرمه وطبق لحمه ستيك
المتر….تمام الطلب بعد ربع ساعه
تمارا رجعت بصتله لقته بصصلها بنظرة ناريه سألته….حصل ايه
يونس…..انتي ازاي قادره تتصرفي بشكل طبيعي
تمارا بلامبالاه….ليه هو ايه الي حصل
يونس…..انتي عارفه عملتي ايه
تمارا……ما تفكك بقي يايونس خلينا نبص لقدام
يونس….انتي عندك اي فكره امي تعبت جدا من وري عملتك مين عطاكي الحق تتصلي بحياه وتهدديها ماما مضايقه مني دي رافضه تبصلي انتي متخيله
تمارا نفخت بملل…..انت ليه عمال تقولي امي امي زي العيل الصغير قولها بصراحه حياه دخلت قلبك ومقدرتش تشوف الدموع في عنيها وامك ع طول عيانه ولا حياه بقت مهمه ولعلمك عمتي بقت عدوتي دلوقت وامك لسه عايشه محصلهاش حاجه عشان تبقي زي المجنون
يونس بحده…..انتي ازاي تتكلمي بالاسلوب ده عن امي انتي مدركه ولا جري حاجه لعقلك مش عارفه تستعمليه
تمارا مستغربه ازاي يرفع صوته عليها في مكان عام ….وانت ازاي تعالي صوتك عليا في مكان عام وبالشكل ده
يونس….لانك انانيه جدا ومعندكيش دم بتفكري بس في نفسك بعد ما اذيتي الكل
تمارا…..انت بتهني كده عشان حياه واضح انها بدئت تمارس طقوس ع السحر ع الكل
يونس…..كلامي ملوش دعوه بحياه انا كل همي امي انتي مش بتفهمي انتي اذيتي امي ومش هنسالك ده ومش هخليكي تنسيه واياك تيجي قدام امي وسواء اتجوزنا او محصلش مبقاش يهمني ومتتصليش بيا من دلوقت تاني
تمارا…..يونس
……………………
في الليفنج
سالي……في ايه مالك
تمارا.فضلت دموعها تنزل….البيه قلب عليا واخد موقف مني كمان , ده مسح بيا الارض واهانني ومهما اتوسل مش هتكلم معاه هو كل الي همه تعب امه وانا اولع هنا في كل دقيقه
سالي بحقد…هما كدا عطوه حياه مجال مفتوح للعب
تمارا…..والعمل
سالي….. انك ترجعي تكلمي يونس لان دي هتبقي خسارتك مش خسارته هو راجل ومتجوز واكيد هينجذب بيها وهتعرف تشده بقوه جمالها
تمارا……طيب والي عمله معايا
سالي …طنشي واتحكمي في غضبك وعواطفك متسلميش ع اتفه الامور وحاربي اعدائك بشجاعه متبقيش خايبه
تمارا…..وعن كرامتي واهانتي
سالي……هشوف ده وهتكلم معاه لا يمكن يعمل فيكي حاجه انتي مش لوحدك زي حياه المذلوله الي مفيش حد محترمها دي حراميه سرقت منك حبيبك وانا هرجعها لمكانها الي جات منه وبطلي عياط
قاسم دخل ع صوتهم…..ايه الي حصل مالها تمارا بتعيط ليه حصل ايه
سالي…ولا حاجه مشاكل في الكليه مع زميلتها وانت عارف هي حساسه بزياده وكمان متوتره بسبب الامتحانات
قاسم قعد جنبها وبهدوء…..احكيلي ايه سبب المشكله
تمارا…..مشكله عاديه بس انا كويسه
قاسم….ازاي كويسه وانتي ممموته نفسك من العياط
تمارا……اصلي معرفتش احل كويس في الامتحان وانا زعلانه
قاسم بشك…..انتي متأكده ان مفيش حاجه تانيه
سالي…..فيه ايه يا قاسم حلت وحش انت دايما وراها كده دي اختك
قاسم…منا عارف انها اختي عشان كدا مهمتي احميها وقفي عياط والمره الجايه ذاكري كويس هتجيبي درجات ممتازه وانا هطلب من سيده تعملك كوبايه ليمون تحسن مزاجك
سالي…..اسكتي لحد تاني يشوفنا ويفضل يسأل
…………………….قصص منه محمد كاتب………
يونس رجع البيت مخنوق دخل لقاها قاعده ع سنجه عشره ولابسه عبايه خليجيه شيك جدا وفارده شعرها وبتتفرج ع مسلسل تركي وحاطه رجل ع رجل كأنها سندريلا حدف الجاكت وخلع الساعه وووقف عيونه عليها وفضل يبصلها
حياه…….تحب تشرب شاي
يونس……لاْ مش بحب الشاي الي بتعمله نرجس
حياه…..هعمله انا
يونس….لو من ايدك تمام هشربه ماما بتعمل ايه
حياه…..راقده شويه
يونس……نامت من غير عشاء
