رواية احفاد الطوبجي(1) الفصل الثامن و الثلاثون 38 - بقلم اميرة اسامه
وكالعاده أتجمع الكل علي الغداء يوم الاجازه وكانت معاهم ليلي.
وقفوا البنات كلهم مع روح في المطبخ بيجهزوا الغداء مع الشغالين.
دخل عليهم مراد وهما بيتكلموا
ليلي....روح كده الطبق ده تمام ولا اعمل في حاجه تاني.
روح....لا كده تمام يا ليلي خدي بس حطي هنا ليمون وانتي يا صبا ظبطي كده الطبق ده.
زهره...هتفضلوا مقعدني كده علي طول انا زهقت
ليلي...بضحك انتي هتفضلي متدلعه كده بس لحد ما استاذ عُدي يشرف وبعد كده مش هنسيبك
زهره...علي قد ما فات شهور وانا معرفش اني حامل علي قد ما انا حاسه ان الحمل ده طول اوي
روح....طول ايه بس انتي لحقتي وبعدين مستعجله علي ايه سيبيه جوه شويه بكره تزهقي من الزن
زهره....بأبتسامه انتوا عارفين حاسه كأني اول مره احمل وخايفه جداً
روح...خايفه من ايه بس
صبا...عشان الفرق بينه وبين جنه كتير فا طبيعي تكوني نسيتي تعبك في جنه اول مره
زهره...ده حقيقي انا فعلا نسيت كل حاجه
ليلي....انتي لسه ناقصك حاجه ليه
زهره....اه طبعاً احنا يعتبر مجبناش أي حاجه لسه جبنا بس شويه لبس وفاضل حجات كتير اوي بصراحه حاجه الولاد مختلفه عن البنات حتي في اللبس يوم ما نزلنا نشتري حاجه البنات قمر خالص والولاد مش قد كده بقيت واقفه هتجنن مش عارفه اختار
جنه...انا اللي اختارت كل حاجه 😍
زهره...فعلا جنه اللي اختارت هي وقاسم وانا كنت بتفرج عليهم
فرح....خلاص المره الجايه هاجي معاكم ونختار سوا.
روح...بضحك عايز ايه يا سي مراد واقف بتضحك علي ايه
مراد....😂😂شكلكم حلو اوي وانتوا واقفين مع بعض.
ليلي....ايه رأيك فينا😂
مراد....ودي عايزه كلام قمرات طبعاً
روح....عقبال ما عروستك تيجي تقف معانا هي كمان.
مراد....🤨 ما تطلعي من دماغي انتي وجوزك متفقين عليا ليه
روح...عايزين نفرح بيك ونكبر العيله يا سي مراد
مراد...بضحك اكتر من كده 😂 انا خايف لو كبرت العيله شويه ننسي اسامي بعض.
زهره....انت جاي تحسدنا ولا ايه😂😂
مراد....ربنا يزيد ويبارك يا ست زهره ويجي المفعوص الصغير وينورنا
زهره....يارب يا حبيبي😍
روح...طب يلا بينا الأكل جهز خلاص.
خرجوا كلهم ونادوا علي الكل وبدأوا ياكلوا.
داوود....السلطه حلوه اوي.
روح...لا ياشيخ معجبش من الاكل كله إلا السلطه عشان ليلي اللي عملتها😒
داوود....انا لسه مكلتش حاجه غيرها وبعدين والله ما اعرف ان ليلي اللي عملتها😂😂
راجح...جبت لروحك الكلام.😂
داوود...وانا اقدر هو في زي اكل روح😍
ليلي...صراحه روح اكلها جميل بجد مش مجامله
مراد....هي كلها علي بعضها قمر😉
راجح...طيب كل وانت ساكت😒
ضحكوا كلهم علي غيره راجح
وفجأه دخل عليهم زيد
زيد....مساء الخير
نادر....زيييييييد باشا
وقعت الكوبايه من ايد صبا اتكسرت 100 حته
بصلها زيد وشاف ارتباكها
روح...انتي كويسه
وطت صبا بسرعه وهي مرتبكه تشيل الازاز ااا اه اه كويسه اسفه وقعت غصب عني
روح...طيب قومي قومي عشان متتعوريش سيبي من ايدك
سلموا كلهم علي زيد وفضل صبا علي وضعها بتلم الازاز واتعورت من غير ما تحس وعين زيد عليها.
راجح....قومي يا صبا هتتعوري عايده هتلمه.
مراد...اقعد يلا يا زيد كل.
روح...استني اغسل ايدك الاول يا حبيبي.
زيد...ماشي ثواني وجاي كملوا اكل.
راح زيد ورجع الكل رجع للأكل من تاني وصبا مرعوبه وقلبها بيدق.
زيد...ايه الاخبار وايه اللمه الحلوه دي.
نادر....وحشتنا الكام يوم دول.
زيد...انتوا كمان وحشتوني.
راجح...عملت ايه هناك يا زيد
زيد....اطمن يا باشا كله تحت السيطره الأمور ماشيه تمام جداً
راجح...طيب الحمد لله
زيد...هحكيلكم كل حاجه بعد الاكل
روح...طيب يلا كل يا حبيبي.
سالم...مقولتش ليه انك جاي
زيد...عادي عارف انكم اجازه قولت أسيبكم مرتاحين.
رفع زيد عينه علي صبا كانت باصه في طبقها شايف صدرها بيعلي ويهبط بسرعه ايدها متعوره ومحستش بيها ولا مركزه في حاجه اصلاً.
خلصوا اكل وخرجوا علي الجنينه
جلال...بصوت واطي بقولك ايه انت هتفضل قاعد
سالم...عايز ايه
جلال...احيه انت نسيت مش رايحين نجيب الموتسيكل😡
سالم...ياض عيب عليك اخوك لسه جاي.
جلال...هو كلن مهاجر 😡 دول كلهم كام يوم انجز يا سالم مش هحلك انهارده
سالم....ياباي عليك زنان😒
وقف سالم وبصلهم بقول ايه ياجماعه انا هخرج انا وجلال ساعه زمن كده وهاجي علي طول
راجح...رايحين فين الوقت يا صايع منك ليه.
سالم....😒 علي طول كده نيتك مش سالكه من ناحيتنا عموما رايحين مشوار سريع كده عاملكم مفجأه.
راجح...ياخوفي من مفجأتك🤨
سالم...بضحك هو مش انا اللي هفاجئكم ده جلال انا هساعده بس.
