رواية متخافيش الفصل العاشر 10 - بقلم منة محمد
ع الموبيل
يونس…..حاسه بأيه دلوقت
تمارا…….عايزه اتكلم معاك
يونس…..انتي بخير
تمارا……انا بخير لانك سألأت عني
يونس…….اعمل ايه قوليلي
تمارا…..تعمل كتير
يونس…….انتي قطعتي ايدي ورجلي عجزتيني
تمارا……كان ده الي لازم يحصل وقتها لكن دلوقت الوضع اختلف العيله اتصلحت دلوقت وانتهت كل المشاكل انا بس الي ادمرت وانت والكل اتجمعتوا واحنا افترقنا
يونس بنرفزه…..مطلوب اعمل ايه دلوقت
تمارا…..طلق حياه
يونس….اطلقها
تمارا…..اه سيبها عايشه معاك شويه وبعدين عادي طلقها
يونس…….بس ماما
تمارا…..امك ولا انت بسبب جمالها لقيت نفسك مستمتع معاها ومسلياك وانت قاعد بيها لوحدكم في الفنادق والشقه ثقتها بنفسها ظهرت لما رفعوها في عينك
يونس…..مفيش حاجه من دي انا كنت
تمارا قفلت في وشه السكه وهو اتغاظ من حياه ودخلها
يونس……حياه ممكن اسألك عن حاجه
حياه بصتله….خير
يونس…..قولتي يه لتمارا خلتيها بدئت تشك فيا انتي عارفه اني بحبها وكلمتني وهي زعلانه
حياه….هو انت ايه مفيش دم
يونس….عشان مش عايزك تعامليني ع اني زوج مسير جوزنا ينتهي
حياه…طبيعي تكون فكرت في النهايه بس انا بنفذ واجبي كزوجه وده الي انا بعمله
يونس….ولو انا مش هقدر اقدم واجبي كزوج ليكي
حياه…..روح اسألك امك ايه هي النتيجه النهائيه
يونس…..انا عارف وفاهم اني مذنب وحاسس بوجعك وعارف اني السبب وانا غلطان لكن
حياه رفعت حاجب….لكن
يونس…..يعني راعيني انا بواجهه صعوبات وعانيت زيك الوجع وخسرت حبي وقلبي اتألم وكل ما اطلب منك حل بدل ما تديني تقفي تهزقيني
حياه…..عشان كل الي حصل والي احنا فيه بسبب افعالك وعمايلك وكان قرارك المشترك بينك وبين تمارا وقعتوني في الفخ وشوفته ان شرفي هو ارخص حاجه بينا التلاته وقررتو ترموني في النار ايه اسوء من كده ممكن يحصل الموضوع يخلص في يومين والناس يتكلموا ويذلوني وانتم مالكم والحكايه تخلص طبعا مكنتوش متوقعين ابدا بالجواز مش كده زي الجبان حولت السهم عليا الي كان رايح ناحيه تمارا ودلوقت طالب حل لخيبتك وضعفك
يونس….تمام سبيني القي حل بنفسي وخلينا نعيش فتره سوي وبعدها هطلقك ولما امي تسألني هقولها اني غلطت مع الي بحبها وعايز اكون معاها واتمني انها توافق
……………………قصص منه محمد كاتب……………….
اسعاد……انت لسه ملبستش
قاسم…..قلت مش رايح اي مكان
اسعا…..لو ملكش مزاج تروح اخلقه ده فرح ابن صاحب ابوك , وابوك قال لازم تروح معانا
قاسم…..بلغي بابا اني رفضت
اسعا…..يابني هدفنا مش انك تحضر بس الفرح انا عايزك معنا اصل العريس له اخت حلوه وعايزينك تشوفها وتتكلموا سوي عشان تكمل حياتك
قاسم….هيكون احسن لو تقفلي ع الموضوع ده خالص
اسعاد…..اي موضوع
قاسم….بخصوص جوازي انا مش مهتم بيه اطلاقا
اسعاد شدته من هدومه بغل …وليه بقي سيادتك مش مهتم انت ايه الي جرالك ليه مش عايز تتجوز اتكلم
قاسم مسك ايدها ….. بتعملي ايه
اسعاد….رد ليه مش عايز , ولا عايز تقضي حياتك كلها مجنون بذكري البت دي
قاسم….قبل ما تتكلمي عليها اختاري كلامك
اسعاد….بس كفايه مش هتديني تعليمات اتكلم كمان ازاي حقيقه البت دي جات قدامك ورغم كده لسه بتعاقب نفسك
قاسم…انا مش بعاقب حد انا بقولك مش عايز اتجوز خصوصا دلوقت ولو هتجبريني انتي عارفه ممكن امشي اروح فين
اسعاد….هتعمل ايه بتهددني بتهدد امك
قاسم….انا مش بهدد حد وبقولك مش هتجوز ولو حاولتي تجبريني هاخد بعضي واهاجر لكندا انتي عارفه معايا الجنسيه
اسعاد…..بتقول كل ده عشان حياه
قاسم…متقوليش اسمها
اسعاد….ليه بقي انت بقيت تعصاني عشانها خلتك تحبها وبعدين سابتك وبقيت مجنون بيها بدعي عليها تتحرم من السعاده
………………….قصص منه محمد كاتب………..
