روايات ظلمت لكونها انثى الفصل الثالث والثلاثون 33 - بقلم عفاف شريف
الخاتمه الجزءالثاني_والاخير
ظلمت_لكونها_انثي
عفاف_شريف
....................................
إهداء إلى كل غاليه وصلت معي لتلك اللحظه
شكر من كل قلبي لوجودكم ودعمكم
كان ذا أثر دائما
أحبكم
وأخيرا
إهداء إلي نفسي
تلك التي حاربت لتصل إلى هنا
.....................................
أحبك
أتدري
أتعلم
والأهم أترى
أنا أحبك
أقولها اليوم وباعلي صوت دون خوف أو حتي خجل
ها انت حلالي وأنا حلالك
ها أنا اضمك إلى صدري وتضمني لقلبك
لاخبرك أنك تلك الدعوه
تلك الامنيه التي بكيت يوما ما
طالبه إياها
ها هي تتحقق
ها انت أمامي
هنا
بقلبي
لذالك ساخبرك مره أخري
أحبك
وحلاوه الكلمه تكفي أن تسقطك صريعا في حبي للمره التي لا اعلم عددها
......................................
في منزل سحر
وضعت الصغار في فراشهم
ارتدت اسدالها وهي تتوجه للخارج
وتقول بسرعه : حنان أنا هنزل اعزم الجيران علي السبوع
معلش خلي بالك من الولاد
هم نايمين
أول ما يصحوا رني عليا هطلع علطول
حنان بهدوء: توكلي على الله
دول عيالي يلا
ابتسمت سحر وهي ترسل لها قبله في الهواء
قبل أن تسرع للخارج
أقل من ربع ساعه وانتهت من دعوه أغلب السكان
وتبقي فقط شقه هبه والرائد يحيى
دقت علي باب هبه
ولم يمر الكثير وفتحت لها ولاء
ولاء بابتسامه: أهلا أهلا
اتفضلي يا أم حبيبه
ابتمست سحر وهي تقول: أهلا بيكي
ودلفت للداخل
لتستقبلها هبه بابتسامه وهي تحتضنها: وحشاني والله
سحر ببتسامه: أنت كمان
هبه بهدوء: عامله شويه عصير مانجا تحفه
استني هجيبه واجي
سحر بسرعه : استني بس
عايزه أقولك حاجه
جلست هبه وهي تقول بإبتسامه: خير
سحر بإبتسامه هي الاخرى: بصي بقي يا ستي
إن شاء الله عقيقه ريان وليان يوم الجمعه الجايه
هستناكي انتي والحجه والولاد
اوعي تتاخري
هبه بص*دمه : إنهي جمعه
إلي بعد كام يوم دي
اومئت لها سحر بهدوء
لترد ولاء: احنا كمان حددنا معاد عقيقه ملاك في نفس اليوم
عبست سحر وهي تقول: يعني مش هتعرفو تيجو
ولا هعرف اجيلكم
المشكله إني اتفقت مع الناس خلاص
هبه بتأكيد : ويحيى قالي إنه أتفق
ولاء بتفكير: طيب ليه متعملوش سبوع وأحد
ليكو انتو الاثنين
والفرحه تبقي فرحتين
هبه بتفكير: بس صعب
شقه ايه الي هتشيل الناس دي كلها
ولا شقه مين أصلا
ولاء بتاكيد: مش شقه
سحر : اومال
ولاء بتفكير : سطح
أنا كنت من اسبوع علي السطح
وما شاءالله تبارك الله كبير
ونضيف
يعني بس محتاج تظبيط
ويتفرش
وهيبقي زي الفل
سحر بتفكير: الفكره حلوه عشان هتكون لمه وفرح
بس هنظبطها ازاي دي
الوقت مش كبير
ولاء بتاكيد : بصو
احنا نجيب حد يظبطه
ويقسم السطح اثنين
جزء يقعد فيه اهلك
وجزء اهلنا
واحنا في النص
وبكده لا شقه تتبهدل ولا احنا نتهد في التنضيف
والفرحه تكون أكبر
سحر بحماس: حبيت اوي اوي بجد
تمام هاخد رأي احمد وابعتلك واتس
هبه بحماس هي الاخري : تمام جدا
سحر بسرعه : تمام
انا هقوم بقى
عشان سايبه العيال مع حنان
يلا سلام عليكم
ورحلت
وظلت هبه تناقش امها في الفكره
فإذا خُطط لها بذكاء سيصبح يوم في غايه الجمال
ورائع بكل تاكيد
..................................
#ظلمت_لكونها_انثي
#عفاف_شريف_فله
.................................
دلفت سحر للشقه وهي تندفع تخبر حنان ما حدث
ابتسمت لها حنان وهي تقول: الفكره حلوه
بس انتي متاكده مش عايزه سبوع لوحدك
هزت سحر رأسها وهي تقول:الحقيقه مش فارقه
ده سبوع وده سبوع
اللمه حلوه
احنا ملناش قرايب كثير اوي يعني
وهبه انسانه محترمه جدا
والفرحه هتكون فرحتين
وانتي عارفه انا بحب العزوه قد ايه
حنان بهدوء وهي تربت علي ساقها: علي خير يا رب
خلاص شوفي رأي احمد وباذن الله الباقي محلول
قاطعهم دلوف احمد
بوجه شاحب متعب مجهد للغايه
سحر بقلق: في اي انت كويس
احمد بتعب :تعبان جدا
عايز بس انام
اشارت حنان لسحر ان تذهب خلفه
وهي ستعتني بالصغار
لتدلف به سحر
وتظل حنان محلها تنظر لهم
وهي تثق ان السبب في مظهر احمد المتعب بهذا الشكل
هو شخص واحد فقط لا غيره
محمد
........................................
#ظلمت_لكونها_انثي
#عفاف_شريف_فله
........................................
