رواية احفاد الطوبجي(1) الفصل السابع و الاربعون 47 - بقلم اميرة اسامه
...........
نظره واحده من عينيكي كفيله أن تمحي كل لحظه حزن في حياتي💔
اول ما سلم منذر علي روح وحضنها لمح فيروز واقفه و بصاله نظرات الوجع في عينه كانت كفيله تنطق الحجر اول مره فيروز تشوف الوجع و الكسره دي في عينه.
روح....البقاء لله يا حبيبي شد حيلك يا منذر.
منذر....ونعم بالله ياروح💔
فيروز...البقاء لله يا منذر🥺
منذر....ونعم بالله.
سلم عليه راجح وقاسم وزهره ودخلوا كلهم قعدوا.
قاسم....انتوا جيتوا أمته؟
نادر...من شويه كده.
راجح....عامل ايه يا منذر ؟
منذر...بأبتسامه حزينه عايش الحمد لله
راجح...شد حيلك و أجمد يا منذر انا عارف ان مفيش اي كلام يتقال في المواقف دي لان مفيش كلام بيخفف الوجع بس ده حال الدنيا للأسف و مضطرين نكمل.
منذر كان قاعد في وسطهم بيسمع راجح ضامم ايده الأتنين علي بعض و فاردهم علي رجله ونظرات عينه حزينه
جداً بص لراجح بهدوء
منذر....احنا فعلاً مضطرين نكمل بس واحنا من جوانا فاضي للاسف.
روح....هي دي الدنيا يا منذر نفارق ناس بنحبها ونقرب من ناس منعرفهاش او مكناش نتوقع تبقي في حياتنا اصلاً بس لازم تعرف يا منذر ان الدنيا مش هتقف يا حبيبي يمكن هي الوقت بالنسبالك واقفه لان الوجع لسه جديد بس صدقني هتمشي واحده واحده.
منذر....بيتهيألك ياروح حتي لو مشيت مش هتمشي زي ما كانت💔
راجح....فوق يا منذر و أصلب طولك كده بلاش الاستسلام الأنت فيه ده محدش فينا عارف ممكن يحصله ايه بعد شويه
منذر...عارف بس انا تعبان اوي غصب عني والله مش بأيدي.
قاسم....هتبقي زي الفل يا منذر شده وهتزول صدقني.
روح....طيب طمني علي كاريمان عامله ايه؟
منذر....زي ما هي حالتها وحشه جداً واتنقلت انهارده علي مستشفي للأمراض النفسيه💔🥺
روح....بحزن وايه يعني ادام في مصلحتها تتنقل وهما هناك هيقدروا يتابعوها اكتر.
منذر...الدكتور قال كده وادينا مشينا وراه لما نشوف هيحصل ايه.
زهره....هتخرج بالسلامه ان شاء الله وهتعدوا مع بعض المحنه دي يا منذر
منذر...يارب يا زهره...ها قولولي تشربوا ايه معلش الشغاله مش موجوده من يوم اللي حصل وانا مشيت الكل
روح....لا ولا اي حاجه مش عايزين.
راجح...اقعد يا منذر احنا جايين نقعد معاك شويه و نطمن عليك.
زيد....خليك انت يا منذر انا هعمل قهوه.
راجح....منذر في حاجه حابب اكلمك فيها وحقك انك تعرفها.
منذر....اتفضل يا باشا طبعاً حاجه ايه؟
راجح....فيروز لسه حامل يا منذر زي ما هي و طلبت من زيد يقول كده عشان تقدر تطلق بسهوله من حسام الله يرحمه.
منذر...بأبتسامه بسيطه هز راسه عرفت يا باشا من زيد هو حكالي كل حاجه أطمن.
فيروز...بعد صمت دام كتير منذر🥺
بصلها منذر بهدوء.
فيروز....صدقني انت اكتر حد عارف ان لو حسام وقتها كان عارف ان لسه في حمل مكانش طلقني وانا مكنتش هقدر أستحمل اني ارضي بالامر الواقع واعيش معاه ومع سما.
منذر....ومين كان هيسمح انك ترضي بالوضع ده يا فيروز.
فيروز...انا عارفه يا منذر ان انت اكتر حد كان ديماً واقف في ضهري اكتر حتي من حسام نفسه بس مقدرتش اقولك وقتها نزلت دموعها غصب عنها وبصتله تاني منذر انا مش عيزاك تزعل مني ارجوك🥺💔 انا لو كنت أعرف ان كل ده هيحصل مكنتش...
راجح...بمقاطعه وبكل قوه ودفاع عن بنته فيرووووز بلاش أحساس الذنب ده القدر ما بيتدخلش فيه بشر واللي حصل ملكيش دعوه بيه وكان رد فعل طبيعي منك واكيد منذر فاهم الكلام ده مش محتاج منك مبررات انتي مغلطتيش ولا ايه يا منذر.
منذر....بأبتسامه بسيطه كلامك صح يا باشا وانا قولت الكلام ده قبلك لزيد انا مش زعلان منك يا فيروز ولا شايف انك سبب في اللي حصل و لا هجيب الحق عليكي بالعكس أنتي أكتر حد أتظلم في الحكايه دي كلها وانا شاهد بنفسي بس انتي عارفه كمان اني عمري ما تخليت عنك ولو كنتي جيتي و قولتيلي قبل ما تقولي لزيد كنت هجيبلك حقك وانتي عارفه كده كويس
روح....انا قولتلها كده يا منذر قولتلها منذر عمره ما هيزعل منك.
منذر...بوجع انا زعلان يا روح اوي💔
بس مش من فيروز زعلان علي اخويا وزعلان منه اوي🥺 زعلان علي امي وزعلان منها اكتر انا عارف ان كل شئ نصيب وهما اتأذوا اخويا حياته راحت وهو لسه في عز شبابه وامي محجوزه في مستشفي للأمراض النفسيه مش دريانه بالدنيا فيروز كمان اتوجعت بس عارف انها مع الوقت هتتخطي كل الماضي وتعيش حياتها وتفرح ببنتها
بس انا اكتر حد أتأذيت فيهم يا روح
لا انا عارف انا ميت ولا حي عاقل ولا مجنون حياتي وقفت ولا ممكن اقدر اعيشها💔🥺 فجأه البيت فضي والكل راح و مصايب بتحصل انا مش قادر أجمع و أفهمها ليه حصل كل ده و أمته مش عارف انا بتمني كل ده يكون كابوس مزعج و أصحي منه بقي 💔
قامت روح من مكانها وهي دموعها نازله بوجع علي منذر قعدت جمبه وخدته في حضنها من غير ولا كلمه
دموع فيروز و زهره كانت نازله بوجع عليه.
قاسم....أحنا كلنا جمبك يا حبيبي احنا عيلتك التانيه.
راجح....انت مش لوحدك يالا😡 فوق كده انت عارف انك ابني زيك زيهم بالظبط وعمري ما فرقت بينك وبين زيد واخواته.
طبطب نادر علي كتفه وحد الله يا منذر هتعدي والله يا أخويا و هنعدي بكل حاجه وحشه مع بعض.
منذر....ربنا يخليكوا ليا يا نادر انتوا اهلي واخواتي وكل حاجه ليا.
