رواية احفاد الطوبجي(1) الفصل الخامس و الخمسون 55 - بقلم اميرة اسامه
البارت الخامس والخمسين🔥
...............
في غرفه راجح وروح كانوا قاعدين قدام زيد و مستنينه يقول هو عايز ايه.
زيد....قبل ما أقول اللي عايزه ليا بس طلب عندكم في حجات مش هقدر اقولها فا ياريت اللي هقولكم عليه انه ملوش رد عندي تعدوا.
روح.....قلقتنا يا زيد في ايه يا حبيبي.
زيد....مفيش قلق ولا حاجه يا حبيبتي ده موضوع بسيط بس لازم تعرفوا.
راجح....موضوع يخص مين؟
زيد....سالم !!
روح....ماله أخوك يا زيد.
زيد... سالم في فحياته بنت بيحبها وانا واثق ان هي بتحبه.
راجح.....طيب وهو سالم باعتك انت تقولنا يا زيد ليه مجاش هو قال هو احنا هنمانع يا ابني.
زيد....لا يا باشا سالم ميعرفش أصلاً ان أنا هكلمكم
راجح....طيب لما هو بيحب وفي فحياته حد ليه مقالش وقالنا نطلبهاله مستني أيه.
زيد....هو ده اللي جاي أكلمكم فيه سالم لو عليه عايز يفاتحكم انهارده قبل بكره عشان يطلبها بس المشكله في البنت نفسها.
روح....ليه انت مش بتقول ان هي كمان بتحبها.
زيد...ايوه.
روح....طيب امال ايه مشكلتها؟
زيد....انا هحكيلكم فاكرين شهد المعداوي؟
بص راجح وروح لبعض بقلق وتوتر.
راجح....ودي مالها ومال البنت ماخلاص خلصنا منها وماتت بتفتح السيره دي تاني ليه يا زيد
روح...اوعي يكون سالم عرف انها ماتت.
زيد....هي فعلاً ماتت يا باشا بس المشكله انها أتجسدت في صوره شمس.
روح...شمس مين؟!
زيد...اللي سالم حبها.
راجح...شهد وشمس 🤨أوعي يكون يازيد البنتين ليهم علاقه ببعض او طلعوا قرايب.
زيد.....هما مش قرايب بس ليهم علاقه ببعض شمس طبق الأصل من شهد الشبه اللي بينهم غريب لدرجه ان صعب حد يفرق بينهم حتي الصوت نبرتهم قريبه من بعض إلا اللي يركز فيها اوي.
روح.....تقصد ايه بالشبه هي شهد ليها توأم😳
زيد....لا يا روح قولتلك ان هما مش قرايب اللي يجمعهم بس الشبهه المشكله ان حصل ظرف والظرف ده خلاهم وقعوا في بعض وكانت بدايه معرفتهم وقتها سالم أتجنن كان مفكرها شهد ومبقاش شايف قدامه وقرر انه ينتقم منها ومن هنا كانت البدايه.
راجح....يعني ايه قرر ينتقم منها عملها ايه؟
زيد.....سالم من غير ما يقصد او حتي لو كان قاصد دمرها بس المشكله انه حقيقي مكانش يعرف ان شمس دي ملهاش علاقه بشهد والشبه اللي بينهم دفعت تمنه شمس
روح....عملها ايه يا زيد🥺
زيد.....مش مهم اللي عمله يا روح بس تقدري تقولي كان هو السبب في قطع عيشها من المكان اللي بتشتغل فيه
شمس مكانش ليها غير والدتها كانت مريضه قلب و محتاجه عمليه دقيقه جداً وكانت محتاجه فلوس كتير عشان تقدر تعالج والدتها ويعملوا العمليه في اسرع وقت سالم طبعاً كان سبب في قطع مصدر الرزق الوحيد ليها والدتها حالتها اتدهورت مكانتش لاقيه شغل
حاولت كتير تترجاه يرجعها شغلها عشان تنقذ والدتها بس هو رفض كل يوم كان بيعدي كانت المستشفي بتعد فلوس للاقامه غير مصاريف العمليه اللي هي محتجاها وشمس كانت واققه بطولها لحد ما فقدت والدتها في نفس اليوم اللي ايمن اتوفي فيه والبنت اتدمرت حرفياً وطبعاً بقي عدوها اللدود هو سالم.
انا عرفت كل ده متأخر من أمين ولما عرفت حاولت امنع سالم انه يبعد عنها واعرفه ان مش هي شهد اللي بينتقم منها ومكانش قدامي غير اني اقوله ان شهد ماتت يوم الحادثه بتاعته قدام عيني بس كان الوقت عدي للاسف والدت شمس كان قدامها ساعات وتتوفي. طبعاً سالم بعد ما عرف طول الفتره اللي فاتت بيحاول بكل جهده انه يعوضها بس هي مش قابله منه اي حاجه في البدايه سالم كان عايز يعوضها يعني كانوع من انواع التعاطف وعشان يريح ضميره بس بعد كده اتأكدت ان سالم حبها وبردوا كنت خايف يكون حبها عشان الشبه اللي بينها وبين شهد بس كل تصرفات سالم أكدتلي انه بيحبها لشخصها بجد يمكن انا اتكلمت مع شمس ومن كلامي معاها لمست حبها لسالم اللي اصلا هو مضايقها يعني تحسوا كده انها بتأنب ضميرها ازاي احب البني ادم اللي دمرني وكان سبب في حرمناي من امي
وفي نفس الوقت صعب عليها لما حكتلها حكايته وأتحول سالم في نظرها لظالم ومظلوم..
انا حكيتلكم عشان حابب اننا ناخد خطوه تجاه علاقتهم شمس حكايتها متقلش عن حكايه مريم وخلود وتقي وملك كلهم لوحدهم اللي فقد اهله واللي اهله جم عليه شمس حكايتها جمعت بينهم فقدت امها اللي كانت كل اهلها وأتخذلت من الدنيا لا اهل وقفوا معاها في علاج والدتها ولا سالم سابلها الطريق مفتوح تعافر فيه مع نفسها.
فضل راجح باصص لزيد وساكت.
روح....بصدمه الدنيا دي غريبه اوي اشمعني احنا اللي ربنا حط قدامنا البنات دي.
زيد....الاغرب من كل ده ياروح واللي لحد الوقت انا مش لاقيلوا تفسير اليوم اللي حصل فيه كل ده وحقيقي مبقتش احب افكر فيه عشان متجننش
اليوم ده نادر كلمني وهو منهار عشان مريم اختفت وعرفنا بعد كده انها رجعت مصر مع رجاله عزيز
نفس اليوم قابل يوسف خلود لما هربت وأنقذها.
مراد انقذ تقي في نفس اليوم من الانتحار.
انا وصلت لسالم عشان ألحق شمس بس الوقت كان فات
ايمن عمل الحادثه و أتوفي.
وكأن اليوم ده الكارما بتاعت عيله الطوبجي كانت حاضره.
تركيز راجح معاه مكانش تركيز عادي رغم سن راجح إلا انه ذكي لأبعد الحدود ولماح جداً.
روح.....عندك حق يا زيد اليوم ده فعلاً كان غريب اوي.
راجح.....رفع راسه وبص لزيد زييييد
بصله زيد من غير ولا كلمه.
