رواية غرام الفارس الفصل الخامس والثلاثون 35 - بقلم هبة ابو بكر

 رواية غرام الفارس الفصل الخامس والثلاثون 35 - بقلم هبة ابو بكر

فهد : بحبك يا فرح بحبك

لتنظر له فرح بصدمه من اعترافه لها

لتقترب منه فرح و هو تقول

فرح : و انا كمان يا فهد بحبك اووي و

لم يتركها فهد تكمل حديثهاا ليقترب منها و يقبلها بنهم شديد ليغوصا معا في بحور العشق

………………………………………………………..

بعد ان رحلت شهد من المنزل صعد اسر للغرفه و ظل يسير بها ذهابا و ايابا و هو يشتعل من الغضب من نفسه و من ندي ليشد علي خصلات شعره بندم و هو يتذكر كيف قام بصفع شهد ليجز علي اسنانه و يخرج من غرفته

حمديه : انت رايح فين يا اسر اوعي تجولي انك رايح ورا اللي ما تتسمي دي بت قليله ربايه انا مش عارفه عجبك فيها ايه

اسر بغضب : امي لو سمحتي متكلميش عنها كده

و كاد يذهب من امامها لتجذبه من ذراعيه

حمديه : انت رايح فين بجولك

اسر و هو ينزع ذراعيه من قبضه والدته : رايح اوقف بنت اختك عند حدها عشان هي زودتها اووي

ليخرج من امامها سريعا و يتجاهل مناداتها المستمره له و ملاحقتها له

لتتنهد بغيظ و تدخل المنزل مره اخري

و بعد مرور بعض الوقت

وصل اسر منزل خالته لينزل من سيارته و هو لا يري امامه من شده غضبه

ليطرق الباب بعنف و تفتح له الخادمه

اسر بصوت عالي : ندي ندي

ليخرج والداها من غرفه المكتب علي صوته العالي

والد ندي : في ايه يا اسر بتنادي كده ليه و عاوز ايه من ندي

ليري خالته تنزل برفقه ندي و تقترب منه

اسر بغضب و هو يقترب بخطواته من ندي

اسر : انت عاوزه ايه مني بالضبط ها عاوزه تخربي حياتي ليه و تدميرها فكرك لما تعملي كده انا هرجعلك بتحلمي يا ندي انا مبأخدش بواقي حد و حيلك و مخططاتك الوسخه دي متتعملش معايا فهمه

كانت ندي تقف مصدومه من حديثه لم تكن تتوقع ان يكون غضبه بهذا الشكل فهي كل ما تحاول فعله ان تسترده لها فهي تراه ملكا لها

نعمه بغضب : فيه يا اسر بتزعق في البت كده ليه

والدها بغضب : انا بنتي الف واحد يتمناها و

ليقاطعه اسر : و انا مش من الالف دول و ياريت تبعد بنتك عني و عن مراتي و انتي يا خالتي ياريت تعيدي تربيتها تاني

ليغض والدها من كلماته و حديثه

والدها : انا بنتي متربيه يا اسر و اللي عاوز ربايه ده يبقا انت لما تيجي بنت خالتك و جوز خالتك و تعلي صوتك عليهم بالطريقه دي و تهينهم في بيتهم و

قطع اسر حديثه للمره الثانيه و هو يردف بسخريه

اسر : انا محترم و متربي يا جوز خالتي الدور و الباقي بقا علي اللي تدخل اوضه شاب عازب و تعرض نفسها عليه

لتغمض ندي عينيها بقهر فأخر شئ كانت تتوقعه هو ان يخبر والديها بهذا

اسر : لا و مش بس كده رايحه تقول لمراتي انها كانت معايا في اوضتي يعني بتشوه صورتها و سمعتها بنفسها

والدها بصدمه : انت بتقول ايه انا بنتي مستحيل تعمل كده

اسر بصرامه : اهي عندك اسئلها اذا كان عملت كدا فعلا و لا لا

نظر لها مره ليجد دموعها تنهمر و لكنه لم يبالي لها ليحذرها مره اخري و يقول بصرامه : ابتدي عني يا ندي ابعدي عني و عن مراتي احسنلك

………………………………………………………..