رجع زيد بالقهوه قدم لراجح وقاسم والكل وراح قعد علي ايد الكنبه جمب منذر باسه من راسه وضم راسه لحضنه
زيد....متقلقوش عليه هيبقي زي القرد صح يا منذر.
ابتسم منذر لزيد صح يا صاحبي❣️
ورجع بص لفيروز بحب...فيروز الصغيره عامله ايه؟
فيروز....بأبتسامه بسيطه من وسط دموعها بخير الحمد لله اطمن🥺
منذر...ربنا يقومك بالسلامه ان شاء الله يا فيروز صحيح ان شاء الله يومين بس المحامي يتابع القضيه و هنعمل إعلان الوراثه.
فيروز.....انا مش عايزه حاجه يا منذر ورث ايه بس
راجح.....ده شقاك و تعبك يا منذر فيروز مش محتاجه حاجه يا حبيبي.
منذر...بابتسامه وجع انت يا باشا اللي بتقول كده ده انت عارف شرع ربنا.
ده حقك يا فيروز وحق فيروز الصغيره
فيروز...شرع ايه انا اطلقت يا منذر
منذر....طول ما انتي حامل انتي لسه في عده حسام وكان يقدر يرجع ليه في اي وقت وعشان كده انتي ليكي حق في الورث ده وبعدين لو عليا انا مش عايز اي حاجه ولو كل حاجه هتروح ليكي انتي وفيروز الصغيره انا راضي
فيروز...ايوه يا منذر بس
منذر...مفيش بس ده حقكم هنحسب كل حاجه وشوفي عايزه ايه عايزه حقك كاش تمام عايزه تكوني شريكه معايا بردوا تمام.
راجح....خلي كل حاجه زي ما هي يا منذر بلاش تقسموا تعبك وجهدك ولو انت مصمم خلي فيروز شريكه بنصيبها.
منذر....انا تحت امركم في اي حاجه اللي فيروز عيزاه هعمله.
فيروز....سيب كل حاجه زي ماهي يا منذر زي مابابي قال احنا هنفضل اهل وهتفضل عم بنتي مفيش داعي اننا نتقسم ابداً❣️
ابتسم منذر براحه وهز راسه❣️
.............
في صباح يوم جديد صحي زيد من النوم خد شاور ولبس خرج كان منذر صاحي و بيشرب سيجاره.
زيد...صباح الفل.
منذر....صباح النور انت خارج ولا ايه؟
زيد...اه هروح لچورچ أمبارح كلمني واطمن عليك و قاللي ان الدكتور قاله لو حابب يخرج يخرج ويكمل علاجه عادي هو بقي احسن كتير ويقدر يكمل علاجه من غير ما يتحجز.
منذر...بجد طب ده خبر حلو اوي.
زيد...اه الحمد لله عشان كده قولت اروح واخرجه انا عارف انه زهق وكمان امبارح مقدرتش اروحله واخرجه فا هروح الوقت.
منذر...كده احسن بردوا بيتهيألي لما يرجع يقف في العوامه بردوا نفسيته هتبقي افضل من الرقده.
زيد....بالظبط.
منذر.....سلم عليه كتير يا زيد انا عايز اطمن عليه والله بس لسه مش قادر اشوف اي حد.
زيد...لا تروح فين خليك انت احسن بقولك ايه انت رايح في مكان.
منذر....غالباً هروح اشوف امي ولو المحامي محتاجني هروحله مش محتاجني هرجع علي هنا.
زيد....خلاص هكلمك بعد ما اخلص عند چورچ ولو لسه بره هجيلك.
منذر...ماشي يا حبيبي بقولك ايه افطر قبل ما تمشي.
زيد...فطرت وحضرتلك فطارك قدامك اهو علي التربيزه يلا قوم خد شاور وظبط نفسك كده واقعد افطر.
منذر...بأبتسامه ربنا مايرحمني منك يا زيد ❣️
زيد...بحب ولا منك يا صاحبي❣️ يلا اشوفك علي خير.
منذر...سلام.
.................
بعد حوالي ساعتين وصل زيد العوامه بچورچ دخله علي المكان الخاص بيه وساعده في غيار هدومه وظبطله كل حاجه.
چورچ...تعبتك معايا يا زيد اوي.
زيد....تعب ايه بس يا راجل يا طيب ده خروجك انهارده مخليني طاير من الفرحه وبعدين انا قصرت معاك الكام يوم اللي فاتوا غصب عني مكنتش قادر اسيب منذر.
چورچ...لأ طبعاً هو محتاجلك اكتر وبعدين انا بقيت زي الفل أهو.
زيد...يارب ديماً يا حبيبي.
چورچ....طمني علي منذر طيب
زيد...تعبان والله يا چورچ لسه .
چورچ....طبعاً مش سهل عليه بس منذر راجل و هيعدي بالمحنه دي لبر الامان
زيد...يارب أدعيله يا چورچ عشان هو مقطع قلبي 💔
چورچ...ربنا يريح قلبه وقلبك يا جدع يا ابن الأصول❣️
زيد...بحب حبيبي يا چورچ بقولك ايه انا هسيب معاك هنا واحد من رجالتي تقدر تطلب منه اللي انت عايزه هيساعدك في اي حاجه لو حسيت انك تعبان هيكلمني عشان ابقي مطمن عليك
چورچ...ليه بس كده يا ابني انا كويس
زيد...عارف بس معلش عشان اطمن عليك اكتر وكمان بلاش ياعم تفتري علي صحتك اوي وتشتغل كتير انا عارف انك جامد بس خف شويه عشان الحسد😉😉
ضحك چورچ وحضن زيد بحب يارب يا زيد يكرمك بكل حاجه حلوه انت ومنذر.
زيد....اهو كده الدعوات الحلوه دي يلا هسيبك بقي ترتاح و زي ما قولتلك خلي موبايلك جمبك ديماً عشان اكلمك.
چورچ...حاضر سلم علي منذر كتير.
زيد...يوصل يا حبيبي يلا سلام العوامه نورت😉
چورچ...نورت بيك سلام يا زيد❣️
.............
عدي يوم ورا يوم ورا يوم و كمل حسام علي وفاته عشر ايام
ولسه زيد مع منذر مسابهوش لحظه ومن وقتها مرجعش البيت بدأ بس ينزل المجموعه بيقعد وقت بسيط ويرجع عشان ميسبهوش لوحده كان عايز يعوضه بأي طريقه عن اللحظه اللي مكانش معاه فيها وقت موت حسام
في خلال الفتره دي صبا لأول مره يفرق معاها غياب زيد كده لما كان بيسافر في شغل كانت عادي لما مشي قبل كده لما باسها لما كان ايمن عايش كانت بتبقي مضايقه ان روح بتقوله يرجع. بس المرادي الوضع مختلف هي حاسه بملل زهق احتياج وحشها ومش قادره تكدب قلبها ابداً وفي خلال العشر أيام دول راحت مع فيروز وروح لمنذر عشان تعزيه وتشوفه بس مكانش موجود رجعت مضايقه أكتر كانت نفسها حتي تلمحه علي الباب وهي ماشيه بس مجاش.
أما شمس كان وضعها نفس وضع صبا سالم مراحش من اخر مره كان هناك ومضايق ومشي من قبل ما يشرب حتي القهوه كل يوم كانت تفضل مستنياه وتفضل باصه علي الباب ومركزه في الساعه اللي كان ديماً يجي فيها بس مكانش بيجي.
