رواية غرام النمر الجزء الثاني 2 الفصل التاسع 9 - بقلم جنة ياسر

 رواية غرام النمر الجزء الثاني 2 الفصل التاسع 9 - بقلم جنة ياسر 

✨البارت التاسع ✨

✨روايه عشق اولاد النمر ✨

✨ غرام النمر 2 ✨️

                        ~~~~~~~~~~~~~~~~    

"في قصر النمر " كان جاسر وصل الي القصر وماسه واسر كانو يسيرون خلفه ودخلوه الي القصر و تفاجاؤا عندما رأئوا جميع العيله الحديدي متواجده ..

ماعدا الاحفاد ...

يونس توجه الي جاسر وكان ممسك بعصاه بيده 

ثم قال : حمدالله على سلامتكم ....ماسه حبيبتى انتي كويسه حصلك حاجه ..

ماسه : الحمدلله يا جدو انا كويسه.  

غرام توجهت الي ماسه وحضنتها بقوه وكانت بتبكي 

ثم قالت : بنتي حبيبتي انتي كويسه عملوا فيكي حاجه ..

ماسه بعدت غرام ثم وضعت يدها علي وجنتها تداعبها

ثم قالت : انا كويسه يا مامي الحمدلله اهدي متخافيش 

عشق وهمس  ركضوا علي ماسه و احتضنوها 

عشق بحب : حمد لله على السلامة يا ماسه بجد كنا خايفين عليكي اوي . 

ماسه ابتسمت ثم ملست علي شعر عشق ..

ثم قالت : انا كويسه يا حبيبتى متقلقوش عليا . 

ادهم : حمدالله سلامتك يا ماسه ....هو ازاي يا جاسر عرفتوه توصلوا ليها اللي عرفتوه من غرام والولاد ان طلبوا منك فديه ..

جاسر بتعب : تتبعنا تليفونها ومن السلسله اللي لبسها فيها جبي اس ...بس لما وصلنا ملاقناش اي حد من اللي كانوا خاطفينها هربوا ..

ادهم : اكيد يا جاسر انت مش هتسبيهم مش كدا 

جاسر بشر : اكيد مش هسيبهم وهوصل ليهم وياوليهم مني .. .. تعبناكم كلكم معانا ..

إلياس : متقولش كدا يا جاسر ...انا اصلا مدايق منك انك مبلغتناش يعني نعرف بالصدفه ..

جاسر : مكنتش عاوز اتعب حد معايا انتو فيكوا اللي مكفيكوا..

يونس بغضب : دول اخواتك يا جاسر مش حد ..

جاسر : انا مقصدش يا بابا انا مكنتش فاضي ان اتصل وابلغ حد انا كنت كل همي اوصل لبنتي وارجعها....والحمد لله رجعت 

شهد : الحمدلله يا حبيبي وربنا يحفظهم ويبعد عنهم اي حاجه وحشه يارب ..

إلياس : طيب يلا ديلان نمشي عشان نسيبهم يرتاحوا ...

ديلان : حاضر ..

ثم توجهت الي غرام وقال : حمدالله على سلامه ماسه يا حبيبتى عاوزاك تهدي حالك بقي لان باين عليكي تعبانه ..

غرام : الحمدلله انا روحي رجعتلي تاني لما شوفت بنتي ..

ديلان ابتسمت ثم قالت : الحمدلله يا حبيبتي..

ثم حضنتها ..

تاج : اوعي يا ديلان اما اسلم انا كمان عليها ..

ثم بعدت ديلان وتاج حضنت غرام ..

ثم قالت بمزح : عاوزاكي تفرفشي كدا شويه شكلك مش عاجبني ...خلي بالك الرجاله كل ما بتكبر بتخيب انا خايفه يا حبيبتي عليكي لجاسر لاسمح الله يتجوز عليكي ...

غرام ضحكتي : لسه زي مانتي يا تاج متغيرتيش.  

تاج : لا يا غرام كبرت يا اختي انا نفسي ارجع أصغر تاني ..

ديلان : كبرتي ايه مانتي لسه صغيره اهو ...يلا تاج نمشي عشان نسيب غرام ترتاح ..

تاج قالت : زي ماقولتلك يا غرام فرفشي هااا خلي بالك انا نصحتك 

غرام ضحكت ثم قالت : حاضر متقلقيش ههه

الجميع خارجوا خارج القصر ولم يوجد أحد غير جاسر وغرام واولادهم ..

