رواية انتقام من غدر الزمن الفصل العاشر 10 - بقلم يارا محمد
10
جيلاء
تمام الحبوب هتوصلك ف هدية صغيرة اسبوع تديها ل طوفان الاسبوع اللي بعده تمضيه فاهمه .
زمن
وقبل ما مدتك تخلص كمان مش تخافي ابدا عن اذنك .
زمن خلصت مقابلتها مع جيلاء وراحت لوالدتها اطمنت عليها وعطتها فلوس.
شادية
و ليه ده كله يا بنتي أنا مش محتاجه تاني .
زمن
تاني انتي اخدتي اولاني من مين بالظبط.
شادية
بحر عطاني مبلغ كبير وقالي دي شهريتي وكل شهر ليا زيهم ولو غيرت رايي هروح عندهم .
زمن
اه و انتي مش فكرتي لحظه هما بيعملوا كده ليه معاكي هقولك أنا هما عايزينك تشتغلي خدامه تاني ليهم هما مش بيحبوكي يا ماما عايزينك بس تخدمي بنتهم العيله دي مش بتحبك عايزين يشوفوكي متهانه عندهم وخلاص.
شاديه
أي اللي بتقوليه ده بس يا زمن انتي غلطانه و قولتلك بحر غير طوفان .
زمن
كلهم زي بعض مفيش فرق ابدا صدقيني طيب هسمعك حاجه دقيقه .
سمعتها تسجيل مفاده أنهم عايزينها معاهم علشان يهتموا ببنتهم وأنها مش مهتمين باللي حصلها الأهم مصلحتها و اهو نغفلها مرة تانيه عادي.
شوفتي دول اللي بيحبوكي دول عايزينك خدامه لبنتهم يا ماما اسمعيني ومش تستقبليهم تاني .
زمن سابتها ومشيت وشاديه دموعها المتحجرة نزلت بقهر ع حالها حتي اللي كانوا عايزينها بقوا بتوع مصلحتهم ومرجعوش علشانها علشان تخدم وتنذل من تاني فضلت تبكي لغايه ما راحت ف النوم.
ف فيلا طوفان .
طوفان
عاجبك كده ضيعتي مننا شريك للشغل من ايدك بسبب سهرك للصبح انتي متخلفه ولا جرالك ايه ها وانتي من امتي بتسهري انطقي.
رايا
و فيها ايه لما أسهر ها أنا مش اجرمت أنا زهقت من الشغل والصفقات والكلام عن المناقصات و البيزنس زهقت حبيت ارفهه عن نفسي شويه مغلطش ف حاجه .
طوفان
وانا مش بيهمني انك زهقتي احنا هدفنا نكبر الشغل ونبقي ناس ناجحه مش فاشله زيك وزي المدمنه اللي فوق ركزي وشوفي هترجعي رواد ليكي ازاي احنا محتاجينه كشريك ف حياتك اكتر من الشغل روحي اعتذري ليه .
رايا
أنا مش هعتذر لحد مش هقل من نفسي علشان شخص مش يسوي أنا كرامتي مش اسمحلي اعتذر من حد مش عايز يقبل عذري وبعدين كنت فاكرة انك هتواسيني و هتقف معايا مش هو هو احنا مش بنهمك ابدا .
طوفان
كلامك الفارغ ده هو اللي جابك ورا اعقلي بقي العواطف ملهاش مكان بينا فاهمه الحقي اعتذري منه يالا.
رايا
و أنا قلت لا هو مش احترم مشاعري و لا رجائي ليه يبقي مش يستاهل وبعدين اقف معانا و لو مرة انت ايه مش بتحس احنا ولادك فين من حياتك فين وقتنا معاك عمرك ما حسستنا أنك اب كويس ارحمنا بقي ااااه.
ضربها بالقلم بسبب كلامها بغضب
طوفان
انتي ازاي بتكلمني كده انتي اكيد اتجننتي ما انتي زيك زي امك انتي مش متربيه وامك مدمنه أنا هعرف أتخلص منكم ازاي.
رواد كان ف عربيته سرحان ف اللي عمله جوا مش عارف هو صح و لا غلط أنه مش بادلها نفس شعورها بس هو مش بيحبها مش ذنبه فاق ع تخبيط ع عربيته.
زمن
قاعد كده ليه خش جوه مش تقلق هصالحكم ع بعض يالا.
رواد
مش ليه لازوم انك تصالحينا أنا خلاص سبتها مش نوعي البنت اللي بتسهر زيها كده .
زمن
معلش بكرة تحب تاني وتتجوز واحدة بتحترمك تعرف بعد ما بقينا صحاب قالتلي انها مش عايزة الشغل تاني عايزة تعيش حياتها سهر ونشوف نفسها حتي هي قالت إن الجواز دي مش ع هواها مشتزعل نفسك هتروق معاك عن اذنك هدخل جوه ومش تخليك زعلان اعمل حفله علشان خلصت منها سيبك من الشغل يوم واحد.
سابته ونزلت من العربيه وهو بيبص لطيفها و مبتسم وحاسس ناحيتها بشعور حلو من اول مرة شافها زمن دخلت جوه لاقت طوفان راميها ع الأرض وبيصرخ فيها جريت عليها وحاشتها منه و راحت بيها غرفتها.
رايا ببكاء
شفتي سابني علشان بس فكرت اشوف نفسي شويه مش احترم مشاعري يا زمن و ابويا كمل عليا بقسوته وجبروته عمره ما اهدني ف حضنه زي الباقي محدش فيهم حنين كلهم قاسيين حتي رواد.