راجح...علي اساس كده انك بتطمني 😏
ضحك جلال وراح باسه من خده
والله انت ظالمني😂
راجح...أتمني اكون ظالمك يا أبن الكلب يا مجنني😂
سالم...يلا مش هنتأخر
خرج سالم وجلال من القصر و سابوهم مع بعض
شويه وخرجت روح والبنات قعدوا معاهم وطلعت صبا علي اوضتها تحاول تتلم علي أعصابها
وأول ما خرجوا زيد عينه كانت علي الباب مستني صبا تخرج لكن مظهرتش.
راجح...ايه يا بطل عملت ايه هناك.
حكالهم زيد اللي حصل معاه في السفريه وان الشغل ماشي تمام
راجح...طيب الحمد لله كده احنا اطمنا بردوا عايزين نريح دماغنا شويه بقي عشان نفضي لجواز داوود وليلي
ابتسمت ليلي لداوود.
مراد....ايه هتبدأ امته في تجهيز الجناح.
داوود....مستني ليلي تحن عليا وتختار
روح....سيب ليلي عليا انا والبنات هنساعدها في كل حاجه
زهره....الجناح مش هياخد وقت احنا بعد ما نشرب القهوه نقعد معاها نختار اللي هي عيزاه وبعد كده ابدأ فوراً يا داوود عايزين ليلي تيجي بقي😍
ليلي...حبيبتي يازهره انا والله اللي عايزه اجي اكون وسطكم.
قاسم...إن شاء الله تيجي ونوري القصر كله❣️
زيد....بابتسامه طيب انا هسيب اللمه الحلوه دي شويه اطلع اخد شاور واغير وانزلكم.
روح....ماشي يا حبيبي يلا قوم.
زيد....بعد أذنك يا عروسه😉
ليلي....اتفضل يا زيد😂
طلع زيد وهو بيتلفت شمال ويمين علي صبا مكانتش موجوده عرف انها في اوضتها.
راح وقف قدام الباب وبص شمال ويمين يتأكد لن مفيش حد وخبط
ثواني وفتحت ليلي وبصتله بارتباك من غير ولا كلمه🥺
زيد....🤨ازيك يا صبا مسلمتيش عليا فا قولت اجي اسلم عليكي
صبا....ااا لا خالص بس اتلخمت في الأزاز اللي اتكسر وبعدين سبتك عشان تاكل بس اكيد كنت هسلم عليك.🥺
زيد....ايدك كويسه؟
صبا....ااا مالها ايدي
زيد....انتي مش شايفه انها اتعورت
بصت صبا علي ايدها كان فيها دم بسيط.
صبا...ااا انا مخدتش بالي بس بسيطه.
مسك زيد ايدها زيد بسرعه
اتصدمت صبا وبصتله بخوف ااا زيد هي مفيهاش حاجه.
زيد....طيب نضفيها كويس احسن يكون فيها ازاز
صبا...حاضر حاضر🥺
بصلها زيد شويه وسكت
زيد....تمام يا صبا ابقي انزلي تحت وبلاش تفضلي حابسه نفسك في الاوضه هما بيسألوا عليكي تحت
صبا...اا هنزل بس كنت هغير هدومي و هنزل علي طول.
زيد...تمام يلا ادخلي سابها زيد وبعد خطوه
صبا...ااا زيد !!🥺
وقف وبصلها بتنهيده طويله ايوه يا صبا.
قربت منه صبا وبصتله.
زيد...اااا انت كويس اقصد يعني عملت ايه يا زيد روحت المستشفي.
اتنهد زيد وبص بعيد ورجع بصلها بوجع وحزن وقلة حيله💔
زيد....ليه بتعملي فيا كده يا صبا ليه بتحمليني فوق طاقتي انا تعبان يا صبا اوي من وقت اليوم اللي ايمن مد ايده عليكي فيه وانا مش ملاحق يا صبا مش ملاحق اطيب جرحك اللي انا معرفش عنه حاجه مش ملاحق احزن علي اخويا مش ملاحق اتصدم علي خبر انتحاره مش ملاحق اتصدم في مشاكل سالم ولا مشاكل نادر ولا مشاكل يوسف ومراد مش عارف اتخطي وجع فرح ولا عارف ارتاح ثانيه للمصايب اللي نازله علي دماغي في الشركه وغيرهم كتير حجات متعرفوهاش صبا انا تعبان بجد ونفسي ارتاح اوي ويوم ما فكرت اني ممكن ارتاح من مشكله واحده وسافرت عشان اعرفها اطمني يا صبا معرفتهاش و مرضيوش يطلعوا اي سر لأيمن
مبقاش في حاجه في ايدي اعملها ومعملتهاش و انتحار اخويا بقي سر محدش يعرفه غيرك
وراحتي بقت في ايدك صدقيني ياصبا لو حد من اخواتي كان عرف ان ايمن مات منتحر مكانش سكت وكان زمان الكل واقف يستجوب فيكي ومكانوش هيسيبوكي غير وهما عارفين
انا حميتك ياصبا من الضغط اللي كنتي هتبقي فيه اشتريت راحتك بسكوتي وانتي شيفاني قدامك تعبان ومش عايزه تريحيني💔
صبا...بدموع زيد انا اسفه صدقني انا مقصدتش اعمل فيك كده صدقني يا زيد لو كنت اعرف انك موجود في القصر وقت اللي حصل مكنتش طلعت صوت🥺
زيد....للدرجادي يا صبا كان عندك استعداد تموتي في ايده ولا ان حد يعرف اللي بيحصل بينكم
صبا...واكتر يا زيد انا مش عايزه اشوفك كده ولا عارفه اريحك ازاي🥺💔
زيد...قوليلي اللي انتي شيلاه يا صبا وصدقيني مهما كان هو ايه محدش هيعرفه ومهما كان حجم السر ده اتأكدي اني مش هتغير معاكي حتي لو كنتي سبب في موت ايمن.
صبا...بدموع كفايه بقي ارحمني قولتلك الف مره انا مليش ذنب في اللي حصل ولا انا كنت سبب في اي حاجه حصل مشاكل كتير بينا ومحدش كان يعرف عنها حاجه وعمرها ما وصلت ان ايمن ينتحر كل مره كنت بسكت وكانت بتعدي صدقني يا زيد لو انت مكنتش موجود يومها مكنتش هتبقي بتتهمني الوقت اني السبب
كفايه بقي والنبي كفايه انا تعبت
بصلها زيد بوجع وشدها من أيدها من غير ما تحس وحضنها
صبا....تعبت يا زيد تعبت اوي والله ونفسي ارتاح بس مش بايدي اريحك
بعدها زيد عن حضنه ومسك وشها بأيده صدقيني هترتاحي لو اتكلمتي وقسمتي الوجع ده بينا جربيني يا صبا ومش هتندمي فكري يا صبا اقعدي مع نفسك وفكري شويه وانا موجود وهسمعك.