حياه…..لسه بدري ع معاد العشاء بس عملتلها عصير بس رفضت تشربه وانا اجبرتها تشربه
يونس…..اشكرك
حياه…..ع ايه
يونس…..ع اهتمامك بصحه امي
حياه…..انا بهتم بيها عشان بجد شايفه فيها امي او تقدر تقول مش شايفه حد غيرها في العالم كله هي الانسانه الوحيده الي قبلتني وحبتني دي غاليه عندي اوي عن اذنك اعملك الشاي
يونس غير ملابسه وراح قعد يتابع المسلسل يفهم هي بتتفرج ع ايه
حياه رجعت بصنيه في ايدها…..اتفضل الشاي
يونس بمرح….. ميرسي بس هو انتي بتحبي تتفرجي ع المسلسلات كتير
حياه……. مش كتير بس كنت بتفرج مع اخواتي ع برامج المسابقات اما المسلسلات مليش اوي فيها
يونس…..اخواتك
حياه…ايوه
يونس بهتمام …..عمرك ما كلمتيني عنهم
حياه……عشان انت عمرك ما سألتني عن حياتي
يونس……انتي كويسه دلوقت
حياه…الحمد لله جدا
يونس…..طيب هو فيه فيلم اجنبي انا بحبه جدا جاي الساعه 12 تتفرجي معايا
حياه…..اتفرج
المسلسل جاب لقطه جريئه ويونس ابتسم وبصلها وهي وشها احمر من الكسفوف وخفضته في الارض
حياه قامت من جنبه بكسوف…..هروح اشوف العشاء جهز
يونس تابعها وهي بتختفي من قدامه لكن محتار بمشاعره المتضاربة ناحيتها
……………قصص منه محمد كاتب………..
في غرفه تمارا الي حصلها اكتئاب لان يونس رافض يرد عليها
سالي دخلت…..تمارا قومي
تمارا من تحت اللحاف….مش هقوم يا عمتو
سالي فتحت الستاير….مش هتقومي ليه الساعه واحده الدهر ولو قبلتي الهزيمه يبقي اسفوخس عليكي يا بنت اخويا
تمارا قامت بعصبيه…..خلاص مبقتش عايزه اعمل حاجه
سالي…..اتجننتي لو عطيتي حبك للبت دي الي ملهاش قيمه هتندمي طول حياتك
تمارا……يونس اهانني كتير ده باع واشتري فيا مقدرش انزل من كرامتي اكتر من كده
سالي…..بالعكس دلوقت بقي عندك دافع للانتقام منها فوقي واجهزي وعرفيها مقامها
تمارا رقدت ولفت تاني نفسها جوه الحاف
سالي شدته من عليها بزهق وقالت….. يابنتي قومي انا بقول ايه معاكي يله يا تمارا بسرعه
تمارا أفأفت بضيق وقامت بهدوء بدون اي كلمه دخلت التوالت وطلعت لبست وقالت لها…..انا جهزت لما اشوف
سالي….هتشوفي دهشه يونس لما يشوفك
تمارا…مش عارفه ياعمتي يونس بقي عمال يفاجئني الايام دي
سالي بمحاوله اقناع…يابنتي معذور اكيد الحيه حياه لعبت بعقله بمسكانتها وهو صدقها ادفع نص عمري واشوف تعابير وشها لما تشوفك قدامها
تمارا…..عندك حق هي عملت فيا كتير دلوقت ده دوري لو مظهرتش حقيقتها قدام يونس مبقاش تمارا
سالي وهي بتظبطلها خصلات شعرها ……ايوه كدا ده الي احنا عايزينه
اسعاد بستغراب….خير كفالله الشر هو انتم رايحين ع فين
سالي….رايحين عند صفاء اصل الضغط عندها عالي قلنا نروح نطمن عليها
اسعاد بتعجب اكبر…..واللبس الي ع سنجه عشره عشان تزوروا بيه صفاء
سالي…لاْ طبعا بعد كدا هنروح انا وتمارا نشتري شويه حاجات وبعدين ايه الغريب في كده احنا اتأخرنا نتكلم بعدين يله سلام
اسعاد لنفسها…..هما الاتنين دول فيه ايه وراهم ليه مستعجلين
قاسم شافها…..في ايه يا ماما تمارا رايحه فين مع عمتي سالي
اسعاد….بيقوله رايحين يطمنوا ع صحه صفاء وبعدها هيشتروا حاجات
قاسم استغرب…….يشتروا! من امتي بيخرجوا مع بعض
اسعاد…..ودي فيها ايه
قاسم…..فيها حاجه غريبه
اسعاد….غريبه في ايه عادي عمتك واختك يخرجوا مع بعض ارحم اختك يعني مش كفايه حبستها ودلوقت هتعترض تخرج مع عمتها
قاسم…..انا بس بسال
اسعاد…..يابني انا امها واكيد هخاف عليها زيك واكتر ,فكر في حياتك ورجعها لوضعها الطبيعي
قاسم ……..حياتي في وضعها الطبيعي
………………..قصص منه محمد كاتب………….
