رواية غرام النمر الجزء الثاني 2 الفصل العشرون 20 - بقلم جنة ياسر
✨البارت العشرون ✨
✨روايه عشق اولاد النمر ✨
✨ غرام النمر 2 ✨️
~~~~~~~~~~~~~~
في غرفه ماسه كان ماسه وحمزه نائمين وكانت ماسه قريبه من حمزه جدا ثم فتح حمزه عيونه ورأي ماسه قريبه منه نظر الي وجهها ثم شرد ...
ثم قال : انا مش عارف اعمل اي ...مش قادر أذيكي حته ابوكي امبارح كنت معاه وكنت واقف معاه وكنت في ضهره ...المفروض ان اذي بس قلبي مجبش انا عاوز انتقم لماما وبابا بس مش عارف ...كل ما ابص لوشك ارجع في كلامي وقلبي يحن.
ثم تنهد ولاحظ ان ماسه بدأت تفوق غمض عيونه ومثل انه نائم فتحت ماسه عيونها وبرقت عندما رأت حالها انها قريبه من حمزه قامت بسرعه ووقفت ووضعت يدها علي شعرها باحراج وقالت : انا كنت نايمه علي الكنبه اي اللي جابني علي السرير...
حمزه فتح عيونه وقال بخبث : انا اللي جبتك.
ماسه جلست علي الفراش وقالت له بغضب : انت ازاي تتجرء تجبني وتخليني انام جمبك.
حمزه نام علي جنبه ووضع يده تحت رأسه...
ثم قال : يعني مش معقول اسيبك نايمه علي الكنبه افرضي كان حد دخل ...كان ممكن يفهموا اي ..
ماسه نفخت وقالت : اوووف ربنا يخلصني منك قريب ...
حمزه : انا ملاحظ انك لسانك طول ...شكلك استحليتي سكوتي وهتبدأي تزيدي فيها اسمعي يا حلوه انا عشان بفهم بالاصول فضلت معاكي امبارح مسبتيش حد من عيلتك وابوكي اللي هو انا بكرهه كره العمل فضلت واقف معاه ...بس ممكن في لحظه اغدر بي و....انا مش هكمل لان انتي عارفه اي اللي ممكن يحصل فاتزبطي احسنلك سامعه ...
ماسه كانت هترد لاكن سمعت صراخ في الخارج....ركضت مسرعا الي خارج الغرفه وشهقت عندما رأت اسد حامل همس وكانت مجروحه في يدها.
ماسه قالت بصراخ : مالها همس حصلها اي.
اوس ببكاء : حاولت تنتحر يا ماسه يلا بسرعه تعالي عشان تروحي تنقذيها ....
ماسه ركضت الي خارج القصر والجميع ركبوا سيارتهم وحمزه ذهب معهم .. وتوجهوا الي المشفي
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
تفاعلوا ارجوكم ♥️♥️♥️🫶🏻🫶🏻🫶🏻🫶🏻🫶🏻🫶🏻🫶🏻
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
وبعد ساعه كان الكل منتظر خروج ماسه ليطمئنوا علي همس ...كان جاسر يذهب ذهابا وايابا...
وغرام جالسه علي مقعد وبتبكي ..
ثم قالت : ولادي بيروحوا مني ...اااه يارب انا مش هقدر حد تاني من عيال يروح مني ارجوك احميهم وخلي همس ميحصلهاش حاجه ..
تاج : اهدي يا غرام ان شاءالله همس هتكون كويسه صدقيني...
خرجت ماسه وتوجهت اليهم ثم قالت : الحمدلله جت سليمه لولا يامان وتولين كانت همس ...ممكن تحصل عشق ..
غرام : ااااه احمدك واشكرك يارب ...
جاسر : هي عامله اي دلوقتي .
ماسه : كويسه احنا نقلناها اوضه عاديه ..
جاسر قال : ممكن ادخل اطمن عليها يا ماسه ..
ماسه : اه يا بابا ممكن...
غرام : وانا كمان هدخل معاك يا جاسر انا عاوزه اطمن علي بنتي.
توجهوا جاسر وغرام الي الغرفه التي فيها همس ..دخلوا وتوجههوا نحو الفراش الذي فيه همس كانت همس لسه ما فاقت ...
غرام قربت علي همس ثم مسكت يدها ..وبيدها الاخري وضعتها علي وجهها وملست عليه ..
غرام ببكاء : همس بنتي ...قومي يا حبيبتي...افتحي عيونك ..
ثم همست همس وقالت : عشق.
غرام بحزن نظرت لجاسر ...وكان جاسر ساند علي الحائط بظهره وكان ينظر الي همس...
غرام : همس حبيبتي...
همس فتحت عيونها ورأت غرام ثم قال : امم انا فين ..
جاسر قرب : انتي في المستشفى يا حبيبتي..
غرام قالت بوجع : كدا يا همس عاوزه توجعيني وتمشي ...اي اللي خلاكي تعملي كدا ..
همس ببكاء : انا اسفه انا كنت عاوزه اروح لعشق يا ماما انا مش هقدر اعيش من غيرها عشق بتكون نصي التاني...ازاي اقدر اعيش من غيرها.