ساعدته في تبديل ملابسه
ليتسطح علي الفراش بتعب وارهاق
وهي تقول بقلق :ايه الي حصل
تطلع لها بقلب متعب
هل يخبرها ما حدث
ايخبرها ان محمد دعا على صغارها بقلب جاحد
ايخبرها ان قلب اخيه من حجر
ودعا على صغار رضع لا حول لهم ولا قوه
وانه لم يتغير ولن يتغير مهما حدث
ايحطم قلبها
لا والله لن يفعل
لن يفعل ابدا
تنهد بتعب وهي يقول: مانتي عارفه
محمد وكلامه الدبش
هو جديد علينا يعني
سحر بخفوت: قالك ايه
احمد بحنان وهو يربت علي وجنتها: زي كل مره
انسي
بلاش نتكلم عنه
قوليلي بقي الولاد عاملين ايه
وحشوني
سحر بابستامه: الحمد لله
حبيبه ومروه راحو الجيم
والولاد عند الدكتور النفسي شويه وحنان هتروح تجيبهم
احمد بإبتسامه: انا فرحان ان الولاد حالتهم النفسيه استقرت
وضع عبد السلام الحمد لله مبشر بالخير
بيضحك ويلعب
رجع يعيش سنه من جديد
سحر بإبتسامه: فاكر الدكتور قال ايه
الحمد لله اننا جينا في الوقت المناسب
وان الولاد متعاونين جدا
والاهم ان حنان بتدعمهم صح
احمد بهدوء:الحمد لله
الحمد لله يا سحر
انا كنت خايف عليهم اوي
دول امانه ربنا ليا
الله يسامحه الي عمل كده
الولاد بس كانو محتاجين حب واهتمام
ولما لقهوهم بقو احسن بكثير
حتي حنان كمان اتغيرت اوي
حاسس اني شايف انسانه تانيه غير الي كنت اعرفها
حد خايف اوي علي ولاده
خايف لدرجه انه بيعمل المستحيل وبيغير في طريقه وطباع عشان خاطرهم بس
سحر بتأكيد: عندك حق
بس تعرف
انا مقتنعه ان حنان عمرها ما كانت وحشه
هي اه غلطانه بس هي كانت
ضحيه ل سنين مؤلمه ومتعبه
سنين خدت عمرها وصحتها وقلبها
وراجل بيتفنن في ك*سرها وكسر جواها حاجات كتير اوي
بس ربك كبير
عوضها
ولسه عوض ربنا كبير
احمد بإبتسامه: فعلا
ربنا يرزقنا جميعا السعاده يا حبيبتي
ردت خلفه: اللهم امين يارب العالمين
احمد بإشتياق: وحشني العيال
ضحكت سحر وهي تقول: اسكت الحمدلله رضعو ونامو
زن زن زن
كنت هفرقع منهم
ضحك احمد
لتكمل هي :صح نسيت اقولك حصل ايه النهارده
احمد بتساول: ايه
قصت عليه ما حدث
ليقول مؤيدا
الي انتي حباه هيحصل هنا او في السطح مش فارقه
ظبطي التفاصيل معاها
وقوليلي
هجيب حد يظبط الوضع
انا ميهمنيش غير اشوفك سعيده
والضحكه منورة وشك
والي انتي عايزاه هيحصل اكيد
احتضنته بقوه وحب
سأله الله ان يحفظه لها ويبارك لها فيه
ويديم السعاده مظلله حياتهم
........................................
#ظلمت_لكونها_انثي
#عفاف_شريف_فله
.......................................
في منزل هبه
كانت تجلس تطعم الصغيره ملاك
الى ان قاطعها جرس الباب
اراحت الصغيره في فراشها
وارتدت اسدالها
لتفتح الباب بإبتاسمه
اختفت وهي تري ملامحه المتهجمه
متوتر
ماذا حدث
هبه بهدوء: اتفضل يا يحيى
هنادي ماما
اوقفها بحزم: هبه
لازم اقولك حاجه
هبه بقلق : قلقتني في ايه
حصل حاجه ولا ايه
يحيى بهدوء وهو يجلس : اقعدي
جلست وهي تنتظر حديثه
ليقول بهدوء: محمود
هبه بر*عب: ماله
محمود اتسجن
اطلقت شهقه مصد*ومه وهي تنظر له بعيون متسعه وقالت: ايه
ليه
حصل ايه عشان يتسجن
يحيى بمتعاض:قضيه شرف
د*بح مراته
وضعت يديها علي فمها تكتم شهقتها المصد*ومه لا تستوعب ما نطق به حتي
دموعها تهبط دون توقف
تابى التوقف
لتهمس بعدها بضعف والم وعدم تصديق: د*بحها
د*بح مجيده
قتلها
قالتها بصوت مرتعش
اغمضت عيناها برهبه ور*عب
تشعر انها ستسقط في اي لحظه
محمود ذب*ح مجيده
شهقت بر*عب وهي تستوعب الكلمه
متذكره ما فعله
كل لحظه
كل كلمه
كل شي
اتهامه لها بالخيانه
بان اطفالها ليسو باطفاله
انها زا*نيه
خاطيه
اتهمها وكان يريد ذ*بحها
والان
اتته من فعلت هذا حقا
ما اتهما به
فتحت عيناها وهي تنظر ليحيى بسكون
ها هو
اتى قصاصها
اتى حقها
حقاً
داين تدان ولو بعد حين
وها هو يتجرع مراره افعاله
مراره تحطيمه لها يوما ما
..........................................
#ظلمت_لكونها_انثي
#عفاف_شريف_فله
..........................................
بعد يومين
مساء في منزل هبه
كانت تجلس مع امها ويحيى يخططو لعقيقه الصغيره
ف الموعد بعد يومين
ولم يتبقي الكثير
يحيى بهدوء: تمام كده كله خلص
انا اتفقت مع استاذ احمد
العمال هيشتغلو ف السطح من بكرا عشان يكون جاهز
ويكون فاضل بس البلالاين في نفس يوم
وبس كده ناقص بس فساتين البنات
وهدوم الولاد
هبه بهدوء: دول كمان خلصو
انا بعت لبيدج تبعتلي الفساتين بتاعه البنات
وبتاعتي
والولاد كمان
حتي عبايه ماما
واكملت: و
وكمان وصيت ليك
لبس للعقيقه
ابتسم لها إبتسامه كادت ان تخلع قلبها من شده خفقانه
ونظرت ارضا بخجل
وامها تنظر لها بغيظ وملل
فابنتها تحولت لمراهقه تتدلل بغباء دون اخد اي خطوه
يحيى بهدوء:تمام
كده كله تمام
وان شاء الله يكون يوم جميل وزي الفل
تنحنح يحيى قبل ان يقول: هقوم انا بقي
ولاء برفض: لازم تتعشي معانا
استني اوعي تمشي
وغادرت سريعا نحو المطبخ
كادت ان تتبعها هبه
لكن اوقفها رنين جرس الباب
فتحت الباب
لتتسمر محلها وهي تهمس: انتي
اتي يحيى من خلفها وهو يقول: مين حضرتك
همست هبه بضعف: والده محمود
....................................
#ظلمت_لكونها_انثي
#عفاف_شريف_فله
.....................................