كان شهد بغرفتها تتسطح علي الفراش فهي قد وصلت المنزل منذ حوالي ساعتين و كانت شارده تتذكر ما حدث اليوم معها لتتجمع الدموع بمقلتيها عندما تذكرت كيف قام اسر بصفعها لتفيق علي صوت والدتها

ناديه بتسئاول : لسه برضو مش هتقولي ايه اللي حصل و سبتي بيت جوزك ليه

شهد و هي تعتدل بمكانها : انتي دخلتي امتي يا ماما مخدش بالي

ناديه : لسه دلوقتي و خبطت عليكي بس انتي مردتيش

ايه اللي حصل يا شهد ؟

شهد : مش عاوزه اكلم يا ماما لو سمحتي

دخلت غرام و جميله الغرفه فهم يريدون التخفيف عن شهد و اخراجها من حالتها تلك

غرام بمرح : خلاص يا طنط سبيها براحتك و هي لوحدها هتيجي تقولك

نظرت لها ناديه فغمزت غرام لها لتفهم ناديع عليها و تبتسم لابنتها و اقتربت منها و قبلتها بوجنتها

ناديه و هي تمسد علي وجهها : وقت متحبي تكلمي انا موجوده

مسكت شهد يديها و قامت بتقلبيها : ربنا يخليكي ليا يا ماما

لتبتسم لها و تخرج من الغرفه

جميله بمرح و هي تجلس بجانبها : جرا يا ست شهد مش متعودين منك علي الهدوء ده بركاتك يا سي اسر

لتجز شهد علي اسنانها : محدش فيكو يجيب سيره الحيوان ده

غرام و تجلس بجانبها و تمسد علي بطنها : لا مدام فيها حيوان يبقا الموضوع كبير عملك ايه قولي

لتنظر شهد لهم : هقولكم بس عارفين لو قولتو حاجه

غرام : مش هنقول قولي بقا

نظرت شهد لجميله : طب قومي اقفلي الباب

نهضت جميله سريعا و اغلقت الباب و رجعت مكانها مره اخري

لتقص شهد عليهم ما حدث

لتشهق جميله و تضع يديها علي فمها : مد ايده عليكي الحيوان

غرام : استني يا جميله انتي متخلفه يا شهد

شهد باستغراب : انتي بتشتميني انا يا غرام

غرام : ايوه اشتمك و اديكي علي دماغك

جميله : ليه بقا يا ست غرام

غرام بتوضيح : يعني هي عارفه ان ندي دي بتحبه و عارفه انه امه مش بتحبها و عايزاه يجوز بنت اختها فهي بدل تلعبها صح رايحه تديهم اسر علي الجاهز المفروض كنتي هديتي و كلمتيه بالعقل بطريقتك المشعننه دي و كلامك ده امه خلتيه مستحملش و مد ايده عليكي معأنك لو كنتي اكلمتي بهدوء كان الموضوع اتحل و اسر كان وقف امه و بنت خالته الملزقه دي عند حدها

شهد : بقولك ضربني يا غرام

غرام بدفاع : انا مبقولش انه مش غلطان بالعكس هو غلطان عشان مسمعش منك و طلع يحاسبك علطول و كمان غلط لما مد ايده عليكي و انتي كمان غلطتي لما اتكلمتي باسلوبك المستفز ده و غلطتي في امه و في عيلته كلها قدامه اي واحد مكانه كان هيعمل اللي عمله انتي بقا خدي بالمسايره و كنتي انتي اللي هتكسبي و هتحرقي دمهم و في نفس الوقت اسر في صفك