جاسر قال : يعني فكرك لما تنتحري عشق هتكون مبسوطه...لا يا همس اولا عشق كانت هتزعل منك ثانيا بقي اللي انتي عملتي ده حرام انتي فاهمه اكيد كلامي كويس انتي بتصلي وبتقرء في دينك وعارفه ...ثالثا انتي عارفه ان ربنا بيختبرنا يا بنتي وانتي بالي كنتي هتعملي كان ممكن تسقطي في الاختبار ....بس عشان ربنا بيحبك قرر يديكي فرصه تانيه استغفري ربنا كويس وصلي وادعي لاختك ...كل ما دعيتي ليها كل ما هتكون مبسوطه ومرتاحه وانتي عارفه ان اختك في مكان جميل كلنا بتمني نكون مكانها ...اوعي تفكري تعملي اللي انتي عملتي ده تاني سامعه يا همس ...عاوزك تعرفي ان ربنا بيحبك وحاسس بوجعك وشايف قد اي انتي موجوعه علي اختك ...ربنا استحاله يعمل حاجه وحشه يا بنتي حته لو اخد منك اغلي انسان علي قلبك دايما احمدي ربنا وعودي لسانك علي حمده سامعاني يا همس ..
همس نظرت له ثم قالت : سامعه يا بابا انا اسفه ..
جاسر قرب عليها وحضنها وقال : مش انا اللي المفروض تعتذري منه ...اللي مفروض تعتذري منه هو ربنا ...انتي زعلتي جدا باللي عملتي ...قعدي استغفري ربنا واعتذري لي كتير ...وانا متأكد ان هيسامحك لان ربنا غفورا رحيم ...
غرام ابتسمت وقالت : كل حاجه ربنا بيعملها خير ....حته موت عشق خير لينا ...في ايه بتقول ...
يابنتي.....
بسم الله الرحمن الرحيم "كُتِبَ عَلَيْكُمُ الْقِتَالُ وَهُوَ كُرْهٌ لَكُمْ ۖ وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ"
جاسر قال بابتسامه : صدق الله العظيم....اتمني يا همسي تكوني فهمتي الدرس كويس ...
همس ببكاء : اه يا بابا انا والله مش قصدي بس انا كنت عاوزه اكون مع عشق ...انا لحد دلوقتي مش مصدقه انها خلاص كدا مشيت ومش هنشوفها تاني ..
جاسر تنهد وقال : ادعيلها يا بنتي وادعي ان رينا يصبرنا علي فراقها ..
ثم خرج جاسر واول ما خرج بكي ولم يقدر يمسك حاله اكثر من كدا ...نديم ذهب له ثم خبط علي كتفه ..
وقال : جاسر .
جاسر التفت لنديم ثم حضنه وقال : انا مش قادر يا نديم والله ما قادر اول مره اكون كدة.
نديم طبطب علي ظهره وقال : اهدي يا جاسر ووحد الله...
جاسر نظر له وقال : يارب اللهم آجرني في مصيبتي وأخلف لي خيرًا منها...
نديم ابتسم لجاسر والعائله توجه له يونس بتعب
قال : همس كويسه يا بني حصلها حاجه.
جاسر : اه يا بابا كويسه متقلقوش ...
شهد : انا هدخل اشوفها ...
يونس : وانا جاي معاكي ..
إلياس وادهم ذهبوا ووقفوا بجاور جاسر ...
وقال ادهم : انت كويس يا جاسر ..
جاسر نظر لاخيه وقال : كويس يا ادهم الحمد الله...
ثم نظر لإلياس وقال : فين يامان وتولين يا إلياس ...
إلياس : راحوا مع ماسه في مكتبها.
جاسر : ماشي ..
ثم توجه جاسر الي مكتب ماسه لاكن اوقفه دكتور ايمن..
جاسر : خير يا دكتور في حاجه ...
د/ ايمن : عامل ايه دلوقتي يا استاذ جاسر حبيت اطمن علي حضرتك..
جاسر : الحمد الله...مش عاوزك تزعل مني يا ايمن اني امبارح اتعصبت ومديت ايدي عليك بس انت كنت شايف حالتي عامله ازاي ..
د/ايمن : مقدر حضرتك والله ...انت مش عارفه عشق كانت بالنسبه ليا اي اه انا ملحقتش اتعامل معاها اوي بس في الشهر الي جت وادربت فيه عرفت قد اي طيبه وحنونه كانت اي حد تساعده زي حضرتك بظبط والله فعلا فراقها مأثر علي الكل ربنا يصبركم يارب ..
جاسر : شكرا يا ايمن ...بعد اذنك ..
ذهب جاسر وتوجه الي غرفه مكتب ماسه ليري يامان وتولين ...
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند روح كانت واقفه امام شركه الدهشاني وكانت خائفه بشده ثم اخذت نفس وتوجهت الي الداخل ثم توجهت الي الاسانسير ولسه هيقفل لاكن في احد وضع قدمه ومنعه ان يقفل كان قيس الدهشاني...دخل قيس وروح كانت لم تنتبه عليه ...
قيس نظر الي روح ثم قال بغضب : كان المفروض معادك امبارح مش انهارده انا اكتر حاجه بتعصبني عدم الالتزام بالمواعيد ...
روح اتخضت عندما رأت قيس نظرت له بخوف ...
ثم قالت بصوت واطي: انا ..انا اسفه معرفتيش اجي كان عندي حاله وفاه بعتذر مش قصدي ...