صبا...طيب سيبني شويه وبلاش تضغط عليا وصدقني هحاول اقولك 🥺💔
زيد...وانا هستناكي يا صبا هستني اعرف السر اللي شيلاه جواكي ولازم تعرفي اني مبخوفش يا صبا
صبا....وانا عمري ما خوفت منك يا زيد🥺💔
زيد...بابتسامه بسيطه يبقي اتفقنا هستناكي يا صبا وهستني البوم اللي تجيلي فيه وانا واثق انك مش هتندمي💔
سابها زيد وراح علي الاوضه بتاعته وهو حاسس انه تعبان وفضل يفتكر اليوم اللي راح فيه المستشفي ومحاولاته المستميته لمعرفه سبب انتحار ايمن
فكر في كل حاجه ممكن تكون سبب في اللي حصل فكر ان ايمن خان صبا فكر ان صبا خانت ايمن ومنعت نفسها عنها ولما عرف ان اخوه كان عامل عمليه بره فكر انه مش بيخلف وفكر كمان لاول مره ان اخوه ممكن بكون كان عنده عجز جنسي لكن كل مره كان يكدب نفسه ازاي بعد تلات سنين جواز مفكرش يتعالج واشمعني المرادي بعد السنين دي راح يعمل عمليه كدب نفسه تاني وقال مستحيل في سبب تاني يمكن كان بيفكر صح بس توقيت علاجه بالنسباله خلاه كدب نفسه وقال مستحيل لو كان عنده ضعف مستحيل كانت صبا استحملت كل ده مستحيل تتخلي عن انها تبقي ام وتستحمل مستحيل ايمن يكون مفكرش كل ده يتعالج
ولانه مكانش يعرف اي حاجه بتحصل بينهم كدب كل احاسيسه محسش زيد بنفسه غير وهو بينزل نحت الدش يمكن المايه تطفي الصراع اللي داير في عقله
...........
فات وقت بسيط ورجعت من تاني صبا انضمتلهم ورغم وجعها إلا انها ارتاحت عشان زبد معرفش اي حاجه.
في الوقت ده كان نادر قاعد مع الشباب بيضحك ويهزر جاله تليفون من رقم غريب.
استأذن منهم وقام يرد كانت مريم بتحاول تسمع صوته كان نفسها تقوله وحشتني وانها محتجاله كان نفسها تقوله علي خطتها وانها قررت تطلق من عزيز أتمنت انه يشجعها ويقولها اطلقي وانا مش هسيبك.
بس بمجرد ما فتح نادر الخط وقال الو كل الكلام اللي كانت محضراه راح.
نادر....بابتسامه الوو
مريم...🥺🥺
نادر....الو مين معايا.
مريم....💔💔🥺
رفع نادر حاجبه وركز اكتر في الصوت كان سامع صوت انفاس حس إن قلبه بيدق بسرعه فضل يسمع الثواني كانت بتعدي وهما الاتنين ساكتين.
نادر....ااا الووو.
خرجت داده زينب في الوقت ده الجنينه.
زينب....يلا يا مريم الغدا جهز.
مريم....😳😳 قفلت مريم بسرعه الخط وهي ايدها علي قلبها🙈
سمع سمع اكيد سمع لا لا مسمعش حاجه انا قفلت علي طول
زيبنب...أنتي بتكلمي نفسك يا مريم يلا يابنتي عشان تاكلي.
مريم...بغيظ جايه اهو با داده خلاص😫😫
اما عند نادر فضل باصص للموبايل شويه مابين يتصل أو ميتصلش وبعد ثواني بسيطه من التفكير قفل موبايله و راح قعد معاهم من تاني بس وهو شارد سامع اصواتهم كلامهم و ضحكهم بس عقله كان مع مريم حاسس ومتأكد ان هي اللي بتكلمه صوت نفسها قدر يميزه بكل سهوله💔
طلع الموبايل تاني بهدوء وفتح الواتس و كتبلها رساله.
فتحت مريم الرساله وبصتلها وهي مصدومه والدموع بتلمع في عينها🥺
نادر.. انتي كويسه؟
مقدرتش مريم ترد عليه مش عارفه تقوله ايه ولا تقوله انت عارف انا مين اصلاً
سابت الموبايل من ايدها ثواني تانيه وجالها رساله صحت الوجع جواها وجواه.
نادر....انتي فاكره انك حتي لو مقولتيش حرف انا مش هعرفك
صوت نفسك كان كفيل يعرفني انه انتي💔
نفس الصوت ده اللي خلاني أتعرفت عليكي لأول مره صوت نفسك اللي سمعته يوم الزلزال والفندق واقع علينا صوت نفسك اللي خلاني بقيت اصرخ واقول مين عايش وكنتي انتي اول حد يرد عليا ومن يومها يا مريم ونفسك كفيل يعرفني بيكي لو وسط مليون شخص💔
نزلت الدموع من عين مريم بغزاره و سابت الأكل بهدوء وطلعت بسرعه علي اوضتها قفلت عليها الباب وقعدت علي السرير واتصلت بيه
قام نادر بسرعه وبعد عنهم فتح الخط من غير ولا كلمه.
مريم...بدموع يارتنا فضلنا هناك ياريت المطارات مفتحتش انا اتمنيت للحظات كتير تكون انت اخر صوت اسمعه واخر حد امسك ايده أتمنيت حجات كتير اوي ولحد الوقت مفيش حاجه اتحققت
نادر....مالك يا مريم؟💔
مريم....محتجالك اوي🥺💔 انا تعبانه بجد يا نادر يارتني ما قابلتك انا كنت عايشه كنت ديما اقول هيجي يوم وارتاح و يوم ما لقيتك كنت فاكره اني خلاص هرتاح مكنتش اعرف اني هتعب اكتر هتعب من غيرك 🥺 هتعب وانا عارفه انك قريب مني ومش قادره اكون معاك.
نادر....بوجع مريم عشان خاطري متعيطيش أهدي من فضلك مش عايز اشوفك كده مريم اللي انا عرفتها كان بتضحك في عز وجعها ودموعها كانت بتهزر طول الوقت عشان تهون عليا وعلي نفسها الوضع اللي كنا فيه.
مريم....كنت بمثل عليك وعلي نفسي او يمكن كنت بقوي بيك عشان عارفه انك معايا🥺
نادر...وانا وعدتك يا مريم مش هسيبك وهفضل جمبك أي وقت تحتاجيه
مريم....طيب ليه بعدت من ساعت ما قابلتك انا عارفه انك لسه زعلان مني بس انا محتجالك اوي
نادر....لا يا مريم انا مش زعلان منك بس انا قولتلك انتي بالنسبالي واحده متجوزه وانا مقدرش ادخل بينك وبين جوزك إلا لو احتاجتيني💔
مريم....وانا محتجالك ومش عايزه اكون معاه يا نادر💔🥺
نادر....وبردوا انا قولتلك خدي قرار يا مريم ولازم تتأكدي انك اول ما تاخدي قرار هكون اول واحد واقف في ضهرك وفي وش اي حد يفكر يمس منك شعرايه فاهمه يا مريم.
