رواية متخافيش الفصل الحادي عشر 11 - بقلم منة محمد

  

 رواية متخافيش الفصل الحادي عشر 11 -  بقلم منة محمد 

في كافيه

يونس بسعاده…..انا مش مصدق اخير رضيتي تقابليني فكرت حبك انتهي

تمار…..قولي بسرعه معنديش وقت كبير

يونس…ليه عينك كلها قلق وخوف وتوتر واقول بسرعه

تمارا….حاول تفهم اخويا بقي مشدد عليا اكتر من الاول ويادوب اخدت اذن بنص ساعه بس

يونس….انتي ليه خايفه منه هو اخوكي مش عذرائيل وبسببه وصلنا للحال الي احنا بقينا فيه

تمار بملل…ممكن نناقش الامور دي بعدين

يونس بخنقه…….تمام قولي ليه اتصلتي وصممتي نتقابل هنا

تمارا بصت في عينه …..امتي هطلقها

يونس….مقدرش اطلقها كدا بسرعه

تمارا بعصبيه…..امال امتي

يونس…..مينفعش دلوقت حاولي تفهمي

تمارا…….طبعا المسكينه رمت اللوم عليك بسبب ضعفها وهتحس بالعطف عليها وتقعد جنبها تواسيها مش كده

يونس…..لاْ مش كده

تمارا……امال ازاي

يونس…….تمارا افهمي انا كمان قلقان ع شكلي ومنظري وصورتي لو طلقتها بعد الجواز باسبوع الناس هتقول عليا ايه وبعد ما اخطبك تفتكري ده هيكون اصلا ممكن ازاي اطلق بنت من نفس البيت واروح اتجوز غيرها برضو من نفس البيت صورتي هتضر يا تمارا وانا راي بلاش نتصرف بستعجال

تمارا….انت بتحاول تخدعني

يونس….اخدعك

تمارا……النهارده ده قرارك وبكره قرار تاني خالص انت عايش حياه غراميه مع مراتك الجديده وترميني ع الجمر وتقولي مضطر استناه

يونس…..ايه الي بتقوليه ده معقول اعيش سعيد وانا بعيد عنك كان هدفي نتجمع ونلاقي حل

تمارا قامت من مكانها وقالت بهجوم ….انت الي اتجوزت عشان كده لاقي مخرج وابدء خاف لو اتقدم لي عريس وبدؤا يتكلموا في البيت عن جوازي منه وبصراحه بدعي ان ده يحصل وقريب عشان تحس بالعذاب انت كمان

………………………………

في غرفه نوم يونس قاعد بيبص في الموبيل وودنه معاهم

صفاء…..حياه

حياه سابت المجله وبصتلها…….نعم

صفاء….بصي كده الاوضه الجديده

حياه…..حلو اوي يا ماما

صفاء بصت ليونس وقالت…… الاوضه دي ليكم انتم الاتنين بس انا بعمل ده عشانك انتي بالذات اصل يونس هيحتاج بس السرير لما يجي ياكل

يونس…….ماما وبعدين

صفاء….هو انا قلت حاجه غلط

نرجس الشغاله ضحكت…..ايوه امبارح دلق كوبايه العصير ع الملايا

يونس…..نرجس مفيش داعي للشرح اعمل ايه الكاس انكسر في ايدي وكنت بفكر المره الجايه ادلقه ع دماغك فسكتي احسن

نرجس ابتسمت…..حاضر سكت

صفاء قربت المجله من حياه وقالت….شوفي الدولاب ده واسع نختاره

سالي دخلت …..مساء الخير

صفاء….اهلا يا سالي جيتي امتي

سالي…..لسه واصله ايه الكركبه دي الي بره

صفاء…..ابدا بجدد غرفه نوم حياه وبخرج القديمه تعالي نقعد بره في الصالون تعالي معانا انتي كمان يا حياه