شهد بتأفف : يوووه بقا يا غرام اهو اللي حصل

جميله : غرام معاها حق المهم هنعمل ايه دلوقتي

غرام : احنا مش هنعمل حاجه و لا هي كمان

جميله : اومال

غرام : اسر اللي هيعمل

شهد بسخريه : بجد والله هيعمل ايه اكتر من اللي عمله

غرام : يا بت خو احنا نقول ثور تقولي احلبوه

جميله : طب قولي يا ست المحلله

غرام : انا شايفه ان اسر مش هيستحمل بعاد شهد و هيجي عشان يصالحها و يعتذرلها و انتي لما يجي متزوديهاش و اكلمي بهدوء

لتتنهد شهد و تصمت

فمسكت غرام يديها : انتي بتحبيه يا شهد و لا لا

لتنظر لها شهد و تبتلع ريقها : مش عارفه يا غرام بس انا لما كنت بشوف بنت خالته دي جمبه مكنتش بستحمل و كنت ببقا عاوزه اولع فيها

غرام بابتسامه : تبقي بتحبيه انتي بس مش عاوزه تعترفي لنفسك

جميله : و انا شايفه كده برضو و لازم بقا تقربو من بعض يا شهد و تديلو فرصته

شهد : ماشي بس يكون في علمكو انا مش هقبل اعيش في البيت ده تاني عاوزني ينقلني بيت لوحدي انا مش هقعد مع امه العقريه دي تاني هاا و الاقيلك كل شويهواختها و بنتها جايين و طبعا انا مش هقدر اكلم

غرام : اللي يريحك اعمليه

يلا بقا ننزل لحسن انا هموت من الجوع

لتضحك كلا من شهد و جميله عليها.

غرام : ممكن اعرف بتضحكو علي ايه

شهد : انتي مش لاحظه انك بقيتي علطول جعانه

غرام : ما لازم ابقا جعانع علطول انا شايله حوايا اتنين يا ام مخ تخين انتي

جميله : طب يلا يا حلوه انتي و هي

لينزلوا لاسفل ليجدو اسر مع فارس

غرام بهمس : الحقي يا بت يا جميله ده مستحملش لبكره

جميله بضحك : الحب ولع في الذره يا غرام

لتلكزهم شهد : و النبي تنقطيني بسكاتك انتي و هي

لينزلوا لاسفل و يقتربوا من اسر و فارس

فارس : شهد اسر عاوز يكلم معاكي شويه

لتؤما له شهد اما اسر فكانت عينيه معلقه بها لا يزيحها من عليها

فارس : اسر تدخلوا اوضه المكتب عشان تكلموا براحتكو

اسر : ماشي

ليشاور لها لتتقدمه و يدخل معها غرفه المكتب

لتجلس شهد علي الاريكه لتجد اسر ينحني بجانب ركبتيها و يقبل يديها : انا اسف يا شهد عشان مديت ايدي عليكي بس انتي نرفزتيني

لتنزع شهد يديها منه : انت اللي مدتنيش فرصه اكلم او اشرحلك حاجه سمعت من الوالده اللي سخنتك عاليا و طلعت مش طايقني

اسر و هو يمسك.يديها مره اخري : انا بعترف اني اتسرعت و بعترف اني غلطت و عارف اني انتي مكنش قصدك تغلطي و ان دي طريقتك في الكلام بس لما هنتي اني قدامي مقدرتش امسك نفسي و فقدت السيطره عليها و ايدي اترفعت عليكي

شهد و هي تنظر داخل عينيه لتجد.نفسها تقول تلقائيا : و انا كمان اسفه عشان الطريقه اللي كلمتك بيها كان ممكن اكلم بطريقه اهدا من دي بس اعمل ايه انا متعوده اتكلم كده و انت نصيبك وقعك في واحظه زي