مريم...فاهمه🥺💔
نادر....بطلي عياط بقي
مريم...حاضر🥺
نادر....يلا هسيبك الوقت عشان تهدي سلام يا مريم💔
قفلت مريم وفضلت تعيط سمعت منه كلام حلو لكن مسمعتش منه الكلام اللي هي عايزه تسمعه و حست ان نادر اتغير عشان عرف انها متجوزه وقررت تسمع كلامه وتاخد خطوه وتقرر هي عايزه ايه ومش بس عشان تبقي معاه عشان نفسها وعشان تخلص من الكابوس اللي مش قادره تصحي منه🥺
............
قرب زيد من نادر اللي فضل قاعد زي ما هو بعد ما قفل معاها
دموعه نزلت بوجع من غير ما يحس بزيد واول ما حس بيه مسح دموعه بسرعه وأبتسم
نادر...ااحم تعالي يا زيد اقعد
قعد زيد جمبه علي حجاره كبيره حوالين الزرع وبصله وهو مبتسم.
زيد...علي فكره مش عيب انك تعيط ولا عيب إن دموعك تنزل
اوقات كتير يا نادر لما بنحس بقلة الحيله مبيبقاش في أيدينا غير شويه الدموع فا مش مستاهله اننا نتحكم في الحاجه اللي بتريحنا شويه.
نادر....انا تعبان يازيد اوي و مستغرب حالتي دي اوي
انا اول مره اكون كده صدقني انا بحاول اضحك و أهزر و أخلي يومي زي ما كان بس انا قلبي في وجع كبير مش عارف أتجاهله
زيد....ومين قالك تجاهله يا نادر ومين فينا اصلاً بيقدر يتجاهل وجع قلبه لو قدرت تتجاهل وجع قلبك يا نادر يبقي انت اصلاً متوجعتش طول ما الوجع مآثر فيك يا نادر يبقي هو كبير فعلاً
نادر....طيب اعمل ايه انا مفيش حاجه في ايدي اعملها مريم تعبانه اوي يا زيد لسه قافله معايا ودي اول مره تكلمني مكانش معايا رقمها اصلاً ابتسم من وسط دموعه وبص بعيد تخيل اني عرفتها من صوت نفسها كان نفس الصوت اللي سمعته و الزلزال مدمر كل حاجه فوق دماغنا وقتها سمعت صوت نفس ضعيف ولما عرفت انها عايشه حاولت امسك ايدها و من يومها ومريم اقتحمت قلبي من غير ما أحس لما سمعتها الوقت نفس الشريط مر قدام عيني كان نفسي اكون قدامها واخدها في حضني واطمنها زي ما طمنتها قبل كده🥺💔
زيد...بوجع طيب تصدق بالله انا حاسس ان البت دي هتكون من نصيبك ومتسألنيش ازاي.
نادر....يمكن انا بتمني ده اوي بس كل اللي هاممني الوقت اني اريحها انا بقيت اخاف عليها من عزيز خايف يعمل فيها حاجه.
زيد.....هيعمل ايه بس المهم خليك معاها من بعيد عشان هو فعلاً لو حس بحاجه بينكم هيأذيها بجد
نادر....طيب والوقت اعملها ايه عشان اريحها انا مفيش في أيدي حاجه يا زيد حتي التفكير مش عارف افكر.
زيد...سيب كل حاجه علي ربنا وصدقني هو اللي هيحلها من عنده حاول تطمنها علي قد ما تقدر ولازم تعرفها انك مش هتتخلي عنها مهما حصل مريم الوقت حاسه بالضعف خليك انت قوتها❣️
نادر....حاضر يا زيد💔
زيد...افرد بوزك ده بقي بص علي البوابه لمح سالم وجلال داخلين علي الموتسيكل 😂😂 اهو حالك اللي هيضحكك تعالي نفرح فيهم وابوك بيعلقهم
نادر...نهار اسود ايه الجنان ده🙈
زيد...تعالي تعالي 😂😂
.............
راجح....يعني ايه بتاعك يا ابن الكلب😡
ياسين...الله شكله جامد اوي ما تجيب لفه
يوسف...وانا كمان عايز لفه.
امير...مليش فيه انا عايز واحد😂😂
راجح...شوف ولاد الكلب التلاته انا ببول ايه وهما بيقولوا ايه ما تنطق ياض منك ليه بتاع مين ده
سالم...انا مليش دعوه ده بتاع جلال🙄
جلال....احيه بعتني كده بسهوله😒
روح....انت اكيد اتجننت انت وهو موتسيكل يا سالم جايب للمجنون ده موتسيكل لا لا انا خلاص مبقتش مستحمله انا لازم اسيب البيت ده ده بيت مجانين🙆♀️
جلال....تصدقي بالله لو جيتي خدتي لفه ورايا هيعجبك اوي
روح...😡😡لفه عايز تاخدني لفه ليه مستغنيه عن عمري
راجح...البتاع ده يرجع و إلا والله انت وهو هتباتوا في الشارع😡
سالم...الله وانا مالي ابنك هو اللي عايزه🙄
راجح...وانت يا عاقل رايح معاه تجيبه.
جلال....هو اللي دفعلي الفلوس😂😂😂😂
راجح...كماااان🤨
مراد...بضحك في ايه بس يا راجح هو مش بيعرف يسوق
راجح....ده مجنون وهيعمل بيه ميت مصيبه انت ياض مش قولتلي قبل كده عليه وقولتلك لا
جلال....حصل
راجح...وهو بيحدفه بالمايه ولما هو حصل يا ابن الكلب جبته من ورايا ليه😡
جلال...😂😂😂اخويا الكبير راح معايا🙄
راجح...ده كبير بزمتك انت كبير.
سالم....انا محصلش قاسم هو الكبير😂😂
فرح بصوت واطي بقولك ايه انت هتاخدني لفه ماشي😍
جلال...بضحك علي حسب لو ابوكي مطردناش اوعدك هشغله بالنفر في الجنينه هنا😂😂
ضربته فرح علي كتفه وهي بتضحك كمان هتاخد مننا فلوس علي اللفه.