حياه طلعت وراحت المطبخ طلبت من نرجس تقدم كاس عصير لسالي وهي راجعه وقفت من الكلام الي سمعته عنها

سالي اتكلمت بصوت عالي …..يعني بتكافئيها وتشترلها اوضه نوم كمان بعد ما جابت العار للعايله وكمان صلحتيها ع جوزك وامنا وابونا معرفش ايه الصفات الحلوه فيها

صفاء ……..وطي صوتك لتسمعك

سالي بنبره اعلي …..منا بعلي صوتي عشان تسمعني

صفاء…….. وانا بقولك مش هتحمل عليها كلمه لانها مراه ابني

حياه نزلت دموعها واخدت بعضها ورجعت اوضتها وقعدت لقت يونس متنرفز

يونس بصلها…….ممكن تديني موبيلك

حياه……ليه

يونس…….ممكن

حياه فتحت التلفون وعطتهوله وهي عارفه هيكلم منه مين

تمارا بغضب……انت بتتصل كل شويه ليه

يونس….عشان اتكلم معاكي

تمارا……ليه

يونس……ايه الي عملتيه ده حظر من رقمي هو ده حل المشكله

تمارا……قولي انت ايه هو الحل معقول هتقدر تفكر لو اتعاملت زي العيال والحل بقي صعب عليك

يونس……الاول فكي الحظر وقولت لك احنا هنتجوز

حياه رفعت دماغها وبصتله اوي وهو بيتابع……..اهدي شويه ومتتعصبيش

تمارا شافت قاسم قالت بسرعه…….خلاص هكلمك بعدين

قاسم ……..بتكلمي مين

تمارا…..دي حياه

قاسم ………..اكتبي كلمه السر

تمارا كتبت كلمه السر وهو فتش في السجلات لقاه فعلا رقم حياه مدهولها وخرج من سكات

…………………………………………………

يونس خدي وشكرا

حياه بصاله بنظره قاتله كلها غضب وحقد وغيره

يونس ………..في ايه بتبصيلي كده ليه وكاني خبيت عنك حاجه او قلت حاجه غلط اظن الاتفاق ده تم بينا من اول يوم فاليه النظرات دي بعيون متهمه

حياه خلاص حست نفسها مخنوقه مش قادره تتتحمل اكتر جريت للجنينه ودخلت بنوبه من البكاء لعلي كل همومها والضيقه تفارقها جرحوها حست كلامه نار تكويها بتحاول تنسي كل المواقف بس لحد امتي هتفضل تتحمل كل الطعنات دي مش كفايه دبحوها بجفائهم حاسه خلاص هتموت من القهر كانت نفسها النهارده تلاقي امها الي اتحرمت منها تعالت شهقاتها مش قادرة تسيطر عليهم مش قادرة فوق احتمالها كل الي مرت بيه

صفاء لمحتها راحت عليها……واقفه كده ليه في البرد

حياه ………….مش جايلي نوم

صفاء ……………..ومش مبطله عياط وبعدين هتموتي نفسك

حياه ببكاء مرير………. اعمل ايه ياعمتي وانا الدنيا بتحط عليا

صفاء ………….يونس قالك ايه تاني

حياه ………….انه بيحبها وهي مش هتسمح لي استقر في بيتي ومش هتسيب يونس ابدا وهو مش هيسيبها كانهم بيعاقبوني وقالي بصراحه انه هيطلقني

صفاء ……….وردك

حياه بضعف………ارد اقول ايه بس ياعمتي هي كلمتي ليها اهميه

صفاء ……….طبعا ليها اهميه عشان كده كل شويه يفتح السيره قدامك

حياه …………ولحد امتي هتففضلي وتحاولي ان الجوازه دي تستمر متدنيش امل كبير وفي يوم ينتهي وهتقفي تقترحي ع ابنك حلول وانا هكون اتعودت ع دعمك وحبك هموت والله يا عمتي وقلبي هيبقي مقبره للرغبات الي مش بتحصل سبيها تنتهي اليوم بدل بكره هو ممكن تبعتيني الملجأ منا مستحيل ارجع البيت عندهم تاني لو بيحترموني شويه دلوقت ده عشان مراه ابنك لكن بعد ما يطلقني مش عايزه ارجع ابدا هناك