اندفعت ولاء وهي تقول بغ*ضب: انتي
بتعملي ايه هنا
انتي ليكي عين تيجي بعد كل الي عملتيه
اتفضلي من غير مطرود
لكن ام محمود كانت امرأه اخرى
هزيله متعبه كمن وضع فوق عمرها عمر
يحيى بهدوء: لو سمحتي يا امي
واكمل: اتفضلي
ردت ام محمود بتعب: عايزه اتكلم معاكي يا هبه
لو سمحتي
لوحدنا
واكملت برجاء اكبر: لو سمحتي
تنهدت هبه وهي تقول:اتفضلي مفيش حد غريب
دلفت ام محمود بوهن
وهي تجلس بصمت استمر قليلا
الى ان قالت: انتي عرفتي الي حصل لمحمود
هبه بجمود: اه
ابتلعت ريقها وهي تكمل: هو هو يعني
عايز يشوف بنته والولاد يا هبه
اغمضت هبه عيناها وفتحتهم وهي تقول بقوه : انا اسفه
انا مش هقدر اخليهم يدخلو المكان ده
لما يخرج تقدري تبلغيني وهخليه يشوفهم
بس بمواعيد وفي المكان الي احدده
ردت ام محمود برجاء: ليه يا بنتي
مش يمكن
مش يمكن الي بينكم يرجع تاني
ده انتو بينكم ثلاث عيال
انتفض يحيى ينظر لها بهلع وغ*ضب وغيره وهو يستمع الي حديث تلك المراه
اي رجوع هذا
اي رجوع
اما هبه فكانت تنظر لها بعدم تصديق
وهي تقول بستهزاء :ايه
نرجع
مين ده الي يرجع
انتي الي جايه تقولي كده
ودلوقتي
ضحكت بسخريه مكمله حديثها:كنتي فين وانا بض*رب واتشتم
كنتي فين وانا بتهان وبيتمسح بيا وبعيالي الارض
كنتي فين وابنك واخدني كيس ملاكمه بيفرغ فيه غضبه
عارفه كنتي فين
كنتي بتقويه عليا
وبتحاولي بكل الطرق تخليه يطلقني
عايزاني ارجع لمين
لراجل ميستحقش كلمه راجل
شخص شك فيا
شك ان عياله الي عايز يشوفهم مش عياله
شخص كان عايز يد*بحني
اتهمني بالزنا
اني خا*ينه
ودلوقتي بتفكري نرجع
انتي بتقولي ايه بجد
انتي مستوعبه طلبك
واكلمت بقوه:انا اسفه
انتي جيتي للشخص الغلط
لو محمود اخر راجل في العالم
انا مستحيل ارجعله
لاني بقر*ف منه
ومش شايفه انه يتسحق كلمه راجل حتي
انا اسفه
شرفتي
قالتها وهي تقف تنظر لها بقوه
وقفت ام محمود تنظر لها بكره وهي تقول: كنت عارفه
هتفضلي طول عمرك قلبك اسو*د
ربنا ينتقم منك
وخرجت سريعا تغلق الباب خلفها
لتجلس هبه محلها بتعب
غير نادمه
بل حامده
حامده الله انها نجت
........................................
#ظلمت_لكونها_انثي
#عفاف_شريف_فله
........................................
دلف يحيى الى منزله
بعد ان أخبرته اسماء انها هنا
ظل يجوب الغرفه ذهابا وايابا
والاخري تاكل من طبق المحشي بنهم
وهي تقول: هتفضل رايح جي كده كثير
حولتني
في ايه
اقترب منها بسرعه
يمسكها من ملابسها كاللصوص ينظر لها بغ*ضب وغيظ
لتصر*خ هي : يا جدع سيب
ده انا ام ملو هدومي
وبشخط وانطر
عيب كده ضيعت برستيجي
يحيى بجنون: بس اسكتي
هششش لاديكي بوكس اشلفط وشك
اخذت اصبع ورق عنب تدسه في فمها بغيظ
ليتركها ويعود يجول الغرفه
اسماء بقنوط: بس لو تقولي
مش يمكن انا الاقي حل
جلس بجانبها بغيظ وهو يقول بتردد: انا
اسماء: ايوه
يحيى : احم
يعني
اسماء بهدوء: هسألك سؤال
يحيى بملل: اممم
ارغي
اكملت هي بمكر : بخصوص هبه
نظر لها لتكمل بتأكيد وثقه: انت بتحب هبه صح
وعايز تتجوزها
بس انت غبي للاسف ومخدتش خطوه لسه
لحد ما هتطير من ايدك
وتضرب نفسك بالجزمه
التفتت تنظر له بابتسامه خفتت تتدريجا وهي تري ملامحه المتهجمه الحمراء
لتترك الطبق سريعا وتركض في الشقه
ويركض خلفها وهو يقول: انا غبي
انا
هقتلك
هقتلك
وظلت هي تركض وهو خلفها
الا ان امسكها من ملابسها
وهي تصر*خ: يا جدع سيب
لكنه لم يهتم
وأعطاها حقيبتها وطردها بابتسامه شامته
لكنها رفضت الذهاب
وهي تصر*خ انها لن تتحرك دون طبق المحشي
ليعطيها اياه
متمني ركلها للخلاص منها
التفت يعود لداخل
لكن عيناه توقفت علي تلك الصورة المفضله لديه
صورة حبيبته رحمها الله
وام ابنته
حبيبته وقطعه من قلبه
اقترب منها ينتزعها من الحائط
يضمها الي صدرة
راغبا وبشده ان يحصل علي السكينه
ان يرتاح بعد كل هذا العناء
.................................
#ظلمت_لكونها_انثي
#عفاف_شريف_فله
.................................
خطت ام محمود نحو منزلها تنظر ارضا خجل وتعب
نظرات الجميع تلاحقها
نظرات شامته
واخرى كارهه
والكثير غيرها
اصبحت نظراتهم تق*تلها
واصبحت علكه في فم الجميع
يتحدثو عنها
وابنها
ومجيده
تكاثرت الاحديث
والشماته الواضحه
ابتعد عنها الجميع
حتي السلام لا يلقوه
اصبحت منبوذه بكل ما للكلمه من معني
دلفت ل شقتها
وهي تجلس في اقرب مكان
تبكي بقوه
انقلب كل شي راس على عقب
كانت سعيده
بل سعيده جدا
وهي تري ابنها سعيد واخيرا
مع ابنه اختها
تلك الفتاه التي حاربت كثيرا لتجعلها زوجته
وعندما ظنت ان ابواب السعاده فتحت لها
اغلقت في وجهها فجأه بدون اي مقدمات
انتهي كل شئ في غمضه عين
انتهي حتي قبل ان يبدأ
اغمضت عيناها بتعب
متمنيه انه ليتها لم تزوج محمود لمجيده
ليتها لم تفعل
فها هي
وحيده
تموت بكل يوم
حس*ره وحزن علي ابنها
قره عينها
فقد عمله
فقد بيته
وقتل زوجته
وملقي في السجن
حتي اختها الوحيده
لم تراها منذ ماتت مجيده
لما تراها منذ وقعت مغشي عليها وهي تري ج*ثه مجيده المذ*بوحه أمامها
استمتعت من البعض
انها رقيده الفراش
لا تتحدث
لا تتحرك
ككج*ثه هامده
خسر الجميع
والندم ياكل قلبها
......................................