سالم...كان متعمد يبعد و يسيبها ويديها مساحه خاصه من غير ما يضغط عليها احساسه بالذنب اللي ملازمه كان مخليه تعبان وهو كمان عاقب نفسه بأنه ميشوفهاش فتره كان دافن نفسه في الشغل ويروح مقتول من التعب وينام علي طول.
اما عند مريم الوضع كان مختلف شويه
أتجنن عزيز لما أكتشف ان مريم خدت الورق اللي حطهولها طعم ولسوء الحظ الكاميرا اللي زارعها في المكتب صورتها لكن مظهرتش الصوت كان فيها عطل بس كمان أتأكد ان هي بتعمل حاجه.
في اليوم ده طارق قدر بالعافيه يخليه يهدأ وميعملش حاجه كان عزيز شايط وعايز يقتلها بايده لكن طارق قاله نديها اخر فرصه قبل ما تواجهها
عزيز كان قاعد بيتعشي مع مريم وشارد في اتفاقه مع طارق.
فلاش باك..
عزيز...بغضب انت بتقولي أهدي و معملش حاجه عايزني اسيبها تدمرني بنت الكلب😡
طارق...انا مقولتش كده يا عزيز بس كمان ده مش حل احنا مش عارفين مريم واخده ايه غير الورق اللي انت حطيته بأيدك ولا سمعنا قالت ايه لزينب عشان كده لازم نفكر ونستني شويه.
عزيز...نفكر في ايه ونستني ايه بقولك سرقت الورق وانا قولتلك قبل كده ان كذا مره ألاقي المكتب ملعوب فيه ومع ذلك عمري ما شكيت فيها كنت بقول يمكن داده زينب دخلت تنضف واقنعت نفسي كمان لكن في الاخر تطلع هي طب ليه ده انا عملت معاها كل حاجه حلوه مستحمل سنين معاملتها وبعدها عني وبقول بكره تهدي تعقل حياتنا تتغير لكن مفيش فايده مش قادره تنسي اللي حصل
طارق...ولا هتنساه يا صاحبي و قولتهالك قبل كده انت اللي عامل في نفسك كده قولتلك طلقها وارميها بس انت اللي متمسك بيها قولتلك خدها غصب واللي اتاخد مره غصب يتاخد الف مره بس انت واقع في حبها واهو في النهايه طلعت انا صح ومريم هتودينا في داهيه خلي العواطف والمشاعر الحلوه ننفعك بقي😡
عزيز...طارق انا مش ناقصك واه بحبها يا طارق.
طارق...خلاص يبقي هنروح في داهيه يا باشا🤨
عزيز....انت بتهديني ولا بتسخني عليها اكتر😡😡
طارق...لا ده ولا ده انا عايزك تهدي و تسمعني مريم خدت الورق والله اعلم ماسكه علينا ايه تاني و بردوا هي لو ماسكه حاجه ليه لحد الوقت معملتش بيها حاجه فا انا عندي خطه تانيه حلوه لو مريم شربت الطعم تاني عايزين نعرف هتتصرف ازاي هتسكت ولا المرادي هتأذينا؟
عزيز...خطه ايه دي يا طارق؟
طارق....هنستني كام يوم كده بعد حوار الورق عشان متشكش و هترمي الطعم الجديد هتكلمني و تتعمد تخليها تسمعك و كأنك بتبلغني إن العمليه معادها أتقدم هتقول المعاد والوقت والمكان وبس.
عزيز...ايوه مش فاهم و هنستفاد ايه يعني؟
طارق...لا فتح معايا كده مريم لو ناويه تأذينا بجد هتستغل الفرصه وقتها انت في اليوم ده تخرج علي اساس هتقابلني وهي هتبقي عارفه المعاد بما انها سمعتك وهتعرف انك رايح تنفذ العمليه في اليوم ده بقي هنودي واحد من رجالتنا يراقب الجو من بعيد لو مريم نيتها تأذينا هتبلغ و ساعتها اعمل فيها ما بدالك.
عزيز...بأبتسامه شر حلوه الخطه دي عجبتني طب ولو مبلغتش.
طارق....يبقي هي حابه تفاجأك في يوم انها ماسكه عليك كل ده عشان تضايقك عشان تطلب الطلاق تهددك يعني لعب عيال من الاخر.
عزيز....تمام يا طارق ويارب يكون ربنا بيحبها ويطلع السبب التاني لان لو طلع الاول هدفنها بالحياه.
باااااك.
عزيز....بتقولي حاجه يا زينب.
زينب....بقول لحضرتك محتاج حاجه.
عزيز....لا خالص شكراً انا شبعت خلاص اعمليلي بس القهوه وهاتيها علي مكتبي بسرعه.
زينب...حاضر.
عزيز....بالف هنا يا حبيبتي.
مريم...شكراً
دخل عزيز علي مكتبه و ساب الباب مردود دقايق و دخلتله زينب القهوه وخرجت.
الباب خبط راحت زينب فتحت الباب كان طارق.
طارق باستعجال مساء الخير ازيك يا زينب.
زينب...الحمد لله يا طارق باشا.
طارق....عزيز هنا عايزه ضروري.
زينب...اه في مكتبه اتفضل.
بصتله مريم بتركيز.
طارق...ازيك يا مريم عامله ايه.
مريم...بخير.
طارق.... اسف علي الإزعاج بس عايز عزيز ضروري.
مريم...مفيش ازعاج ادخله هو في المكتب.
طارق...تمام بعد اذنك.
دخل طارق وقفل وراه ثواني ولمح طارق خيال بيقرب من الباب.
ابتسم ابتسامه شيطانيه و شاور لعزيز علي الخيال😈
وبدأوا يتكلموا مع بعض عن معاد العمليه اللي اتقدم والمكان والتوقيت.
أنه هيكون بعد بكره.
بعد وقت مش طويل اوي قام طارق وقف.
طارق...بصوت عالي طيب يا عزيز عايز حاجه.
جريت مريم بسرعه في الوقت ده.
ابتسم طارق وعزيز لبعض👍😉😈
و شربت مريم الطعم🙈💔
...............
نزلت زهره من اوضتها تقعد معاهم تحت.
قاسم...بحب كنتي فين يا قلبي.
زهره...كنت بغير و باخد شاور بعد ما اتعشينا
قاسم....ومالك قالبه وشك ليه🤨
زهره....شكلي بقي وحش اوي بقيت شبه البطيخه واللبس وحش عليا اوي.
قاسم...بضحك احلي بطيخه دي ولا ايه😂😂😂
زهره...😒😒 متهرجش انا مش طايقه نفسي
قاسم...طب والله زي القمر.
روح....خلاص هانت مفاضلش كتير وهترجعي لوزنك الاول من تاني.
جلال...بضحك ليه هي البطيخه قربت تولد😂😂😂
زهره....ولا مش ناقصه رخامتك😡
قاسم...بضحك هرمونات الحمل واضحه قدام الأعمي ولو سبتها عليك هتروقك😂😂😂
جلال....وانا مالي ياعم مش هي اللي قالت علي نفسها بطيخه😂😂😂
زهره...بضحك بصت لقاسم هزعله والله😂😂😂
جلال...لأ بجد فاضل قد ايه وعُدي باشا يشرف.