غرام : امال فين اسد يا جاسر هو مش كان معاكم ..

جاسر كان ينظر لماسه وثم قال : راح يوصل واحد صاحبه...اصل طلع صاحبه كانوا خطفينه مع ماسه 

غرام بعدم فهم : نعم مش فاهمه حاجه 

جاسر : تعالي نطلع فوق وانا هبقي افهمك كل الموضوع .  

ثم وجه كلامه لماسه : وانتي كمان روحي ارتاحي يا ماسه ..

ماسه بلعت ريقها ثم قالت: ححاضر..

ثم ذهبوا جاسر وغرام الي غرفتهم في الطابق العلوي ..

اسر : انا طالع انا كمان ارتاح منمتش من امبارح ..

ثم ذهب هو الاخر ..

أوس توجه الي ماسه ثم قال  : انتي كويسه يا ماسه 

ماسه بابتسامه : كويسه يا حبيبي طمني عليك انت بقيت احسن شيفاك اتخليت عن العجاز..

أوس: اه الحمد الله احسن من الاول وبكره راجع المدرسه من تاني ..

ماسه : طيب كويس 

أوس : انا هطلع انا كمان انام 

ثم توجه الي الدرج وطلع الي فوق ...

ديما بمزح : هااا يا ماسه احكيلنا عن مغامرات الخطف شعوره حلو وله وحش 

ماسه بضحك : مغامرات ايه اللي انتي بتقولي عليها دي ...

همس :  روحي يا ماسه ارتاحي  سيبك منها دي واحده مهوسه بالروايات معلش ..

عشق : مالها الروايات يا ست همس ...ثم كملت بخبث وقالت : الروايات دي اللي حلت ليكي مشكلتك وخلتني اقول افكار هاااا فهماني طبعا ..

همس برقت وقالت : بس يا عشق يا حبيبتى انتي بتقولي ايه شكل النوم مأثر عليكي . 

ديما نظرت لماسه وقالت : انا حاسه ان في سر ما بينهم ومش عاوزينا نعرفه صح يا ماسه 

ماسه : ايوه صح يا ديما هو في ايه يا عشق مشكله ايه اللي حليتيها لهمس ..

عشق غمزت لهمس ثم قال : تحبي اسيح واقول انك بتحب..

همس ركضت علي عشق ووضعت يدها علي فم عشق 

ثم قالت بضحكه مصنوعه : هههه بس يا عشق بطلي هزار ...بتهزر يلا روحي انتي يا ماسه ارتاحي 

ماسه : لا بقي في حاجه بتحب مين يا عشق .. سيبها يا همس تقول معقول تخبوا علي اختكم الكبيره . 

ديما : ايوه سيبها يا همس انتي مالك ماسكها كدا ليه ..

همس تركتها قالت بغيظ  : عجبك كدا يا عشق اهم فتحوه ومش هيسكتوه غير لما يعرفوا ...انتي بجد رخمه ..

عشق ضحكت ثم قال : عادي يا بنتي ما تقولي انك معجبه ومغرمه كمان

همس صرخت : اسكتي يا عشق بطلي رخامه ..

ماسه : تسكت ليه كملي يا عشق 

همس بغيظ : هو ايه اللي تكمل وبعدين انتي المفروض راجعه تعبانه ومرهقه من ليله امبارح اطلعي نامي يا حبيبتى...

ماسه : لا مش هطلع غير لما اعرف معجبه ومغرمه بمين ..ثم غمزت لها 

همس بغيظ : يووووه انتو علفكره رخمين انا اللي هطلع واسيبكم وعارفه يا عشق لو قولتي حاجه هعمل فيكي ايه انتي حره ..

ثم ذهبت همس الي غرفتها بغيظ ..

ديما : قولي يا عشق بتحب مين امسكها ليها ذله 

عشق : انتي بذات مش هقولك ...انا كنت بهزر معاها مفيش حاجه من اللي اتقالت دي حقيقه ...

ماسه : مسيري اعرف كل حاجه و تنكشف انا هطلع انام ...

عشق : خديني معاكي متسبينيش لوحدي مع ديما انا خايفه 

ماسه ضحكت ثم ذهبوا الي غرفتهم ليرتاحو لم يرتاحوا من ليله الامس ..

