رواية بدون احساس الفصل الثاني 2 - بقلم روعة الخيال
اللهم صل علي محمد
منصور: بتجول إيه يا مخبول انت
تركهم و يمسك عصا طويلة و ركبها كالحمار و جري و هو يقول، كله سلف و دين
ضرغام: سيبك منيه، واد مخبول، ميستحجش تديله أي اهتمام.
/////_//////
ثاني يوم بعد العصر حيث كتب كتاب وردة و مراد، بعد أن انتهي المأذون، و الكل يبارك لمراد،.
دخل سليم: شكلي ملحجتش ابجي شاهد
مراد: بسيطة، أطلجها
خليل : كنك انخبلت
مراد: دايما ظالمني يا حج، آني حضحي بسعادتي، حطلجها يومين تلاتة جول سنة و اكتب عليها من جديد عشان سليم و حاتم يشهدوا علي العجد
ضحك حاتم: دايما فاضحنا كده
سليم بضحك: والله كتبو كتابك يا مرمر
مراد بغيظ: اتريجوا اتريجوا، مسيركم تجعوا نفس الوجعة
حاتم: أمال الفرح ميتا يا عمي
خليل: الخميس اللي جاي لا الخميس اللي وراه
مراد: أنا مشفتش امي ليه من الصبح، مش مفروض انهاردا كتب كتابي و تصوتلي
عبدالعزيز والد وردة: واه
مراد بخوف: دايما فاهمني غلط، أقصد تزرغد، كله جاي من بعض، بس فرج اللحن.
اللهم صل علي محمد
ليلا حيث يسهر الشباب
مراد: حترجعوا اسكندرية ميته
سليم: معاك لحد الفرح
مراد: واه و مين حياخد باله من الشغل
حاتم: أنا حروح امر كمان يومين، و سليم كلف أستاذ منصف يبقي مكانه لحد ما نرجع و حنباشر معاه علي النت، و أساسا اليومين دول مفيش شغل كتير
مراد: بس اول مرة تاخدوا أجازة طويلة كده
سليم: مش اجازة أوي حنجهز لحفل افتتاح مصنع رضا باشا البوس الكبير
مراد: و انتم مالكم و مال مصنعه
اللهم صل علي محمد
سليم: أنا نفسي اشوفه بأي طريقة
مراد بصدمة: هو حياجي بنفسه
حاتم: أيوه، واه حتي آني نفسي أتعرف عليه، و ميته الافتتاح ده
سليم: بعد يومين الخميس الجاي
يأتي إليهم فهد شاب طويل يميل للسمرة يرتدي جلباب أبيض و عمة بيضاء: سالخير عليكم يا شباب
وقف حاتم و احتضنه: كيفك يا خوي، بادله فهد الحضن: بخير و انت اخبارك
حاتم : بخير
فهد: سلمت علي ابوك
حاتم: رحت ملجتوش، جلس لجوارهم: صح كتبوا كتابك يا مراد
مراد: أيوه عجبال أولادك
فهد: تسلم يا خوي، عجبالك يا سليم انت اللي عليك الدور انت و حاتم
سليم بضيق: ان شاء الله
فهد: و مالك عتجولها من غير نفس
سليم بغضب: عاجبك اللي ابوك عامله في أهل البلد. يرضي ربنا لو تعرفوه
فهد: و هما كانوا اشتكولك
سليم: و هي محتاجة شكي، ما الوضع علي عينك يا تاجر، و من زمان
فهد: أديك جلت من زمان، فينهم أهل البلد ، راضيين و ساكتين خليك انت بجا فحالك
سليم: راضيين ليه، خايفين علي عيالهم، لو حد جرب اعترض تاني يوم حيفجد ولده
اللهم صل علي محمد
وقف فهد بضيق: عن إذنكم، الجعدة هنا تخنج////////
اللهم صل علي محمد