زهره...خلاص كلها اسبوع وادخل التاسع.
جلال...ايوه يعني اسبوع وتولدي🙄
روح...ياواد انت غبي اول ما تدخل التاسع الدكتور يحدد بقي معاد ولادتها😒😒
جلال...😳😳احيه شوف بتبصلي ازاي في ايه ياروح هو انا حملت قبل كده وفاهم في الحوارات دي.
روح...بضحك خلاص يبقي متسألش في حاجه ملكش دعوه بيها😂
ليلي....جايب لنفسك الكلام علي طول وانت قمر ومحدش عارف قيمتك❣️
جلال...ياشيخه ربنا يسترك انتي الوحيده اللي بتنصفني في البيت ده.
داوود...عشان بس لسه معاشرتكش كتير شويه وهتلاقيها اول واحده بتروقك😂😂😂
جلال....لا اوعي خلينا كده حبايبي😂
روح....صبا ياقلبي مالك سرحانه ليه.
صبا...بأبتسامه مفيش يا حبيبتي ولا حاجه بسمع سي جلال🤨
جلال...بقولك ايه ماتيجي اخدك لفه بالموتسيكل 😂😂
صبا...انت تاني 😒🔪 مابلاش انا حالفه لو جيت جمبي بالبتاع ده هبوظهولك.
جلال...لا وعلي ايه الطيب احسن😒
...........
عند زيد ومنذر.
منذر....زيد
زيد...وهو بيشتغل علي اللاب توب ايه يا منذر.
منذر...بقولك ايه بكره ان شاء الله ترجع علي القصر خلاص.
بصله زيد ورفع حاجبه🤨
زيد...ايه زهقت مني ولا ايه😒
منذر....لا طبعاً
زيد...امال ايه شكلك كده بتطردني وعموما انا قاعد علي قلبك😉
منذر....يا زيد اسمعني انا مش بهزر
قفل زيد اللاب توب وبصله انت عايزني امشي بجد يالا🤨
منذر....اه عايزك تمشي وترجع بيتك و تشوف شغلك ودنيتك بقالك قد ايه قاعد معايا خلاص كفايه كده.
زيد...يا جدع انت انا أشتكيتلك وبعدين لو علي الشغل انا بروح اخلص اللي ورايا و أرجع اكمل الباقي هنا علي اللاب توب ولو علي رجوعي البيت هما عارفين اني مستحيل اسيبك و أديني بطمن عليهم واي حد بيجي يشوفك بشوفه في ايه بقي.
منذر....طيب يا سيدي تمام وبعدين هتفضل قاعد هنا طول العمر
زيد....ولا 🤨 انا بدات اشك فيك ايه في مزه جيالك وعايز توزعني.
ضحك منذر وبصله تعرف عني كده🤨
زيد....ما انا مش فاهمك😉
منذر...والله ابداً كل الحكايه اني عايز كل حاجه ترجع زي ما كانت انا عارف انك مش عايز تسيبني بس كمان ده مش حل اكيد هيجي يوم وتمشي فا الاحسن عشان محسش اني مقيدك ارجع بيتك وشوف شغلك وعدي عليا ياسيدي حتي لو كل يوم وانا كمان كفايه عليا كده سايب كل حاجه المصنع والشركه وانا عارف ان كل حاجه واقفه وفي بيوع مفتوحه يا صاحبي كمان الشغل هيخليني أتلهي اكتر واخرج من اللي انا فيه.
زيد...انا معاك ان الشغل هيخرجك من الوضع ده بس بردوا مش لاقي مبرر انك تطردني🤨
منذر...ياجدع بلاش تطردني دي 😂 والله ما كده بس كويس ان روح سيباك معايا الفتره دي اكيد لا هي طيقاني ولا طيقاك.
زيد...لا والله دي اول مره متبقاش بتزن علي رجوعي فرصه استغلها😂😂
منذر...والله يا حبيبي انا مقدر كل ده ومستغناش عنك ولو ياسيدي علي البيات فوت كده كام يوم وتعالي بس متبقاش بعيد عنهم كده وبعدين انا عارف يا زيد حتي وانت قاعد هنا دماغك مشغوله عليهم والمعداوي وابنه واكلين دماغك روح يا زيد وخليك جمبهم عشان تبقي مطمن اكتر ومتقلقش عليا انا نازل الشغل من بكره والفتره الجايه مش هبقي فاضي صدقني بسبب الشغل خلينا نرجع لحياتنا الطبيعيه بقي
زيد....ماشي ياعم يا منذر تشكر يا ذوق 🤨 هرجع بكره بس يومين وهطب عليك متفكرش يعني هسيبك تلعب بديلك.
منذر...بردوا😂😂 تصدق انا لو مش ناوي انت اللي هتخليني اعملها😒
زيد....طب جرب كده يبقي ليليتك طين 🤨🤨 اتنهد زيد تنهيده طويله وبصله بص يا صاحبي انا هريحك عشان انا عارف انك مش هترتاح غير لما ارجع مع اني والله مش متعطل بس انا جمبك يا منذر وهفضل معاك ووقت ما هتحتاجني هتلاقيني و هتلاقيني بطب عليك هنا وفي المصنع في الشركه في كل مكان وانت كمان هتيجي وتروح وتخرج من الحاله دي اتفقنا.
منذر....ماشي ياعم اتفقنا ومن غير ما تقول انا عارف اني وقت ما بحتاجك بلاقيك يا زيد ❣️
زيد...ماشي ياعم طب ايه مش ناوي تأكلني ونعمل حفله وداع ولا ايه😒
منذر...😂😂 حفله وداع مره واحده ماتقول عايز تطفح وخلاص
زيد...😂😂😂طب قوم يلا نطفح يازوق😉
............
تاني يوم راح زيد علي شغله ونزل منذر كمان علي الشركه يخلص الشغل اللي متراكم عليه وبعدين راح علي المصنع وطول اليوم كان بيشتغل وكل شويه زيد يكلمه يطمن عليه.
وبعد يوم طويل من التعب رجع زيد علي القصر مكانش حد عارف انه راجع
صبا كانت في الجنينه لوحدها حاطه الهاند فري في ودنها وبتتمشي في الجنينه وهي سرحانه سويه تبص للزرع وشويه تبص للسماء
وفجأه حست بحاجه بتقع من السما ونزلت و سط الشجر اللي محاوط سور الجنينه أتخضت صبا وحطت ايدها علي قلبها وفضلت متنحه شويه تبص للسما وشويه تبص علي الزرع اللي لسه بيتحرك جامد بسبب وقوع حاجه عليه
صبا....ايه ده ايه اللي وقع بصت للسما تاني وبعدين بصت علي الزرع بخوف كانت حركه الزرع وقفت
صبا.....يالهوي لا يكون كائن فضائي صغير🙄
زيد كان واقف علي جنب بيتفرج عليها ومبتسم وهي مش حاسه بيه دخل وركن وهي بتسمع اغاني في الهاند فري وبعدين شاف الموقف كله وهي مدياله ضهرها مش شيفاه ولا حاسه بيه.