في منزل عائله يونس
سالي دخلت بغرورها المعتاد…….مساء الخير يا حافظ
حافظ……مساء النور يا سالي
تمارا….ازيك يا عمو
حافظ…..الحمد لله يا بنتي
سالي…..امال فين يونس
صفاء جات….هو مش في البيت
سالي….وحياه
صفاء…….في اوضتها بتستريح
سالي…..تعالي يا تمارا نقعد مع حياه ونتفرج ع ذوق اختي في اوضه النوم الجديده لمراه ابنها
حافظ…..انا هقعد بره في الجنينه عمليلي فنجان قهوه وهاتيه عشان عايزك
اما سالي فتحت الباب مره واحده ع حياه الي اتكلمت بعصبيه…..في حد يدخل ع حد كده
سالي بصلها من فوق…..اه لما تكون واحده حراميه
حياه……ليه سرقت منك ايه
تمارا…..سرقتي حبيب واحده تانيه يا خطافه
حياه بعصبية…..احترمي نفسك
سالي بحقد وكره……بت متتكلميش معاها اتكلمي معايا جيتي بس يومين وحالا حصل خلاف بين اختي وابنها
حياه……معملتش حاجه من دي
سالي….احنا عارفين الي عملتيه كويس مفكره ايه ان الكون هيمشي حسب رغبتك انتي واخده مقلب كبير في نفسك
حياه اتكلمت بصوت هادي حسستهم بمدى ثقته بنفسها…..وانا شايفه هقل منك لو رديت عليكي انتي اكبر مني في السن وضيفه في بيتي
تمارا بحقد…بيتك خليني اوضحلك سوء فهمك البيت ده لا ليكي ولا ليونس
سالي…..متحاوليش تظهري ان كل حاجه ملكك لان البنات الي زيك
صفاء هنا دخلت……كملي مالهم البنات الي زيها
سالي وهي باصه لحياه بكره شديد …..ده كلام خاص بيني وبينها
صفاء…..اتكلمي مفيش خاص في بيتي
سالي…..تمام تعالي اقلهولك انا وانتي ع انفراد ونسيب البنات مع بعض يتكلموا
صفاء…مقدرش اسيب حياه لوحدها هنا
سالي….. تمارا مش عفريته هتأكلها
صفاء……صح لانه بيت حياه ومش بتخاف من اي حد ع كلا تعالي اسمع الي هتقوليه
سالي وهي خارجه بصت لتمارا وغمزت لها غمزه ماكره تستفرد بحياه
صفاء……. انتي بتعملي ايه يا سالي بتكرري نفس الغلطه الي عملتيها مع امها
سالي…..البت دي ايه قيمتها عندك انا بعترف افتريت ع هاجر وظلمتها وهكرر ده تاني مع بنتها اول ما تسمح لي الفرصه بس انتي لازم تقرري بتحبي مين فينا البت دي ولا اختك شقيقتك
صفاء…..قبري اعز عليا وبحب اخرتي اكتر وخوفي من ربنا جوه قلبي وخايفه ع ولادي انا بكره الاشخاص الي يخلوه حقدهم وكرهم اعظم من خوف المولي
سالي….وهي هاجر خافت ربنا لما خطفت مني خطيبي
صفاء…..انتي الي خطفتي حبيبها وهو خطبك غصب عنه بأمر منها
سالي…..وعطتها قصاده اخويا المحترم الوسيم
صفاء…وبعد كدا انتقمتي منها وطردتيها بفضيحه كانت نيتك سيئه شوفي ياسالي انا عارفه كويس جدا لما كان بهاء بيتجاهلك كنتي بتولعي اه اخدتيه بس عمره ما كان معاكي وبعدها بردت نار قلبك لما خربتي بيت هاجر
سالي…..معرفش ان كل الي شاركته معاكي هترجعي تضربيني بيه
صفاء……يبقي متدنيش الفرصه
سالي…..هي البت دي عملتلك ايه دي سرقت حب تمارا ليها
صفاء…..انا عارفه كويس تأثير حب تمارا ع ابني قد ايه وانتي لو مبعدتيش عن حياه هنسي خالص انك اختي ولو فتحت بؤي بالي اعرفه هيحصل فيكي ايه فخليني ساكته احسن
………………………..قصص منه محمد كاتب………..