جلال....طبعا مش بنزين بيروح في الارض😒
راجح....انت يا ولد واقف تضحح وتتوشوش وانا هتنقط بسببك
جلال...الله عايز مني ايه بقي
راجح....شوف قلة الادب هعوز منك ايه يا ابن الكلب😡
داوود...قرب من جلال وهو بيتفرج علي الموتسيكل ده بيتركب ازاي ده
جلال...سهل متقلقش هعلمك بس حنن قلب اخوك عليا.
داوود...سيبك منه هيديك كلمنين في عضمك انت وسابم وهينسي المهم البنزين فين والفرامل فين
جلال...البنزين في الايد وتحت الفرامل
داوود...حلو ده ما تجيب اجرب
جلال...تصدق بالله انت هتبقي التالت بتاعنا وهنطرد سوا ما تهدي ياعم داوود وقت لفه ده😒
مراد...ماخلاص بقي يا راجح نبه عليه بس يشوق بهدوء.
راجح...وده يعرف تنبيه ولا بيسمع الكلام😡
روح....علي جثتي يفضل البتاع ده هنا😡
زيد...بجديه متزعلش مني يا باشا دي غلطتك انت لو مسيطر علي الواد ده مكانش عمل كده بس هقول ايه الغلط علي الكبير العاقل اللي سمع كلام عيل صغير🙄😂
راجح...صح هو بيتكلم صح العيب علي الكيير اللي فكرته كبير
قاسم....ما تهدي يا حقنه😂😂
زهره....أقطع دراعي لو مكانش زيد عارف😂😂
زيد...انا خالص
سالم...لا يا شيخ ما انت كنت واقف امبارح معانا لما...🙄
زيد...ايوه هو ده مربط الفرس لما ايه قوله😂😂
سالم....بصوت واطي ابوس راسك مش وقت تسخين يا سوسه😂
جلال...يا جدع استني ده لسه بورقه
داوود...هات بس اوعي كده😒
ركب داوود عليه وشغله وخد بيه لفه.
راجح...اتفضل اللي كنت بضرب بيه المثل في العقل عليه العوض ومنه العوض😒
روح....اتصرف يا راجح يا انا يا البتاع اللي ولادك راحوا جابوا ده.
دقايق بسيطه وكانت روح وراء جلال وشعرها طاير وبتضحك ومبسوطه
جلال....ايه عجبك
روح...انا مبسوطه اوي اول مره اركبه😍😍😍
وقف راجح يلحقهم شمال ويمين خايف علي روح
راجح...نزلها يا ابن الكلب هتوقعها
جلال....علي جثتي دي فرصتي قول بعلو صوتك انك وافقت عليه
راجح...انت بتساومني يا ابن ال...
جلال...اشتم اشتم طب تصدق هخرج بيها من القصر وهمشيها بيها في الشارع
راجح...طب نزلها خلاص ياولد مش قادر اقف
روح...ده طلع حلو اوي يا راجح.
جلال...قوليله 😒
راجح...يا مثبت العقل يارب
مراد...بضحك😂😂😂 ده لو قفشك هيعلقك.
جلال....ليه يعني الحق عليا بحاول افكر صح وبعدين ده باب رزق هشغله بالنفر واجيبلك حقه في يومين😒
راجح....نفر يا أبن الكلب أنت سايق ميكروباص ابقي شغل معاك سالم تباع😡
سالم.....واد يا جلال متنساش تبقي تخلي معاك فلاشه عليها اغاني البحراوي عشان لما اركب معاك.
راجح....امشي يا ابن الكلب انت كمان
جري من قدامه سالم وهو بيضحك وكلهم ميتين من الضحك
لحد ما اخيراً وقف جلال ونزل روح
قفشه راجح من قفاه والله لا هقطعك.
حضنه جلال من وسطه والنبي وحياة اسمي الغالي😂😂
ابتسم راجح نص ابتسامه الوقت بقيت عاجبك الاسم وبتحلفني بيه😒😒
قاسم...خلاص بقي يا باشا سيبهوله هو بس يخلي باله
راجح...والله يا جلال مع اول خبطه او وقعه ليك ما هتركبه تاني عايزه يفضل معاك تمشي براحه.
جلال ..هو ايه اللي مع اول وقعه افرض موت 😒
ضربه راجح علي راسه قول حاضر قول حاضر مره في حياتك من غير طولة لسان يا ابن الكلب
جلال...بضحك تصدق اهو بسبب الكلبه دي بقي عندي موتسيكل😂
راجح...يعني ايه🤨
سالم...ااا سيبك منه ده هبل هتسمع كلام اهبل🙄
زيد....سكتت انت كده يا باشا خلاص اسمع مني ابنك بتاع مشاكل ومش عاقل
سالم...يا اختااااي بوتجاز
جلال...وسع كده بس وسع هو ديته لفه هيبقي في صفنا.
زيد...بضحك بترشيني ياض🤨
جلال...طبعاً انتوا عيله مرتشيه اصلاً يلا يلا اركب .
طلع زيد علي الموتسيكل كان شكله يقتل 😍
فرح....يالهوي علي القمر تصدق بالله هو لايق علي زيد اكتر😍
جلال...امشي يا بت من هنا امشي ابقي خلي زيد يا جزمه يركبك😒 قال لايق علي زيد اكتر قال هو تيشرت.
ضحك زيد ودور وفضل يروح ويجي بيه ويلف ويميل بيه اوي كانه سايقه قبل كده كتير
وقف زيد قدامه تاني .
حلال...اتفضل يا باشا ابنك سواق محترف شوف كان بيسوقه فين بقي😒
زيد...فرح اركبي انتي وجنه عشان مضمنهوش😂
ركبوا وراه وهما فرحانين وفضلوا يلفوا شويه
قاسم....طب وانا مليش نفس
جلال...يا باشا ده بتاعك
ركب قاسم وخد لفه.
زهره...طب وانا
قاسم...لا لما تولدي🤨
زهره...لفه صغيره🙏🏻😍
قاسم...طب تعالي😂
ركبوا كلهم وفضلوا ياخدوا لفه كل واحد فيهم وفرحانين بيه حتي روح.
راجح...مش عارف انا ايه الانبساط ده كله😒
روح....حلو اوي بصراحه.
راجح...اوعي كده انت وهو وروني البتاع ده بيتركب ازاي🙄
جلال...وهو بيسقف ايوه يا راجح باشا يا جن😂😂😂
بصله راجح بقرف😒😒🤨
جلال🙄🙄🙄 اركب اركب يا باشا😂😂
يوسف...استني اركب ورايا
ركب راجح وراء يوسف واترسمت علي وشه ابتسامه خده لفه ورجعه.