ليقترب منها اسر : يعني خلاص مسمحاني

لتبتلع ريقها : ايوه مسمحاك

ليحتضنها اسر بعشق و يقول بمرح : اومال كان لازمتها ايه بقا تسيبي البيت

شهد.و هي تخرج من احضانه : مهو في موضوع عاوزه اكلمك فيه

اسر بجديه : اكلمي يا شهد

شهد : انا مش عاوزه اعيش في البيت ده تاني

انا عاوزه بيت خاص بيا مش كل شويه الاقي حد يقولي اعمل و متعمليش

ليتنهد اسر : ماشي يا شهد اما دام اللي هيريحك هعمله

لتنظر له شهد.فهي لم تكن تتوقع بانه سيوافق بتلك السهوله

شهد : بجد يا اسر يعني انت موافق

اسر بابتسامه : طبعا موافق

لتقترب منه شهد.و ترتمي داخل احضانه ليبادله اسر و احتضانها بقوه و دفن وجهه في خصلات شعرها

لتبتعد عنه : طب يلا بينا بقا نخرج نتعشا معاهم

و كادت تخرج لتجده يجذبها و يدفعها علي الحائط و يحاصرها بذراعيه لتقول بتلعثم : انت مش جعان و لا ايه

اسر بخبث : مين اللي قال ده جعان اوي و هحلي قبل ما اكل كمان ليقترب منها و يقبلها بنهم شديد ليبتعد عنها بعد مرور بعض الوقت و هو يسند جبينه علي جبينها

اسر : بعشقك يا شهد

لتنظر شهد.لعينيه لا تصدق اذنيها : انتي بتحبني يا اسر

اسر بابتسامه : مكنتش اجوزتك يا شهد انا اتجوزتك عشان انتي من ساعه مشوفتك و انتي مسيطره علي تفكيري و عقلي و قلبي ليشاور علي قلبه

شهد بابتسامه : و انا كمان يا اسر انت مش متخيل انا كنت بغير عليك ازاي لما كنت بشوف ندي دي واقفه معاك و كله كوم و لما سمعت كلامكو في المكتب كوم تاني كنت هتجنن عشان كده اتهورت و عملت اللي عملته

ليبتسم تسر لها و يميل عليها مره اخري و يقبلها بنهم

ليبتعد عنها حتي يلتقطون انفاسهم

شهد بخجل : يلا بينا نخرج احنا اتاخرنا اوي

ليبتسم لها اسر : يلا

ليخرج معها من غرفه المكتب و يتجهون ناحيه الطاوله ليتناولون طعامهم مع باقي العيله

ليجلسون علي الطاوله بجانب بعضهم و تسعد العائله لمصالحه اسر لها

زينه : الا قولي يا فارس هو انت عندك كام سنه

لتجز غرام علي اسنانها

غرام : بتسئلي ليه يا حبيبتي عندك ليه عروسه و لا ايه

زينه و هي تبتلع طعامها و تقول بلامبالاه : لا ابدا بس اصلي حاسه انك اكبر عشان كده بسئل

لتشرق جميله

جميله : كحححح لا يا زينه غرام اصغر من فارس بكتير

زينه و هي تزم شفتيها : اوكي معأني مش مقتنعه

شهد بغيظ : جرا يا ختي مقالتلك اصغر منه و بعدين ان شاء الله ما عنك اقتنعتي اصلا انتي مالك

لتنظر لجميله : هي مين البت دي

جميله : دي صاحبتي يا شهد و قاعده يومين و هتمشي

زينه ببرود : مبقاش يومين يا بيبي مديت اجازتي اسبوعين كمان انتي مش متخيله انا حبيت المكان هنا ازاي

شهد : طب حلو شوفيلك فندق تنزلي فيه بقا و لا اجري شقه اصل قعدتك هنا مش لطيفه و الناس ممكن تكلم