قربت صبا من الزرع بهدوء تشوف ايه اللي وقع مدت أيدها تبعد الزرع وفجأه
رفرفت الحمامه بجناحها جامد صرخت صبا وقامت بسرعه عشان تلف ضهرها وتجري لقت نفسها في حضن زيد
صرخت تاني و هي بتبعد مسكها زيد من وسطها قبل ما تقع.
زيد....بأبتسامه وبصوت رجولي هادي وجذاب انتي ايه حكايتك بقي هفضل ألحقك كده علي طول😉
بصتله صبا بأبتسامه سعاده سانده ايدها الاتنين علي صدره وقلبها بيدق جامد.
صبا....زيد أنت جيت امته ❣️ وواقف بقالك قد ايه؟
زيد....بقالي شويه واقف بتفرج عليكي وفجأه لقيتك في حضني🤨
صبا....بإحراج اااا انا أسفه والله بس انت اللي بتيجي في اوقات بيحصلي فيها حجات غريبه🥺
زيد....يعني باجي في وقت مناسب ولا مش مناسب اوي😉
صبا....🙄مش عارفه بس المهم انك جيت🥺
زيد....ليه وحشتك مثلا😉
صبا...بأندفاع وحشتني اوي😳🙈 ااا أقصد يعني وحشتنا كلنا🥺🙄
ابتسم زيد بحب وبصلها.
زيد....علي فكره انتي كمان وحشتيني😉
بصتله صبا بصدمه وقلبها فضل يدق اكتر😳 أنا وحشتك❣️
زيد....اممم اوي و وحشني جنانك وهبلك😉
صبا...انا مجنونه وهبله🥺
زيد....ابتسم اه طبعاً اللي تخاف من حمامه صغيره تبقي هبله🤨
صبا....😳😳هي طلعت حمامه انا فكرتها كائن فضائي صغير
زيد...بضحك وده هينزل يعمل ايه هنا😂😂
صبا....انا عارفه بقي انا فجأه لقيت حاجه بتنزل ومشوفتش هي ايه ولما روحت اشوفها لقيت حاجه بتتحرك وبتعمل صوت تعالي بقي شوفها والنبي عشان انا خايفه🥺
زيد....طيب تعالي معايا مشيت صبا وراه وهي مستعده للجري 🧐
صبا...ايه شوفتها؟🙄
زبد...طبعاً انتي بتتأكدي عشان تجري صح😂
صبا....انا ولا عمري كنت ندله🙄
زيد....😂😂😂ولا عمرك ايوه قام زيد وقف مره واحده وهي معاه وقبل ما تجري مسكها من كف ايدها.
صبا....استني بس هفهمك 😫
زيد....انتي خايفه من الحمامه يا صبا
صبا...طب خلاص سيبني ومش هجري والله🥺
زيد...انتي حلفتي🤨
صبا...والله مش هجري بس اوعي تجيبها عليا.
زيد....لا مش هجيبها ساب ايدها بعدت خطوه لوراء وهي عينها علي الحمامه.
صبا....هي مالها؟ دي رجلها فيها دم.
زيد....اه شكلها اتجرحت في حاجه ومقدرتش تطير فا وقعت.
صبا...طيب هنسيبها كده 🥺 دي ممكن تموت.
زيد...لا اكيد مش هنسيبها كده
صبا...طيب تعالي نأكلها شكلها جعانه
زيد...كان في هنا قفص فاضي هنحطلها فيه اكل ومايه وهطهرلها الجرح ده وخليها في القفص لحد ما تخف.
صبا....طيب يلا احسن تموت.
زيد...متختفيش ده جرح صغير مش هتموت ولا حاجه
راح زيد علي القفص الفاضي حطها جوه وقرب منها الاكل والمايه فضلت تشرب كتير وبعدين بدأت تاكل.
صبا...دي بتاكل😳 شكلها كانت خارجه تدور علي أكل.
زيد...ممكن.
صبا....شكلها حلو اوي😍 تيجي نسميها
زيد....بأبتسامه هنسميها صبا
صبا...علي اسمي 😍
زيد...اه مش انتي اول واحده شوفتيها يبقي اسمها صبا 😉
صبا...هو ينفع نخليها معانا ومنطيرهاش.
زيد....لا حرام سبيها تطير احسن بعد ما تخف هنطيرها سوا.
صبا....طيب ولو حبتني ومرضيتش تطير🙄
زيد...يبقي هي اللي اختارت وبعدين انا لو مكانها مش هطير
صبا....بصتله بحب ليه؟
زيد....في حد يطول السجان بتاعه يبقي قمر كده😉
صبا...وده مدح ولا زم انا سجان😒
زيد...بضحك يعني سبتي المضمون ومسكتي في الجمله مش بقولك مجنونه😂😂
صبا...استني رايح فين؟
زيد....داخل اشوفهم واجيب حاجه اطهر بيها الجرح.
صبا....طيب أستناني متسبيش لوحدي القصر بقي مرعب ضفدعه و حمامه حاسه إن في يوم هيطلع عليا اسد😂🙈
زيد...بحب طب تعالي يا مجنونه😂❣️
...............
في صباح يوم جديد اجتمع الكل علي الفطار صبا كان باين عليها السعاده عكس الايام اللي فاتت
نزل زيد من اوضته ودخلت فيروز وصبا من الباب.
زيد...صباح الخير كنتوا فين؟
فيروز....كنا بنشوف الحمامه 😂 صبا وخداني وعندها امل اني اكلها متعرفش اني بخاف من خيالي.
صبا....انا غلطانه اني اعتمدت عليكي😒
زيد....خوافين🤨 طيب كلت ولا لا.
صبا....اه مراد بره بيتكلم في الموبايل خليته حطلها اكل😂
زيد...طيب يلا يا مجانين تعالوا افطروا❣️
بعد وقت بسيط الكل راح علي شغله
وبدأوا شغلهم.
زيد كان حاسس ان سالم مش مظبوط من وقت ما راح بليل علي القصر وهو حاسس انه ساكت ومش في احسن حالته قام راح علي مكتب سالم.
سالم...تعالي يا زيد.
زيد....ايه بتعمل ايه؟
سالم...بلعب بلياردوا😒 هكون بعمل ايه بشتغل😏
زبد...😂😂سؤال غبي فعلاً حقك عليا المهم انت مالك شكلك مش مظبوط.
سالم...ولا حاجه زي الفل.
زيد...مش باين بس تمام هصدق قولي اخبار شمس ايه.
سالم...معرفش عنها بقالي اكتر من عشر ايام.
زيد...ليه بطلت تروح من ساعت ما تعبت؟🙄
سالم...روحت مره بعد اللي حصل لحسام تاني يوم ومشيت علي طول.
زيد...في حاجه حصلت بينكم؟
سالم...لا خالص بس انا اللي مليش مزاج لأي حاجه لا قادر احط عيني في عينها ولا احط عيني في عين اي حد كل ما يحصل حاجه احس ان ده ذنب شمس مضايق عشان فيروز واللي حصلها وعشان منذر الشعور بالذنب يا زيد احساس وحش اوي.