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

عند حور في الشقه كان صلاح مازال يحاول يقرب من حور وممسك يدها ومكتفها وفجاءه ودون سابق انذار كان باب الغرفه اتفتح بقوه ... اسد كان ملامحه لم تبشر بأي خير عيونه حمرا و عضلاته كانت بارزه توجه الي صلاح وشده من علي حور ثم لكمه بقوه من قوه اللكمه وقع صلاح بالارض ينزف من أنفه ثم لكمه مره آخري  ..كان اسد لم يكون في وعيه الغضب مسيطر وعمي عيونه ...

اسد بغضب : انت ازاي تتجرأ تلمسها يا حيوان ...انا هموتك بايدى ....هخليك تتمني الموت 

حور كانت انكشمت في أنحاء الغرفه وجالسه وضمت ركبتها وواضعه يدها علي اذنها وكانت بتبكي بشده ..

ثم صرخت بشده وقالت : كفايه كفايه ارجوك متموتهوش..

وقف اسد ضرب في صلاح عندما سمع صراخ حور وتركه وكان صلاح فقد الوعي  .. ثم توجه اسد مسرعا الي حور ونزل الي مستواها وكان ينظر اليها واتعصب بشده عندما رأي هيأتها كان شعرها مبعثر وملابسها مشقوقه وكان في خدش عند رقبتها وذراعها ...اسد غمض عيونه بقوه وجز علي اسنانه كان عيونه بتطق شرار و يتوعد لصلاح وسوف ينتقم منه أشد انتقام ...ثم خلع جاكت البدله ووضعه عليها ليغطي ملابسها المشقوقه وساندها لتقف ثم خرجوا الي خارج الغرفه...

يوسف عندما رأي امه ركض اليها مسرعا وارتمي في حضنها وكان بيبكي بشده..واسد توجه الي باب الشقه وينظر الي الحراس ...

ثم صرخ عليهم بقوه : انتو لازمتكم ايه هنا ازاي الكلب ده دخل الشقه انا مأكد عليكم مفيش حد يدخل وله يخرج غيري 

الحارس : صدقني يا أسد بيه مشوفنهوش خالص معرفش طلع امتي اصلا احنا كنا واقفين زي ما حضرتك أمرت ...

اسد : حسابكم معايا بعدين ادخلوا شيلوا وتودوا علي المخزن الخاص بتاعنا وعاوز تروقوه علي الاخر عقبال ما انا اروق عليه كلامي مفهوم 

الحارس : مفهوم يا أسد بيه ...

اسد اوسع لهم الطريق ودخلوه وحملوا صلاح وذهبوا ...

اسد توجه الي حور وكان يوسف جالس علي رجل حور وحاضنها ...

اسد قال : يوسف ممكن تدخل علي جوه عشان عاوز اقول حاجه لماما ..

يوسف نظر الي حور ..هزت له رأسها ان يسمع الكلام ويدخل ..

ذهب يوسف وتوجه الي داخل الغرفه ..

اسد نزل الي مستوي حور ثم قال بحنان : انتي كويسه يا حور ..

حور نظرت له ثم بكت بصوت وهزت رأسها بمعني لا ..

اسد لم يستحمل بكأءها ودون سابق انذار أخذها في حضنه ويطبطب عليها...

اسد : خلاص اهدي انا هندمه علي عملته دي واوعدك اجيبه ليكي تحت راجلك ويترجاكي انك تسامحي...

حور بكأءها زاد وضمت اسد اكثر وامسكت قميصه بقوه وغمضت عينها هي كانت محتاجه لحضن واحد يطبطب عليه وكان محتاجه لاحد تشعر معه بالامان ...هي لم تشعر مع احد بالامان غير والدها وزوجها المتوفي...

اسد كان سعيد بذالك اللحظه في شعور جميل شعر بيه...ضربات قلبه تدق بسرعة طول عمره يخجل ولم يحب يقرب من فتاه ابدا دأئما كان يتهرب منهم وعمره ماقرب من فتاه بهذا الدرجه ..انها الوحيد الذي حركت مشاعره ..

حور فاقت علي حالها وبعدت عنها بخجل ثم نظرت الي الارض ..

اسد بمزح : بعدتي ليه كنتي خليكي شويه ..

حور بخجل : اسفه مكنش قصدى..

اسد في سره : ياريت كان قصدك اوووف ..ثم تنهد وكمل : شكلها غرام دعتلي الصبح ههههه 

حور : هو انت هتعمل في اي 

اسد : هو مين ...

حور : صلاح ..

