رواية القدر الفصل الثامن 8 - بقلم ملك ياسر
صلو على الحبيب المصطفى محمد” صلى الله عليه وسلم تسليما كثيرا “🌺
آسر بصدمه: سلمى!!!
سلمى بتوتر: آسر… ا أقصدي بشمهندس آسر ازي حضرتك.
آسر: الحمدلله انتي عامله ايه؟
سلمى: كويسه.
علي عمال يبص لملاك بغيظ و آسر واخد بالو.
آسر ل علي: خلاص ي علي حصل خير اكيد هي ماكنتش تقصد.
علي بغيظ: لا كانت تقصد. و في سرو قال انا عارف دماغها كويس عنيده و مابتسكتش لحد.
آسر: بتقول حاجه؟!
علي: لا و قال بزعيق: على شغلكم يلاااا.
شمس و سلمى اترعبو منو و ملاك ببرود واقفه و بصتلو بقرف و قامت ماشيه.
كل واحد راح على شغله.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند نورين في الجامعه.
نورين بإبتسامة هادئة لصديقاتها: يلا ي بنات انا هروح عايزين حاجه؟؟
شهد و روميساء: طب ما تقعدي معانا نتغدا و نروح.
نورين: تمام مش عندي مشكله.
قعدوا مع بعض و اتغدوا
و…….
جه عليهم شاب وسيم في سنهم.
الشاب: ممكن اخد من وقتكم دقيقه.
شهد بلهفه: اه طبعا اتفضل.
و بعد كده استوعبت اللي قالتو و حطت وشها في الارض بكسوف.
كلهم لاحظو كده اتكلمت نورين و قالت: اتفضل.
الشاب بحمحمه: احم كنت عايز اخد محاضرات فاتتني.
روميساء: طب ما عندك ناس كتير في الجامعه و عندك صحابك تقدر تاخد منهم كل حاجه انت عايزها.
الشاب بإحراج: كلامك صح بس كلهم مش معاهم المحاضرات كامله و قالولي إن الانسه شهد هي اللي مهتمه بموضوع تجميع المحاضرات علشان اللي يغيب ياخدها منها.
نورين: اممم تمام اتفضل خدها منها.
شهد بتوتر: هجمعهم لحضرتك و بكره إن شاء الله يكونوا عندك.
الشاب بشكر و إبتسامه هادئة: تمام شكرا لحضرتك.
الشاب مشى و هما قعدوا كملوا غدا.
و……
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في شركه الكيلاني.
سلمى و هي معديه من عند مكتب آسر سمعت مايا و هي بتقول……
مايا بسهوكه: هستناك انهارده على الغدا ي آسر اوعااا ماتجيش ازعل منك.
آسر بمكر و هو باصص ناحيه الباب: اه طبعا هاجي ان شاء الله بس اخلص تدريب للطلاب.
مايا: اوك ي آسوره.
آسر حاول ان يخفي غضبه لانو مش بيحب حد يدلعو و بذات مايا و لكنه رأى سلمى تقف ناحيه الباب و تستمع الى حديثهم و الدموع تنهمر على وجهها من كتر الصدمه و جرت بسرعه على تحت علشان ماحدش يشوفها.
آسر جوه بزفير: اوووف هضطر إني اروحلها انهارده علشان الست هانم سلمى.
سلمى نزلت تحت لقت صحابها بيكملو تدريب وقفت معاهم و حاولت تداري كل ده و لكن ملاك و شمس فاهمينها و عارفينها و حافظينها من و هي صغيره.
ملاك: مالك ي سلمى في حاجه ولا ايه؟!
سلمى و هي تحاول ان تتماسك: لا مافيش حاجه يلا نكمل تدريب.
شمس: ازاى يعني مافيش حاجه باين عليكي خالص إنك معيطه.
ملاك فهمت الموضوع و قالت: آسر صح؟؟؟ انطقي.
سلمى هزت راسها بنفي.
ملاك: لا هو قولي عمل ايه اخلصي.
سلمى حكت لهم كل ما حصل.
و…… بس كده.
ملاك بغيظ: هتفضلي خايبه كده لحد امتااا قولتلك انسيه انتي نسيتي هو عمل ايه فيكي وانتو صغيرين انسي بقااا انسيه.
صوتهم بدأ يعلى في المكان و الكل باصص عليهم.