زيد...مش اوي كده يا سالم هلي الاقل انت بتحاول تصلح غلطك انا معاك شعور الذنب احساسه بشع بس بلاش تبصلها بالسلبيه دي لان مفيش حاجه ممكن تتغير في الماضي خليك في الوقت يا سالم بلاش تبعد عن شمس لان هي ممكن متفهمكش ولا تفهم سبب اختفاءك احنا ما صدقنا بدأت تكون اهدي من ناحيتك قوم روح علي هناك البريك قرب روح شوفها وبلاش كآبه
سالم....حاسس اني مش عارف يا زيد
زيد....لا هتعرف وهتقدر ويلا قوم انا حاسس ان الدنيا هتظبط صدقني وبكره تقول زيد قال قوم يا جدع بلاش كسل
سالم بأبتسامه ماشي وخلي موبايلك جمبك عشان اول ما يجرالي حاجه اكلمك😂😂😂🙈
زيد...اتكل انت علي الله بس وانا هلحقك علي المستشفي😂😂
خرج زيد لف لفه في المجموعه يشوف الشغل بنفسه.
زيد....فروحه بتعملي ايه.
فرح....كانها ماصدقت زيد بص كده حاسه في حاجه غلط هنا.
مسك زيد الورق لا تمام كويس جدا ده شغلك بجد🤨
فرح...اه والله العظيم 🙈😍
زيد...بحب براڤو عليكي يلا كملي بنفس الطريقه.
فرح...ماشي ❣️
...............
عند شمس كانت واقفه سانده ضهرها علي عمود وسرحانه وباصه علي النيل
دخل سالم بهدوء واول ما لمحها راح ناحيتها وقرب منها.
سالم....انا واقع من الجوع ومش معقول تفضلي باصه علي النيل وسيباني جعان كده.
دق قلب شمس بسرعه بصتله وخانتها ابتسامتها.
شمس...سالم❣️
سالم....وحشتيني علي فكره وجايلك مستعد انهارده حبر بقي مايه دواء
سـ ــم كل اللي يجي منك انا راضي بيه بس اكليني😉
شمس...بأبتسامه ايه معندكش اكل في بيتكم ولا بقالك 12 يوم مكلتش 🤨
سالم...بسعاده الله ده انتي عداهم بقي😉
شمس..بارتباك هااا لا خالص بس يعني🙄
سالم....بس ايه؟ وحشتك صح😉
شمس....بلاش تستفزني ولا وحشتني ولا حاجه ويلا قولي عايز تاكل ايه😒🙄
سالم...طيب براحه متزوقيش انا اكيد مش هختار اختاري انتي بس قبل ما تمشي ليا عندك طلب.
شمس....نعم😒
سالم....قبل ما اقول انا مش عايز رد الوقت فكري مع نفسك انا عايز نتغدي او نتعشي مع بعض يوم اجازتك وفي المكان اللي تختاريه عندي كلام كتير محتاج اقوله ليكي يا شمس
شمس....لا طبعا مش موافقه.
سالم...عشان خاطري بلاش تردي الوقت انا مش مستعجل فكري يا شمس ارجوكي.
شمس...بتنهيده هروح اجيب الاكل😒
سالم....بأبتسامه ماشي😉
...............
مساءاً في قصر الطوبجي بعد ما وصل الكل واتعشوا سوا خرجوا كلهم قعدوا في الجنينه.
زيد...كان فارد نفسه علي الكرسي و قاعد يتفرج عليهم
جلال وامير ماسكين صواريخ وقاعدين يحدفوها علي بعض صبا بتتفرج علي الحمامه ليلي نايمه علي كتف داوود وبتضحك عليهم زهره وقاسم بيشاركوهم في الصورايخ😂🙈
يوسف بيلزق لجلال استيكرات علي الموتسيكل هو وياسين
كل واحد فيهم كان في وادي
سالم...بضحك لداوود زيد عينه بتقفل وهاين عليه يقوم ياكل جلال و امير علقه😂😂
مراد....احسن يارب يقوم صدعت من الجزم دول
داوود....انا بفكر اقوم العب معاهم واحدف عليه وهو نايم كده.
قاسم...جرب كده😂😂 وهينسي انك عمه🙈
ليلي...حرام عليك سيبه 😂
زهره...قوم والنبي يا داوود 😂😂
قاسم....انا مليش دعوه بيكي ده غبي😂
داوود...بصوت واطي جلال ولا يا جلال هات واحد
امير...احيه انا مليش دعوه 😂
راح جلال اداله صاروخ وقف داوود واول نا وقف ومسك الصاروخ
فتح زيد عينه وبصله
زيد....انتوا فاكرني نايم صح فكر كده وقرب مني يا داوود
مراد...😂😂😂ده كان سامع والله قولتلهم بلاش
زيد...سامعكم ياغالي ايه يا داوود باشا يا عاقل
داوود...بفوقك الحق عليا😂😂
زيد....بضحك والله يا ليلي كان اعقل واحد في البيت ده بس يظهر ان الجواز بيطير العقل😂😂
ليلي...والله ما عملت فيه حاجه هو اتجنن لوحده😂😂
مراد....علي فكره كلكم واخدين فكره غلط عن داوود العيله دي مفيهاش حد عاقل اصلا😂😂
ضحك داوود وولع الصاروخ حدفه جمب زيد وبعد بسرعه
قام زيد بسرعه وهو بيضحك
زيد....والله ما عايز اكلمك عشان مراتك واقفه يا عاقل😂😂
نادر...ما انت معندكش دم انت كمان سامع كل الفرح اللي حواليك ده وبتنام
زيد... ومن امته كنتوا هاديين انا اتعودت خلاص😂
فضلوا يهزروا ويضحكوا ويجروا ورا بعض
خرجت روح من المطبخ لمحت راجح واقف علي الباب الداخلي بيتفرج عليهم
روح...حبيبي واقف كده ليه؟
راجح....بفكر يا روح
روح..في ايه يا راجح اوعي تكون بتفكر تكلمهم الوقت.
راجح....ده انسب وقت يعني مبسوطين ومزاجهم حلو بيتهيألي هيتقبلوا الكلام.
روح....بتنهيده انا خايفه يا راجح يضايقوا وبجد حامله هم اليوم ده اوي.
راجح...لا هيضايقوا ولا حاجه وقولتلك اني اكيد مش هضغط عليهم المهم الوقت انا هنادي عليهم يحصلوني علي المكتب وانتي حاولي تخلي البنات كلهم هنا ماشي.
روح...حاضر يا حبيبي ربنا يستر .
راجح...يا ولااااااد بصوله كلهم.
راجح ...حصلوني علي المكتب بسرعه.
خرجت روح في الوقت ده
فرح.....واحنا كمان
روح ..لا اقعدي انتي هنا هو عايز الشباب بس.
فيروز...في حاجه ولا ايه يا مامي ؟
روح...لا يا حبيبتي اكيد هيتكلم معاهم في شغل.
فرح...طب ما انا بشتغل معاهم يبقي اروح.
روح...قولتلك اقعدي انتي😒
فرح....قعدنا😒😒
دخل راجح قعد علي مكتبه وبدأ الشباب كلهم يدخلوا وراء بعض.
راجح....أقفل يا داوود الباب
قفل داوود الباب وفضلوا كلهم يبصوا لبعض ويسألوا بعينهم عن سبب الاجتماع المغلق ده.
مراد...خير يا راجح في حاجه ولا ايه؟
راجح...خير اقعدوا طيب يا مراد واقفين ليه
قعدوا كلهم و بصوله فضل زيد باصصله مستنيه يتكلم ولسه النوم مسيطر عليه ومخليه ساكت معندهوش فضول يسأل حتي عن السبب.