اسر بغضب : هخليه يتمني الموت 

حور : لو سمحت متأذهوش مهما كان ده جوز اختي مش حابه اختي ..

اسد بغضب قاطعها وقال : ثانيه واحده هو الكلب ده جوز اختك اللي طردك من بيت اهلك

حور بحزن : اه هو 

اسد بشر : ده حسابه تقل اوي ...

ثم قطع كلامه برنه هاتفه برقم جاسر ..نظر اسد الي هاتف ثم بلع ريقه وقال لحور : انا هقوم اعمل مكالمه وانتي قومي غيري هدومك 

حور ابتسمت وقال : ماشي انا بجد بشكرك اوي ...

اسد ابتسم له ثم ذهب الي خارج الشقه مسرعا ليرد علي والده ...ثم فتح الخط 

جاسر بغضب : كل ده يا حيوان عشان ترد ..

اسد : احم اي يا بابا في ايه هو مينفعش متكلمنيش غير لما تشتمني ..

جاسر : اخرس يا زفت انت فين

اسد بكدب : اااه انا في الشركه اصل الاجتهاد نزل عليا فجاءه وقولت اروح الشركه عشان بقالي فتره غايب عنها ..

جاسر بغضب : كداب انت مش في الشركه العب علي حد تاني خمس دقايق يا اسد القيك قدامي سامع !!

اسد نفخ وقال بغيظ : حاضر يا جاسر بيه تؤمر بحاجه تانيه ..

جاسر قفل الخط في وجهه اسد ..ثم نظر اسد الي الهاتف وقال : انا بدأت اشك ان الراجل ده مش ابويا ولاقني علي باب جامع اوووووف 

ثم دخل الي داخل الشقه وتوجه الي يوسف التي كان جالس في غرفه اليفينج ..

اسد قال : بتعمل ايه بطل ..

يوسف بحزن وربع يده عن بطنه وقال : متقولش بطل انا معرفتيش احمي ماما ...وانت اللي بطل عشان عرفت تحمي ماما.  

اسد ابتسم علي كلمات يوسف ثم ذهب اليه واخذه علي رجله ثم قال : مين قال كدا لا انت بطل وبطل جميل مش شرط تكون بطل عشان تحمي ماما لا ممكن تكون بطل عشان مثلا بتسمع كلام ماما في اي حاجه ...مش انت بتسمع الكلام وله لا ..

يوسف : اه بسمع الكلام . 

اسد : طيب شوفت بقي يبقي بطل وله لا  ..

يوسف : طب انا عاوز اكون بطل زيك وعاوز اتعلم ازاي اضرب زي ما انت كنت بتضرب 

اسد بضحك : انت لسه صغير لما تكبر شويه اوعدك اعلمك 

يوسف : انا مش صغير انا كبير 

اسد : ماشي يا عم الكبير ...انا ماشي خلي بالك من ماما 

يوسف : اقعد معانا شويه ...

اسد: معلش يا حبيبي لازم امشي ..

ثم قام اسد ليذهب عندما التفتت رأي حور كانت واقفه ...اسد وقف تنح من جمالها الذي كل مره ينبهر بيه  فسرح في كل شئ فيها وجهها خصلات شعرها الأسود عيونها الأسود كانت جميله للغايه.  

اسد مع حاله :وبعدين بقي هي دايما حلوه كده لا كده في خطر انا لازم اهرب .

اسد ذهب وابتسم لها ثم قال : انا همشي عاوزه حاجه. ..

حور ابتسمت وقال : لا شكرا 

اسد : طيب ممكن اعدي 

حور اوسعت له الطريق وكانت راسمه إبتسامه جميله ..ثم هرب اسد و ذهب الي خارج المبني وركب سيارته وتوجه آلى القصر "

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

"في المساء في قصر النمر "

كان الكل جالس في الريسبشن يشاهدون الفيلم ومستمتعين  وله كأن صار الأمس شئ ... 

اسد قال بصوت عالي  : احم يا جماعه انا عاوز اقول حاجه ...

جاسر : وطي صوتك يا حيوان احنا سامعين علفكره 

اسد : استغفر الله العظيم يارب بجد كده كتير يا استاذ والدي ممكن تحترمني شويه ..

جاسر : اخلص كنت عاوز تقول اي 

اسد نظر لماسه ثم بلع ريقه وقال : ماسه جايلها عريس 

غرام بفرحه: بجد لوووولووووي مين يا اسد وبيشتغل فين وتعرفه وله لا ...