قاعد بيلعب ع الموبيل لقاه بيرن رد. بعد ما فتح الكام…ايوه عامله ايه
تمارا…هكون عامله ازاي
يونس….ليه عينك منفخه كده
تمارا….طبعا الوضع الي احنا فيه مش ماثر عليك مانت راجل
يونس…..تقصدي علاقتي مع حياه
تمارا…….طبعا مفيش مشكله لو اتجوزت اربعه بس انا كل ما بتخيل انك مع واحده غيري وتحديدا حياه بحس بوجع في قلبي حتي لو انا مغمضه عيني بيمر الليل كله بلف من غير هدف اتكلمت معاها وقولتلها انك هطلقها
يونس…ايوه اتكلمت معاها
تمارا ………..وردها
يونس….تمارا القرار مبقاش يخصني لوحدي
تمارا …….بتحاول تقول ايه
يونس ……..ماما بابا
تمارا…مالهم
يونس …….كلهم بيحبوها وعايزنها وماما مسكتها اداره البيت كلها في ايدها واعتبرتها فعلا بنتها حتي بابا طاير بيها كانهم مكنوش بيخلفوا وربنا رزقهم ببنت جميله وشويه هينسوني بيها
تمارا بحقد…كل شئ كان ملكي كنت جزء من حياتي
يونس…واظن خسرتي كل ده بايدك
تمارا…..ماتقولها واضحه تمارا سبيني زي ما سيبتك
يونس….تمارا الموضوع مش كده انا كل ما اكلمك بتحمس احسم الامر
تمارا ……….امال ليه عمال تحكيلي قصه عجزك
يونس بضيق……انا مش بحكيلك قصه انا طالب منك تهدي هنلاقي حل بلاش تتوتري كتير
…………………..
في بيت العايله لحياه
سيده….انسه تمارا كنت جيالك
تمارا …ليه
سيده بضحكه….صحبتك هنا قاعده في اوضه جدك
تمارا….اي واحده
سيده…مدام حياه هنا مش هي صاحبتك كنتم داما تقعدوا سوي وتتكلموا في الجنينه وعاشتوا في اوضه واحده لكن من يوم ما اتجوزت انتي لا بتروحلها هناك ولا هي بقت تيجي هنا روحي سلمي عليها بقت زي ابقمر بعد الجواز احلوت اكتر ماهي
تمارا…بس اسكتي غوري من هنا
الجده شافتها واقفه ع الباب…تمارا تعالي
تمارا….حياه كنت عايزه اتكلم معاكي تعالي معايا
حياه….انا بدهن مرهم لجدي
الجده…لاْ يا حبيبتي روحي معاها اتكلموا براحتكم انا هكمل
تمارا باسلوب امر وكبر ..تعالي معايا
الجده…روحي معاها
حياه سابت ايدها بعنف وقالت…ايه الاسلوب القذر ده
تمارا دفعتها عنها بحتقار….انتي الي بتتصرفي بقذاره معايا ومه يونس هو عايز يطلقك مش طايق يعيش معاكي مفكره لما عمتي تحبك وعمي حافظ يدعمك ممكن تفوزي بقلب يونس افتكري حاجه واحده خدعتك دي مش هتدوم كتير يونس اخد قرار وقريب جدا هيطلقك اما بالنسبه لعمتي مستحيل تديكي الاولويه عليا ولما يقارنوكي بيا انا الي هفوز فوقك وبقوه
حياه ……..وهو يونس الي قالك كده
تمارا ……..احنا الاتنين بنحب بعض وانتي بينا بالعافيه اسمعي كويس لو اتفرضتي عليه عشان هدف معين او تفضلي في حياته ده مش هيدوم ابدا ومستحيل تتمكني يفضل معاكي فتره طويله يونس ملكي
حياه بتحدي…هو جوزي وهو ولا حاجه بالنسبه لك
تمارا صرخت فيها…اخرسي خالص
حياه…..انتي الي تخرسي قلتي بما يكفي وسمعت بما يكفي ودلوقت تخرسي وتسمعيني بغض النظر بأتصالك بيونس او كلامك معاه اعملي الي انتي عايزه دخلت حياته بشكل شرعي وقانوني وهو شريك حياتي ودلوقت معنديش اي مشكله ان الجوازه دي تمت بالغصب بس انا موافقه عليه بكامل ارادتي وغير كده هخليه يحبني زي ما حبيته