صفاء شخطت فيها ……….ممكن متخليش نفسك ضعيفه بالعياط لحد فين هتهربي حاربي عشان هويتك عشان حقوقك لو حاربتي هتنتصري صدقيني ماهو محدش هيجبلك حقك ع طبق من دهب حتي انا ,,, لو فضلتي ساكته العالم كله هيسبقك حتي ابني ادخلي لساحه المعركه وقاتلي في معركتك وسواء النصر او الهزيمه ناخدها بعدين

حياه ………عمتي احارب لوحدي

صفاء…….. انتي مش لوحدك انا واقفه معاكي ووراكي في كل خطوه ع الطريق بس لازم انتي الي تاخدي الخطوه الاولي متديش تشجيع وبجاحه كبيره ليونس وتمارا يحولوكي لـ ولا حد

حياه وهي بتمسح دموعها….طيب لو حبك الامومي لابنك اتحول ضدي

صفاء ………ده وارد يحصل بس انا قررت ان مهما حصل مش هموت ضميري

حياه ……..عمتي انا حياه بنت هاجر والكل قالوا عنها ست مش شريفه

صفاء…… امك عمرها ماكانت كدا( اتوترت وكملت) قصدي انا كنت فاهمه طبيبعه هاجر كويس زي ما كنت عارفه حبها الكبير للدكتور بهاء قبل ما ترتبط بابوكي واليوم الي حصلت فيه الفضيحه عرفت الحقيقه كلها

حياه ………عارفه ايه

صفاء ببكاء…….امك اتظلمت بس عشان اختي وعشانها سكت تعرفي يا حياه بعد خناقتي مع حماكي وبعد اهلي عني عرفت ان ده عقاب بسيط من ربنا ليا اني سكت ع الظلم وكتمت الحقيقه واتخليت عن الدفاع عن امك وبصراحه حبيت اتوب واكفر عن غلطتي اني اقف جنبنك وادعمك واقف معاكي ارجوكي سامحيني يا حياه نيابه عن امك اوعديني انك هتشفعيلي عند امك يوم القيامه لو مسامحتنيش ربنا مش هيسامحني

حياه ضمتها لحضنها وصفاء قررت تدعمها بكل انواع الدعم حتي لو ضد يونس نفسه

……………قصص منه محمد كاتب………….

صفاء…فين ماما يا سيده

سيده……والدتك نايمه في اوضتها

صفاء……والباقيه فينهم

سيده………الرجاله في الشغل والست حليمه والست اسعاد راحوا يشتروا حاجات ومدام سالي في الكليه وانسه تمارا قاعده في اوضتها

صفاء….تمام

سيده……تحبي اطلع اندهالك

صفاء…..اه اندهلها

سيده….حاضر ثواني

تمارا نازلت بترحاب…….اهلا يا عمتو عامله ايه

صفاء…..انا كويسه

تمارا…….مالك بصالي ليه كده

صفاء……. انتي بنت نعمان اخويا عشان كده غاليه عندي لكن اياك تحاولي تعملي علاقه تانيه معايا غير دي مش هسمح ده يحصل

تمارا……بتتكلمي عن ايه

صفاء…..عرفت كل حاجه عن علاقتك بيونس والطريقه المنحطه الي وقعتي بيها حياه وشوهتي سمعتها قدامنا كلنا حتي بعد الجواز بتحرضي يونس وبترسمي معاه مستقبل وقاعده تخططي عرفت كل حاجه بالتفاصيل