وصل فهد منزله منزل كبير من ثلاث أدوار و يحيطه حديقة كبيرة التي يحيطها سور عالي، صعد لشقته بالدور الثاني فتح الباب، جري عليه طفله ذو الثلاث سنوات، حمله بفرحة و توجه للداخل ينادي زوجته: شادية، يا أم زين
خرجت له شادية، فتاة جميلة بطنها ممتلأة : حمدالله علي السلامة يا عيون أم زين
فهد: أحلي مسا عليكي، كيف حالك
جلست بتعب: عيالك تعبني جوي يا سيد الناس، شكلهم مستعجلين عاوزين يطلعوا يلعبوا
جلس أمامها علي ركبته، و وضع اذنه علي بطنها: واه، دا كأنهم بيتعاركوا جوه
زين: انا كمان عاوز اسمع
فهد: عيب يا ولد امايتك انا بس اللي المسها
ضحكت بصوت عالي و انهتها بتاوه: ههههه هههههه اه، بتغير من ولدك يا جلبي، ثم سمع صوت خبط علي الباب، وقف فهد و فتح، وجد حكمت الخادمة: سيدي ضرغام بيه عاوز زين، جري زين إليها: هيييه جدوا جه، فحملته و انصرفت، أغلق فهد الباب و دخل، وجدها متضايقة
جلس علي الكرسي بصمت
شادية: بالله عليك يا فهد ، لو ليه غلاوة عنديك، شوفلنا بيت تاني غير اهنيه
فهد: انت عارفة، ان اللي بتجوليه دا مستحيل، و بعدين إيه اللي مزعلك، جده و فرحان بيه، و بيشتاجله، إيه المشكلة
شادية: انت خابر اني اجصد إيه، امبارح نزلت، لجيته ممسكه السلاح، و يجوله انت دراعي اللي حضرب بيه لما اعجز
اذا كان انت يا فهد، نفسي تبعد عن افتري ابوك، تجوم تسيب ولدنا يدخل نفس الدايرة. روعة الخيال
فهد: يوووه، اني داخل أنام
اللهم صل علي محمد
يوم افتتاح مصنع رضا عزام، معروف أنه من أكبر رجال الأعمال علي مستوي العالم، و سليم يشرف بنفسه علي كل صغير و كبيرة و معه حاتم، يرن الهاتف: أهلا مستر ، جون، لا متجلجش كل حاجة تمام، الوزير و المحافظ علي وصول، و المفروض يكون البوس الباشا في انتظاره، داخلين علينا تمام، آني واجف جدام المصنع، ثم رأي سيارة فخمة طراز حديث داخلة عليه، نزل جون الذي كان يجلس بالأمام مع السائق اولا، ثم نزلت فتاة من الخلف جميلة ترتدي فستان كشمير بحزام اسود و ترتدي قبعة و نظارة، يذهب جون للباب الآخر ليفتح للبوس، فتظهر المفاجأة البوس، ليس رجلا و لكن امرأة جميلة جدا ترتدي بدلة نبيتي اسفلها قميص ابيض و لها كرافات فضي، و شعرها الأسود علي شكل كعكة كبيرة من الخلف، شديدة بياض البشرة تزين وجهها حسنة اسفل، ذقنها لجهة اليسار. روعة الخيال
اللهم صل علي محمد
سلم جون علي سليم الذي يقف كالأبله: هو فين البوس، أشار جون إلي رضا التي تقدمت منهم: أهلا باشمهندس سليم
سليم: انتم كنتم بتخدعونا ولا إيه.
جون: خدعناك في إيه، احنا قلنا البوس رضا باشا عزام، و دا لقبها علي مستوي العالم
سليم بغضب: يعني أنا كنت حفض الشغل عشان ، مش عاجبني يتحكم فيا راجل معارفهوش، تطلع كمان مرة ، ست اللي عاملة فينا كده.
- يتبع الفصل التالي اضغط على ( رواية بدون احساس) اسم الرواية