تمارا…انتي مجنونه
حياه…….اصلي مش زيك يا عاقله
سيده …..ست حياه الشاي
حياه …….مش هقدر اشربه لازم ارجع البيت رجعيه من فضلك
سيده…لسه بدري
حياه بتخفي دموعها بالعافيه وردت…….عمتي اتصلت عايزني بلغي جدتي
سيده ………….حاضر
حياه بتلف لقته في وشها قالت بهدوء…مساء الخير
ناصر بصلها بحقد وكره شديد وسابها ومشي وهي ماشيه بضياع كانت هتقع من ع السلم
قاسم قرب عليها ومسكها …خدي بالك هتقعي ع وشك
حياه بصتله بحزن وقهر…مانت الي وقعتني ع وشي
قاسم….انتي معيطه حياه انا عارف كويس العلاقه ما بينا مش واصله اسألك ليه بتعيطي بس تقدري تقوليلي يمكن اخفف عبئ قلبك
حياه…الناس الي هما سبب في دموعي مش هيحصل فرق بالنسبه لهم
………………………………..
حياه فردت سجاده الصلاه وبعد ما انتهت رفعت ايدها تدعي وتحكي كل عبئ في قلبها لحد ما حست بحركه وراها
حياه لفت بسرعه وقامت مخضوضه…عمتي
صفاء مصدومه….انا سمعت كل حاجه عشان كدا احكيلي الحقيقه
حياه….بس صحتك
صفاء….سيبك من صحتي وسلامتي خالص مش هموت اتكلمي
حياه نزلت دموعها….يونس كان بيحب تمارا ولسه بيحبها
صفاء… بتقولي ايه امال اتجوزك انتي ليه واعترف انه بيحبك قدامهم واتجوزك ايه كل ده
حياه….عمل كده عشان يحمي تمارا
صفاء مش مصدقه….لاء لا يمكن ابني يعمل كده مستحيل هو مش كده قصدي هو مستهتر عنيد شويه بس مش للدرجادي وتمارا لو بتحبه ليه خبت عن الجميع
حياه…….. من خوفها من قاسم والمشاكل والقطيعه الي كانت ما بينكم اعتقدوا لو علاقتهم اتكشفت مش هيكونوا مع بعض ابدا راحو متهمني ومخهم هيئلوهم ان الحوار هيقعد يومين واسمع الملامه والاهانه وتخلص ع كده وطبعا بماضي امي انا واحده مشكوك في اخلاقها وتربيتها عشان كده مفيش واحد منهم كلف خاطره يعرف الحقيقه واتكتروا عليا ووقفوا كلهم ضدي في صوت واحد اخوكي عمره ما اعتبرني بنته كأ،ه واحده غريبه عنه عامله زي السمكه النتنه الي بيصطادوها طعم وهما ما صدقوا يجوزوني عشان يتخلصوا مني ويونس وهي مفكروش ابدا ان الامور هتوصل لحد الجواز ودي خطتهم افضل فتره وبعدها يونس يطلقني
صفاء برقت بذهول….كمان
حياه ببكاء….كمان
صفاء مسكت ايدها…وانتي عايزه ايه
حياه مره واحده عيطت بحرقه وصفاء سألتها…..ليه بس بتعيطي وتوجعي قلبي كده
حياه…..لانك الوحيده الي سألتني انا عايزه ايه هما اخدوا قررات متعلقه بحياتي هعيش فين واتجوز مين وامتي هبقي مطلقه محدش سأل حياه عايزه ايه
صفاء….دلوقت انا بسألك انتي عايزه ايه وهنعمل كل شئ حسب رغبتك قوليلي عايزه تطلقي من يونس
حياه…….. لاْ يا عمتي طلاق امي كان عار في حياتي وفضلت اتعاير بيه وبقيت بخاف من كلمه طلاق وبعدين لو اطلقت اروح فين
صفاء…وطالما انا عايشه وام يونس مش هسمح انه يعيش حياه جديده ع انقاض طلاقك
حياه مسحت دموعها…حتي بعد ما عرفتي انه بيحب تمارا