راجح.....سالم عمل ايه في شمس غير انه خلاها تسيب شغلها
ارتبك زيد وبصله ما انا قولتلك يا باشا
راجح....وانا سمعت بس كمان انت قولت ان في اليوم ده انت روحت لسالم عشان تلحق شمس بس الوقت كان فات.
سكت زيد وهو مش عارف يقول ايه مصدوم مش قادر يبص في عين ابوه اللي اكيد هيقرأ كل حاجه فيها.
بصت روح لراجح بصدمه...😳انت تقصد ايه يا راجح او تكون تقد ان سالم.....
راجح.....الاجابه عند زيد يا روح مش عندي بس واضح كده ان تخميني طلع صح للأسف ولا ايه يا ابن عمري💔
بصله زيد بطرف عينه وعينه كلها حزن.
راجح....من اول ما حكيت يا زيد كنت حاسس ان في حاجه في كلامك غريبه اول مره احس انك مش عارف تبدأ كلامك منين بتخرج الكلام من جواك بالقطاره اول حاجه قولتها ان في حجات مش هتقدر تجاوب عليها و طلبت مننا نعدي السؤال اللي ملهوش عندك إجابه..
أبوك مش صغير يا زيد انا راجل قضيت نص عمري واكتر في الشوارع و الحواري عمري كان بيجري وسط حكاوي الناس اللي مبتخلصش
شوفت من الدنيا اللي محدش شافه مر عليا حكايات تطير العقل قعدت مع ناس يهزلها شنبات ناس من طبقات مختلفه
بدايه من العامل البسيط لاحسن حد في البلد من اصحاب المناصب لرد السجون
لحد ما وصلت اني ابص في عين اللي قدامي أقرأ تاريخ حياته واعرف الكلام اللي علي لسانه من قبل ما ينطقه.
مبالك بقي لما يكون اللي قاعد قدامي وعيني في عينه ابني ومن صلبي💔
اللي حكيته يا زيد عن سالم وشمس كانت حكايه ناقصه مش كامله انا عايز اسمع الحكايه الحقيقيه يا زيد مش عايز اسمع الخطوط العريضه للحكايه.
روح...بوجع يعني ايه اللي انا فهمته ده واللي وصلني هو اللي حصل سالم عمل ايه في البنت يا زيد قولي ان ابوك دماغه راحت لمكان بعيد قولي ان سالم معملش حاجه في البنت💔🥺
حط زيد ايده الأتنين علي راسه بوجع الكلام راح منه راجح حطه في خانه مقفوله مكانش عايز حد يعرف اللي حصل لشمس كان حابب يكون السر بينهم هما التلاته مكانش عايز شمس تتكسر ولا كان عايز سالم يتشاف بصوره وحشه كان كل همه ياخد الخطوه بدل سالم وهما يفاتحوا وبعدين يروحوا يطلبوا شمس بس اللي حصل مكانش متوقعه نسي ان راجح دماغه.
روح....بغضب انت ساكت ليه ما تنطق💔
رفع زيد راسه بحزن وبدأ يحكي وهو باصص بعيد و بيهز رجله بعنف
زيد....سالم كان موجود في مطعم هو وادم صاحبه كان بياخد منه دولارات وبيديله بدالهم مصري شمس كانت بتشتغل في نفس المطعم سمعتهم وهما بيتكلموا عن الفلوس وضعفت امها بتروح منها مفيش حد يساعدها ملهاش اخوات والدها متوفي مهما اشتغلت مش هتقدر تحصل المبلغ المطلوب اللي هو كان 350 ألف جنيه المستشفي مش صابره عليها و فنفس الوقت والدتها لازم تدخل عمليات الدنيا اسودت في وشها وقررت تسرق الشنطه بعد وقت بسيط سالم اكتشف ان الشنطه مش موجوده الدنيا أتقلبت ولما راجعوا الكاميرات هنا كانت صدمه سالم لما شافها كان فاكرها شهد خد عنوانها من صاحب المكان وطلع عليها هو والجارد
وبقي طار شخصي سالم نسي حوار الفلوس كان كل همه يروحلها الصدفه اللي جمعتهم كانت غريبه نفس اللي عملته شهد شمس عملته الشبه بينهم كل دي حجات خلت سالم شايفها شمس
ولما وصلها شمس كانت مصدومه اصلا مكانتش تعرف انه هيوصلها بالسرعه دي كانت ناويه تروح تاني يوم تسلم الفلوس للمستشفي ومامتها تدخل عمليات بس ملحقتش..
قالت لسالم سبب سرقتها بس مصدقش اي كلمه منها عن تعب والدتها ولا صدق كلام صاحب المطعم عن اخلاق شمس وانها عمرها ما عملت حاجه زي دي
سالم كانت عيونه معميه ومش قادر يقتنع بأي حاجه غير انها شهد.
ويومها قالها مستعد اسبلك المبلغ قصاد ليله تقضيها معايا.
حطت روح ايدها علي وشها.
زيد....في البدايه طردته وبهدلته وراحت جابت الشنطه رمتها في وشه
من هنا قرر سالم يقفل كل الابواب في وشها عشان تلجأله وده اللي حصل طلب من صاحب المطعم يرفدها وطبعا صاحب المطعم رفدها خاف علي سمعه المكان وخاف من سالم وبقي واقفلها سالم في كل حاجه حاله مامتها اتدهورت وللأسف شمس الدنيا اسودت في وشها وسلمت لسالم وقالتله انها موافقه طلبت منه يتجوزها حتي لو عرفي عشان بكون معاها ورق بس هو رفض كان عايز يذلها وينتقم منها الانتقام كان عاميه لدرجه انه مفكرش حتي يدور وراها ويعرف هي صادقه ولا لا امين بلغني بكل حاجه من وراء سالم لما شاف شمس ولانه عارف ان شهد ماتت كان واثق ان سالم اكيد ناوي علي نيه مش حلوه طلبت منه يفضل وراه ويبلغني بكل حاجه ومن ناحيه تانيه دورت وراء شمس وعرفت ان هي فعلا مامتها حالتها سيئه عرفت كل حاجه عنها بنت محترمه جدا مامتها وبابها سيرتهم كانت حلوه ربوها بميت راجل وقفت بكل طاقتها مع والدتها عشان تنقذها يمكن غلطت بس هي وقتها خوفها علي مامتها خلاها مدت ايدها بس هي مكانش قدامها غير الحل ده واليوم اللي راحت فيه لسالم برجلها
امين بلغني وعلي بال ما روحت كانت كل حاجه خلصت مقدرتش ألحقها💔
ووقتها حكيت لسالم كل حاجه كانت هقتله بأيدي بس الحاله اللي كان فيها وقفتني🥺
بعدها بكام ساعه أتلهينا في اللي حصل لأيمن ونفس الوقت كانت هي راحت تسلم الفلوس وعرفت ان والدتها اتوفت أضطرت تاخد مبلغ من الفلوس تمن الاقامه عشان المستشفي كانت رافضه تسلمها والدتها وتدفنها💔
بعد ما الدنيا هديت شويه سالم راحلها لاني بلغته بوفاه والدتها كنت مخلي ديما أمين وراها كنت خايف تعمل في نفسها حاجه يومها ادت لسالم المبلغ ناقص حوالي خمسين او ستين الف اللي دفعتهم مقابل استلام والدتها وقالتله ان باقي المبلغ هتسده عشان والدتها متبقاش ادفنت بفلوس جايه من الحرام ومن حوالي اسبوعين شمس سدت المبلغ كله بالجمعيات لسالم
وطول الفتره اللي فاتت سالم بيحاول يقرب منها وهي رافضه طلب يتجوزها ورفضت قررت تعيش حياتها من غير جواز وسرها يموت زي ما والدتها ماتت
بس اتاكدت انها فعلاً حبته يمكن هي مضايقه منه بس كمان اللي تاعبها انها مضايقه من نفسها اكتر شايفه انها فقدت ايمانها بربنا لما قررت تمد ايدها عشان تنقذ والدتها شايفه انها ضيعت تربيته اهلها ليها لما وافقت تسلم نفسها لسالم البنت دي لو وحشه كانت قبلت الفلوس وقالت هو خد المقابل بس شمس مقبلتش وتعبت اوي عشان تسد باقي المبلغ.
