رواية الهروب إلى المجهول الفصل السابع 7 - بقلم اروى عادل
سميرة ٠٠٠ كريم ما بيتحركش مابيردش عليا مش عارفه ماله
صرخت إيلا هى تقول
إيلا ٠٠٠ أبنى ماله
سميرة ٠٠٠ أنا و كامل طالعين بيه على أقرب المستشفى
( إنتهت المكالمة)
ركضت إيلا و أميرة خلفها وهى تقول
أميرة ٠٠٠ فى ايه … فهمينى بس انت بتجرى ليه
إيلا ٠٠٠ كريم تعبان
خرجت إيلا من الفندق وهى تركض إلى أن اصطدمت بعمر الذى وقف امامها وهى تركض وقال
عمر ٠٠٠ أنتى بتجرى كده ليه
إيلا ٠٠٠ ( بصراخ) ابعد عنى دلوقتى
عمر ٠٠٠ فى ايه
تركته إيلا و ذهبت دون أن ترد عليه
أميرة ٠٠٠ معلش يا عمر بيه
عمر٠٠٠ هو فى ايه
أميرة ٠٠٠ اتصلوا عليها ابنها تعبان أوى عن أذنك الحقها
وقفت إيلا تبكى أمام الفندق وهى فى انتظار أى سياره تنقلها للمستشفى
لكن صعب وجود سيارة أجرة فى هذا المكان
أميرة ٠٠٠ مافيش عربيات … طيب انا هروح اشوف حمزة يوصلنا
قبل ما تتحرك من مكانها وقف عمر بسيارة وقال
عمر ٠٠٠ تعالوا اوصلكم
واقفت إيلا متردده لكن أميرة قالت
أميرة ٠٠٠ إيلا مافيش وقت للتفكير..
ركبت إيلا السيارة هى و أميرة هنا قال عمر
عمر ٠٠٠ هتروحوا على أى مستشفى
هنا أتصلت على سميرة
( بدأت المكالمة)
إيلا ٠٠٠ ايوه يا طنط انتم فين دلوقتى
سميره ٠٠٠ احنا دخلين على مستشفى العاصمة التخصصى
إيلا ٠٠٠ ( ببكاء قالت ) طيب كريم عامل ايه
سميرة ٠٠٠ أيه زى ماهو
إيلا ٠٠٠ ثوانى و هكون عندك
( إنتهت المكالمة )
إيلا ٠٠٠ رايحين على مستشفى العاصمة التخصصى
عمر ٠٠٠ تمام انا عارف المستشفى
خلال ١٠ دقائق كانوا وصلوا المستشفى
فتحت إيلا باب السيارة و خرجت تركض بسرعة لداخل المستشفى
هنا قالت أميرة
أميرة ٠٠٠ معلش أعذورها إنها ما شكرتش حضرتك بس هى مخضوضه على أبنها .. اتفضل حضرتك مش عايزين نعطلك اكتر من كده
عمر ٠٠٠ لأ عادى . و طالما انا هنا بالمره خلينى أروح أطمن على أبنها
كان يوجد صوت زعيق و تهليل عندما دخل عمر مع أميرة المستشفى
إيلا ٠٠٠ يعنى ايه ماينفعش تقبلوا الولد فى مستشفى
موظفة الاستقبال٠٠٠ يا هانم لازم تدفعوا مبلغ التأمين قبل ما يدخل المستشفى ده نظام هنا
إيلا ٠٠٠ نظام ايه الزفت ده ..و إللى مش معاه مبلغ التأمين يموت .. دى مش مستشفى دى ….