تمارا بهجوم شرس وهي تبرق لحياه …..فضلتي تقولي ان يونس جوزك وبعدها عرضتي جوزك للاهانه من امه
حياه……ودي مشكلتي وملكيش دخل بيها
تمارا باحتقار…انتي بت عنيده ودماغها ناشفه
حياه……انتي الي وقحه بتلفي حوالين واحد متجوز
تمارا…..انتي يابت نسيتي نفسك ازاي تتكلمي معايا كده
حياه……زي ما اتجرئتي وحطيتي عينك ع جوزي
تمارا…..ده حبيبي انا
حياه…..وبقي جوزي انا ولو ملمتيش نفسك هقول لـ ابوكي ع كل حاجه وبعدها تشوفي ايه الي هيحصل
تمارا…….بتهدديني
حياه……. ايوه لحد ما توقفي تدخلي في حياتي
تمارا ………..ده مش مكانك انتي سرقتيه ويونس استخدمك عشان ينقذني وانتي بتساوي نفسك بيا العايلتين دلوقت علاقتهم بقت كويسه وشغلك انتهي ( مسكتها بعنف ودفعتها بحقد) يله غوري
حياه كانت حرفيا هتتخبط دماغها بقوه في سيف الباب في دخول يونس الي لحقها وصرخ في تمارا……..انتي اتجننتي تزقيها افرضي اتخبطت واتأذيت وبعدين انتي ازاي تتكلمي معاها بالطريقه دي
تمارا……عشان تستاهل مسمعتهاش ازاي كانت بتتكلم معايا
يونس……حياه مش ممكن تغلط في حد
تمارا…..عايز تثبت اني غلطت في حقها الاول عمتي كانت نقطه ضعفك امتي بقي بقت هي كمان نقطه ضعفك
يونس……لانها مسؤليتي وبتحترمني وبتحترم امي وابويا فبقي واجب عليا
تمارا…..هي دي تعرف الاحترام دي بت زباله
يونس عطاها نظرة حاده وبعصبيه……اخرسي مش من حقك تهنيها في بيتها وفي اوضه نومها
تمارا….جميل خالص بقي البيت والاوضه ملكها
يونس….ايوه البيت والاوضه ملك لحياه
تمارا يونس انت واعي بتقولي انا ايه
يونس بصوت عالي هز جدران البيت ….بقول انك ضيفه والضيوف المفروض يبقوا في الصالون اطلعي واقعدي هناك بحترام امشي
تمارا وقفت بصاله بملامح مندهشه مش مصدقه ان يونس واقف مع حياه ضدها
يونس شاورلها ع الباب وبحزم………قلت امشي
تمارا طلعت تجري بسرعه ع بره ويونس بص لحياه وخارج من الاوضه وهو جواه نار مش نار بركان ثاير وطالع وراها يكمل عليها لقاه التانيه في وشه
سالي……انت هنا فين تمارا
يونس…..رجعت بييتها
سالي….معقول مشت من غير ما تقولي
يونس…..معرفش بس بما انك هنا احب اوضح اني مطلبتش منك تبلغي رسايل عن لساني لحياه انا بعترف اني متلخبط مش عارف احدد اعمل ايه لكن
سالي قطعته…لكن حياه سحرتك وشددتك
يونس…..مش صحيح انا مش عايز اغلط تاني في حقها
سالي…..نفس المعني
يونس هو بيجاهد يكتم عصبيته….خالتي خلينا ننقاش الي بنتكلم عنه متربطيش الماضي بأشياء ملهاش علاقه بالمستقبل وكلامي دلوقت عن الي عملتيه انتي وتمارا في حياه وانا مش عايزها تنجرح بسببي
سالي……. انت دايما كدا متلخبط من وانت طفل ودلوقت ملخبطنا معاك قرر عايز تعمل ايه
يونس…..برضو ده ميخصكيش مع السلامه يا خالتي عشان راجع تعبان
حياه…….متشكره
يونس…..ع ايه
حياه…..انك وضحت لي انا ظلمتك كتير تعرف ناس كتير ظلموني ودينهم ليا كبير بس عارف ولا واحد فيهم حب يوضحلي ومحدش قدر وجعي ابدا بس انا سايبه حقي كله علي ربنا وانت مش بس دافعت عني انت احترمتني شكرا انك عملت كدا
يونس قام قعد قدامها……ع الاقل عجبك حاجه فيا
حياه ٠٠٠٠٠ده بس الي عجبني
يونس ضحك وهي ضحكت معاه لدرجه بانت غمزتها الي جننته
- يتبع الفصل التالي اضغط على (رواية متخافيش) اسم الرواية