#ظلمت_لكونها_انثي
#عفاف_شريف_فله
......................................
صباح يوم جديد
في السجن
كانت ام محمود تجلس في انتظار قدوم ابنها في موعد زيارته المعتاد
لتجده يقترب منها بملامح متجهمه كارهه
ووجه متعب
جلس وهو يقول دون مقدمات او سلام :روحتي ل هبه
ردت امه بقنوط: ايوه
بس رفضت
انا قلتلك
بس اهي شمتت فينا
بتزللها
عجبك منظري وانا مك*سورة قدامها
محمود بشرود: متخفيش احنا مش موجودين بالنسبه ليها عشان تشمت
احنا ولا حاجه
زفرت امه بضيق
وهو تنظر له بتردد وخوف
الا انه قال بتعب: حصل ايه ثاني
ردت امه بضعف: الناس الي كنت سالف منهم الفلوس
رفعو قواضي
حتى انك خلاص اترفدت
وصاحب الشركه رافع هو كمان قضيه
والمحامي قال ل ندفع ل هتاخد كذا سنه سجن
محمود بتعب: منين
كل الفلوس راحت علي الفا*جره بنت اختك
كل الفلوس راحت
كل حاجه راحت
دمعت عينا امه وهي تقول: حسبي الله ونعم الوكيل
هنعمل ايه
صمت قليلا الا انه اردف بقوه: هبيع البيت
شهقت امه وهي تقول: ايه
انت بتقول ايه
بيت ايه الي تبيعه
ولما يتباع
هقعد انا فين
محمود بقسوه: صرفي نفسك
انتي ناسيه ولا ايه
بسببك انا هنا
بسببك انا محبوس هنا
وتركها وظلت هي تعض اصابعها ندم
فمن ظنت انها بدايه لابنها لم تكن سوا هلاكه
....................................
#ظلمت_لكونها_انثي
#عفاف_شريف_فله
....................................
وقفت فاطمه بجانب شقيقتها بداخل شقه امهم رحمها الله
ينظرا لكل ركن منها بالم حزن وندم
الكثير من المشاعر المؤلمه
همست فاطمه بشرود : الي بنعمله ده الصح صح
وفاء بتاكيد: وهي تربت علي زراعها
اظن ده الصح
عشان نبداء من جديد
لازم نهدم القديم ونبدأ علي نضافه
وبيع البيت ده هتكون البدايه
لازم كل حق يرجع لصاحبه
وكده نقدر نرجع لعمامك ورثهم
يمكن نقدر نصلح الي ماما عملته
واكملت بشرود: والي احنا عملنا
يمكن
يمكن نقدر
فاطمه بوهن:ربنا يرحمها
ويغفرلها
ويغفرلنا
وفاء بهدوء:امين
واكملت : كده مهمتنا خلصت
هزت فاطمه راسها بنفي وهي تقول : لا
فاضل حد كمان اتظلم
.....................................
#ظلمت_لكونها_انثي
#عفاف_شريف_فله
....................................
دلف الي الحجز بروح خاويه
ماذا كان يظن
ان تقبل به
لماذا
وعلي ماذا
اقدم هو السبت لكي يطالبها بالاحد
هو فقط قدم الكره والحق*د والضر*ب و الاها*نه
حتي ظن أنه لم يريها يوما سعيد
اي سعاده
تلك الكلمه لم تذكر في قاموسه يوما معها
والان اين هو
مسجون
بعد ان قتل زوجته الخا*ئنه
مجيده خائنه
كانت تحمل طفل ليس بطفله
ظن انه بقتلها ستبرد تلك ال*نار في صدره
لكن لم يحدث
بل تشتعل اكثر
حتي انه لم يعد يذق سوا طعم الالم والمراره
ها هو بين اربع جدران عف*نه
الجميع يرفع عليه دعاوي يطالبون باموالهم
حتي وان خرج من هنا
لا مكان يذهب اليه
لا عمل
لا منزل
لا زوجه
لا حياه من الأساس
انتفض علي يد احدهم توضع علي ضهره
واحد المساجين يقول : ايه اتطرشت
مش سامع المعلم
نفض محمود يده بغ*ضب وهو يقول: شيل ايدك
الي عايز يكلمني يجيلي
ودفشه
ليظهر خلفه رجل اضخم بملامح عنيفه مخيفه وهو يقول بصوت عالي: بتقول حاجه يلا
صر*خ به محمود بغ*ضب وهو يقول: الي سمعته
انا مبخافش زي الي معاك دول
وكاد ان يذهب ويتركه
الا ان قبضه قويه منعته
وهو يضر*به بقوه وقسوه
ليسقط ارضا
وهو يستمع اليه يردف باح*تقار: ربوه
شكل امه مربتوش
ولم يشعر بعدها سوا بطعم الالم والذل
وهو يُض*رب ويُلكم ويُشتم بابشع الالفاظ
ضر*ب بقوه في وجهه وهو يشعر بطعم الد*ماء في فمه
وفي تلك اللحظه
اتت امامه ذكرى
بل ذكريات
الكثير من الذكريات
ذكريات ضر*به لهبه
لسحقها مستغلا ضعفها
ضر*بها واهانتها بقسوه
متباهيا بقوته
غافلا انه وإن كان قوي فهناك الاقوي بكل تاكيد
وان الله ليس بغافل
وها هي تتحقق دعوه هبه
داين تدان مهما مرت السنوات
وها هو يدفع دينه كاملا
بل واكثر
....................................
#ظلمت_لكونها_انثي
#عفاف_شريف_فله
.....................................
في منزل فيروزة
كانت تجلس مع زوجها في سهره معتاده
بعد عودته من العمل
كان يضمها الي صدره بحب وهو يتحدث معها
يشاركها يومه
وتشاركه يومها
مهما كانت التفاصيل
تظل مهمه بالنسبه لهم
الا ان جرس الباب قاطعهم
دلفت للغرفه سريعا
وذهب عبد الرحمن لفتح الباب
ولم يمر الكثير ووجدته يدلف للغرفه
يخبرها بوجود امرأتين تريدانها بامر ضروري
ارتدت اسدالها
ودلفت معه الي غرفه المعيشه وهي تقول بإبتاسمه: السلام عليكم
لكن اختفت ابتسامتها تدريجيا وهي تري امامها اخر من ظنت أنها قد تراهم
ولم يكونا سوا
فاطمه ووفاء شقيقتا عادل
.....................................
#ظلمت_لكونها_انثي
......................................