شمس: اهدو ي جماعه ماينفعش كده كلو عمال يتفرج علينا لما نطلع نبقا نتكلم.
هدووا و كملو تدريبهم و كان يوم صعب جداا عليهم.
شمس: جماعه هنبدأ نحضر امتا للمشروع لأن مش فاضل غير اسبوع على الامتحانات و مش هنلحق حتى نزاكر.
ملاك: انا عن نفسي عندي الفكره بس ناقص التصميم بس.
سلمى: ايه هي؟!
ملاك:……
شمس و سلمى: عجبتني بالتوفيق انشاء الله بس انتي فكرتي فيها امتااا احنا لسه عارفين الموضوع ده انهارده.
ملاك: كنت شايفه شغل كان عايز تصاميم ف فكرت و قولت خلاص يبقا هو ده و جيت اقدم لقيتهم قالو خلاص كده مش عايزين تاني احنا اكتفينا بالديكورات اللي جت لنا قولت متعوضه في مكان احسن.
سلمى: طب يلا نروح احنا كده خلصنا تدريب.
ملاك: انا هدخل الحمام اظبط هدومي و اجي.
شمس: خلاص انا و سلمى هنروح نجيب العربيه من المبنى التاني و هنستناكي قدام الباب ماتتأخريش.
ملاك: تمام باي
و مشت و بعد وقت قصير.
طلعت ملاك من الشركه و فجأه لقت عربيه جايه واقفه قدامها و خدرتها و اخدتها و مشت.
سلمى و شمس صوتووو و مابقوش عارفين يعملو ايه!!؟
سلمى دخلت الشركه جري عماله تدور على آسر مش لاقياه لقت علي قدامها.
سلمى و هي بتعيط و مش عارفه تاخد نفسها: الحق…. ملاك…. ي علي والنبي الحقها…..
علي بخوف: مالها ملاك في ايه اهدي و قولي في ايه؟!
سلمى حكتلو اللي حصل….
علي: شوفتي وش حد او نمره العربيه.
سلمى بتذكر: لا ماشوفتش حاجه وقعدت تعيط.
علي خدها بره: قومي انتي روحي وانا هتصرف و هجيب الكاميرات و هشوف انا هعمل ايه و الله العظيم ما هرحم اللي عمل كده و هرجعهالك وعد مني.
سلمى و شمس روحو البيت و اهل ملاك مش عارفين يعملو ايه و بلغو البوليس و علي شاف الكاميرات لقى انو يعرف العربيه و الشخص ده و قال والله مانا راحمك ي……
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند آسر في الڤيلا عند مايا و بباها.
نادر: نورتونا والله.
محمود: بنورك ي نادر باشا.
مايا بمياصه: الاكل جاهز اتفضلو.
و بعد مرور وقت قصير الكل خلص اكل و شربو الشاى.
نادر: أيه رأيك ي أستاذ محمود نخطب مايا لآسر.
آسر شرق و مايا جابتلو ميه.
و آسر بقا مصدوم و مش عارف يقول ايه!!
و بباه رحب جدااا بالفكره.
و آسر قال:….
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند نورين الكل روح و نورين راحت البيت لقت مامتها تعبانه جدااا و الشغالين جابولها الدكتور اللي ساكن جنبهم و لمااا دخل.
نورين بصدمه: هووو انتتتت…….
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند سلمى في البيت قامت وقفت بسرعه و افتكرت كل كلمه قالها الخاطف لملاك و قامت جري رنت على علي….
سلمى بعياط: الوو ي علي.
علي: انا عرفت مين؟ بس ناقص اعرف المكان والله لندمو على اللي عملو.
سلمى بفرحه: وانا كمان عرفت مين؟
علي: لو تعرفي عنو اي حاجه ياريت تقولي.
سلمى: ايوااا ……
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
و بكده يكون خلص البارت ي حبايبي ياريت تشجيع كتيررر علشان انزلكم البارت التاسع بليل إن شاء الله.
يا ترا هيطلع مين الخاطف و سلمى قالت ل علي ايه؟!
و آسر هيعمل ايه ي ترا هيوافق ولا لأ.
و علي ي ترا يعرف ملاك منين و خايف عليها كده ليه و هتبدأ قصه حب بينهم ولا لأ.
و نورين مين الدكتور اللي دخلهم و هي اتصدمت لما شافتو.
- يتبع الفصل التالي اضغط على ( رواية القدر ) اسم الرواية