كمل زيد و غصب عنه دموعه نزلت.
زيد....انا مكنتش عايز اتكلم مكنتش عايز اخليكم تشوفوا شمس بصوره وحشه او اكسرها قدامكم عشان هي مش وحشه مكنتش عايز حد يضايق من سالم هو غلط بس شيطانه عماه وندم وده مش سالم اللي احنا نعرفه 🥺 كان كل همي اننا نجوزهم ونخليهم ينسوا بس من غير ما حد يعرف
صدقوني اليوم ده متعب اوي بكل تفاصيله اتمنيت كتير انه يتمحي من ذاكرتي كل حاجه وحشه حصلت في اليوم ده أضغط بما فيه الكفايه من الاسرار والحكايات اللي عرفتها ومكنتش عارف اعمل فيها اي حاجه
ارجوك يا بابا ارجوكي يا روح اللي اتقال ده مش عايزه يخرج بره حتي لسالم نفسه🥺
روح...بدموع انا مش قادره اصدق اللي بسمعه💔
راجح...بهدوء من اليوم ده يا زيد وانا حاسس انك مش طبيعي في البدايه حاولت اقنع نفسي ان سبب حزنك هو موت ايمن وبس لكن طلعت شايل كتير فاكر يا زيد لما قولتلك بعد عزاء ايمن ان طول ما انت الكبير واللي حواليك بيتسندوا عليك اوعي تقع او تبين ضعفك قدامهم عشان محدش فيهم يضيع قولتلك يومها ممكن تنهار وتعيط وتخرج كل اللي جواك بس وانت لوحدك من غير ما يشوفوا ضعفك عشان انت مركز قوتهم يومها مش عارف انا ليه قولتلك كده بس كنت حابب اوصلك رساله وحاولت اقويك عشان كنت شايفك ضايع وكنت من جوايا واثق ان في حاجه حصلت غير موت ايمن وجعاك وكان عندي حق يا زيد لما قولتلك انك شبهي وبشوف نفسي فيك اطمن يا زيد اللي اتقال في الاوضه هنا مش هيخرج واعتبر ان كلامك اتقفل عليه قبر مش هيتفتح ولا حتي بطلوع روحنا ماشي يا روح.
روح...بوجع ودموع حاضر يا راجح.
راجح....هتعرف اخوك انك قولتلنا الحكايه الاولي وقدام البنت احنا لا نعرف حكايه اولي ولا تانيه هي مجرد بنت حبها سالم وهنروح نطلبها مينفعش تحس اننا عارفين اي حاجه عشان زي ماقولت متتكسرش قدامنا مش هقول مين فيهم اللي غلط لان بالنسبالي الاتنين غلطوا اخوك غلط لما فكر ينتقم عمر الانتقام مكان صفه في ولاد الطوبجي ومهما كان الانتقام ميبقاش في شرف البنات حتي لو كانت شهد نفسها عايشه💔
وهي غلطت لما في لحظه ضعف داست علي كل حاجه في حياتها اولهم ثقتها في ربنا و أيمانها بيه و برحمته صبرها خلص بسرعه وقررت انها تستسهل وربنا عمره ما بيتعاند مدت ايدها وسرقت وفقدت اول حاجه في تربيتها
سلمته نفسها وضيعت كل اللي أتعلمته من اهلها في لحظه ضعف شوهت بايدها كل المبادئ اللي اتربت عليها
عارف ان الانسان لما بيتحط في اختبار قصاد انقاذ روح حد من دمه بيفقد عقله وتفكيره بيتشتت وعارف كمان ان هي مكانتش تقصد والدليل ردها للفلوس زي ما قولت. رغم اني مضايق منها بس انا مشفق عليها جداً و تخيلت فيروز و فرح مكانها شمس ضحيه للاسف ضحيه الفلوس وضحيه البلد اللي بتجبر البني ادم يتنازل عن مبادئه وضحيه الاهل اللي مش بيقفوا مع بعض في وقت الازمات ضحيه الأستغلال اللي بيتم في المستشفيات وضحيه للشبه اللي خلي اخوك ينتقم منها في شهد.
روح...بوجع راجح سالم لازم يتجوز البنت دي في اسرع وقت.
راجح.....اطمني يا روح هيحصل ان شاء الله اللي اتكسر لازم يتصلح.
طول عمري عايش باخد دروس من الحياه وبتعلم كل يوم ازاي اساعد علي قد ما اقدر اللي يحتاجني بس الدرس المرادي كان قوي ويمكن حكايه شمس وسالم فتحت عيني علي حاجه عمرها ما حت في بالي ومن اللحظه دي لازم يا زيد نركز فيها.
زيد....حاجه ايه ؟
راجح....احنا بنعمل خير كتير بندي اللي محتاج فلوس بنساهم في جواز بنات بنساهم في إطعام بنساهم مع الغارمات اللي اتحبسوا بسبب قروض بسيطه
بس من اللحظه دي هنساهم في اي حاله شبه حاله شمس وبيتهيألي ان الحالات دي اهم كتير من الاكل والشرب واللبس البنات اللي شايله اهلها وبتجري عليهم والدنيا واقفه ضدهم عشان كام مليم بقت مسؤوليتنا للأسف في مليون واحده غير شمس ممكن تتعرض لنفس الموقف وتبيع نفسها عشان تنقذ اللي منها هتحاول تتواصل مع اصحاب المستشفيات و تشوف مين واقف علي مبالغ لعمليات ومين واقف علي مبالغ لأستلام حد متوفي مش كل الرجاله ممكن تغلط وتاخد موقف سالم في تصليح الغلط ولا كل الاهالي زينا ممكن يققوا مع البنت ضد ابنهم بالعكس دول بيتستروا عليهم ومش بعيد يهددوا البنات ويلبسوهم مصايب عشان يخافوا ينطقوا.
زيد....معاك حق يا باشا وانا معاك في كل اللي تؤمر بيه.
راجح....تمام يا زيد..
روح مش عايز اي حاجه تبان عليكي وحتي سالم مش عايزه يحس بتغيير لا منك ولا مني الغضب بعد المصيبه لا بيحل ولا بيربط اللي حصل حصل المهم اننا نصلح الغلط سالم غلط بس مش عايزه يوطي راسه قدامنا بسبب عملته والبنت غلطت بس عايزها لما تيجي وتعيش وسطنا راسها تبقي مرفوعه و متساويه بكل البنات مفهوم يا روح.
روح....من غير ما تقول يا راجح هو ده اللي هيحصل.