نظر لها قيس وانتبه علي ملابسها السوداء و عرف انها لم تكذب عليه ثم الاسانسير اتفتح وذهب ..
روح اخذت نفسها وقالت بخوف : يا ساتر اي البني آدم ده اوووف هو انا ازاي هشتغل معاه ...خلاص اهدي يا روح كدا كدا انتي مش هتشتغلي معاه اوي ...يارب خليك معايا ..
ثم ذهبت روح وسألت احد علي مكتب نوران مصممه ازياء...شرحوا لها الطريق ثم توجهت الي مكتبها ...
وصلت الي مكتب نوران ودقت الباب ثم سمعت صوت احد يأذن لها بالدخول ...ثم فتحت الباب بخوف ودخلت..توجهت الي المكتب ..
وقال : هو ده مكتب نوران عز ...
نوران كانت جالسه علي المقعد متحرك وكان تدار ظهرها لروح ...ثم التفتت بالمقعد ونظرت لروح من تحت لفوق.
نوران بغرور : ايوه انا نوران خير مين انتي ..
روح بخوف قالت : انا بكون روح رسلان مصممه ازياء ..
نوران : اه انتي مصممه الأزياء الجديده ... اقعدي واقفه ليه ..
روح جلست ثم نوران اخذت ورق من درج المكتب ثم وجهتها لروح وقالت : اتفضلي امضي علي الروقه دي..
روح : ورق اي ..
نوران : بيكون عقد انتي هتمضي عليه بيبقي مكتوب فيها لو مشيتي قبل ١٥ يوم بتدفعي غرامه وفي بنود تانيه اقرئي كويس العقد وبعدين امضي .
روح : تمام ..
ثم نظرت الي العقد وقرأته ثم مضت عليه. .
نوران : مبروك يا انسه روح مش انسه بردو ...
روح : اه ...
نوران قامت ووقفت ثم كانت تذهب ذهابا وايابا. .
نوران : دلوقتي احب اعرفك بنفسي بكون نوران اكبر مصممه ازياء طلعوا من تحت ايدي أجيال كتير ..اكتر حاجه بتعصبني التأخير ولما اجي اطلب منك حاجه تنفذيها فورا حته من غير ما تعرفي فاهمه ..و..
قطع كلامها دخول قيس ونوران وقفت ونظرت له بخوف وقالت : ااا أهلا يا قيس بيه خير في حاجه حضرتك ..
نظر لروح ثم قال لنوران : كنت جاي أسألك بدأتي في مجموعه التصميمات اللي احنا المفروض هنسلمها بعد كام يوم من دلوقتي وله لسه ..
نوران بخوف : اا لسه بس هبدأ فيها حالا متقلقش حضرتك اطمن
قيس نظر لروح قم قال : مش عاوزك انتي الي تعملي التصميمات...ثم شاور علي روح وقال : خليها هي اللي تبدأ فيهم وتعملهم ...
نوران نظرت له باستغراب : بس حضرتك احنا لسه مش عارفين هي شاطره وله لا
قيس : تختبريها انهارده وبكره تبدء تصمم مفيش وقت فاضل علي العرض ٤ ايام عاوز بعد يومين يكون التصميمات كلها خلصت ...
نوران : بس ...
ذهب قيس ولم يخفي نوران تكمل حديثها ..
نوران : اووووف يضرب الضربه ويحطني انا في وش المدفع ..انتي قاعده ليه قومي بسرعه مسمعتيش اللي قاله قيس بيه ..
روح : سمعت انا مطلوب مني اعمل اي دلوقتي ..
نوران نظرت لها ثم قالت : تعالي اقفي جمبي خليني اشرحلك هتعملي اي ..
ذهبت روح ووقت بجوار مقعدها ثم ركزت لحديث نوران كويس ..
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عدي شهرين علي وفاة عشق وجاسر لحد الحين لم يوجد مكان القاتل ....وهمس تحسنت ورجعت الي كليتها بعد اصرار يامان ليخرجها عن حزنها .. واسد واسر كانوا رجعوا هم الاخر الشركه لان جاسر لم يذهب عليها نهائي وترك كل الشغل علي ولاده ....وماسه سافرت المانيا مع حمزه طبعا غصب عنها ....حمزه استغل ظروف جاسر ان لم يعترض لان جاسر كان مشغول ليأخذ
حق ابنته عشق فقط ....
🤎🤎🤎🤎🤎🤎🤎🤎🤎🤎🤎🤎🤎🤎🤎
في الصباح المشرق في ألمانيا 🇩🇪 نذهب الي حمزه وماسه كانوا في السياره وكانوا ذاهبون الي الفيلا التي فيها فيروز وعيلته.
ماسه : ممكن افهم احنا رايحين فين ...وليه سيبنا الاوتيل ..
حمزه نظر لها ثم قال : رايحين علي فيلا بتاعت بابا وعيلتي ساكنين فيها ....واحنا هنقعد معاهم
ماسه : عيلتك اللي هما مين تقصد ساره اختك وباباك..
حمزه نظر لها وقال بخبث : اه وجدتي ام والدتي كمان موجوده معاهم ..
ماسه نظرت له ثم نظرت علي الشباك وتلاشت نظراته ..
وبعد نصف ساعه كانوا وصلوا الي الفيلا ...
في الداخل كانت فيروز وساره ينتظروا مجئ حمزه. ..