صفاء….الجواز مش لعبه ده التزام مدي الحياه وانتي مراته بالنسبه لي والي حصل خلاص حصل ولو ابني قاسي للدرجادي ازاي يقف ويتهمك ده امر كبير اوي سبيه يقسي اكتر بس هيبقي مجبر غصب عنه يحبك
حياه بكت بضعف وصفاء اخدتها في حضنها وقررت تواجهه تمارا نفسها وتحطلها حد
……………………
ع الموبيل
صاحبه…….ماتيجي نتقابل ع السريع
يونس……..مليش مزاج اخرج من البيت ايوه حاسس اني تعبان هكلمك بعدين
حياه بتنضف الدرج صرخت ويونس رحلها بقلق…حصل ايه
حياه وشها كرمش بألم……ولا حاجه دخلت في ايدي شوكه
يونس….وريني هشلهالك
حياه…لاْ متشكره هتعمال
يونس….يابنتي انا هشلهالك حياه اديني ايدك
حياه…بس براحه
يونس بصلها…متخافيش
يونس تلفوهه رن برقم تمارا رد لما سألته….انت فين
يونس بص لحياه ورد…في البيت
تمارا…..فين في البيت
يونس وهو ماشي في الجنينه….كنت في الاوضه بس خرجت لما اتصلتي
تمارا….. ليه
يونس…هو ايه الي ليه
تمارا….ليه خرجت ليه مكلمتنيش وانت جو الاوضه
يونس…….سكت
تمارا تابعت…..يونس ليه مش بترد هي حياه في اوضتك انا بسالك ما ترح
يونس….طبيعي في اوضتي هتروح فين
تمارا….ياسلام البيت كبير والاوض اكتر تروح في اي حته
يونس….ازاي يعني تقعد في اوضه تانيه وماما هتقول ايه رغم متجوزها غصب بس هي دلوقت مراتي
تمارا اتعصبت…مش كل شويه تفكرني بمصيبتي عارفه انها زفت مراتك
يونس…انا اسف
تمارا….يونس متنساش ان المكان الي اخدته حياه وسيطرت عليه ده مكاني
يونس….طبعا مكانك انتي هتفضلي في قلبي دايما
تمارا ابتسمت بثقه وغرور….حتي لو قريبه منك واحده تانيه
يونس….القرب مساله قلب وصدقيني حتي لو قريبه مني في اوضه واحده مش هتفرق معايا لما بيكون القلب مشغول بواحده تانيه مفيش داعي تقلقي اطلاقا واتكلمت معاها عن الطلاق
تمارا….والي هيحصل
يونس….هنحاول نسوي الامر وننهيه قريب لكن لو سمحتي متفضليش مضايقه مني لما بتزعلي قلبي بيتقهر
………………………..قصص منه محمد كاتب…….
يونس …..انتي قلتي ايه لماما
حياه ببرود ……….كل الي قلته ليا
يونس بحمقه شديده ….عايزه ايه , عايزه تعيشي معايا حتي بعد ما عرفتي اني بحب تمارا ومش بحبك هو انتي فاقده الامل عشان تكملي حياتك معايا
حياه ……..انا بكرهك كتير لدرجه مش طايقه ابص في وشك يبقي هتحمل اعيش معاك بس اعمل ايه السمعه الي طلعتوها ع امي بكرها اكتر ما بكرهك بس اقدر اتحمل اسائه السمعه الي اتوجهتالي بأني كنت ع علاقه معاك بس مقدرش اتحمل ابقي الخاينه الي خطفتك من حبيبتك وروح بلع السنيوره تمارا بكلامي ده كمان
يونس….انتي بتكرهيني وانا مش بحبك بحب تمارا لحد اليوم
حياه بستهزاء…قلتلي ده مش شويه
يونس بغيظ …كدا حلو اوي انا بقي هدبر اموري ع قد استطاعتي لكن افتكري شئ واحد هسيبك وقت ما تجيلي الفرصه ومش هيهمني قد ايه كرهك لكلمه مطلقه
استوب ونقول ليونس انت مش هتلحق تعمل حاجه لاننا هنضربك في مقتل جامد يا خفيف
- يتبع الفصل التالي اضغط على (رواية متخافيش) اسم الرواية