قام زيد باس راس راجح وراس روح
زيد...حقكم عليا مكنتش عايز اعرفكم و اضايقكم بس الباشا ياروح قدر يعرف كل حاجه من غير ما اتكلم متزعلوش مني يمكن انا كنت حابب اخلص موضوعهم بسرعه من غير ما اطلع سرهم بس بعد ما اتكلمت في جبل من فوق كتافي نزل والاهم ان السر ده راح لاكتر اتنين قلبهم قد الدنيا دي كلها ربنا ما يحرمني منك ياروح ولا يحرمني منك يا باشا طول ما انا عايش هفضل اتعلم منك انا فخور ان انت ابويا وفخور ان انتي ياروح امي❣️
راجح...بحب وانا فخور بيك يا زيد واقدر اقولهالك وانا مطمن انا ضهري مسنود بيك مش انت اللي مسنود بيا.
قرب زيد تاني من راسه وباسه بحب
زيد...ربنا يخليك لينا يا باشا انا هسيبكم تناموا بقي وترتاحوا تصبحوا علي خير
روح...و أنت من أهل الخير يا حبيبي
راجح...وانت من أهل الخير.
............
في ڤيلا الباشا.
وصل منذر الڤيلا وهو مبسوط وماسك ورق في أيده.
منذر....ام سعيد الهانم فين.
ام سعيد دي ست جابها منذر عشان تاخد بالها من كاريمان وتساعدها.
ام سعيد...هي فوق في اوضتها
منذر...تمام طيب ممكن تحضري العشاء لحد ما أجيبها وننزل.
أم سعيد....حالاً من عنيا.
طلع منذر علي اوضه والدته خبط الباب وفتح واول ما شافها واقفه علي سجادة الصلاه ابتسم منظر مشافهوش كتير في حياته يمكن شافها قبل كده بتصلي بس كاريمان كانت بتصلي مره وتقطع الف مره كانت مهتمه ديماً بنفسها والدنيا وخداها اكتر لاول مره يڜوفها بتصلي بالخشوع والهدوء ده
فضل واقف لحد ما خلصت صلاه وسلمت.
منذر...بحب حرماً يا أمي.
كاريمان....جمعاً يا حبيبي ان شاء الله.
منذر....شكلك حلو اوي بالاسدال
كاريمان...بابتسامه يا بكاش❣️
منذر....طب والله مابكش انتي اصلاً قمر قرب منها ومسك ايدها باسها
كاريمان.....روح يلا غير هدومك وانا هنزل لأم سعيد احضر معاها العشاء.
منذر...تعالي بس معايا اقعدي هنا انا قولتلها تحضر مسكها من ايدها وراح بيها علي السرير قعد وقعدها قدامه.
كاريمان....في ايه
منذر....انا عاملك مفجأه حلوه غمضي عينك.
كاريمان....مفجأه ليا انا؟
منذر...اه جايبلك حاجه حلوه هتعجبك.
كاريمان...انا مش محتاجه يا حبيبي كفايه انك معايا انت احلي حاجه عندي
منذر...اسمعي مني الله معايا احلي وهتحبيه اكتر يلا غمضي.
ضحكت كاريمان وغمضت عينها.
منذر....فتحي❣️
فتحت كاريمان عينها لقت تذكره سفره للسعوديه.
كاريمان....ايه ده 🥺 انا هعمل عمره يا منذر.
منذر...بحب انا كنت وعدتك امك اول ما تخرجي من المستشفي هخليكي تروحي بس مكدبش عليكي كنت قلقان اسفرك وانتي لسه خارجه من المستشفي كنت خايف تتعبي خصوصاً ان غصب عني مش هقدر اسافر معاكي انتي عارفه ان انا اللي ماسك المصنع والشركه زيد واخواته مش سايبني بس مش عايز اتقل عليهم و أسيب الحمل كله فوق راسهم عشر ايام وهما اصلاً الفتره دي مشغولين بجواز مراد ويوسف ولما لقيتك افضل كتير قررت اروح واحجزلك علي اقرب معاد
بصت كاريمان في المعاد بفرحه ده بعد بكره يعني انا بعد بكره هروح ازور بيت النبي.
منذر...عليه افضل الصلاه والسلام هتروحي وهتزوريه وهتتبسطي كمان
كاريمان...بدموع تعالي في حضني🥺
حضنها منذر بحب وطبطب علي ضهرها.
منذر....لا بقول ايه انا مش عايز عياط ولا ارجع التذكره🤨
كاريمان....دي دموع الفرح يا منذر اخر مره سافرت كان ابوك لسه عايش وانتوا كنتوا لسه صغيرين سنين كتير عدت وانا بحلم اكرر الزياره دي تاني بس الدنيا كانت وخداني بعيد
منذر.....واهي بتتكرر يا ست الكل وبأمر الله هتروحي الحج السنادي كمان وهتروحي مره واتنين وتلاته المهم تبقي مبسوطه.
كاريمان....طبعاً مبسوطه دي احلي مفجأه يا منذر بس بعد بكره انا لسه مجبتش لبس الاحرام
منذر...يعني هي قصه بكره بامر الله هاخدك ونروح نجيب كل اللي هتحتاجيه هناك
كاريمان.....هو السفر هيكون امته.
منذر....بأمر الله بعد بكره وهتطلع الطياره الساعه 12 بليل يعني نمشي علي عشره كده كويس.
كاريمان سكتت شويه وسرحت وبعدين بصت لمنذر انا ليا عندك طلب قبل ما اسافر يا منذر
منذر....طلب واحد ياست الكل قولي ألف هاا عايزه ايه؟
كاريمان.....عايزه اشوف فيروز قبل ما اسافر.
سكت منذر وهو باصصلها وبعدين بص لبعيد.
كاريمان....عارفه انه ممكن يكون طلب صعب عليك وعارفه كمان ان هي مش عايزه تشوفني بس انا محتاجه اشوفها يا منذر محتاجه اطلب منها تسامحني قبل ما اسافر محدش ضامن عمره يا منذر.
منذر...بعد الشر ليه يا امي تقلقيني عليكي بس مش كفايه هتسافري لوحدك
كاريمان....دي حقيقه يا منذر وحتي لو لسه عمري طويل انا محتاجه عشان اروح المكان الطاهر ده واترمي في ايد ربنا واطلب منه السماح اني اروح لاكتر حد اذيته ووجعته واطلب منها هي الاول تسامحني ازاي هسافر واطلب من ربنا يغفرلي اللي عملته وانا ظالمه بني ادمه عمرها ما عملتلي اي حاجه خليني اسافر وانا حاسه ان جوايا فاضي ومرتاح عشان خاطري يا منذر.
منذر....حاضر يا امي بس انا مش عارف هي ممكن تقبل او لا ووو
قاطعته كاريمان....جرب يا منذر وانا عارفه انها هتوافق فيروز طيبه اوي يمكن هي ادتني فرص كتير بس انا مقدرتش استغلها صح خليني اجرب اخد منها اخر فرصه.
منذر.....تمام يا حبيبتي بكره انا هشوف الدنيا فيها ايه وهقولك.
كاريمان....ماشي يا حبيبي يلا بقي روح خد شاور عشان ننزل نتعشي.
منذر....بحب يلا انزلي وانا جاي وراكي❣️
..................
في صباح يوم جديد.
الكل راح علي الشغل وفي مكتب زيد
كان قاعد مع سالم وحكاله اللي حصل.
سالم...يعني ابوك وروح عروفوا اني عايز ارتبط.