تمارا….عمتو يعني انتي

صفاء قطعتها اسمعيني كويس انا ام يونس ومش هسمحله يعنل فعل غبي بعد كده ومش هقف معاه ولا ادعمه انه ياخد اي قرار غلط عشان كدا وقفي خطواتك فورا

تمارا…..بس انا وهو بنحب بعض

صفاء…..والحب ده ملوش اي قيمه في عين يونس ده بقي راجل متجوز حاليا وعيب لنفسك لما تبقي ع علاقه مع راجل متجوز ع اي حال انا جيت هنا اقولك من فضلك بالذوق وقفي الي بتعمليه كله لاني بحاول أئسس بيت مراه ابني ولو استفزتيني هبلغ نعمان واسعاد بالحقيقه ومش هتردد لحظه واحده اعمل كده والباقي اختيارك

سالي ظهرت من وري الجدار بعد ما صفاء مشت وقربت من تمارا…..سمعت كل حاجه

تمارا لفت بخوف….بس يا عمتي

سالي……..متخافيش مش هقول لحد اختي غلطت في حقك وبتظلمك انتي ويونس بتحبوا بعض ورغم عرفت ده بتحاول تفصلكم وتفركم معرفش عملت لها ايه خلتها تحبها بالشكل ده الي اسمها حياه دي قلقانه ع بنت هاجر الي لسه يادوب واصله من يومين ومش قادره تشوف مين البنت الي كبرت قصاد عينها

تمارا…….اعمل ايه

سالي…..لو صفاء هتقف وتدعم بنت هاجر انا هقف جنبك وادعمك وهخليكي تتجوزي يونس

تمارا…….ازاي ده هيحصل

سالي……سيبي ده عليا ده شغلي

…………………………………………

في بيت عائله يونس

سالي دخلت لابسه…..حياه تعالي معايا

صفاء بتعجب…….في ايه يا سالي داخله لاسلام ولا كلام

سالي…عشان انا فعلا مستعجله وللسبب ده مرمتش السلام لازم اخد ماما لدكتور العيون وبعدها اطلع ع الكليه وعايزه حياه تيجي معايا ترجع ماما ع البيت

صفاء بقلق…..انا اروح معاكي

سالي…..ايه الداعي تيجي وبعدين السكه هتبقي زحمه وحياه اخف منك وماما بتحس براحه في وجودها

حياه ………خلاص هروح اغير هدومي

سالي قيمتها…..ملوش لزوم محدش هيتجوزك تاني

صفاء بنرفزه…..ايه لزومه الكلام الفارغ ده ياسالي ربنا يحفظ ابني بخير

سالي طيب تمشي دلوقت وتعالي زي ما انتي كده يا حياه يله

حياه راحت وهي داخله بيت جدتها سالي شدتها تركب العربيه

حياه استغربت…….مش المفروض ندخل الاول ناخد جدتي

سالي……هي جايه

حياه……هي مين مش انتي قولتيلي رايحين للدكتور بجدتي

تمارا فتحت الباب وركبت جنب سالي وحياه بصتلهم بقلق وبسؤال…..هو فيه ايه بالظبط

سالي……. يونس اتصل عايزنا نتكلم

حياه…….بس متصلش بيا

تمارا…….هو اتصل وقالي

سالي……وبعين انتي معتبراه جوزك ع الفاضي

تمارا…….هو بيتكلم ويقدر الانسانه الي بيرتاح معاها

حياه من كلامهم اخدت نفس وهي حاسه بنار في جوفها وسالي طلبت من السواق يقف قدام كافيه ودخلوا قعدوا سالي وتمارا