داوود....خير يا حبيبي اتكلم.
راجح...خد نفس طويل وبصله طبعاً انا في موضوع مهم عايز اكلمكم فيه بس قبل ما اتكلم في الموضوع ده حابب افكر الكل انكم كان معاكم مهله في موضوع الجواز لحد ما داوود يتجوز
مراد...بتنهيده تاني يا راجح؟
راجح...اه يا مراد تاني انا منساش ولا كلامي كان مجرد كلام لحظه غضب
سالم....ماهو انا بردوا مش فاهم لحظه الغضب دي كان مالها ومال الجواز🤨
راجح....انا مش عايز كلام كتير واظن انا مش بطلب حاجه مستحيله.
قاسم...اسمحلي بس يا باشا اتدخل انا عارف اني بره الليله دي بس كمان بيتهيألي هما عارفين مصلحتهم واكيد الجواز مش بيجي في يوم وليله كده.
راجح....محدش فيهم عارف مصلحته يا قاسم ومعاك الجواز مش بيجي في يوم وليله انا بقالي كام شهر ساكت من يوم ما فتحت الموضوع ايه كل ده محدش فيهم عرف هيعمل ايه في دنيته.
ياسين...طيب بما ان الموضوع جد وبقي امر واقع يا باشا فا انا طلعني بره الحوار ده انا لقيت شريكه حياتي خلاص ملك يا بابا بحبها وعايز اتجوزها
راجح....بسعاده داخليه حلو وانا معنديش اعتراض ملك بنت شاطره ومحترمه واي واحد يتمناها
الباقي فين؟
مراد...بغضب بسيط رغم اني مش موافق علي اللي بيحصل ده ياراجل بس انا كمان قررت اني اتجوز تقي عارفها طبعا وقبل ما تقولي السن والكلام ده
قاطعه راجح بأبتسامه لا يا سيدي لا هقول سن ولا اي حاجه موافق طبعاً واظن ان انا وروح في بينا فرق سن عادي جداً يمكن اقل من الفرق بينكم بس السن ده مجرد رقم
مراد...تمام يا راجح 🤨 اظن بقي انا وياسين فكينا العقده شويه مش لازم تضغط علي الباقي.
راجح....مين اللي بضغط عليكم يا مراد بس من حقي اعرف ولادي ممشين حياتهم ازاي وبيفكروا ازاي سيبهم هما يتكلموا ها سمعوني كده
جلال...انا لسه مفكرتش في الموضوع ده يا بابا يعني لسه بدري عشان اخد قرار زي ده.
راجح...رغم اني اتجوزت في سنك بس خليني اقول ان الجيل بتاعي غير بتاعك يا جلال وعشان كده انت وامير بره الكلام ده مؤقتاً نخلص من الكبار العاقلين الاول
يوسف....انا تقريباً في حد في حياتي يا باشا بس لسه مخدتش خطوه جد ولا قولتلها محتاج وقت
راجح.....ماشي يا يوسف اخبار حلوه اهي كده مش فاضل غير سالم وزيد ونادر
سالم....بغضب ايه ياباشا هتجبلنا عرايس وتجوزنا غصب عنا😡
راجح...انا امته غصبت عليكم في حاجه ياسااالم😡 طول عمركم عايشين حياتكم بالطول والعرض وانا سايبكم
داوود....راجح خلينا نتكلم بهدوء احسن بلاش العصبيه
راجح...ما انت سامعه زعلان وبيتكلم بغضب😡
سالم...يا باشا ماهو اللي بتقوله ده يعصب اي حد احنا مش بنات دي فيروز بنتك نفسها اختارت اللي تكمل معاه
راجح...وانا مقولتش هغصبكم يا سالم انا عايز اطمن عليكم حقي وكمان انا عملت القاعده دي مخصوص عشان اسمعكم واوصل للنقطه دي واشوف مين فيكم اللي فاضي خالص ومستني بنت الحلال عشان انا مش هغصب علي واحد في فحياته حد.
نادر....اه يبقي في عروسه قدامك وقررت انك تغصب علي الفاضي فينا يا باشا صح.
راجح....صح يا ابن راجح بس بلاش تقول اغصب بما انكم فاضيين فا هعرض عليكم اللي عندي والرأي يرجعلكم اكيد مش هغصب عليكم واللي هقوله مش عايز حد يقاطعني فيه😡
سالم...اتفضل يا باشا احنا سامعينك😡
زيد...كان قاعد هادي وبيسمع متدخلش في الحوار ولا نطق وبمجرد ما راجح بدأ كلامه عن صبا بدأت الاعاصير والبراكين تنفجر داخل زيد وشريط اسود مر قدام عينه💔
راجح.....صبا مش هتفضل من غير جواز كتير لسه صغيره والف واحد يتمناها ايمن مات قبل ما هي تبقي ام واي ست في الدنيا بتتمني انها تبقي ام صبا اتربت وسطكم و كلكم عارفين انها طيبه ولو حبت من قلبها بتنسي نفسها
مراد....انت عايز تجوز صبا يا راجح ده ايمن لسه مبقالهوش سبع شهور تقريبا
راجح...اه يا مراد عايز اجوزها ومش معني ان اللي مات ابني فا احكم عليها تعيش حياتها علي ذكراه.
داوود....صبا عارفه انك هتتكلم في حاجه زي دي.
راجح...لا لسه مفتحتهاش مستني اسمع رأيكم.
مراد...راينا في ايه مش فاهم بردوا وبعدين هو انت حاسس ان صبا دخل في حياتها حد جديد؟
راجح...لا طبعاً بس اكيد هيدخل وانا شايف ان قبل ما تيجي تقولي عايزه اتجوز ده والله اعلم هيبقي عايز يتجوزها ليه ماهي فرصه لأي حد قولت اشوف ولادي الاول مين فيهم قلبه فاضي وبما ان مفيش غير سالم ونادر وزيد فا انا مستني اشوف رأيهم ؟
مراد...انت عايز تجوز صبا لحد من ولادك طب افرض هما وافقوا وهي لا هتجبرها.
راجح...عمري ما اعمل كده ولو رفضت هحترم قرارها
قاسم....بتوتر حس ان الوضع بدأ يتكركب طيب يا باشا لو كلهم معندهمش اعتراض هتجوزهم كلهم لصبا
راجح...في الحاله دي هي اللي تختار المناسب ليها بإرادتها
سالم...بضحك وصدمه وغضب هو اللي انا بسمعه ده جد انت عايزنا نتجوز صبا مرات اخويا دي متربيه معايا زيها زي فيروز وفرح اللي بيحصل ده تخريف وانا مش موافق عليه.
راجح...ساااااالم امسك لسانك وخلي بالك من كلامك ابوك مبيخرفش
بص سالم علي زيد بوجع لانه عارف انه بيحب صبا ورجع بص لراجح هو حضرتك شايف بتقول ايه.
راجح...اه شايف وسامع واللي بقوله ده عين العقل وبما انكم انتوا التلاته فاضيين ومفيش حد في حياتكم يبقي كلامي ليكم انتوا 😡
وقف داوود في الوقت ده لاول مره بكل غضب في وش راجح.