زيد....اه عرفوا بس معرفوش غير اللي قولت عليه وبس عشان كده بقي عايزك تنجز مع شمس
سالم...ما انا قولتلك علي اخر مره اتكلمنا فيها قولتلها هسيبك تفكري ومردتش.
زيد...يا ابني انت غبي عامل فيها بورم علي الفاضي وانت ولا بتفهم هو انت متخيل ان هي لو موافقه هتيجي تقولك من غير ما تسألها
سالم.....طب مش يمكن هي رافضه
زيد...ماهي لو رافضه كانت جات قالتلك في وشك يعني هي هتخاف علي احساسك مثلا بلاش غباء يا سالم الله يرضي عنك وكلم البت ولا قوم روحلها
سالم....تفتكر🙄
زيد....انت لسه هتفكر ما تقوم بدل ما أتغابي عليك مش ناقصه غباء بقي😡
سالم...طيب يا جدع ما تزوقش هقوم اروحلها المطعم ومش همشي غير وهي متكلمه.
زيد.....طمني بس ماشي.
سالم...هكلمك يلا سلام.
خرج سالم وبعد ما خرج منذر اتصل علي زيد.
زيد...ايه يا صاحبي.
منذر...عامل ايه.
زيد...بخير يا حبييي ايه فينك كده انت مش في الشغل ولا ايه سامع صوت عربيات ودوشه
منذر...انا مع امي بتحيب حجات للسفر
زيد....خلاص حجزتلها.
منذر....اه وهتسافر بكره.
زيد...بسرعه كده طيب المهم انك مطمن عليها.
منذر ...اه الحمد لله كله تمام
زيد...ربنا يطمنك عليها يا حبيبي.
منذر....بقولك يا زيد .
زيد....قول.
......................
بعد حوالي ساعه وصل سالم المطعم عند شمس
اول ما شافته اتلغبطت وقلبها دق.
سالم....طيب قولي نورت المكان حتي هفضل أعلم فيكي لحد امته😒
ابتسمت ابتسامه بسيطه نورت يا سالم باشا.
سالم...اهو كده عامله ايه.
شمس...تمام ها تحب تاكل ولا تشرب
سالم....لا انا احب اسمع🤨
شمس....بأستفهام تسمع؟!
سالم...اه اسمع رايك يا شمس اللي لحد الوقت مقولتيش عليه.
اتوترت شمس وفضلت تلعب في شعرها.
سالم...سيبي شعرك هتقطعيه وبلاش توتر الله يباركلك انا مش عايز اسمع غير كلمه واحده مش صعبه يعني.
شمس....سالم هو ينفع اننا نتكلم هنا الناس بتبص علينا وزمايلي هنا ملاحظين ان في حاجه غريبه بينا
سالم...بااااس يبقي يلا تعالي معايا نروح نقعد في مكان تاني ونتكلم براحتنا.
شمس....اجي معاك فين انا لسه مخلصتش شغلي انت عايز صاحب المكان يمشيني.
سالم....يمشيكي هجبلك شغل احسن منه وبعدين انا عندي ليكي شغلانه متفصله عليكي.
شمس....😡 انا قولت مش عايزه منك حاجه.
سالم....ياشيخه بلاش افتري بقي ده الراجل اللي محتاج حد يمسكله الشغل محتاس ومش عارف يعمل ايه
شمس....لا والله وانا اللي هعرف اظبطله دنيته امشي ياسالم امشي.
سالم...طب علي فكره بقي والله العظيم انا بتكلم جد انتي عارفه ان جوز اختي مات من فتره بسيطه واخوه صاحبنا وشاب جدع اوي ومن يوم ما اخوه مات وهو محتاس بين المصنع والشركه ومش عارف يعمل ايه محتاج حد ثقه يكون مسؤول عن الشركه طبعا احنا بنساعده علي قد ما نقدر بس في الاخر احنا عندنا شغلنا ومش عارفين نكون موجودين معاه بشكل دايم هو بيشتغل في الجلود الطبيعيه اي حاجه بتتعمل بالجلد هو بيصنعها في المصنع بيصدر جوه مصر وبره مصر وصراحه انتي اللي جيتي في بالي ومعنديش حد اثق فيه زيك.
شمس....انت اكيد بتهرج شغل جلود ايه ومصنع وشكره ايه انا مليش في كل ده انت عايز الراجل يخسر
سالم...بضحك ياستي لا هيخسر ولا حاجه كل الحكايه انتي محتاجه تفهمي الشغل مش اكتر والدنيا هتمشي.
شمس...لا لا مستحيل طبعاً انا مش بفهم غير في شغلي وبس
سالم.....هو في حد فينا اتولد بيفهم في الشغل غير لما جرب طيب شوفي الدنيا واقعدي معاه وافهمي منه مش يمكن تحبي الشغل معاه
شمس...بتفكير لا لا انا عارفه يا سالم اني مش هعرف.
سالم....يعني انتي مش عايزه تقتنعي صح ماهو انا هفضل وراكي لحد ما اقنعك المهم الوقت خليني في الانا جاي عشانه.
شمس...بابتسامه سالم مش وقته بقي.
سالم.....يلا يا شمس قولي بقي الباشا الكبير عرف هو وامي ومستنين اقولهم نجيلك ونطلب ايدك
ابتسمت شمس وبصت لبعيد
سالم...بابتسامه الضحكه دي انا عارفه قلبي بيقولي ان وراها حاجه حلوه صح😉🤨
شمس....عايز ايه ياسالم 🙈
سالم....اسمع رأيك.
شمس...يعني لو سمعت هتسبني اشوف شغلي.
سالم....اه والله العظيم وهمشي كمان من غير ما اشرب القهوه😉
ابتسمت شمس بإحراج وبصتله بطرف عينها.
شمس....موافقه يا سالم❣️
خس سالم ان قلبه هيقف من الفرحه بصوللسما وهو بيتنهد وبعدين بصلها
سالم....ياشيخه حرام عليكي انا ريقي نشف كنت واثق اني هموت علي ايدك
شمس....بضحك طيب ممكن تمشي بقي.
سالم.....والله العظيم بحبك يا شمس وانهارده احلي يوم في عمري كله انا همشي الوقت وهتفق مع ابويا وهتصل ابلغك بالمعاد.
شمس....ماشي هستناك❣️
سالم...خدي بالك من نفسك يا حرم سالم راجح الطوبجي 😉
شمس.....ابتسمت شمس بإحراج وسكتت
سالم....يلا سلام يا احلي شمس.
شمس....ساااالم.
وقف سالم وبصلها.
سالم....نعم.
شمس.....انت قولتلهم ايه عني🥺
بصلها سالم بأبتسامه حزينه كان عارف اللي بيدور في راسها.
سالم...قولتلهم اني كنت فاكرك حبييتي القديمه وفضلت وراكي لغايه ما رفدتك من شغلك وكنت سبب في اني مخلكيش تقدري توفري فلوس عمليه والدتك ومن يومها وانا بحاول اخليكي تسامحيني ولاقيت نفسي بحبك هما ميعرفوش اي حاجه يا شمس اللي بينا هيفضل سر واحنا كمان هننساه يا شمس اتفقنا.
ابتسمت شمس بوجع...اتفقنا يا سالم.
سالم.....بحبك.
شمس...طب يلا امشي بقي عايزه اشوف شغلي.
سالم....🤨🤨 ماشي يا شمس يلا باي.