جلال...ايه رايك بقي😉
راجح...ااا يعني مش بطال حلو بس انا عند كلامي اياك تسوق بسرعه مفهوم🤨
ضحك جلال وحضنه😍
فضلت فرح وجنه يزنوا تاني عشان يركبوا ركب زيد وخد كل واحده فيهم لفه تاني وكانوا مبسوطين.
زيد...خلاص بقي اتهدوا شويه 🤨
جلال...استني صبا لسه مجربتش كله جرب معادا هي.
بصتله صبا😳 وبعدين رجعت بصت لجلال وليهم لا لا لا انا مليش في الكلام ده
جلال...جربيه
بصلها صبا بأبتسامه بسيطه.
صبا...لا اجرب ايه انا بخاف
روح....ده حلو اوي جربيه يلا.
صبا...لا لا بخاف ياروح والله.
مراد....يابت ماهي زهره ركبت وجريته يلا جربيه.
جلال...والله ما يحصل لازم العيله كلها تجربه وحتي فيروز لما تيجي هتجربه يلا بقي.
صبا...ااا انا لا والنبي بلاش
زيد....متخافيش.
بصتله صبا وهي مش عارفه تقول ايه.
مدلها زيد ايده تعالي يا صبا متخافيش❣️
قربت صبا بهدوء بعد زنهم كلهم مسكت ايده بهدوء وطلعت وراه
لف زيد وشه بهدوء وبصلها امسكي فيا.
صبا...انا كده كويسه متقلقش ويلا بسرعه بقي والنبي عشان انزل.
زيد...انتي حره🤨
داس زيد بنزين واول ما الموتسيكل اتحرك صرخت صبا و من غير ما تحس لفت ايدها الاتنين علي وسطه بكل قوتها.
ابتسم زيد وكأنه طاير ❣️
في اللحظه دي نسي كل حاجه وكأن ذاكرته أتمحت منها اي حاجه وحشه ومبقاش فيها غير ان صبا راكبه وراه وحضناه
فضلت صبا تصرخ.
صبا....زيد نزلنيييييي😫
جلال...بضحك اوعي تنزلها😂
صبا...لو نزلت هكسر دماغك بايدي يا جلال الكلب😫😫
زيد...😂😂😂
جلال....بتقول علي اخوك كلب اوعي تنزلها روق عليهاااا يا بطل💪💪💪😂😂
روح...ياواد اسكت البت هتموت من الخوف😂😂😂
سالم....الواد ده عرف يسوق ازاي🤔🤔🤔 يا ابن اللعيبه يا زيد
مراد...طالع لعمه بيدكن كل حاجه لحد ما تيجي لحظتها😎
داوود...هتقولي😂😂😂
راجح....خلاص يا زيد انت يازفت ياللي اسمك جلال قوله خلاص مش سامعني من صوت البتاع ده.
جلال...سيبه يروقها شويه دي شتمتني😒
راجح....ما انت مهزأ ايه الجديد
جلال...لا في جديد بقي عندي موتسيكل كلكم اتهبلتوا عليه😒
روح...وكده بقيت مهم يعني😂
جلاا...طبعااااا😂😂😎 زود يا زيييييد.
صبا....زيد نزلني بقولك نزلنيييي
زيد....😍😍😍❣️
صبا...انت مبتردش ليه انت مش سامعني نزلني بقولكك لا هطين عيشتك انت كماااااان.
زيد....🤨🤨🤨🤨😈
ابتسم زيد ابتسامه خبيثه وبص علي البوابه الكبيره لقاها مفتوحه.
رجع تاني قدامهم بقول ايه مش هتأخر🤨
راجح...علي فين يا ولاااا🤨
زيد....جاي متقلقش
صبا....الحقني يا خاااالوو
زيد داس بنزين جماد وخرج بيها من البوابه ومشي في الشارع.
صبا...بقت تتلفت شمال ويمين وهي مصدومه انت بتعمل ايه انت رايح فين يا زيد😫 رجعنييييي بقولك
زيد....لما تبطلي تصرخي في ودنييييي😠
صبا....زيد رجعني لا اما هيبقي يومك مش معدي😫😫
ضحك زيد وفضل ماشي في وسط الشوارع الهاديه والڤلل
ركن زيد علي جنب في مكان هادي
صبا....اشهد ان لا إلا إلا الله🥺 حرام عليك وقفتلي قلبي
نزل زيد و هي نزلت وهي ماسكه قلبها راحت سندت علي السور
صبا....حرام عليك انا مستحيل اركب البتاع ده تاني حتي لو هرجع مشي😫
قرب منها زيد كانت مغمضه عينها وبتاخد نفسها وهرياهم شتيمه بصوت واطي لكن مسموع
صبا...منك لله يا جلال الكلب لما ارجعلك هوريك شغلك انت والمجنون اخوك😫
وقف زيد قدامها وهو باصص علي ملامحها بحب قرب ايده من شعرها بهدوء رجعه وراء ودنها وهو باصص عليها.
زيد....مين ده بقي اللي مجنون.
فتحت صبا عينها بسرعه وبصتله وأرتبكت اكتر وهي شيفاه واقق قدامها ومقرب منها كده.
صبا ...اااا مش انت وكملت بعصبيه مصطنعه بتحاول تداري ارتباكها لا انت بقي علي فكره ومس هخاف منك ماللي عملته فيا ده جنان.
ابتسم زيد بحب وقرب منها اكتر مكنتش اعرف انك خوافه كده
صبا...اااا انا مش خوافه بس
زيد...قوليلي صحيح وانتي راكبه كنتي بتقولي هتطيني عيشة مين😉
ابتسمت صبا وبصتله لا مش انت انا اقصد جلال.
زيد...بس انا سمعتك بتقولي لو منزلتنيش يا زيد هطين عيشتك.
صبا...لا خالص انت سمعت غلط
فضل زيد باصصلها وايده لسه بتمشي علي شعرها بيحاول يظبطه من الهواء في اللحظه دي كان زيد مغيب حرفياً كانها بنته اللي بيحاول يظبط شكلها ويرجعها زي ما كانت.
فضلت صبا بصاله مستغرباه مش قادره تتمالك اعصابها ولا عارفه تسيطر علي دقات قلبها الغريبه في وجوده ولا شعورها برعشه جسمها وقت ما بيلمسها او يكون قريب منها بالشكل ده.
صبا...بتوتر زز زيد ممكن نرجع عشان خاطري.
زيد...بهدوء ونبره صوت تقتل ليه
صبا...ااا يعني اكيد مش هنفضل هنا
زيد...صبا انااا.
صبا....ايه انت ايه.
زيد...لا مفيش بس اقصد يعني هترجعي علي الموتسيكل بردوا ولا خايفه.