قطع الكلامها عمر وهو يقول
عمر ٠٠٠ فى إيه
الموظفة الإستقبال٠٠٠ يا فندم الهانم رافضه تدفع مبلغ التأمين
عمر٠٠٠ خلاص خلاص بتقبلوا فيزا هنا
الموظفة ٠٠٠ ايوه يا فندم
فى أقل من ربع ساعة تم الكشف على كريم
الدكاترة قرروا إجراء العمليه
فعلأ و دخل كريم غرفة العمليات
لبنى ٠٠٠ أيه إللى حصل .. كريم فين
سميرة ٠٠٠ فى العمليات
ظل عمر يراقبها من بعيد و هى إتمشى ذهابآ و أيابآ أمام غرفة العمليات .و القلق و الخوف واضح على ملامحها و هى تنظر للساعة لكن الوقت يمر ببطئ شديد كأنه يرفض أن يمر
هنا قالت آيلا
إيلا ٠٠٠ همآ أتأخروا ليه .. بيعملوا ايه كل ده جوه
سميرة٠٠٠اهدى يا إيلا الدكتور قال ان العمليه بتاخد وقت
أدعيله ربنا يقومه بالسلامه
إيلا ٠٠٠ يارب انت عالم بحالى و عارف قد ايه انا تعبت عليهم . انا اتبهدلت و أتمرمط عشان خاطرهم يارب نجيلى أبنى
قربت لبنى و أميرة و قاموا بأحتضان إيلا
لاحظت أميرة انا عمر مازال موجود ذهبت إليه وقالت
أميرة ٠٠٠ عمر بيه حضرتك لسه هنا
عمر ٠٠٠ أنتى شايفه ايه . روحى طمنى صاحبتك وقولى ليها ان الدكتور قال ان العمليه مش هتاخد أقل من ٤ ساعات . ده كلام الدكتور
أميرة ٠٠٠ حاضر هقولها
عمر٠٠٠ انا ماشى .اه .ابقى قوليلها متشلش هم حساب المستشفى انا دفعته كله
أميرة ٠٠٠ بس كده كتير يا فندم
أكتفى فقط برفع أيده حتى تصمت ثم انصرف
بعد ٥ ساعات مره على إيلا كأنهم ه سنين
خرج الطبيب كان واضح عليه الإرهاق
ركضت إيلا إليه وهى تقول
إيلا ٠٠٠ أبنى عامل ايه
الدكتور ٠٠٠ الحمدالله العمليه كانت ناجحه وهو بخير
أخذت إيلا نفس طويل هى مغلقه عينيها و سنده ظهرها على الحائط وهى تقول
إيلا ٠٠٠ الحمدالله. الحمدالله . الحمدالله
□○□○□○□○□○□○□○□○□○□
فى المساء
فى غرفة خاصة فى المستشفى
=====================
فاق كريم و بدء يتكلم
لبنى ٠٠٠ إيلا حلوه أوى الأوضة دى ..ده ولا فندق خمس نجوم ..
كارما ٠٠٠ آه . أوضة جميله أوى . يا بختك يا كريم يارتنى انا بدالك
إيلا ٠٠٠ كارما ايه إللى انتى بتقوليه ده.. بعد الشر عليكى .. بعدين مهما كانت الاوضه حلوه دى اسمها فى الاخر أوضة فى مستشفى
ياسمين ٠٠٠ براحه عليها . هى مش فاهمه حاجة
رقية ٠٠٠ هدى أعصابك يا إيلا.. يلا يا ياسمين عشان نروح
ياسمين ٠٠٠ طيب يلا .. حمدالله على السلامة
يا كريم
إيلا ٠٠٠ أميرة قومى عشان تروحى انتى كمان و خدى لبنى معاكى هى و كارما
كارما ٠٠٠ ماما عايزه افضل معاكى
إيلا ٠٠٠ لاء ماينفعش احنا فى مستشفى
يلا يا حبيبتى روحى مع أميرة مع السلامه
أميرة ٠٠٠مش عايزه حاجة أجيبها ليكى معايا بكرة
إيلا ٠٠٠ آه..فلوس السلفه ٣٠٠٠٠ جنيه نسيت اخدهم من مستر جمال . و انتى يا لبنى هاتى ٩٠٠٠ جنية إللى جمعتيهم من البنات .عشان ندفع حساب المستشفى
أميرة ٠٠٠ بس الحساب كله ادفع.. عمر بيه دفعوا الحساب كله
إيلا٠٠٠ لاء …. هو دفع التأمين بس
لبنى ٠٠٠ لاء انا سألت و عرفت انه دفع ٥٠٠٠٠ جنية .
إيلا ٠٠٠ ازاى يخلو يدفع الحساب بأى صفه
لبنى ٠٠٠ المستشفى مالهاش دعوة مين إللى يدفع الحساب أهم حاجه الحساب يدفع و بس
رقية ٠٠٠ طيب والله كتر خيره
إيلا ٠٠٠ لاء انا مش ممكن هقبل بحاجة زى كده بكر
يا أميرة تاخدى الفلوس من مستر جمال
و تديهم له
أميرة ٠٠٠ أسمعى ياريت تبعدينى عن عمر بيه ..لم كريم يقوم بالسلامه ابقى اعملى إللى انتى عايزه .. يلا سلام