ثم ساره سمعت صوت كلاكس سياره...قامت الي الشرفه لتنظر رأت سياره حمزه تدخل الي داخل الفيلا.
ساره قالت : تيتا فيروز تعالي شوفي العرسان وصلوا .
فيروز قامت وكانت تمشي علي عصاه وذهبت الي ساره.
فيروز بخبث : واخيرا ...ساره حبيبتي ممكن تخليني انا استقبل العرسان بنفسي ..
ساره ضحكت بمكر : ماشي يا تيتا شكلنا هنتسلي كتير
ضحكت فيروز ودق جرس الباب فيروز فتحته ثم ابتسمت ابتسامه مصتنعه وقالت : أهلا وسهلا بالعرسان...نورتوا ..
ماسه نظرت لها ثم نظرت لحمزه ...ثم قالت : اهلا بحضرتك بس بتكوني مين ...
فيروز : انا بكون فيروز هانم جدة حمزه ام والدته ...وانا اللي ربيت حمزه وساره بعد ما والدتهم اتوفت ...
...
ماسه : وليه مشوفتيش حضرتك قبل كدا لا في خطوبه او الفرح ..
فيروز : ااا اصل يعني زي مانتي شايفه مش بقدر اتحرك كتير يعني كبرت في العمر مقدرتيش انزل مصر واحضر فرح حفيدي مش كدة يا حمزه ...
حمزه : اه ممكن ندخل وله هنفضل نتكلم علي الباب ...
ساره : لا اكيد يلا ادخلوا
ثم قربت علي ماسه وقالت بمكر : سوري ياماسه معزتكيش في اختك البقاء لله..
نظرت لها ماسه ثم قالت : شكرا ..
قطع حديثهم صوت يقول : حمزه ..
حمزه التفت علي ما ينادي عليه رأته اخته سالي كانت تحرك كرسي ابيها ثم وقفت ..
حمزه بفرحه : سالي ..
ثم ذهب لها وحضانها ثم حملها ولف بيها...
ماسه شعرت بالغيرة وملامحها تغيرت الي غضب ..
فيروز لاحظتها ثم قالت : سالي بتكون اخت حمزه وتوأم ساره ...
ماسه نظرت لها ثم ابتسمت لها ..ثم رن هاتفها برقم والدها ...وفيروز لمحت صوره جاسر وغرام التي ماسه وضعاها علي الرقم ..
ماسه قالت : بعد اذنكم هروح ارد علي بابا ..
ثم بعدت عنهم وفتحت الخط علي جاسر.
فيروز في حالها : جه الوقت ان اخد حق بنتي منك يا جاسر هخلي بنتك تدفع التمن غالي هههههه..
حمزه نزل اخته سالي وقال : وحشتيني اوي يا سالي ...بقالك كتير مشوفتكيش ...
سالي : سوري يا حمزتي انا بس كنت مشغوله انت عارف ان كنت بعمل ماجستير ودكتوراه في أمريكا .... امبارح كانت حفله التخرج بتاعتي ..اختك بقت دكتور جامعيه
حمزه بحب قال : أجمل دكتور شفتها مبروك يا روحي
سالي : الله يبارك فيك
فيروز قالت بزهق : خلصونا بقي من المسلسل اللي انتو في ...قوليلي ياسالي عمتك العقربه مجتش معاكي ليه ..
سالي نظرت لها بغضب ثم قالت : مسمحش ليكي تتكلمي علي عمتو كلمه وحشه ...عمتو هتحصلني هي وبنتها وابنها عن قريب ...
فيروز : يا ختي هو انا قولت اي ...هي فعلا عقوبه مش فاهمه بتحبيها علي اي
ساندي : مش عارفه يا تيتا ...هتلاقيها عامله ليها عمل عشان تقرب بنتها من حمزه مانتي عارفه انها هتموت وتجوز بنتها لانا لحمزه هههه
ماسه كانت أتت وسمعت حديث ساره وشعرت بنيران الغيره عندما سمعت آخر جمله ساره.
ماسه قالت : انا اسفه لو هقطع حديثكم ممكن حد يقولي فين الاوضه اللي هقعد فيها عشان تعبانه ومحتاجه استريح. ..
سالي نظرت لساره وجدتها فيروز بقرف ثم توجهت الي ماسه وقالت لها بابتسامه : انتي ماسه مرات اخويا مش صح ..
ماسه قالت : صح
سالي بابتسامه بشوشه مدت يدها لتصافحها .
وقالت : انا سالي بكون اخت حمزه ...وتوأم ساره بس مش شبها لا شكل ولا معامله وولا تصرفات انا احلي منها بكتير ..
ساره بغيظ : قصدك اي يا سالي ...
لم رددت سالي وتجهلتها ثم مسكت ذراع ماسه..
وقالت : تعالي يا ماسه نطلع واوريكي اوضتك وبالمرة نتعرف علي بعض ...
ثم ذهبوا ماسه وسالي وتوجههو الي الطابق العلوي ..
ثم قالت فيروز : عجبك تصرفات اختك ..
حمزه قالت : انا مش عاوز مشاكل يا فيروز هانم وإياكي ثم اياكي تقربي علي ماسه مراتي سامعه لو شوفتك قريبه منها او عملتي حاجه ليها متلوميش غير حالك. .
فيروز بصدمه : هي بقت كدا ..