حياه بتلف حواليها…….فين يونس

تمارا بقوه عين وتبجح…..بصي في عيني لو عايزه تشوفيه

سالي بتعالي وتكبر و يا دوب طالع الكلام من بؤها…….ما تقعدي وتقولليلي ايه الي بينك وبين بنت اخويا يونس قالي ع كل حاجه وجبتك هنا عشان اقولك اني معاها هي مش لوحدها اما بالنسبه لصفاء دي قلبها طيب اوي وبيصعب عليها جميع الناس وللسبب ده بتشفق عليهم اما يونس قالي انه عاجز بسبب امه وبسبب العجز ده هو مضطر يكمل في جوازه مش عايزها وميقدرش يطلقك وثقي للسبب ده مش هتقدري تاخدي حبه وطلب مني اشوف له حل عشان كده جبتك لانه مش هيقدر يطلقك لكن انتي تقدري تطلبي الطلاق

حياه اتصدمت وعيونها رغرغت بشبح دموع وتمارا ابتسمت ع وجعها

سالي كملت……ليه متفاجاه ظهرتي في حياتنا من ايام ومحدش عايزك فأمشي زي ماجيتي ومتخافيش انا عندي شويه انسانيه هدورلك ع اي بنسيون تشتغلي وتعيشي هناك وبعدها ابدئي حياه جديده بس مش هديكي وقت كبير ومش هسمح تدخلي في حياه بنت اخويا العاطفيه زي ما عملت امك معايا عشان كدا اطلبي من نفسك الطلاق من يونس اليوم او بالكتير بكره مش صح تستغلي ضعف حد مش قادر يقولك حاجه عشان كدا بعتي لانه مكسوف منك لانك بتتراعي امه فمبقاش قادر يقولك كلمه وطلب مني اتكلم انا بالسانه عشان يكمل حياته

حياه افتكرت كلام صفاء= اوعي تسبيها تنتصر عليكي دوسي بسلاحك عشان في الاخر تنتصري

تمارا…..ايه الي حصل ليه مش بتردي

سالي…….ايه لزومه ردها من عدمه هي خبره حتي امها اطلقت واتجوزت ع طول اكيد هتشغل دماغها وتعمل الي نقوله

حياه وقفت بتحدي….. ابدا لان انا هقول قدام العيله الحقيقه الي عرفتها عن امي واه لمعلوماتك وعرفت حقيقتك انك قلبتي الحقيقه ومين صادق ومين كداب انا عارفه كل حاجه والمره الجايه اياك تتجرئي تشاوري بحرف عن اخلاق امي المتوفيه اما بقي بالجزء المتعلق بيونس تقدري ترفعي الضغط زي ما تحبي وانا هقف واواجهه الضغط ده ومش هطلب الطلاق وبلغي الشخص الي بعت الرساله الطريقه الي اتجوزني بيها بكل شجاعه قدام الكل في اليوم اياه يكون بنفس الشجاعه ويروح يبلغ العيله بكل الحقيقه ويطلقني انا مش هطلب الطلاق

حياه سابت الكافيه ومشت تمارا حست ان خطتهم بتبوظ وولعت من القهر

سالي ملامح الحقد مرسومه على وشها …………دي مش هتسمع كدا

……………………………..قصص منه محمد كاتب…………..

حياه رجعت مليانه ذل وانكسار ضيق عجز حرمان وعيونها متورمه كل حاجه بتكتم ع نفسها حرفيا حست بالغربه نفسها تهج على مكان متعرفش فيه حد خالص بس تروح فين غمضت عيونها بالم وهي حاسه حالها مخنوقه

صفاء وقفتها….سالي اخدتك فين اتصلت بالبيت وعرفت ان امي مخرجتش في حته

حياه….يونس بعتها عشان تاخدني وتهددني

صفاء بصدمه ………..يونس طلب منها كده

حياه اتنهدت بوجع من قوه الظلم……….ايوه هي عارفه كل حاجه عنهم

صفاء …………..وقالولك ايه كمان

حياه ………..حاولو يخلوني انسحب واطلب الطلاق منه بس انا اتحديتهم يا عمتي وقلت لهم مش هطلب الطلاق لو هو عايز يطلقني يطلق لحد امتي هحارب واظهر اني جامده قدام الناس وانا مش مالكه في ايدي حاجه