فيروزة بذهول وصد*مه: انتو
وقفت فاطمه تنظر لها بخجل وهي تقول: عارفه انها بجاحه مننا نكون هنا
بس احنا عارفين انك احسن منا
وهتستقبلينا
اوعدك مش هنطول
ظلت تنظر لهم للحظات
الا انها اومئت لها دون حديث
وجلست بجانب زوجها
لتجلس فاطمه هي الاخرى
مشيره لشقيقتها
لتخرج الاخرى لفه كبيرة
اخذتها منها ومدت بها ل فيروزة
نظرت لها بعدم فهم
واخذت اللفه
تفتحها لتجد انها عده رزم ماليه
فيروزة بعدم فهم: مش فهمه
ايه ده
فاطمه بهدوء: ده تمن العفش بتاعك الي ماما الله يرحمها باعته
والدهب كمان
دي كل الفلوس الي المفروض كنتي خدتيها بعد الطلاق
بس للاسف اتظلمتي و مخدتيش اي حاجه
نظرت فيروزة للمال تاره
ولعبد الرحمن تاره
ثم وضعت المال علي الطاوله وهي تقول: انا اسفه يا فاطمه
مش هقدر اخده
انا مش عايزه الفلوس دي
وفاء بسرعه : بس ده حقك
فيروزة بتاكيد: وانا مش عايزاه
فاطمه بهدوء: بصي يا فيروزه انا عارفه انها ممكن تكون بجاحه مننا
بس ارجوكي اقبلي الفلوس دي
دي حقك ومش صدقه من اي حد
ده حقك الي امي الله يرحمها خدته منك
ارجوكي
قالتها برجاء وهي تكمل بق*هره والم ودموعها تاخذ مجراها :احنا مش قادرين نكمل حياتنا
واحنا عارفين ان في حد اتظلم بسببنا
هي راحت عند الي الحساب عنده مستحيل يضيع
ارجوكي وافقي
يمكن ده يخفف عنها
نظرت لها فيروزة بالم وكادت ان ترفض
لتوقفها فاطمه وهي تقول بدموع: لو سمحتي
احنا بنتعذب بذنبك لحد دلوقتي
ووقفت سريعا لتغادر هي وشقيتها
لكن قبلها وقفت توليها ظهرها وهي تقول بصعوبة: يمكن الي هطلبه مستحيل
بس حاولي تسامحيها وتسمحينا
حاولي
وغادرا
وتركا فيروزة محلها تنظر للمال بحيره والم
لتجد يد عبد الرحمن توضع علي يدها وهو يقول: بتفكري في ايه
فيروزة بشرود: اعمل ايه
انا مبقتش عارفه اعمل ايه
قولي يا عبد الرحمن
عبد الرحمن ببساطه: سامحي
سامحي وارمي ورا ضهرك
اذا كان رب العباد بيسامح
احنا مش هنسامح
واكمل وهو يربت علي بطنها : جواكي في بدايه جديده
خلينا نبداء من جديد
وننهي كل القديم
وضعت يدها علي يده
وهي تنظر له بامتنان حقيقي
وأكملت وهي تنظر للمال: هنعمل ايه بالفلوس دي
عبد الرحمن بصدق:اعملي الي تحبيه
الفلوس دي حقك
وانتي الوحيده الي تقرري بخصوصها
لمعت عينا فيروزة وهي تقول بتصميم: عرفت هعمل ايه
والقت بنفسها بين احضانه
تشكره علي وجوده
تشكره علي قلبه وحبه
....................................
#ظلمت_لكونها_انثي
#عفاف_شريف_فله
.....................................
يوم الجمعه
تحديدا يوم العقيقه صباحا
كان السطح علي اكمل وجهه
تم تزين المكان باكمله
قُسم كما خططت كل من سحر وهبه
كل شي اصبح جاهز علي بدأ العقيقه
حتي الوجبات تم تجهيزها
كل شي اصبح فوق الممتاز
في منزل احمد وسحر
كان الجميع يركض هنا وهناك
في غرفه سحر
كانت هي وحنان يجهزو الصغار
فالبست ليان الصغيره فستان قصير باللون الابيض المفعم بالورود الحمراء الرقيقه
وطوق رقيق باللوني الاحمر وابيض
واخيرا حذاء صغير وجميل باللون الابيض
اما حنان فالبست الصغير ريان
بدله صغيره باللون الأزرق
حذاء باللون الابيض
سحر بحنان وهي تتطلع للصغار: شكلهم حلو اوي
حنان مؤكده: فعلا ما شاء الله تبارك الله
زي البدر
ربنا يحفظهم والله انا خايفه عليهم
سحر بكل تاكيد: سبيها علي الله يا حنان
الحافظ ربنا
حنان: ونعم بالله
انتفضت سحر علي دلوف الزوبعه حبيبه للغرفه
تصرخ وتقول: فين الفستان بتاعي يا ماما
مش لاقياه
سحر بحزم: حبيبه
تبرمت الاخري بضيق وهي تقول: اعمل ايه مش لاقياه
حتي عزت بيقول مش لاقي الشوز بتاعه
الهدوم متلغبطه ومش لاقيناها
حنان بهدوء: خلاص حصل خير
خليكي انتي يا سحر عشان تجهزي
وانا هروح اجهز واحد واحد فيهم
سحر بهدوء: وانتي كده مش هتلحقي
حنان بتاكيد: لا انا الحمدلله مجهزه اللبس من الصبح
اانتي بس يلا عشان تلحقي
اومئت لها سحر
لتخرج هي مع حبيبه
لتجهيز الصغار جميعا
وظلت سحر
تجهز نفسها
فاليوم عقيقه صغارها
اليوم المنشود منذ سنوات
ويجب ان تبدو جميله
للغايه
...................................
#ظلمت_لكونها_انثي
#عفاف_شريف_فله
...................................
بعد ساعه
وقفت حنان تنظر للصغار بحب
صغارها الثلاثه متانقين بملابس مرتبه ولطيفه
مروه وحبيبه مميزات كالاميرات
ابتسمت بسعاده وهي تحتضن صغارها الثلاثه وهتهمس: مفيش في وسامتكم
وانتقلت بعدها تحتضن الفتيات وهي تردد: زي القمر
ابتسمت الفتيات والصغار بفرحه لحديثها
لتكمل : يلا اطلعو علي السطح
وانا هحصلكم بعد شويه
وأكملت بتحذير: خلو بالكم من بعض
اقتربت منها مروه تقبلها بحب وهي تقول: بحبك يا ماما
تبعها قبله من كل منهم ونفس العباره
وغادرو سريعا
وظلت هي محلها
تنظر في اثرهم بمشاعر مختلفه
سعاده خفيه
فخر بنفسها وبهم
ودموع مختلفه
دموع السعاده والفرحه
فرحه انها وصلت الى بر الامان
اخيرا
.....................................