ساره : مش بقولك حمزه اتغير يا تيتا من ساعت ماخطب بنت ***
حمزه بصراخ : ساره الزمي حدودك
ساره : انت بتعلي صوتك عليا عشان مين ...عشان بنت اللي كان سبب في موت امنا وعجز ابونا ...ذهبت له
ومسكت ذراعه وزقته اتجاه والدها
ثم قالت : اتفضل شوف حاله ابوك عامله ازاي شوف بعد ما شاف بنت النمر بقي عامل ازاي ....
حمزه زقها وقال : ملكيش دعوه محدش هيأذي ماسه انا اللي ..
ثم سكت ومكملش وتوجهه علي والده ومسك الكرسي وحركه وذهب ...
فيروز : ساره
ساره : نعم يا تيتا .
فيروز : حمزه شكله وقع في حب ماسه واحنا لازم نعمل حاجه نخلي يرجع عن اللي بيفكر في ..
ساره : انا معاكي يا تيتا انا مش هرتاح غير لما اجيب حق ماما وبابا ...من الراجل اللي اسمه جاسر الحديدي ..
*******،،،،،،،،
(سالي القيصري : بنت جميله جدا وطيبه وحنونه لديها عيون زرقاء ورثتها من جدتها فيروز لم تشبه اختها ساره وجدتها فيروز ....لم تحب جدتها لم تعرف لي هي تصرفاتها وكلامها لم يعجبها ..عمرها 27 سنه كانت مقيمه عند عمتها في أمريكا وأخذت دكتوراه في اداره الأعمال...بنت طموحه وتحب اخيه حمزه وهي قريبه منه بشده ودائما حمزه بيلجئ لها )

🤎🤎🤎🤎🤎🤎🤎🤎🤎🤎🤎🤎🤎🤎🤎🤎
في مصر 🇪🇬 في قصر النمر بالاخص غرفه الطعام ...
كانوا الجميع جالسين ليتناولوا الفطور ..
غرام : جاسر كلمت ماسه ماخلتنيش اكلمها ليه ..
جاسر : انا ملحقتش اكلمها معرفش كانت مستعجله وقالتلي هتبقي تكلمني فديو كول ..
غرام بحزن : مكنتش عاوزها تسافر . يعني القصر بدأ يفضي علينا عشق وماتت وماسه وسافرت ...واسد كمان راح واستقر في بيته ...
جاسر مسك يدها ثم قال بحنان : اهدي ياغرام ...ماسه مش هطول في السفريه دي ولو طولت عن شهرين انا بنفسي هسافر واجيبها ...واسد انا كلمته ان يجي يعيش معانا ...
غرام نظرت له بوجع وقالت : طيب وعشق
جاسر نظر لها ثم عيونه دمعت وقال : كلي يا غرام قبل ما الاكل يبرد وانتو كمان يولاد كلوا ..
اسر قال : انا مليش نفس انا رايح علي الكليه لان عندي امتحان يا بابا بعد ما اخلص لو عرفت اعدي علي الشركه هعدي ..
جاسر قال : متشغلش بالك بالشركه اخوك اسد هيكون هناك ركز انت في امتحانك.
غرام : ربنا معاك يا بني ..
اسر قال بابتسامه : يارب يا ست الكل بعد اذنكم ..
همس قالت : وانا كمان مليش نفس اكل وهقوم احم بابا ااانا رايحه علي فيلا انكل إلياس لان ...لان
جاسر قال : روحي يا همس يامان كلمني وعرفني انه هيراجع معاكي ويذاكر ليكي المحاضرات اللي غبتيها عشان امتحاناتك قربت ...روحي ...
همس : ماشي يا بابا مع السلامه...
ذهبوا اسر وهمس ...
جاسر : وانت كمان مش هتاكل يا اوس ...
اوس بوجع وبكي : لا مش عاوز ...
غرام قالت له : مالك يا حبيبي
اوس ببكاء : امتحاناتي قربت وعشق كانت كل سنه هي اللي كانت بتذاكر ليا ....المره دي مش هتزاكرلي ...
غرام نظرت له ودموعها نزلت وقالت : انا هزاكر ليك يا اوس اهدي ..
جاسر قال : مش احنا قولنا بلاش عياط وكل ما نفتكرها ندعيلها صح يا اوس ...
اوس مسح دموعه وقال : صح يا بابا ...بس هي وحشتني اوي كل يوم بحلم بيها ودايما اشوفها لابسه ابيض في ابيض ومبتسمه ووشها ابيض وجميله اوي.
جاسر لم يستحمل قام وذهب الي غرفه المكتب ودخلها ثم بكي بشده وغمض عيونه ...
ثم رن عليه نديم فتح الخط ومسح عيونه ..
جاسر : ايوا يا نديم في جديد ..
نديم : اه يا جاسر جالنا اخبار جديده ان عديم الشرف رفاعي الدسوقي هيوصل انهارده مصر ...تحب تستقبله من المطار وله تستني لما ياخد نفسه ويرتاح من السفر ..
جاسر قال بشر : تبعت حد من رجالنا يرقبوا خطوه بخطوه سامع يا نديم ..
نديم : تحت امرك يا بوص ...
جاسر قفل الهاتف ثم مسك برواز كان موضوع علي مكتبه كان هو وعشق متصورين ..
ثم قال : هانت يا حبيبه بابا قريب هجيب حقك انتي وجدك والله ما هرحمه ....