صفاء……ممكن تهدي

حياه ………مقدرش ابقي هاديه ياعمتي عمري ما رفعت صوتي في حياتي والنهارده لما المفروض اطالب بحقي لاول مره قلبي رجف من الخوف قوليلي اعلن الحرب وانا مش متأكده هفوز واطول حاجه لان النهارده اتاكدت اني خسرت قبل ما ابدء وهما متاكدين انهم هيهزموني من اول جوله لان يونس معاهم اعمل ايه الموضوع مش سهل

صفاء…..وانا مس هسمح ابدا يفوزه قدامنا

حياه………… هما في موقف الاقوي

صفاء بتشجيع…..وانتي الي معاكي السلاح كله وانتي الي هتفوزي عليهم صدقيني سيبي كل حاجه عليا انا هتعامل معاه

…………….قصص منه محمد كاتب………

صفاء العصبيه ظاهره على ملامحها…..يونس تعال في الجنينه عايزه اتكلم معاك في موضوع مهم

حافظ بصلها بستغراب من لهجتها الشديده مع يونس وبستفسار………ايه الموضوع الي مش عايزه تقوليه قدامي لو شكوي من حياه من دلوقت هبقي واقف في صفها هي فين

صفاء…..اصلها حاجه تتكسف تقولها قدامك والافضل اكلم ابني لوحدنا وننقذ الكل من الفضيحه

حافظ.وشه عليه علامات استفهام مش عارف ولا فاهم حاجه …انا مش فاهم حاجه من الي بتقوليها

صفاء…..لما يجي وقته هخليك جزء منها عشان تبقي في الصوره معايا ليا مين غيرك يونس اتحرك معايا

يونس…في ايه يا ماما

صفاء…..فاكر لما كنت صغير وتعمل الغلطه كان بيبقي كل همي اعرف ازاي عملت الغلط قبل ما اعرف ليه عملتها فاكر

يونس…ايوه

صفء….عارف كنت بعمل ليه كده

يونس……ليه

صفاء…..لان تركيزي اعرف ايه الي اخدك للغلط واحسسك بيه للان لو عرفت غلطك هتحس بالاحراج من نفسك والغلط الي عملته لما اتجوزت حياه ووهمتنا كلنا بحبك المزعوم يله عايزه اسمع الحكايه كامله منك اتكلم

يونس حط وشه منها في الارض وقال بخوف…..انا اعجبت بتمارا ولسه معجب بيها

صفاء مسكت دقنه بحده…… اتكلم وانت حاطط عينك في عيني

يونس بصلها…..ماما انا وتمارا بنحب بعض وبسبب المشاكل والخلا فات بين العايلتين خفينا العلاقه وحياه هي بس الي عرفت وكانت بتساعد تمارا تخرج من البيت تقابلني

صفاء ……….وحياه كانت بتعمل ده بأرادتها

يونس…..سكت

صفاء…..انا بسألك جاوبني

يونس حط وشه ف الارض من الخجل……كانت تمارا بتخرج بحياه كل يوم بحجه وفي اليوم اياه كانت حياه مع تمارا وكانت خطتنا نتقابل في سينما وجه قاسم هناك والباقي انتي عرفاه وشوفته كان هيقتل تمارا

صفاء بعصبيه……بتبص ليه تحت بصي في عيني وكمل

يونس…..ماما انا اضطريت اقول اسم حياه عشان انقذ تمارا

صفاء…..عملت ايه عيد تاني كدا

يونس…..قلت اسم حياه

صفاء……..انت مقلتش اسمها انت اتهمتها

يونس….ماما كان هيقتل تمارا

صفاء صرخت عليه بعصبيه….وعشان تنقذها طلعت حياه بنت عديمه التربيه والاخلاق استخبيت وري عرض بنت