#ظلمت_لكونها_انثي
#عفاف_شريف_فله
......................................
بمنزل فيروزة
خرجت من الحمام بعد ان استحمت لتستطيع تحمل اليوم كاملا
دلفت للغرفه وهي تبحث بخ*بث عن تلك الهديه
رفض عبد الرحمن ان يريها ملابس العقيقه
واخبرها انها هديه
وها هي انتهت وحان الموعد ولم يعطيها شي
انتفضت علي يده توضع علي خصرها
تضمها الى صدره بقوه حانيه
فيروزة بخجل: بس يا عبد الرحمن
عبد الرحمن بحب وهو يقرب وجهه من خصلاتها
يشم عبيرها المحبب لقلبه: قلبه وروحه وعيونه
تخضبت وجنتاها اكثر وهي تحاول التحرر
الا انها لم تستطيع
ويده الحبيبه تحاوطها
تتحسس جنينها بحب ولهفه
اغمضت عيناها مستمتعه بكل لحظه
الى ان افاقت علي صوت يهمس لها: جاهزه تشوفي المفاجاه
انتفضت تلتفت له تنظر له بلهفه
ليطلق ضحكه محببه
قبل ان يخرج من الغرفه
ولم يغب سوا بضع دقائق
ووجدته يدلف للغرفه
يحمل ثلاث حقائب
ويضعهم علي الفراش
وهو يقول بمشاكسه: خبيتهم في الاوضه التانيه
كنت عارف انك مش هترتاحي غير اما تلاقيهم
ضحكت بقوه علي تحليله الصحيح
واسرعت تفتح اول حقيبه
لتشهق بسعاده وهي تخرج ذالك الفستان
بنفسجي اللون بدراجته من اوله الي اخره
وضعته علي جسدها بشوق
وهي تقف امان المرأه تنظر لصورتها بلهفه
لكنها لم تطالع نفسها ابدا
بل لذالك الواقف خلفها
لنظراته
في تلك
كانت جميله بل
الاجمل
والأرق
.....................................
#ظلمت_لكونها_انثي
#عفاف_شريف_فله
......................................
بمنزل احمد وسحر
في غرفتها
انتهت اخيرا من ارتداء عبائه استقبال باللون الابيض المطرزه باللونين الازرق الهادي والوردي
وحجاب ابيض رقيق
وقفت تنظر لها ولصغارها بفرحه عارمه
تلك اللحظه
انتظرتها كثيرا
وها هي تتحقق امام عيناها
نقلت عيناها للصغار
وهي تفكر
لطالما كان كرم الله عظيم ورحيم
دعت بكل يوم ولم تمل
فاستجاب لها بل وكان عوضه اجمل واعظم
وها هي تبتسم بعد الكثير من الصبر
الكثير والكثير
افاقت علي صوت الباب
يتبعه دخول حنان بعد ان اذنت لها
حنان بإعجاب: ماشاء الله تبارك الله
جميله اوي يا سحر
اقتربت سحر بهدوء وهي تتفحصها هي الاخري
بداء من العبائه المشابهه لها مع اختلاف الوانها
الى حجابها
واخيرا وجهها
وكان مختلف
سعيد
ربما راضي
ربما به الكثير من الراحه
ابتسمت اكثر وهي تقول:بعض مما عندكم
بجد قمر
ابتسمت حنان وكادت ان ترد عليها
لكن قاطعهم دلوف فيروزة
فيروزة بإبتسامه كبيره: مساء الفل يا حلويات
وحشتوني وحشتوني اوي
قالتها وهي تحضتنهم
سحر بضحك: في ايه يا بنتي
خدي نفسك الأول
فيروزة بحماس: مش متخيله حماسي وفرحتي يا طنط بجد
اقتربت من الصغار تقبلهم وهي تقول بحب: ملايكه
بجد
واكملت وهي تشير لهم: انتو بقي مزز
ضحكت حنان وسحر بقوه
واقتربت منها حنان تضمها لصدرها وتقول: وانتي زي القمر
الفستان هياكل منك حته
خرجت فيروزة من احضانها
تلتف حول نفسها ليدور الفستان حولها
وهي تقول بفرح : بجد حلو
عبد الرحمن هو الي جابهولي
وشوفي الشوز جابه فلات عشان يكون مريح ليا وعشان البييي
قالتها وهي تتحسس بطنها
حنان بحب: ربنا يباركلك فيه يا حبيبتي
ويحفظكم
اومال هو فين
فيروزة بتاكيد: طلع هو وطنط لفوق
وقلت اجي انا عشان لو محتاجين حاجه
حنان بإبتسامه : احنا خلصنا اهو
سحر بتأكيد: ايوه فعلا
بس مستنين عمك
معرفش راح فين
كادت فيروزه ان ترد
الا ان صوت عمها قاطعهم
......................................
#ظلمت_لكونها_انثي
#عفاف_شريف_فله
.......................................
احمد بضحك من خلف الباب: كله حشمه ومتغطي ولا الف وارجع تاني
سحر بضحك : أدخل ادخل
طل احمد برأسه ينظر لهم بإبتسامه مشرقه
تحولت لاخرى محبه
وهو يدخل يصفر باعجاب وهو ينظر لسحر
سحر بإبتسامه: ها ايه رايك
احمد بتاكيد: كالعاده كلكم هتخطفوا الأنظار
ومال نحو الصغار
يقبلهم ويلاعبهم بحب
قبل ان يحمل احدهم
وسحر تحمل الاخر
يسيرا معا
جنب الي جنب
في تلك اللحظه الفريدة من نوعها
وخلفهم حنان وفيروزة
يطلقا العنان للزغاريط
.....................................
#ظلمت_لكونها_انثي
#عفاف_شريف_فله
.....................................
في منزل هبه
حضر يحيى منذ مده وها هو يجلس بجوار ولاء في انتظار هبه
التي اصرت ان تلبس الصغار بمفردها
عشر دقايق اضافيه
وطلبت من امها ان تاتي لتأخذ الصغيرين حسن وحسين
استقبلهم يحيى بشتياق وهو يضم نسختين طبق الاصل من امهم
ملامحها وابتسامتها
احتضنهم بحب وهو يتفحص ملابسهم بإبتسامه هادئه
فكالعده يرتدي كل منهم نفس التصميم وحتي الالوان
لكن كانا اليوم مميزين
بالطقم الابيض المقلم بالأزرق
وحذائين باللون الأزرق
نقل عيناه نحو الغرفه المغلقه
منتظرا
مشتاق
بل واكثر
..................................
#ظلمت_لكونها_انثي
#عفاف_شريف_فله
..................................