اسد : اي يا ماما براحه كل دي اسئله ...

جاسر نظر لاسد ببرود وقال : جاوب علي اسئلتها ..

اسد : افهم من كدا انك مرحب بالفكره ..

جاسر : مين قال كدا 

غرام : جااااااااااااسر المره دي مش هسمحلك كفايه اللي انت طفشتهوم 

اسد : صدقني يا بابا هو شخص كويس وانا اعرفه شخصيا وحته انت اتعرفت عليه انهارده ...

جاسر : اتعرفت علي مين اخلص اقول اسمه ..

اسد : حمزه القيصري ...

ماسه كانت لم تركز في الحديث وكانت تأكل فشار وعندما سمعت اسم حمزه شرقت ….ثم قالت : اسد انت قولت اسمه اي 

اسد : حمزه القيصري..

ماسه قامت وقالت : انا استحاله اوافق علي الشخص السئيل ده ..

جاسر نظر لها نظره جوهريه : سئيل ليه هو انتي تعرفيه اوي كدا ..

ماسه بخوف  : هاااا لا اه ..آآآه قصدي لا 

اسد : ماترسي علي رأي اه وله لا 

ماسه : اصل هو زي ما قال اتقابلنا مره وعملنا حادثه هي  دي المره الوحيده اللي اتعرفت عليه ومره التانيه لما اتخاطفنا..

جاسر : اسد هو قالك اي بظبط 

اسد : هو قال ان عاوز يتقدم ويدخل البيت من بابه وان حب ماسه وحاسه بحاجه من نحيتها وطلب انك يعني تحدد لي ميعاد. .

جاسر : من مره وله من مرتين حاس بحاجه من نحايتها ..

غرام همست له وقال : عادي بتحصل هو انت فاكر ان كلهم زيك ده انت غلبتني ..

جاسر : اسكتي يا غرام 

غرام : لا مش هسكت اسد خليه يجي بكره واحنا هنقعد معاه 

ماسه : ماما بس انا مش موافقه 

جاسر : هو انتي قررتي بنأن علي اي لا انا وله ماسه موافقين 

اسد : طب اديله فرصه يا ماسه انتي و بابا صدقوني حمزه طيب وانا اعرفه كويس ..

غرام قامت وتوجهت الي ماسه وقالت : بصي يا بنوتي يا جميله قعدي معاه واديله فرصه شوفي يمكن ترتاحي معاه ...

جاسر : متلعبيش في دماغها  بردو مش هتوافق ..

عشق : ااحم انا من رأي يا بابا انت وماسه تقعدوا معاه ولو مرتحتوش لي زي ما ماما قالت خلاص ابقوا ارفضوا

غرام : هو ده اللي بقوله ...عشان خاطري اقعد معاه يا جاسر ...

جاسر سكت وقال : هااا يا ماسه موافقه علي الرأي ده ..

ماسه : اللي تشوفوه حضرتك يا بابا 

جاسر : رأي ان انا مش مرتاح للواد ده انا رفضه

اسد وغرام في واحد : جاااسر.  ...يابابا 

جاسر: اي أنا حر بنتي واجوزها لي اللي انا عاوزه 

غرام : قصدك تخليها قاعده جمبك هو انا مش عرفاك الله يرحمك يا بابا ...اسد بكره تخلي يجي بليل سامع ومحدش هيحط كلمه بعد كلمتي.  

جاسر : نعم يا ختي ...

غرام وهي تبرق له : نعمله عليك يا حبيبي عاوز تقول حاجه ..

جاسر : هاااا اه 

غرام : جااااااسر 

جاسر  : تعالي نطلع ننام ونبقي نتكلم بعدين.  

غرام : ماشي يلا تصبحوا علي خير يا ولاد ..

ثم غمزت لاسد ان يتحدث مع حمزه ويبلغه ان يأتي 

جاسر : يعني انا كدا مش شايفك .

غرام :  يلا يا حبيبي نطلع ننام ربنا يهديك يارب ..

ثم ذهبوا الي الدرج وتوجهو الي غرفتهم 

واسد ذهب يبلغ حمزه بالميعاد ..

عشق : وعندنا عروووسه اختي بقت عروووسه يا ناس 

ماسه : انا مش موافقه اصلا وبطلي يا عشق.  

ديما : ليه مش موافقه اي اللي حصل اول مقابله ليكم ..