يونس….كنت اعمل ايه مكنتش قدامي قرار تاني

صفاء….عايز ايه

يونس…..عايز اتجوز تمارا

صفاء رفعت ايدها وضربته بالقلم……….: وقح نسيت ان امك ست زيها قبل ما تحط شرف واحده ع المحك ليه مفكرتش قبلها اختي سالي شيطان وانا عرفاها وعارفه من زمان انها بتخطط توقع هاجر وطلعتها خاينه ساقطه في نظر الكل وخربت بيتها ودلوقت بتكمل خطتها ع حياه هي مش مهتمه بيك هي كل الي يهمها تدمر حياه وانا بقولهالك مش هسمح ده يحصل

يونس…..انتي بتقولي ايه يا ماما

صفاء…..هقف في وش الي بتحاول تعمله يا ابن بطني

يونس……….. بعمل ايه مش فاهم

صفاء…………. لاء فاهم متستعبطش يايونس لكن اسمع كويس لو حاولت تزعج حياه ولو شويه عشان تمارا هفضح سركم قدام الكل يله اخرج من اوضتي

يونس…….فهميني الاول يا ماما

صفاء بتدفعه ع بره…..بقولك اخرج ويارب كانت تمارا رشقت فيها الرصاصه الي كانت من قاسم

يونس….استني اتكلم

صفاء قفلت الباب في وشه وهي في قمه غضبها…..اخرج مش عايزه اسمعك اخرج وسيبني لوحدي

……………….قصص منه محمد كاتب…………….

سالي قعدت قدامه وبمكر……سرحان في ايه كدا يا قاسم

قاسم قفل الكتب وبصلها…..ولا حاجه

سالي بخبث…..امال ليه قاعد كدا لوحدك

قاسم…..عادي يعني

سالي……مفتقد حياه

قاسم….اظن ميصحش نتكلم عن حياه

سالي…..لاْ شايفه اننا لازم نتكلم عن حبك الناقص

قاسم……ملهاش نصيب معايا

سالي…….مش يمكن يبقي ليها نصيب وتبقي مكتوبالك

قاسم……وضحي لاني بجد مش فاهم الي قلتيه

سالي……شوف انا عرفت ان حياه مش قادره تتأقلم خالص مع يونس

قاسم…ازاي وبينهم قصه حب لازم يتأقلموا سوي

سالي…..بقولك مش عارفه تعيش معاه وانت هتفضل قاعد كده

قاسم……امال اعمل ايه اروح اجيب ست متجوزه راجل تاني تعيش معايا مثلا

سالي…..تقدر تخليها مش متجوزه خليها تصدق حبك شجعها خليها مجنونه وتتجبر تطلب الطلاق يونس ده واحد مستهتر وحبهم ده مؤقت الحب الحقيقي مع شاب عاقل وحكيم زيك ثم

قاسم قاطعها بتهكم شديد….ثم ايه كملي

سالي…….اول ما ترجع هنا البيت عشان تتجوزها اطردها ومش هيبقي ليها مكان تروح عليه

قاسم….عمتي عدواتك مع ام حياه من الماضي اما لحياه دي ست متجوزه سبيها تعيش في سلام بليز الحركاتك دي متناسبكيش عن اذنك

سالي لنفسها ……..انت غلطان ياقاسم عدواتي مع امها مش من الماضي لسه موجوده وهتفضل كدا لحد ما اموت

…………قصص منه محمد كاتب…………

يونس دخل بصصلها بنظرات ناريه ….انتي ما تعرفش تمسك لسانك قلتي ايه لـ امي قومتيها عليا

حياه. بحزم ……..الي عملته

يونس بنظره عصبيه وهو يبصلها …………يعني ضروري تدخلي امي ما بينا

حياه ………..اه ضروري لاني مليش اي حد في الدنيا غيرها

يونس ………وامي هي نقطه ضعفي دي اول مره تمد ايدها عليا بسببك ومش هنساه القلم ده ابدا انا شوفت الكره ليا في عنيها كأنها مش امي مش ضروري تعرفيها كل حاجه ممكن نتكلم عن امورنا بينا وبين بعض