صبا....لو هتسوق براحه هرجع
زيد....متخافيش يا صبا انا معاكي واكيد مش هأذيكي❣️
ابتسمت صبا بتوتر وفضلت تهز راسها وهي أيدها بتترعش جامد.
زيد....يلا عشان نرجع مدلها ايده بهدوء.
بصتله صبا وتجاهلت ايده عملت نفسها مشافتهوش وسبقته
ابتسم زيد وركب وهي سندت علي كتفه وركبت.
زيد...امسكي فيا؟
صبا...انت قولت هتسوق براحه انا ماسكه نفسي كويس.
زيد....امسكي فيا يا صبا بدل ما ادوس بنزين جامد.
رفعت صبا راسها للسما وهي هتعيط خلاص نفسها الموقف ده يعدي وتخلص من الشعور الغريب اللي هي حاسه بيه.
قربت صبا ايدها علي وسطه وفضلت تمشي بأيديها بهدوء لحد ما مسكت ايدها الاتنين في بعض وحضنته
شعور اتمناه كتير كان مبسوط بكل لحظه فيه و طاير في السماء مغمض عينه ومستمتع بلمستها وايدها اللي بتضغط علي وسطه
صبا...اا انا جاهزه خلاص.
وفجأه 😳 حست بكف ايده بيمسك ايدها لفوجمبه كله وبصلها بهدوء كان قريب منها اوي.
زيد...ايدك بتترعش كده ليه انتي خايفه بردوا.
صبا...بابتسامه ااا لا خالص انا كويسه جداً ده بس عشان كنت خايفه وووو 🥺 روحني والنبي بقي.
ابتسم زيد غصب عنه وهو باصصلها حاضر يا صبا هروحك
ساب ايدها بهدوء ودور الموتسيكل ومشي بيه كان نفسه الدقايق متخلصش ضربات قلبه كانت هتخرج من صدره صبا كانت حاسه بكل دقه بس مكانتش مركزه معاه من كتر ما هي كانت متوتره من قريها منها بالشكل ده
وصل اخيراً بعد وقت بسيط حاول علي قد ما يقدر يخفي الملامح اللي اترسمت علي وشه
سالم...انت كنت فين.
راجح....ايه اللي خرجك بره يا مجنون زي اخواتك🤨
ابتسم زيد وبص لصبا ابداً بس في واحده كده ركبت ورايا وقالتلي لو منزلتنيش هخلي ليلتك طين فا قولت اخد حقي منها😉
روح...انتي كويسه😂
صبا....انا 🥺 انا زي الفل وبصت لراجح البتاع ده تمشيه من هنا يا خالو والنبي😫
جلال....دي عملت دماغ فل😂😂
صبا...استني عليا يا جلال والله ما هسيبك.
زيد..انا حبيت المزتسيكل اوي ياجلال وبفكر اجيب واحد😉
صبا....😡😡😡تصبحوا علي خير
زيد...وانتي من اهله😂
روح...بضحك العقل في القصر ده في ذمه الله😂😂
عدي اليوم بأمان.
وزيد علي غير العاده طاير ومش قادر يتخطي الموقف واللحظات اللي جمعتهم دي ابدا وقت الفطار
كلن بيحاول علي قد ما يقدر يرجع لطبيعته بس نظراته كانت بتخونه وكل مره عينه تيجي في عينها ترتبك كالعاده وتوقع حاجه من ايدها ويبتسم زيد🙈
بعد وقت بسيط راحوا علي شغلهم.
وبدأوا شغل ومر ساعات وجه وقت البريك.
ياسين....ااااه مش قادر.
ملك...مالك تعبان ولا ايه.
ياسين....ضهري وجعني من القاعده وجعان اوي انتي مش جعانه ولا ايه.
ملك...انا جعانه بس مش عايزه اكل هنا 🙄
ياسين...طيب عايزه تاكلي منين وانا اطلب.
ملك....لا مش من مكان معين بس انا بصراحه كمان مش عايزه اكل الوقت عايزه اخلص شغل عشان اخلص وبعدين اروح اكل.
ياسين....طيب ايه رأيك لما نخلص نروح نتغدي سوا.
ملك...ااا ابوه بس مش هعرف عشان ميار متاكلش لوحدها.
ياسين....لا ماهو جلال قاللي انه هيكلمها ويخرجوا بعد الشغل ومعاهم امير وفرح وجنه بنت قاسم اخويا عشان يوريها الموتسيكل الجديد ويتعسوا سوا.
ملك...🤨مقالتليش ليه؟
ياسين...سيبي البت في حالها بقي
🤨 وبعدين اكيد هتقولك يمكن لسه مكلمهاش
اتصلت عليها في الوقت ده ميار بلغتها بمكالمه جلال ليها وأستأذنتها تخرج معاهم
ملك...ماشي يا ميار روحي يا قلبي واتبسطي وبلاش تركبي وراء المجنون ده انا مش مستغنيه عنك🤨
ميار...😂😂😂 لا متخافيش انا خارجه اصلا عشان اكل
ملك...ياساتر عليكي طفسه خلي بالك من نفسك.
ميار...طيب وانتي هتعملي ايه؟
ملك...لسه مش عارفه هشوف واقولك اوك.
ميار...اوك يلا باي.
ملك...باي.
ياسين...🤨🤨ماقولنا كده قولتي اخرج من البلد
ملك...خلاص كنت فاكره انها طنشتني🙄
ياسين....يبقي هنخرج سوا ماشي.
ملك....ممم ماشي.
ياسين...علي فكره في كمان موضوع عايز اكلمك فيه.
ملك...موضوع ايه
ياسين...قولت لما نخرج🤨
ملك...طيب قولي عن ايه حتي
ياسين...قولت لما نخرج🤨 ويلا روحي كملي شغلك
ملك بصوت واطي ياساتر هينقص
منك حته بعني لما تعرفني
ياسين...سامعك علي فكره😉
ملك...🙂🙂 بعد اذنك.
ياسين...😂😂اتفضلي
.................
خرج سالم من الشركه كان بقاله كام يوم بيفكر ازاي يقدر يشوفها تاني لحد ما جاتله الفكره اخيراً ابتسم ابتسامه شيطانيه وقرر ينفذ خطته.
ركب عربيته وبعد وقت بسيط وصل قدام المطعم اللي هي بتشتغل فيه.
دخل بهدوء قعد علي التربيزه وبص علي النيل وهو مبتسم
دقايق عدت وخرجت شمس من الجزء الداخلي للمطعم وراحت عليه وهي مبتسمه ومعاها المنيو
شمس....مساء الخير ده المنيو شوف حضرتك تحب تاكل ايه وانا مع حضرتك.
