رواية احببت منقذي الفصل التاسع 9 - بقلم يارا ابراهيم

*****************

عند جوري…….

وقف مهاب وجنبه ليث وزين بعد ما شافوا جوري اغمي عليها، فشالها زين وهو بيقول……

زين:/ليث كلم الدكتورة تيجي…. وانت يا مهاب خليك هنا وأنا هطمنك.

مهاب كان لسه هيرفض فقال ليث وهو بيأكد كلام زين…..

ليث:/خليك دلوقتي وأنا هطمنك صدقني.

سكت مهاب واضطر يوافق علشان ماحدش ياخد باله، رجع ببصره للي كان وافق ومسكة من رقبته وقال بشر……..

مهاب:/أنا مش عارف أنت مين ولا يهمني، بس اتأكد لو جوري اتخدشت بس روحك هتبقي التمن ودهتبقي وعد مني.

قال مهاب الكلام ده وسابه ومشي.

*********************************

في باريس……….

كان في بنت بتتكلم في الموبايل بعربي مكسر وهي بتقول…..

البنت:/بس أنا مابفهمش في شغلكم ده ارجع اعمل ايه.

رد حد من الجهه التانيه:/نڤين أنتِ هترجعي كأنك هتشتغلي بس أنتِ مهمتك الأصلية أنتِ عرفاها خصوصا بعد موت رأس الافعي، كده السكة مفتوحة ومافيش أي مجال لفشلك المره دي كمان.

نڤين:/ماتقلقش أنا مستعدة المره دي كويس.

الشخص:/تمام اقفلي دلوقتي وارجع اكلمك لما اخلص.

نڤين بدلع:/باي باي.

“استووووووب ”

“نڤين السويفي ”

بنت عندها 24 سنه، كل حاجه وحشة في الدنيا دي عملتها، أكبر عدو لنڤين من وجهة نظرها هي جوري اللي شايفة إنها بتاخد منها كل حاجه، نڤين مافيش حاجه نجحت فيها حتي التعليم لحد هنا كفاية والباقي هنعرفه.

**************************

عند دعاء…..

بعد ما عفاف ونور جهزوا ونور كانت كلمت الاسعاف علشان ينقلوها للمستشفي في الوقت ده كان عمرو جاي ياخد ملف الصفقة الجديدة من دعاء ويعرف سبب غيابها، كان لسه هيخبط علي الباب لقاه بيتفتح وبتخرج عفاف ونور وهما شايلين دعاء بس وقفوا لما شافوا عمرو وأول ما عفاف شافته اديها اترعشت ودعاء كانت هتقع من ايديها، فلحقها عمرو بس وعنيه بطلع شرار وهو بيقول بشر……

عمرو:/مين اللي عمل فيها كده.

فقالت عفاف بتأتأه:/ااا ده اصل.

عمرو:/بلا أصل بلا فصل وديني وما أعبد يا عفاف لو حصلها حاجه لكون دافنك حية وانتِ عارفة أنا أقدر اعمل ايه.

عفاف برعب:/بإذن الله بخير يا باشا بس يلا بسرعة الاسعاف ايجه اهو.

نزل عمرو جري وركب عربية الإسعاف هو ونور وماخلاش عفاف تيجي ووصلوا المستشفى، في نفس اللحظة دخل بعدهم ليث وهو شايل جوري وجنبه مهاب وزين المستشفى بسرعه………

في قصر عصام المحمدي……

كان عاصم واقف وسعاد جنبه قلقانين علي جوري فقال الحاج المحمدي…

عصام:/تعالي يا عاصم أنت ودياب أخوك المكتب عايزكم.

دخلوا وراه فقال….

عصام:/اقعدوا.

عاصم:/قعدنا فيه ايه يا حاج قلقتنا.

عصام:/طبعا يا عاصم أنت عارف فهد ولد أخوك دياب وقد ايه هو محترم وراجل ملو هدومه.

عاصم:/عارف يا حاج ده انا أول من شاله أول ما أتولد بس انا من وقت ما جيت مش شوفته صحيح هو فين وفين خديجه اخته.

عصام:/خلينا الاول في الموضوع اللي مقعدكم علشانه.

دياب:/فيه ايه يابوي قلقتنا.

عصام:/أحنا هنجوز فهد لجوري.

عاصم:/…………………..!!.

يتبع….