زمن
اهدي مفيش حاجه تستاهل حتي رواد مش يستاهلك شفته وحاولت اصلح بينكم بس هو رفض وقالي مش تنفعني واحدة زي دي ابدا أنا عايزها علشان نكبر مع بعض الشغل مش بتسهر ف كل حته شكل يبقي الافضل انك تنسيه وتشوفي حياتك وقومي احتفلي انك خلصتي من شخص عامل زي ابوكي .
رايا
عندك حق هو مش يستاهل أنا هروح احتفل باني خلصت من واحد مش يستاهل و لا يستاهل مشاعري .
عدي اسبوع ف فيلا طوفان و الأمور تدهورت اوي رايا و مؤمن اهملوا شغلهم وبقيوا بيسهروا وبس وزمن مواظبه ع مادة بتحطها ل نورا ف الهيروين اللي بتتعطاه بتخليها تتعاطي بزيادة أما روحيه ف ساكته ع اللي بيحصل بس قررت انها تهددها بأنها هتقول أنها بنت شاديه و راحت ليها .
روحيه
اسمعي يا بنت شادية بطلي الاعيبك دي و الا هعرف البيه انك بنتها وساعتها هتموتي ف لحظتها بس قبل ده هيعذبك و هيخليكي تتمني الموت و مش هطوليه فاهمه و لا لا.
زمن بخوف مزيف
تمام هبطل بس مش تقولي ليه حاجه هعملك اللي انتي عايزاه بس ارجوكي بلاش .
روحيه
ايوة كده اتعدلي صحيح الخوف هتاخديه من مين غير من شادية كانت كده برضه مخلينها مشلوله وثقتها ف نفسها مدمرة .
زمن
هو انتي متجوزة وقاعدة هنا علطول .
روحيه
اه و بروح ف الإجازات بتسئلي ليه .
زمن
و لا حاجه سؤال عادي .
روحيه مشيت وهي ابتسامتها اختفت وحل مكانها ابتسامه غل
هوريكي ازاي تتكلمي عن امي كده استني عليا.
زمن دخلت ل نورا لقتها بتجارب نفسها وتمنعها عن أنها تاخد جرعتها وحست أنها بتزودها ف بقالها اسبوع عايزة تبطل ومش قادرة نظرا لأن زمن بتديها جرعاتها ف القهوة ف علشان كده مش حاسه بتحسن .
زمن
ف ايه يا مدام مالك مش متزنه كده .
نورا
هموت عايزة اخد اي حاجه بس بحاول ابطل بقيت مش حاسه بنفسي ابدا زي المجنونه عايزة اخد جرعتي وخلاص.
زمن
و اللي يساعدك بتعملي ليه ايه يعني تديه اي حاجه.
نورا بلهفه
اي حاجه المهم مزاجي وبس مش عايزة حاجه بداله.
زمن وسوستها بحاجه وهي وافقت ع طول وبعد ما مضت الورق اللي زمن مجهزاه عطيتها كيس كبير مخلوط بمادة معينه اخدته نورا بلهفه وتعاطته كله مرة واحدة واعصابها ارتخت ع الآخر وزمن بصتلها بخبث وخرجت نزلت ومعناها نفس الورق دخلت ليه ف مكتبه بكوبايه العصير شربها من أيدها كالعادة و قالتله ده ورق يخص الصفقه الجديدة ف مضاه من غير تردد بصت للورق بعد ما طلعت من المكتب بابتسامه وبعتته بطريقه سهله ل جيلاء .
بالليل كان زوج روحيه دخل عليهم الفيلا بغضب شديد واخد روحيه من شعرها .
روحيه
ف ايه يا عزيز مالك انت اتجننت بعد عني.
عزيز
ابعد عنك يا *** بقي انتي تعملي فيا كده انتي بتخون*يني أنا .
روحيه
انت مجنون أنا مش عملت حاجه بعد عني.
عزيز
لسه بتكدبي وتنكري امال ايه ده .
وراها الفيديو وهي مع طوفان قدام الكل وهي اتصدمت وحاولت تبرر ليه بس مش أداها فرصه
و مؤمن و رايا اتصدموا من ابوهم نورا نزلت واشتكت أن عقدها الالماظ مش موجود .
زمن
أنا شفت روحيه وهي بتحطه ف دولابها وسمعتها انها عايزة تبيعه بدل ما هي شغاله عند واحدة مدم*نه يا مدام.
عزيز
يعني خنتي الهانم مع البيه و كمان سرقتيها انتي ايه شيطانه.
نورا
البيه مين جوزي بيخون*ي معاكي تاني مش كفايه زمان رجع لوساخ*ته دي تاني .
نورا راحت اوضة روحيه ورمت هدومها ع الأرض والعقد وقع مع الهدوم و روحيه بتحلف أنها مش اخدت حاجه.
نورا
اطلعي برة بيتي يا حرام*يه هو انتوا كده بنضفكوا وبتعض*وا ايد اسيادكم.
روحيه بتحاول تبرئ نفسها من التهمتين وجوزها بيج*ر فيها لبرة وهي بتحاول تتخلص منه فجاه مش حست بحاجه وكل حاجه سكتت من حواليها حتي زمن و الباقي عزيز قت*ل مراته وهي بصتله بدم*وع وصدمه وثانيه كانت ميته كل ده زمن متابعاه خلصت من اللي كانت بتهددها واللي خلت امها ف قبضه طوفان من زمان.
نورا قالتله يشيل زبالت*ه ويرميها ف اي حته .
ووو يتبع
انتقام من غدر الزمن
.
•تابع الفصل التالي "رواية انتقام من غدر الزمن" اضغط على اسم الرواية