ماسه فجاءه تذكرت المقابله كلها وتذكرت تشارجرهم مع بعض و عندما قرب عليها لكي يربط الحزام افتكرت كل شئ ..

ثم فاقت وقالت : لا استحاله اوافق ثم ذهبت الي فوق.  

همس : ايه ده مالها دي 

عشق : جماعه انا مش هيهدالي بال الا لما اعرف كل حاجه تعالوا ورايا ..

ثم ذهبوا هما الاخر وتوجهوا الي غرفه ماسه ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في قصر الحديدي بالاخص غرفه شغف كانت نائمه علي السرير وكانت فاتحه الفيسبوك تتصفح عليه ثم أتت

ماسج من أوس "كان كاتب انتي صاحيه " 

اعتدلت في جلستها ورجعت خصلات شعرها لورا اذنها ثم بعت له ماسج وقالت " اه  "

أوس ثم بعث وقال "انتي وحشتيني "

شغف اتصدمت بشده من تلك الجمله وبرقت لاول مره اوس يبعث لها رساله من هذا النوع ...

اوس بعت ماسج اخر وهو يقول "بقولك وحشتيني مردتيش ليه "

شغف بعتت له ماسج وهي تقول "هو انت كويس يا اوس انت في حاجه اول مره تقولي حاجه زي كدا وله تكون اتلغبطت وبعت الرساله بالغلط انا شغف هاا"

اوس بعت ماسج وقال " لا انا كويس جدا وانا عارف انك شغف واقاصد ابعت الماسج دي ليكي "

شغف مع حالها : هو في اي ماله ده

ثم بعتت ماسه وقالت : "يبقي انت عاوز حاجه "

اوس ضحك ثم قال : والله مجنونه 

ثم اتصل عليها وهي فتحت الخط..

اوس قال : عرفتي منين ان عاوز حاجه 

شغف : يعني انا مش عرفاك 

اوس : انتي ظالمني انا مش عاوز حاجه انتي بجد وحشتيني وحشتيني اوي .

شغف سكتت ووجهها صار احمر ..ثم قالت : وانت كمان

اوس بخبث : انا ايه

شغف : في ايه يا اوس مالك انت مش طبيعي انت اول مره تقولي اصلا الكلمه دي 

اوس : هو انا قولت ايه يعني عادي بقولك وحشتيني ...المهم عرفت ان الفتره اللي انا غايب فيها انتي كمان غيبتي ممكن اعرف ليه ..

شغف : ما انت عارف ان مليش صحاب وانت اللي دايما بكون معاك هروح اعمل اي 

اوس : امممم قولتيلي ليه فين خديجه صاحبتك راحت فين.

شغف : اتخانقنا ..

اوس ضحك وقال : اتخانقتوا فجاءه كدا 

شغف بكذب : اوس انا هقفل عشان هروح احضر العشاء مع ماما 

اوس : ماشي يا شغف روحي بكره اشوفك في المدرسه..

ثم قفل الخط ثم تسطح علي السرير ونام ..

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في اليوم التالي في كليه تجاره انجلش كانت انتهت همس من محاضرتها وتخرج هي صديقتها اسيا وكانو متعبين بشده من المحاضره ..

همس : يا ساتر دكتور رخم طول اوي في المحاضره 

اسيا : اه اوي بجد حاجه تقرف بصراحه مفيش احلي من محاضره دكتور يامان ..ثم غمزت لها 

همس : بطلي رخامه  ..احمم هو انتي شوفتي جه انهارده ..

اسيل بمكر : اه جه وتقريبا هتلاقي في المكتب و ممكن يكون دلوقتي اقاعد مع دكتوره شوق اصل انا شوفتها لازقه في من ساعت ما الدكتور جه واتعين هنا 

همس بغيره :  يعني ايه لازقه في وبعدين تقعد معاه ليه ..انا هروح اشوفه 

اسيا بضحك : هتروحي تشوفي مين استني 

همس كانت ذهبت الي مكتب يامان الخاص ووصلت امامه وكان الباب مفتوح فتحه بسيطه قربت من الباب  ..ثم اتصدمت من الذي رأته واتوجعت بشده ..

"في الداخل كان يامان واقف ودكتوره شوق تحاول تقرب منه ثم بدون سابق انذار ووضعت يدها علي كتفه..

يامان اتصدم من جرأتها ونظر الي يدها الذي موضوعه علي كتفه ثم بعد عنها ..