شمس...بضحك باي🙈❣️
......................
خرج سالم وهو طاير من الفرحه وكلم زيد.
زيد...الووو
سالم...وافقت يا زيد وافقت اخيراً
زيد...بضحك مش قولتلك يا غبي هي مستنياك.
سالم...انا فرحان اوي يا سالم اوي ومش عارف اعمل ايه الوقت.
زيد...ترجع يا اخويا علي شغلك وبليل نكلم ابوك وروح ونحدد معاد نروحلها فيه.
سالم....الله ينكد عليك اقولك فرحان تقولي ارجع شغلك😂😂😂
زيد...بضحك انجز يلا تعالي بسرعه.
سالم.....ربنا يخليك ليا يا زيد❣️
زيد....ويسعد قلبك يا حبيبي
سالم....يلا انا جاي حالاً
زيد...مستنيك يلا سلام.
..............
في المساء وبعد العشاء
اتجمع الكل في الجنينه كان الجو جميل اوي فاتحهم سالم في الموضوع روح وراجح اتعاملوا عادي مع الموضوع كأنهم ميعرفوش اي حاجه بالعكس اظهروا فرحتهم وسعادتهم الكل بارك لسالم وكانوا مش مصدقين ان أخيراً سالم هبتجوز
داوود.....تصدقوا بالله انا الوقت بقيت مع راجح في اللي عمله فيكم قبل كده من يوم ما طاح في الكل ماشاء الله الجوازات بقت وراء بعضها😂😂
مراد....بضحك اه والله خلاص الكل قرر يبقي محترم ويودع العزوبيه عقبال لما نفرح بنادر والقمر😉
ابتسمت مريم بإحراج وسكتت.
نادر...يارب يا اخويا يفك اسري بقي عشان خلاص والله لو مجوزتوني هعمل حجات مش حلوه وخافوا علي نفسكم مني بقي😡😡
يوسف....المتحرش الرسمي بتاع العيله😜😂😂😂
نادر...والله عيب لما ياسين ويوسف اللي اصغر مني يتجوزوا قبلي.
راجح....ما انت يا اخويا اللي حيت متأخر 😒 عموماً نخلص من اخواتك وتعدي مريم فتره عدتها ونفضالك
جلال...عدة ايه هي مطلقه 🙄
كلهم ضحكوا علي جلال.
راجح...سيبكم منه ده ده واحد ساقط ابتدائيه وجاهل هو شغلته في الحياه انه يضايق في كل الخلق ويعمل فيهم مقالب.
جلال....الله وليه كده بس انا بسأل🤔
روح...يا ابني الارمله ليها عده وهو مات وهي علي ذمته
صبا...بضحك لحظه بس يا خالو هو بجد انت متعرفش يا جلال ان مريم ليها عده
جلال....عده صيني ولا اوريچينال😂😂😂😂😂
مريم....فضلت تضحك عليه لحد ما عينها دمعت والله جلال ده مصيبه كلامه بيموتني من الضحك.
امير....عارفين فكرني بيوم ما زهره كانت بتولد 😂😂😂😂
جلال...اسكت بقي خلاص خليها في سرك😒
امير...والله ما يحصل ده انت فاضح نص الشعب 😂😂😂
زهره....عمل ايه سي جلال وانا بولد😡😡
امير.....لا مش فيكي داده زينب قالت انها هتولدك فا عمي راجح بيقولها هتعرفي يا ست زينب تلحقيها فاقالتله طبعاً ده انا اللي مولده مريم الحلوف ده يسكت😂😂😂
نادر....ابدا ودي تيجي😂😂
امير....لقيته بيوطي علي ودني وبيقولي هي مريم معاها عيال😂😂😂😂
ضحكوا كلهم علي جلال .
مريم....تقصد اتولدت علي ايدها مش مولداني🙈🙈🙈
جلال...وانا ايش عرفني داده زينب اللي موضحتش 😂😂😂😂
زينب....عندك حق الغلط من عندي
جلال...بعد ايه بقي يا داده مش معقول كده علي طول اطلع غبي يا ناس😂😂
زيد....طول عمرك يا جلال عقلك ده بالنسبالي بشوفه متقسم علي تلاته
جزء منهم للمقالب والتهييس وجزء منهم متنمر وبيرازي في خلق الله والجزء الاخير بقي ده اللي هو عارف انت لما نجيب ثور وتحطه في صحراء
الجميع...😂😂😂😂🙈
جلال...تشكر يا ذوق🙄🙄
زيد....اه والله انا مش بذم فيك دي حقيقه اهو الثور ده سارح كده في ملكوت الله مش فاهم حاجه في اي حاجه.
ياسين....بضحك اهو تخيل انت بقي لما التقسيمه اللي انت قسمتها دي تحضر في نفس ذات الوقت تلاقيه قاعد ومره واحده شيطانه يركبه يلا يا جلال نعمل مقلب يلا يا شوشو😂😂 وهو رايح يعمل المقلب يلاقي حد قدامه يقق يرخم عليه وميسيبهوش غير وهو خلاص علي اخره وفجأه ينسي هو كان رايح فين ويقف كده زي الثور اللي كنت بتقول عليه يفكر انا مين وايه اللي جابني هنا😂😂😂
ليلي...حرام عليكم ده جلال ده سكر 😂😂😂
جلال....ولما انا يااختي سكر بتضحكي علي ايه🤨🤨🤨 ما تشوف مراتك يا عم داوود.
داوود...بس يا مهزق😂😂
جلال....ماشي يا داوود بص لياسين وانت ياعم الظريف بتحلو عليا قدام الخلق بلاش انت يا ابو لهب ياللي مطلعتش ابو لهب 😒😒 بيغم عليك وهي زهره بتولد وانا اللي كنت فاكرك شمشون الجبار طلع قلبك قلب خسايه😒
ضحكوا كلهم وفضل ياسين باصصله وبيضحك وهو بيهز راسه.
ياسين....هقوم امسخرك قدامهم🙈
جلال...ياعم اقعد في حته ناشفه بقي🙄
نادر....بضحك بس اتدبيت دبه انت ايه عنب.
راجح...علي فكره يا اهبل يا ابن الاهبل هو يمكن يكون ابو لهب بس عادي يعني يتأثر بموقف ياما رجاله بشنبات اغم عليهم وهما مع مرتاتهم في العمليات
جلال...ايوه ياعم دافعله انت وتعالي عليا😒😒😒
ياسين...هتقول لمين بس ده واحد معندوش قلب بيقولك ساب الموقف كله ومفيش حاجه لفتت نظره غير جمله داده زينب 🤨
جلال...بضحك الفضول يا جدع😂😂
زيد....اسكتوا بقي شويه عشان عايز اقول حاجه مهمه.
جلال...سمعنا ياعم😎
حدفه زيد بعلبه المناديل😡 انا هغني لسانك في بوئك يالا😡
جلال...علي حق يابا🙄🙄🙈
داوود...مهزق😂😂😂
جلال..امشي قولها في مايك كل شويه مهزق مهزق😒🔪
راجح...سيبك منه وقول ده عيل ابن كلب واطي😡
زيد....منذر كلمني انهارده وطلب مني طلب قولتله اني هبلغكم وارد عليه
روح...طلب ايه؟
زيد.....كاريمان هانم مسافره بكره هتروح تعمل عمره وكان ليها طلب قبل ما تسافر عايزه تيجي تشوفك يا فيروز وتطمن عليكي وتطلب منك انك تسامحيها.