داوود.....كفايه ياراجح كفايه وجع بقي انت مش مقدر حجم اللي بتعمله ولو في حد في الدنيا دي أولي بصبا يا اخويا يبقي زيد 😡 وانت عارف كده كويس من زمان فاكر يا راجح ولا أفكرك.
زيد كان قاعد باصص في الارض نفسه بيعلي ويهبط بسرعه وبعد كلام داوود كلهم بصوا علي زيد فيهم اللي استغرب كلام داوود ومفهمش وفيهم اللي حس بيه وفيهم اللي عارف.
راجح....ايه يا داوود هو عينك المحامي بتاعه ولا ايه ماهو ليه لسان يتكلم😡
مراد...انت مخلتش في كلام يتقال ياراجح💔
راجح...خلاص ادام الكل ساكت يبقي انا هفاتح صبا في الموضوع عليكم انتوا التلاته وهي تختار بنفسها اللي ممكنه تتقبله زوج ليها بعد ايمن😡
داوود....ما كفايه بقي يا راااجح صبا مش هتبقي لحد غير زيد قولتلك😡
قاسم....اتكلم يا زيد قول حاجه.
راجح....ايه يا زيد لسه عندك كلامك بتاع زمان زي ما داوود قال ولا لأ🤨
بصله زيد بوجع وقام وقف بهدوء رغم النار والوجع اللي جواه💔
زيد...لو بتسأل عن رأيي يا باشا فا انا مش موافق علي جوازي من صبا💔
كنت فين من زمان هااا كنت فين لما جتلك وقولتلك اني بحب صبا
بص الكل بصدمه😳💔
زيد....فاكر يا باشا قولتلي ايه يومها قولتلي ان ايمن اخويا الصغير سبقني في طلبي وانك مش هتقدر ترفض عشان خاطر روح متفكرش انك متحيز ليا وتزعل علي ايمن لا قلبه يوجعه مكنتش عايز تزعل روح بس قدرت تيجي عليا وتزعلني انا في الوقت اللي انا واثق لو روح كانت عرفت مكانتش وافقت ابدا علي حكمك ده💔
وقتها قولتلي الفيصل في كل الكلام ده موافقه صبا لو وافقت علي ايمن يبقي خلاص انا بره اللعبه وكأن الزمن بيعيد نفسه من تاني ياباشا و رغم انك عارف اني حرمت علي قلبي دخول اي ست من بعدهااااااااا إلا انك جاي انهارده تحطني مع اخواتي في نفس الموقف💔
راجح...صبا اختارت ايمن انت بتحاسبني غلي اختيارها.
زيد...بغضب ولو كنت قولتلها زيد عايز يتجوزك كانت وافقت لانها مكانتش بتحب حد صبا وافقت عشان متزعلكش وعشان مفيش في حياتها حد بالنسبالها مانت مجرد جوازه وعشان ايمن ابن خالها شافت انه هيحافظ عليها بس انا كنت هقدر اخلي صبا تحبنييييي 💔
بس انت حكمت عليا ووقتها كنت شايف ان ايمن انسب ليها منها متزعلش روح علي ابنها ومنها انك شايف ان زيد صايع وبتاع ستات وزي ولادك كلهم💔
سالم...بوجع زيد عمره ما كان كده وزمان اي حاجه كنت بعملها والبسهاله كان بيبقي تهريج وهزار شباب بس زيد عمره ماكان زينا زيد كان اعقل واحد فينا من صغره.
زيد...بوجع مش كفايه يا اخويا ده مكانش كفايه عند الباشا 💔
انا فاكر يوم ما فاتحتك داوود الوحيد اللي كان شاهد علي كلامي ده كنت جايلك طاير من الفرحه بس خرجت من عندك مصدوم صدمه عمري خوفت علي اخويا الصغير ومخوفتش عليا خوفت علي زعل روح مع اني عمري ما شوفت روح غير امي زيي زي ايمن عندها انت ظلمتني وعمري اللي راح ده كله في رقبتك يا بااااااشا وانا مش مسامح فيه يا ابويا💔🥺 ومش مسامح في الموقف اللي انت حطتني فيه قدام اخواتي💔 انا سكت كتير اوي سنين محدش يعرف اللي في قلبي وجه اليوم اللي تعريني قدامهم وتخليهم يشوفوا انت عملت ايه في قلبي😡💔
وبعد كل ده جاي تاني تقولي هحطك واحط قلبك يازيد تحت رحمتي وراحه قلبك متوقفه علي اختيار صبا ده ايه الظلم ده كفايه بقي ارتاح يا باشا انا رضيت بوجع قلبي ولايمكن احط قلبي في اختيار تاني انا مش موافق يا باشا
راجح...زيد💔
خرج زيد في الوقت ده زي المجنون كانت روح واقفه جمب الباب وسمعت كل حاجه وهي مصدومه ودموعها نازله💔🥺 واول ما عدي زيد من جمبها
فضل تنادي عليه وتجري وراه.
روح...زيد زيد استني💔🥺
مراد...استني يازيد.
جري زيد علي عربيته ركب وهو مش شايف قدامه وقف البنات كلهم وصبا
زهره....في ايه استر يارب.
ليلي....ماله زيد حصل ايه.
فيروز...معرفش🥺💔
صبا...بصوت واطي زيد💔
...........
دخلت روح زي المجنونه علي راجح من تاني الكل كان واقف ساكت ومصدوم.
روح...بوجع وغضب اللي انا سمعته ده حقيقه💔 كسرت قلب ابني يا راااجح طول السنين دي خوفت علي زعلي يا وهان عليك ابنك كنت فاكر اني هزعل لما تجوز زيد لصبا عشان ايمن😡
نسيت اني شوفت زيد قبل ما اشوف ولادي كلهم نسيت ان هو ابني غصب عنك وعنه وعن حباه اختي وعن الدنيا كلهااااااا💔
هان عليك زيد يا راجح يشوف حبيبته في حضن اخوه💔 انا عندي كنت رفضت الكل ولا انك توجع قلب ابني
بس انت فكرت اني هزعل علي أيمن اكتر انا ولادي كلهم وااااحد ايييييييه جبت الجبروت ده منين ياراجح قدرت ازاي تنام وابني بيموت كل يوم💔🥺
راجح....بتعب روح لا انا محسبتهاش كده.
روح...انا عمري ما هسامحك ياراجح علي وجع قلب زيد💔🥺 عمري.
مسك راجح قلبه بوجع مقدرش يستحمل اكتر من كده وفجأه وقع من طوله صرخت روح وجري عليه الكل ودخل البنات علي الصريخ
شاله سالم بسرعه وهو بيصرخ فيهم وجريوا بيه كلهم بسرعه علي المستشفي💔
دخلوا بيه المستشفي زي المجانين حطوه علي سرير وبقوا يجروا بيه وروح ماسكه في ايده وهي بتصرخ
روح....لا يا راجح والنبي اوعي تسيبني راجح قوم الله يخليك.
دخل راجح قدامهم علي اوضه الطوارئ
فضلت تبص عليه من حرف الباب وهي دموعها نازله دقايق واتنقل غرفه العنايه المركزه حطت راسها علي الازاز وبدأت تفتكر شريط حياتها معاها💔🥺
- يتبع الفصل التالي اضغط على (رواية احفاد الطوبجي) اسم الرواية