ثم اخذ سلاحه ووضعه علي خصره ثم خرج ..
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
في فيلا إلياس الحديدي كانت همس وصلت ودخلت الي داخل الفيلا وكانت جالسه في الريسبش مع إلياس وديلان ويامان ...
إلياس بحب : عامله اي يا حبيبتي بقيتي احسن .
همس ابتسمت : الحمدلله يا انكل ...بحاول اكون احسن ..
ديلان : ان شاءالله يا حبيبتي هتكوني زي الفل ..
همس : يارب ..
يامان : طيب يلا يا همس نقوم احنا ...
همس : ماشي ...
ذهبوا همس ويامان علي غرفه مكتب يامان الخاص له ...
دخلت همس. وكانت تشعر بالتوتر ...ثم اخذت نفس عميق ..
ثم جلس يامان علي مقعد مقابل لمقعد همس ..
يامان : ناويه تنزلي بكره الكليه وله لا...
همس : اه ان شاءالله...
يامان : كويس....يلا نبدأ افتحي الكتاب علي صفحه ----
بدأ يامان يشرح لها المحاضرات التي فاتتها وكان شرحه مبسط وفي منتهي السلاسه ...في الأول كانت همس تركز معه وبعد ذالك شرددت في يامان وكانت تنظر له وركزت علي ملامحه قمحاويه وعيونه الرمادية كانت تنظر له بهيام...ثم تخيلت وحلمت ان يامان وهيا جالسين بجانب بعض وكان يامان يحتضنها وهو يمسك الكتاب ويشرح لها وكانت همس نائمه علي صدره العريض وكانو مبسوطين مع بعضهما ....
فاقت من شرودها علي نداء يامان علي همس ...
همس بانتباه : نعم يا يامان ..
يامان : انتي مركزه معايا وله توهتي
همس بتوتر : ااا اه مم .مركزه معاك ...
يامان نظر ثم قال : متأكده طب قوليلي كنت بقول اي ..
همس نظرت له ثم غمضت عيونها بقوه وفتحتها ..
ثم قالت : بصراحه يعني انا سرحت شويه ومركزتيش في اخر حته اللي قولتها ..
يامان ابتسم ثم قال : كنتي سرحانه في اي ..
همس قالت بتسرع : فيك هه اقصدي في ريان ابن انكل رحيم اكيد عرفه ..
يامان نظر له بغضب : اه عارفه يعني حضرتك سيباني عمال اشرح وانتي كنتي سرحانه في ربان ده اي اصله ده ..
همس ضحكت ويامان سرح في ابتسامتها الجميله لاول مره يري ابتسامتها انها جميله للغايه كانت تاخد العقل والقلب ...
همس بضحك : ضحكتني يا يامان ...مين ربان اسمه ريان ...
يامان فاق من سرحانه ثم قال : اه ريان خير بقي الهانم كانت سرحانه في لي ..
همس : لا عادي اصل امبارح كلمني واطمن عليا وقالي كلام غريب فكنت سرحت شويه في كلامه ..
يامان قال بغيره : واي بقي الكلام اللي قاله ليكي واصلا هو يكلمك ليه ..
همس قالت : الله هو مش ابن عمي عادي يعني ان يطمن عليا ..زيك بظبط لما بتكلمني وتطمن عليا ..
يامان : متغظنيش يا همس ...
همس ببراءه : انا قولت اي يغيظك وبعدين انت مالك زعلان ليه اوي كدا...
يامان بتوتر : هااا لا مش زعلان خلينا نكمل احسن ...
همس ابتسمت ثم قالت : اوكي ..
ثم فجاءه أتت ماسج علي هاتف همس ..
قالت همس : سوري يا يامان ممكن بس اشوف مين بعت الماسج دي..
يامان : اتفضلي ..
فتحت همس الهاتف ورأت الماسج من ريان ...ثم ابتسمت ويامان لاحظ ابتسامتها وشعر بالاختناق.
يامان : ممكن اعرف مين اللي باعت الرساله اللي مخليكي مبتسمه اوي كدا
همس كانت تنظر للهاتف وتكتب ماسج ...
وقالت : احم ريان هو اللي باعت الماسج...
يامان فجاءه فقد اعصابه وخبط يده علي المكتب ..
ثم قال بغضب : اقفل الزفت ده وخليكي معايا ..
همس : حاضر بس سوري هقوم ادخل التويلت وهاجي ليك علطول ..
يامان ماشي قومي ...
قامت همس وتركت هاتفها مفتوح ثم توجهت الي المرحاض وكان موجود في غرفه المكتب ثم دخلت وكانت تراقب يامان ...
يامان اول ما رأي همس دخلت المرحاض اخذ الهاتف وفتح الرسايل ريان.. وكان ينظر علي الرسايل ..
كان ريان بيلمح لهمس ان قد اي معجب بشخصيتها وان بنت جميله وهاديه وكلام من ده كتير ....
يامان عيونه احمرت وملامحه تغيرت شعر بنيران الغيره ...
همس كانت واقفه ومتخبيه وكانت تنظر علي يامان وابتسمت ثم دخلت المرحاض وقفلت الباب براحه ..
ثم نظرت الي المرأه بفرحه ...