سكتوا كلهم وهما عينهم علي فيروز.
وفجأه ياسين اللي أتكلم بغضب
ياسين...لا طبعاً مستحيل تيجي فين ومين دي اللي تسامحها😡
روح...يس يا ياسين اسكت.
ياسين...لا مش هسكت كفايه اوي اللي حصل لاختي منها كمان طالبه السماح ايه البجاحه دي.
راجح...اسكت يا ياسين.
ياسين....يعني انت عاجبك الكلام ده يا باشا 😡وانت يا زيد ازاي مرفضتش انا عارف ان منذر غالي عندك وعندنا بس اظن مش اغلي من فيروز مكانش ينفع يطلب طلب زي ده
زيد....منذر مغلطش يا ياسين هو بلغني اللي امه طلباه وبيتهيألي الموضوع مش محتاج العصبيه دي كلها هو عرض وطلب يا موافقين يا رافضين وكمل بغضب 😡ولو علي غلاوه فيروز يا ياسين اظن انا وقفت معاها قصاد منذر نفسه وجبتلها حقها تالت ومتلت وخرجتها من البيت راسها مرفوعه
سالم....اهدي يا زيد ياسين ميقصدش.
ياسين...انا عن نفسي مش موافق واكيد فيروز كمان صح يا فيروز😡
راجح....مالكش دعوه بفيرووووز واقعد ووطي صوتك😡
مراد....انا رأيي ان اللي حصل لكاريمان كان كبير اوي ودرس عمرها ما هتنساه ويمكن المرادي ندمانه بجد.
ياسين...تندم واحنا مالنا بيها تبعد عنها بقي كفايه اللي حصل بسببها هي وابنها.
راجح...لو مش هتحط لسانك في بوئك قوم اطلع علي اوضتك😡
بلاش شغل الحمقه اللي في طبعك ده الدنيا ابسط من كده بكتير ومش مستاهله نفضل نعادي في بعض كلنا بشر وبنخطئ دي ام مهما كان وليها عقليه خاصه بيها واتوجعت في اعز حاجه عندها وزي ماقال مراد خدت درس عمرها ما هتنساه في حياتها
ياسين....نقوم احنا نسامحها كده علي طول صح🤨
راجح...احنا مين احنا قصاد رحمه ربنا عشان نسامح 😡 الست ندمت وعايزه تيجي بنفسها تطلب السماح ومتنساش ان لسه في رابط بينهم وهو اللي في بطن اختك يعني بمزاجنا او غصب عننا هيكون في رابط بينا يبقي ليه مننساش ونسامح وترجع الدنيا طبيعيه وبنت اختك تيجي تلاقي اهل امها وابوها في بينهم ود ورحمه مش يمكن الطفله اللي جايه دي تكون سبب في تصليح مفاهيمها عن الحياه
روح....متنساش يا ياسين ان كاريمان من الاول كل همها تشوف احفادها والمرادي زي ماقال مراد هي اكيد ندمانه بجد واتعلمت الدرس مبقاش فيه خلاص اللي تعمل مشاكل بسببه حسام راح.
راجح...انا عن نفسي معنديش اي مشكله تيجي الست وتقعد مع فيروز وتتشال كمان علي الراس بص لياسين عشان هي ضيفه في بيتنا ولازم نحترمها ونقدر مجيتها لحد بيتنا ومننساش انها جدة بنت اختك.
قولتي ايه يا فيروز موافقه ولا لا
مراد....ملكيش دعوه يا فيروز بكلام ابوكي وبكلام ياسين انتي شوفي يا حبيبتي هتقدري ونفسياً مش هتبقي مضايقه ولا لأ.
ليلي...مراد عنده حق المهم انتي شوفي متقبله تسمعيها ولا لا.
فيروز...بحزن يمكن الست دي كانت سبب كبير في تدمير حياتي بس بابي معاه حق مهما حصل هتفضل جدة
بنتي وانا مش هقدر اخلي بنتي تكبر وهي شايله فوق كتافها عداوه ملهاش ذنب فيها عشان كده قول لمنذر يا زيد اني موافقه.
راجح.....بنت ابوكي جدعه يا فيروز
فيروز...بصت لياسين بحب انا عارفه انك مضايق عشاني يا حبيبي ومبسوطه غلي فكره بعصبيتك دي بس هما بيتكلموا صح مهما حصل اللي جايه شايله اسمهم مش عيزاك تزعل مني يا ياسين❣️
بصلها ياسين بهدوء مش زعلان يا فيروز اعملي اللي شيفاه هيريحك المهم الست دي متحاولش تضايقك تاني عشان لو حصل المرادي انا اللي هقفلها😡
راجح....باباشامه يا واد ياواد مش كل حاجه في حياتنا بالقفش ده خليك مرن الدنيا مش مستاهله انا عارف ان سايب لبناتي رجاله تقف في ضهرهم بس كمان منخربش حياتهم باسم الحب بلاش القلب يكون ديماً مسيطر لازم العقل يشتغل شويه🤨
ياسين...ماشي يا باشا اللي تشوفه حقك عليا يازيد والله ماقصدت اضايقك بس بصراحه انا متعصب من الست دي اوي.
زيد....🤨🤨 ماشي يا اخويا هعديهالم المرادي بس لازم تعرف ان مهما كان حب منذر في قلبي اكيد مش هاجي علي اختي.
ياسين...عارف والله حقك عليا بقي🙄
زيد....ماشي ياياسين محصلش حاجه.
سالم...المهم الوقت هنروح لشمس امته.
مراد...شوف يا اخويا الواد متسربع ازاي😒
قاسم.....والنبي اسكت ما انت عملتها قبله 😂😂😂
داوود...علي يدي 😂😂😂
راجح....خلينا نعدي بكره تيجي كاريمان وتقعد مع اختك ونروحلها بعد بكره تمام كده.
سالم...ده كده حلو اوي😉
راجح.....اعملوا حسابكم كلكم احنا زي ما قولنا ان كتب الكتاب بتاع مراد ويوسف هيكون قبل الفرح بكام يوم هنا في القصر وبما ان المل بدأ تجهيز انا قررت قرار
مراد...استر يارب قرار ايه؟🙄
راجح.....ياسين وزيد يكتبوا كتابهم هما كمان.
ياسين...اهو ده الكلام😂😂
داوود...مصدقت انت ها😂😂😂
راجح....ولو اتفقنا مع شمس والدنيا تمام نكتب كتابكم انتوا كمان
سالم....اتفقنا ده ايه اعتبرها وافقت😂😂😂😂
راجح....قولت ايه يا زيد 🤨
زيد...بابتسامه بص لصبا اللي وشها جاب الوان موافق طبعاً معنديش مشكله.
راجح...وانتي يا صبا.
صبا...بإحراج اللي تشوفه يا خالو.
راجح....خلاص يبقي انت يا ياسين تقول لملك وتاخد رأيها بردوا وشمس بقي لما نروحلها تمام.
روح....ده ايه القرارات الحلوه اللي بتم من ورايا دي.
جلال...مش مسيطره انتي ياروح🙄
روح...بضحك خليك في خالك يا رخم.
كملوا قعدتهم مع بعض في سعاده وفرح
صبا كانت طايره من الفرحه لكن غصب عنها كانت متلغبطه واللي جه عليها بالسكوت.
...........