في الداخل
جلست وعلي ساقها الصغيره مليكه المشاغبه تمشط لها خصلاتها الناعمه
والصغيره تابي ذالك وتود الخروج كاخواها
هبه بضحك وهي تحاول ان تمسكها : يا بت استني
هعملك التسريحه
تململت الصغيره وقلبت شفتاها وكادت ان تنف*جر في بكاء عنيف
الى ان استمتعت الي صوت ضحك يحيى بالخارج
انتفضت تهتفت بشتياق: با با
با با
هبه بحنان: وحشك صح
واكملت وهي تتفحص ملامحها وتقبلها وتددغدها: حلويات يا ناس في مره هكلك كده
ضحكت الصغيره بقوه
الا انها اكملت بإبتسامه بدات تبهت: جميله اوي
بس
بس مش شبهه
شبهها
سمعت في مره ان لو البنت طلعت شبه الام
ده بيكون من حبه فيها
واكملت بإبتسامه شارده: وانتي نسخه منها
ربنا يرحمها
ويقدرني اعوضك عنها
قالتها وهي تضم الصغيره لقلبها
تخبرها انها تحبها
وتحب
وتحب
لكنها لم تسطتيع قولها
...........................................
#ظلمت_لكونها_انثي
#عفاف_شريف_فله
............................................
بعد مده لم يشعر بها تحديدا وهو برفقه
الصغيرين الشقيين
لم يعلم متي وقع في غرامهم
يلاعبهم
ويغفو علي صدرة
يعشقوه هم ايضا
حتي ان قلبه انتفض ذات يوم
عندما ناداه حسين ب بابا
ابتلع ريقه لوهله
وسارع بضمه لاحضانه
الصغار وضعوه في مكانه اباهم
وهو لن يخذلهم
مهما حدث
فاق من شروده علي صوت ولاء وهي تقول: بسم الله ما شاء الله تبارك الله
نقل عيناه حيث تنظر
ولم يشعر بنفسه وهو يقف
يتطلع لتلك الواقفه في بدايه الغرفه ترتدي فستانها الزهري الفضفاض المطرز بالورود وحجابها الوردي الذي لائم تورد وجنتاها
وبين يديها الصغيره ملاك تلك النسخه المطابقه لامها
بنفس الفستان
وفي اليد الاخري
تقف ابنته الغاليه ترتدي نفس الفستان ايضا
فكانو كنسخه واحده مع اختلاف الاعمار
اقترب منهم وعيناه لا تترك عيناها
تخترقها وتنفذ نحو روحها المعشوقه
ايحبها بعد الحب حب
ام ان العشق اصبح مجرد احرف مقابل ما يشعر به في تلك اللحظه
اياخذها بين احضانه
ويقبل وجنتاها الورديه
ام يهرب بها بعيد ويتزوجها
اخفض عيناه مستغفرا
وهو يجسو علي قدمه نحو الصغيره المهلله تدعوه لحملها
تريه فستانها
وهو يقبلها ويمدح جمالها
وتلك المره كان التطلع من نصيبها
وهي تنظر له بكل الحب في العالم
تتطلع الى رقته وابوته
ذاك الرجل لم يخطف قلبها فقط
بل وروحها
اقترب اكثر منها وهو يحمل الصغيره
لتجده ينتشل الاخرى
يقبلها ويدغدها
والحم*قاء تضحك له
وتقع اسيره لضحكته الخلابه
تنهدت بحالميه وهي تري تلك الصورة تتجسد امامها
صورة عائلتهم
عائلتها
قاطع تخيلها صوت امها وهي تقول: بسم الله ما شاء الله تبارك الله
زي القمر
ابتسمت هبه بخجل اكبر وهي تري نظرات يحيى
واخيرا رحم خجلها
وهو يشير بيده نحو الباب
لتتحرك تحمل الصغيره ملاك ومليكه تسير بجانبها
وهم خلفها
ولم تري نظراته
ولو رأتها لالقت بنفسها بين احضانها
طالبه عشقه
فهي تستحقه
...................................
#ظلمت_لكونها_انثي
#عفاف_شريف_فله
...................................
دلفا معا للسطح حيث تقام العقيقه
اقتربت منها سحر تحتضنها وتقبل الصغار واحد تلو الاخر
لتاخذها حيث اسره الصغار في منتصف السطح
وكم كانت جميله
اسره ناعمه مظلله من الشمس
باللوني الزهري والازرق
وبكل فراش اسم الطفل المنشود
تحاوطه البالونات الرقيقه والكثيره
وضعت ملاكها الصغير بداخله
وهي تقف بجانبها تتلقي التهاني
نقلت عيناها نحو الطاوله الكبيرة
تحمل قالبي كعك
احدهم والأكبر يحمل اللونين الزهري والنصف الاخر ازرق
ومزين باسمي الصغيرين ليان وريان
وآخر لصغيرتها باللون الزهري واسمها مزين عليه
ابتمست بإتساع اكبر وهي تري التحضيرات المذهله
حتي الحلوي كما أرادت
وهدايا السبوع
رفعت وجهها نحو يحيى
وابتسامتها تزيدها جمال ودلال
انطلقت الزغرايط
وبداء الاحتفال
من دق الهون العجيب
الذي اصرت ان يكون بعيد عن الصغار كل البعد
وضحكت بشده
وحنان تفترش الارض
وتبداء في فقره اسمع كلام امك
متسمعش كلام ابوك
ليرد احمد ممزاحا: ايه ده
لا بقي
اسمع كلامي انا يا واد منك ليها
ضحكت حنان وهي تدق الهون ليعلو صوتها مره اخري : اسمع كلام ابوك
مرضي يا سيدي
الا ان احمد هز راسه وهو يرد بغيظ: لا قولي ومتسمعش كلام امك
اطلقت ضحكه وهي تفعل ما يقول
وحان دور ملاك الصغيره
جلست ولاء وهي تقول : اسمعي كلام ستك ولاء
ده اول شرط
ضحكت هبه
لتكمل ولاء بضحك : اسمعي كلام امك الغلبانه دي
ردت اسماء بسرعه ومرح: وانا كمان يا طنط
ضمها شريف وهو يهمس لها: عقبال ما نخاوي يحيى
ابتسمت له بخجل وهي تسمتع الي ولاء
التي اكملت ضاحكه:اسمعي كلام خالتك اسماء
وختمتها: واسمعي كلام ابوكي يحيى
اجفلت هبه وهي تنظر سريعا نحو يحيى
الذي اتسعت ابتسامته وهو يقترب منها
يحمل الصغيره يهمس لها بكلامات لم تسمعها هي
واعادها لها مره اخري
وظلت هي محلها تضم الصغيره
وعيناها لا تفارق عينه
كان العالم اصبح هو
وأصبح هو العالم
......................................