وقال : لو سمحتي يا دكتور ابعدي عني شويه ميصحش كدا 

شوق بدلع قربت اكتر ثم وضعت يدها علي ياقه قميصه 

وقالت : ليه ميصحش هو انا بعمل اي وهو انت ليه كدا ..

همس لم تستحمل وقررت تدخل ويامان انحرج بشده وبعد عن دكتوره شوق ..

يامان بحرج : خير يا همس في حاجه 

همس بغيظ : كنت عاوزاك في حاجه يا دكتور تشرحالي

شوق بغيظ : بعدين يا حبيبتي الدكتور مش فاضي ..

يامان بتسرع : لا انا فاض..

قطع كلام يامان تقرب شوق منه وتوضع يدها في ذراعه ثم قالت : لا مش فاضي في المحاضر هنقاشها مع بعض شكلك نسيت يادكتور ...

ثم وجهت كلامها لهمس وقالت : يلا يا حبيتي روحي دلوقتي الدكتور مش فاضي ..

همس اتغاظت وعيونها تطق شرار وشعرت بالغيرة بشده

ثم نظرت ليامان وبعد ذالك خرجت بسرعه وهي عيونها تدمع ...اما يامان بعد شوق لكي يركض خلفها ..لكن شوق مسكت يده وقالت : انت رايح فين هي تقرب ليك وله اي 

يامان بغضب : وانتي مالك اصلا انتي ازاي تتجرأي تقربي مني كدا

شوق بدلع : وفيها اي عادي يعني هو انا عملت اي 

يامان: بقلك ايه يا دكتوره الزامي حدك معايا وغوري من وشي وانا مش عاوزك تقربي مني وله عاوز  المحك ..

شوق: هو ليه كل ده عشان حتت طالبه وله تسوي شافتنا وكملت بخبث : وله تكون حبيبتك اووه شكلي عكيت الدنيا سوري يا دكتور 

يامان اتعصب ثم خرج الي خارج ليلحق همس وبالصدفه رأي اسيا صديقه همس ذهب اليها وقال : اسيا شوفتي همس راحت فين ..

اسيا : اه شوفتها خارجه بره الكليه وشكلها مضايق اوي ..

يامان ذهب الي خارج الكليه ليلحق همس هو فقط عاوز يفهمها الموضوع لان لم تحكي شئ لعشق هو مازال يفكر في عشق فقط هو مش عاوز صورته تتهز امام عشق ..

" اما عند همس كانت بتبكي ومتغاظه بشده وكانت بتتحدث مع حالها : انا تعبت بقي خلاص هو مش هيفكر فيا ومفيش امل اهو ده نسي اصلا عشق وبدأ يعمل علاقه جديده ..

همس كانت تسير علي طريق سريع كانت سياره تأتي نحوها وهي لم تركز نهائي كانت شارده ..همس نظرت امامها ونظرت الي السياره التي كان تأتي نحوها .. وهمس في لحظه فكرت في فكره الانتحار ومازالت واقفه امامها والسياره بتقرب عليها بشده ..

همس بحزن : احسن حاجه اني اموت وارتاح....

ثم غمضت عيونها بشده والسياره  قربت منها وعلي وصول اليها لتدهسها .....يتبع 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎🤎

بقلم  / جنه ياسر ✍️🏼

ياتري يامان هيوصل لهمس ويلحقها وله فعلا ممكن تموت ؟؟

وياتري جاسر وماسه ممكن يغيروا رأيهم ويوفقوا وله لا  ...

وياتري اسد هيعمل اي في صلاح هيسيبه وله هيجيب لحور حقها ووممكن حور ترجع بيتها من تاني ؟

هنعرف كل حاجه في البارت الجاي ان شاءالله 🫠🫶🏻

ياريت يبقي تفاعل وتقولوا رأيكم في البارت لان انا مش عاجبني 🥲🤦🏻‍♀️اتكتب من غير نفس بسبب انا مش لاقيه تفاعل وتشجيع غير ناس معدوده اللي بتشجعني وبجد بشكرهم علي كومنتات بتاعتهم ....انا نفسي القي تفاعل اكتر من كده لو سمحتم هي الروايه بجد وحشه ممله مثلا البارت بيبقي طويل انا عاوزه اعرف اي سبب عدم التفاعل ارجوكم جابوا في الكومنتات 🥹🙃

  •تابع الفصل التالي "رواية غرام النمر الجزء الثاني 2" اضغط على اسم الرواية