همس : انا نفذت كل حرف اللي قولتي ليا يا عشق قبل ماتموتي ...وطلع عندك حق في امل ان يامان يحبني انا بجد بحبك اوي وكان نفسي تكوني موجوده واجري عليكي واحكيلك ...
ثم دموعها نزلت علي عيونها بشده ثم فتحت الماء غسلت وجهها ثم خرجت وتوجهت الي يامان ...
همس : سوري اتأخرت عليك.
يامان كان مضايق ثم قال : عادي نكمل بقي ...
همس بابتسامه : اه يلا ..
ثم يامان اخذ نفس وبدأ يتابع الشرح لهمس وكان شاعر بضيق وخنقه وغيره لم يعرف ليه شعران بالغيرة..هل ممكن ان يحبها ويفتح قلبه لها ويكون حبه لعشق كان مجرد اعجاب زي ما قالت عشق له ....
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند اسر كان في الكليه وانهي من امتحانه ثم خرج وتوجه الي سيارته وذهب ...
وبعد نصف ساعه كان امام المقابر نزل من السياره ودخل المقابر ليزور عشق ...وتفاجاء بوجود ديما ...
اسر قال : ديما
ديما نظرت له وكانت بتبكي بشده ثم قامت ديما وذهبت الي اسر وارتمت في احضانه وكانت تحتضنه بقوه ...
ديما ببكاء : عشق وحشتني اوي يا اسر ...انا عاوزها ومحتاجه ليها اوي ..
اسر هو الاخري بكي ثم رفع ذراعه وحاوطها.....
ثم قال : اهدي يا ديما عشق دلوقتي مرتاحه ادعيلها ...
ديما بعدت عنه ثم خجلت ونظرت علي الارض ...
ديما بخجل : انا اسفه يا اسر مش قصدي ..
اسر : لا عادي ...اخرجي يا ديما قعدي في العربيه واستنيني شكلك تعبانه ..
ديما ابتسمت له ثم قالت : لا هستناك هنا ..
اسر نظر لها ثم ذهب وتوجهه الي قبر عشق ..
وجلس امامه وقرأ لها الفتحه ..
ثم دموعه نزلت وقالت : انهارده كان عندي امتحان يا عشق ومكنش حلو تعرفي اني وانا داخل الكليه كنت اتمنيت ان المحك واشوفك جايه وبتجري عليا زي كل مره ....لاول مره اكون مش طايق اقعد في الكليه وله لحظه وله طايق اقعد حته في القصر ....القصر وحش من غيرك اوي يا عشق بقي ملوش اي طعم بعد ما روحتي وسيبتينا ....الحياة نفسها بقت ملهاش طعم من غيرك اهو بنحاول نعيش بس احنا بجد مدمرين يا عشق من بعد موتك كلنا مش عارفين نعيش ....ربنا يرحمك يا حبيبتي وربنا يجمعني بيكي علي خير.
ثم قام ووقف امام ديما وكانت منهاره بشكل غير طبيعي..
اسد رفع يده ومسح دموعها بيده وقال : بس يا ديما ادعيلها عياطك مش هيعمل ليها حاجه مش هيرجعها لينا .
ديما : والله بدعيلها بس مش قادره بجد فراقها صعب اوي يا اسر ...
اسر : عارف اكيد حزنك عليها مش هيجي حاجه جمب حزني دي بتكون نصي التاني دي تؤامتي بس احنا مش هنعترض علي قضاء ربنا كله اللي يجيبه خير الحمد لله...
ديما بحزن : صح الحمد الله...يلا نمشي ...
ذهبوا اسر وديما وقرروا يذهبوا الي الكورنيش ...
وبعد فتره وصلوا وكانوا واقفين امام النيل ثم اسر ذهب
واتي بأيس كريم ..
ديما : الله ايس كريم ده بحبه اوي ..
اسر ابتسم : عارف كانت عشق قايله ليا ...
ديما ابتسمت : لا وجبته بالطعم المفضل ليا ..
اسر : شوفتي ..يلا خدي بقي وكلي قبل ما يسيح ..
ديما اخذت الايس كريم 🍦 وبدأت تأكله...
واسر كان ينظر لها ومراقب كل حركه تتحركها ومركز علي ملامحها وعيونها ...
ديما : امم بجد الايس كريم طعمه حلو اوي مادوقني بتاعك ..
ابتسم اسر ثم مد لها الايس كريم وديما اخذت بالمعلقه ووضعته في فمها ...
ديما : اي ده بتاعك احلي ...
اسر بمزح : مفيش احلي منك يا ديما
ديما شعرت بالخجل ثم قالت : بس يا اسر بقي ...
اسر : طيب أمسحي لغوثتي بقك ..
اسر رفع يده ولمس شفتيها وزال بواقي الايس كريم التي علي شفتيها...وكان ينظر لها وسرح في عيونها ...
وديما كانت تنظر له وهي الاخري سرحت فيه..
وبعد فتره فاقوا علي رنه هاتف ديما برقم نديم ..
اسر شعر بالاحراج وديما شعرت بالخجل ..
ديما بخجل : احم بابا بيرن هرد عليه ..
اسر : تمام ..
ذهبت وبعدت بمسافه ما عن اسر ...ورددت علي والديها
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
في المساء كان جاسر ونديم جالسين في سياره وكانو امام الفندق الذي نازل فيه رفاعي الدسوقي...