حياه ……….ومين الي دخل الناس ما بينا

يونس ……..قصدك ايه بتحاولي تقولي ايه

حياه………. انا عمري ما شوفت جبان ووقح زيك في حياتي الي في ل مره يهاجم وري واحده ست

يونس اضايق من كلامها الي بتحدفه زي الدبش ……انا زهقت اروح انتحر

حياه نزلت دمعه من عينها ……….وانا كمان بقيت بتمناه الموت يايونس

يونس عيونه احمرت من العصبيه وهو يشاوربايده………..انتي هتكوني سبب انتحاري من لسانك وقله ادبك

حياه ………..ومين الي جابني لحد هنا

يونس …………عارف بس مش كل شويه تقلي مني

حياه ……….ولسه انت شوفت حاجه

يونس اتنهد بزهق……….. انتي عنيده ومتعبه جدا وخلاص اسكتي مش عاوز اسمع صوتك

حياه………… اعمل حاجه واحده اقعد وهات كراسه وقلم واكتب كل اخطائي معاك

يونس………. انتي المفروض واحده مثقفه ومتعمله فالطبيعي تحترمي جوزك

حياه …………ايوه ركز بقي ع كلمه جوزي

تلفونه رن بصلها بغيظ وخرج في الفراند فتح خط ورد بهدوء ……….الو

تمارا …………ليه مش بترد ع التلفون

يونس………… يومي كان زي الزفت طول النهار في مشاكل وخناق

تمارا …………..ده متوقع يحصل

يونس ……….امي مسكتني هزقتني ومستحلفه تمزقك اربا وانا معاكي

تمارا ………..اكيد الحربايه حكتلها الي حصل

يونس عقد حواجبه بعدم فهم ………… هو ايه الي حصل

تمارا ……….يونس انت عرفت ان عمتي سالي واقفه معانا واخدنا حياه في كافيه كان عندها خطه كويسه مطلقش انت حياه وتخليها هي الي تطلب منك الطلاق من نفسها

يونس زعق ……. انتي اتجننتي عملتي ايه

تمارا …………..مانت مش هتقدر لازم اتحرك انا وعمتي سالي

يونس اتكلم بحزم …………اسكتي يا تمار اسكتي

تمارا …………ليه اسكت

يونس انفعل عليها…….مين قالك تتصرفي و تتكلمي باسمي

تمارا……………. انت ازاي تزعقلي كدا

يونس …………بعد الي عملتيه صدقيني انا كدا محترم معاكي

تمارا حاولت تتصل يه تاني كان قفل الموبيل نهائي

يونس رجع لحياه وقالها مكسوف……….بتأسف مكنتش اعرف بالي عملوه معاكي ودلوقت بس فهمت ليه ماما زعلانه مني بالشكل العنيف ده

حياه…….كل ده حصل بفضلك الثقه في نبره تمارا نابعه عندها منك

يونس اتنرفز اكتر……وانا بقولك مليش دعوه اطلاقا بالي عملته انتي ليه مش بتفهمي شوفي ياحياه انا عارف اني واحد مش كويس بس صدقيني مكنش قصدي ابدا اؤذيكي نفسيا ومطلبتش منهم يتكلموا معاكي

حياه بصتله بغيظ لما موبيله رن برقم تمارا وهو كنسل عليها ورجعت تتصل تاني وهو قام خرج

حياه لنفسها……ده بيرفضني من حياته بأحترام و التاني بيطردني من حياته بقله احترام محدش عايزني في حياته ليه الموت ميجيش واتخلص من العذاب ده

استوب ورايكم في الاحداث وتعالوا لما يونس ياخد موقف من تصرفات تمارا والاحداث تتشقلب تماما

 

• يتبع الفصل التالي اضغط على (رواية متخافيش) اسم الرواية