ناديه بتحذير : شهد

شهد : ايه في ايه مش بقول الحقيقه

زينه : هو انت مبتكلمش ليه يا فارس

فارس بابتسامه لم تصل لعينيه : اصلي مبحبش اكلم كتير

اسر بضحك : مين ده اللي مبيحبش تكلم انت ده انت رغاي رغي السنين

لتنتبه زينه لخفه دمه و لوسامته التي لم تنبته لها لتركيزها مع فارس

لتلاحظ الفتيات نظراتها لاسر

غرام بضحك : قولي علي صاحبتك يا رحمن يا رحيم

جميله : يا حبيبتي يا زينه هتوحشيني والله

شهد.بغيظ لاسر : و انت مالك انت متسكت و تنقطنا بسكاتك

زينه بابتسامه و دلال مصتنع : هو انت من العيله برضو

كاد يرد اسر

لترد شهد و هي تنهض.من مكانها : جرا يا ختي هو انتي خلصتي مع فارس جه دور اسر بت انتي انا مش مرتحالك و ايه يا بت اللبس.ده مش مكسوفه و انتي لابساه لا لابساه ايه ده مسموش لبس ده قميص نوم

لم تستطع غرام منع ابتسامته اكثر من ذلك

غرام : ههههههههه لا مش قادره خلاص يخربيتك ايوه يا شهد اديها كمان

فارس بتحذير : غرام

شهد خدي جوزك و اطلعي فوق

زينه بسماجه : اه هو جوزك طب متقولي.كده من بدري بس تصدقي.شكلك كبير عليه برضو

لم تستطع شهد الصمود اكثر من ذلك لتزيح الكرسي و تهجم عليها و تجذبها من خصلات شعرها

شهد : جرا يا بت يا ملزقه انتي ده انتي حطه ٢ كيلو بودره علي وش امك و مكلمناش

لينهض الجميع يحاولون فض الشجار ما عدا غرام التي استمتعت كثيرا بما تفعله شهد.و ظلت تضحك بمكانها

اسر و هو يحملها : خلاص يا شهد.سيبك منها

جميله : خلاص يا شهد حقك عليا انا

فارس : بس يا شهد جدك هيصحي علي صوتك اقومي.اسر خد مراتك و اطلع فوق

ليحملها اسر و يصعد بها الغرفه و اغلق الباب خلفه

شهد بغضب : نزلني يا اسر عشان اربيها بني ادمه وقحه

اسر و هو ينزلها علي الفراش : خلاص يا شهد اهدي انتي عملتي الواحب و زياده

شهد.و هي تعض يديها : اه بقا انا شكلي اكبر منك و غرام شكلها اكبر من فارس اومال هي تبقا ايه لما احنا شكلنا كبير

اسر. هو يقترب منها و يحاصر و جهاا بين يديه : خلاص بقا يا شهد

لتتنهد شهد محاوله تهدئه نفسها : خلاص انا هديت

اسر : اكيد

شهد : اها

ليقترب اسر منها و ينظر لها بنظرات راغبه : متاكده انك.هديتي

شهد : ايوه يا اسر هديت خلاص

ليقترب منها اسر و يقوم بمحاصراتها و تقبيلها لتتعلق شهد برقبته و تبادله قبلته ليتحرك بها ناحيه الفراش و يقضون اول ليله لهم سويا

………………………………………………………..

في صباخ يوم جديد

كان الجميع يفطر علي مائده الافطار

نبيل و هو ينظر لابنه : حامد عاوز اكلم معاك شويه بس لما تخلص فطار

ليغمض حامد عينيه و ينظر لابنته ليجدها تهز له راسها حتي يوافق و لا يخجل نبيل

حامد : ماشي

غرام بخبث : اومال فين صاحيتك.يا جميله

جميله : مبقتش صاحبتي خلاص قطعت علاقتعا معايا امبارح بعد اللي حصلها من شهد و مشيت انهارده الصبح

غرام بفرحه : ايه مشيت بجد

جميله : اها بحد

نبيل بتسئاول : شهد عملتلها ايه امبارح

صمت الجميع لم يعرفوا بماذا سيخبروه ليجدو الخادمه تدخل و تخبرهم ب

زينب : فرح هانم بره و عاوزه تقابلكو

يتبع......

  •تابع الفصل التالي "رواية غرام الفارس" اضغط على اسم الرواية