ابتسم سالم وشال النضاره وبصلها
سالم...وانا نفسي والله تكوني مع حضرتي😉
شمس...😳😳بصدمه بصت شمال ويمين ورجعت بصتله يخربيتك انت بتعمل ايه هنا يلا يلا قوم امشي ايه جاي تبوظلي شغلي هنا كمان صعبان عليك اني لاقيت شغل و محتجتلكش يلا قوم امشي من هنا بقولك متخليش صوتي يعلي انا مش ناقصه فضايح😡
سالم...بأبتسامه برود فضايح ايه وبعدين مين قالك تعلي صوتك انا لا جاي ابوظ شغلك ولا مضايق انك لقيتي شغل بالعكس انا مبسوط اوي وفخور بيكي كمان براڤو حقيقي براڤو
شمس...😡 يا جدع انت انت ايه اللي حدفك عليا انت ناوي تجلطني بقولك قوم امشي.
سالم...هو المطعم ده بتاعك؟
شمس....اعتبره بتاعي وبقولك امشي من هنا بدل ورحمه امي هيبقي عليا وعلي اعدائي ويغور الشغل وهرتكب فيك جريمه يا سالم.😡
حاول سالم يخفي ابتسامته
سالم...خلصتي؟!
شمس...انا مش فاهمه البرود اللي انت فيه ده انت عايز ايه ياسالم جاي ليه.
سالم...اهو ده السؤال اللي المفروض كنت اتسألته من ساعت ما جيت بس انتي رغايه وزنانه وصدعتيني انا لا جاي عشانك ولا جاي عشان اضايقك
شمس...امال اتهببت جيت في المكان اللي انا بتنيل اشتغل فيه ليه😡😡😡
سالم...ببرود ابتسم 😊جعااااان
شمس...😳نعم وانت مصر كلها داقت بيك وجاي تاكل في المطعم المعفن اللي انا شغاله فيه ده
سالم..ايه معفن بتقولي علي مكان أكل عيشك معفن المدير لو سمحت.
شمس...شششش اسكت يخربيتك
خلاص قول عايز تطفح ايه😡
سالم....متعوده انتي تقولي للزباين عايزين تطفحوا ايه😉
شمس....خدت نفس طويل وهي وشها احمر من كتر الغضب من فضلك قول عايز ايه عشان نخلص من القرف ده😡
سالم....عندكوا ايه حلو😉
غمضت شمس عينها عشان تسيطر علي غضبها ورجعت بصتله
شمس....في سم هاري😡
سالم...لو من ايدك موافق😉
شمس...بتنهيده انا قربت افقد اعصابي انجز كل حاجه موجوده المنيو قدام عينك 😡
سالم....أهي دي بقي اكتر حاجه بتضايقني المنيو مليش فيه بحب اما اروح مكان اسلم نفسي للويتر واقوله اكلني علي ذوقك انت والشيف عشان كده انا هسبلك نفسي خالص واكليني علي ذوقك
شمس.....يارب تكون اخر مره تاكل فيها😡
سالم...بضحك المهم اكل من ايدك واه صحيح الاكل انتي اللي تحيبيه لو حد تاني غيرك جابه هجيلك😉
شمس....بغيظ وبصوت واطي وهي ماشيه تبرطم ربنا ياخدك
سالم...ويجبني عندك سمعتك هااا🤨 بقول ايه
بصتله شمس😡
سالم...متنسيش تزودي السم😉
شمس....😫😫 حسبي الله
غابت شمس شويه وفضلت واقفه بعيد في مكان ميعرفش يشوفها فيه
شمس....جاي ورايا تاني مش لاقي حجه تيجي بيها خلاص جاي في المكان اللي بشتغل فيه عشان تطفح 😡 ربنا ياخدك يا شيخ عشان ارتاح منك.
دقايق وخدت الاكل هي وبنت تانيه البنت حطت الاكل بسرعه ومشيت اما شمس بعد ما نزلت الطبق الاخير بصت عليه بغيط😡😡 كان بياكل وهو مش سأل فيها
شمس...لا بقولك ايه انجز بسرعه مش هتقعد تاكل براحه كده😡
سالم....ما تيجي تزغطيني احسن🤨 يلا بقي يلا أتكلي علي الله من هنا مش عارف اكل وانتي و قفالي كده 😒
شمس...😳😳
مشيت شمس وهي مش طيقاه ولا طايقه نفسها.
خلص سالم الاكل وطلب قهوه راحت بنت تانيه ودتلوا طلبه ومشيت.
اتصل عليها سالم مرتين مكانتش بترد في التالته ردت.
شمس...عايز ايه؟
سالم...ولا حاجه بس بعد كده لما اطلب حاجه تجيبيها انتي وبعدين الصح لما يروح زبون اي مكان من اول ما يوصل يفضل يتعامل معاه نفس الويتر ولا انتي مشتغلتيش في اماكن كويسه قبل كده.😉
شمس....لا والله بتعلم منك😡
سالم....طيب كويس يلا بقي تعالي
شمس...اجي فين يا جدع انت انت هتصاحبني وايه بعد كده دي انت ناوي تيجي هنا تاني.
سالم...ثواني تكوني قدامي.
وقبل ما تتكلم قفل.
شمس...ااااه😫😫 ربنا ياخدك يا سالم الكلب
راحت عليه بهدوء وقفت وهي ساكته.
سالم....ايه مفيش بالهنا والشفاء هفضل اعلم فيكي كتير كده.
شمس...من بين سنانها بالسم الهاري ان شاء الله 😡
سالم....تسلمي😉 الاكل حلو اوي صحيح المره الجايه ابقي اجرب حاجه جديده بقي.
شمس....بقولك ايه لا تانيه ولا تالته قولتلك مش عايزه اشوف وشك تاني 😡
سالم...والله انا جاي أكل مش جايلك بيتك
شمس...تمام يا سالم انت قررت تلعب معايا صح🤨
سالم....بصراحه اه😉
شمس ..بأبتسامه شكل المايه اللي وقعت علي راسك مجابتش مفعول 😊 وبما انك قررت تلعب معايا فا انت اللي اختارت يا باشا.
ابتسم سالم...😉😉 وامي دعيالي كمان حط سالم الفلوس علي التربيزه وقام.
شمس...استني عندك 😡 خد باقي فلوسك دي
سالم...دي مش ليكي دي للبنت اللي جابت القهوه مبتسمه كده وعارفه اصول الشغل مش عامله فيها جودزيلا اوعي كده من قدامي بلا كلام فاضي😒😒
مشي سالم وهو بيضحك وفضلت شمس واقفه مكانها متنحه😳
جودزيلا انا جودزيلا يا سالم الكلب😡 وديني لا هربيك
- يتبع الفصل التالي اضغط على (رواية احفاد الطوبجي) اسم الرواية