#ظلمت_لكونها_انثي
#عفاف_شريف_فله
.......................................
ساعه تلو الاخرى
وفقرات اليوم تنتهي
اغاني السبوع تعلو في المكان
والصغار يركضو هنا وهناك
يرقصوا ويلتفو حول الصغار بالشمع مهللين
ومغنين
تم توزيع علب السبوع المحشوهه فشار وشموع وحلوه و اخيرا لعبه صغيره تذكار لكل صغير
يوم لطيف بكل ما للكلمه من معني
ولم ينسو تزويع طعام العقيقه
كان رائع وشهي
فته مصريه اصيله بالخل والثوم مع قطع الل*حم المحمره
جلست هبه علي المقعد بجانب امها وهي تقول: اه رجلي مش قادره
مش حاسه بيها اصلا
ضحكت ولاء وهي تقول: اجمدي اومال
لسه لسه
الجي اتقل
ضحكت هبه وهي تقول: اليوم جميل اوي صح
ولاء بتاكيد: اوي اوي
بس انتي مخلتنيش اعمل حاجان كثير زي رش الملح
وعقد الفول
واحط ملاك ف المنخل
وتخطي عليها
ضحك هبه وهي تقول: بالله عليكي ده ينفع يحصل اصلا
ما انتي عارفه انا مش بحب الحاجات دي ابدا
ورفضت اعملها ف حسن وحسين
وكمان مش مؤمنه بها لانها بدع
يعني هو الملح والفول الي هيحفظو الطفل
اكيد لا
ربك الحافظ يا ماما
اؤمت امها وهي تقول: ونعم بالله
وكادت ان تكمل
الا ان صوت يحيى منعها وهو يطلب منها القدوم
ولاء : خلي بالك من العيال
عقبال ما اجي
اومئت لها
وهي تنظر نحوهم بملامح فضوليه
تود ان تعلم ما يقال
...............................
#ظلمت_لكونها_انثي
#عفاف_شريف_فله
...............................
حل الظلام
وغابت الشمس
وبعد نهار طويل
غادر المدعوين
لم يتبقي سوا العائلتين فقط
ظلت تجلس كما هي تشاهد انصراف الجميع
الا ان شاهدت سحر تقترب منها تحمل ليان وهي تقول: احنا نازلين يا هبه
عايزه مننا حاجه
هبه بإبتسامه: تسلمي حبيبتي ربنا يخليكي
انا هستني لحد ما ماما تيجي عشان تنزل معايا الولاد
وبعدين ننزل علطول
اكملت سحر بهدوء : تحبي البنات يساعدوكي
هبه بتأكيد: تسلمي حبيبتي
هستني ماما
اومئت لها قبل ما تغادر مع عائلتها للأسفل
وظلت هبه محلها تضم الصغيره
اقتربت منها اسماء وخلفها زوجها شريف
لتردف:ايه رأيك انزل الولاد
الجو بدأ يبرد
انا نزلت يحيى لما الجو سقع ينام تحت
والولاد كمان خلينا ننزلهم
هبه بهدوء: عندك حق
بس انا مش لاقيه ماما
معرفش راحت فين
اسماء: مش عارفه
ولم تكد تكمل حديثها وهي تري ولاء تاتي نحوهم
هبه بقلق: كنتي فين يا ماما
ولاء بإبتاسمه: هنا هكون فين
واكملت
تعالي يا اسماء ننزل احنا الولاد
وأكملت : وانتي هاتي الشنط والهدايا
تطلعت لها بستغراب وهي تقول:طيب اساعدكم
وبعدين ابقي اطلع اجيب الحاجات
ولاء بحزم:لا
احنا هننزل بيهم
وانتي حصلينا
اومئت لها بهدوء وهي تراها
تحمل مليكه
وحملت اسماء ملاك
وشريف يحمل الصغيرين حسن وحسين
....................................
#ظلمت_لكونها_انثي
#عفاف_شريف_فله
.....................................
وقفت ترتب الهدايا ف علبها الخاصه بشرود
الا ان انتهت اخيرا
التفتت لتغادر
وما ان لبثت ان شهقت بخضه
وهي تري يحيى يقف خلفها
سقطت بضع حقائب من يدها بتوتر
لتنحني تحملها وهو يساعدها وهي تقول : محستش بيك
انت هنا من امتي
قالتها وهي تلتقط منه الحقائب
لكن الغريب انه لم يرد
بل ظل فقط ينظر لها
نظرات غريبه
لم تكن كنظراته العاديه
هذه مختلفه
بها لمعه غريبه
كسعاده خافته تخشي الظهور والإفصاح عن نفسها
ضمت الحقائب نحو صدرها اكثر بتوتر
وهي تردف بخفوت: يحيى
انتظرت رده بلهفه
لكن ما لم تتوقعه
هو ان يجسو امامها
يخرج من جيب بنطاله علبه مخمليه صغيره
فتحها ببطي
ليظهر ما بها
وكانت دبله ذهبيه رقيقه
وهو يهمس بحب بكل مشاعر العالم: بحبك
واكمل بعشق: تتجوزيني يا هبه
اتسعت عيناها بشده وشعرت بجسدها يرتجف بقوه وهي تنظر نحوه بذهول
وظلت هكذا تحاول ان تستوعب ما قاله يحيى للتو
وقبل ان تسأله ان يعيد ما قاله
همس ممزاحا اياها: هنفضل كثير كده
روكبي في زمه الله
لو كان المكان غير المكان لضحكت
لكنها همست بخوف عاشقه تخشي ان يتضح ان ما يحدث ليس سوا حلم من احلامها الورده: قلت ايه
هنا نهض يحيى
يقترب منها اكثر
يميل للامام قليلا
حتي اصبح مقابل وجهها
يتطلع الي ملامحها المحببه الي قلبه
وعيناها وكم يعشقهم
ليهمس بعد فتره بعشق وصدق : بحبك
ويمكن الحب مجرد كلمه بسيطه عن مشاعري ناحيتك
يمكن وصلت للعشق
يمكن وصلت لأكثر
يمكن انا مش خبير في الكلمات ولا الشعر
بس اسمحيلي اثبتلك بالافعال
واكمل بعيون لامعه ماكره: واثباتي هيكون غير
تخضبت وجنتاها وهي تشعر بالكلمات تفر بعيدا
الا انه اكمل : تتجوزيني
تلك المره همست : اتجوزك
وتلك الهمسه كانت كافيه بل اكثر
وهو يبتعد ينظر لها بعشق يتبدد بكل لحظه
وهنا وبتلك اللحظه
صمتت الافواه
وتحدثت العيون
وكان اجمل حديث
...................................
•تابع الفصل التالي "رواية ظلمت لكونها انثى" اضغط على اسم الرواية