عدي اليوم وجه تاني يوم بسرعه
الوقت كان بيمر ملك عرفت قرار راجح ووافقت عليه كانت مبسوطه جداً لكن عدم موافقه ميار انها تروح معاها كان مضايقها بس محبتش تنكد علي نفسها خصوصاً ان ده لسه مجرد كتب كتاب وكلام سابق لوقته.
في المساء رجع الكل بدري شويه اتعشوا وبعد ما خلصوا كانوا في انتظار منذر وكاريمان بلغ منذر زيد انهم في الطريق.
بعد وقت بسيط وصلت اخيراً كاريمان
استقبلوها بأبتسامه هاديه وترحيب ودخلوا نع بعض في الصالون
باركت لقاسم وزهره كان باين عليها الكسره والوجع مش هي دي كاريمان المسيطره الجبروت حد تاني خالص
روح...مبروك علي العمره عقبال الحج ان شاء الله.
كاريمان...الله يبارك فيكي عقبالكم جميعاً يارب
راجح....عمره مقبوله بامر الله المهم خدي. بالك من نفسك هناك.
كاريمان....خير ان شاء الله بصت لفيروز بحزن واحراج عامله ايه يا فيروز
فيروز....الحمد لله يا طنط بخير.
كاريمان...صحتك عامله ايه انتي وفيروز الصغيره.
روح...بابتسامه مغلباني في الاكل بس انا وراها مش بسيبها.
كاريمان...ربنا يقومك بالسلامه يا حبيبتي وتفرحي بسلامه فيروز
فيروز....يارب.
راجح....طيب يا كاريمان هانم انتي هنا في بيتك وسط اهلك مش محتاجه كلام يعني هنسيبك بقي مع فيروز تتكلموا واحنا موجودين بره يلا ياشباب.
كاريمان.....قبل ماتخرجوا انا بس عندي كلمتين ليك ولروح ولاخوات فيروز وعمامها واتمني تسمعوهم مني.
راجح...طبعاً اتفضلي.
كاريمان.....الاسف بعد الغلط ما بيحصل مبيطيبش الخاطر أبداً حتي لو اللي اتظلم سامح بيفضل جواه وجع كبير
زي بالظبط كلمه معلش وانا عارفه اني ظلمت فيروز ووجعتها ووجع فيروز اكيد من وجعكم عارفه اني كنت وحشه اوي ومش بدافع نفسي انا كنت غلطانه بس ربنا عاقبني بطريقته وانهارده انا جايه ياروح اقولك حقك عليا وسامحيني انا عارفه ان وجع الضنا كبير اوي واكيد انتي كنتي بتتوجعي علي فيروز انا جربت الوجع وربنا وجعني في اغلي حاجه عندي وجايه اطلب منكم تسامحوني ياعالم الوشوش ممكن تتقابل تاني ولا لا بس لو ملناش نصيب نتقابل اتمني تسامحوني من قلبكم عشان لما اقابل ربنا الحمل يبقي اخف عليا.
روح...بحزن من كسره كاريمان متقوليش كده يا كاريمان ربنا يديكي طوله العمر وتفرحي بفيروز الصغيره انا مسمحاكي من قلبي يا كاريمان.
راجح...كلنا بنغلط يا كاريمان بس الاهم اننا نصلح غلطنا ونفتح عيونا قبل فوات الاوان احنا اهل كان في بينا نسب والوقت في بينا حفيده تيجي بالسلامه يارب يعني الحبل اللي بينا لسه مربوط وانا مسامحك من قلبي يا كريمان.
مراد....عفا الله عما سلف اللي فات مات يا جماعه خلونا في اللي جاي
كاريمان...ربنا يريح قلبكم يارب.
راجح....يلا ياجماعه خلوا فيروز تقعد معاها شويه.
قاموا كلهم وخرج معاهم منذر كان حزين اوي علي كسره امه قدامهم بالشكل ده بس كان عارف انها غلطت كتير و الاعتذار من حقهم.
زيد...بابتسامه فك يالا في ايه🤨
منذر...بابتسامه مفيش ياعم براحه عليا بص لياسين وانت يا عم قالب وشك ليه مضايق هاا.
ياسين...صراحه ربنا اه ولولا اني بحبك يا جدع😡
منذر...كنت عملت ايه يا ابو لهب🤨
ياسين...ولا حاجه يا اخويا تطفح قهوه😡
منذر...بضحك ابو اللي رباك ياشيخ اطفح😂😂😂🙈
خرجوا الشباب الجنينه وراح ياسين يعمل قهوه.
عند كاريمان وفيروز
كاريمان....تعالي جمبي يافيروز.
قامت فيروز وقعدت جمبها.
كاريمان.....بصي مش عيزاكي تقولي مسمحاني بس كفايه ان من جواكي تسامحيني فيروز انا غلطت عارفه بس انا اتكسرت اوي ربنا انتقملك مني في ابني.
فيروز...متقوليش كده يا طنط.
كاريمان...دي حقيقه يا فيروز وعلي فكره لو شمتانه فيا مش هزعل حقك يا بنتي انتي شوفتي معايا كتير اوي وانا ولا مره قدرت اصلك الطيب البيت من غيرك وحش يا فيروز🥺💔💔
لما خرجت من المستشفي كانت اول مره ارجع الفيلا من يوم اللي حصل
بقت كئيبه اوي اكتشفت ان كان في ايدي نعمه مكنتش حاسه بيها ضيعت حسام وضيعتك واكتشفت كمان ان الروح الحلوه اللي كنت بشوفها في البيت كان سببها وجودك بس مكنتش اعرف 🥺 سامحيني يا بنتي أرجوكي انا قلبي ربنا واحده اللي عالم بيه يا فيروز انا كنت في غفله صحيت منها متأخر اوي اوي يا فيروز
مسكت فيروز ايدها وهي بتعيط مسمحاكي يا طنط مسمحاكي من قلبي والله🥺
خدتها كاريمان في حضنها وطبطبت غليها وفضلت تعيط كتير.
فيروز.....كفايه عياط عشان متتعبيش
كاريمان...ابقي اسالي عني يا فيروز سمعيني صوتك ديماً وانا اوعدك اني عمري ما هزعلك تاني وانتي وفيروز الصغيره هحطكم جوه قلبي وعيني
فيروز.....خاضر هسألك عليكي علي طول وهكلمك كمان.
كاريمان...يعني سامحتيني من قلبك
فيروز.....سامحتك 🥺
كاريمان...ربنا يسعد قلبك ويعوضك عن كل حاجه وحشه شوفتيها بسببي ويفرحك بفيروز الصغيره يا بنت الاصول❣️
فيروز...خدي بالك من نفسك هناك وانا هبقي اطمن عليكي كل يوم🥺
كاريمان.....زانا هستني تليفونك🥺 وهدعيلك كتير وانا قدام الكعبه تقومي بالسلامه ويرزقك بأجمل بنت في الدنيا
فيروز...يارب🥺
بعد وقت بسيط خرجت كاريمان مع منذر وزيد راح معاهم يوصلها كانت خارجه حاسه انها طايره خفيفه هموم الدنيا راحت من علي قلبها وقدرت النعمه اللي كانت في ايدها وضاعت بغبائها وقررت ان اللي باقي من عمرها تعوض فيروز وبنتها علي قد ما تقدر❣️
- يتبع الفصل التالي اضغط على (رواية احفاد الطوبجي) اسم الروايةر