نديم : يا جاسر راجع نفسك علي اللي ناوي عليه...خلينا نبلغ الشرطه احسن متوديش نفسك في داهيه ...
جاسر نظر له وقال بشر : نديم بطل زن انا مكنتش عاوزك تيجي معايا بسبب كدا ..
نديم : يابني والله انا خايف عليك ....انت عارف كويس اللي انت هتعمله ده هيبقي في خطوره علي حياتك محدش يعرف انك رجعت شغلك انت اكيد فاهمني ..
جاسر : شششش اسكت ...
ظهرت سياره سوداء وقفت امام الفندق ونزل منها رفاعي ودخل الي الفندق...انتظر جاسر القليل من الوقت ونزل هو ونديم ودخلوا الي الفندق خلف رفاعي ...
رفاعي كان وصل الي الغرفه التي نازل فيها ودخل ولسه هيقفل الباب رأي النمر اقتحم الغرفه هو ونديم ..
جاسر بشر 😈 : يا اهلا برفاعي الدسوقي ...
رفاعي عندما رأي جاسر اتفزع ورجع للخلف .
جاسر دخل الغرفه هو ونديم وقفل الباب ..
نديم قال : يلا يا بابا ارجع ورا واقعد علي ركبك ...
رفاعي كان مصدوم لم يصدق ان النمر واقف امامه ...ويسأل حاله كيف عرف مكانه ....
جاسر اخذ كرسي وجلس عليه ونديم مسك رفاعي وربطه ووضع لاصق علي فمه ...
جاسر بشر : دلوقتي جه الوقت اني اجيب حق الغول طبعا فاكره صح ...
رفاعي كان يهز راسه يمينا ويسار برعب ....
جاسر : اي مش فاكر تحب افكرك بي ...فكه يا نديم خلينا نسمع عاوز يقول اي ..
زال نديم لاصق وراعي صرخ ..
وقال : لا محصلش انا معملتيش حاجه ...ابوس ايدك ارحمني ...
جاسر قام وتوجه له ومسك فكه بقوه
وقال : وانت مرحمتيش بنتي ليه....انت ازاي تتجرأ تقتل بنت النمر ..دانا هقتلك ومش هسيبك ...
رفاعي : اي لا انا مليش دعوه بقتل بنتك ...صدقني مش انا ...
جاسر التفتت وادار ضهره ثم قال : امممم قولتلي ملكش دعوه بقتل بنتي طيب والغول مش انت بردو ...
رفاعي : اسمعني يا نمر انا ..آآآآآآه
جاسر اطل..ق علي رفاعي نار بمسد..س كا...تم الصو... ت ..
أتت في رجله ...
جاسر : دي حق الغول ....واللي جايه حق بنتي يا كلب ...حق وجعي عليها ....حق كل دمعه نزلت علي بنتي اقسم بالله ما هرحمك ....
ثم اط*لق رصا*صه اخري علي صدره ووقع رفاعي علي الارض ...
نديم ذهب الي جاسر وقال : خلاص عملت اللي انت عاوزه يلا بسرعه نمشي من هنا ...
جاسر كان عيونه علي رفاعي. ونديم جذبه بسرعه
وخرجوا من الغرفه وتوجهوا الي خارج الفندق وكان في أمطار شديده ...جاسر نظر الي السماء وكان في رعد ...
نديم بصراخ : يلا يا جاسر بسرعه المطر شديد اوي ...
جاسر كان مازال واقف وناظر الي السماء ورفع يده
ثم صرخ بفرحه : انهارده جبت حق اغلي اتنين علي حياتي جبت حقككك يا غول ....وجبت حقك يا بنتي كدا اقدر ارتاح سامعه يا عششششق ابوكي جااااب حقك يا حبيبتي ....يا عشششششششششق
نديم دمع وذهب له ثم قال : يلا يا جاسر ...
جاسر نظر لنديم وقال : جبت حق عشق يا نديم جبته هههههانا انهارده اسعد يوم في حياتي ...
نديم : طيب يلا بقي ارجوك نمشي ..
وجذب نديم جاسر وتوجهوا الي سياره...
"اما في الغرفه كان رفاعي كان يأخذ هاتفه بصعوبه
ثم رن علي رقم اللورد ...
ورد عليه اللورد.....
وقال رفاعي بتعب :الحقن...ني....يا...اللورد...ا...انا بمو....ت .....يتبع
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
بقلم جنه ياسر ✍️🏼
ياتري اللورد هينقذ رفاعي وله لا 🙅🏻♀️
هنعرف في البارتات اللي جايه ان شاءالله..
عاوزه اقولكوا ان انهارده نزلت الكليه وكان يوم متعب اوي 😩 ادعولي اخلص السنه دي علي خير واتخرج بقي🫠🎓تفاعلوا ارجوكم و ادعموني 🤎🤎🤎🫶🏻
لو لاقيت تفاعل حلو هحاول اخلص البارت الجاي قبل يوم الاتنين وانزله..ولو ملحقتش يبقي معلش هينزل الأربعاء ♥️♥️♥️♥️ادعولي اخلص قبل يوم الاتنين🫠😂😂
وبجد حابه بشكر كل الكومنتات القمر اللي بجد بتفرحني وبتشجعني ♥️🫶🏻بحبكم🫶🏻🥹
•تابع الفصل التالي "رواية غرام النمر الجزء الثاني 2" اضغط على اسم الرواية